Adhikarana aShTA~ggasaMgraha-shArIrasthAne-caturtho~adhyAyaH atha garbhavyApannAma caturtho~adhyAyaH pratij~jA (1) · Śloka 1
అథాతో గర్భవ్యాపదం వ్యాఖ్యాస్యామః| ఇతి హ స్మాహురాత్రేయాదయో మహర్షయః||1||
अथातो गर्भव्यापदं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana garbhiNyAH sashUle puShpadarshane cikitsAkramaH (2) · Śloka 2
స్త్రీ చేదాపన్నగర్భా పరిహార్య్యాణ్యాసేవేత| తతశ్చ యస్యాః బస్తిపార్శ్వశ్రోణియోనిముఖేషు శూలం పుష్పదర్శనం చ స్యాత్ తాం మృదుసుఖశిశిరాస్తరణశయనస్థామీషదవనతశిరసం శీతప్రదేహపరిషేకాదిభిరుపాచరేత్||2||
स्त्री चेदापन्नगर्भा परिहार्य्याण्यासेवेत| ततश्च यस्याः बस्तिपार्श्वश्रोणियोनिमुखेषु शूलं पुष्पदर्शनं च स्यात् तां मृदुसुखशिशिरास्तरणशयनस्थामीषदवनतशिरसं शीतप्रदेहपरिषेकादिभिरुपाचरेत्||२||
🔊 Audio coming soon
Adhikarana cikitsAvisheShAH (3) · Śloka 3
తద్యథా-సహస్రధౌతేన సర్పిషాఽధోనాభేః సర్వతః ప్రదిహ్యాత్| మధుకసిద్ధసర్పిషా సుశీతేన పిచుమాప్లావ్య యోనిసమీపే స్థాపయేత్| గవ్యేన పయసా మధుకాంబునా న్యగ్రోధాదికషాయేణ వ పరిషేచయేత్| పరిపీతతత్స్వరసాని చ తైలాని యోనౌ నిధాపయేత్| తచ్ఛృంగసిద్ధస్య వా క్షీరసర్పిషః పిచుం||3||
तद्यथा-सहस्रधौतेन सर्पिषाऽधोनाभेः सर्वतः प्रदिह्यात्| मधुकसिद्धसर्पिषा सुशीतेन पिचुमाप्लाव्य योनिसमीपे स्थापयेत्| गव्येन पयसा मधुकाम्बुना न्यग्रोधादिकषायेण व परिषेचयेत्| परिपीततत्स्वरसानि च तैलानि योनौ निधापयेत्| तच्छृङ्गसिद्धस्य वा क्षीरसर्पिषः पिचुम्||३||
🔊 Audio coming soon
Adhikarana garbhiNyAH raktAtisrAve cikitsA (4) · Śloka 4
అతిస్రవతి తు రక్తే తత ఏవ అక్షమాత్రం ప్రాశయేత్| కేవ లాదేవ వా క్షీరసర్పిషః| పద్మోత్పలకుముదకింజల్కం చ సమధుశర్కరం లేహయేత్| ధాతకీగైరికిసర్జరసాంజనచూర్ణం వా మధునా| న్యగ్రోధా దిత్వక్ప్రవాలకల్కం వా| శశైణహరిణరుధిరం వా సక్షౌద్రం పాయయేత్| ఋద్ధివిదారీజీవంతీర్వా పయసా| నీలోత్పల సితాపక్వలోష్ఠచందనాది వా| తండులాంబువాసారసాన్య తరేణ| గంధప్రియంగుసితోత్పలశాలూకోదుంబరశలాటున్య గ్రోధశృంగాని వాఽఽజేన పయసా| కశేరుకమృణాలకశృంగాటకకాశ్మర్యపరుషకద్రాక్షాసారి వాప్రపౌండరీకానంతోత్పలకదంబబీజక్వాథేన వా శర్క రామధుమధురేణ శాలిచూర్ణం| జీవనీయశృతం వా క్షీరం| బలాతిబలాశాలిషష్టికేక్షుమూలకాకోలీశృతేన పయసా సమధుశర్కరేణ రక్తశాల్యోదనం సుశీతం భోజయేత్| శీత వీర్య్యజాంగలరసేన వా| రక్తపిత్తక్రియాశ్చ శోధనవర్జ్యాః ప్రయుంజీత| సౌమ్యాశ్చ మనోఽనుకూలాః కథాః||4||
अतिस्रवति तु रक्ते तत एव अक्षमात्रं प्राशयेत्| केव लादेव वा क्षीरसर्पिषः| पद्मोत्पलकुमुदकिञ्जल्कं च समधुशर्करं लेहयेत्| धातकीगैरिकिसर्जरसाञ्जनचूर्णं वा मधुना| न्यग्रोधा दित्वक्प्रवालकल्कं वा| शशैणहरिणरुधिरं वा सक्षौद्रं पाययेत्| ऋद्धिविदारीजीवन्तीर्वा पयसा| नीलोत्पल सितापक्वलोष्ठचन्दनादि वा| तण्डुलाम्बुवासारसान्य तरेण| गन्धप्रियङ्गुसितोत्पलशालूकोदुम्बरशलाटुन्य ग्रोधशृङ्गानि वाऽऽजेन पयसा| कशेरुकमृणालकशृङ्गाटककाश्मर्यपरुषकद्राक्षासारि वाप्रपौण्डरीकानन्तोत्पलकदम्बबीजक्वाथेन वा शर्क रामधुमधुरेण शालिचूर्णम्| जीवनीयशृतं वा क्षीरम्| बलातिबलाशालिषष्टिकेक्षुमूलकाकोलीशृतेन पयसा समधुशर्करेण रक्तशाल्योदनं सुशीतं भोजयेत्| शीत वीर्य्यजाङ्गलरसेन वा| रक्तपित्तक्रियाश्च शोधनवर्ज्याः प्रयुञ्जीत| सौम्याश्च मनोऽनुकूलाः कथाः||४||
🔊 Audio coming soon
Adhikarana shoNitasrAvaM vinA bastyAdi shUle cikitsA (5) · Śloka 5
అదృష్టశోణితాం తు మధుకపయస్యాసురదారుభిః సిద్ధం పయః పాయయేత్| తామ్రవల్యశ్మంతకశతావరీపయస్యాభిర్వా| విదార్య్యాదిగణేన వా| శ్వదంష్ట్రాస్వరసక్షీరసిద్ధం వా సర్పిః| పలాండురససిద్ధం వా సక్షౌద్రం||5||
अदृष्टशोणितां तु मधुकपयस्यासुरदारुभिः सिद्धं पयः पाययेत्| ताम्रवल्यश्मन्तकशतावरीपयस्याभिर्वा| विदार्य्यादिगणेन वा| श्वदंष्ट्रास्वरसक्षीरसिद्धं वा सर्पिः| पलाण्डुरससिद्धं वा सक्षौद्रम्||५||
🔊 Audio coming soon
Adhikarana trimAsaM yAvadasrasrutau garbhasyAsAdhyatvam (6) · Śloka 6
అసంపూర్ణత్రిమాసాయాస్తు పుష్పదర్శనే గర్భః ప్రాయో న తిష్ఠ త్యసంజాతసారత్వాత్||6||
असम्पूर्णत्रिमासायास्तु पुष्पदर्शने गर्भः प्रायो न तिष्ठ त्यसञ्जातसारत्वात्||६||
🔊 Audio coming soon
Adhikarana AmAnvaye puShpadarshane cikitsopakramaH (7) · Śloka 7
ఆమాన్వయే చోర్ధ్వమపి విరుద్ధోపక్రమత్వాత్| తత్ర రూక్షశీ తాని ప్రయుంజీత||7||
आमान्वये चोर्ध्वमपि विरुद्धोपक्रमत्वात्| तत्र रूक्षशी तानि प्रयुञ्जीत||७||
🔊 Audio coming soon
Adhikarana tatra cikitsAvidhiH (8) · Śloka 8
తద్యథా-ప్రాగుపవాసం తతో దురాలభామృతోశీరపర్పటక ఘనచందనాతివిషాబలాకట్వంగధాన్యాకక్వాథపానం| తృణధాన్యశాలిషష్టికపేయామశనం చ ముద్గాదియూషైః| జితే త్వామే స్నిగ్ధశీతాని పూర్వవత్||8||
तद्यथा-प्रागुपवासं ततो दुरालभामृतोशीरपर्पटक घनचन्दनातिविषाबलाकट्वङ्गधान्याकक्वाथपानम्| तृणधान्यशालिषष्टिकपेयामशनं च मुद्गादियूषैः| जिते त्वामे स्निग्धशीतानि पूर्ववत्||८||
🔊 Audio coming soon
Adhikarana AmagarbhapAte cikitsA (9) · Śloka 9
ఆమగర్భే తు పతితే మద్యానామన్యతమం సామర్థ్యతః పాయయేత్| గర్భకోష్ఠవిశుద్ధ్యర్థమర్తివిస్మరణార్థంచ| అమద్యపాం పాచ నీయద్రవ్యోపహితాభిః స్నేహలవణవర్జ్యాభిః సతిలాభి రుద్దాలకాదియవాగూభిరుపాచరేద్ యావంతో మాసాస్తావంత్య హానీతి| తతః ప్రీణనైర్బలానురక్షిభిరస్నేహైరాహారైరాదోషధాతుక్లేద శుద్ధేః| ఆమగర్భశేషేణ హి పునః పునరకుశలమనుషజ్యేత| తస్మాత్ తీక్ష్ణైరనవశేషయన్నుపాచరేత్| తతః పరం స్నేహపానై ర్బస్తిభిరాహారైశ్చ దీపనీయపాచనీయజీవనీయబృంహణీయ మధురవాతహరైరితి||9||
आमगर्भे तु पतिते मद्यानामन्यतमं सामर्थ्यतः पाययेत्| गर्भकोष्ठविशुद्ध्यर्थमर्तिविस्मरणार्थञ्च| अमद्यपां पाच नीयद्रव्योपहिताभिः स्नेहलवणवर्ज्याभिः सतिलाभि रुद्दालकादियवागूभिरुपाचरेद् यावन्तो मासास्तावन्त्य हानीति| ततः प्रीणनैर्बलानुरक्षिभिरस्नेहैराहारैरादोषधातुक्लेद शुद्धेः| आमगर्भशेषेण हि पुनः पुनरकुशलमनुषज्येत| तस्मात् तीक्ष्णैरनवशेषयन्नुपाचरेत्| ततः परं स्नेहपानै र्बस्तिभिराहारैश्च दीपनीयपाचनीयजीवनीयबृंहणीय मधुरवातहरैरिति||९||
🔊 Audio coming soon
Adhikarana garbhasyopaviShTakopashuShkakasambhavahetuH (10) · Śloka 10
యస్యాః పునర్మహతి జాతసారే గర్భే వర్జ్యానామవర్జనాత్ పుష్ప దర్శనం స్యాదన్యద్వా యోనిస్రవణం| తస్యాస్తన్నిమిత్తం వాయుః ప్రకుపితః పిత్తశ్లేష్మాణౌ పరిగృహ్య గర్భస్య రసవహాం నాడీం ప్రతిపీడ్యావతిష్ఠతే| తతో నాడ్యాం దోషైః కుల్యాయామివ వహనాద్గర్భో వృద్ధిమనాప్నువన్నుపవిశత్యుపశుష్యతి వా||10||
यस्याः पुनर्महति जातसारे गर्भे वर्ज्यानामवर्जनात् पुष्प दर्शनं स्यादन्यद्वा योनिस्रवणम्| तस्यास्तन्निमित्तं वायुः प्रकुपितः पित्तश्लेष्माणौ परिगृह्य गर्भस्य रसवहां नाडीं प्रतिपीड्यावतिष्ठते| ततो नाड्यां दोषैः कुल्यायामिव वहनाद्गर्भो वृद्धिमनाप्नुवन्नुपविशत्युपशुष्यति वा||१०||
🔊 Audio coming soon
Adhikarana upaviShTakagarbhalakShaNam (11) · Śloka 11
తత్ర యస్యాః కాదాచిత్కార్త్తవపరిస్రావావల్పౌ చ దృశ్యేతే సతతం చ గర్భః ప్రాప్తాత్ పరిమాణాదపరిహీయమాన ఏవ స్ఫురతి| న చ కుక్షిర్వివర్ధతే, తముపవిష్టకమిత్యా చక్షతే||11||
तत्र यस्याः कादाचित्कार्त्तवपरिस्रावावल्पौ च दृश्येते सततं च गर्भः प्राप्तात् परिमाणादपरिहीयमान एव स्फुरति| न च कुक्षिर्विवर्धते, तमुपविष्टकमित्या चक्षते||११||
🔊 Audio coming soon
Adhikarana upashuShkakagarbhalakShaNam (12) · Śloka 12
యదా తు ప్రతిమాసమార్త్తవం ప్రత్యహం వా పరిస్రవణం నాత్యల్పం చ తథా పరిహీయమాణో గర్భశ్చిరాత్ కించిత్ స్పందతే| కుక్షిశ్చ వృద్ధోఽపి పరిహీయతే| తదుపశుష్కకం నాగోదరం చ||12||
यदा तु प्रतिमासमार्त्तवं प्रत्यहं वा परिस्रवणं नात्यल्पं च तथा परिहीयमाणो गर्भश्चिरात् किञ्चित् स्पन्दते| कुक्षिश्च वृद्धोऽपि परिहीयते| तदुपशुष्ककं नागोदरं च||१२||
🔊 Audio coming soon
Adhikarana upaviShTakanAgodarayoH prasavakAlanishcayaH (13) · Śloka 13
తౌ తు మాతురాహారతేజసాఽల్పేనాప్యాయ్యమానౌ యదా పుష్టౌ స్యాతాం కేశదశనాదియుక్తౌ| తదా వర్షగణైరపి ప్రమదా ప్రసూయేత ఏవ||13||
तौ तु मातुराहारतेजसाऽल्पेनाप्याय्यमानौ यदा पुष्टौ स्यातां केशदशनादियुक्तौ| तदा वर्षगणैरपि प्रमदा प्रसूयेत एव||१३||
🔊 Audio coming soon
Adhikarana vAtikopaviShTakanAgodarayorlakShaNAni (14) · Śloka 14
తత్ర వాతేనోపవిష్టకోపశుష్కకయోర్వాయుః ప్రతిహన్యతే| స శబ్దం ఫేనిలం విచ్ఛిన్నం శకృదుపవేశ్యతే| మూత్రముపరుధ్యతే| కటీపృష్ఠహృదయేషు వేదనా| జృంభా, నిద్రానాశోఽభీక్ష్ణం ప్రతి శ్యాయః, శుష్కకాసః, సాదః, క్ష్వేడేతే ఇవ కర్ణౌ, తుద్యేతే ఇవ శంఖౌ| పిపీలికాభిరివ సంసృజ్యతే శరీరం పరి కృంతన్నివ వాయుర్భ్రమతి కుక్షౌ తమ ఇవ ప్రవేశ్యతే| దుఃఖే నాన్నస్య జరణం| అహరహః పరిహానిః| స్ఫుటితవివర్ణ పరుషత్వక్త్వం చ భవతి||14||
तत्र वातेनोपविष्टकोपशुष्ककयोर्वायुः प्रतिहन्यते| स शब्दं फेनिलं विच्छिन्नं शकृदुपवेश्यते| मूत्रमुपरुध्यते| कटीपृष्ठहृदयेषु वेदना| जृम्भा, निद्रानाशोऽभीक्ष्णं प्रति श्यायः, शुष्ककासः, सादः, क्ष्वेडेते इव कर्णौ, तुद्येते इव शङ्खौ| पिपीलिकाभिरिव संसृज्यते शरीरं परि कृन्तन्निव वायुर्भ्रमति कुक्षौ तम इव प्रवेश्यते| दुःखे नान्नस्य जरणम्| अहरहः परिहानिः| स्फुटितविवर्ण परुषत्वक्त्वं च भवति||१४||
🔊 Audio coming soon
Adhikarana paittikopaviShTakanAgodararyorlakShaNAni (15) · Śloka 15
పిత్తేన తామ్రహరితముపవేశ్యతే| ధూమకోఽమ్లకశ్ఛర్దిమూర్చ్ఛా క్షిహృదయదాహః| పీతరక్తగోమూత్రాభనేత్రమూత్రనఖత్వక్త్వం కా లీ దుర్బలా నిత్యశూనా చ నారీ భవతి||15||
पित्तेन ताम्रहरितमुपवेश्यते| धूमकोऽम्लकश्छर्दिमूर्च्छा क्षिहृदयदाहः| पीतरक्तगोमूत्राभनेत्रमूत्रनखत्वक्त्वं का ली दुर्बला नित्यशूना च नारी भवति||१५||
🔊 Audio coming soon
Adhikarana shlaiShmikopaviShTakanAgodarayorlakShaNAni (16) · Śloka 16
శ్లేష్మణా మధురాస్యత్వముత్క్లేశః శ్లేష్మోద్వమనం భక్తద్వేషః శ్వేతహస్తపాదనేత్రతా కాసః శ్వాసశ్చ||16||
श्लेष्मणा मधुरास्यत्वमुत्क्लेशः श्लेष्मोद्वमनं भक्तद्वेषः श्वेतहस्तपादनेत्रता कासः श्वासश्च||१६||
🔊 Audio coming soon
Adhikarana upaviShTakanAgodarayoH sAmAnyA cikitsA (17) · Śloka 17
తయోర్జీవనీయబృంహణీయమధురౌషసిద్ధానాం సర్పిషాముపయోగః| తథా పయసాం రసానామామగర్భాణాం చ గర్భవృద్ధికరః| తథా సంభోజనమేతైరేవ చ ఘృతాదిభిః| సుభిక్షాయా అభీక్ష్ణం యానవాహనాపవర్జ్జనబృంహణైరుపపాదనం||17||
तयोर्जीवनीयबृंहणीयमधुरौषसिद्धानां सर्पिषामुपयोगः| तथा पयसां रसानामामगर्भाणां च गर्भवृद्धिकरः| तथा सम्भोजनमेतैरेव च घृतादिभिः| सुभिक्षाया अभीक्ष्णं यानवाहनापवर्ज्जनबृंहणैरुपपादनम्||१७||
🔊 Audio coming soon
Adhikarana vAtikopaviShTakanAgodara yoshcikitsA (18) · Śloka 18
అథ విశేషేణ వాతే పూర్వమేవ సైంధవోపహితం క్షీరబస్తిం దత్త్వా శీతోదకస్నాతాం మృదు శాల్యోదనం భోజయేత్| తతో విదార్య్యాదిగణసాధితేన సర్పిషాఽనువాసయేత్| నివాతం చ సేవేత||18||
अथ विशेषेण वाते पूर्वमेव सैन्धवोपहितं क्षीरबस्तिं दत्त्वा शीतोदकस्नातां मृदु शाल्योदनं भोजयेत्| ततो विदार्य्यादिगणसाधितेन सर्पिषाऽनुवासयेत्| निवातं च सेवेत||१८||
🔊 Audio coming soon
Adhikarana paittikopaviShTakanAgodarayoshcikitsA (19) · Śloka 19
పిత్తే మధుకవిదారీనిర్య్యూహసిద్ధం పయః పిబేత్| తిస్రః స్థూలకుక్కుటీర్నిస్తుషమాషాఢకం చ క్షీరోదకేనోలూఖలే సంక్షుద్య తద్రసేన సర్పిషా చ తిత్తిరికపింజలాన్యతరరసం సాధయిత్వా పాయయేదుపవిష్టకవివర్ధనార్థముపశుష్కకబృంహ ణార్థం చ| అజాసర్పిషా క్షీరేణ జీవనీయైశ్చ సంస్కృతాం యవాగూం పిబేత్| పయస్యా కాకోలీద్వయసునిషండకకల్కేన పయసా చ సర్పిర్విపాచయేత్| తత్కాల్యం క్షీరానుపానముపయుంజీత| ఆమ- గర్భరసేన చాశ్నీయాత్| తానేవ చ తత్ర భృష్టాన్ భక్షయేత్| జలచరమాంసాని చ||19||
पित्ते मधुकविदारीनिर्य्यूहसिद्धं पयः पिबेत्| तिस्रः स्थूलकुक्कुटीर्निस्तुषमाषाढकं च क्षीरोदकेनोलूख़ले संक्षुद्य तद्रसेन सर्पिषा च तित्तिरिकपिञ्जलान्यतररसं साधयित्वा पाययेदुपविष्टकविवर्धनार्थमुपशुष्ककबृंह णार्थं च| अजासर्पिषा क्षीरेण जीवनीयैश्च संस्कृतां यवागूं पिबेत्| पयस्या काकोलीद्वयसुनिषण्डककल्केन पयसा च सर्पिर्विपाचयेत्| तत्काल्यं क्षीरानुपानमुपयुञ्जीत| आम- गर्भरसेन चाश्नीयात्| तानेव च तत्र भृष्टान् भक्षयेत्| जलचरमांसानि च||१९||
🔊 Audio coming soon
Adhikarana shlaiShmikopaviShTakanA godarayoshcikitsA (20) · Śloka 20
కఫే త్వానూపౌదకపిశితోపదంశామచ్ఛసురాం త్రిరాత్రం పంచరాత్రం సప్తరాత్రం వా పిబేత్| తిలముద్గమాషలవణబిల్వపాత్రైః| పంచభిర్ఘృతపాత్రం సంయోజ్య స్వనుగుప్తం నిధాపయేత్| తతః ప్రాతః పిండం బిల్వమాత్రం శృతశీతచ్ఛాగదుగ్ధనుపానం వాఽశ్నీయాత్| అత్రైవ వా బదర చూర్ణపాత్రమపి నిదధ్యాత్||20||
कफे त्वानूपौदकपिशितोपदंशामच्छसुरां त्रिरात्रं पञ्चरात्रं सप्तरात्रं वा पिबेत्| तिलमुद्गमाषलवणबिल्वपात्रैः| पञ्चभिर्घृतपात्रं संयोज्य स्वनुगुप्तं निधापयेत्| ततः प्रातः पिण्डं बिल्वमात्रं शृतशीतच्छागदुग्धनुपानं वाऽश्नीयात्| अत्रैव वा बदर चूर्णपात्रमपि निदध्यात्||२०||
🔊 Audio coming soon
Adhikarana garbhasya sarvathA avRuddhau tatpAtanam (21) · Śloka 21
ఏవమవృద్ధౌ తీక్ష్ణైర్విరేచయేదపరాపాతనీయైశ్చ పాతయేత్||21||
एवमवृद्धौ तीक्ष्णैर्विरेचयेदपरापातनीयैश्च पातयेत्||२१||
🔊 Audio coming soon
Adhikarana lInagarbhalakShaNam (22) · Śloka 22
యస్యాః పునర్వాతోపసృష్టస్రోతసి లీనో గర్భః ప్రసుప్తో న స్పందతే తం లీనమిత్యాహుః||22||
यस्याः पुनर्वातोपसृष्टस्रोतसि लीनो गर्भः प्रसुप्तो न स्पन्दते तं लीनमित्याहुः||२२||
🔊 Audio coming soon
Adhikarana lInagarbhacikitsA (23) · Śloka 23
తత్ర శ్యేనోత్క్రోశగోమత్స్యగోధాశిఖికుక్కుటతిత్తిరీణా మన్యతమస్య రసేన భూరిసర్పిష్కేణ మాషయూషేణ వా ఘృతా ఢ్యేన రక్తశాల్యోదనం భోజయేత్| సక్తూన్ వా తిలమా షబిల్వశలాటుయుక్తాన్ పయస పాయయేత్ మేద్యమాంసోపదంశం వా మార్ద్వీకం| తైలేన చాభీక్ష్ణముదరవంక్షణోరుకటీ పార్శ్వపృష్ఠాన్యభ్యజ్యాత్| ముహుర్ముహుశ్చైనాం హర్షయేత్| పూర్వోక్తం చేక్షేత||23||
तत्र श्येनोत्क्रोशगोमत्स्यगोधाशिखिकुक्कुटतित्तिरीणा मन्यतमस्य रसेन भूरिसर्पिष्केण माषयूषेण वा घृता ढ्येन रक्तशाल्योदनं भोजयेत्| सक्तून् वा तिलमा षबिल्वशलाटुयुक्तान् पयस पाययेत् मेद्यमांसोपदंशं वा मार्द्वीकम्| तैलेन चाभीक्ष्णमुदरवङ्क्षणोरुकटी पार्श्वपृष्ठान्यभ्यज्यात्| मुहुर्मुहुश्चैनां हर्षयेत्| पूर्वोक्तं चेक्षेत||२३||
🔊 Audio coming soon
Adhikarana udAvartacikitsA (24) · Śloka 24
యస్యాః పునరుదావర్తవిబంధః స్యాత్తాం వాతహరస్నిగ్ధాన్న పానైరుపాచరేత్| అష్టమే తు మాసే మధుకసిద్ధేన తైలేనానువాసయేత్| తదసిద్ధౌ వీరణశాలికుశకాశేక్షుబాలికావేతసపరివ్యాధమూలానాం భూతీకానంతాకాశ్మర్యపరూషకమధూకమధుకమృద్వీకానాం చ పయసాఽర్ధోదకేనోద్గృహ్య రసం తేన ప్రియాలబిభీతకమజ్జ తిలకల్కయుక్తేనేషల్లవణోష్ణేన నిరూహయేత్| విగత విబంధాం చ స్నాతాశితాం సాయం తేనైవ తైలేనానువాసయేత్||24||
यस्याः पुनरुदावर्तविबन्धः स्यात्तां वातहरस्निग्धान्न पानैरुपाचरेत्| अष्टमे तु मासे मधुकसिद्धेन तैलेनानुवासयेत्| तदसिद्धौ वीरणशालिकुशकाशेक्षुबालिकावेतसपरिव्याधमूलानां भूतीकानन्ताकाश्मर्यपरूषकमधूकमधुकमृद्वीकानां च पयसाऽर्धोदकेनोद्गृह्य रसं तेन प्रियालबिभीतकमज्ज तिलकल्कयुक्तेनेषल्लवणोष्णेन निरूहयेत्| विगत विबन्धां च स्नाताशितां सायं तेनैव तैलेनानुवासयेत्||२४||
🔊 Audio coming soon
Adhikarana udAvartepekShAyAM vyApat (25) · Śloka 25
ఉదావర్తో హి సముపేక్షితః సహసా సగర్భాం గర్భిణీమతి పాతయేత్||25||
उदावर्तो हि समुपेक्षितः सहसा सगर्भां गर्भिणीमति पातयेत्||२५||
🔊 Audio coming soon
Adhikarana AmagarbhasrAvahetavaH (26) · Śloka 26
యస్యాః పునరతిమాత్రదోషోపచయాద్యథోక్తైర్వా వ్యవా యాదిభిరన్యైర్వా వ్యాధిభిః పూర్వోపచితేన వా జనన్యప త్యయోః కర్మణా బంధనాన్ముచ్యతే గర్భః ఫలమివ వృంతా త్సముక్తబంధనో గర్భశయ్యామతిక్రమ్య కృతప్లీహాంత్రవి వరైరవస్రంసమానః కోష్ఠసంక్షోభమాపాదయతి| తతః కోష్ఠ సంక్షోభాద్వాయురపానో మూఢః కుక్షిబస్తిపార్శ్వోదరయోనిశూలా నాహవిణ్మూత్రసంగానాపాద్య గర్భం చ్యావయతి తరుణం శోణిత భావేన| సోఽభిహితః ప్రాక్||26||
यस्याः पुनरतिमात्रदोषोपचयाद्यथोक्तैर्वा व्यवा यादिभिरन्यैर्वा व्याधिभिः पूर्वोपचितेन वा जनन्यप त्ययोः कर्मणा बन्धनान्मुच्यते गर्भः फलमिव वृन्ता त्समुक्तबन्धनो गर्भशय्यामतिक्रम्य कृतप्लीहान्त्रवि वरैरवस्रंसमानः कोष्ठसंक्षोभमापादयति| ततः कोष्ठ संक्षोभाद्वायुरपानो मूढः कुक्षिबस्तिपार्श्वोदरयोनिशूला नाहविण्मूत्रसङ्गानापाद्य गर्भं च्यावयति तरुणं शोणित भावेन| सोऽभिहितः प्राक्||२६||
🔊 Audio coming soon
Adhikarana mRutagarbhAyA lakShaNam (27) · Śloka 27
వివృద్ధే తు గర్భే స్తబ్ధం స్తిమితం శీతమశ్మగర్భమివోదర మాభాతి| శూలమధికముపజాయతే| న చ స్పందతే గర్భో నాఽఽవ్యః ప్రాదుర్భవంతి| న స్రవతి యోనిరక్షిణీ చాస్యాః స్రంస్యేతే| తథా భృశమరతిపరీతా వ్యథతేఽన్యథా చేష్టతే తామ్యతి భ్రామ్యతి రోదిత్యహర్నిశం| న స్వపితి| పూత్యు చ్ఛ్వాసా కృచ్ఛ్రాచ్ఛ్వసిత్యతికష్టం ప్రాణితి| జక్షితీ త్యేవంవిధాం స్త్రియం మృతగర్భాం విద్యాత్||27||
विवृद्धे तु गर्भे स्तब्धं स्तिमितं शीतमश्मगर्भमिवोदर माभाति| शूलमधिकमुपजायते| न च स्पन्दते गर्भो नाऽऽव्यः प्रादुर्भवन्ति| न स्रवति योनिरक्षिणी चास्याः स्रंस्येते| तथा भृशमरतिपरीता व्यथतेऽन्यथा चेष्टते ताम्यति भ्राम्यति रोदित्यहर्निशम्| न स्वपिति| पूत्यु च्छ्वासा कृच्छ्राच्छ्वसित्यतिकष्टं प्राणिति| जक्षिती त्येवंविधां स्त्रियं मृतगर्भां विद्यात्||२७||
🔊 Audio coming soon
Adhikarana mUDhagarbhalakShaNam (28) · Śloka 28
తం తు గర్భం కదాచిదసమ్యగపత్యపథమనేకధా ప్రతిపన్నం విగుణేనేవ వాయునా పీడితం మోహితం చ మూఢగర్భమిత్యాహుః| విగుణానిలప్రతిపీడనవైచిత్ర్యాదసంఖ్యగతిం చ||28||
तं तु गर्भं कदाचिदसम्यगपत्यपथमनेकधा प्रतिपन्नं विगुणेनेव वायुना पीडितं मोहितं च मूढगर्भमित्याहुः| विगुणानिलप्रतिपीडनवैचित्र्यादसङ्ख्यगतिं च||२८||
🔊 Audio coming soon
Adhikarana mUDhagarbhagatayaH sthAnAni ca (29) · Śloka 29
సమాసతస్తు త్రివిధా గతిరుర్ధ్వా, తిర్య్యఙ్, న్యుబ్జా చ| సంస్థానాని పునరష్టౌ| తాన్యత్రైవోత్తరత్ర వక్ష్యంతే||29||
समासतस्तु त्रिविधा गतिरुर्ध्वा, तिर्य्यङ्, न्युब्जा च| संस्थानानि पुनरष्टौ| तान्यत्रैवोत्तरत्र वक्ष्यन्ते||२९||
🔊 Audio coming soon
Adhikarana asAdhyamUDhagarbhAlakShaNam (30) · Śloka 30
తేషు సర్వేష్వపి విపరీతేంద్రియార్థామాక్షేపయోనిభ్రంశసంవరణ మక్కలశ్వాసభ్రమాభిపన్నాం శీతగాత్రాం పూత్యుద్గారాం చ వర్జ యేత్||30||
तेषु सर्वेष्वपि विपरीतेन्द्रियार्थामाक्षेपयोनिभ्रंशसंवरण मक्कलश्वासभ्रमाभिपन्नां शीतगात्रां पूत्युद्गारां च वर्ज येत्||३०||
🔊 Audio coming soon
Adhikarana mRutagarbhashalyopekShAyAM vyApat (31) · Śloka 31
న తు క్షణమప్యుపేక్షేత గర్భశల్యం| తద్వినిరుచ్ఛవాసీ కృత్యాఽఽశు జననీం హన్యాత్||31||
न तु क्षणमप्युपेक्षेत गर्भशल्यम्| तद्विनिरुच्छवासी कृत्याऽऽशु जननीं हन्यात्||३१||
🔊 Audio coming soon
Adhikarana sacetanamUDhagarbhasya chedane vyApattatrAnuShTheya~jca (32) · Śloka 32
సచేతనశ్చ గర్భః శస్త్రేణ విదార్య్యమాణో విషయమంగాని విక్షిపేత్| తస్మాత్ తత్సంగే సూత్యః ప్రయతేరన్ పుర్వోక్తాని చ మంత్రౌషధాని ప్రయుంజీత||32||
सचेतनश्च गर्भः शस्त्रेण विदार्य्यमाणो विषयमङ्गानि विक्षिपेत्| तस्मात् तत्सङ्गे सूत्यः प्रयतेरन् पुर्वोक्तानि च मन्त्रौषधानि प्रयुञ्जीत||३२||
🔊 Audio coming soon
Adhikarana garbhasa~ggasya traividhyam (33) · Śloka 33
త్రివిధస్తు సంగో భవతి| శిరస్యంసే జఘనే వా|33|
त्रिविधस्तु सङ्गो भवति| शिरस्यंसे जघने वा|३३|
🔊 Audio coming soon
Adhikarana mUDhagarbhanirharaNantatra matAntarANi (33) · Śloka 33
మూఢగర్భస్య తు జరాయుపాతనసామాన్యం కర్మేత్యేకే| మంత్రాదిక ర్మాథర్వవేదవిహితమిత్యేకే| దృష్టకర్మణా శల్యహర్త్రా శల్యా హరణమిత్యేకే||33||
मूढगर्भस्य तु जरायुपातनसामान्यं कर्मेत्येके| मन्त्रादिक र्माथर्ववेदविहितमित्येके| दृष्टकर्मणा शल्यहर्त्रा शल्या हरणमित्येके||३३||
🔊 Audio coming soon
Adhikarana garbhashastrakarmaNaH kaShTatamatvam (34) · Śloka 34
న త్వతః కష్టతమమస్తి శస్త్రకర్మ| యతో యోనియకృత్ప్లీ హాంత్రగర్భాశయాదీనాం మధ్యే తాననుపహింసతాఽస్పర్శవతా శస్త్ర మవచార్య్యముత్కర్షణవ్యావర్తనోత్కర్తనచ్ఛేదనభేదనపీడన ర్జూకరణాని చైకేన పాణినా కార్య్యాణి||34||
न त्वतः कष्टतममस्ति शस्त्रकर्म| यतो योनियकृत्प्ली हान्त्रगर्भाशयादीनां मध्ये ताननुपहिंसताऽस्पर्शवता शस्त्र मवचार्य्यमुत्कर्षणव्यावर्तनोत्कर्तनच्छेदनभेदनपीडन र्जूकरणानि चैकेन पाणिना कार्य्याणि||३४||
🔊 Audio coming soon
Adhikarana mUDhagarbhe prANasaMshayerAshu shastramavacAryam (35) · Śloka 35
తస్మాదీశ్వరమాపృచ్ఛ్య పరం చ యత్నమాస్థాయ తద్విద్యసహిత స్తముపక్రమేత్| అక్రియాయాం ధ్రువం మరణం| ఉపక్రమే సంశయః| తథోదరాఽశ్మరీప్రభృతీనపి||35||
तस्मादीश्वरमापृच्छ्य परं च यत्नमास्थाय तद्विद्यसहित स्तमुपक्रमेत्| अक्रियायां ध्रुवं मरणम्| उपक्रमे संशयः| तथोदराऽश्मरीप्रभृतीनपि||३५||
🔊 Audio coming soon
Adhikarana mUDhagarbhAharaNavidhiH (36) · Śloka 36
అథోత్తానాయా వ్యాభుగ్నసక్థ్యా వస్త్రచుంబలాన్నమితకటి ప్రదేశాయాశ్చ ధన్వనాగవృంతికాశాల్మలీపిచ్ఛాఘృతైరభ్యజ్య హస్తం యోనిం చ గర్భమాహరేత్||36||
अथोत्तानाया व्याभुग्नसक्थ्या वस्त्रचुम्बलान्नमितकटि प्रदेशायाश्च धन्वनागवृन्तिकाशाल्मलीपिच्छाघृतैरभ्यज्य हस्तं योनिं च गर्भमाहरेत्||३६||
🔊 Audio coming soon
Adhikarana tatra prakArAntaranirdeshaH (37) · Śloka 37
తత్ర సక్థిభ్యామాగతస్యానులోమమాంఛనమేవ| ఏకసక్థి ప్రపన్నస్యేతరం సక్థిం ప్రసార్య్య| స్ఫిగ్దేశాగతస్య స్ఫిగ్దేశం ప్రతిషిధ్యోర్ధ్వముత్క్షిప్య సక్థినీ ప్రసార్య్య| తిర్య్యగాగతస్య పరిఘస్యేవాపరార్ధముత్క్షిప్య పూర్వార్ధమపత్యపథం ప్రత్యార్జవ మానీయ| పార్శ్వాపవృత్తశిరసోంఽసం ప్రతిపీడ్యోర్ధ్వముత్క్షిప్య శిరోఽపత్యపథమానీయ| బాహుద్వయప్రపన్నస్యోర్ధ్వముత్పీడ్యా ఽసౌ శిరోమూలమానీయ నిర్హరేత్||37||
तत्र सक्थिभ्यामागतस्यानुलोममाञ्छनमेव| एकसक्थि प्रपन्नस्येतरं सक्थिं प्रसार्य्य| स्फिग्देशागतस्य स्फिग्देशं प्रतिषिध्योर्ध्वमुत्क्षिप्य सक्थिनी प्रसार्य्य| तिर्य्यगागतस्य परिघस्येवापरार्धमुत्क्षिप्य पूर्वार्धमपत्यपथं प्रत्यार्जव मानीय| पार्श्वापवृत्तशिरसोंऽसं प्रतिपीड्योर्ध्वमुत्क्षिप्य शिरोऽपत्यपथमानीय| बाहुद्वयप्रपन्नस्योर्ध्वमुत्पीड्या ऽसौ शिरोमूलमानीय निर्हरेत्||३७||
🔊 Audio coming soon
Adhikarana shastradAraNArhamUDhagarbhalakShaNam (38) · Śloka 38
యస్త్వాభుగ్నమధ్యః పాణిపాదశిరోభిర్యోనిం ప్రతిపద్యతే| యశ్చాభుగ్న ఏకేన పాదేన యోనిం ద్వితీయేన పాయుం| తౌ మూఢౌ హస్తేనాహర్తుమశక్యావితి శస్త్రమవచారయేత్||38||
यस्त्वाभुग्नमध्यः पाणिपादशिरोभिर्योनिं प्रतिपद्यते| यश्चाभुग्न एकेन पादेन योनिं द्वितीयेन पायुम्| तौ मूढौ हस्तेनाहर्तुमशक्याविति शस्त्रमवचारयेत्||३८||
🔊 Audio coming soon
Adhikarana tatra shastrAvadAraNavidhiH (39) · Śloka 39
అథ స్త్రియమాశ్వాస్య మండలాగ్రేణాంగులిశస్త్రేణ వా (శిరో) విదార్య్య శిరాః కపాలాన్యాహృత్య గర్భశంకునా గృహీత్వా చిబుకే తాలున్యురసి కక్ష్యాయాం వాఽపహరేత్| అభిన్నశిరసం చాక్షికూటే గండే వా| తథాసంసక్తస్యాంసదేశే బాహుం ఛిత్వా| దృతేరివాధ్మాతస్య వాతపూర్ణముదరమవదార్య్య నిరస్యాంత్రాణి శిథిలీభూతమాహరేత్| జఘనసక్తస్య జఘనకపాలాని దారయిత్వేతి||39||
अथ स्त्रियमाश्वास्य मण्डलाग्रेणाङ्गुलिशस्त्रेण वा (शिरो) विदार्य्य शिराः कपालान्याहृत्य गर्भशङ्कुना गृहीत्वा चिबुके तालुन्युरसि कक्ष्यायां वाऽपहरेत्| अभिन्नशिरसं चाक्षिकूटे गण्डे वा| तथासंसक्तस्यांसदेशे बाहुं छित्वा| दृतेरिवाध्मातस्य वातपूर्णमुदरमवदार्य्य निरस्यान्त्राणि शिथिलीभूतमाहरेत्| जघनसक्तस्य जघनकपालानि दारयित्वेति||३९||
🔊 Audio coming soon
Adhikarana (40) · Śloka 40
అపి చ- యద్యద్వాయువశాదంగం సజ్జేద్గర్భస్య ఖండశః| తత్తచ్ఛిత్వా హరేత్సమ్యగ్రక్షేత్రారీం చ యత్నతః||40||
अपि च- यद्यद्वायुवशादङ्गं सज्जेद्गर्भस्य खण्डशः| तत्तच्छित्वा हरेत्सम्यग्रक्षेत्रारीं च यत्नतः||४०||
🔊 Audio coming soon
Adhikarana vyapagatagarbhashalyAyA upacArAH (41) · Śloka 41
అథాపతంతీమపరాం పాతయేత్పూర్వవద్భిషక్| ఏవం నిర్హృతశల్యాంతు సించేదుష్ణేన వారిణా| దద్యాదభ్యక్తదేహాయై యోనౌ స్నేహపిచుం తతః| యోనిర్మృదుర్భవత్తేన శూలం చాస్యాః ప్రశామ్యతి| దీప్యకాతివిషారాస్నాహింగ్వేలాపంచకోలకాత్| చూర్ణం స్నేహేన కల్కం వా క్వాథం వా పాయయేత్తః| కటుకాతివిషాపాఠాశాకత్వఘింగుతైజనీః| తద్వచ్చ దోషస్యందార్థం వేదనోపశమాయ చ| త్రిరాత్రమేవం సప్తాహం స్నేహమేవ తతః పిబేత్| సాయం పిబేదరిష్టం చ తథా సుకృతమాసవం| శిరీషకకుభక్వాథపిచూన్యోనౌ చ నిక్షిపేత్| ఉపద్రవాశ్చ యేఽన్యే స్యుస్తాన్యథాస్వముపాచరేత్| పయో వాతహరైః సిద్ధం దశాహం భోజనే హితం| రసో దశాహం చ పరం లఘుపథ్యాల్పభోజనా| స్నేహాభ్యంగపరా స్నేహాన్ బలాతైలాదికాన్ భజేత్| ఊర్ధ్వంచతుర్భ్యో మాసేభ్యః స క్రమేణ సుఖాని చ||41||
अथापतन्तीमपरां पातयेत्पूर्ववद्भिषक्| एवं निर्हृतशल्यान्तु सिञ्चेदुष्णेन वारिणा| दद्यादभ्यक्तदेहायै योनौ स्नेहपिचुं ततः| योनिर्मृदुर्भवत्तेन शूलं चास्याः प्रशाम्यति| दीप्यकातिविषारास्नाहिंग्वेलापञ्चकोलकात्| चूर्णं स्नेहेन कल्कं वा क्वाथं वा पाययेत्तः| कटुकातिविषापाठाशाकत्वघिङ्गुतैजनीः| तद्वच्च दोषस्यन्दार्थं वेदनोपशमाय च| त्रिरात्रमेवं सप्ताहं स्नेहमेव ततः पिबेत्| सायं पिबेदरिष्टं च तथा सुकृतमासवम्| शिरीषककुभक्वाथपिचून्योनौ च निक्षिपेत्| उपद्रवाश्च येऽन्ये स्युस्तान्यथास्वमुपाचरेत्| पयो वातहरैः सिद्धं दशाहं भोजने हितम्| रसो दशाहं च परं लघुपथ्याल्पभोजना| स्नेहाभ्यङ्गपरा स्नेहान् बलातैलादिकान् भजेत्| ऊर्ध्वञ्चतुर्भ्यो मासेभ्यः स क्रमेण सुखानि च||४१||
🔊 Audio coming soon
Adhikarana balAtailam (42) · Śloka 42
అథ బలాతైలముపదేక్ష్యామః| బలామూలాకషాయస్య భాగాః షట్| తావంత ఏవ పయసో యవకోలకులత్థదశమూలక షాయస్య భాగో భాగశ్చతుర్దశస్తైలస్య| తత్సర్వమైకధ్యం కృత్వ శ్లక్ష్ణపిష్టాని చావాప్య కాకోలీక్షీరకాకోలీ జీవకర్షభకముద్గపర్ణీమాషపర్ణీమేదాక్షీరశుక్లామధు కదేవదారుమంజిష్ఠాచందనశారివాతగరకుష్ఠశతావర్య్యశ్వ గంధాపునర్నవాశతపుష్పావరాపత్రరససరలశైలేయైలావచా ఽగరుకాలానుసారిసైంధవాని శనైర్మృద్వగ్నినా సాధయిత్వా సుభాజనేఽనుగుప్తం నిదధ్యాత్| ఏష భగవతో ధన్వంతరే రభిమతస్తైలరాజో రాజ్ఞాం రాజమాత్రాణాం సూతికానాం కృశానాం శిశూనామతీతవయసాం సుకుమారాణాం శూలినాం మహాగ్రహ గృహీతానాం దీర్ఘరోగక్షపితవపుషాం మర్మవిద్ధపతితాభిహత భగ్నవిశ్లిష్టదేహానాం దైవోపఘాతాతభిశప్తమనోజ్వరపరీ తానాం పాననావనాభ్యంగబస్తిషు ప్రయోజ్యః| తేన బల పౌరుషస్మృతిమతిమేధాగ్నివీర్య్యౌజాంసి వివర్ధంతే| పక్షా ఘాతాక్షేపకార్ద్దితాదివివిధవాతవికారగుల్మహిక్కాశ్వాస కాసా నివర్తంతే| అహరహశ్చోపయుజ్యమానే షణ్మాసాదంత్ర వృద్ధిః ప్రశామ్యతి చ| వంధ్యా చ పుత్రం గుణవంతమిచ్ఛయా లభత ఇతి||42||
अथ बलातैलमुपदेक्ष्यामः| बलामूलाकषायस्य भागाः षट्| तावन्त एव पयसो यवकोलकुलत्थदशमूलक षायस्य भागो भागश्चतुर्दशस्तैलस्य| तत्सर्वमैकध्यं कृत्व श्लक्ष्णपिष्टानि चावाप्य काकोलीक्षीरकाकोली जीवकर्षभकमुद्गपर्णीमाषपर्णीमेदाक्षीरशुक्लामधु कदेवदारुमञ्जिष्ठाचन्दनशारिवातगरकुष्ठशतावर्य्यश्व गन्धापुनर्नवाशतपुष्पावरापत्ररससरलशैलेयैलावचा ऽगरुकालानुसारिसैन्धवानि शनैर्मृद्वग्निना साधयित्वा सुभाजनेऽनुगुप्तं निदध्यात्| एष भगवतो धन्वन्तरे रभिमतस्तैलराजो राज्ञां राजमात्राणां सूतिकानां कृशानां शिशूनामतीतवयसां सुकुमाराणां शूलिनां महाग्रह गृहीतानां दीर्घरोगक्षपितवपुषां मर्मविद्धपतिताभिहत भग्नविश्लिष्टदेहानां दैवोपघातातभिशप्तमनोज्वरपरी तानां पाननावनाभ्यङ्गबस्तिषु प्रयोज्यः| तेन बल पौरुषस्मृतिमतिमेधाग्निवीर्य्यौजांसि विवर्धन्ते| पक्षा घाताक्षेपकार्द्दितादिविविधवातविकारगुल्महिक्काश्वास कासा निवर्तन्ते| अहरहश्चोपयुज्यमाने षण्मासादन्त्र वृद्धिः प्रशाम्यति च| वन्ध्या च पुत्रं गुणवन्तमिच्छया लभत इति||४२||
🔊 Audio coming soon
Adhikarana mRutagarbhiNyA jIvadgarbhaniShkAsanam (43) · Śloka 43
భవంతి చాత్ర- బస్తిద్వారే విపన్నాయాః కుక్షిః ప్రస్పందతే యది| జన్మకాలే తతః శీఘ్రం పాటయిత్వోద్ధరేచ్ఛిశుం||43||
भवन्ति चात्र- बस्तिद्वारे विपन्नायाः कुक्षिः प्रस्पन्दते यदि| जन्मकाले ततः शीघ्रं पाटयित्वोद्धरेच्छिशुम्||४३||
🔊 Audio coming soon
Adhikarana garbhasrAve mAsAnusAraM garbhasthA- pakAH yogAH (44) · Śloka 44
మధుకం శాకబీజం చ పయస్యా సురదారు చ| అశ్మంతకః కృష్ణతిలాస్తామ్రవల్లీ శతావరీ| వృక్షాదనీ పయస్యా చ లతా చోత్పలశారివా| అనంతా శారివా రాస్నా పద్మా చ మధుయష్టికా| బృహతీద్వయకాశ్మర్య్యక్షీరిశృంగత్వచో ఘృతం| పృశ్నిపర్ణీబలాశిగ్రుః శ్వదంష్ట్రామధుపర్ణికా| శృంగాటకం బిసం ద్రాక్షా కశేరుమధుకం బలా| సప్తైతాన్ పయస యోగానర్ధశ్లోకసమాపనాన్| క్రమాత్ సప్తసు మాసేషు గర్భే స్రవతి యోజయేత్||44||
मधुकं शाकबीजं च पयस्या सुरदारु च| अश्मन्तकः कृष्णतिलास्ताम्रवल्ली शतावरी| वृक्षादनी पयस्या च लता चोत्पलशारिवा| अनन्ता शारिवा रास्ना पद्मा च मधुयष्टिका| बृहतीद्वयकाश्मर्य्यक्षीरिशृङ्गत्वचो घृतम्| पृश्निपर्णीबलाशिग्रुः श्वदंष्ट्रामधुपर्णिका| शृङ्गाटकं बिसं द्राक्षा कशेरुमधुकं बला| सप्तैतान् पयस योगानर्धश्लोकसमापनान्| क्रमात् सप्तसु मासेषु गर्भे स्रवति योजयेत्||४४||
🔊 Audio coming soon
Adhikarana aShTamamAsAtprabhRutigarbhasyApyAyanAyogAH (45-4) · Śloka 4
కపిత్థబిల్వబృహతీపటోలేక్షునిదిగ్ధకాత్| మూలైః శృతం ప్రయుంజీత క్షీరం మాసే తథాఽష్టమే| నవమే సారివానంతాపయస్యామధుయష్టిభిః| యోజయేద్దశమే మాసి సిద్ధం క్షీరం పయస్యయా| అథవా యష్టిమధుకనాగరామరదారుభిః||45|| ఇతి వైద్యపతిసింహగుప్తస్య సూనోర్వాగ్భటస్య కృతౌ అష్టాంగసంగ్రహసంహితాయాం శారీరస్థానే గర్భ వ్యాపన్నామ చతుర్థోఽధ్యాయః||4||
कपित्थबिल्वबृहतीपटोलेक्षुनिदिग्धकात्| मूलैः शृतं प्रयुञ्जीत क्षीरं मासे तथाऽष्टमे| नवमे सारिवानन्तापयस्यामधुयष्टिभिः| योजयेद्दशमे मासि सिद्धं क्षीरं पयस्यया| अथवा यष्टिमधुकनागरामरदारुभिः||४५|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां शारीरस्थाने गर्भ व्यापन्नाम चतुर्थोऽध्यायः||४||
🔊 Audio coming soon