Adhikarana atha doShaBedIyo nAma viMSo~adhyAyaH pratij~jA (1) · Śloka 1
அதாதோ தோஷபேதீயஂ நாமாத்யாயஂ வ்யாக்யாஸ்யாமஃ| இதி ஹ ஸ்மாஹுராத்ரேயாதயோ மஹர்ஷயஃ||௧||
अथातो दोषभेदीयं नामाध्यायं व्याख़्यास्यामः| इति ह स्माहुरात्रेयादयो महर्षयः||१||
🔊 Audio coming soon
Adhikarana mahABUteByaH doShANAM samBavaH (2) · Śloka 2
வாய்வாகாஶதாதுப்யாஂ வாயுஃ| ஆக்நேயஂ பித்தம்| அம்பஃபதிவீப்யாஂ ஶ்லேஷ்மா||௨||
वाय्वाकाशधातुभ्यां वायुः| आग्नेयं पित्तम्| अम्भःपृथिवीभ्यां श्लेष्मा||२||
🔊 Audio coming soon
Adhikarana doShasthAnAni (3) · Śloka 3
தத்ர பக்வாஶயஃ கடிஃ ஸக்திநீ பாதாவஸ்தி ஶ்ரோத்ரஂ ஸ்பர்ஶநஞ்ச வாதஸ்தாநாநி| அத்ர ச பக்வாஶயோ விஶேஷேண| நாபிராமாஶயஃ ஸ்வேதோ லஸிகா ருதிரஂ சக்ஷுஃ ஸ்பர்ஶநஂ ச பித்தஸ்தாநாநி| அத்ர நாபிர்விஶேஷேண| உரஃ கண்டஃ ஶிரஃ க்லோம பர்வாண்யாமாஶயோ ரஸோ மேதோ க்ராணஂ ரஸநஂ ச ஶ்லேஷ்மஸ்தாநாநி| அத்ராப்யுரோவிஶேஷேண||௩||
तत्र पक्वाशयः कटिः सक्थिनी पादावस्थि श्रोत्रं स्पर्शनञ्च वातस्थानानि| अत्र च पक्वाशयो विशेषेण| नाभिरामाशयः स्वेदो लसिका रुधिरं चक्षुः स्पर्शनं च पित्तस्थानानि| अत्र नाभिर्विशेषेण| उरः कण्ठः शिरः क्लोम पर्वाण्यामाशयो रसो मेदो ग़्राणं रसनं च श्लेष्मस्थानानि| अत्राप्युरोविशेषेण||३||
🔊 Audio coming soon
Adhikarana doShANAM sthUNABidhAnaM tatropapattiSca (4) · Śloka 4
இத்தமதோமத்யோர்த்வஸந்நிவேஶிநா தோஷத்ரயேண ஶரீரமாகாரமிவ ஸ்தூணாத்ரிதயேந ஸ்திரீகதம்| அதஶ்ச தோஷா தேஹஸ்ய ஸ்திரீகரணாத் ஸ்தூணா இத்யுச்யந்தே||௪||
इत्थमधोमध्योर्ध्वसन्निवेशिना दोषत्रयेण शरीरमागारमिव स्थूणात्रितयेन स्थिरीकृतम्| अतश्च दोषा देहस्य स्थिरीकरणात् स्थूणा इत्युच्यन्ते||४||
🔊 Audio coming soon
Adhikarana dhAtu-mala-doSha-saMj~jAnAmupapattiH (5) · Śloka 5
தாரணாத் தாதவஃ| மலிநீகரணாதாஹாரமலத்வாச்ச மலாஃ| தூஷணஸ்வபாவத்வாதூஷணஸ்வபாவத்வாத்தோஷா இதி||௫||
धारणाद् धातवः| मलिनीकरणादाहारमलत्वाच्च मलाः| दूषणस्वभावत्वादूषणस्वभावत्वाद्दोषा इति||५||
🔊 Audio coming soon
Adhikarana doShANAM pratyekaM pa~jcavidhatvaM vAyoH praBedasthAnakarmANi ca (6) · Śloka 6
த ஏதே ப்ரத்யேகஂ பஞ்சதா பித்யந்தே| தத்யதா-ப்ராணோதாநவ்யாநஸமாநாபாநபேதைர்வாயுஃ| தத்ர ப்ராணோ மூர்த்ந்யவஸ்திதஃ கண்டோரஶ்சரோ புத்தீந்த்ரியஹதயமநோதமநீதாரணஷ்டீவநக்ஷவதூத்காரப்ரஶ்வாஸோச்ச்வாஸாந்நப்ரவேஶாதிக்ரியஃ| உதாந உரஸ்யவஸ்திதஃ கண்டநாஸிகாநாபிசரோ வாக்ப்ரவத்திப்ரயத்நோர்ஜாபலவர்ண ஸ்ரோதஃப்ரீணநதீததிஸ்மதிமநோபோதநாதிக்ரியஃ| வ்யாநோ ஹத்யவஸ்திதஃ கத்ஸ்நதேஹசரஃ ஶீக்ரதரகதிர்கதிப்ரஸாரணா குஞ்சநோத்க்ஷேபாவக்ஷேபநிமேஷோந்மேஷஜம்பணாந்நாஸ்வாதநஸ்ரோதோ விஶோதநஸ்வேதாஸக்ஸ்ராவணாதிக்ரியோ யோநௌ ச ஶுக்ரப்ரதிபாதநோ விபஜ்ய சாந்நஸ்ய கிட்டாத்ஸாரஂ தேந க்ரமாஶோ தாதூஂஸ்தர்பயதி| ஸமாநோऽந்தரக்நிஸமீபஸ்தஸ்தத்ஸந்துக்ஷணஃ பக்வா மாஶயதோஷமலஶுக்ரார்தவாம்புவஹஃ ஸ்ரோதோவிசாரீ ததவல ம்பநாந்நதாரணபாசநவிவேசந்கிட்டாऽதோநயநாதிக்ரியஃ| அபாநஸ்த்வபாநஸ்திதோ பஸ்திஶ்ரோணிமேட்ரவஷணவங்க்ஷணோருசரோ விண்மூத்ரஶுக்ரார்தவகர்பநிஷ்க்ரமநாதிக்ரிய இதி||௬||
त एते प्रत्येकं पञ्चधा भिद्यन्ते| तद्यथा-प्राणोदानव्यानसमानापानभेदैर्वायुः| तत्र प्राणो मूर्ध्न्यवस्थितः कण्ठोरश्चरो बुद्धीन्द्रियहृदयमनोधमनीधारणष्ठीवनक्षवथूद्गारप्रश्वासोच्छ्वासान्नप्रवेशादिक्रियः| उदान उरस्यवस्थितः कण्ठनासिकानाभिचरो वाक्प्रवृत्तिप्रयत्नोर्जाबलवर्ण स्रोतःप्रीणनधीधृतिस्मृतिमनोबोधनादिक्रियः| व्यानो हृद्यवस्थितः कृत्स्नदेहचरः शीघ्रतरगतिर्गतिप्रसारणा कुञ्चनोत्क्षेपावक्षेपनिमेषोन्मेषजृम्भणान्नास्वादनस्रोतो विशोधनस्वेदासृक्स्रावणादिक्रियो योनौ च शुक्रप्रतिपादनो विभज्य चान्नस्य किट्टात्सारं तेन क्रमाशो धातूंस्तर्पयति| समानोऽन्तरग्निसमीपस्थस्तत्सन्धुक्षणः पक्वा माशयदोषमलशुक्रार्तवाम्बुवहः स्रोतोविचारी तदवल म्बनान्नधारणपाचनविवेचन्किट्टाऽधोनयनादिक्रियः| अपानस्त्वपानस्थितो बस्तिश्रोणिमेढ्रवृषणवङ्क्षणोरुचरो विण्मूत्रशुक्रार्तवगर्भनिष्क्रमनादिक्रिय इति||६||
🔊 Audio coming soon
Adhikarana pittasya pa~jca BedAH sthAnakarmANi ca (7) · Śloka 7
பாசகரஞ்ஜகஸாதகாலோசகப்ராஜகத்வபேதைஃ பித்தம்| தத்ர யதாமாஶயபக்வாஶயமத்யஸ்தஂ பஞ்சமஹாபூதாத்மகத்வேऽபி தேஜோகுணோத்கர்ஷாத் க்ஷபிதஸோமகுணஂ ததஶ்ச த்யக்தத்ரவஸ்வபாவஂ ஸஹகாரிகாரணைர்வாயுக்லேதாதிபிரநுக்ராஹாத் தஹநபசநா- திக்ரியயா லப்தாக்நிஶப்தஂ பித்தமந்நஂ பசதி, ஸாரகித்தௌ விபஜதி ஶேஷாணி ச பித்தஸ்தாநாநி தத்ரஸ்தமேவாநுகஹ்ணாதி தத்பாசகமித்யுச்யதே| ஆமாஶயஸ்தந்து ரஸஸ்ய ரஞ்ஜநாத்ர ஞ்ஜகம்| தஷ்டிஸ்தஂ ரூபாலோசநாதாலோசகம்| த்வக் ஸ்தஂ த்வசோ ப்ராஜநாத் ப்ராஜகம்| ததப்யங்கபரிஷேகாலேபா தீந் பாசயதி சாயாஶ்ச ப்ரகாஶயதி||௭||
पाचकरञ्जकसाधकालोचकभ्राजकत्वभेदैः पित्तम्| तत्र यदामाशयपक्वाशयमध्यस्थं पञ्चमहाभूतात्मकत्वेऽपि तेजोगुणोत्कर्षात् क्षपितसोमगुणं ततश्च त्यक्तद्रवस्वभावं सहकारिकारणैर्वायुक्लेदादिभिरनुग्राहाद् दहनपचना- दिक्रियया लब्धाग्निशब्दं पित्तमन्नं पचति, सारकित्तौ विभजति शेषाणि च पित्तस्थानानि तत्रस्थमेवानुगृह्णाति तत्पाचकमित्युच्यते| आमाशयस्थन्तु रसस्य रञ्जनाद्र ञ्जकम्| दृष्टिस्थं रूपालोचनादालोचकम्| त्वक् स्थं त्वचो भ्राजनात् भ्राजकम्| तदभ्यङ्गपरिषेकालेपा दीन् पाचयति छायाश्च प्रकाशयति||७||
🔊 Audio coming soon
Adhikarana SleShmaNaH pa~jca BedAH sthAnakarmANi ca (8) · Śloka 8
அவலம்பகக்லேதகபோதகதர்பகஶ்லேஷகத்வபேதைஃ ஶ்லேஷ்மா| ஸ தூரஸ்தஃ ஸ்வவீர்யேநா த்ரிகஸ்யாந்நவீர்யேண ச ஸஹ ஹதய ஸ்யச ஶேஷாணாஂ ச ஶ்லேஷ்மஸ்தாநாநாஂ தத்ரஸ்த ஏவோதககர்ம ணாவலம்பநாதவலம்பக இத்யுச்யதே| ஆமாஶயஸ்த்திதோऽந்நஸங்காதஸ்ய க்லேதநாத்க்லேதகஃ| ரஸநாஸ்தஃ ஸம்ப்ரக்ரஸபோதநாத் போதகஃ| ஶிரஸ்தஶ்சக்ஷுராதீந்த்ரியதர்பணாத்தர்பகஃ| பர்வஸ்தோऽஸ்திஸந்திஶ்லேஷணாத் ஶ்லேஷக இதி||௮||
अवलम्बकक्लेदकबोधकतर्पकश्लेषकत्वभेदैः श्लेष्मा| स तूरस्थः स्ववीर्येना त्रिकस्यान्नवीर्येण च सह हृदय स्यच शेषाणां च श्लेष्मस्थानानां तत्रस्थ एवोदककर्म णावलम्बनादवलम्बक इत्युच्यते| आमाशयस्त्थितोऽन्नसङ्ग़ातस्य क्लेदनात्क्लेदकः| रसनास्थः सम्प्रग्रसबोधनात् बोधकः| शिरस्थश्चक्षुरादीन्द्रियतर्पणात्तर्पकः| पर्वस्थोऽस्थिसन्धिश्लेषणात् श्लेषक इति||८||
🔊 Audio coming soon
Adhikarana doShasthAnakathanopasaMhAraH (9) · Śloka 9
ஏவமமிஷு ஸ்தாநேஷு பூயிஷ்டமவிகதாஃ ஸகலஶரீரவ்யா பிநோऽபி வாதபித்தஶ்லேஷ்மாணோ வர்தந்தே||௯||
एवममिषु स्थानेषु भूयिष्ठमविकृताः सकलशरीरव्या पिनोऽपि वातपित्तश्लेष्माणो वर्तन्ते||९||
🔊 Audio coming soon
Adhikarana teShAM vRuddhihetuH (10) · Śloka 10
தேஷாஂ வத்திஹேதுர்வக்ஷ்யதே நிதாநேஷு||௧௦||
तेषां वृद्धिहेतुर्वक्ष्यते निदानेषु||१०||
🔊 Audio coming soon
Adhikarana teShAM vRuddhikShayalakShaNe (11) · Śloka 11
ஸாமாந்யதஶ்ச வத்திக்ஷயலக்ஷணமுக்தஂ பூர்வாத்யாயே||௧௧||
सामान्यतश्च वृद्धिक्षयलक्षणमुक्तं पूर्वाध्याये||११||
🔊 Audio coming soon
Adhikarana vRuddherdvaividhyaM doShANAM sa~jcayaprakopapraSamahetavaSca (12) · Śloka 12
வத்திர்ஹி த்வேதா சயப்ரகோபபேதேந| தத்ரோஷ்ணகுணோபஹிதா ரூக்ஷா தயோ வாயோஃ ஸஞ்சயமாபாதயந்தி| ஶீதகுணோபஹிதாஃ ப்ரகோப முஷ்ணகோணோபஹிதாஃ ஸ்நிக்தாதயஃ ப்ரஶமம்| ஶீதகுணோப ஹிதாஸ்தீக்ஷ்ணாதயஃ பித்தஸ்ய சயமுஷ்ணகுணோபஹிதாஃ கோபஂ ஶீதகுணோபஹிதா மந்தாதயஃ ப்ரஶமம்| ஶீதகுணோபஹிதாஃ ஸ்நிக்தாதயஃ கபஸ்ய சயமுஷ்ணகுணோபஹிதாஃ கோபஂ ததா து ரூக்ஷாதயஃ ப்ரஶமம்||௧௨||
वृद्धिर्हि द्वेधा चयप्रकोपभेदेन| तत्रोष्णगुणोपहिता रूक्षा दयो वायोः सञ्चयमापादयन्ति| शीतगुणोपहिताः प्रकोप मुष्णगोणोपहिताः स्निग्धादयः प्रशमम्| शीतगुणोप हितास्तीक्ष्णादयः पित्तस्य चयमुष्णगुणोपहिताः कोपं शीतगुणोपहिता मन्दादयः प्रशमम्| शीतगुणोपहिताः स्निग्धादयः कफस्य चयमुष्णगुणोपहिताः कोपं तथा तु रूक्षादयः प्रशमम्||१२||
🔊 Audio coming soon
Adhikarana doShacayaprakopapraSamAnAM lakShaNam (13) · Śloka 13
சயோ வத்திஃ ஸ்வாதாம்ந்யேவ ப்ரத்வேஷோ வத்திஹேதுஷு| விபரீதகுணேச்சா ச கோபஸ்தூந்மார்ககாமிதா| லிங்காநாஂ தர்ஶநஂ ஸ்வேஷாமஸ்வாஸ்த்யஂ ரோகஸம்பவஃ| ஸ்வஸ்தாநஸ்தஸ்ய ஸமதா விகாராஸம்பவஃ ஶமஃ|௧௩|
चयो वृद्धिः स्वाधाम्न्येव प्रद्वेषो वृद्धिहेतुषु| विपरीतगुणेच्छा च कोपस्तून्मार्गगामिता| लिङ्गानां दर्शनं स्वेषामस्वास्थ्यं रोगसम्भवः| स्वस्थानस्थस्य समता विकारासम्भवः शमः|१३|
🔊 Audio coming soon
Adhikarana doShaprakopasthAnAnurodhena vikArasamBavaH (13) · Śloka 13
தேஹேऽக்ருத்தோऽநிலவஶாத்கத்ஸ்நேऽர்த்தேऽவயவேऽபி வா| தோஷா விகாரஂ குருதே கே வர்ஷமிவ தோயதஃ||௧௩||
देहेऽक्रुद्धोऽनिलवशात्कृत्स्नेऽर्द्धेऽवयवेऽपि वा| दोषा विकारं कुरुते ख़े वर्षमिव तोयदः||१३||
🔊 Audio coming soon
Adhikarana AviShkRutatamAnAM vikArANAM sa~gKyAnirdeSaH (14) · Śloka 14
அத ப்ரகுபிதா வாதாதயோ நாநாவிதைர்விகாரைஃ ஶரீரமுபதபந்தி| ஆவிஷ்கததமாஸ்து வாயோரஶீதிர்விகாராஶ்சத்வாரிஂஶத்பித்தஸ்ய விஂஶதிஃ ஶ்லேஷ்மணஃ||௧௪||
अथ प्रकुपिता वातादयो नानाविधैर्विकारैः शरीरमुपतपन्ति| आविष्कॄततमास्तु वायोरशीतिर्विकाराश्चत्वारिंशत्पित्तस्य विंशतिः श्लेष्मणः||१४||
🔊 Audio coming soon
Adhikarana aSItiH vAtavikArAH (15) · Śloka 15
தத்ர வாதவிகாராஃ| தத்யதா-நகபேதோ விபாதிகா பாதஶூலஂ பாதப்ரஂஶஃ ஸுப்தபாததா வாதகுட்டதா குல்பக்ரஹஃ பிண்டிகோத்வேஷ்டநஂ கத்ரஸீ ஜாநுபேதோ ஜாநுவிஶ்லேஷஃ உருஸாதஃ உருஸ்தம்பஃ பங்குத்வஂ குதப்ரஂஶோ குதார்திர்வஷணாக்ஷேபோ மேட்ரஸ்தம்போ வஂக்ஷணாநாஹஃ ஶ்ரோணிபேதோ விட்பேத உதாவர்தஃ கஞ்ஜத்வஂ குப்ஜத்வஂ வாமநத்வஂ த்ரிகக்ரஹஃ பஷ்டக்ரஹஃ பார்ஶ்வாவமர்த உதராவேஷ்டோ ஹந்மோஹோ ஹத்த்ரவோ வக்ஷோத்கர்ஷஸ்ததா வக்ஷோபரோதோ வக்ஷஸ்தோதோ பாஹுஶோஷஸ்ததா க்ரீவாஸ்தம்போ மந்யாஸ்தம்பஃ கண்டோத்த்வஂஸோ ஹநுஸ்தம்பஸ்தால்வோஷ்டபேதோ தந்தபேதோ தந்தஶைதில்யஂ மூகத்வஂ வாக்ஸங்கஃ ப்ரலாபஃ கஷாயாஸ்யதா முகஶோஷோ ரஸாஜ்ஞத்வஂ க்ராணநாஶஃ கர்ணஶூலமஶப்தஶ்ருதிருச்சைஃ ஶ்ருதிர்பாதிர்யஂ வர்த்மஸ்தம்போ வர்த்மஸங்கோசஸ்திமிரமக்ஷிஶூலமக்ஷிவ்யுதாஸோ ப்ரூவ்யுதாஸஃ ஶங்கபேதோ லலாடபேதஃ ஶிரோருக்கேஶபூமிஸ்புடநமர்திதமேகாங்கரோகஃ ஸர்வாங்கரோக ஆக்ஷோபகோ தண்டகஃ ஶ்ரமோ ப்ரமோ வேபதுர்ஜம்பா க்லாநிர்விஷாதோ ரௌக்ஷ்யஂ பாருஷ்யஂ ஶ்யாவாருணாபாஸத்வமஸ்வப்நோऽநவஸ்திதசித்ததா ச||௧௫||
तत्र वातविकाराः| तद्यथा-नख़भेदो विपादिका पादशूलं पादभ्रंशः सुप्तपादता वातख़ुड्डता गुल्फग्रहः पिण्डिकोद्वेष्टनं गृध्रसी जानुभेदो जानुविश्लेषः उरुसादः उरुस्तम्भः पङ्गुत्वं गुदभ्रंशो गुदार्तिर्वृषणाक्षेपो मेढ्रस्तम्भो वंक्षणानाहः श्रोणिभेदो विड्भेद उदावर्तः ख़ञ्जत्वं कुब्जत्वं वामनत्वं त्रिकग्रहः पृष्ठग्रहः पार्श्वावमर्द उदरावेष्टो हृन्मोहो हृद्द्रवो वक्षोद्घर्षस्तथा वक्षोपरोधो वक्षस्तोदो बाहुशोषस्तथा ग्रीवास्तम्भो मन्यास्तम्भः कण्ठोद्ध्वंसो हनुस्तम्भस्ताल्वोष्ठभेदो दन्तभेदो दन्तशैथिल्यं मूकत्वं वाक्सङ्गः प्रलापः कषायास्यता मुख़शोषो रसाज्ञत्वं घ्राणनाशः कर्णशूलमशब्दश्रुतिरुच्चैः श्रुतिर्बाधिर्यं वर्त्मस्तम्भो वर्त्मसङ्कोचस्तिमिरमक्षिशूलमक्षिव्युदासो भ्रूव्युदासः शङ्ख़भेदो ललाटभेदः शिरोरुक्केशभूमिस्फुटनमर्दितमेकाङ्गरोगः सर्वाङ्गरोग आक्षोपको दण्डकः श्रमो भ्रमो वेपथुर्जृम्भा ग्लानिर्विषादो रौक्ष्यं पारुष्यं श्यावारुणाभासत्वमस्वप्नोऽनवस्थितचित्तता च||१५||
🔊 Audio coming soon
Adhikarana catvAriMSatpittavikArAH (16) · Śloka 16
பித்தவிகாராஃ புநஃ-ஓஷஃ ப்லோஷஃ தவோ தவதுர்விதாஹோ ऽந்தர்தாஹஸ்த்வக்தாஹோஂऽஸதாஹோ தூமகோऽம்லக ஊஷ்மாதிக்ய மதிஸ்வேதோऽங்ககந்தோऽவயவஸதநஂ ஶோணிக்லேதோ மாஂஸக்லேத ஸ்த்வங்மாஂஸாவதரணஂ சர்மதரணஂ ரக்தகோடோ ரக்தவிஸ்போடோ ரக்தமண்டலாநி ரக்தபித்தஂ ஹரிதத்வஂ ஹாரித்ரத்வஂ நீலிகா கக்ஷ்யா காமலா திக்தாஸ்யதா லோஹிதகந்தாஸ்யதா பூதிமுகத்வஂ தஷ்ணாதிக்யமதப்திராஸ்யபாகோ கலபாகோऽக்ஷிபாகஃ பாயுபாகோ மேட்ரபாகோ ஜீவாதாநஂ தமஃப்ரவேஶோ ஹரி தஹாரித்ரநேத்ரமூத்ரஶகத்வஞ்ச||௧௬||
पित्तविकाराः पुनः-ओषः प्लोषः दवो दवथुर्विदाहो ऽन्तर्दाहस्त्वग्दाहोंऽसदाहो धूमकोऽम्लक ऊष्माधिक्य मतिस्वेदोऽङ्गगन्धोऽवयवसदनं शोणिक्लेदो मांसक्लेद स्त्वङ्मांसावदरणं चर्मदरणं रक्तकोटो रक्तविस्फोटो रक्तमण्डलानि रक्तपित्तं हरितत्वं हारिद्रत्वं नीलिका कक्ष्या कामला तिक्तास्यता लोहितगन्धास्यता पूतिमुख़त्वं तृष्णाधिक्यमतृप्तिरास्यपाको गलपाकोऽक्षिपाकः पायुपाको मेढ्रपाको जीवादानं तमःप्रवेशो हरि तहारिद्रनेत्रमूत्रशकृत्वञ्च||१६||
🔊 Audio coming soon
Adhikarana viMSatiH SleShmavikArAH (17) · Śloka 17
ஶ்லேஷ்மவிகாராஸ்து-தப்திஸ்தந்த்ரா நித்ராऽऽதிக்யஂ ஸ்தைமித்யஂ குருகாத்ரதாऽऽலஸ்யஂ முகமாதுர்யஂ ப்ரஸேகஃ ஶ்லேஷ்மோத்கிரணஂ மலாதிக்யஂ பலாஸோ ஹதயோபலேபஃ கண்டோபலேபோ தமநீ ப்ரதிசயோ கலகந்டோऽதிஸ்தௌல்யஂ ஶீதாக்நித்வமுதர்தஃ ஶ்வேதா வபாஸதா ஶ்வேதநேத்ரமூத்ரஶகத்த்வஂ ச||௧௭||
श्लेष्मविकारास्तु-तृप्तिस्तन्द्रा निद्राऽऽधिक्यं स्तैमित्यं गुरुगात्रताऽऽलस्यं मुख़माधुर्यं प्रसेकः श्लेष्मोद्गिरणं मलाधिक्यं बलासो हृदयोपलेपः कण्ठोपलेपो धमनी प्रतिचयो गलगन्डोऽतिस्थौल्यं शीताग्नित्वमुदर्दः श्वेता वभासता श्वेतनेत्रमूत्रशकृत्त्वं च||१७||
🔊 Audio coming soon
Adhikarana dAhAdInAM lakShaNam (18) · Śloka 18
தத்ர ஸர்வாங்கீணஸ்தீவ்ரஃ ஸந்தாபோ தாஹஃ| ஸ்வேதாரதிமாநோஷஃ| ப்ராதேஶிகஃ ஸ்வேதரஹிதோऽக்ந்யர்சிஷேவ தாஹஃ ப்லோஷஃ| முகோ ஷ்டதாலுஷு தாஹோ தவஃ| சக்ஷுராதீந்த்ரியேஷு தாஹோ தவதுஃ| பாணிபாதாஂஸமூலேஷு விவிதஃ ஸந்தாபோ விதாஹஃ| கோஷ்டே தாஹோऽந்தர்தாஹஃ| ஶிரோக்ரீவாகண்டதாலுஷு தூமாயநஂ தூமகஃ| ஸாந்தர்தாஹஹதயஶூலோத்காரோऽம்லகஃ| ஶோணிதஸ்ய கஷ்ணதா தௌர்கந்த்யதநுத்வாநி க்லேதஃ| மாஂஸஸ்ய து கஷ்ணதா தௌர்கந்த்யஞ்ச| பாஹ்யத்வக்ஸஂஹதிஶ்சர்ம கோதஃ| கோஷ்டகௌரவாதாஹாரஸ்பஹா தப்திஃ| அந்யே புநராஹுஃ-அந்நாநபிநந்ததா தப்திரிவ தப்திரரோசகஃ| நித்ரார்த்தஸ்யேவ விஷயாக்ரஹணஂ தந்த்ரா| ஸ்தைமித்யஂ து ப்ரமீலக இத்யந்யைஃ படிதம்| உபலேப இவோபலேபஃ| தததிஶயஃ ப்ரதிசயோऽதிபூரணம்| அக்நேரதி மந்ததா ஶைத்யம்| உரஸோऽபிஷ்யந்த உதர்தஃ| கேஷாஞ்சிச்சீதவேபதுருதர்தஃ| அந்யே புநராஹுஃ- ஶீதபாநீயஸஂஸ்பர்ஶாச்சீதகாலே விஶேஷதஃ| ஸராககண்டூஃ ஶோப ஸ்யாதுதர்தஃ ஸ கபோத்பவஃ||௧௮||
तत्र सर्वाङ्गीणस्तीव्रः सन्तापो दाहः| स्वेदारतिमानोषः| प्रादेशिकः स्वेदरहितोऽग्न्यर्चिषेव दाहः प्लोषः| मुख़ो ष्ठतालुषु दाहो दवः| चक्षुरादीन्द्रियेषु दाहो दवथुः| पाणिपादांसमूलेषु विविधः सन्तापो विदाहः| कोष्ठे दाहोऽन्तर्दाहः| शिरोग्रीवाकण्ठतालुषु धूमायनं धूमकः| सान्तर्दाहहृदयशूलोद्गारोऽम्लकः| शोणितस्य कृष्णता दौर्गन्ध्यतनुत्वानि क्लेदः| मांसस्य तु कृष्णता दौर्गन्ध्यञ्च| बाह्यत्वक्संहतिश्चर्म कोथः| कोष्ठगौरवादाहारस्पृहा तृप्तिः| अन्ये पुनराहुः-अन्नानभिनन्दता तृप्तिरिव तृप्तिररोचकः| निद्रार्त्तस्येव विषयाग्रहणं तन्द्रा| स्तैमित्यं तु प्रमीलक इत्यन्यैः पठितम्| उपलेप इवोपलेपः| तदतिशयः प्रतिचयोऽतिपूरणम्| अग्नेरति मन्दता शैत्यम्| उरसोऽभिष्यन्द उदर्दः| केषाञ्चिच्छीतवेपथुरुदर्दः| अन्ये पुनराहुः- शीतपानीयसंस्पर्शाच्छीतकाले विशेषतः| सरागकण्डूः शोफ स्यादुदर्दः स कफोद्भवः||१८||
🔊 Audio coming soon
Adhikarana mahAvikArakShudravikArayornAmakaraNavidhiH (19) · Śloka 19
மஹாவிகாராஸ்து யதாஸ்வமேவோ தேக்ஷ்யந்தே| க்ஷுத்ரவிகாராஃ புநர்யதேவாங்கமாவிஶந்தி ததுபபதமேவ நாம லபந்தே| யதா நகஶங்கலலாடபேதாஃ ஸாந்தர்தாஹகண்டஹதயோபலேபாதயஃ| தேஷாஂ ஹி ததைவ ஸ்வரூபமுபதிஷ்டஂ பவதி||௧௯||
महाविकारास्तु यथास्वमेवो देक्ष्यन्ते| क्षुद्रविकाराः पुनर्यदेवाङ्गमाविशन्ति तदुपपदमेव नाम लभन्ते| यथा नख़शङ्ख़ललाटभेदाः सान्तर्दाहकण्ठहृदयोपलेपादयः| तेषां हि तथैव स्वरूपमुपदिष्ठं भवति||१९||
🔊 Audio coming soon
Adhikarana anuktavikAreShvapi cikitsopakramaH (20) · Śloka 20
ஸர்வேஷு தேஷு தேஷ்வநுக்தேஷு சாந்யேஷ்வஸங்க்யேயத்வாத்விகாரேஷு இமாந்யேவ தோஷாணாமாத்மலிங்காநி ஸகலஶரீரவ்யாபீந்யவ்ய பிசாரீணி ச| ததா கர்மாண்யுபக்ரமஶ்ச| தத்ராத்மலிங்காந்யாயுஷ்காமீயே நிர்திஷ்டாநி||௨௦||
सर्वेषु तेषु तेष्वनुक्तेषु चान्येष्वसङ्ख़्येयत्वाद्विकारेषु इमान्येव दोषाणामात्मलिङ्गानि सकलशरीरव्यापीन्यव्य भिचारीणि च| तथा कर्माण्युपक्रमश्च| तत्रात्मलिङ्गान्यायुष्कामीये निर्दिष्टानि||२०||
🔊 Audio coming soon
Adhikarana doShANAM karmANi (21) · Śloka 21
கர்மாணி து வாயோஃ ஸ்ரஂஸவ்யாஸங்கஸாதபேததோதஹர்ஷதர்ஷவர்த்தா ங்கிமர்தகம்பவ்யதவேஷ்டபங்கஶூலஶோஷஸ்வாபபாருஷ்யஸௌஷிர்யஸங்கோச ஸ்பந்தநாநி கஷாயரஸத்வஂ ஶ்யாவாருணவர்ணதா ச| பித்தஸ்ய தாஹோஷ்மபாகஸ்வேதக்லேதகோதஸ்ராவராகாஃ கட்வம்லரஸத்வஂ ஶுக்லாருணவர்ஜ்யவர்ணதா ச| ஶ்லேஷ்மணஃ கண்டூஸ்தைர்யகௌர வோபதேஹஸ்நேஹஶைத்யபந்தநசிரகாரித்வாநி மதுரலவணரஸத்வஂ ஶ்வேதவர்ணதா சேதி||௨௧||
कर्माणि तु वायोः स्रंसव्यासङ्गसादभेदतोदहर्षतर्षवर्त्ता ङ्गिमर्दकम्पव्यथवेष्टभङ्गशूलशोषस्वापपारुष्यसौषिर्यसङ्कोच स्पन्दनानि कषायरसत्वं श्यावारुणवर्णता च| पित्तस्य दाहोष्मपाकस्वेदक्लेदकोथस्रावरागाः कट्वम्लरसत्वं शुक्लारुणवर्ज्यवर्णता च| श्लेष्मणः कण्डूस्थैर्यगौर वोपदेहस्नेहशैत्यबन्धनचिरकारित्वानि मधुरलवणरसत्वं श्वेतवर्णता चेति||२१||
🔊 Audio coming soon
Adhikarana kapilabalamatena doShasvalakShaNAni suSrutamata~jca (22) · Śloka 22
கபிலபலஸ்த்வேஷாஂ ஸ்வலக்ஷணாநி ரஸதோ நிர்திதேஶ கட்வம்லலவணஂ பித்தஂ ஸ்வாத்வம்லலவணஂ கபஃ| கஷாயதிக்தகடுகோ வாயுர்தஷ்டோऽநுமாநதஃ| ஸுஶ்ருதஃ புநஃ படதி-பித்தஂ விதக்தமம்லதாமுபைதி, ஶ்லேஷ்மா லவணதாம்||௨௨||
कपिलबलस्त्वेषां स्वलक्षणानि रसतो निर्दिदेश कट्वम्ललवणं पित्तं स्वाद्वम्ललवणं कफः| कषायतिक्तकटुको वायुर्दृष्टोऽनुमानतः| सुश्रुतः पुनः पठति-पित्तं विदग्धमम्लतामुपैति, श्लेष्मा लवणताम्||२२||
🔊 Audio coming soon
Adhikarana prakaraNopasaMhAraH (23) · Śloka 23
ததேவமேதாநி வாய்வாதிரூபகர்மாண்யவஹிதஃ ஸம்யகுபலக்ஷ யேதாகமப்ரத்யக்ஷாநுமாநைஃ| அநந்தரஞ்ச தேஶகாலமாத்ராதீந் ப்ரமாணீகத்யாஶ்வேவோபக்ரமேதேதி||௨௩||
तदेवमेतानि वाय्वादिरूपकर्माण्यवहितः सम्यगुपलक्ष येदागमप्रत्यक्षानुमानैः| अनन्तरञ्च देशकालमात्रादीन् प्रमाणीकृत्याश्वेवोपक्रमेतेति||२३||
🔊 Audio coming soon
Adhikarana doShANAM triShaShTirBedAH (24) · Śloka 24
பவந்தி சாத்ர வக்ஷ்யந்தேऽதஃ பரஂ தோஷா வத்திக்ஷயவிபேததஃ| பதக் த்ரீந் வித்தி ஸஂஸர்கஸ்த்ரிதா தத்ர து தாந்நவ| த்ரீநேவ ஸமயா வத்த்யா ஷடேகஸ்யாதிஶாயநே| த்ரயோதஶ ஸமஸ்தேஷு ஷட்த்வ்யேகாதிஶயேந து| ஏகஂ துல்யாதிகைஃ ஷட் ச தாரதம்யவிகல்பநாத்| பஞ்சவிஂஶதிரித்யேவஂ வத்தைஃ க்ஷீணைஶ்ச தாவதஃ| ஏகைகவத்திஸமதாக்ஷயைஃ ஷட் தே புநஶ்ச ஷட்| ஏகக்ஷயத்வந்த்வவத்த்யா ஸவிபர்யயயாऽபி தே| பேதா த்விஷஷ்டிர்நிர்திஷ்டாஸ்த்ரிஷஷ்டிஃ ஸ்வாஸ்த்யகாரணம்||௨௪||
भवन्ति चात्र वक्ष्यन्तेऽतः परं दोषा वृद्धिक्षयविभेदतः| पृथक् त्रीन् विद्धि संसर्गस्त्रिधा तत्र तु तान्नव| त्रीनेव समया वृद्ध्या षडेकस्यातिशायने| त्रयोदश समस्तेषु षड्द्व्येकातिशयेन तु| एकं तुल्याधिकैः षट् च तारतम्यविकल्पनात्| पञ्चविंशतिरित्येवं वृद्धैः क्षीणैश्च तावतः| एकैकवृद्धिसमताक्षयैः षट् ते पुनश्च षट्| एकक्षयद्वन्द्ववृद्ध्या सविपर्यययाऽपि ते| भेदा द्विषष्टिर्निर्दिष्टास्त्रिषष्टिः स्वास्थ्यकारणम्||२४||
🔊 Audio coming soon
Adhikarana yugapadvRuddhisAmyakShayAnugadoShavikAravarNanam (25) · Śloka 25
ரோக்யவஸ்தாஸு யுகபத் வ்ருத்திஸாம்யக்ஷயாநுகம்| ஷட்கஂ ஹி துர்போததரஂ விகாரைருபதேக்ஷ்யதே| ப்ரகதிஸ்தஂ யதா பித்தஂ வத்தோ வாயுஃ கபக்ஷயே| ஸ்தாநாதாதாய காத்ரேஷு யத்ர யத்ர விஸர்பதி| ததா பேதஶ்ச தாஹஶ்ச தத்ர தத்ராநவஸ்திதௌ| காத்ரோத்தேஶே ததா ஸ்யாதாஂ பலஹாநிபரிஶ்ரமௌ| ப்ரகதிஸ்தஂ கபஂ க்ஷீணே பித்தே வாயுர்யதா பலீ| கர்ஷேத்குர்யாத்ததா ஶூலஂ ஸஶைத்யஸ்தம்பகௌரவம்| ப்ரகதிஸ்தஂ யதா வாதஂ பித்தஂ வத்தஂ கபக்ஷயே| ஸஂருணத்தி ததா தாஹஃ ஶூலஂ சாஸ்யோபஜாயதே| ப்ரகதிஸ்தஂ கபஂ வத்தஂ பித்தஂ வாயுக்ஷயே யதா| ஸந்நிருந்த்யாத்ததா குர்யாத்ஸ தந்த்ராகௌரவஂ ஜ்வரம்| ப்ரகதிஸ்தஂ யதா வாயுஂ வத்தஃ பித்தக்ஷயே கபஃ| ஸந்நிருந்த்யாத்ததா குர்யாச்சீதகஂ கௌரவஂ ஜ்வரம்| ப்ரகதிஸ்தஂ யதா பித்தஂ வத்தஃ ஶ்லேஷ்மாநிலக்ஷயே| ஸந்நிருந்த்யாத்ததா குர்யாந்மந்தாக்நித்வஂ ஶிரோக்ரஹம்| நித்ராதந்த்ரோபலேபாஂஶ்ச ஹத்ரோகஂ காத்ரகௌரவம்| ஷ்டீவநஂ பித்தகபயோர்நகாதீநாஂ ச பீததாம்||௨௫||
रोग्यवस्थासु युगपद् व्रुद्धिसाम्यक्षयानुगम्| षट्कं हि दुर्बोधतरं विकारैरुपदेक्ष्यते| प्रकृतिस्थं यदा पित्तं वृद्धो वायुः कफक्षये| स्थानादादाय गात्रेषु यत्र यत्र विसर्पति| तदा भेदश्च दाहश्च तत्र तत्रानवस्थितौ| गात्रोद्देशे तथा स्यातां बलहानिपरिश्रमौ| प्रकृतिस्थं कफं क्षीणे पित्ते वायुर्यदा बली| कर्षेत्कुर्यात्तदा शूलं सशैत्यस्तम्भगौरवम्| प्रकृतिस्थं यदा वातं पित्तं वृद्धं कपक्षये| संरुणद्धि तदा दाहः शूलं चास्योपजायते| प्रकृतिस्थं कफं वृद्धं पित्तं वायुक्षये यदा| सन्निरुन्ध्यात्तदा कुर्यात्स तन्द्रागौरवं ज्वरम्| प्रकृतिस्थं यदा वायुं वृद्धः पित्तक्षये कफः| सन्निरुन्ध्यात्तदा कुर्याच्छीतकं गौरवं ज्वरम्| प्रकृतिस्थं यदा पित्तं वृद्धः श्लेष्मानिलक्षये| सन्निरुन्ध्यात्तदा कुर्यान्मन्दाग्नित्वं शिरोग्रहम्| निद्रातन्द्रोपलेपांश्च हृद्रोगं गात्रगौरवम्| ष्ठीवनं पित्तकफयोर्नख़ादीनां च पीतताम्||२५||
🔊 Audio coming soon
Adhikarana anuktalakShaNasamAveSaH (26) · Śloka 26
யே தோஷவத்திக்ஷயயோர்விகாராஃ கீர்திதாஃ பதக்| ஶேஷேஷ்வபி து தாநேவ கல்பயேத்தத்யதாயதம்||௨௬||
ये दोषवृद्धिक्षययोर्विकाराः कीर्तिताः पृथक्| शेषेष्वपि तु तानेव कल्पयेत्तद्यथायथम्||२६||
🔊 Audio coming soon
Adhikarana doShANAM saMsargAdiBirAnatyam (27-20) · Śloka 20
ஸஂஸர்காத்ரஸருதிராதிபிஸ்ததைஷாஂ தோஷாணாஂ க்ஷயஸமாவிவத்தபேதைஃ| ஆநந்த்யஂ தரதமயோகதஶ்ச யாதாந் ஜாநீயாதவஹிதமாநஸோ யதாஸ்வம்||௨௭|| இதி ஶ்ரீவைத்யபதிஸிஂஹகுப்தஸ்ய ஸூநோர்வாக்படஸ்ய கதௌ அஷ்டாங்கஸஂக்ரஹஸஂஹிதாயாஂ ஸூத்ரஸ்தாநே தோஷபேதீயோ நாம விஂஶோऽத்யாயஃ||௨௦||
संसर्गाद्रसरुधिरादिभिस्तथैषां दोषाणां क्षयसमाविवृद्धभेदैः| आनन्त्यं तरतमयोगतश्च यातान् जानीयादवहितमानसो यथास्वम्||२७|| इति श्रीवैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने दोषभेदीयो नाम विंशोऽध्यायः||२०||
🔊 Audio coming soon