Adhikarana 1 (1-3) · Śloka 3
অথাতঃ পুষ্পিতকমিন্দ্রিযং ব্যাখ্যাস্যামহ||১|| ইতি হ স্মাহ ভগবানাত্রেযঃ||২|| পুষ্পং যথা পূর্বরূপং ফলস্যেহ ভবিষ্যতঃ| তথা লিঙ্গমরিষ্টাখ্যং পূর্বরূপং মরিষ্যতঃ||৩||
अथातः पुष्पितकमिन्द्रियं व्याख्यास्यामह||१|| इति ह स्माह भगवानात्रेयः||२|| पुष्पं यथा पूर्वरूपं फलस्येह भविष्यतः| तथा लिङ्गमरिष्टाख्यं पूर्वरूपं मरिष्यतः||३||
🔊 Audio coming soon
Adhikarana 2 (4-5) · Śloka 5
অপ্যেবং তু ভবেত্ পুষ্পং ফলেনাননুবন্ধি যত্| ফলং চাপি ভবেত্ কিঞ্চিদ্যস্য পুষ্পং ন পূর্বজম্ ||৪|| ন ত্বরিষ্টস্য জাতস্য নাশোঽস্তি মরণাদৃতে| মরণং চাপি তন্নাস্তি যন্নারিষ্টপুরঃসরম্||৫||
अप्येवं तु भवेत् पुष्पं फलेनाननुबन्धि यत्| फलं चापि भवेत् किञ्चिद्यस्य पुष्पं न पूर्वजम् ||४|| न त्वरिष्टस्य जातस्य नाशोऽस्ति मरणादृते| मरणं चापि तन्नास्ति यन्नारिष्टपुरःसरम्||५||
🔊 Audio coming soon
Adhikarana 3 (6) · Śloka 6
মিথ্যাদৃষ্টমরিষ্টাভমনরিষ্টমজানতা| অরিষ্টং বাঽপ্যসম্বুদ্ধমেতত্ প্রজ্ঞাপরাধজম্||৬||
मिथ्यादृष्टमरिष्टाभमनरिष्टमजानता| अरिष्टं वाऽप्यसम्बुद्धमेतत् प्रज्ञापराधजम्||६||
🔊 Audio coming soon
Adhikarana 4 (7) · Śloka 7
জ্ঞানসম্বোধনার্থং তু লিঙ্গৈর্মরণপূর্বজৈঃ| পুষ্পিতানুপদেক্ষ্যামো নরান্ বহুবিধৈর্বহূন্ ||৭||
ज्ञानसम्बोधनार्थं तु लिङ्गैर्मरणपूर्वजैः| पुष्पितानुपदेक्ष्यामो नरान् बहुविधैर्बहून् ||७||
🔊 Audio coming soon
Adhikarana 5 (8-16) · Śloka 17
নানাপুষ্পোপমো গন্ধো যস্য ভাতি দিবানিশম্| পুষ্পিতস্য বনস্যেব নানাদ্রুমলতাবতঃ||৮|| তমাহুঃ পুষ্পিতং ধীরা নরং মরণলক্ষণৈঃ| স না সংবত্সরাদ্দেহং জহাতীতি বিনিশ্চযঃ||৯|| এবমেকৈকশঃ পুষ্পৈর্যস্য গন্ধঃ সমো ভবেত্| ইষ্টৈর্বা যদি বাঽনিষ্টৈঃ স চ পুষ্পিত উচ্যতে||১০|| সমাসেনাশুভান্ গন্ধানেকত্বেনাথবা পুনঃ| আজিঘ্রেদ্যস্য গাত্রেষু তং বিদ্যাত্ পুষ্পিতং ভিষক্||১১|| আপ্লুতানাপ্লুতে কাযে যস্য গন্ধাঃ শুভাশুভাঃ| ব্যত্যাসেনানিমিত্তাঃ স্যুঃ স চ পুষ্পিত উচ্যতে||১২|| তদ্যথা- চন্দনং কুষ্ঠং তগরাগুরুণী মধু| মাল্যং মূত্রপুরীষে চ মৃতানি কুণপানি চ||১৩|| যে চান্যে বিবিধাত্মানো গন্ধা বিবিধযোনযঃ| তেঽপ্যনেনানুমানেন বিজ্ঞেযা বিকৃতিং গতাঃ||১৪|| ইদং চাপ্যতিদেশার্থং লক্ষণং গন্ধসংশ্রযম্| বক্ষ্যামো যদভিজ্ঞায ভিষঙ্মরণমাদিশেত্||১৫|| বিযোনির্বিদুরো গন্ধো যস্য গাত্রেষু জাযতে| ইষ্টো বা যদি বাঽনিষ্টো ন স জীবতি তাং সমাম্||১৬|| এতাবদ্গন্ধবিজ্ঞানং,...|১৭|
नानापुष्पोपमो गन्धो यस्य भाति दिवानिशम्| पुष्पितस्य वनस्येव नानाद्रुमलतावतः||८|| तमाहुः पुष्पितं धीरा नरं मरणलक्षणैः| स ना संवत्सराद्देहं जहातीति विनिश्चयः||९|| एवमेकैकशः पुष्पैर्यस्य गन्धः समो भवेत्| इष्टैर्वा यदि वाऽनिष्टैः स च पुष्पित उच्यते||१०|| समासेनाशुभान् गन्धानेकत्वेनाथवा पुनः| आजिघ्रेद्यस्य गात्रेषु तं विद्यात् पुष्पितं भिषक्||११|| आप्लुतानाप्लुते काये यस्य गन्धाः शुभाशुभाः| व्यत्यासेनानिमित्ताः स्युः स च पुष्पित उच्यते||१२|| तद्यथा- चन्दनं कुष्ठं तगरागुरुणी मधु| माल्यं मूत्रपुरीषे च मृतानि कुणपानि च||१३|| ये चान्ये विविधात्मानो गन्धा विविधयोनयः| तेऽप्यनेनानुमानेन विज्ञेया विकृतिं गताः||१४|| इदं चाप्यतिदेशार्थं लक्षणं गन्धसंश्रयम्| वक्ष्यामो यदभिज्ञाय भिषङ्मरणमादिशेत्||१५|| वियोनिर्विदुरो गन्धो यस्य गात्रेषु जायते| इष्टो वा यदि वाऽनिष्टो न स जीवति तां समाम्||१६|| एतावद्गन्धविज्ञानं,...|१७|
🔊 Audio coming soon
Adhikarana 6 (17-22) · Śloka 22
...রসজ্ঞানমতঃ পরম্| আতুরাণাং শরীরেষু বক্ষ্যতে বিধিপূর্বকম্||১৭|| যো রসঃ প্রকৃতিস্থানাং নরাণাং দেহসম্ভবঃ| স এষাং চরমে কালে বিকারং ভজতে দ্বযম্||১৮|| কশ্চিদেবাস্যবৈরস্যমত্যর্থমুপপদ্যতে| স্বাদুত্বমপরশ্চাপি বিপুলং ভজতে রসঃ||১৯|| তমনেনানুমানেন বিদ্যাদ্বিকৃতিমাগতম্| মনুষ্যো হি মনুষ্যস্য কথং রসমবাপ্নুযাত্||২০|| মক্ষিকাশ্চৈব যূকাশ্চ দংশাশ্চ মশকৈঃ সহ| বিরসাদপসর্পন্তি জন্তোঃ কাযান্মুমূর্ষতঃ||২১|| অত্যর্থরসিকং কাযং কালপক্বস্য মক্ষিকাঃ| অপি স্নাতানুলিপ্তস্য ভৃশমাযান্তি সর্বশঃ||২২||
...रसज्ञानमतः परम्| आतुराणां शरीरेषु वक्ष्यते विधिपूर्वकम्||१७|| यो रसः प्रकृतिस्थानां नराणां देहसम्भवः| स एषां चरमे काले विकारं भजते द्वयम्||१८|| कश्चिदेवास्यवैरस्यमत्यर्थमुपपद्यते| स्वादुत्वमपरश्चापि विपुलं भजते रसः||१९|| तमनेनानुमानेन विद्याद्विकृतिमागतम्| मनुष्यो हि मनुष्यस्य कथं रसमवाप्नुयात्||२०|| मक्षिकाश्चैव यूकाश्च दंशाश्च मशकैः सह| विरसादपसर्पन्ति जन्तोः कायान्मुमूर्षतः||२१|| अत्यर्थरसिकं कायं कालपक्वस्य मक्षिकाः| अपि स्नातानुलिप्तस्य भृशमायान्ति सर्वशः||२२||
🔊 Audio coming soon
Adhikarana 7 (23) · Śloka 23
তত্র শ্লোকঃ- সামান্যেন মযোক্তানি লিঙ্গানি রসগন্ধযোঃ| পুষ্পিতস্য নরস্যৈতত্ফলং মরণমাদিশেত্||২৩||
तत्र श्लोकः- सामान्येन मयोक्तानि लिङ्गानि रसगन्धयोः| पुष्पितस्य नरस्यैतत्फलं मरणमादिशेत्||२३||
🔊 Audio coming soon
Adhikarana puShpikA · Śloka 2
ইত্যগ্নিবেশকৃতে তন্ত্রে চরকপ্রতিসংস্কৃতে ইন্দ্রিযস্থানে পুষ্পিতকমিন্দ্রিযং নাম দ্বিতীযোঽধ্যাযঃ||২||
इत्यग्निवेशकृते तन्त्रे चरकप्रतिसंस्कृते इन्द्रियस्थाने पुष्पितकमिन्द्रियं नाम द्वितीयोऽध्यायः||२||
🔊 Audio coming soon