Adhikarana 1 (1-3) · Śloka 3
অথাতো নেত্রবস্তিব্যাপত্সিদ্ধিং ব্যাখ্যাস্যামঃ||১|| ইতি হ স্মাহ ভগবানাত্রেযঃ||২|| অথ নেত্রাণি বস্তীংশ্চ শৃণু বর্জ্যানি কর্মসু| নেত্রস্যাজ্ঞপ্রণীতস্য ব্যাপদঃ সচিকিত্সিতাঃ||৩||
अथातो नेत्रबस्तिव्यापत्सिद्धिं व्याख्यास्यामः||१|| इति ह स्माह भगवानात्रेयः||२|| अथ नेत्राणि बस्तींश्च शृणु वर्ज्यानि कर्मसु| नेत्रस्याज्ञप्रणीतस्य व्यापदः सचिकित्सिताः||३||
🔊 Audio coming soon
Adhikarana 2 (4-5) · Śloka 5
হ্রস্বং দীর্ঘং তনু স্থূলং জীর্ণং শিথিলবন্ধনম্| পার্শ্বচ্ছিদ্রং তথা বক্রমষ্টৌ নেত্রাণি বর্জযেত্||৪|| অপ্রাপ্ত্যতিগতিক্ষোভকর্ষণক্ষণনস্রবাঃ| গুদপীডা গতির্জিহ্মা তেষাং দোষা যথাক্রমম্||৫||
ह्रस्वं दीर्घं तनु स्थूलं जीर्णं शिथिलबन्धनम्| पार्श्वच्छिद्रं तथा वक्रमष्टौ नेत्राणि वर्जयेत्||४|| अप्राप्त्यतिगतिक्षोभकर्षणक्षणनस्रवाः| गुदपीडा गतिर्जिह्मा तेषां दोषा यथाक्रमम्||५||
🔊 Audio coming soon
Adhikarana 3 (6-7) · Śloka 7
বিষমমাংসলচ্ছিন্নস্থূলজালিকবাতলাঃ| স্নিগ্ধঃ ক্লিন্নশ্চ তানষ্টৌ বস্তীন্ কর্মসু বর্জযেত্||৬|| গতিবৈষম্যবিস্রত্বস্রাবদৌর্গ্রাহ্যনিস্রবাঃ| ফেনিলচ্যুত্যধার্যত্বং বস্তেঃ স্যুর্বস্তিদোষতঃ||৭||
विषममांसलच्छिन्नस्थूलजालिकवातलाः| स्निग्धः क्लिन्नश्च तानष्टौ बस्तीन् कर्मसु वर्जयेत्||६|| गतिवैषम्यविस्रत्वस्रावदौर्ग्राह्यनिस्रवाः| फेनिलच्युत्यधार्यत्वं बस्तेः स्युर्बस्तिदोषतः||७||
🔊 Audio coming soon
Adhikarana 4 (8) · Śloka 8
সবাতাতিদ্রুতোত্ক্ষিপ্ততির্যগুল্লুপ্তকম্পিতাঃ| অতিবাহ্যগমন্দাতিবেগদোষাঃ প্রণেতৃতঃ||৮||
सवातातिद्रुतोत्क्षिप्ततिर्यगुल्लुप्तकम्पिताः| अतिबाह्यगमन्दातिवेगदोषाः प्रणेतृतः||८||
🔊 Audio coming soon
Adhikarana 5 (9) · Śloka 10
অনুচ্ছ্বাস্য চ বদ্ধে বা দত্তে নিঃশেষ এব বা| প্রবিশ্য কুপিতো বাযুঃ শূলতোদকরো ভবেত্||৯|| তত্রাভ্যঙ্গো গুদে স্বেদো বাতঘ্নান্যশনানি চ|১০|
अनुच्छ्वास्य च बद्धे वा दत्ते निःशेष एव वा| प्रविश्य कुपितो वायुः शूलतोदकरो भवेत्||९|| तत्राभ्यङ्गो गुदे स्वेदो वातघ्नान्यशनानि च|१०|
🔊 Audio coming soon
Adhikarana 6 (10-11) · Śloka 11
দ্রুতং প্রণীতে নিষ্কৃষ্টে সহসোত্ক্ষিপ্ত এব বা||১০|| স্যাত্ কটীগুদজঙ্ঘার্তিবস্তিস্তম্ভোরুবেদনাঃ | ভোজনং তত্র বাতঘ্নং স্নেহাঃ স্বেদাঃ সবস্তযঃ||১১||
द्रुतं प्रणीते निष्कृष्टे सहसोत्क्षिप्त एव वा||१०|| स्यात् कटीगुदजङ्घार्तिबस्तिस्तम्भोरुवेदनाः | भोजनं तत्र वातघ्नं स्नेहाः स्वेदाः सबस्तयः||११||
🔊 Audio coming soon
Adhikarana 7 (12) · Śloka 12
তির্যগ্বল্যাবৃতদ্বারে বদ্ধে বাঽপি ন গচ্ছতি| নেত্রে তদৃজু নিষ্কৃষ্য সংশোধ্য চ প্রবেশযেত্||১২||
तिर्यग्वल्यावृतद्वारे बद्धे वाऽपि न गच्छति| नेत्रे तदृजु निष्कृष्य संशोध्य च प्रवेशयेत्||१२||
🔊 Audio coming soon
Adhikarana 8 (13-14) · Śloka 15
পীড্যমানেঽন্তরা মুক্তে গুদে প্রতিহতোঽনিলঃ| উরঃশিরোর্তিমূর্বোশ্চ সদনং জনযেদ্বলী||১৩|| বস্তিঃ স্যাত্তত্র বিল্বাদিফলশ্যামাদিমূত্রবান্| স্যাদ্দাহো দবথুঃ শোফঃ কম্পনাভিহতে গুদে||১৪|| কষাযমধুরাঃ শীতাঃ সেকাস্তত্র সবস্তযঃ|১৫|
पीड्यमानेऽन्तरा मुक्ते गुदे प्रतिहतोऽनिलः| उरःशिरोर्तिमूर्वोश्च सदनं जनयेद्बली||१३|| बस्तिः स्यात्तत्र बिल्वादिफलश्यामादिमूत्रवान्| स्याद्दाहो दवथुः शोफः कम्पनाभिहते गुदे||१४|| कषायमधुराः शीताः सेकास्तत्र सबस्तयः|१५|
🔊 Audio coming soon
Adhikarana 9 (15-16) · Śloka 16
অতিমাত্রপ্রণীতেন নেত্রেণ ক্ষণনাদ্বলেঃ||১৫|| স্যাত্ সার্তি দাহনিস্তোদগুদবর্চঃপ্রবর্তনম্| তত্র সর্পিঃ পিচুঃ ক্ষীরং পিচ্ছাবস্তিশ্চ শস্যতে||১৬||
अतिमात्रप्रणीतेन नेत्रेण क्षणनाद्वलेः||१५|| स्यात् सार्ति दाहनिस्तोदगुदवर्चःप्रवर्तनम्| तत्र सर्पिः पिचुः क्षीरं पिच्छाबस्तिश्च शस्यते||१६||
🔊 Audio coming soon
Adhikarana 10 (17-18) · Śloka 18
ন ভাবযতি মন্দস্তু বাহ্যস্ত্বাশু নিবর্ততে| স্নেহস্তত্র পুনঃ সম্যক্ প্রণেযঃ সিদ্ধিমিচ্ছতা||১৭|| অতিপ্রপীডিতঃ কোষ্ঠে তিষ্ঠত্যাযাতি বা গলম্| তত্র বস্তির্বিরেকশ্চ গলপীডাদি কর্ম চ||১৮||
न भावयति मन्दस्तु बाह्यस्त्वाशु निवर्तते| स्नेहस्तत्र पुनः सम्यक् प्रणेयः सिद्धिमिच्छता||१७|| अतिप्रपीडितः कोष्ठे तिष्ठत्यायाति वा गलम्| तत्र बस्तिर्विरेकश्च गलपीडादि कर्म च||१८||
🔊 Audio coming soon
Adhikarana 11 (19) · Śloka 19
তত্র শ্লোকঃ- নেত্রবস্তিপ্রণেতৄণাং দোষানেতান্ সভেষজান্| বেত্তি যস্তেন মতিমান্ বস্তিকর্মাণি কারযেত্||১৯||
तत्र श्लोकः- नेत्रबस्तिप्रणेतॄणां दोषानेतान् सभेषजान्| वेत्ति यस्तेन मतिमान् बस्तिकर्माणि कारयेत्||१९||
🔊 Audio coming soon
Adhikarana puShpikA · Śloka 5
ইত্যগ্নিবেশকৃতে তন্ত্রে চরকপ্রতিসংস্কৃতেঽপ্রাপ্তে দৃঢবলসম্পূরিতে সিদ্ধিস্থানে নেত্রবস্তিব্যাপত্সিদ্ধির্নাম পঞ্চমোঽধ্যাযঃ||৫||
इत्यग्निवेशकृते तन्त्रे चरकप्रतिसंस्कृतेऽप्राप्ते दृढबलसम्पूरिते सिद्धिस्थाने नेत्रबस्तिव्यापत्सिद्धिर्नाम पञ्चमोऽध्यायः||५||
🔊 Audio coming soon