Adhikarana 1 (1-2) · Śloka 2
അഥാതസ്തസ്യാശിതീയമധ്യായം വ്യാഖ്യാസ്യാമഃ||൧|| ഇതി ഹ സ്മാഹ ഭഗവാനാത്രേയഃ||൨||
View original
अथातस्तस्याशितीयमध्यायं व्याख्यास्यामः||१|| इति ह स्माह भगवानात्रेयः||२||
🔊 Audio coming soon
6. tasyāśitīyō'dhyāyaḥ
Adhikarana 2 (3) · Śloka 3
തസ്യാശിതാദ്യാദാഹാരാദ്ബലം വര്ണശ്ച വര്ധതേ| യസ്യര്തുസാത്മ്യം വിദിതം ചേഷ്ടാഹാരവ്യപാശ്രയമ്||൩||
View original
तस्याशिताद्यादाहाराद्बलं वर्णश्च वर्धते| यस्यर्तुसात्म्यं विदितं चेष्टाहारव्यपाश्रयम्||३||
🔊 Audio coming soon
Adhikarana 3 (4) · Śloka 4
ഇഹ ഖലു സംവത്സരം ഷഡങ്ഗമൃതുവിഭാഗേന വിദ്യാത്| തത്രാദിത്യസ്യോദഗയനമാദാനം ച ത്രീനൃതൂഞ്ഛിശിരാദീന് ഗ്രീഷ്മാന്താന് വ്യവസ്യേത്, വര്ഷാദീന് പുനര്ഹേമന്താന്താന് ദക്ഷിണായനം വിസര്ഗം ച||൪||
View original
इह खलु संवत्सरं षडङ्गमृतुविभागेन विद्यात्| तत्रादित्यस्योदगयनमादानं च त्रीनृतूञ्छिशिरादीन् ग्रीष्मान्तान् व्यवस्येत्, वर्षादीन् पुनर्हेमन्तान्तान् दक्षिणायनं विसर्गं च||४||
🔊 Audio coming soon
Adhikarana 4 (5) · Śloka 5
വിസര്ഗേ പുനര്വായവോ നാതിരൂക്ഷാഃ പ്രവാന്തി, ഇതരേ പുനരാദാനേ; സോമശ്ചാവ്യാഹതബലഃ ശിശിരാഭിര്ഭാഭിരാപൂരയഞ്ജഗദാപ്യായയതി ശശ്വത്, അതോ വിസര്ഗഃ സൌമ്യഃ| ആദാനം പുനരാഗ്നേയം; താവേതാവര്കവായൂ സോമശ്ച കാലസ്വഭാവമാര്ഗപരിഗൃഹീതാഃ കാലര്തുരസദോഷദേഹബലനിര്വൃത്തിപ്രത്യയഭൂതാഃ സമുപദിശ്യന്തേ||൫||
View original
विसर्गे पुनर्वायवो नातिरूक्षाः प्रवान्ति, इतरे पुनरादाने; सोमश्चाव्याहतबलः शिशिराभिर्भाभिरापूरयञ्जगदाप्याययति शश्वत्, अतो विसर्गः सौम्यः| आदानं पुनराग्नेयं; तावेतावर्कवायू सोमश्च कालस्वभावमार्गपरिगृहीताः कालर्तुरसदोषदेहबलनिर्वृत्तिप्रत्ययभूताः समुपदिश्यन्ते||५||
🔊 Audio coming soon
Adhikarana 5 (6) · Śloka 6
തത്ര രവിര്ഭാഭിരാദദാനോ ജഗതഃ സ്നേഹം വായവസ്തീവ്രരൂക്ഷാശ്ചോപശോഷയന്തഃ ശിശിരവസന്തഗ്രീഷ്മേഷു യഥാക്രമം രൌക്ഷ്യമുത്പാദയന്തോ രൂക്ഷാന് രസാംസ്തിക്തകഷായകടുകാംശ്ചാഭിവര്ധയന്തോ നൃണാം ദൌര്ബല്യമാവഹന്തി||൬||
View original
तत्र रविर्भाभिराददानो जगतः स्नेहं वायवस्तीव्ररूक्षाश्चोपशोषयन्तः शिशिरवसन्तग्रीष्मेषु यथाक्रमं रौक्ष्यमुत्पादयन्तो रूक्षान् रसांस्तिक्तकषायकटुकांश्चाभिवर्धयन्तो नृणां दौर्बल्यमावहन्ति||६||
🔊 Audio coming soon
Adhikarana 6 (7) · Śloka 7
വര്ഷാശരദ്ധേമന്തേഷു തു ദക്ഷിണാഭിമുഖേऽര്കേ കാലമാര്ഗമേഘവാതവര്ഷാഭിഹതപ്രതാപേ, ശശിനി ചാവ്യാഹതബലേ, മാഹേന്ദ്രസലിലപ്രശാന്തസന്താപേ ജഗതി, അരൂക്ഷാ രസാഃ പ്രവര്ധന്തേऽമ്ലലവണമധുരാ യഥാക്രമം തത്ര ബലമുപചീയതേ നൃണാമിതി||൭||
View original
वर्षाशरद्धेमन्तेषु तु दक्षिणाभिमुखेऽर्के कालमार्गमेघवातवर्षाभिहतप्रतापे, शशिनि चाव्याहतबले, माहेन्द्रसलिलप्रशान्तसन्तापे जगति, अरूक्षा रसाः प्रवर्धन्तेऽम्ललवणमधुरा यथाक्रमं तत्र बलमुपचीयते नृणामिति||७||
🔊 Audio coming soon
Adhikarana 7 (8) · Śloka 8
ഭവതി ചാത്ര- ആദാവന്തേ ച ദൌര്ബല്യം വിസര്ഗാദാനയോര്നൃണാമ്| മധ്യേ മധ്യബലം, ത്വന്തേ ശ്രേഷ്ഠമഗ്രേ ച നിര്ദിശേത്||൮||
View original
भवति चात्र- आदावन्ते च दौर्बल्यं विसर्गादानयोर्नृणाम्| मध्ये मध्यबलं, त्वन्ते श्रेष्ठमग्रे च निर्दिशेत्||८||
🔊 Audio coming soon
Adhikarana 8 (9-18) · Śloka 18
ശീതേ ശീതാനിലസ്പര്ശസംരുദ്ധോ ബലിനാം ബലീ| പക്താ ഭവതി ഹേമന്തേ മാത്രാദ്രവ്യഗുരുക്ഷമഃ||൯|| സ യദാ നേന്ധനം യുക്തം ലഭതേ ദേഹജം തദാ| രസം ഹിനസ്ത്യതോ വായുഃ ശീതഃ ശീതേ പ്രകുപ്യതി||൧൦|| തസ്മാത്തുഷാരസമയേ സ്നിഗ്ധാമ്ലലവണാന് രസാന്| ഔദകാനൂപമാംസാനാം മേദ്യാനാമുപയോജയേത്||൧൧|| ബിലേശയാനാം മാംസാനി പ്രസഹാനാം ഭൃതാനി ച| ഭക്ഷയേന്മദിരാം ശീധും മധു ചാനുപിബേന്നരഃ||൧൨|| ഗോരസാനിക്ഷുവികൃതീര്വസാം തൈലം നവൌദനമ്| ഹേമന്തേऽഭ്യസ്യതസ്തോയമുഷ്ണം ചായുര്ന ഹീയതേ||൧൩|| അഭ്യങ്ഗോത്സാദനം മൂര്ധ്നി തൈലം ജേന്താകമാതപമ്| ഭജേദ്ഭൂമിഗൃഹം ചോഷ്ണമുഷ്ണം ഗര്ഭഗൃഹം തഥാ||൧൪|| ശീതേഷു സംവൃതം സേവ്യം യാനം ശയനമാസനമ്| പ്രാവാരാജിനകൌഷേയപ്രവേണീകുഥകാസ്തൃതമ്||൧൫|| ഗുരൂഷ്ണവാസാ ദിഗ്ധാങ്ഗോ ഗുരുണാऽഗുരുണാ സദാ| ശയനേ പ്രമദാം പീനാം വിശാലോപചിതസ്തനീമ്||൧൬|| ആലിങ്ഗ്യാഗുരുദിഗ്ധാങ്ഗീം സുപ്യാത് സമദമന്മഥഃ| പ്രകാമം ച നിഷേവേത മൈഥുനം ശിശിരാഗമേ||൧൭|| വര്ജയേദന്നപാനാനി വാതലാനി ലഘൂനി ച| പ്രവാതം പ്രമിതാഹാരമുദമന്ഥം ഹിമാഗമേ||൧൮||
View original
शीते शीतानिलस्पर्शसंरुद्धो बलिनां बली| पक्ता भवति हेमन्ते मात्राद्रव्यगुरुक्षमः||९|| स यदा नेन्धनं युक्तं लभते देहजं तदा| रसं हिनस्त्यतो वायुः शीतः शीते प्रकुप्यति||१०|| तस्मात्तुषारसमये स्निग्धाम्ललवणान् रसान्| औदकानूपमांसानां मेद्यानामुपयोजयेत्||११|| बिलेशयानां मांसानि प्रसहानां भृतानि च| भक्षयेन्मदिरां शीधुं मधु चानुपिबेन्नरः||१२|| गोरसानिक्षुविकृतीर्वसां तैलं नवौदनम्| हेमन्तेऽभ्यस्यतस्तोयमुष्णं चायुर्न हीयते||१३|| अभ्यङ्गोत्सादनं मूर्ध्नि तैलं जेन्ताकमातपम्| भजेद्भूमिगृहं चोष्णमुष्णं गर्भगृहं तथा||१४|| शीतेषु संवृतं सेव्यं यानं शयनमासनम्| प्रावाराजिनकौषेयप्रवेणीकुथकास्तृतम्||१५|| गुरूष्णवासा दिग्धाङ्गो गुरुणाऽगुरुणा सदा| शयने प्रमदां पीनां विशालोपचितस्तनीम्||१६|| आलिङ्ग्यागुरुदिग्धाङ्गीं सुप्यात् समदमन्मथः| प्रकामं च निषेवेत मैथुनं शिशिरागमे||१७|| वर्जयेदन्नपानानि वातलानि लघूनि च| प्रवातं प्रमिताहारमुदमन्थं हिमागमे||१८||
🔊 Audio coming soon
Adhikarana 9 (19-21) · Śloka 21
ഹേമന്തശിശിരൌ തുല്യൌ ശിശിരേऽല്പം വിശേഷണമ്| രൌക്ഷ്യമാദാനജം ശീതം മേഘമാരുതവര്ഷജമ്||൧൯|| തസ്മാദ്ധൈമന്തികഃ സര്വഃ ശിശിരേ വിധിരിഷ്യതേ| നിവാതമുഷ്ണം ത്വധികം ശിശിരേ ഗൃഹമാശ്രയേത്||൨൦|| കടുതിക്തകഷായാണി വാതലാനി ലഘൂനി ച| വര്ജയേദന്നപാനാനി ശിശിരേ ശീതലാനി ച||൨൧||
View original
हेमन्तशिशिरौ तुल्यौ शिशिरेऽल्पं विशेषणम्| रौक्ष्यमादानजं शीतं मेघमारुतवर्षजम्||१९|| तस्माद्धैमन्तिकः सर्वः शिशिरे विधिरिष्यते| निवातमुष्णं त्वधिकं शिशिरे गृहमाश्रयेत्||२०|| कटुतिक्तकषायाणि वातलानि लघूनि च| वर्जयेदन्नपानानि शिशिरे शीतलानि च||२१||
🔊 Audio coming soon
Adhikarana 10 (22-26) · Śloka 26
വസന്തേ നിചിതഃ ശ്ലേഷ്മാ ദിനകൃദ്ഭാഭിരീരിതഃ| കായാഗ്നിം ബാധതേ രോഗാംസ്തതഃ പ്രകുരുതേ ബഹൂന്||൨൨|| തസ്മാദ്വസന്തേ കര്മാണി വമനാദീനി കാരയേത്| ഗുര്വമ്ലസ്നിഗ്ധമധുരം ദിവാസ്വപ്നം ച വര്ജയേത്||൨൩|| വ്യായാമോദ്വര്തനം ധൂമം കവലഗ്രഹമഞ്ജനമ്| സുഖാമ്ബുനാ ശൌചവിധിം ശീലയേത് കുസുമാഗമേ||൨൪|| ചന്ദനാഗുരുദിഗ്ധാങ്ഗോ യവഗോധൂമഭോജനഃ| ശാരഭം ശാശമൈണേയം മാംസം ലാവകപിഞ്ജലമ്||൨൫|| ഭക്ഷയേന്നിര്ഗദം സീധും പിബേന്മാധ്വീകമേവ വാ| വസന്തേऽനുഭവേത് സ്ത്രീണാം കാനനാനാം ച യൌവനമ്||൨൬||
View original
वसन्ते निचितः श्लेष्मा दिनकृद्भाभिरीरितः| कायाग्निं बाधते रोगांस्ततः प्रकुरुते बहून्||२२|| तस्माद्वसन्ते कर्माणि वमनादीनि कारयेत्| गुर्वम्लस्निग्धमधुरं दिवास्वप्नं च वर्जयेत्||२३|| व्यायामोद्वर्तनं धूमं कवलग्रहमञ्जनम्| सुखाम्बुना शौचविधिं शीलयेत् कुसुमागमे||२४|| चन्दनागुरुदिग्धाङ्गो यवगोधूमभोजनः| शारभं शाशमैणेयं मांसं लावकपिञ्जलम्||२५|| भक्षयेन्निर्गदं सीधुं पिबेन्माध्वीकमेव वा| वसन्तेऽनुभवेत् स्त्रीणां काननानां च यौवनम्||२६||
🔊 Audio coming soon
Adhikarana 11 (27-32) · Śloka 32
മയൂഖൈര്ജഗതഃ സ്നേഹം ഗ്രീഷ്മേ പേപീയതേ രവിഃ| സ്വാദു ശീതം ദ്രവം സ്നിഗ്ധമന്നപാനം തദാ ഹിതമ്||൨൭|| ശീതം സശര്കരം മന്ഥം ജാങ്ഗലാന്മൃഗപക്ഷിണഃ| ഘൃതം പയഃ സശാല്യന്നം ഭജന് ഗ്രീഷ്മേ ന സീദതി||൨൮|| മദ്യമല്പം ന വാ പേയമഥവാ സുബഹൂദകമ്| ലവണാമ്ലകടൂഷ്ണാനി വ്യായാമം ച വിവര്ജയേത് ||൨൯|| ദിവാ ശീതഗൃഹേ നിദ്രാം നിശി ചന്ദ്രാംശുശീതലേ| ഭജേച്ചന്ദനദിഗ്ധാങ്ഗഃ പ്രവാതേ ഹര്മ്യമസ്തകേ||൩൦|| വ്യജനൈഃ പാണിസംസ്പര്ശൈശ്ചന്ദനോദകശീതലൈഃ| സേവ്യമാനോ ഭജേദാസ്യാം മുക്താമണിവിഭൂഷിതഃ||൩൧|| കാനനാനി ച ശീതാനി ജലാനി കുസുമാനി ച| ഗ്രീഷ്മകാലേ നിഷേവേത മൈഥുനാദ്വിരതോ നരഃ||൩൨||
View original
मयूखैर्जगतः स्नेहं ग्रीष्मे पेपीयते रविः| स्वादु शीतं द्रवं स्निग्धमन्नपानं तदा हितम्||२७|| शीतं सशर्करं मन्थं जाङ्गलान्मृगपक्षिणः| घृतं पयः सशाल्यन्नं भजन् ग्रीष्मे न सीदति||२८|| मद्यमल्पं न वा पेयमथवा सुबहूदकम्| लवणाम्लकटूष्णानि व्यायामं च विवर्जयेत् ||२९|| दिवा शीतगृहे निद्रां निशि चन्द्रांशुशीतले| भजेच्चन्दनदिग्धाङ्गः प्रवाते हर्म्यमस्तके||३०|| व्यजनैः पाणिसंस्पर्शैश्चन्दनोदकशीतलैः| सेव्यमानो भजेदास्यां मुक्तामणिविभूषितः||३१|| काननानि च शीतानि जलानि कुसुमानि च| ग्रीष्मकाले निषेवेत मैथुनाद्विरतो नरः||३२||
🔊 Audio coming soon
Adhikarana 12 (33-40) · Śloka 40
ആദാനദുര്ബലേ ദേഹേ പക്താ ഭവതി ദുര്ബലഃ| സ വര്ഷാസ്വനിലാദീനാം ദൂഷണൈര്ബാധ്യതേ പുനഃ||൩൩|| ഭൂബാഷ്പാന്മേഘനിസ്യന്ദാത് പാകാദമ്ലാജ്ജലസ്യ ച| വര്ഷാസ്വഗ്നിബലേ ക്ഷീണേ കുപ്യന്തി പവനാദയഃ||൩൪|| തസ്മാത് സാധാരണഃ സര്വോ വിധിര്വര്ഷാസു ശസ്യതേ| ഉദമന്ഥം ദിവാസ്വപ്നമവശ്യായം നദീജലമ്||൩൫|| വ്യായാമമാതപം ചൈവ വ്യവായം ചാത്ര വര്ജയേത്| പാനഭോജനസംസ്കാരാന് പ്രായഃ ക്ഷൌദ്രാന്വിതാന് ഭജേത്||൩൬|| വ്യക്താമ്ലലവണസ്നേഹം വാതവര്ഷാകുലേऽഹനി| വിശേഷശീതേ ഭോക്തവ്യം വര്ഷാസ്വനിലശാന്തയേ||൩൭|| അഗ്നിസംരക്ഷണവതാ യവഗോധൂമശാലയഃ| പുരാണാ ജാങ്ഗലൈര്മാംസൈര്ഭോജ്യാ യൂഷൈശ്ച സംസ്കൃതൈഃ||൩൮|| പിബേത് ക്ഷൌദ്രാന്വിതം ചാല്പം മാധ്വീകാരിഷ്ടമമ്ബു വാ| മാഹേന്ദ്രം തപ്തശീതം വാ കൌപം സാരസമേവ വാ||൩൯|| പ്രഘര്ഷോദ്വര്തനസ്നാനഗന്ധമാല്യപരോ ഭവേത്| ലഘുശുദ്ധാമ്ബരഃ സ്ഥാനം ഭജേദക്ലേദി വാര്ഷികമ്||൪൦||
View original
आदानदुर्बले देहे पक्ता भवति दुर्बलः| स वर्षास्वनिलादीनां दूषणैर्बाध्यते पुनः||३३|| भूबाष्पान्मेघनिस्यन्दात् पाकादम्लाज्जलस्य च| वर्षास्वग्निबले क्षीणे कुप्यन्ति पवनादयः||३४|| तस्मात् साधारणः सर्वो विधिर्वर्षासु शस्यते| उदमन्थं दिवास्वप्नमवश्यायं नदीजलम्||३५|| व्यायाममातपं चैव व्यवायं चात्र वर्जयेत्| पानभोजनसंस्कारान् प्रायः क्षौद्रान्वितान् भजेत्||३६|| व्यक्ताम्ललवणस्नेहं वातवर्षाकुलेऽहनि| विशेषशीते भोक्तव्यं वर्षास्वनिलशान्तये||३७|| अग्निसंरक्षणवता यवगोधूमशालयः| पुराणा जाङ्गलैर्मांसैर्भोज्या यूषैश्च संस्कृतैः||३८|| पिबेत् क्षौद्रान्वितं चाल्पं माध्वीकारिष्टमम्बु वा| माहेन्द्रं तप्तशीतं वा कौपं सारसमेव वा||३९|| प्रघर्षोद्वर्तनस्नानगन्धमाल्यपरो भवेत्| लघुशुद्धाम्बरः स्थानं भजेदक्लेदि वार्षिकम्||४०||
🔊 Audio coming soon
Adhikarana 13 (41-48) · Śloka 48
വര്ഷാശീതോചിതാങ്ഗാനാം സഹസൈവാര്കരശ്മിഭിഃ| തപ്താനാമാചിതം പിത്തം പ്രായഃ ശരദി കുപ്യതി||൪൧|| തത്രാന്നപാനം മധുരം ലഘു ശീതം സതിക്തകമ്| പിത്തപ്രശമനം സേവ്യം മാത്രയാ സുപ്രകാങ്ക്ഷിതൈഃ||൪൨|| ലാവാന് കപിഞ്ജലാനേണാനുരഭ്രാഞ്ഛരഭാന് ശശാന്| ശാലീന് സയവഗോധൂമാന് സേവ്യാനാഹുര്ഘനാത്യയേ||൪൩|| തിക്തസ്യ സര്പിഷഃ പാനം വിരേകോ രക്തമോക്ഷണമ്| ധാരാധരാത്യയേ കാര്യമാതപസ്യ ച വര്ജനമ്||൪൪|| വസാം തൈലമവശ്യായമൌദകാനൂപമാമിഷമ്| ക്ഷാരം ദധി ദിവാസ്വപ്നം പ്രാഗ്വാതം ചാത്ര വര്ജയേത്||൪൫|| ദിവാ സൂര്യാംശുസന്തപ്തം നിശി ചന്ദ്രാംശുശീതലമ്| കാലേന പക്വം നിര്ദോഷമഗസ്ത്യേനാവിഷീകൃതമ്||൪൬|| ഹംസോദകമിതി ഖ്യാതം ശാരദം വിമലം ശുചി| സ്നാനപാനാവഗാഹേഷു ഹിതമമ്ബു യഥാऽമൃതമ് ||൪൭|| ശാരദാനി ച മാല്യാനി വാസാംസി വിമലാനി ച| ശരത്കാലേ പ്രശസ്യന്തേ പ്രദോഷേ ചേന്ദുരശ്മയഃ||൪൮||
View original
वर्षाशीतोचिताङ्गानां सहसैवार्करश्मिभिः| तप्तानामाचितं पित्तं प्रायः शरदि कुप्यति||४१|| तत्रान्नपानं मधुरं लघु शीतं सतिक्तकम्| पित्तप्रशमनं सेव्यं मात्रया सुप्रकाङ्क्षितैः||४२|| लावान् कपिञ्जलानेणानुरभ्राञ्छरभान् शशान्| शालीन् सयवगोधूमान् सेव्यानाहुर्घनात्यये||४३|| तिक्तस्य सर्पिषः पानं विरेको रक्तमोक्षणम्| धाराधरात्यये कार्यमातपस्य च वर्जनम्||४४|| वसां तैलमवश्यायमौदकानूपमामिषम्| क्षारं दधि दिवास्वप्नं प्राग्वातं चात्र वर्जयेत्||४५|| दिवा सूर्यांशुसन्तप्तं निशि चन्द्रांशुशीतलम्| कालेन पक्वं निर्दोषमगस्त्येनाविषीकृतम्||४६|| हंसोदकमिति ख्यातं शारदं विमलं शुचि| स्नानपानावगाहेषु हितमम्बु यथाऽमृतम् ||४७|| शारदानि च माल्यानि वासांसि विमलानि च| शरत्काले प्रशस्यन्ते प्रदोषे चेन्दुरश्मयः||४८||
🔊 Audio coming soon
Adhikarana 14 (49) · Śloka 49
ഇത്യുക്തമൃതുസാത്മ്യം യച്ചേഷ്ടാഹാരവ്യപാശ്രയമ്| ഉപശേതേ യദൌചിത്യാദോകഃസാത്മ്യം തദുച്യതേ||൪൯||
View original
इत्युक्तमृतुसात्म्यं यच्चेष्टाहारव्यपाश्रयम्| उपशेते यदौचित्यादोकःसात्म्यं तदुच्यते||४९||
🔊 Audio coming soon
Adhikarana 15 (50) · Śloka 50
ദേശാനാമാമയാനാം ച വിപരീതഗുണം ഗുണൈഃ| സാത്മ്യമിച്ഛന്തി സാത്മ്യജ്ഞാശ്ചേഷ്ടിതം ചാദ്യമേവ ച||൫൦||
View original
देशानामामयानां च विपरीतगुणं गुणैः| सात्म्यमिच्छन्ति सात्म्यज्ञाश्चेष्टितं चाद्यमेव च||५०||
🔊 Audio coming soon
Adhikarana 16 (51) · Śloka 51
തത്ര ശ്ലോകഃ- ഋതാവൃതൌ നൃഭിഃ സേവ്യമസേവ്യം യച്ച കിഞ്ചന| തസ്യാശിതീയേ നിര്ദിഷ്ടം ഹേതുമത് സാത്മ്യമേവ ച||൫൧||
View original
तत्र श्लोकः- ऋतावृतौ नृभिः सेव्यमसेव्यं यच्च किञ्चन| तस्याशितीये निर्दिष्टं हेतुमत् सात्म्यमेव च||५१||
🔊 Audio coming soon
Adhikarana puShpikA · Śloka 6
ഇത്യഗ്നിവേശകൃതേ തന്ത്രേ ചരകപ്രതിസംസ്കൃതേ ശ്ലോകസ്ഥാനേ തസ്യാശിതീയോ നാമ ഷഷ്ഠോऽധ്യായഃ||൬||
View original
इत्यग्निवेशकृते तन्त्रे चरकप्रतिसंस्कृते श्लोकस्थाने तस्याशितीयो नाम षष्ठोऽध्यायः||६||
🔊 Audio coming soon