Adhikarana vAtadUShita-pittadUShita-kaphadUShita-dvandvaduShTa-tridoShaduShTastanyapAnajanyabAlarogalakShaNam (1-3) · Śloka 4
অথ বালরোগনিদানম্ |
বাতদুষ্টং শিশুঃ স্তন্যং পিবন্ বাতগদাতুরঃ |
ক্ষামস্বরঃ কৃশাঙ্গঃ স্যাদ্বদ্ধবিণ্মূত্রমারুতঃ ||১||
স্বিন্নো ভিন্নমলো বালঃ কামলাপিত্তরোগবান্ |
তৃষ্ণালুরুষ্ণসর্বাঙ্গঃ পিত্তদুষ্টং পযঃ পিবন্ ||২||
কফদুষ্টং পিবন্ ক্ষীরং লালালুঃ শ্লেষ্মরোগবান্ |
নিদ্রান্বিতো জডঃ শূনবক্ত্রাক্ষশ্ছর্দনঃ শিশুঃ ||৩||
দ্বন্দ্বজে দ্বন্দ্বজং রূপং সর্বজে সর্বলক্ষণম্ |৪|
View original
अथ बालरोगनिदानम् |
वातदुष्टं शिशुः स्तन्यं पिबन् वातगदातुरः |
क्षामस्वरः कृशाङ्गः स्याद्बद्धविण्मूत्रमारुतः ||१||
स्विन्नो भिन्नमलो बालः कामलापित्तरोगवान् |
तृष्णालुरुष्णसर्वाङ्गः पित्तदुष्टं पयः पिबन् ||२||
कफदुष्टं पिबन् क्षीरं लालालुः श्लेष्मरोगवान् |
निद्रान्वितो जडः शूनवक्त्राक्षश्छर्दनः शिशुः ||३||
द्वन्द्वजे द्वन्द्वजं रूपं सर्वजे सर्वलक्षणम् |४|
Adhikarana shishorvaktumakShamasyAntargatavedanAj~jAnopAyAH (4-7) · Śloka 7
শিশোস্তীব্রামতীব্রাং চ রোদনাল্লক্ষযেদ্রুজম্ ||৪||
স যং স্পৃশেদ্ভৃশং দেশং যত্র চ স্পর্শনাক্ষমঃ |
তত্র বিদ্যাদ্রুজং মূর্ধ্নি রুজং চাক্ষিনিমীলনাত্ ||৫||
হৃদি জিহ্বৌষ্ঠদশনশ্বাসমুষ্টিনিপীডনৈঃ |
কোষ্ঠে বিবন্ধবমথুস্তনদংশান্ত্রকূজনৈঃ |
আধ্মানপৃষ্ঠনমনজঠরোন্নমনৈরপি ||৬||
বস্তৌ গুহ্যে চ বিণ্মূত্রসঙ্গত্রাসদিগীক্ষণৈঃ |
স্রোতাংস্যঙ্গানি সন্ধীংশ্চ পশ্যেদ্যত্নান্মুহুর্মুহুঃ ||৭||
View original
शिशोस्तीव्रामतीव्रां च रोदनाल्लक्षयेद्रुजम् ||४||
स यं स्पृशेद्भृशं देशं यत्र च स्पर्शनाक्षमः |
तत्र विद्याद्रुजं मूर्ध्नि रुजं चाक्षिनिमीलनात् ||५||
हृदि जिह्वौष्ठदशनश्वासमुष्टिनिपीडनैः |
कोष्ठे विबन्धवमथुस्तनदंशान्त्रकूजनैः |
आध्मानपृष्ठनमनजठरोन्नमनैरपि ||६||
बस्तौ गुह्ये च विण्मूत्रसङ्गत्रासदिगीक्षणैः |
स्रोतांस्यङ्गानि सन्धींश्च पश्येद्यत्नान्मुहुर्मुहुः ||७||
Adhikarana kukUNakalakShaNam (8-9) · Śloka 9
কুকূণকঃ ক্ষীরদোষাচ্ছিশূনামেব বর্ত্মনি |
জাযতে তেন তন্নেত্রং কণ্ডূরং চ স্রবেন্মুহুঃ ||৮||
শিশুঃ কুর্যাল্ললাটাক্ষিকূটনাসাবঘর্ষণম্ |
শক্তো নার্কপ্রভাং দ্রষ্টুং ন বর্ত্মোন্মীলনক্ষমঃ ||৯||
View original
कुकूणकः क्षीरदोषाच्छिशूनामेव वर्त्मनि |
जायते तेन तन्नेत्रं कण्डूरं च स्रवेन्मुहुः ||८||
शिशुः कुर्याल्ललाटाक्षिकूटनासावघर्षणम् |
शक्तो नार्कप्रभां द्रष्टुं न वर्त्मोन्मीलनक्षमः ||९||
Adhikarana pArigarbhikalakShaNam (10-11) · Śloka 11
মাতুঃ কুমারো গর্ভিণ্যাঃ স্তন্যং প্রাযঃ পিবন্নপি |
কাসাগ্নিসাদবমথুতন্দ্রাকার্শ্যারুচিভ্রমৈঃ ||১০||
যুজ্যতে কোষ্ঠবৃদ্ধ্যা চ তমাহুঃ পারিগর্ভিকম্ |
রোগং পরিভবাখ্যং চ যুঞ্জ্যাত্তত্রাগ্নিদীপনম্ ||১১||
View original
मातुः कुमारो गर्भिण्याः स्तन्यं प्रायः पिबन्नपि |
कासाग्निसादवमथुतन्द्राकार्श्यारुचिभ्रमैः ||१०||
युज्यते कोष्ठवृद्ध्या च तमाहुः पारिगर्भिकम् |
रोगं परिभवाख्यं च युञ्ज्यात्तत्राग्निदीपनम् ||११||
Adhikarana tAlukaNTakalakShaNam (12-13) · Śloka 13
তালুমাংসে কফঃ ক্রুদ্ধঃ কুরুতে তালুকণ্টকম্ |
তেন তালুপ্রদেশস্য নিম্নতা মূর্ধ্নি জাযতে ||১২||
তালুপাতঃ স্তনদ্বেষঃ কৃচ্ছ্রাত্ পানং শকৃদ্দ্রবম্ |
তৃডক্ষিকণ্ঠাস্যরুজা গ্রীবাদুর্ধরতা বমিঃ ||১৩||
View original
तालुमांसे कफः क्रुद्धः कुरुते तालुकण्टकम् |
तेन तालुप्रदेशस्य निम्नता मूर्ध्नि जायते ||१२||
तालुपातः स्तनद्वेषः कृच्छ्रात् पानं शकृद्द्रवम् |
तृडक्षिकण्ठास्यरुजा ग्रीवादुर्धरता वमिः ||१३||
Adhikarana mahApadmanAmno visarpasya lakShaNam (14) · Śloka 15
বিসর্পস্তু শিশোঃ প্রাণনাশনো বস্তিশীর্ষজঃ |
পদ্মবর্ণো মহাপদ্মনামা দোষত্রযোদ্ভবঃ ||১৪||
শঙ্খাভ্যাং হৃদযং যাতি হৃদযাদ্বা গুদং ব্রজেত্ |১৫|
View original
विसर्पस्तु शिशोः प्राणनाशनो बस्तिशीर्षजः |
पद्मवर्णो महापद्मनामा दोषत्रयोद्भवः ||१४||
शङ्खाभ्यां हृदयं याति हृदयाद्वा गुदं व्रजेत् |१५|
Adhikarana bAlaroge katicit kShudrarogANAM kathanam (15) · Śloka 15
ক্ষুদ্ররোগে চ কথিতে ত্বজগল্ল্যহিপূতনে ||১৫||
View original
क्षुद्ररोगे च कथिते त्वजगल्ल्यहिपूतने ||१५||
Adhikarana bAlaroge kAyacikitsoktajvarAdirogANAM nirdeshaH (16) · Śloka 16
জ্বরাদ্যা ব্যাধযঃ সর্বে মহতাং যে পুরেরিতাঃ |
বালদেহেঽপি তে তদ্বদ্বিজ্ঞেযাঃ কুশলৈঃ সদা ||১৬||
View original
ज्वराद्या व्याधयः सर्वे महतां ये पुरेरिताः |
बालदेहेऽपि ते तद्वद्विज्ञेयाः कुशलैः सदा ||१६||
Adhikarana grahajuShTAnAM sAmAnyalakShaNam (17-19) · Śloka 20
ক্ষণাদুদ্বিজতে বালঃ ক্ষণাত্ত্রস্যতি রোদিতি |
নখৈর্দন্তৈর্দারযতি ধাত্রীমাত্মানমেব বা ||১৭||
ঊর্ধ্বং নিরীক্ষতে দন্তান্ খাদেত্ কূজতি জৃম্ভতে |
ভ্রুবৌ ক্ষিপতি দন্তৌষ্ঠং ফেনং বমতি চাসকৃত্ ||১৮||
ক্ষামোঽতি নিশি জাগর্তি শূনাক্ষো ভিন্নবিট্স্বরঃ |
মাংসশোণিতগন্ধিশ্চ ন চাশ্নাতি যথা পুরা ||১৯||
সামান্যং গ্রহজুষ্টানাং লক্ষণং সমুদাহৃতম্ |২০|
View original
क्षणादुद्विजते बालः क्षणात्त्रस्यति रोदिति |
नखैर्दन्तैर्दारयति धात्रीमात्मानमेव वा ||१७||
ऊर्ध्वं निरीक्षते दन्तान् खादेत् कूजति जृम्भते |
भ्रुवौ क्षिपति दन्तौष्ठं फेनं वमति चासकृत् ||१८||
क्षामोऽति निशि जागर्ति शूनाक्षो भिन्नविट्स्वरः |
मांसशोणितगन्धिश्च न चाश्नाति यथा पुरा ||१९||
सामान्यं ग्रहजुष्टानां लक्षणं समुदाहृतम् |२०|
Adhikarana skandagrahagRuhItalakShaNam (20-21) · Śloka 22
একনেত্রস্য গাত্রস্য স্রাবঃ স্পন্দনকম্পনম্ ||২০||
ঊর্ধ্বং দৃষ্ট্যা নিরীক্ষেত বক্রাস্যো রক্তগন্ধিকঃ |
দন্তান্ খাদতি বিত্রস্তঃ স্তন্যং নৈবাভিনন্দতি ||২১||
স্কন্দগ্রহগৃহীতানাং রোদনং চাল্পমেব চ |২২|
View original
एकनेत्रस्य गात्रस्य स्रावः स्पन्दनकम्पनम् ||२०||
ऊर्ध्वं दृष्ट्या निरीक्षेत वक्रास्यो रक्तगन्धिकः |
दन्तान् खादति वित्रस्तः स्तन्यं नैवाभिनन्दति ||२१||
स्कन्दग्रहगृहीतानां रोदनं चाल्पमेव च |२२|
Adhikarana skandApasmAralakShaNam (22) · Śloka 22
নষ্টসঞ্জ্ঞো বমেত্ ফেনং সঞ্জ্ঞাবানতিরোদিতি |
পূযশোণিতগন্ধিত্বং স্কন্দাপস্মারলক্ষণম্ ||২২||
View original
नष्टसञ्ज्ञो वमेत् फेनं सञ्ज्ञावानतिरोदिति |
पूयशोणितगन्धित्वं स्कन्दापस्मारलक्षणम् ||२२||
Adhikarana shakunigrahagRuhItalakShaNam (23) · Śloka 23
স্রস্তাঙ্গো ভযচকিতো বিহঙ্গগন্ধিঃ সাস্রাবব্রণপরিপীডিতঃ সমন্তাত্ |
স্ফোটৈশ্চ প্রচিততনুঃ সদাহপাকৈর্বিজ্ঞেযো ভবতি শিশুঃ ক্ষতঃ শকুন্যা ||২৩||
(সু. উ. তং. অ. ২৭) |
View original
स्रस्ताङ्गो भयचकितो विहङ्गगन्धिः सास्रावव्रणपरिपीडितः समन्तात् |
स्फोटैश्च प्रचिततनुः सदाहपाकैर्विज्ञेयो भवति शिशुः क्षतः शकुन्या ||२३||
(सु. उ. तं. अ. २७) |
Adhikarana revatI-pUtanA-andhapUtanA-shItapUtanA-mukhamaNDikA-naigameyagrahagRuhItalakShaNam (24-30) · Śloka 30
ব্রণৈঃ স্ফোটৈশ্চিতং গাত্রং পঙ্কগন্ধং স্রবেদসৃক্ |
ভিন্নবর্চা জ্বরী দাহী রেবতীগ্রহলক্ষণম্ ||২৪||
অতীসারো জ্বরস্তৃষ্ণা তির্যক্প্রেক্ষণরোদনম্ |
নষ্টনিদ্রস্তথোদ্বিগ্নো গ্রস্তঃ পূতনযা শিশুঃ ||২৫||
ছর্দিঃ কাসো জ্বরস্তৃষ্ণা বসাগন্ধোঽতিরোদনম্ |
স্তন্যদ্বেষোঽতিসারশ্চ অন্ধপূতনযা ভবেত্ ||২৬||
বেপতে কাসতে ক্ষীণো নেত্ররোগো বিগন্ধিতা |
ছর্দ্যতীসারযুক্তশ্চ শীতপূতনযা শিশুঃ ||২৭||
প্রসন্নবর্ণবদনঃ সিরাভিরভিসংবৃতঃ |
মূত্রগন্ধী চ বহ্বাশী মুখমণ্ডিকযা ভবেত্ ||২৮||
ছর্দিস্প(স্য)ন্দনকণ্ঠাস্যশোষমূর্ছাবিগন্ধিতাঃ |
ঊর্ধ্বং পশ্যেদ্দশেদ্দন্তান্ নৈগমেযগ্রহং বদেত্ ||২৯||
প্রস্তব্ধাক্ষঃ স্তনদ্বেষী মুহ্যতে চানিশং মুহুঃ |
তং বালমচিরাদ্ধন্তি গ্রহঃ সম্পূর্ণলক্ষণঃ |
বিপরীততমং সাধ্যং চিকিত্সেদচিরার্দিতম্ ||৩০||
View original
व्रणैः स्फोटैश्चितं गात्रं पङ्कगन्धं स्रवेदसृक् |
भिन्नवर्चा ज्वरी दाही रेवतीग्रहलक्षणम् ||२४||
अतीसारो ज्वरस्तृष्णा तिर्यक्प्रेक्षणरोदनम् |
नष्टनिद्रस्तथोद्विग्नो ग्रस्तः पूतनया शिशुः ||२५||
छर्दिः कासो ज्वरस्तृष्णा वसागन्धोऽतिरोदनम् |
स्तन्यद्वेषोऽतिसारश्च अन्धपूतनया भवेत् ||२६||
वेपते कासते क्षीणो नेत्ररोगो विगन्धिता |
छर्द्यतीसारयुक्तश्च शीतपूतनया शिशुः ||२७||
प्रसन्नवर्णवदनः सिराभिरभिसंवृतः |
मूत्रगन्धी च बह्वाशी मुखमण्डिकया भवेत् ||२८||
छर्दिस्प(स्य)न्दनकण्ठास्यशोषमूर्छाविगन्धिताः |
ऊर्ध्वं पश्येद्दशेद्दन्तान् नैगमेयग्रहं वदेत् ||२९||
प्रस्तब्धाक्षः स्तनद्वेषी मुह्यते चानिशं मुहुः |
तं बालमचिराद्धन्ति ग्रहः सम्पूर्णलक्षणः |
विपरीततमं साध्यं चिकित्सेदचिरार्दितम् ||३०||
Adhikarana puShpikA · Śloka 68
ইতি শ্রীমাধবকরবিরচিতে মাধবনিদানে বালরোগনিদানং সমাপ্তম্ ||৬৮||
View original
इति श्रीमाधवकरविरचिते माधवनिदाने बालरोगनिदानं समाप्तम् ||६८||