Adhikarana raktapittasya nidAnapUrvikA samprAptiH (1-3) · Śloka 3
অথ রক্তপিত্তনিদানম্ |
ঘর্মব্যাযামশোকাধ্বব্যবাযৈরতিসেবিতৈঃ |
তীক্ষ্ণোষ্ণক্ষারলবণৈরম্লৈঃ কটুভিরেব চ ||১||
পিত্তং বিদগ্ধং স্বগুণৈর্বিদহত্যাশু শোণিতম্ |
ততঃ প্রবর্ততে রক্তমূর্ধ্বং চাধো দ্বিধাঽপি বা ||২||
(সু. উ. তং. অ. ৪৫) |
ঊর্ধ্বং নাসাক্ষিকর্ণাস্যৈর্মেঢ্রযোনিগুদৈরধঃ |
কুপিতং রোমকূপৈশ্চ সমস্তৈস্তত্প্রবর্ততে ||৩||
(আমাশযাদ্ব্রজেদূর্ধ্বমধঃ পক্বাশযাদ্ব্রজেত্ |
বিদগ্ধযোর্দ্বযোশ্চাপি দ্বিধা মার্গং প্রবর্ততে) |
View original
अथ रक्तपित्तनिदानम् |
घर्मव्यायामशोकाध्वव्यवायैरतिसेवितैः |
तीक्ष्णोष्णक्षारलवणैरम्लैः कटुभिरेव च ||१||
पित्तं विदग्धं स्वगुणैर्विदहत्याशु शोणितम् |
ततः प्रवर्तते रक्तमूर्ध्वं चाधो द्विधाऽपि वा ||२||
(सु. उ. तं. अ. ४५) |
ऊर्ध्वं नासाक्षिकर्णास्यैर्मेढ्रयोनिगुदैरधः |
कुपितं रोमकूपैश्च समस्तैस्तत्प्रवर्तते ||३||
(आमाशयाद्व्रजेदूर्ध्वमधः पक्वाशयाद्व्रजेत् |
विदग्धयोर्द्वयोश्चापि द्विधा मार्गं प्रवर्तते) |
Adhikarana raktapittapUrvarUpam (4) · Śloka 4
সদনং শীতকামিত্বং কণ্ঠধূমাযনং বমিঃ |
লোহগন্ধিশ্চ নিঃশ্বাসো ভবত্যস্মিন্ ভবিষ্যতি ||৪||
(সু. উ. তং. অ. ৪৫) |
View original
सदनं शीतकामित्वं कण्ठधूमायनं वमिः |
लोहगन्धिश्च निःश्वासो भवत्यस्मिन् भविष्यति ||४||
(सु. उ. तं. अ. ४५) |
Adhikarana shlaiShmikaraktapittalakShaNam (5) · Śloka 5
সান্দ্রং সপাণ্ডু সস্নেহং পিচ্ছিলং চ কফান্বিতম্ |৫|
(চ. চি. অ. ৪) |
View original
सान्द्रं सपाण्डु सस्नेहं पिच्छिलं च कफान्वितम् |५|
(च. चि. अ. ४) |
Adhikarana vAtikaraktapittalakShaNam (5) · Śloka 5
শ্যাবারুণং সফেনং চ তনু রূক্ষং চ বাতিকম্ ||৫||
(চ. চি. অ. ৪) |
View original
श्यावारुणं सफेनं च तनु रूक्षं च वातिकम् ||५||
(च. चि. अ. ४) |
Adhikarana paittikaraktapittalakShaNam (6) · Śloka 6
রক্তপিত্তং কষাযাভং কৃষ্ণং গোমূত্রসন্নিভম্ |
মেচকাগারধূমাভমঞ্জনাভং চ পৈত্তিকম্ ||৬||
(চ. চি. অ. ৪) |
সংসৃষ্টলিঙ্গং সংসর্গাত্ত্রিলিঙ্গং সান্নিপাতিকম্ |
(চ. চি. অ. ৪) |
View original
रक्तपित्तं कषायाभं कृष्णं गोमूत्रसन्निभम् |
मेचकागारधूमाभमञ्जनाभं च पैत्तिकम् ||६||
(च. चि. अ. ४) |
संसृष्टलिङ्गं संसर्गात्त्रिलिङ्गं सान्निपातिकम् |
(च. चि. अ. ४) |
Adhikarana dvandvajasya tridoShajasya ca raktapittasya lakShaNam (7) · Śloka 7
ঊর্ধ্বগং কফসংসৃষ্টমধোগং পবনানুগম্ |
দ্বিমার্গং কফবাতাভ্যামুভাভ্যামনুবর্ততে ||৭||
(চ. চি. অ. ৪) |
View original
ऊर्ध्वगं कफसंसृष्टमधोगं पवनानुगम् |
द्विमार्गं कफवाताभ्यामुभाभ्यामनुवर्तते ||७||
(च. चि. अ. ४) |
Adhikarana saMsargavisheSheNa mArgabhedAH (8) · Śloka 8
ঊর্ধ্বং সাধ্যমধো যাপ্যমসাধ্যং যুগপদ্গতম্ |৮|
(সু. উ. তং. অ. ৪৫) |
View original
ऊर्ध्वं साध्यमधो याप्यमसाध्यं युगपद्गतम् |८|
(सु. उ. तं. अ. ४५) |
Adhikarana mArgabhedena sAdhyatvAdikam (8-9) · Śloka 8
একমার্গং বলবতো নাতিবেগং নবোত্থিতম্ ||৮||
রক্তপিত্তং সুখে কালে সাধ্যং স্যান্নিরুপদ্রবম্ |
(চ. চি. অ. ৪) |
View original
एकमार्गं बलवतो नातिवेगं नवोत्थितम् ||८||
रक्तपित्तं सुखे काले साध्यं स्यान्निरुपद्रवम् |
(च. चि. अ. ४) |
Adhikarana raktapittasya sAdhyAsAdhyalakShaNam (9-10) · Śloka 10
একদোষানুগং সাধ্যং দ্বিদোষং যাপ্যমুচ্যতে ||৯||
যত্ত্রিদোষমসাধ্যং স্যান্মন্দাগ্নেরতিবেগবত্ |
ব্যাধিভিঃ ক্ষীণদেহস্য বৃদ্ধস্যানশ্নতশ্চ যত্ ||১০||
(চ. চি. অ. ৪) |
View original
एकदोषानुगं साध्यं द्विदोषं याप्यमुच्यते ||९||
यत्त्रिदोषमसाध्यं स्यान्मन्दाग्नेरतिवेगवत् |
व्याधिभिः क्षीणदेहस्य वृद्धस्यानश्नतश्च यत् ||१०||
(च. चि. अ. ४) |
Adhikarana raktapittasyopadravAH (11) · Śloka 11
দৌর্বল্যশ্বাসকাসজ্বরবমথুমদাঃ পাণ্ডুতাদাহমূর্ছা, ভুক্তে ঘোরো বিদাহস্ত্বধৃতিরপি সদা হৃদ্যতুল্যা চ পীডা |
তৃষ্ণা কোষ্ঠস্য ভেদঃ শিরসি চ তপনং পূতিনিষ্ঠীবনত্বং, ভক্তদ্বেষাবিপাকৌ বিকৃতিরপি ভবেদ্রক্তপিত্তোপসর্গাঃ ||১১||
(সু. উ. তং. অ. ৪৫) |
View original
दौर्बल्यश्वासकासज्वरवमथुमदाः पाण्डुतादाहमूर्छा, भुक्ते घोरो विदाहस्त्वधृतिरपि सदा हृद्यतुल्या च पीडा |
तृष्णा कोष्ठस्य भेदः शिरसि च तपनं पूतिनिष्ठीवनत्वं, भक्तद्वेषाविपाकौ विकृतिरपि भवेद्रक्तपित्तोपसर्गाः ||११||
(सु. उ. तं. अ. ४५) |
Adhikarana raktapittasyAsAdhyalakShaNam (12-14) · Śloka 14
মাংসপ্রক্ষালনাভং কুথিতমিব চ যত্ কর্দমাম্ভোনিভং বা, মেদঃপূযাস্রকল্পং যকৃদিব যদি বা পক্বজম্বূফলাভম্ |
যত্ কৃষ্ণং যচ্চ নীলং ভৃশমতিকুণপং যত্র চোক্তা বিকারা স্তদ্বর্জ্যং রক্তপিত্তং সুরপতিধনুষা যচ্চ তুল্যং বিভাতি ||১২||
(সু. উ. তং. অ. ৪৫) |
যেন চোপহতো রক্তং রক্তপিত্তেন মানবঃ |
পশ্যেদ্দৃশ্যং বিযচ্চাপি তচ্চাসাধ্যমসংশযম্ ||১৩||
(চ. নি. অ. ২) |
লোহিতং ছর্দযেদ্যস্তু বহুশো লোহিতেক্ষণঃ |
লোহিতোদ্গারদর্শী চ ম্রিযতে রক্তপৈত্তিকঃ ||১৪||
(সু. সূ. অ. ৩৩) |
View original
मांसप्रक्षालनाभं कुथितमिव च यत् कर्दमाम्भोनिभं वा, मेदःपूयास्रकल्पं यकृदिव यदि वा पक्वजम्बूफलाभम् |
यत् कृष्णं यच्च नीलं भृशमतिकुणपं यत्र चोक्ता विकारा स्तद्वर्ज्यं रक्तपित्तं सुरपतिधनुषा यच्च तुल्यं विभाति ||१२||
(सु. उ. तं. अ. ४५) |
येन चोपहतो रक्तं रक्तपित्तेन मानवः |
पश्येद्दृश्यं वियच्चापि तच्चासाध्यमसंशयम् ||१३||
(च. नि. अ. २) |
लोहितं छर्दयेद्यस्तु बहुशो लोहितेक्षणः |
लोहितोद्गारदर्शी च म्रियते रक्तपैत्तिकः ||१४||
(सु. सू. अ. ३३) |
Adhikarana puShpikA · Śloka 9
ইতি শ্রীমাধবকরবিরচিতে মাধবনিদানে রক্তপিত্তনিদানং সমাপ্তম্ ||৯||
View original
इति श्रीमाधवकरविरचिते माधवनिदाने रक्तपित्तनिदानं समाप्तम् ||९||