Adhikarana shlIpadasamprAptiH, vAtaja-pittaja-shlaiShmikashlIpadalakShaNaM ca (1-3) · Śloka 3
atha ślīpadanidānam |
yaḥ sajvarō vaṅkṣaṇajō bhr̥śārtiḥ śōthō nr̥ṇāṁ pādagataḥ kramēṇa |
tacchlīpadaṁ syāt karakarṇanētraśiśnauṣṭhanāsāsvapi kēcidāhuḥ ||1||
vātajaṁ kr̥ṣṇarūkṣaṁ ca sphuṭitaṁ tīvravēdanam |
animittarujaṁ tasya bahuśō jvara ēva ca ||2||
pittajaṁ pītasaṅkāśaṁ dāhajvarayutaṁ mr̥du |
ślaiṣmikaṁ snigdhavarṇaṁ ca śvētaṁ pāṇḍu guru sthiram ||3||
View original
अथ श्लीपदनिदानम् |
यः सज्वरो वङ्क्षणजो भृशार्तिः शोथो नृणां पादगतः क्रमेण |
तच्छ्लीपदं स्यात् करकर्णनेत्रशिश्नौष्ठनासास्वपि केचिदाहुः ||१||
वातजं कृष्णरूक्षं च स्फुटितं तीव्रवेदनम् |
अनिमित्तरुजं तस्य बहुशो ज्वर एव च ||२||
पित्तजं पीतसङ्काशं दाहज्वरयुतं मृदु |
श्लैष्मिकं स्निग्धवर्णं च श्वेतं पाण्डु गुरु स्थिरम् ||३||
Adhikarana asAdhyashlIpadalakShaNam (4) · Śloka 4
valmīkamiva sañjātaṁ kaṇṭakairupacīyatē |
abdātmakaṁ mahattacca varjanīyaṁ viśēṣataḥ ||4||
View original
वल्मीकमिव सञ्जातं कण्टकैरुपचीयते |
अब्दात्मकं महत्तच्च वर्जनीयं विशेषतः ||४||
Adhikarana shlIpadeShu kaphasyAvyabhicAreNa prAdhAnyam (5) · Śloka 5
trīṇyapyētāni jānīyācchlīpadāni kaphōcchrayāt |
gurutvaṁ ca mahattvaṁ ca yasmānnāsti kaphaṁ vinā ||5||
(su. ni. a. 12) |
View original
त्रीण्यप्येतानि जानीयाच्छ्लीपदानि कफोच्छ्रयात् |
गुरुत्वं च महत्त्वं च यस्मान्नास्ति कफं विना ||५||
(सु. नि. अ. १२) |
Adhikarana shlIpadasambhavaheturdeshaH (6) · Śloka 6
purāṇōdakabhūyiṣṭhāḥ sarvartuṣu ca śītalāḥ |
yē dēśāstēṣu jāyantē ślīpadāni viśēṣataḥ ||6||
(su. ni. a. 12) |
View original
पुराणोदकभूयिष्ठाः सर्वर्तुषु च शीतलाः |
ये देशास्तेषु जायन्ते श्लीपदानि विशेषतः ||६||
(सु. नि. अ. १२) |
Adhikarana shlIpadasyAparamasAdhyalakShaNam (7) · Śloka 7
yacchlēṣmalāhāravihārajātaṁ puṁsaḥ prakr̥tyā'pi kaphātmakasya |
sāsrāvamatyunnatasarvaliṅgaṁ sakaṇḍuraṁ ślēṣmayutaṁ vivarjyam ||7||
View original
यच्छ्लेष्मलाहारविहारजातं पुंसः प्रकृत्याऽपि कफात्मकस्य |
सास्रावमत्युन्नतसर्वलिङ्गं सकण्डुरं श्लेष्मयुतं विवर्ज्यम् ||७||
Adhikarana puShpikA · Śloka 39
iti śrīmādhavakaraviracitē mādhavanidānē ślīpadanidānaṁ samāptam ||39||
View original
इति श्रीमाधवकरविरचिते माधवनिदाने श्लीपदनिदानं समाप्तम् ||३९||