14. śūkadōṣanidānam

Adhikarana 1 (1-2) · Śloka 2

ಅಥಾತಃ ಶೂಕದೋಷನಿದಾನಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3) · Śloka 3

ಲಿಙ್ಗವೃದ್ಧಿಮಿಚ್ಛತಾಮಕ್ರಮಪ್ರವೃತ್ತಾನಾಂ ಶೂಕದೋಷನಿಮಿತ್ತಾ ದಶ ಚಾಷ್ಟೌ ಚ ವ್ಯಾಧಯೋ ಜಾಯನ್ತೇ | ತದ್ಯಥಾ ಸರ್ಷಪಿಕಾ, ಅಷ್ಠೀಲಿಕಾ, ಗ್ರಥಿತಂ, ಕುಮ್ಭೀಕಾ, ಅಲಜೀ, ಮೃದಿತಂ, ಸಮ್ಮೂಢಪಿಡಕಾ, ಅವಮನ್ಥಃ, ಪುಷ್ಕರಿಕಾ, ಸ್ಪರ್ಶಹಾನಿಃ, ಉತ್ತಮಾ, ಶತಪೋನಕಃ, ತ್ವಕ್ಪಾಕಃ, ಶೋಣಿತಾರ್ಬುದಂ, ಮಾಂಸಾರ್ಬುದಂ, ಮಾಂಸಪಾಕಃ, ವಿದ್ರಧಿಃ, ತಿಲಕಾಲಕಶ್ಚೇತಿ ||೩||

Adhikarana 3 (4) · Śloka 4

ಗೌರಸರ್ಷಪತುಲ್ಯಾ ತು ಶೂಕದುರ್ಭಗ್ನಹೇತುಕಾ | ಪಿಡಕಾ ಕಫರಕ್ತಾಭ್ಯಾಂ ಜ್ಞೇಯಾ ಸರ್ಷಪಿಕಾ ಬುಧೈಃ ||೪||

Adhikarana 4 (5) · Śloka 5

ಕಠಿನಾ ವಿಷಮೈರನ್ತೈರ್ಮಾರುತಸ್ಯ ಪ್ರಕೋಪತಃ | ಶೂಕೈಸ್ತು ವಿಷಸಮ್ಭುಗ್ನೈಃ ಪಿಡಕಾಽಷ್ಠೀಲಿಕಾ ಭವೇತ್ ||೫||

Adhikarana 5 (6) · Śloka 6

ಶೂಕೈರ್ಯತ್ ಪೂರಿತಂ ಶಶ್ವದ್ಗ್ರಥಿತಂ ತತ್ ಕಫೋತ್ಥಿತಮ್ |೬|

Adhikarana 6 (6) · Śloka 6

ಕುಮ್ಭೀಕಾ ರಕ್ತಪಿತ್ತೋತ್ಥಾ ಜಾಮ್ಬವಾಸ್ಥಿನಿಭಾಽಶುಭಾ ||೬||

Adhikarana 7 (7) · Śloka 7

ಅಲಜೀಲಕ್ಷಣೈರ್ಯುಕ್ತಾಮಲಜೀಂ ಚ ವಿತರ್ಕಯೇತ್ | ಮೃದಿತಂ ಪೀಡಿತಂ ಯತ್ತು ಸಂರಬ್ಧಂ ವಾಯುಕೋಪತಃ ||೭||

Adhikarana 8 (8) · Śloka 8

ಪಾಣಿಭ್ಯಾಂ ಭೃಶಸಮ್ಮೂಢೇ ಸಮ್ಮೂಢಪಿಡಕಾ ಭವೇತ್ |೮|

Adhikarana 9 (8) · Śloka 9

ದೀರ್ಘಾ ಬಹ್ವ್ಯಶ್ಚ ಪಿಡಕಾ ದೀರ್ಯನ್ತೇ ಮಧ್ಯತಸ್ತು ಯಾಃ ||೮|| ಸೋಽವಮನ್ಥಃ ಕಫಾಸೃಗ್ಭ್ಯಾಂ ವೇದನಾರೋಮಹರ್ಷಕೃತ್ |೯|

Adhikarana 10 (9) · Śloka 10

ಪಿತ್ತಶೋಣಿತಸಮ್ಭೂತಾ ಪಿಡಕಾ ಪಿಡಕಾಚಿತಾ ||೯|| ಪದ್ಮಪುಷ್ಕರಸಂಸ್ಥಾನಾ ಜ್ಞೇಯಾ ಪುಷ್ಕರಿಕೇತಿ ಸಾ |೧೦|

Adhikarana 11 (10) · Śloka 10

ಜನಯೇತ್ ಸ್ಪರ್ಶಹಾನಿಂ ತು ಶೋಣಿತಂ ಶೂಕದೂಷಿತಮ್ ||೧೦||

Adhikarana 12 (11) · Śloka 11

ಮುದ್ಗಮಾಷೋಪಮಾ ರಕ್ತಾ ಪಿಡಕಾ ರಕ್ತಪಿತ್ತಜಾ | ಉತ್ತಮೈಷಾ ತು ವಿಜ್ಞೇಯಾ ಶೂಕಾಜೀರ್ಣನಿಮಿತ್ತಜಾ ||೧೧||

Adhikarana 13 (12) · Śloka 12

ಛಿದ್ರೈರಣುಮುಖೈರ್ವಸ್ತು ಚಿತಂ ಯಸ್ಯ ಸಮನ್ತತಃ | ವಾತಶೋಣಿತಜೋ ವ್ಯಾಧಿರ್ವಿಜ್ಞೇಯಃ ಶತಪೋನಕಃ ||೧೨||

Adhikarana 14 (13) · Śloka 13

ಪಿತ್ತರಕ್ತಕೃತೋ ಜ್ಞೇಯಸ್ತ್ವಕ್ಪಾಕೋ ಜ್ವರದಾಹವಾನ್ |೧೩|

Adhikarana 15 (13) · Śloka 13

ಕೃಷ್ಣೌಃ ಸ್ಫೋಟೈಃ ಸರಕ್ತೈಶ್ಚ ಪಿಡಕಾಭಿಶ್ಚ ಪೀಡಿತಮ್ | ಯಸ್ಯ ವಸ್ತು ರುಜಶ್ಚೋಗ್ರಾ ಜ್ಞೇಯಂ ತಚ್ಛೋಣಿತಾರ್ಬುದಮ್ ||೧೩||

Adhikarana 16 (14) · Śloka 14

ಮಾಂಸದೋಷೇಣ ಜಾನೀಯಾದರ್ಬುದಂ ಮಾಂಸಸಮ್ಭವಮ್ |೧೪|

Adhikarana 17 (14) · Śloka 15

ಶೀರ್ಯನ್ತೇ ಯಸ್ಯ ಮಾಂಸಾನಿ ಯತ್ರ ಸರ್ವಾಶ್ಚ ವೇದನಾಃ ||೧೪|| ವಿದ್ಯಾತ್ತಂ ಮಾಂಸಪಾಕಂ ತು ಸರ್ವದೋಷಕೃತಂ ಭಿಷಕ್ |೧೫|

Adhikarana 18 (15) · Śloka 15

ವಿದ್ರಧಿಂ ಸನ್ನಿಪಾತೇನ ಯಥೋಕ್ತಮಭಿನಿರ್ದಿಶೇತ್ ||೧೫||

Adhikarana 19 (16-17) · Śloka 17

ಕೃಷ್ಣಾನಿ ಚಿತ್ರಾಣ್ಯಥವಾ ಶೂಕಾನಿ ಸವಿಷಾಣಿ ಚ | ಪಾತಿತಾನಿ ಪಚನ್ತ್ಯಾಶು ಮೇಢ್ರಂ ನಿರವಶೇಷತಃ ||೧೬|| ಕಾಲಾನಿ ಭೂತ್ವಾ ಮಾಂಸಾನಿ ಶೀರ್ಯನ್ತೇ ಯಸ್ಯ ದೇಹಿನಃ | ಸನ್ನಿಪಾತಸಮುತ್ಥಾನಂ ತಂ ವಿದ್ಯಾತ್ತಿಲಕಾಲಕಮ್ ||೧೭||

Adhikarana 20 (18) · Śloka 18

ತತ್ರ ಮಾಂಸಾರ್ಬುದಂ ಯಚ್ಚ ಮಾಂಸಪಾಕಶ್ಚ ಯಃ ಸ್ಮೃತಃ | ವಿದ್ರಧಿಶ್ಚ ನ ಸಿಧ್ಯನ್ತಿ ಯೇ ಚ ಸ್ಯುಸ್ತಿಲಕಾಲಕಾಃ ||೧೮||

Adhikarana puShpikA · Śloka 14

ಇತಿ ಸುಶ್ರುತಸಂಹಿತಾಯಾಂ ನಿದಾನಸ್ಥಾನೇ ಶೂಕದೋಷನಿದಾನಂ ನಾಮ ಚತುರ್ದಶೋಽಧ್ಯಾಯಃ ||೧೪||