10. pittābhiṣyandapratiṣēdhādhyāyaḥ

Adhikarana 1 (1-2) · Śloka 2

অথাতঃ পিত্তাভিষ্যন্দপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3) · Śloka 3

পিত্তস্যন্দে পৈত্তিকে চাধিমন্থে রক্তাস্রাবঃ স্রংসনং চাপি কার্যম্ | অক্ষ্ণোঃ সেকালেপনস্যাঞ্জনানি পৈত্তে চ স্যাদ্যদ্বিসর্পে বিধানম্ ||৩||

Adhikarana 3 (4-5) · Śloka 6

গুন্দ্রাং শালিং শৈবলং শৈলভেদং দার্বীমেলামুত্পলং রোধ্রমভ্রম্ | পদ্মাত্পত্রং শর্করা দর্ভমিক্ষুং তালং রোধ্রং বেতসং পদ্মকং চ ||৪|| দ্রাক্ষাং ক্ষৌদ্রং চন্দনং যষ্টিকাহ্বং যোষিত্ক্ষীরং রাত্র্যনন্তে চ পিষ্ট্বা | সর্পিঃসিদ্ধং তর্পণে সেকনস্যে শস্তং ক্ষীরং সিদ্ধমেতেষু চাজম্ ||৫|| যোজ্যো বর্গো ব্যস্ত এষোঽন্যথা বা সম্যঙ্নস্যেঽষ্টার্ধসঙ্খ্যেঽপি নিত্যম্ |৬|

Adhikarana 4 (6) · Śloka 6

ক্রিযাঃ সর্বা পিত্তহর্যঃ প্রশস্তাস্ত্র্যহাচ্চোর্ধ্বং ক্ষীরসর্পিশ্চ নস্যম্ ||৬||

Adhikarana 5 (7) · Śloka 7

পালাশং স্যাচ্ছোণিতং চাঞ্জনার্থে শল্লক্যা বা শর্করাক্ষৌদ্রযুক্তম্ |৭|

Adhikarana 6 (7) · Śloka 7

রসক্রিযাং শর্করাক্ষৌদ্রযুক্তাং পালিন্দ্যাং বা মধুকে বাঽপি কুর্যাত্ ||৭||

Adhikarana 7 (8) · Śloka 8

মুস্তা ফেনঃ সাগরস্যোত্পলং চ কৃমিঘ্নৈলাধাত্রিবীজাদ্রসশ্চ |৮|

Adhikarana 8 (8) · Śloka 8

তালীশৈলাগৈরিকোশীরশঙ্খৈরেবং যুঞ্জ্যাদঞ্জনং স্তন্যপিষ্টৈঃ ||৮||

Adhikarana 9 (9) · Śloka 9

চূর্ণং কুর্যাদঞ্জনার্থে রসো বা স্তন্যোপেতো ধাতকীস্যন্দনাভ্যাম্ |৯|

Adhikarana 10 (9) · Śloka 9

যোষিত্স্তন্যং শাতকুম্ভং বিঘৃষ্টং ক্ষৌদ্রোপেতং কৈংশুকং চাপি পুষ্পম্ ||৯||

Adhikarana 11 (10) · Śloka 10

রোধ্রং দ্রাক্ষাং শর্করামুত্পলং চ নার্যাঃ ক্ষীরে যষ্টিকাহ্বং বচাং চ | পিষ্ট্বা ক্ষীরে বর্ণকস্য ত্বচং চ তোযোন্মিশ্রে চন্দনোদুম্বরে চ ||১০||

Adhikarana 12 (11-12) · Śloka 12

কার্যঃ ফেনঃ সাগরস্যাঞ্জনার্থে নারীস্তন্যে মাক্ষিকে চাপি ঘৃষ্টঃ | যোষিত্স্তন্যে স্থাপিতং যষ্টিকাহ্বং রোধ্রং দ্রাক্ষাং শর্করামুত্পলং চ ||১১|| ক্ষৌমাবদ্ধং পথ্যমাশ্চ্যোতনে বা সর্পির্ঘৃষ্টং যষ্টিকাহ্বং সরোধ্রম্ | তোযোন্মিশ্রাঃ কাশ্মরীধাত্রিপথ্যাস্তদ্বচ্চাহুঃ কট্ফলং চাম্বুনৈব ||১২||

Adhikarana 13 (13) · Śloka 13

এষোঽম্লাখ্যেঽনুক্রমশ্চাপি শুক্তৌ কার্যঃ সর্বঃ স্যাত্সিরামোক্ষবর্জ্যঃ ||১৩||

Adhikarana 14 (14) · Śloka 14

সর্পিঃ পেযং ত্রৈফলং তৈল্বকং বা পেযং বা স্যাত্ কেবলং যত্ পুরাণম্ |১৪|

Adhikarana 15 (14) · Śloka 14

দোষেঽধস্তাচ্ছুক্তিকাযামপাস্তে শীতৈর্দ্রব্যৈরঞ্জনং কার্যমাশু ||১৪||

Adhikarana 16 (15) · Śloka 15

বৈদূর্যং যত্ স্ফাটিকং বৈদ্রুমং চ মৌক্তং শাঙ্খং রাজতং শাতকুম্ভম্ | চূর্ণং সূক্ষ্মং শর্করাক্ষৌদ্রযুক্তং শুক্তিং হন্যাদঞ্জনং চৈতদাশু ||১৫||

Adhikarana 17 (16) · Śloka 16

যুঞ্জ্যাত্ সর্পির্ধূমদর্শী নরস্তু শেষং কুর্যাদ্রক্তপিত্তে বিধানম্ | যচ্চৈবান্যত্ পিত্তহৃচ্চাপি সর্বং যদ্বীসর্পে পৈত্তিকে বৈ বিধানম্ ||১৬||

Adhikarana puShpikA · Śloka 10

ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে পিত্তাভিষ্যন্দপ্রতিষেধো নাম দশমোঽধ্যাযঃ ||১০||