3. vartmagatarōgavijñānīyādhyāyaḥ

Adhikarana 1 (1-2) · Śloka 2

অথাতো বর্ত্মগতরোগবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3-4) · Śloka 4

পৃথগ্দোষাঃ সমস্তা বা যদা বর্ত্মব্যপাশ্রযাঃ | সিরা ব্যাপ্যাবতিষ্ঠন্তে বর্ত্মস্বধিকমূর্চ্ছিতাঃ ||৩|| বিবর্ধ্য মাংসং রক্তং চ তদা বর্ত্মব্যপাশ্রযান্ | বিকারাঞ্জনযন্ত্যাশু নামতস্তান্নিবোধত ||৪||

Adhikarana 3 (5-8) · Śloka 9

উত্সঙ্গিন্যথ কুম্ভীকা পোথক্যো বর্ত্মশর্করা | তথাঽর্শোবর্ত্ম শুষ্কার্শস্তথৈবাঞ্জননামিকা ||৫|| বহলং বর্ত্ম যচ্চাপি ব্যাধির্বর্ত্মাববন্ধকঃ | ক্লিষ্টকর্দমবর্ত্মাখ্যৌ শ্যাববর্ত্ম তথৈব চ ||৬|| প্রক্লিন্নমপরিক্লিন্নং বর্ত্ম বাতহতং তু যত্ | অর্বুদং নিমিষশ্চাপি শোণিতার্শশ্চ যত্ স্মৃতম্ ||৭|| লগণো বিশনামা চ পক্ষ্মকোপস্তথৈব চ | একবিংশতিরিত্যেতে বিকারা বর্ত্মসংশ্রযাঃ ||৮|| নামভিস্তে সমুদ্দিষ্টা... |৯|

Adhikarana 4 (9) · Śloka 10

...লক্ষণৈস্তান্ প্রচক্ষ্মহে | অভ্যন্তরমুখী বাহ্যোত্সঙ্গেঽধো বর্ত্মনশ্চ যা ||৯|| বিজ্ঞেযোত্সঙ্গিনী নাম তদ্রূপপিডকাচিতা |১০|

Adhikarana 5 (10) · Śloka 11

কুম্ভীকবীজপ্রতিমাঃ পিডকা যাস্তু বর্ত্মজাঃ ||১০|| আধ্মাপযন্তি ভিন্না যাঃ কুম্ভীকপিডকাস্তু তাঃ |১১|

Adhikarana 6 (11) · Śloka 11

স্রাবিণ্যঃ কণ্ডুরা গুর্ব্যো রক্তসর্ষপসন্নিভাঃ | পিডকাশ্চ রুজাবত্যঃ পোথক্য ইতি সঞ্জ্ঞিতাঃ ||১১||

Adhikarana 7 (12) · Śloka 12

পিডকাভিঃ সুসূক্ষ্মাভির্ঘনাভিরভিসংবৃতা | পিডকা যা খরা স্থূলা সা জ্ঞেযা বর্ত্মশর্করা ||১২||

Adhikarana 8 (13) · Śloka 13

এর্বারুবীজপ্রতিমাঃ পিডকা মন্দবেদনাঃ | সূক্ষ্মাঃ খরাশ্চ বর্ত্মস্থাস্তদর্শোবর্ত্ম কীর্ত্যতে ||১৩||

Adhikarana 9 (14) · Śloka 14

দীর্ঘোঽঙ্কুরঃ খরঃ স্তব্ধো দারুণো বর্ত্মসম্ভবঃ | ব্যাধিরেষ সমাখ্যাতঃ শুষ্কার্শ ইতি সঞ্জ্ঞিতঃ ||১৪||

Adhikarana 10 (15) · Śloka 15

দাহতোদবতী তাম্রা পিডকা বর্ত্মসম্ভবা | মৃদ্বী মন্দরুজা সূক্ষ্মা জ্ঞেযা সাঽঞ্জননামিকা ||১৫||

Adhikarana 11 (16) · Śloka 16

বর্ত্মোপচীযতে যস্য পিডকাভিঃ সমন্ততঃ | সবর্ণাভিঃ সমাভিশ্চ বিদ্যাদ্বহলবর্ত্ম তত্ ||১৬||

Adhikarana 12 (17) · Śloka 17

কণ্ডূমতাঽল্পতোদেন বর্ত্মশোফেন যো নরঃ | ন সমং ছাদযেদক্ষি ভবেদ্বন্ধঃ স বর্ত্মনঃ ||১৭||

Adhikarana 13 (18) · Śloka 18

মৃদল্পবেদনং তাম্রং যদ্বর্ত্ম সমমেব চ | অকস্মাচ্চ ভবেদ্রক্তং ক্লিষ্টবর্ত্ম তদাদিশেত্ ||১৮||

Adhikarana 14 (19) · Śloka 19

ক্লিষ্টং পুনঃ পিত্তযুতং বিদহেচ্ছোণিতং যদা | তদা ক্লিন্নত্বমাপন্নমুচ্যতে বর্ত্মকর্দমঃ ||১৯||

Adhikarana 15 (20) · Śloka 20

যদ্বর্ত্ম বাহ্যতোঽন্তশ্চ শ্যাবং শূনং সবেদনম্ | দাহকণ্ডূপরিক্লেদি শ্যাববর্ত্মেতি তন্মতম্ ||২০||

Adhikarana 16 (21) · Śloka 21

অরুজং বাহ্যতঃ শূনমন্তঃ ক্লিন্নং স্রবত্যপি | কণ্ডূনিস্তোদভূযিষ্ঠং ক্লিন্নবর্ত্ম তদুচ্যতে ||২১||

Adhikarana 17 (22) · Śloka 22

যস্য ধৌতানি ধৌতানি সম্বধ্যন্তে পুনঃ পুনঃ | বর্ত্মান্যপরিপক্বানি বিদ্যাদক্লিন্নবর্ত্ম তত্ ||২২||

Adhikarana 18 (23) · Śloka 23

বিমুক্তসন্ধি নিশ্চেষ্টং বর্ত্ম যস্য ন মীল্যতে | এতদ্বাতহতং বিদ্যাত্ সরুজং যদি বাঽরুজম্ ||২৩||

Adhikarana 19 (24) · Śloka 24

বর্ত্মান্তরস্থং বিষমং গ্রন্থিভূতমবেদনম্ | বিজ্ঞেযমর্বুদং পুংসাং সরক্তমবলম্বিতম্ ||২৪||

Adhikarana 20 (25) · Śloka 25

নিমেষণীঃ সিরা বাযুঃ প্রবিষ্টো বর্ত্মসংশ্রযাঃ | চালযত্যতি বর্ত্মানি নিমেষঃ স গদো মতঃ ||২৫||

Adhikarana 21 (26) · Śloka 26

ছিন্নাশ্ছিন্না বিবর্ধন্তে বর্ত্মস্থা মৃদবোঽঙ্কুরাঃ | দাহকণ্ডূরুজোপেতাস্তেঽর্শঃ শোণিতসম্ভবাঃ ||২৬||

Adhikarana 22 (27) · Śloka 27

অপাকঃ কঠিনঃ স্থূলো গ্রন্থির্বর্ত্মভবোঽরুজঃ | সকণ্ডূঃ পিচ্ছিলঃ কোলপ্রমাণো লগণস্তু সঃ ||২৭||

Adhikarana 23 (28) · Śloka 28

শূনং যদ্বর্ত্ম বহুভিঃ সূক্ষ্মৈশ্ছিদ্রৈঃ সমন্বিতম্ | বিসমন্তর্জল ইব বিসবর্ত্মেতি তন্মতম্ ||২৮||

Adhikarana 24 (29-30) · Śloka 30

দোষাঃ পক্ষ্মাশযগতাস্তীক্ষ্ণাগ্রাণি খরাণি চ | নির্বর্তযন্তি পক্ষ্মাণি তৈর্ঘুষ্টং চাক্ষি দূযতে ||২৯|| উদ্ধৃতৈরুদ্ধৃতৈঃ শান্তিঃ পক্ষ্মভিশ্চোপজাযতে | বাতাতপানলদ্বেষী পক্ষ্মকোপঃ স উচ্যতে ||৩০||

Adhikarana puShpikA · Śloka 3

ইতি সুশ্রুতসংহিতাযামুত্তরতন্ত্রে বর্ত্মগতরোগবিজ্ঞানীযো নাম তৃতীযোঽধ্যাযঃ ||৩||