19. kuṣṭhacikitsitādhyāyaḥ

Adhikarana kuShThacikitsitAdhyAyaH (2-3) · Śloka 3

ಅಥಾತಃ ಕುಷ್ಠಚಿಕಿತ್ಸಿತಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| )||೩||

Adhikarana sarvakuShThe pUrvaM snehapAnam (1) · Śloka 1

ಕುಷ್ಠಿನಂ ಸ್ನೇಹಪಾನೇನ ಪೂರ್ವಂ ಸರ್ವಮುಪಾಚರೇತ್| |೧|

Adhikarana vAtottare kuShThe dashamUlAdisiddhaM tailaM ghRutaM vA (1-2) · Śloka 2

| ತತ್ರ ವಾತೋತ್ತರೇ ತೈಲಂ ಘೃತಂ ವಾ ಸಾಧಿತಂ ಹಿತಮ್||೧|| ದಶಮೂಲಾಮೃತೈರಣ್ಡಶಾರ್ಙ್ಗೇಷ್ಟಾಮೇಷಶೃಙ್ಗಿಭಿಃ| |೨|

Adhikarana pittottare kuShThe tiktakaM ghRutam (2-7) · Śloka 7

| ಪಟೋಲನಿಮ್ಬಕಟುಕಾದಾರ್ವೀಪಾಠಾದುರಾಲಭಾಃ||೨|| ಪರ್ಪಟಂ ತ್ರಾಯಮಾಣಾಂ ಚ ಪಲಾಂಶಂ ಪಾಚಯೇದಪಾಮ್| ದ್ವ್ಯಾಢಕೇಽಷ್ಟಾಂಶಶೇಷೇಣ ತೇನ ಕರ್ಷೋನ್ಮಿತೈಸ್ತಥಾ||೩|| ತ್ರಾಯನ್ತೀಮುಸ್ತಭೂನಿಮ್ಬಕಲಿಙ್ಗಕಣಚನ್ದನೈಃ| ಸರ್ಪಿಷೋ ದ್ವಾದಶಪಲಂ ಪಚೇತ್ತತ್ತಿಕ್ತಕಂ ಜಯೇತ್||೪|| ಪಿತ್ತಕುಷ್ಠಪರೀಸರ್ಪಪಿಟಿಕಾದಾಹತೃಡ್ಭ್ರಮಾನ್| ಕಣ್ಡುಪಾಣ್ಡ್ವಾಮಯಾನ್ ಗಣ್ಡಾನ್ ದುಷ್ಟನಾಡೀವ್ರಣಾಪಚೀಃ||೫|| ವಿಸ್ಫೋಟವಿದ್ರಧೀಗುಲ್ಮಶೋಫೋನ್ಮಾದಮದಾನಪಿ| ಹೃದ್ರೋಗತಿಮಿರವ್ಯಙ್ಗಗ್ರಹಣೀಶ್ವಿತ್ರಕಾಮಲಾಃ||೬|| ಭಗನ್ದರಮಪಸ್ಮಾರಮುದರಂ ಪ್ರದರಂ ಗರಮ್| ಅರ್ಶೋಽಸ್ರಪಿತ್ತಮನ್ಯಾಂಶ್ಚ ಸುಕೃಚ್ಛ್ರಾನ್ ಪಿತ್ತಜಾನ್ ಗದಾನ್||೭||

Adhikarana pittottare kuShThe mahAtiktaM ghRutam (8-11) · Śloka 11

ಸಪ್ತಚ್ಛದಃ ಪರ್ಪಟಕಃ ಶಮ್ಯಾಕಃ ಕಟುಕಾ ವಚಾ| ತ್ರಿಫಲಾ ಪದ್ಮಕಂ ಪಾಠಾ ರಜನ್ಯೌ ಸಾರಿವೇ ಕಣೇ||೮|| ನಿಮ್ಬಚನ್ದನಯಷ್ಟ್ಯಾಹ್ವವಿಶಾಲೇನ್ದ್ರಯವಾಮೃತಾಃ| ಕಿರಾತತಿಕ್ತಕಂ ಸೇವ್ಯಂ ವೃಷೋ ಮೂರ್ವಾ ಶತಾವರೀ||೯|| ಪಟೋಲಾತಿವಿಷಾಮುಸ್ತಾತ್ರಾಯನ್ತೀಧನ್ವಯಾಸಕಮ್| ತೈರ್ಜಲೇಽಷ್ಟಗುಣೇ ಸರ್ಪಿರ್ದ್ವಿಗುಣಾಮಲಕೀರಸೇ||೧೦|| ಸಿದ್ಧಂ ತಿಕ್ತಾನ್ಮಹಾತಿಕ್ತಂ ಗುಣೈರಭ್ಯಧಿಕಂ ಮತಮ್| |೧೧|

Adhikarana kaPottare kuShTheShu nimbAdisiddhaM ghRutam (11-12) · Śloka 12

| ಕಫೋತ್ತರೇ ಘೃತಂ ಸಿದ್ಧಂ ನಿಮ್ಬಸಪ್ತಾಹ್ರಚಿತ್ರಕೈಃ||೧೧|| ಕುಷ್ಠೋಷಣವಚಾಶಾಲಪ್ರಿಯಾಲಚತುರಙ್ಗುಲೈಃ| |೧೨|

Adhikarana sarvakuShTheShu BallAtakAdisnehaH ghRutaM sarvakRumijidAdighRutam (12-13) · Śloka 13

| ಸರ್ವೇಷು ಚಾರುಷ್ಕರಜಂ ತೌವರಂ ಸಾರ್ಷಪಂ ಪಿಬೇತ್||೧೨|| ಸ್ನೇಹಂ ಘೃತಂ ವಾ ಕೃಮಿಜಿತ್ಪಥ್ಯಾಭಲ್ಲಾತಕೈಃ ಶೃತಮ್| |೧೩|

Adhikarana sarvakuShTheShu AragvadhamUlaghRutam (13-14) · Śloka 14

| ಆರಗ್ವಧಸ್ಯ ಮೂಲೇನ ಶತಕೃತ್ವಃ ಶೃತಂ ಘೃತಮ್||೧೩|| ಪಿಬೇನ್ ಕುಷ್ಠಂ ಜಯತ್ಯಾಶು ಭಜನ್ ಸಖದಿರಂ ಜಲಮ್| |೧೪|

Adhikarana sarveBireva snehairaBya~jjanam (14) · Śloka 14

| ಏಭಿರೇವ ಯಥಾಸ್ವಂ ಚ ಸ್ನೇಹೈರಭ್ಯಞ್ಜನಂ ಹಿತಮ್||೧೪||

Adhikarana sarvakuShTheShu snigdhasya visarpoktaM shodhanam (15) · Śloka 15

ಸ್ನಿಗ್ಧಸ್ಯ ಶೋಧನಂ ಯೋಜ್ಯಂ ವಿಸರ್ಪೇ ಯದುದಾಹೃತಮ್| |೧೫|

Adhikarana sarvakuShTheShu lalATahastapAdeShu shirAmokShAH (15-16) · Śloka 16

| ಲಲಾಟಹಸ್ತಪಾದೇಷು ಶಿರಾಶ್ಚಾಸ್ಯ ವಿಮೋಕ್ಷಯೇತ್||೧೫|| ಪ್ರಚ್ಛಾನಮಲ್ಪಕೇ ಕುಷ್ಠೇ ಶೃಙ್ಗಾದ್ಯಾಶ್ಚ ಯಥಾಯಥಮ್| |೧೬|

Adhikarana sarvakuShTheShu antarA~antarA snehairApyAyanaM tatkAraNaM ca (16-17) · Śloka 17

| ಸ್ನೇಹೈರಾಪ್ಯಾಯಯೇಚ್ಚೈನಂ ಕುಷ್ಠಘ್ನೈರನ್ತರಾಽನ್ತರಾ||೧೬|| ಮುಕ್ತರಕ್ತವಿರಿಕ್ತಸ್ಯ ರಿಕ್ತಕೋಷ್ಠಸ್ಯ ಕುಷ್ಠಿನಃ| ಪ್ರಭಞ್ಜನಸ್ತಥಾ ಹ್ಯಸ್ಯ ನ ಸ್ಯಾದ್ದೇಹಪ್ರಭಞ್ಜನಃ||೧೭||

Adhikarana sarvakuShTheShu vajrakaghRutam (18) · Śloka 18

ವಾಸಾಮೃತಾನಿಮ್ಬವರಾಪಟೋಲ- ವ್ಯಾಘ್ರೀಕರಞ್ಜೋದಕಕಲ್ಕಪಕ್ವಮ್| ಸರ್ಪಿರ್ವಿಸರ್ಪಜ್ವರಕಾಮಲಾಸ್ರ- ಕುಷ್ಠಾಪಹಂ ವಜ್ರಕಮಾಮನನ್ತಿ||೧೮||

Adhikarana sarvakuShTheShu mahAvajrakaghRutam (19-20) · Śloka 20

ತ್ರಿಫಲಾತ್ರಿಕಟುದ್ವಿಕಣ್ಟಕಾರೀ- ಕಟುಕಾಕುಮ್ಭನಿಕುಮ್ಭರಾಜವೃಕ್ಷೈಃ| ಸವಚಾತಿವಿಷಾಗ್ನಿಕೈಃ ಸಪಾಠೈಃ ಪಿಚುಭಾಗೈರ್ನವವಜ್ರದುಗ್ಧಮುಷ್ಟ್ಯಾ||೧೯|| ಪಿಷ್ಟೈಃ ಸಿದ್ಧಂ ಸರ್ಪಿಷಃ ಪ್ರಸ್ಥಮೇಭಿಃ ಕ್ರೂರೇ ಕೋಷ್ಠೇ ಸ್ನೇಹನಂ ರೇಚನಂ ಚ| ಕುಷ್ಠಶ್ವಿತ್ರಪ್ಲೀಹವರ್ಧ್ಮಾಶ್ಮಗುಲ್ಮಾನ್ ಹನ್ತ್ಯಾತ್ಕೃಚ್ಛ್ರಾಂಸ್ತನ್ಮಹಾವಜ್ರಕಾಖ್ಯಮ್||೨೦||

Adhikarana sarvakuShTheShu UrdhvAMdhaH shodhanaM dantIghRutam (21) · Śloka 21

ದನ್ತ್ಯಾಢಕಮಪಾಂ ದ್ರೋಣೇ ಪಕ್ತ್ವಾ ತೇನ ಘೃತಂ ಪಚೇತ್| ಧಾಮಾರ್ಗವಪಲೇ ಪೀತಂ ತದೂರ್ಧ್ವಾಧೋ ವಿಶುದ್ಧಿಕೃತ್||೨೧||

Adhikarana sarvakuShTheShu AvartakIghRutam (22-23) · Śloka 23

ಆವರ್ತಕೀತುಲಾಂ ದ್ರೋಣೇ ಪಚೇದಷ್ಟಾಂಶಶೇಷಿತಮ್| ತನ್ಮೂಲೈಸ್ತತ್ರ ನಿರ್ಯೂಹೇ ಘೃತಪ್ರಸ್ಥಂ ವಿಪಾಚಯೇತ್||೨೨|| ಪೀತ್ವಾ ತದೇಕದಿವಸಾನ್ತರಿತಂ ಸುಜೀರ್ಣೇ ಭುಞ್ಜೀತ ಕೋದ್ರವಮಸಂಸ್ಕೃತಕಾಞ್ಜಿಕೇನ| ಕುಷ್ಠಂ ಕಿಲಾಸಮಪಚೀಂ ಚ ವಿಜೇತುಮಿಚ್ಛನ್ ಇಚ್ಛನ್ ಪ್ರಜಾಂ ಚ ವಿಪುಲಾಂ ಗ್ರಹಣಂ ಸ್ಮೃತಿಂ ಚ||೨೩||

Adhikarana sarvakuShTheShu lelItakavasA (24) · Śloka 24

ಯತೇರ್ಲೇಲೀತಕವಸಾ ಕ್ಷೌದ್ರಜಾತೀರಸಾನ್ವಿತಾ| ಕುಷ್ಠಘ್ನೀ ಸಮಸರ್ಪಿರ್ವಾ ಸಗಾಯರ್ತ್ರ್ಯಸನೋದಕಾ||೨೪||

Adhikarana sarvakuShTheShu hitamannapAnaM sarva tyAjyaM amlalavaNAdi (25-27) · Śloka 27

ಶಾಲಯೋ ಯವಗೋಧೂಮಾಃ ಕೋರದೂಷಾಃ ಪ್ರಿಯಙ್ಗವಃ| ಮುದ್ಗಾ ಮಸೂರಾಸ್ತುವರೀ ತಿಕ್ತಶಾಕಾನಿ ಜಾಙ್ಗಲಮ್||೨೫|| ವರಾಪಟೋಲಖದಿರನಿಮ್ಬಾರುಷ್ಕರಯೋಜಿತಮ್| ಮದ್ಯಾನ್ಯೌಷಧಗರ್ಭಾಣಿ ಮಥಿತಂ ಚೇನ್ದುರಾಜಿಮತ್||೨೬|| ಅನ್ನಪಾನಂ ಹಿತಂ ಕುಷ್ಠೇ, ನ ತ್ವಮ್ಲಲವಣೋಷಣಮ್| ದಧಿದುಗ್ಧಗುಡಾನೂಪತಿಲಮಾಷಾಂಸ್ತ್ಯಜೇತ್ತರಾಮ್||೨೭||

Adhikarana sarvakuShTheShu paTolamUlAdikvAthasya ShaDrAtraprayogaH (28-30) · Śloka 30

ಪಟೋಲಮೂಲತ್ರಿಫಲಾವಿಶಾಲಾಃ ಪೃಥಕ್ತ್ರಿಭಾಗಾಪಚಿತತ್ರಿಶಾಣಾಃ| ಸ್ಯುಸ್ತ್ರಾಯಮಾಣಾ ಕಟುರೋಹಿಣೀ ಚ| ಭಾಗಾರ್ಧಿಕೇ ನಾಗರಪಾದಯುಕ್ತೇ||೨೮|| ಏತತ್ಪಲಂ ಜರ್ಜರಿತಂ ವಿಪಕ್ವಂ ಜಲೇ ಪಿಬೇದ್ದೋಷವಿಶೋಧನಾಯ| ಜೀರ್ಣೇ ರಸೈರ್ಧನ್ವಮೃಗದ್ವಿಜಾನಾಂ ಪುರಾಣಶಾಲ್ಯೋದನಮಾದದೀತ||೨೯|| ಕುಷ್ಠಂ ಕಿಲಾಸಂ ಗ್ರಹಣೀಪ್ರದೋಷ- ಮರ್ಶಾಂಸಿ ಕೃಚ್ಛ್ರಾಣಿ ಹಲೀಮಕಂ ಚ| ಷಡ್ರಾತ್ರಯೋಗೇನ ನಿಹನ್ತಿ ಚೈತದ್ ಹೃದ್ವಸ್ತಿಶೂಲಂ ವಿಷಮಜ್ವರಂ ಚ||೩೦||

Adhikarana sarvakuShTheShu mANiBadrasiddho yogaH (31-32) · Śloka 32

ವಿಡಙ್ಗಸಾರಾಮಲಕಾಭಯಾನಾಂ ಪಲತ್ರಯಂ, ತ್ರೀಣಿ ಪಲಾನಿ ಕುಮ್ಭಾತ್| ಗುಡಸ್ಯ ಚ ದ್ವಾದಶ, ಮಾಸಮೇಷ ಜಿತಾತ್ಮನಾಂ ಹನ್ತ್ಯುಪಯುಜ್ಯಮಾನಃ||೩೧|| ಕುಷ್ಠಶ್ವಿತ್ರಶ್ವಾಸಕಾಸೋದರಾರ್ಶೋ- ಮೇಹಪ್ಲೀಹಗ್ರನ್ಥಿರುಗ್ಜನ್ತುಗುಲ್ಮಾನ್| ಸಿದ್ಧಂ ಯೋಗಂ ಪ್ರಾಹ ಯಕ್ಷೋ ಮುಮುಕ್ಷೋ- ರ್ಭಿಕ್ಷೋಃ ಪ್ರಾಣಾನ್ ಮಾಣಿಭದ್ರಃ ಕಿಲೇಮಮ್||೩೨||

Adhikarana sarvakuShTheShu BUnimbAdi cUrNam (33-35) · Śloka 35

ಭೂನಿಮ್ಬನಿಮ್ಬತ್ರಿಫಲಾಪದ್ಮಕಾತಿವಿಷಾಕಣಾಃ| ಮೂರ್ವಾಪಟೋಲೀದ್ವಿನಿಶಾಪಾಠಾತಿಕ್ತೇನ್ದ್ರವಾರುಣೀಃ||೩೩|| ಸಕಲಿಙ್ಗವಚಾಸ್ತುಲ್ಯಾ ದ್ವಿಗುಣಾಶ್ಚ ಯಥೋತ್ತರಮ್| ಲಿಹ್ಯಾದ್ದನ್ತೀತ್ರಿವೃದ್ಬ್ರಾಹ್ಮೀಶ್ಚೂರ್ಣಿತಾ ಮಧುಸರ್ಪಿಷಾ||೩೪|| ಕುಷ್ಠಮೇಹಪ್ರಸುಪ್ತೀನಾಂ ಪರಮಂ ಸ್ಯಾತ್ತದೌಷಧಮ್|೩೫|

Adhikarana sarvakuShTheShu triphalAdicUrNam (35) · Śloka 35

| ವರಾವಿಡಙ್ಗಕೃಷ್ಣಾ ವಾ ಲಿಹ್ಯಾತ್ತೈಲಾಜ್ಯಮಾಕ್ಷಿಕೈಃ||೩೫||

Adhikarana sarvakuShTheShu vRukShakakvAthaH (36) · Śloka 36

ಕಾಕೋದುಮ್ಬರಿಕಾವೇಲ್ಲನಿಮ್ಬಾಬ್ದವ್ಯೋಷಕಲ್ಕವಾನ್| ಹನ್ತಿ ವೃಕ್ಷಕನಿರ್ಯೂಹಃ ಪಾನಾತ್ಸರ್ವಾಂಸ್ತ್ವಗಾಮಯಾನ್||೩೬||

Adhikarana sarvakuShTheShu kuTajAdisiddhaharItakIcUrNam (37) · Śloka 37

ಕುಟಜಾಗ್ನಿನಿಮ್ಬನೃಪತರುಖದಿರಾಸನಸಪ್ತಪರ್ಣನಿರ್ಯೂಹೇ| ಸಿದ್ಧಾ ಮಧುಘೃತಯುಕ್ತಾಃ ಕುಷ್ಠಘ್ನೀರ್ಭಕ್ಷಯೇದಭಯಾಃ|೩೭|

Adhikarana sarvakuShTheShu dArvyAditvakkvAthaH (37) · Śloka 37

ದಾರ್ವೀಖದಿರನಿಮ್ಬಾನಾಂ ತ್ವಕ್ಕ್ವಾಥಃ ಕುಷ್ಠಸೂದನಃ| ||೩೭||

Adhikarana sarvakuShTheShu nishAdeH kvAtho ghRutaM ca sarva khadirAdeH pRuthak ghRutaM ca (38-39) · Śloka 39

ನಿಶೋತ್ತಮಾನಿಮ್ಬಪಟೋಲಮೂಲ- ತಿಕ್ತಾವಚಾಲೋಹಿತಯಷ್ಟಿಕಾಭಿಃ| ಕೃತಃ ಕಷಾಯಃ ಕಫಪಿತ್ತಕುಷ್ಠಂ ಸುಸೇವಿತೋ ಧರ್ಮ ಇವೋಚ್ಛಿನತ್ತಿ||೩೮|| ಏಭಿರೇವ ಚ ಶೃತಂ ಘೃತಮುಖ್ಯಂ ಭೇಷ್ಜೈರ್ಜಯತಿ ಮಾರುತಕುಷ್ಠಮ್| ಕಲ್ಪಯೇತ್ಖದಿರನಿಮ್ಬಗುಡೂಚೀ- ದೇವದಾರುರಜನೀಃ ಪೃಥಗೇವಮ್||೩೯||

Adhikarana sarvakuShTheShu pAThAdiBirmUtramuShNajalaM vA (72)) · Śloka 40

ಪಾಠಾದಾರ್ವೀವಹ್ನಿಘುಣೇಷ್ಟಾಕಟುಕಾಭಿ- ಮೂತ್ರಂ ಯುಕ್ತಂ ಶಕ್ರಯವೈಶ್ಚೋಷ್ಣಜಲಂ ವಾ| ಕುಷ್ಠೀ ಪೀತ್ವಾ ಮಾಸಮರುಕ್ ಸ್ಯಾದ್ಗುದಕೀಲೀ ಮೇಹೀಶೋಫೀ ಪಾಣ್ಡುರಜೀರ್ಣೀ ಕೃಮೀಮಾಂಶ್ಚ||೪೦||

Adhikarana sarvakuShTheShu lAkShAdicUrNam (41) · Śloka 41

ಲಾಕ್ಷಾದನ್ತೀಮಧುರಸವರಾದ್ವೀಪಿಪಾಠಾವಿಡಙ್ಗ- ಪ್ರತ್ಯಕ್ಽಽಪುಷ್ಪೀತ್ರಿಕಟುರಜನೀಸಪ್ತಪರ್ಣಾಟರೂಷಮ್| ರಕ್ತಾ ನಿಮ್ಬಂ ಸುರತರು ಕೃತಂ ಪಞ್ಚಮೂಲ್ಯೌ ಚ ಚೂರ್ಣಂ ಪೀತ್ವಾ ಮಾಸಂ ಜಯತಿ ಹಿತಭುಗ್ಗವ್ಯಮೂತ್ರೇಣ ಕುಷ್ಠಮ್||೪೧||

Adhikarana sarvakuShTheShu nishAdeScUrNa paTakA vA (42) · Śloka 42

ನಿಶಾಕಣಾನಾಗರವೇಲ್ಲತೌವರಂ ಸವಹ್ನಿತಾಪ್ಯಂ ಕ್ರಮಶೋ ವಿವರ್ಧಿತಮ್| ಗವಾಮ್ಬುಪೀತಂ ವಟಕೀಕೃತಂ ತಥಾ ನಿಹನ್ತಿ ಕುಷ್ಠಾನಿ ಸುದಾರುಣಾನ್ಯಪಿ||೪೨||

Adhikarana sarvakuShTheShu trikaTvAdiguTikA (43) · Śloka 43

ತ್ರಿಕಟೂತ್ತಮಾತಿಲಾರು- ಷ್ಕರಾಜ್ಯಮಾಕ್ಷಿಕಸಿತೋಪಲಾವಿಹಿತಾ| ಗುಲಿಕಾ ರಸಾಯನಂ ಕು- ಷ್ಠಜಿಚ್ಚ ವೃಷ್ಯಾ ಚ ಸಪ್ತಸಮಾ||೪೩||

Adhikarana sarvakuShTheShu candraSakalAdi vaTakAH (44) · Śloka 44

ಚಾನ್ದ್ರಶಕಲಾಗ್ನಿರಜನೀ- ವಿಡಙ್ಗತುವರಾಸ್ಥ್ಯರುಷ್ಕರತ್ರಿಫಲಾಭಿಃ| ವಟಕಾ ಗುಡಾಂಶಕ್ಲ್ಱ್ಪ್ತಾಃ ಸಮಸ್ತಕುಷ್ಠಾನಿ ನಾಶಯನ್ತ್ಯಭ್ಯಸ್ತಾಃ||೪೪||

Adhikarana sarvakuShTheShu viDa~ggAdipiNDI (45) · Śloka 45

ವಿಡಙ್ಗಭಲ್ಲಾತಕಬಾಕುಚೀನಾಂ ಸದ್ವೀಪಿವಾರಾಹಿಹರೀತಕೀನಾಮ್| ಸಲಾಙ್ಗಲೀಕೃಷ್ಣತಿಲೋಪಕುಲ್ಯಾ ಗುಡೇನ ಪಿಣ್ಡೀ ವಿನಿಹನ್ತಿ ಕುಷ್ಠಮ್||೪೫||

Adhikarana sarvakuShTheShu shashA~gkalekhAdilehaH (46) · Śloka 46

ಶಶಾಙ್ಕಲೇಖಾ ಸವಿಡಙ್ಗಸಾರಾ ಸಪಿಪ್ಪಲೀಕಾ ಸಹುತಾಶಮೂಲಾ| ಸಾಯೋಮಲಾ ಸಾಮಲಕಾ ಸತೈಲಾ ಕುಷ್ಠಾನಿ ಕೃಚ್ಛ್ರಾಣಿ ನಿಹನ್ತಿ ಲೀಢಾ||೪೬||

Adhikarana sarvakuShTheShu pathyAdipiNDI,sarvakuShTheShu guDAdipiNDI (47) · Śloka 47

ಪಥ್ಯಾತಿಲಗುಡೈಃ ಪಿಣ್ಡೀ ಕುಷ್ಠಂ ಸಾರುಷ್ಕರೈರ್ಜಯೇತ್| ಗುಡಾರುಷ್ಕರಜನ್ತುಘ್ನಸೋಮರಾಜೀಕೃತಾಽಥವಾ||೪೭||

Adhikarana sarvakuShTheShu khadiracUrNam (48) · Śloka 48

ವಿಡಙ್ಗಾದ್ರಿಜತುಕ್ಷೌದ್ರಸರ್ಪಿಷ್ಮತ್ಖಾದಿರಂ ರಜಃ| ಕಿಟಿಭಶ್ವಿತ್ರದದ್ರುಘ್ನಂ ಖಾದೇನ್ಮಿತಹಿತಾಶನಃ||೪೮||

Adhikarana sarvakuShTheShu sitAdilehaH (49) · Śloka 49

ಸಿತಾತೈಲಕೃಮಿಘ್ನಾನಿ ಧಾತ್ರ್ಯಯೋಮಲಪಿಪ್ಪಲೀಃ| ಲಿಹಾನಃ ಸರ್ವಕುಷ್ಠಾನಿ ಜಯತ್ಯತಿಗುರೂಣ್ಯಪಿ||೪೯||

Adhikarana sarvakuShTheShu mustAdicUrNam (50-52) · Śloka 52

ಮುಸ್ತಂ ವ್ಯೋಷಂ ತ್ರಿಫಲಾ ಮಞ್ಜಿಷ್ಠಾ ದಾರು ಪಞ್ಚಮೂಲೇ ದ್ವೇ| ಸಪ್ತಚ್ಛದನಿಮ್ಬತ್ವಕ್ ಸವಿಶಾಲಾ ಚಿತ್ರಕೋ ಮೂರ್ವಾ||೫೦|| ಚೂರ್ಣಂ ತರ್ಪಣಭಾಗೈರ್ನವಭಿಃ ಸಂಯೋಜಿತಂ ಸಮಧ್ವಂಶಮ್| ನಿತ್ಯಂ ಕುಷ್ಠನಿಬರ್ಹಣಮೇತತ್ಪ್ರಾಯೋಗಿಕಂ ಖಾದನ್||೫೧|| ಶ್ವಯಥುಂ ಸಪಾಣ್ಡುರೋಗಂ ಶ್ವಿತ್ರಂ ಗ್ರಹಣೀಪ್ರದೋಷಮರ್ಶಾಂಸಿ| ವರ್ಧಭಗನ್ದರಪಿಡಕಾಕಣ್ಡೂಕೋಠಾಪಚೀರ್ಹನ್ತಿ||೫೨||

Adhikarana sarvakuShTheShu tuvarAsthyAdirasAyanAni (137)) · Śloka 53

ರಸಾಯನಪ್ರಯೋಗೇಣ ತುವರಾಸ್ಥೀನಿ ಶೀಲಯೇತ್| ಭಲ್ಲಾತಕಂ ಬಾಕುಚಿಕಾಂ ವಹ್ನಿಮೂಲಂ ಶಿಲಾಹ್ವಯಮ್||೫೩||

Adhikarana sarvakuShTheShu ityantadauShe vijite bahi pralepAdi hitam (54) · Śloka 54

ಇತಿ ದೋಷೇ ವಿಜಿತೇಽನ್ತಸ್- ತ್ವಕ್ಸ್ಥೇ ಶಮನಂ ಬಹಿಃ ಪ್ರಲೇಪಾದಿ ಹಿತಮ್| ತೀಕ್ಷ್ಣಾಲೇಪೋತ್ಕ್ಲಿಷ್ಟಂ ಕುಷ್ಠಂ ಹಿ ವಿವೃದ್ಧಿಮೇತಿ ಮಲಿನೇ ದೇಹೇ||೫೪||

Adhikarana sarvakuShTheShu sthirakaThiNamaNDaleShu poTalaiH svedaH (55) · Śloka 55

ಸ್ಥಿರಕಠಿನಮಣ್ಡಲಾನಾಂ ಕುಷ್ಠಾನಾಂ ಪೋಟಲೈರ್ಹಿತಃ ಸ್ವೇದಃ| ಸ್ವಿನ್ನೋತ್ಸನಂ ಕುಷ್ಠಂ ಶಸ್ತ್ರೈರ್ಲಿಖಿತಂ ಪ್ರಲೇಪನೈರ್ಲಿಮ್ಪೇತ್||೫೫||

Adhikarana sarvakuShTheShu svinnotsanneShu lekhanaM lepanaM ca sarvakuShTheShu sparshaindriyanASaneShu kShAraH (56) · Śloka 56

ಯೇಷು ನ ಶಸ್ತ್ರಂ ಕ್ರಮತೇ ಸ್ಪರ್ಶೇನ್ದ್ರಿಯನಾಶನೇಷು ಕುಷ್ಠೇಷು| ತೇಷು ನಿಪಾತ್ಯಃ ಕ್ಷಾರೋ ರಕ್ತಂ ದೋಷಂ ಚ ವಿಸ್ರಾವ್ಯ||೫೬||

Adhikarana sarvakuShTheShu atikaThinaparuShApurANaMtvAdiyukteShu viShairagadaSca kramAllepaH (57) · Śloka 57

ಲೇಪೋಽತಿಕಠಿನಪುರುಷೇ ಸುಪ್ತೇ ಕುಷ್ಠೇ ಸ್ಥಿರೇ ಪುರಾಣೇ ಚ| ಪೀತಾಗದಸ್ಯ ಕಾರ್ಯೋ ವಿಷೈಃ ಸಮನ್ತ್ರೋಽಗದೈಶ್ಚಾನು||೫೭||

Adhikarana sarvakuShTheShu stabdhatvAdiyukteShu ghRuShTvA lepaH (58) · Śloka 58

ಸ್ತಬ್ಧಾನಿ ಸುಪ್ತಸುಪ್ತಾನ್ಯಸ್ವೇದನಕಣ್ಡುಲಾನಿ ಕುಷ್ಠಾನಿ| ಘೃಷ್ಟಾನಿ ಶುಷ್ಕಗೋಮಯಫೇನಕಶಸ್ತ್ರೈಃ ಪ್ರದೇಹ್ಯಾನಿ||೫೮||

Adhikarana sarvakuShTheShu mustAdikaShAyaH siddhAthaikaM snAnam sarvakuShTheShu mustA vamanaM virecanaM tvagdoShAdi nAshakaSca (59-60) · Śloka 60

ಮುಸ್ತಾ ತ್ರಿಫಲಾ ಮದನಂ ಕರಞ್ಜ ಆರಗ್ವಧಃ ಕಲಿಙ್ಗಯವಾಃ| ಸಪ್ತಾಹ್ವಕುಷ್ಠಫಲಿನೀದಾರ್ವ್ಯಃ ಸಿದ್ಧಾರ್ಥಕಂ ಸ್ನಾನಮ್||೫೯|| ಏಷ ಕಷಾಯೋ ವಮನಂ ವಿರೇಚನಂ ವರ್ಣಕಸ್ತಥೋದ್ಧರ್ಷಃ| ತ್ವಗ್ದೋಷಕುಷ್ಠಶೋಫಪ್ರಬಾಧನಃ ಪಾಣ್ಡುರೋಗಘ್ನಃ||೬೦||

Adhikarana sarvakuShTheShu karavIramUlAdikvAthalepaH (61) · Śloka 61

ಕರವೀರನಿಮ್ಬಕುಟಜಾಚ್ಛಮ್ಯಾಕಾಚ್ಚಿತ್ರಕಾಚ್ಚ ಮೂಲಾನಾಮ್| ಮೂತ್ರೇ ದರ್ವೀಲೇಪೀ ಕ್ವಾಥೋ ಲೇಪೇನ ಕುಷ್ಠಘ್ನಃ||೬೧||

Adhikarana sarvakuShTheShu shvetakaravIramulAdi lepaH (62) · Śloka 62

ಶ್ವೇತಕರವೀಮೂಲಂ ಕುಟಜಕರಞ್ಜಾತ್ಫಲಂ ತ್ವಚೋ ದಾರ್ವ್ಯಾಃ| ಸುಮನಃಪ್ರವಾಲಯುಕ್ತೋ ಲೇಪಃ ಕುಷ್ಠಾಪಹಃ ಸಿದ್ಧಃ||೬೨||

Adhikarana sarvakuShTheShu SirIShatvagAdicaturvidholepaH (63) · Śloka 63

ಶೈರೀಷೀ ತ್ವಕ್ ಪುಷ್ಪಂ ಕಾರ್ಪಾಸ್ಯಾ ರಾಜವೃಕ್ಷಪತ್ರಾಣಿ| ಪಿಷ್ಟಾ ಚ ಕಾಕಮಾಚೀ ಚತುರ್ವಿಧಃ ಕುಷ್ಠಹಾ ಲೇಪಃ||೬೩||

Adhikarana sarvakuShTheShu vyoShAdi lepaH (64) · Śloka 64

ವ್ಯೋಷಸರ್ಷಪನಿಶಾಗೃಹಧೂಮೈ- ರ್ಯಾವಶೂಕಪಟುಚಿತ್ರಕಕುಷ್ಠೈಃ| ಕೋಲಮಾತ್ರಗುಟಿಕಾಽರ್ಧವಿಷಾಂಶಾ ಶ್ವಿತ್ರಕುಷ್ಠಹರಣೋ ವರಲೇಪಃ||೬೪||

Adhikarana sarvakuShTheShu nimbAdicUrNasyodvartanam (65-66) · Śloka 66

ನಿಮ್ಬಂ ಹರಿದ್ರೇ ಸುರಸಂ ಪಟೋಲಂ ಕುಷ್ಠಾಶ್ವಗನ್ಧೇ ಸುರದಾರು ಶಿಗ್ರುಃ| ಸಸರ್ಷಪಂ ತುಮ್ಬರುಧಾನ್ಯವನ್ಯಂ ಚಣ್ಡಾ ಚ ಚೂರ್ಣಾನಿ ಸಮಾನಿ ಕುರ್ಯಾತ್||೬೫|| ತೈಸ್ತಕ್ರಪಿಷ್ಟೈಃ ಪ್ರಥಮಂ ಶರೀರಂ ತೈಲಾಕ್ತಮುದ್ವರ್ತಯಿತುಂ ಯತೇತ| ತಥಾಽಸ್ಯ ಕಣ್ಡೂಃ ಪಿಟಿಕಾಃ ಸಕೋಠಾಃ ಕುಷ್ಠಾನಿ ಶೋಫಾಶ್ಚ ಶಮಂ ವ್ರಜನ್ತಿ||೬೬||

Adhikarana sarvakuShTheShu mustAdicUrNasyAvacUrNanam (67-68) · Śloka 68

ಮುಸ್ತಾಮೃತಾಸಙ್ಗಕಟಙ್ಕಟೇರೀ- ಕಾಸೀಸಕಮ್ಪಿಲ್ಲಕಕುಷ್ಠರೋಧ್ರಾಃ| ಗನ್ಧೋಪಲಃ ಸರ್ಜರಸೋ ವಿಡಙ್ಗಂ ಮನಃಶಿಲಾಲೇ ಕರವೀರಕತ್ವಕ್||೬೭|| ತೈಲಾಕ್ತಗಾತ್ರಸ್ಯ ಕೃತಾನಿ ಚೂರ್ಣಾ- ನ್ಯೇತಾನಿ ದದ್ಯಾದವಚೂರ್ಣನಾರ್ಥಮ್| ದದ್ರೂಃ ಸಕಣ್ಡೂಃ ಕಿಟಿಭಾನಿ ಪಾಮಾ ವಿಚರ್ಚಿಕಾ ಚೇತಿ ತಥಾ ನ ಸನ್ತಿ||೬೮||

Adhikarana sarvakuShTheShu sarShapakalkalepaH sarvakuShTheShu manaH shilAdilepaH sarvakuShTheShu kara~jjAlepaH (69-70) · Śloka 70

ಸ್ನುಗ್ಗಣ್ಡೇ ಸರ್ಷಪಾತ್ಕಲ್ಕಃ ಕುಕೂಲಾನಲಪಾಚಿತಃ| ಲೇಪಾದ್ವಿಚರ್ಚಿಕಾಂ ಹನ್ತಿ ರಾಗವೇಗ ಇವ ತ್ರಪಾಮ್||೬೯|| ಮನಃಶಿಲಾಲೇ ಮರಿಚಾನಿ ತೈಲ- ಮಾರ್ಕಂ ಪಯಃ ಕುಷ್ಠಹರಃ ಪ್ರದೇಹಃ| ತಥಾ ಕರಞ್ಜಪ್ರಪುನಾಟಬೀಜಂ ಕುಷ್ಠಾನ್ವಿತಂ ಗೋಸಲಿಲೇನ ಪಿಷ್ಟಮ್||೭೦||

Adhikarana sarvakuShTheShu guggulvAdiBi miSrakatailamishrairlepaH (71-72) · Śloka 72

ಗುಗ್ಗುಲುಮರಿಚವಿಡಙ್ಗೈಃ ಸರ್ಷಪಕಾಸೀಸಸರ್ಜರಸಮುಸ್ತೈಃ| ಶ್ರೀವೇಷ್ಟಕಾಲಗನ್ಧೈರ್ಮನಃಶಿಲಾಕುಷ್ಠಕಮ್ಪಿಲ್ಲೈಃ||೭೧|| ಉಭಯಹರಿದ್ರಾಸಹಿತೈಶ್ಚಾಕ್ರಿಕತೈಲೇನ ಮಿಶ್ರಿತೈರೇಭಿಃ| ದಿನಕರಕರಾಭಿತಪ್ತೈಃ ಕುಷ್ಠಂ ಘೃಷ್ಟಂ ಚ ನಷ್ಟಂ ಚ||೭೨||

Adhikarana sarvakuShTheShu sidhme maricAdilepaH (73-74) · Śloka 74

ಮರಿಚಂ ತಮಾಲಪತ್ರಂ ಕುಷ್ಠಂ ಸಮನಃಶಿಲಂ ಸಕಾಸೀಸಮ್| ತೈಲೇನ ಯುಕ್ತಮುಷಿತಂ ಸಪ್ತಾಹಂ ಭಾಜನೇ ತಾಮ್ರೇ||೭೩|| ತೇನಾಲಿಪ್ತಂ ಸಿಧ್ಮಂ ಸಪ್ತಾಹಾದ್ ಘರ್ಮಸೇವಿನೋಽಪೈತಿ| ಮಾಸಾನ್ನವಂ ಕಿಲಾಸಂ ಸ್ನಾನೇನ ವಿನಾ ವಿಶುದ್ಧಸ್ಯ||೭೪||

Adhikarana sarvakuShTheShu sidhme jyotiShmatItailam (75) · Śloka 75

ಮಯೂರಕಕ್ಷಾರಜಲೇ ಸಪ್ತಕೃತ್ವಃ ಪರಿಸ್ರತೇ| ಸಿದ್ಧಂ ಜ್ಯೋತಿಷ್ಮತೀತೈಲಮಭ್ಯಙ್ಗಾತ್ಸಿಧ್ಮನಾಶನಮ್||೭೫||

Adhikarana sarvakuShTheShu sidhme kAkaja~gghAmUlAdilepaH (76) · Śloka 76

ವಾಯಸಜಙ್ಘಾಮೂಲಂ ವಮನೀಪತ್ರಾಣಿ ಮೂಲಕಾದ್ಬೀಜಮ್| ತಕ್ರೇಣ ಭೌಮವಾರೇ ಲೇಪಃ ಸಿಧ್ಮಾಪಹಃ ಸಿದ್ಧಃ||೭೬||

Adhikarana sarvakuShTheShu jIvantyAdighRutatailapAkaH (77-78) · Śloka 78

ಜೀವನ್ತೀ ಮಞ್ಜಿಷ್ಠಾ ದಾರ್ವೀ ಕಮ್ಪಿಲ್ಲಕಂ ಪಯಸ್ತುತ್ಥಮ್| ಏಷ ಘೃತತೈಲಪಾಕಃ ಸಿದ್ಧಃ ಸಿದ್ಧೇ ಚ ಸರ್ಜರಸಃ||೭೭|| ದೇಯಃ ಸಮಧೂಚ್ಛಿಷ್ಟೋ ವಿಪಾದಿಕಾ ತೇನ ನಶ್ಯತಿ ಹ್ಯಕ್ತಾ| ಚರ್ಮೈಕಕುಷ್ಠಕಿಟಿಭಂ ಕುಷ್ಠಂ ಶಾಮ್ಯತ್ಯಲಸಕಂ ಚ||೭೮||

Adhikarana sarvakuShTheShu nADIvraNeShu vajrakaM tailam (79-80) · Śloka 80

ಮೂಲಂ ಸಪ್ತಾಹ್ವಾತ್ತ್ವಕ್ ಶಿರೀಷಾಶ್ವಮಾರಾ- ದರ್ಕಾನ್ಮಾಲತ್ಯಾಶ್ಚಿತ್ರಕಾಸ್ಫೋತನಿಮ್ಬಾತ್| ಬೀಜಂ ಕಾರಞ್ಜಂ ಸಾರ್ಷಪಂ ಪ್ರಾಪುನಾಟಂ ಶ್ರೇಷ್ಠಾ ಜನ್ತುಘ್ನಂ ತ್ರ್ಯೂಷಣಂ ದ್ವೇ ಹರಿದ್ರೇ||೭೯|| ತೈಲಂ ತೈಲಂ ಸಾಧಿತಂ ತೈಃ ಸಮೂತ್ರೈ- ಸ್ತ್ವಗ್ದೋಷಾಣಾಂ ದುಷ್ಟನಾಡೀವ್ರಣಾನಾಮ್| ಅಭ್ಯಙ್ಗೇನ ಶ್ಲೇಷ್ಮವಾತೋದ್ಭವಾನಾಂ ನಾಶಾಯಾಲಂ ವಜ್ರಕಂ ವಜ್ರತುಲ್ಯಮ್||೮೦||

Adhikarana sarvakuShTheShu nADIvraNeShu mahAvajratailam (81-82) · Śloka 82

ಏರಣ್ಡತಾರ್ಕ್ಷ್ಯಘನನೀಪಕದಮ್ಬಭಾರ್ಙ್ಗೀ- ಕಮ್ಪಿಲ್ಲವೇಲ್ಲಫಲಿನೀಸುರವಾರುಣೀಭಿಃ| ನಿರ್ಗುಣ್ಡ್ಯರುಷ್ಕರಸುರಾಹ್ವಸುವರ್ಣದುಗ್ಧಾ- ಶ್ರೀವೇಷ್ಟಗುಗ್ಗುಲುಶಿಲಾಪಟುತಾಲವಿಶ್ವೈಃ||೮೧|| ತುಲ್ಯಸ್ನುಗರ್ಕದುಗ್ಧಂ ಸಿದ್ಧಂ ತೈಲಂ ಸ್ಮೃತಂ ಮಹಾವಜ್ರಮ್| ಅತಿಶಯಿತವಜ್ರಕಗುಣಂ ಶ್ವಿತ್ರಾರ್ಶೋಗ್ರನ್ಥಿಮಾಲಾಘ್ನಮ್||೮೨||

Adhikarana sarvakuShTheShu kuShThAditailam (83) · Śloka 83

ಕುಷ್ಠಾಶ್ವಮಾರಭೃಙ್ಗಾರ್ಕಮೂತ್ರಸ್ನುಕ್ಕ್ಷೀರಸೈನ್ಧವೈಃ| ತೈಲಂ ಸಿದ್ಧಂ ವಿಷಾವಾಪಮಭ್ಯಙ್ಗಾತ್ ಕುಷ್ಠಜಿತ್ಪರಮ್||೮೩||

Adhikarana sarvakuShTheShu pAmAvicarcikayoH kaTutailam (84) · Śloka 84

ಸಿದ್ಧಂ ಸಿಕ್ಥಕಸಿನ್ದೂರಪುರತುತ್ಥಕತಾರ್ಕ್ಷ್ಯಜೈಃ| ಕಚ್ಛೂಂ ವಿಚರ್ಚಿಕಾಂ ಚಾಶು ಕಟುತೈಲಂ ನಿಬರ್ಹತಿ||೮೪||

Adhikarana sarvakuShTheShu dadruShu lAkShAdilepaH (85) · Śloka 85

ಲಾಕ್ಷಾ ವ್ಯೋಷಂ ಪ್ರಾಪುನಾಟಂ ಚ ಬೀಜಂ ಸಶ್ರೀವೇಷ್ಟಂ ಕುಷ್ಠಸಿದ್ಧಾರ್ಥಕಾಶ್ಚ| ತಕ್ರೋನ್ಮಿಶ್ರಃ ಸ್ಯಾದ್ಧರಿದ್ರಾ ಚ ಲೇಪೋ ದದ್ರೂಷೂಕ್ತೋ ಮೂಲಕೋತ್ಥಂ ಚ ಬೀಜಮ್||೮೫||

Adhikarana sarvakuShTheShu citrakAdayAH ShaT lepAH (86-87) · Śloka 87

ಚಿತ್ರಕಸೋಭಾಞ್ಜನಕೌ, ಗುಡೂಚ್ಯಪಾಮಾರ್ಗದೇವದಾರೂಣಿ| ಖದಿರೋ ಧವಶ್ಚ ಲೇಪಃ, ಶ್ಯಾಮಾ ದನ್ತೀ ದ್ರವನ್ತೀ ಚ||೮೬|| ಲಾಕ್ಷಾರಸಾಞ್ಜನೈಲಾಃ, ಪುನರ್ನವಾ ಚೇತಿ ಕುಷ್ಠಿನಾಂ ಲೇಪಾಃ| ದಧಿಮಣ್ಡಯುತಾಃ ಪಾದೈಃ ಷಟ್ ಪ್ರೋಕ್ತಾ ಮಾರುತಕಫಘ್ನಾಃ||೮೭||

Adhikarana sarvakuShTheShu pittakaPottareShu jalAdilepaH (88) · Śloka 88

ಜಲವಾಪ್ಯಲೋಹಕೇಸರಪತ್ರಪ್ಲವಚನ್ದನಮೃಣಾಲಾನಿ| ಭಾಗೋತ್ತರಾಣಿ ಸಿದ್ಧಂ ಪ್ರಲೇಪನಂ ಪಿತ್ತಕಫಕುಷ್ಠೇ||೮೮||

Adhikarana sarvakuShTheShu dAhayukteShu tiktaghRutAdiBiraBya~ggaH sarvakuShTheShu kledaprapAtAdiShu shItalepAdayaH (89-90) · Śloka 90

ತಿಕ್ತಘೃತೈರ್ಧೌತಘೃತೈರಭ್ಯಙ್ಗೋ ದಹ್ಯಮಾನಕುಷ್ಠೇಷು| ತೈಲೈಶ್ಚನ್ದನಮಧುಕಪ್ರಪೌಣ್ಡರೀಕೋತ್ಪಲಯುತೈಶ್ಚ||೮೯|| ಕ್ಲೇದೇ ಪ್ರಪತತಿ ಚಾಙ್ಗೇ ದಾಹೇ ವಿಸ್ಫೋಟಕೇ ಚ ಚರ್ಮದಲೇ| ಶೀತಾಃ ಪ್ರದೇಹಸೇಕಾ ವ್ಯಧನವಿರೇಕೌಘೃತಂ ತಿಕ್ತಮ್||೯೦||

Adhikarana sarvakuShTheShu kRumikuShTheShukhadirAdayaH (91) · Śloka 91

ಖದಿರವೃಷನಿಮ್ಬಕುಟಜಾಃಶ್ರೇಷ್ಠಾಕೃಮಿಜಿತ್ಪಟೋಲಮಧುಪರ್ಣ್ಯಃ ಅನ್ತರ್ಬಹಿಃ ಪ್ರಯುಕ್ತಾಃ ಕೃಮಿಕುಷ್ಠನುದಃ ಸಗೋಮೂತ್ರಾಃ||೯೧||

Adhikarana sarvakuShTheShu vAtottareShu pUrvaM ghRutaM sarvakuShTheShu kaPottareShu pUrvaM vamanaM sarvakuShTheShu pittottareShu pUrvaM raktamokSho virekaSca (92) · Śloka 92

ವಾತೋತ್ತರೇಷು ಸರ್ಪಿರ್ವಮನಂ ಶ್ಲೇಷ್ಮೋತ್ತರೇಷು ಕುಷ್ಠೇಷು| ಪಿತ್ತೋತ್ತರೇಷು ಮೋಕ್ಷೋ ರಕ್ತಸ್ಯ ವಿರೇಚನಂ ಚಾಗ್ರೇ||೯೨||

Adhikarana sarvakuShTheShu nihRutAstradoShAdiShu lepAH siddhidAH (93) · Śloka 93

ಯೇ ಲೇಪಾಃ ಕುಷ್ಠಾನಾಂ ಯುಜ್ಯನ್ತೇ ನಿರ್ಹೃತಾಸ್ರದೋಷಾಣಾಮ್| ಸಂಶೋಧಿತಾಶಯಾನಾಂ ಸದ್ಯಃ ಸಿದ್ಧಿರ್ಭವತಿ ತೇಷಾಮ್||೯೩||

Adhikarana sarvakuShTheShu bahudoSheShu saMshodhanam (94) · Śloka 94

ದೋಷೇ ಹೃತೇಽಪನೀತೇ ರಕ್ತೇ ಬಾಹ್ಯಾನ್ತರೇ ಕೃತೇ ಶಮನೇ| ಸ್ನೇಹೇ ಚ ಕಾಲಯುಕ್ತೇ ನ ಕುಷ್ಠಮತಿವರ್ತತೇ ಸಾಧ್ಯಮ್||೯೪||

Adhikarana sarvakuShTheShu doShAtiharaNe mRutyuH (95) · Śloka 95

ಬಹುದೋಷಃ ಸಂಶೋಧ್ಯಃ ಕುಷ್ಠೀ ಬಹುಶೋಽನುರಕ್ಷತಾ ಪ್ರಾಣಾನ್| ದೋಷೇ ಹ್ಯತಿಮಾತ್ರಹೃತೇ ವಾಯುರ್ಹನ್ಯಾದಬಲಮಾಶು||೯೫||

Adhikarana sarvakuShTheShu vamanAdInAM kAlaniyamaH (96) · Śloka 96

ಪಕ್ಷಾತ್ಪಕ್ಷಾಚ್ಛರ್ದನಾನ್ಯಭ್ಯುಪೇಯಾ- ನ್ಮಾಸಾನ್ಮಾಸಾಚ್ಛೋಧನಾನ್ಯಪ್ಯಧಸ್ತಾತ್| ಶುದ್ಧಿರ್ಮೂರ್ಘ್ನಿ ಸ್ಯಾತ್ತ್ರಿರಾತ್ರಾತ್ತ್ರಿರಾತ್ರಾತ್ ಷಷ್ಠೇ ಷಷ್ಠೇ ಮಾಸ್ಯಸೃಡ್ಮೋಕ್ಷಣಂ ಚ||೯೬||

Adhikarana sarvakuShTheShu kRutyadoShanirharaNam (97) · Śloka 97

ಯೋ ದುರ್ವಾನ್ತೋ ದುರ್ವಿರಿಕ್ತೋಽಥವಾ ಸ್ಯಾತ್ ಕುಷ್ಠೀ ದೋಷೈರುದ್ಧತೈರ್ವ್ಯಾಪ್ಯತೇಽಸೌ| ನಿಃಸನ್ದೇಹಂ ಯಾತ್ಯಸಾಧ್ಯತ್ವಮೇವಂ ತಸ್ಮಾತ್ ಕೃತ್ಸ್ನಾನ್ನಿರ್ಹರೇದಸ್ಯ ದೋಷಾನ್||೯೭||

Adhikarana sarvakuShTheShu vratasevanAdi (19) · Śloka 19

ವ್ರತದಮಯಮಸೇವಾ ತ್ಯಾಗಶೀಲಾಭಿಯೋಗೋ ದ್ವಿಜಸುರಗುರುಪೂಜಾ ಸರ್ವಸತ್ತ್ವೇಷು ಮೈತ್ರೀ| ಶಿವಶಿವಸುತತಾರಾಭಾಸ್ಕರಾರಾಧನಾನಿ ಪ್ರಕಟಿತಮಲಪಾಪಂ ಕುಷ್ಠಮುನ್ಮೂಲಯನ್ತಿ||೯೮|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಚತುರ್ಥೇ ಚಿಕಿತ್ಸಿತಸ್ಥಾನೇ ಕುಷ್ಠಚಿಕಿತ್ಸಿತಂ ನಾಮೈಕೋನವಿಂಶೋಽಧ್ಯಾಯಃ||೧೯||