6. annasvarūpavijñānīyādhyāyaḥ

Adhikarana annasvarUpavij~jAnIyAdhyAyaH ShaShThaH (2) · Śloka 2

ಅಥಾತೋಽನ್ನಸ್ವರೂಪವಿಜ್ಞಾನೀಯಮಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸುತ್ರೇ)|೨|

Adhikarana shUkadhAnyavargaH raktashAlyAdiguNAH (1-4) · Śloka 4

ಶಿಮ್ಬೀಧಾನ್ಯಸ್ಯ ತು ತದ್ವ್ಯಞ್ಜನತ್ತ್ವೇನ ಸ್ವಲ್ಪೋಪಯೋಗಿತ್ತ್ವಾತ್ ಪ್ರಾಯೇಣಾಪಥ್ಯಾತ್ತ್ವಾಚ್ಚಾಪ್ರಾಧನ್ಯಂ, ಇತ್ಯಾಹ- ಅಥ ಶೂಕಧಾನ್ಯವರ್ಗಃ| ರಕ್ತೋ ಮಹಾನ್ ಸಕಲಮಸ್ತೂರ್ಣಕಃ ಶಕುನಾಹೃತಃ| ಸಾರಾಮುಖೋ ದೀರ್ಘಶೂಕೋ ರೋಧ್ರಶೂಕಃ ಸುಗನ್ಧಿಕಃ||೧|| ಪುಣ್ಡ್ರಃ ಪಾಣ್ಡುಃ ಪುಣ್ಡರೀಕಃ ಪ್ರಮೋದೋ ಗೌರಸಾರಿವೌ| ಕಾಞ್ಹ್ಚನೋ ಮಹಿಷಃ ಶೂಕೋ ದೂಷಕಃ ಕುಸುಮಾಣ್ಡಕಃ||೨|| ಲಾಙ್ಗಲಾ ಲೋಹವಾಲಾಖ್ಯಃ ಕರ್ದಮಾಃ ಶೀತಭೀರುಕಾಃ| ಪತಙ್ಗಾಸ್ತಪನೀಯಾಶ್ಚ ಯೇ ಚಾನ್ಯೇ ಶಾಲಯಃ ಶುಭಾಃ||೩|| ಸ್ವಾದುಪಾಕರಸಃ ಸ್ನಿಗ್ಧಾ ವೃಷ್ಯಾ ಬದ್ಧಾಲ್ಪವರ್ಚಸಃ| ಕಷಾಯಾನುರಸಾಃ ಪಥ್ಯ ಲಘವೋ ಮೂತ್ರಲ ಹಿಮಾಃ||೪||

Adhikarana raktashAliguNAH (5) · Śloka 5

ಶೂಕಜೇಷು ವರಸ್ತತ್ರ ರಕ್ತಸ್ತೃಷ್ಣಾತ್ರಿದೋಷಹಾ| |೫|

Adhikarana mahAshAlyAdInAM guNAH (5) · Śloka 5

| ಮಾಹಾಂಸ್ತಮನು ಕಲಮಸ್ತಂ ಚಾಪ್ಯನು ತತಃ ಪರೇ||೫||

Adhikarana yavakAdInAM pUrvasya pUrvasya ninditatvam (6-7) · Śloka 7

ಯವಕಾ ಹಾಯನಾಃ ಪಾಂಸುಬಾಷ್ಪನೈಷಧಕಾದಯಃ| ಸ್ವಾದೂಷ್ಣಾ ಗುರವಃ ಸ್ನಿಗ್ಧಾಃ ಪಾಕೇಽಮ್ಲಾಃ ಶ್ಲೇಷ್ಮಪಿತ್ತಲಾಃ||೬|| ಸೃಷ್ಟಮೂತ್ರಪುರೀಷಾಶ್ಚ ಪೂರ್ವಂ ಪೂರ್ವಂ ಚ ನಿನ್ದಿತಾಃ| |೭|

Adhikarana ShaShTikaguNAH (7-8) · Śloka 8

| ಸ್ನಿಗ್ಧೋ ಗ್ರಾಹೀ ಲಘುಃ ಸ್ವಾದುದುಸ್ತ್ರಿದೋಷಘ್ನಃ ಸ್ಥಿರೋ ಹಿಮಃ||೭|| ಷಷ್ಟಿಕೋ ವ್ರೀಹಿಷು ಶ್ರೇಷ್ಠೋ ಗೌರಶ್ಚಾಸಿತಗೌರತಃ| |೮|

Adhikarana mahAvrIhyAdiguNAH (8-10) · Śloka 10

| ತತಃ ಕ್ರಮಾನ್ಮಹಾವ್ರೀಹಿಕೃಷ್ಣವ್ರೀಹಿಜತೂಮುಖಾಃ||೮|| ಕುಕ್ಕುಟಾಣ್ಡಕಲಾವಾಖ್ಯಪಾರಾವತಕಶೂಕರಾಃ| ವರಕೋದ್ದಾಲಕೋಜ್ಜ್ವಾಲಚೀನಶಾರದದರ್ದುರಾಃ||೯|| ಗನ್ಧನಾಃ ಕುರುವಿನ್ದಾಶ್ಚ ಗುಣೈರಲ್ಪಾನ್ತರಾಃ ಸ್ಮೃತಾಃ| |೧೦|

Adhikarana ShaShTikAdiByo~anyavrIhiguNAH (10-11) · Śloka 11

| ಸ್ವಾದುರಮ್ಲವಿಪಾಕೋಽನ್ಯೋ ವ್ರೀಹಿಃ ಪಿತ್ತಕರೋ ಗುರುಃ|೧೦| ಬಹುಮೂತ್ರಪುರೀಷೋಷ್ಮಾ, ತ್ರಿದೋಷಸ್ತ್ವೇವ ಪಾಟಲಃ| |೧೧|

Adhikarana ShaShTikAdiByo~anyavrIhiguNAH (10-11) · Śloka 11

| ಸ್ವಾದುರಮ್ಲವಿಪಾಕೋಽನ್ಯೋ ವ್ರೀಹಿಃ ಪಿತ್ತಕರೋ ಗುರುಃ||೧೦|| ಬಹುಮೂತ್ರಪುರೀಷೋಷ್ಮಾ, ತ್ರಿದೋಷಸ್ತ್ವೇವ ಪಾಟಲಃ| ||೧೧||

Adhikarana priya~gguguNAH (12) · Śloka 12

| ಭಗ್ನಸನ್ಧಾನಕೃತ್ತತ್ರ ಪ್ರಿಯಙ್ಗುರ್ಬೃಂಹಣೀ ಗುರುಃ||೧೨||

Adhikarana koradUShaguNAH (13) · Śloka 13

ಕೋರದೂಷಃ ಪರಂ ಗ್ರಾಹೀ ಸ್ಪರ್ಶೇ ಶೀತೋ ವಿಷಾಪಹಃ| |೧೩|

Adhikarana yavaguNAH (13-14) · Śloka 14

| ರೂಕ್ಷಃ ಶೀತೋ ಗುರುಃ ಸ್ವಾದುಃ ಸರೋ ವಿಡ್ವಾತಕೃದ್ಯವಃ||೧೩|| ವೃಷ್ಯಃ ಸ್ಥೈರ್ಯಕರೋ ಮೂತ್ರಮೇದಃಪಿತ್ತಕಫಾನ್ ಜಯೇತ್| ಪೀನಸಶ್ವಾಸಕಾಸೋರುಸ್ತಮ್ಭಕಣ್ಠತ್ವಗಾಮಯಾನ್||೧೪||

Adhikarana anuyavaguNAH (15) · Śloka 15

ನ್ಯೂನೋ ಯವಾದನುಯವಃ| |೧೫|

Adhikarana vaMshodBavayavaguNAH (15) · Śloka 15

ರುಕ್ಷೋಷ್ಣೋ ವಂಶಜೋ ಯವಃ| |೧೫|

Adhikarana godhUmaguNAH (15-16) · Śloka 16

| ವೃಷ್ಯಃ ಶೀತೋ ಗುರುಃ ಸ್ನಿಗ್ಧೋ ಜೀವನೋ ವಾತಪಿತ್ತಹಾ||೧೫|| ಸನ್ಧಾನಕಾರೀ ಮಧುರೋ ಗೋಧೂಮಃ ಸ್ಥೈರ್ಯಕೃತ್ಸರಃ| |೧೬|

Adhikarana nandImuKIguNAH (16-1) · Śloka 1

| ಪಥ್ಯಾ ನನ್ದೀಮುಖೀ ಶೀತಾ ಕಷಾಯಮಧುರಾ ಲಘುಃ||೧೬|| ಇತಿ ಶೂಕಧಾನ್ಯವರ್ಗಃ||೧||

Adhikarana shimbIdhAnyavargaH (17-18) · Śloka 18

ಅಥ ಶಿಮ್ಬೀಧಾನ್ಯವರ್ಗಃ| ಮುದ್ಗಾಢಕೀಮಸೂರಾದಿ ಶಿಮ್ಬೀಧಾನ್ಯಂ ವಿಬನ್ಧಕೃತ್| ಕಷಾಯಂ ಸ್ವಾದು ಸಙ್ಗ್ರಾಹಿ ಕಟುಪಾಕಂ ಹಿಮಂ ಲಘು||೧೭|| ಮೇದಃಶ್ಲೇಷ್ಮಾಸ್ತ್ರಪಿತ್ತೇಷು ಹಿತಂ ಲೇಪೋಪಸೇಕಯೋಃ| |೧೮|

Adhikarana shimbIdhAnyanAM sAmAnyaguNAH mudgaguNAH kalAyaguNAH rAjamAShaguNAH (18-19) · Śloka 19

| ವರೋಽತ್ರ ಮುದ್ಗೋಽಲ್ಪಚಲಃ, ಕಲಾಯಸ್ತ್ವತಿವಾತಲಃ||೧೮|| ರಾಜಮಾಷೋಽನಿಲಕರೋ ರೂಕ್ಷೋ ಬಹುಶಕೃದ್ಗುರುಃ| |೧೯|

Adhikarana kulatthaguNAH (19-20) · Śloka 20

| ಉಷ್ಣಾಃ ಕುಲತ್ಥಾಃ ಪಾಕೇಽಮ್ಲಾಃ ಶುಕ್ರಾಶ್ಮಶ್ವಾಸಪೀನಸಾನ್||೧೯|| ಕಾಸಾರ್ಶಃಕಫವಾತಾಂಶ್ಚ ಘ್ನನ್ತಿ ಪಿತ್ತಾಸ್ರದಾಃ ಪರಮ್| |೨೦|

Adhikarana niShpAvaguNAH (20-21) · Śloka 21

| ನಿಷ್ಪಾವೋ ವಾತಪಿತ್ತಾಸ್ರಸ್ತನ್ಯಮೂತ್ರಕರೋ ಗುರುಃ||೨೦|| ಸರೋ ವಿದಾಹೀ ದೃಕ್ಶುಕ್ರಕಫಶೋಫವಿಷಾಪಹಃ| |೨೧|

Adhikarana mAShaguNAH (21-22) · Śloka 22

| ಮಾಷಃ ಸ್ನಿಗ್ಧೋ ಬಲಶ್ಲೇಷ್ಮಮಲಪಿತ್ತಕರಃ ಸರಃ||೨೧|| ಗುರೂಷ್ಣೋಽನಿಲಹಾ ಸ್ವಾದುಃ ಶುಕ್ರವೃದ್ಧಿವಿರೇಕಕೃತ್| |೨೨|

Adhikarana kAkANDolAtmaguptAPalaguNAH (22) · Śloka 22

| ಫಲಾನಿ ಮಾಷವದ್ವಿದ್ಯಾತ್ಕಾಕಾಣ್ಡೋಲಾತ್ಮಗುಪ್ತಯೋಃ||೨೨||

Adhikarana tilaguNAH (23) · Śloka 23

ಉಷ್ಣಸ್ತ್ವಚ್ಯೋ ಹಿಮಃ ಸ್ಪರ್ಶೇ ಕೇಶ್ಯೋ ಬಲ್ಯಸ್ತಿಲೋ ಗುರುಃ| ಅಲ್ಪಮೂತ್ರಃ ಕಟುಃ ಪಾಕೇ ಮೇಧಾಽಗ್ನಿಕಫಪಿತ್ತಕೃತ್||೨೩||

Adhikarana atasIguNAH kusumBabIjaguNAH (24) · Śloka 24

ಸ್ನಿಗ್ಧೋಮಾ ಸ್ವಾದುತಿಕ್ತೋಷ್ಣಾ ಕಫಪಿತ್ತಕರೀ ಗುರುಃ| ದೃಕ್ಶುಕ್ರಹೃತ್ಕಟುಃ ಪಾಕೇ, ತದ್ವದ್ಬೀಜಂ ಕುಸುಮ್ಭಜಮ್||೨೪||

Adhikarana mAShayavakayoravaratvam (25) · Śloka 25

ಮಾಷೋಽತ್ರ ಸರ್ವೇಷ್ವವರೋ, ಯವಕಃ ಶೂಕಜೇಷು ಚ| |೨೫|

Adhikarana navadhAnyaguNAH purANadhAnyaguNAH shIghrajanmAdisUpyaguNAH (25-1) · Śloka 1

ನವಂ ಧಾನ್ಯಮಭಿಷ್ಯನ್ದಿ, ಲಘು ಸಂವತ್ಸರೋಷಿತಮ್||೨೫|| ಶೀಘ್ರಜನ್ಮ ತಥಾ ಸೂಪ್ಯಂ ನಿಸ್ತುಷಂ ಯುಕ್ತಿಭರ್ಜಿತಮ್| |೨೬| ಇತಿ ಶಿಮ್ಬೀಧಾನ್ಯವರ್ಗಃ||೧||

Adhikarana kRutAnnavargaH maNDAdInAM yathApUrvaM lAghavam maNDaguNAH (26-28) · Śloka 28

ಅಥ ಕೃತಾನ್ನ(ಪಕ್ವಾನ್ನ)ವರ್ಗಃ| | ಮಣ್ಡಪೇಯಾವಿಲೇಪೀನಾಮೋದನಸ್ಯ ಚ ಲಾಘವಮ್||೨೬|| ಯಥಾಪೂರ್ವಂ ಶಿವಸ್ತತ್ರ ಮಣ್ಡೋ ವಾತಾನುಲೋಮನಃ| ತೃಡ್ಗ್ಲಾನಿದೋಷಶೇಷಘ್ನಃ ಪಾಚನೋ ಧಾತುಸಾಮ್ಯಕೃತ್||೨೭|| ಸ್ರೋತೋಮಾರ್ದವಕೃತ್ಸ್ವೇದೀ ಸನ್ಧುಕ್ಷಯತಿ ಚಾನಲಮ್| |೨೮|

Adhikarana peyAguNAH (28-29) · Śloka 29

| ಕ್ಷತ್ತೃಷ್ಣಾಗ್ಲಾನಿದೌರ್ಬಲ್ಯಕುಕ್ಷಿರೋಗಜ್ವರಾಪಹಾ||೨೮|| ಮಲಾನುಲೋಮನೀ ಪಥ್ಯಾ ಪೇಯಾ ದೀಪನಪಾಚನೀ| |೨೯|

Adhikarana vilepIguNAH (29-30) · Śloka 30

| ವಿಲೇಪೀ ಗ್ರಾಹಿಣೀ ಹೃದ್ಯಾ ತೃಷ್ಣಾಘ್ನೀ ದೀಪನೀ ಹಿತಾ||೨೯|| ವ್ರಣಾಕ್ಷಿರೋಗಸಂಶುದ್ಧದುರ್ಬಲಸ್ನೇಹಪಾಯಿನಾಮ್| |೩೦|

Adhikarana odanaguNAH (30-31) · Śloka 31

| ಸುಧೌತಃ ಪ್ರಸ್ರುತಃ ಸ್ವಿನ್ನೋಽತ್ಯಕ್ತೋಷ್ಮಾ ಚೌದನೋ ಲಘುಃ||೩೦|| ಯಶ್ಚಾಗ್ನೇಯೌಷಧಕ್ವಾಥಸಾಧಿತೋ ಭೃಷ್ಟತಣ್ಡುಲಃ| ವಿಪರೀತೋ ಗುರುಃ ಕ್ಷೀರಮಾಂಸಾದ್ಯೈರ್ಯಶ್ಚ ಸಾಧಿತಃ||೩೧||

Adhikarana odanodAharaNA pariBAShA (32) · Śloka 32

ಇತಿ ದ್ರವ್ಯಕ್ರಿಯಾಯೋಗಮಾನಾದ್ಯೈಃ ಸರ್ವಮಾದಿಶೇತ್| |೩೨|

Adhikarana mAMsarasaguNAH (32) · Śloka 32

| ಬೃಂಹಣಃ ಪ್ರೀಣನೋ ವೃಷ್ಯಶ್ಚಕ್ಷುಷ್ಯೋ ವ್ರಣಹಾಂ ರಸಃ||೩೨||

Adhikarana mudgayUShaguNAH (33) · Śloka 33

| ಮೌದ್ಗಸ್ತು ಪಥ್ಯಃ ಸಂಶುದ್ಧವ್ರಣಕಣ್ಠಾಕ್ಷಿರೋಗಿಣಾಮ್|೩೩|

Adhikarana kulatthayUShaguNAH (33) · Śloka 33

| ವಾತಾನುಲೋಮೀ ಕೌಲತ್ಥೋ ಗುಲ್ಮತೂನೀಪ್ರತೂನಿಜಿತ್||೩೩||

Adhikarana tilavikRutyAdiguNAH (34) · Śloka 34

ತಿಲಪಿಣ್ಯಾಕವಿಕೃತಿಃ ಶುಷ್ಕಶಾಕಂ ವಿರೂಢಕಮ್| ಶಣ್ಡಾಕೀವಟಕಂ ದೃಗ್ಘ್ನಂ ದೋಷಲಂ ಗ್ಲಪನಂ ಗುರು||೩೪||

Adhikarana rasAlAguNAH (35) · Śloka 35

ರಸಾಲಾ ಬೃಂಹಣೀ ವೃಷ್ಯಾ ಸ್ನಿಗ್ಧಾ ಬಲ್ಯಾ ರುಚಿಪ್ರದಾ| |೩೫|

Adhikarana pAnakaguNAH (35-36) · Śloka 36

| ಶ್ರಮಕ್ಷುತ್ತೃಟ್ಕ್ಲಮಹರಂ ಪಾನಕಂ ಪ್ರೀಣನಂ ಗುರು||೩೫|| ವಿಷ್ಟಮ್ಭಿ ಮೂತ್ರಲಂ ಹೃದ್ಯಂ ಯಥಾದ್ರವ್ಯಗುಣಂ ಚ ತತ್| |೩೬|

Adhikarana lAjAguNAH (36-37) · Śloka 37

| ಲಾಜಾಸ್ತೃಟ್ಛರ್ದ್ಯತೀಸಾರಮೇಹಮೇದಃಕಫಚ್ಛಿದಃ||೩೬|| ಕಾಸಪಿತ್ತೋಪಶಮನಾ ದೀಪನಾ ಲಘವೋ ಹಿಮಾಃ| |೩೭|

Adhikarana pRuthukaguNAH (37) · Śloka 37

| ಪೃಥುಕಾ ಗುರವೋ ಬಲ್ಯಾಃ ಕಫವಿಷ್ಟಮ್ಭಕಾರಿಣಃ||೩೭||

Adhikarana dhAnAguNAH (38) · Śloka 38

ಧಾನಾ ವಿಷ್ಟಮ್ಭಿನೀ ರೂಕ್ಷಾ ತರ್ಪಣೀ ಲೇಖನೀ ಗುರುಃ| |೩೮|

Adhikarana saktuguNAHsaktubhakShaNaguNAH (38-40) · Śloka 40

| ಸಕ್ತವೋ ಲಘವಃ ಕ್ಷುತ್ತೃಟ್ಶ್ರಮನೇತ್ರಾಮಯವ್ರಣಾನ್||೩೮|| ಘ್ನನ್ತಿ ಸನ್ತರ್ಪಣಾಃ ಪಾನಾತ್ಸದ್ಯ ಏವ ಬಲಪ್ರದಾಃ| ನೋದಕಾನ್ತರಿತಾನ್ನ ದ್ವಿರ್ನ ನಿಶಾಯಾಂ ನ ಕೇವಲಾನ್||೩೯|| ನ ಭುಕ್ತ್ವಾ ನ ದ್ವಿಜೈಶ್ಛಿತ್ತ್ವಾ ಸಕ್ತೂನದ್ಯಾನ್ನ ವಾ ಬಹೂನ್| |೪೦|

Adhikarana piNyAkaguNAH (40) · Śloka 40

| ಪಿಣ್ಯಾಕೋ ಗ್ಲಪನೋ ರೂಕ್ಷೋ ವಿಷ್ಟಮ್ಭೀ ದೃಷ್ಟಿದೂಷಣಃ||೪೦||

Adhikarana vesavAraguNAH (41) · Śloka 41

ವೇಸವಾರೋ ಗುರುಃ ಸ್ನಿಗ್ಧೋ ಬಲೋಪಚಯವರ್ಧನಃ| |೪೧|

Adhikarana mudgAdijavesavAraguNAH (41) · Śloka 41

| ಮುದ್ಗಾದಿಜಾಸ್ತು ಗುರವೋ ಯಥಾದ್ರವ್ಯಗುಣಾನುಗಾಃ||೪೧||

Adhikarana pacanapAtraviSeShAdguNavisheShAH (42-2) · Śloka 2

ಕುಕೂಲಕರ್ಪರಭ್ರಾಷ್ಟ್ರಕನ್ದ್ವಙ್ಗಾರವಿಪಾಚಿತಾನ್| ಏಕಯೋನೀಂಲ್ಲಘೂನ್ವಿದ್ಯಾದಪೂಪಾನುತ್ತರೋತ್ತರಮ್||೪೨|| ಇತಿ ಕೃತಾನ್ನ (ಪಕ್ವಾನ್ನ) ವರ್ಗಃ||೨||

Adhikarana mAMsavargaH hariNAdayo dasha mRUgAH (43) · Śloka 43

ಅಥ ಮಾಂಸವರ್ಗಃ| ಹರಿಣೈಣಕುರಙ್ಗರ್ಕ್ಷಗೋಕರ್ಣಮೃಗಮಾತೃಕಾಃ| ಶಶಶಮ್ಬರಚಾರುಷ್ಕಶರಭಾದ್ಯಾ ಮೃಗಾಃ ಸ್ಮೃತಾಃ||೪೩||

Adhikarana lAvAdaya ekaviMshatirviShkirAH (44-46) · Śloka 46

ಲಾವವಾರ್ತೀಕವರ್ತೀರರಕ್ತವರ್ತ್ಮಕಕುಕ್ಕುಭಾಃ| ಕಪಿಞ್ಜಲೋಪಚಕ್ರಾಖ್ಯಚಕೋರಕುರುಬಾಹವಃ||೪೪|| ವರ್ತಕೋ ವರ್ತಿಕಾ ಚೈವ ತಿತ್ತಿರಿಃ ಕ್ರಕರಃ ಶಿಖೀ| ತಾಮ್ರಾಚೂಡಾಖ್ಯಬಕರಗೋನರ್ದಗಿರಿವರ್ತಿಕಾಃ||೪೫|| ತಥಾ ಶಾರಪದೇನ್ದ್ರಾಭವರಟಾದ್ಯಾಶ್ಚ ವಿಷ್ಕಿರಾಃ| |೪೬|

Adhikarana jIvaMjIvakAdayo dasha pratudAH (46-47) · Śloka 47

| ಜೀವಞ್ಜೀವಕದಾತ್ಯೂಹಭೃಙ್ಗಾಹ್ವಶುಕಸಾರಿಕಾಃ||೪೬|| ಲಟ್ವಾಕೋಕಿಲಹಾರೀತಕಪೋತಚಟಕಾದಯಃ| ಪ್ರತುದಾಃ|೪೭|

Adhikarana BekAdayashcatvAro bileshayAH (47) · Śloka 47

| ಭೇಕಗೋಧಾಹಿಶ್ವಾವಿದಾದ್ಯಾ ಬಿಲೇಶಯಾಃ||೪೭||

Adhikarana gavAdayaH prasahAH (48-50) · Śloka 50

ಗೋಖರಾಶ್ವತರೋಷ್ಟ್ರಾಶ್ವದ್ವೀಪಿಸಿಂಹರ್ಕ್ಷವಾನರಾಃ| ಮಾರ್ಜಾರಮೂಷಕವ್ಯಾಘ್ರವೃಕಬಭ್ರುತರಕ್ಷವಃ||೪೮|| ಲೋಪಾಕಜಮ್ಬುಕಶ್ಯೇನಚಾಷವಾನ್ತಾದವಾಯಸಾಃ ಶಶಘ್ನೀಭಾಸಕುರರಗೃಧ್ರೋಲೂಕಕುಲಿಙ್ಗಕಾಃ||೪೯|| ಧೂಮಿಕಾ ಮಧುಹಾ ಚೇತಿ ಪ್ರಸಹಾ ಮೃಗಪಕ್ಷಿಣಃ| |೫೦|

Adhikarana varAhAdayo dasha mahAmRugAH (50-51) · Śloka 51

| ವರಾಹಮಹಿಷನ್ಯಙ್ಕುರುರುರೋಹಿತವಾರಣಾಃ||೫೦|| ಸೃಮರಶ್ಚಮರಃ ಖಡ್ಗೋ ಗವಯಶ್ಚ ಮಹಾಮೃಗಾಃ| |೫೧|

Adhikarana haMsAdayo~apcarAH (51-52) · Śloka 52

| ಹಂಸಸಾರಸಕಾದಮ್ಬವಕಕಾರಣ್ಡವಪ್ಲವಾಃ||೫೧|| ಬಲಾಕೋತ್ಕ್ರೋಶಚಕ್ರಾಹ್ವಮದ್ಗುಕ್ರೌಞ್ಚಾದಯೋಽಪ್ಚರಾಃ| |೫೨|

Adhikarana rohitakAdayo matsyAH (52-54) · Śloka 54

| ಮತ್ಸ್ಯಾ ರೋಹಿತಪಾಠೀನಕೂರ್ಮಕುಮ್ಭೀರಕರ್ಕಟಾಃ||೫೨|| ಶುಕ್ತಿಶಙ್ಖೋದ್ರಶಮ್ಬೂಕಶಫರೀವರ್ಮಿಚನ್ದ್ರಿಕಾಃ| ಚುಲೂಕೀನಕ್ರಮಕರಶಿಶುಮಾರತಿಮಿಙ್ಗಿಲಾಃ||೫೩|| ರಾಜೀಚಿಲಿಚಿಮಾದ್ಯಾಶ್ಚ| |೫೪|

Adhikarana ityaShTadhA mAMsam (54-1) · Śloka 1

ಮಾಂಸಮಿತ್ಯಾಹುರಷ್ಟಧಾ| |೫೪| (ಮೃಗ್ಯಂ ವೈಷ್ಕಿರಿಕಂ ಕಿಞ್ಚ ಪ್ರಾತುದಂ ಚ ಬಿಲೇಶಯಮ್| ಪ್ರಾಸಹಂ ಚ ಮಹಾಮೃಗ್ಯಮಪ್ಚರಂ ಮಾತ್ಸ್ಯಮಷ್ಟಧಾ||೧||

Adhikarana vyAmishrAdayaH (54) · Śloka 54

| ಯೋನಿಷ್ವಜಾವೀ ವ್ಯಾಮಿಶ್ರಗೋಚರತ್ವಾದನಿಶ್ಚಿತೇ||೫೪||

Adhikarana mAMsasya traividhyam (55) · Śloka 55

ಆದ್ಯಾನ್ತ್ಯಾ ಜಾಙ್ಗಲಾನೂಪಾ ಮಧ್ಯೌ ಸಾಧಾರಣೌ ಸ್ಮೃತೌ| |೫೫|

Adhikarana jA~ggalAnAM guNAH (55-56) · Śloka 56

| ತತ್ರ ಬದ್ಧಮಲಾಃ ಶೀತಾ ಲಘವೋ ಜಾಙ್ಗಲಾ ಹಿತಾಃ||೫೫|| ಪಿತ್ತೋತ್ತರೇ ವಾತಮಧ್ಯೇ ಸನ್ನಿಪಾತೇ ಕಫಾನುಗೇ| |೫೬|

Adhikarana shashaguNAH (56) · Śloka 56

| ದೀಪನಃ ಕಟುಕಃ ಪಾಕೇ ಗ್ರಾಹೀ ರೂಕ್ಷೋ ಹಿಮಃ ಶಶಃ||೫೬||

Adhikarana vartakAdiguNAH,tittiriguNAH (57-58) · Śloka 58

ಈಷದುಷ್ಣಗುರುಸ್ನಿಗ್ಧಾ ಬೃಂಹಣಾ ವರ್ತಕಾದಯಃ| ತಿತ್ತಿರಿಸ್ತೇಷ್ವಪಿ ವರೋ ಮೇಧಾಗ್ನಿಬಲಶುಕ್ರಕೃತ್||೫೭|| ಗ್ರಾಹೀ ವರ್ಣ್ಯೋಽನಿಲೋದ್ರಿಕ್ತಸನ್ನಿಪಾತಹರಃ ಪರಮ್| |೫೮|

Adhikarana shikhiguNAH (58) · Śloka 58

| ನಾತಿಪಥ್ಯಃ ಶಿಖೀ ಪಥ್ಯಃ ಶ್ರೋತ್ರಸ್ವರವಯೋದ್ದಶಾಮ್||೫೮||

Adhikarana kukkuTaguNAH (59) · Śloka 59

ತದ್ವಚ್ಚ ಕುಕ್ಕುಟೋ ವೃಷ್ಯಃ| |೫೯|

Adhikarana grAmyakukkuTaguNAH (59) · Śloka 59

ಗ್ರಾಮ್ಯಸ್ತು ಶ್ಲೇಷ್ಮಲೋ ಗುರುಃ| |೫೯|

Adhikarana krakaropacakrakayorguNAH (59) · Śloka 59

| ಮೇಧಾಽನಲಕರಾ ಹೃದ್ಯಾಃ ಕ್ರಕರಾಃ ಸೋಪಚಕ್ರಕಾಃ||೫೯||

Adhikarana kANakapotaguNAH (60) · Śloka 60

ಗುರುಃ ಸಲವಣಃ ಕಾಣಕಪೋತಃ ಸರ್ವದೋಷಕೃತ್| |೬೦|

Adhikarana caTakaguNAH (60) · Śloka 60

| ಚಟಕಾಃ ಶ್ಲೇಷ್ಮಲಾಃ ಸ್ನಿಗ್ಧಾ ವಾತಘ್ನಾಃ ಶುಕ್ರಲಾಃ ಪರಮ್||೬೦||

Adhikarana bileshayAdInAM guNAH (61) · Śloka 61

ಗುರೂಷ್ಣಸ್ನಿಗ್ಧಮಧುರಾ ವರ್ಗಾಶ್ಚಾತೋ ಯಥೋತ್ತರಮ್| ಮೂತ್ರಶುಕ್ರಕೃತೋ ಬಲ್ಯಾ ವಾತಘ್ನಾಃ ಕಫಪಿತ್ತಲಾಃ||೬೧||

Adhikarana mahAmRugaguNAH, kravyAdaprasahaguNAH (62-63) · Śloka 63

ಏವಂ ವರ್ಗಪಞ್ಚಕಸ್ಯ ಸಾಮಾನ್ಯಗುಣಾನುಕ್ತ್ವಾ, ಅಪವಾದಮಾಹ- ಶೀತಾ ಮಹಾಮೃಗಾಸ್ತೇಷು, ಕ್ರವ್ಯಾದಪ್ರಸಹಾಃ ಪುನಃ| ಲವಣಾನುರಸಾಃ ಪಾಕೇ ಕಟುಕಾ ಮಾಂಸವರ್ಧನಾಃ||೬೨|| ಜೀರ್ಣಾರ್ಶೋಗ್ರಹಣೀದೋಷಶೋಷಾರ್ತಾನಾಂ ಪರಂ ಹಿತಾಃ| |೬೩|

Adhikarana AjamAMsaguNAH (63-64) · Śloka 64

| ನಾತಿಶೀತಗುರುಸ್ನಿಗ್ಧಂ ಮಾಂಸಮಾಜಮದೋಷಲಮ್||೬೩|| ಶರೀರಧಾತುಸಾಮಾನ್ಯಾದನಭಿಷ್ಯನ್ದಿ ಬೃಂಹಣ್ಮ್| |೬೪|

Adhikarana AvikamAMsaguNAH (64) · Śloka 64

| ವಿಪರೀತಮತೋ ಜ್ಞೇಯಮಾವಿಕಂ ಬೃಂಹಣಂ ತು ತತ್||೬೪||

Adhikarana gomAMsaguNAH (65) · Śloka 65

ಶುಷ್ಕಕಾಸಶ್ರಮಾತ್ಯಗ್ನಿವಿಷಮಜ್ವರಪೀನಸಾನ್| ಕಾರ್ಶ್ಯಂ ಕೇವಲವಾತಾಂಶ್ಚ ಗೋಮಾಂಸಂ ಸನ್ನಿಯಚ್ಛತಿ||೬೫||

Adhikarana mahiShamAMsaguNAH (66) · Śloka 66

ಉಷ್ಣೋ ಗರೀಯಾನ್ಮಹಿಷಃ ಸ್ವಪ್ನದಾರ್ಢ್ಯಬೃಹತ್ತ್ವಕೃತ್| |೬೬|

Adhikarana varAhamAMsaguNAH (66) · Śloka 66

| ತದ್ವದ್ವರಾಹಃ ಶ್ರಮಹಾ ರುಚಿಶುಕ್ರಬಲಪ್ರದಃ||೬೬||

Adhikarana matsyaguNAH (67) · Śloka 67

ಮತ್ಸ್ಯಾಃ ಪರಂ ಕಫಕರಾಃ| |೬೭|

Adhikarana cilicImaguNAH (67) · Śloka 67

ಚಿಲಿಚೀಮಸ್ತ್ರಿದೋಷಕೃತ್| |೬೭|

Adhikarana lAvAdayaH sve sve vargai shreShThAH (67) · Śloka 67

| ಲಾವರೋಹಿತಗೋಧೈಣಾಃ ಸ್ವೇ ಸ್ವೇ ವರ್ಗೇ ವರಾಃ ಪರಮ್||೬೭||

Adhikarana sadyohatAdimAMsaM sevyam (68) · Śloka 68

ಮಾಂಸಂ ಸದ್ಯೋಹತಂ ಶುದ್ಧಂ ವಯಃಸ್ಥಂ ಚ ಭಜೇತ್| |೬೮|

Adhikarana mRutamAMsaM tyAjyam (68) · Śloka 68

ತ್ಯಜೇತ್| ಮೃತಂ ಕೃಶಂ ಭೃಶಂ ಮೇದ್ಯಂ ವ್ಯಾಧಿವಾರಿವಿಷೈರ್ಹತಮ್||೬೮||

Adhikarana puMstriyoravayavAdi visheSheNa gauravalAghave (69-3) · Śloka 3

ಪುಂಸ್ತ್ರಿಯೋಃ ಪೂರ್ವಪಶ್ಚಾರ್ಧೇ ಗುರುಣೀ, ಗರ್ಭಿಣೀ ಗುರುಃ| ಲಘುರ್ಯೋಷಿಚ್ಚತುಷ್ಪಾತ್ಸು, ವಿಹಙ್ಗೇಷು ಪುನಃ ಪುಮಾನ್||೬೯|| ಶಿರಃಸ್ಕನ್ಧೋರುಪೃಷ್ಠಸ್ಯ ಕಟ್ಯಾಃ ಸಕ್ಥ್ನೋಶ್ಚ ಗೌರವಮ್| ತಥಾಽಽಮಪಕ್ವಾಶಯಯೋರ್ಯಥಾಪೂರ್ವಂ ವಿನಿರ್ದಿಶೇತ್||೭೦|| ಶೋಣಿತಪ್ರಭೃತೀನಾಂ ಚ ಧಾತೂನಾಮುತ್ತರೋತ್ತರಮ್| ಮಾಂಸಾದ್ಗರೀಯೋ ವೃಷಣಮೇಢ್ರವೃಕ್ಕಯಕೃದ್ಗುದಮ್||೭೧|| ಇತಿ ಮಾಂಸವರ್ಗಃ||೩||

Adhikarana shAkavargaH pAThAdijashAkaguNAH (72) · Śloka 72

ಅಥ ಶಾಕವರ್ಗಃ| ಶಾಕಂ ಪಾಠಾಶಠೀಸೂಷಾಸುನಿಷಣ್ಣಸತೀನಜಮ್| ತ್ರಿದೋಷಘ್ನಂ ಲಘು ಗ್ರಾಹಿ ಸರಾಜಕ್ಷವವಾಸ್ತುಕಮ್||೭೨||

Adhikarana suniShaNNAguNAH (73) · Śloka 73

ಸುನಿಷಣ್ಣೋಽಗ್ನಿಕೃದ್ವೃಷ್ಯಸ್ತೇಷು| |೭೩|

Adhikarana rAjakShavaguNAH (73) · Śloka 73

ರಾಜಕ್ಷವಃ ಪರಮ್| ಗ್ರಹಣ್ಯರ್ಶೋವಿಕಾರಘ್ನಃ|೭೩|

Adhikarana vAstukaguNAH (73) · Śloka 73

| ವರ್ಚೋಭೇದಿ ತು ವಾಸ್ತುಕಮ್||೭೩||

Adhikarana kAkamAcIguNAH (74) · Śloka 74

ಹನ್ತಿ ದೋಷತ್ರಯಂ ಕುಷ್ಠಂ ವೃಷ್ಯಾ ಸೋಷ್ಣಾ ರಸಾಯನೀ| ಕಾಕಮಾಚೀ ಸರಾ ಸ್ವರ್ಯಾ|೭೪|

Adhikarana cA~ggerIguNAH (74-75) · Śloka 75

| ಚಾಙ್ಗೇರ್ಯಮ್ಲಾಽಗ್ನಿದೀಪನೀ||೭೪|| ಗ್ರಹಣ್ಯರ್ಶೋಽನಿಲಶ್ಲೇಷ್ಮಹಿತೋಷ್ಣಾ ಗ್ರಾಹಿಣೀ ಲಘುಃ| |೭೫|

Adhikarana paTolAdInAM guNAH (75-78) · Śloka 78

| ಪಟೋಲಸಪ್ತಲಾರಿಷ್ಟಶಾರ್ಙ್ಗೇಷ್ಟಾವಲ್ಗುಜಾಽಮೃತಾಃ||೭೫|| ವೇತ್ರಾಗ್ರಬೃಹತೀವಾಸಾಕುತಿಲೀತಿಲಪರ್ಣಿಕಾಃ| ಮಣ್ಡೂಕಪರ್ಣೀಕರ್ಕೋಟಕಾರವೇಲ್ಲಕಪರ್ಪಟಾಃ||೭೬|| ನಾಡೀಕಲಾಯಗೋಜಿಹ್ವಾವಾರ್ತಾಕಂ ವನತಿಕ್ತಕಮ್| ಕರೀರಂ ಕುಲಕಂ ನನ್ದೀ ಕುಚೈಲಾ ಶಕುಲಾದನೀ||೭೭|| ಕಟಿಲ್ಲಂ ಕೇಮ್ಬುಕಂ ಶೀತಂ ಸಕೋಶಾತಕಕರ್ಕಶಮ್| ತಿಕ್ತಂ ಪಾಕೇ ಕಟು ಗ್ರಾಹಿ ವಾತಲಂ ಕಫಪಿತ್ತಜಿತ್||೭೮||

Adhikarana paTolaguNAH (79) · Śloka 79

ಹೃದ್ಯಂ ಪಟೋಲಂ ಕೃಮಿನುತ್ಸ್ವಾದುಪಾಕಂ ರುಚಿಪ್ರದಮ್| |೭೯|

Adhikarana bRuhatIdvayaguNAH (79) · Śloka 79

| ಪಿತ್ತಲಂ ದೀಪನಂ ಭೇದಿ ವಾತಘ್ನಂ ಬೃಹತೀದ್ವಯಮ್||೭೯||

Adhikarana vRuShaguNAH (80) · Śloka 80

ವೃಷಂ ತು ವಮಿಕಾಸಘ್ನಂ ರಕ್ತಪಿತ್ತಹರಂ ಪರಮ್| |೮೦|

Adhikarana kAravellaguNAH (80) · Śloka 80

| ಕಾರವೇಲ್ಲಂ ಸಕಟುಕಂ ದೀಪನಂ ಕಫಜಿತ್ಪರಮ್||೮೦||

Adhikarana vArtAkaguNAH (81) · Śloka 81

ವಾರ್ತಾಕಂ ಕಟು ತಿಕ್ತೋಷ್ಣಂ ಮಧುರಂ ಕಫವಾತಜಿತ್| ಸಕ್ಷಾರಮಗ್ನಿಜನನಂ ಹೃದ್ಯಂ ರುಚ್ಯಮಪಿತ್ತಲಮ್||೮೧||

Adhikarana karIraguNAH (82) · Śloka 82

ಕರೀರಮಾಧ್ಮಾನಕರಂ ಕಷಾಯಂ ಸ್ವಾದು ತಿಕ್ತಕಮ್| |೮೨|

Adhikarana koshAtakAvalgujakayorguNAH (82) · Śloka 82

| ಕೋಶಾತಕಾವಲ್ಗುಜಕೌ ಭೇದಿನಾವಗ್ನಿದೀಪನೌ||೮೨||

Adhikarana taNDulIyaguNAH (83) · Śloka 83

ತಣ್ಡುಲೀಯೋ ಹಿಮೋ ರೂಕ್ಷಃ ಸ್ವಾದುಪಾಕರಸೋ ಲಘುಃ| ಮದಪಿತ್ತವಿಷಾಸ್ರಘ್ನಃ|೮೩|

Adhikarana mu~jjAtaguNAH (83-84) · Śloka 84

ಮುಞ್ಜಾತಂ ವಾತಪಿತ್ತಜಿತ್||೮೩|| ಸ್ನಿಗ್ಧಂ ಶೀತಂ ಗುರು ಸ್ವಾದು ಬೃಂಹಣಂ ಶುಕ್ರಕೃತ್ಪರಮ್| |೮೪|

Adhikarana pAla~gkyAguNAH (84) · Śloka 84

| ಗುರ್ವೀ ಸರಾ ತು ಪಾಲಙ್ಕ್ಯಾ|೮೪|

Adhikarana upodakAguNAH (84) · Śloka 84

| ಮದಘ್ನೀ ಚಾಪ್ಯುಪೋದಕಾ||೮೪||

Adhikarana ca~jcuguNAH (85) · Śloka 85

ಪಾಲಙ್ಕ್ಯಾವತ್ಸ್ಮೃತಶ್ಚಞ್ಚುಃ ಸ ತು ಸಙ್ಗ್ರಹಣಾತ್ಮಕಃ| |೮೫|

Adhikarana vidArIguNAH (85-86) · Śloka 86

| ವಿದಾರೀ ವಾತಪಿತ್ತಘ್ನೀ ಮೂತ್ರಲಾ ಸ್ವಾದುಶೀತಲಾ||೮೫|| ಜೀವನೀ ಬೃಂಹಣೀ ಕಣ್ಠ್ಯಾ ಗುರ್ವೀ ವೃಷ್ಯಾ ರಸಾಯನಮ್| |೮೬|

Adhikarana jIvantIguNAH (86) · Śloka 86

| ಚಕ್ಷುಷ್ಯಾ ಸರ್ವದೋಷಘ್ನೀ ಜೀವನ್ತೀ ಮಧುರಾ ಹಿಮಾ||೮೬||

Adhikarana kUShmANDAdiguNAH (87-88) · Śloka 88

ಕೂಷ್ಮಾಣ್ಡತುಮ್ಬಕಾಲಿಙ್ಗಕರ್ಕಾರ್ವೇರ್ವಾರುತಿಣ್ಡಿಶಮ್| ತಥಾ ತ್ರಪುಸಚೀನಾಕಚಿರ್ಭಟಂ ಕಫವಾತಕೃತ್||೮೭|| ಭೇದಿ ವಿಷ್ಟಮ್ಭ್ಯಭಿಷ್ಯನ್ದಿ ಸ್ವಾದುಪಾಕರಸಂ ಗುರು| |೮೮|

Adhikarana kUShmANDaguNAH (88-89) · Śloka 89

ಅತ್ರ ವಿಷೇಶಮಾಹ | ವಲ್ಲೀಫಲಾನಾಂ ಪ್ರವರಂ ಕೂಷ್ಮಾಣ್ಡಂ ವಾತಪಿತ್ತಜಿತ್||೮೮|| ಬಸ್ತಿಶುದ್ಧಿಕರಂ ವೃಷ್ಯಮ್| |೮೯|

Adhikarana trapusaguNAH (89) · Śloka 89

ತ್ರಪುಸಂ ತ್ವತಿಮೂತ್ರಲಮ್| |೮೯|

Adhikarana tumbaguNAH kAli~ggAdInAM guNAH bAlakUShmANDAderguNAH pakvakUShmANDAderguNAH (89-90) · Śloka 90

| ತುಮ್ಬಂ ರೂಕ್ಷತರಂ ಗ್ರಾಹಿ ಕಾಲಿಙ್ಗೈರ್ವಾರುಚಿರ್ಭಟಮ್||೮೯|| ಬಾಲಂ ಪಿತ್ತಹರಂ ಶೀತಂ ವಿದ್ಯಾತ್ಪಕ್ವಮತೋಽನ್ಯಥಾ| |೯೦|

Adhikarana shIrNavRuntasya kUShmANDAderguNAH (90-91) · Śloka 91

| ಶೀರ್ಣವೃನ್ತಂ ತು ಸಕ್ಷಾರಂ ಪಿತ್ತಲಂ ಕಫವಾತಜಿತ್||೯೦|| ರೋಚನಂ ದೀಪನಂ ಹೃದ್ಯಮಷ್ಠೀಲಾಽನಾಹನುಲ್ಲಘು| |೯೧|

Adhikarana mRuNAlAdiguNAH (91-92) · Śloka 92

| ಮೃಣಾಲಬಿಸಶಾಲೂಕಕುಮುದೋತ್ಪಲಕನ್ದಕಮ್||೯೧|| ನನ್ದೀಮಾಷಕಕೇಲೂಟಶೃಙ್ಗಾಟಕಕಸೇರುಕಮ್| ಕ್ರೌಞ್ಚಾದನಂ ಕಲೋಡ್ಯಂ ಚ ರೂಕ್ಷಂ ಗ್ರಾಹಿ ಹಿಮಂ ಗುರು||೯೨||

Adhikarana kalambAdiguNAH (93-96) · Śloka 96

ಕಲಮ್ಬನಾಲಿಕಾಮಾರ್ಷಕುಟಿಞ್ಜರಕುತುಮ್ಬಕಮ್| ಚಿಲ್ಲೀಲಟ್ವಾಕಲೋಣೀಕಾಕುರೂಟಕಗವೇಧುಕಮ್||೯೩|| ಜೀವನ್ತಝುಞ್ಝ್ವೇಡಗಜಯವಶಾಕಸುವರ್ಚಲಾಃ| ಆಲುಕಾನಿ ಚ ಸರ್ವಾಣಿ ತಥಾ ಸೂಪ್ಯಾನಿ ಲಕ್ಷ್ಮಣಮ್||೯೪|| ಸ್ವಾದು ರೂಕ್ಷಂ ಸಲವಣಂ ವಾತಶ್ಲೇಷ್ಮಕರಂ ಗುರು| ಶೀತಲಂ ಸೃಷ್ಟವಿಣ್ಮೂತ್ರಂ ಪ್ರಾಯೋ ವಿಷ್ಟಭ್ಯ ಜೀರ್ಯತಿ||೯೫|| ಸ್ವಿನ್ನಂ ನಿಷ್ಪೀಡಿತರಸಂ ಸ್ನೇಹಾಢ್ಯಂ ನಾತಿದೋಷಲಮ್| |೯೬|

Adhikarana laghupatrAcillIguNAH (96) · Śloka 96

| ಲಘುಪತ್ರಾ ತು ಯಾ ಚಿಲ್ಲೀ ಸಾ ವಾಸ್ತುಕಸಮಾ ಮತಾ||೯೬||

Adhikarana tarkArIvarUNayorguNAH (97) · Śloka 97

ತರ್ಕಾರೀವರುಣಂ ಸ್ವಾದು ಸತಿಕ್ತಂ ಕಫವಾತಜಿತ್| |೯೭|

Adhikarana punarnavAdiguNAH (97-98) · Śloka 98

| ವರ್ಷಾಭ್ವೌ ಕಾಲಶಾಕಂ ಚ ಸಕ್ಷಾರಂ ಕಟುತಿಕ್ತಕಮ್||೯೭|| ದೀಪನಂ ಭೇದನಂ ಹನ್ತಿ ಗರಶೋಫಕಫಾನಿಲಾನ್| |೯೮|

Adhikarana ciribilvA~gkuraguNAH (98) · Śloka 98

| ದೀಪನಾಃ ಕಫವಾತಘ್ನಾಶ್ಚಿರಿಬಿಲ್ವಾಙ್ಕುರಾಃ ಸರಾಃ||೯೮||

Adhikarana shatAvarya~gkuraguNAH (99) · Śloka 99

ಶತಾವರ್ಯಙ್ಕುರಾಸ್ತಿಕ್ತಾ ವೃಷ್ಯಾ ದೋಷತ್ರಯಾಪಹಾಃ| |೯೯|

Adhikarana vaMshA~gkuraguNAH (99) · Śloka 99

| ರೂಕ್ಷೋ ವಂಶಕರೀರಸ್ತು ವಿದಾಹೀ ವಾತಪಿತ್ತಲಃ||೯೯||

Adhikarana pattUraguNAH (100) · Śloka 100

ಪತ್ತೂರೋ ದೀಪನಸ್ತಿಕ್ತಃ ಪ್ಲೀಹಾರ್ಶಃಕಫವಾತಜಿತ್| |೧೦೦|

Adhikarana kAsamardaguNAH (100) · Śloka 100

| ಕೃಮಿಕಾಸಕಫೋತ್ಕ್ಲೇದಾನ್ ಕಾಸಮರ್ದೋ ಜಯೇತ್ಸರಃ||೧೦೦||

Adhikarana kusumBashAkaguNAH (101) · Śloka 101

ರೂಕ್ಷೋಷ್ಣಮಮ್ಲಂ ಕೌಸುಮ್ಭಂ ಗುರು ಪಿತ್ತಕರಂ ಸರಮ್| |೧೦೧|

Adhikarana sArShapashAkaguNAH (101) · Śloka 101

| ಗುರೂಷ್ಣಂ ಸಾರ್ಷಪಂ ಬದ್ಧವಿಣ್ಮೂತ್ರಂ ಸರ್ವದೋಷಕೃತ್||೧೦೧||

Adhikarana bAlamUlakaguNAH (102-103) · Śloka 103

ಯದ್ಬಾಲಮವ್ಯಕ್ತರಸಂ ಕಿಞ್ಚಿತ್ಕ್ಷಾರಂ ಸತಿಕ್ತಕಮ್| ತನ್ಮೂಲಕಂ ದೋಷಹರಂ ಲಘು ಸೋಷ್ಣಂ ನಿಯಚ್ಛತಿ||೧೦೨|| ಗುಲ್ಮಕಾಸಕ್ಷಯಶ್ವಾಸವ್ರಣನೇತ್ರಗಲಾಮಯಾನ್| ಸ್ವರಾಗ್ನಿಸಾದೋದಾವರ್ತಪೀನಸಾಂಶ್ಚ|೧೦೩|

Adhikarana mahatmUlakaguNAH (103-104) · Śloka 104

ಮಹತ್ಪುನಃ||೧೦೩|| ರಸೇ ಪಾಕೇ ಚ ಕಟುಕಮುಷ್ಣವೀರ್ಯಂ ತ್ರಿದೋಷಕೃತ್| ಗುರ್ವಭಿಷ್ಯನ್ದಿ ಚ|೧೦೪|

Adhikarana snigdhasiddhamUlakaguNAH (104) · Śloka 104

| ಸ್ನಿಗ್ಧಸಿದ್ಧಂ ತದಪಿ ವಾತಜಿತ್||೧೦೪||

Adhikarana shuShkamUlakaguNAH (105) · Śloka 105

ವಾತಶ್ಲೇಷ್ಮಹರಂ ಶುಷ್ಕಂ ಸರ್ವಮ್| |೧೦೫|

Adhikarana AmamUlakaguNAH (105) · Śloka 105

ಆಮಂ ತು ದೋಷಲಮ್| |೧೦೫|

Adhikarana piNDAluguNAH (105) · Śloka 105

| ಕಟೂಷ್ಣೋ ವಾತಕಫಹಾ ಪಿಣ್ಡಾಲುಃ ಪಿತ್ತವರ್ಧನಃ||೧೦೫||

Adhikarana kuTherAdiharitakaguNAH (106-107) · Śloka 107

ಕುಠೇರಶಿಗ್ರುಸುರಸಸುಮುಖಾಸುರಿಭೂಸ್ತೃಣಮ್| ಫಣಿಜ್ಜಾರ್ಜಕಜಮ್ಬೀರಪ್ರಭೃತಿ ಗ್ರಾಹಿ ಶಾಲನಮ್||೧೦೬|| ವಿದಾಹಿ ಕಟು ರೂಕ್ಷೋಷ್ಣಂ ಹೃದ್ಯಂ ದೀಪನರೋಚನಮ್| ದೃಕ್ಶುಕ್ರಕೃಮಿಹೃತ್ತೀಕ್ಷ್ಣಂ ದೋಷೋತ್ಕ್ಲೇಶಕರಂ ಲಘು||೧೦೭||

Adhikarana surasaguNAH (108) · Śloka 108

ಹಿಧ್ಮಾಕಾಸವಿಷಶ್ವಾಸಪಾರ್ಶ್ವರುಕ್ಪೂತಿಗನ್ಧಹಾ| ಸುರಸಃ|೧೦೮|

Adhikarana sumukhaguNAH (108) · Śloka 108

| ಸುಮುಖೋ ನಾತಿವಿದಾಹೀ ಗರಶೋಫಹಾ||೧೦೮||

Adhikarana ArdrikAguNAH (109) · Śloka 109

ಆರ್ದ್ರಿಕಾ ತಿಕ್ತಮಧುರಾ ಮೂತ್ರಲಾ ನ ಚ ಪಿತ್ತಕೃತ್| |೧೦೯|

Adhikarana lashunaguNAH (109-111) · Śloka 111

| ಲಶುನೋ ಭೃಶತೀಕ್ಷ್ಣೋಷ್ಣಃ ಕಟುಪಾಕರಸಃ ಸರಃ||೧೦೯|| ಹೃದ್ಯಃ ಕೇಶ್ಯೋ ಗುರುರ್ವೃಷ್ಯಃ ಸ್ನಿಗ್ಧೋ ರೋಚನದೀಪನಃ| ಭಗ್ನಸನ್ಧಾನಕೃದ್ಬಲ್ಯೋ ರಕ್ತಪಿತ್ತಪ್ರದೂಷಣಃ||೧೧೦|| ಕಿಲಾಸಕುಷ್ಠಗುಲ್ಮಾರ್ಶೋಮೇಹಕ್ರಿಮಿಕಫಾನಿಲಾನ್| ಸಹಿಧ್ಮಾಪೀನಸಶ್ವಾಸಕಾಸಾನ್ ಹನ್ತಿ ರಸಾಯನಮ್||೧೧೧||

Adhikarana palANDuguNAH (112) · Śloka 112

ಪಲಾಣ್ಡುಸ್ತದ್ಗುಣನ್ಯೂನಃ ಶ್ಲೇಷ್ಮಲೋ ನಾತಿಪಿತ್ತಲಃ| |೧೧೨|

Adhikarana gRu~jjanakaguNAH (112-113) · Śloka 113

| ಕಫವಾತಾರ್ಶಸಾಂ ಪಥ್ಯಃ ಸ್ವೇದೇಽಭ್ಯವಹೃತೌ ತಥಾ||೧೧೨|| ತೀಕ್ಷ್ಣೋ ಗ್ಱಞ್ಜನಕೋ ಗ್ರಾಹೀ ಪಿತ್ತಿನಾಂ ಹಿತಕೃನ್ನ ಸಃ| |೧೧೩|

Adhikarana sUraNaguNAH (113-114) · Śloka 114

| ದೀಪನಃ ಸೂರಣೋ ರುಚ್ಯಃ ಕಫಘ್ನೋ ವಿಶದೋ ಲಘುಃ||೧೧೩|| ವಿಶೇಷಾದರ್ಶಸಾಂ ಪಥ್ಯಃ| |೧೧೪|

Adhikarana BUkandaguNAH (114) · Śloka 114

ಭೂಕನ್ದಸ್ತ್ವತಿದೋಷಲಃ| |೧೧೪|

Adhikarana patrAdInAM yathottaraM gurUtvam (114) · Śloka 114

| ಪತ್ರೇ ಪುಷ್ಪೇ ಫಲೇ ನಾಲೇ ಕನ್ದೇ ಚ ಗುರುತಾ ಕ್ರಮಾತ್||೧೧೪||

Adhikarana shAkeShu jIvantyAHshreShThatvam sarShapANAmavaratvam (2-115) · Śloka 115

ವರಾ ಶಾಕೇಷು ಜೀವನ್ತೀ ಸಾರ್ಷಪಂ ತ್ವವರಂ ಪರಮ್| ಇತಿ ಶಾಕವರ್ಗಃ||೨|| |೧೧೫|

Adhikarana PalavargaH drAkShAguNAH (115-117) · Śloka 117

ಅಥ ಫಲವರ್ಗಃ| | ದ್ರಾಕ್ಷಾ ಫಲೋತ್ತಮಾ ವೃಷ್ಯಾ ಚಕ್ಷುಷ್ಯಾ ಸೃಷ್ಟಮೂತ್ರವಿಟ್||೧೧೫|| ಸ್ವಾದುಪಾಕರಸಾ ಸ್ನಿಗ್ಧಾ ಸಕಷಾಯಾ ಹಿಮಾ ಗುರುಃ| ನಿಹನ್ತ್ಯನಿಲಪಿತ್ತಾಸ್ರತಿಕ್ತಾಸ್ಯತ್ವಮದಾತ್ಯಯಾನ್||೧೧೬|| ತೃಷ್ಣಾಕಾಸಶ್ರಮಶ್ವಾಸಸ್ವರಭೇದಕ್ಷತಕ್ಷಯಾನ್| |೧೧೭|

Adhikarana dADimaguNAH (117-118) · Śloka 118

| ಉದ್ರಿಕ್ತಪಿತ್ತಾಞ್ಜಯತಿ ತ್ರೀನ್ದೋಷಾನ್ಸ್ವಾದು ದಾಡಿಮಮ್||೧೧೭|| ಪಿತ್ತಾವಿರೋಧಿ ನಾತ್ಯುಷ್ಣಮಮ್ಲಂ ವಾತಕಫಾಪಹಮ್| ಸರ್ವಂ ಹೃದ್ಯಂ ಲಘು ಸ್ನಿಗ್ಧಂ ಗ್ರಾಹಿ ರೋಚನದೀಪನಮ್||೧೧೮||

Adhikarana mocAdiguNAH (119-122) · Śloka 122

ಮೋಚಖರ್ಜೂರಪನಸನಾರಿಕೇಲಪರೂಷಕಮ್| ಆಮ್ರಾತತಾಲಕಾಶ್ಮರ್ಯರಾಜಾದನಮಧೂಕಜಮ್||೧೧೯|| ಸೈವೀರಬದರಾಙ್ಕೋಲ್ಲಫಲ್ಗುಶ್ಲೇಷ್ಮಾತಕೋದ್ಭವಮ್| ವಾತಾಮಾಭಿಷುಕಾಕ್ಷೋಡಮುಕೂಲಕನಿಕೋಚಕಮ್||೧೨೦|| ಉರುಮಾಣಂ ಪ್ರಿಯಾಲಂ ಚ ಬೃಂಹಣಂ ಗುರು ಶೀತಲಮ್| ದಾಹಕ್ಷತಕ್ಷಯಹರಂ ರಕ್ತಪಿತ್ತಪ್ರಸಾದನಮ್||೧೨೧|| ಸ್ವಾದುಪಾಕರಸಂ ಸ್ನಿಗ್ಧಂ ವಿಷ್ಟಮ್ಭಿ ಕಫಶುಕ್ರಕೃತ್| |೧೨೨|

Adhikarana tAlaphalaguNAH kAshmaryajaguNAH vAtAmAdiguNAH priyAlaguNAH, priyAlamajjaguNAH, kolamajjaguNAH (122-125) · Śloka 125

| ಫಲಂ ತು ಪಿತ್ತಲಂ ತಾಲಂ ಸರಂ ಕಾಶ್ಮರ್ಯಜಂ ಹಿಮಮ್||೧೨೨|| ಶಕೃನ್ಮೂತ್ರವಿಬನ್ಧಘ್ನಂ ಕೇಶ್ಯಂ ಮೇಧ್ಯಂ ರಸಾಯನಮ್| ವಾತಾಮಾದ್ಯುಷ್ಣವೀರ್ಯಂ ತು ಕಫಪಿತ್ತಕರಂ ಸರಮ್||೧೨೩|| ಪರಂ ವಾತಹರಂ ಸ್ನಿಗ್ಧಮನುಷ್ಣಂ ತು ಪ್ರಿಯಾಲಜಮ್| ಪ್ರಿಯಾಲಮಜ್ಜಾ ಮಧುರೋ ವೃಷ್ಯಃ ಪಿತ್ತಾನಿಲಾಪಹಃ||೧೨೪|| ಕೋಲಮಜ್ಜಾ ಗುಣೈಸ್ತದ್ವತ್ತೃಟ್ಛರ್ದಿಃಕಾಸಜಿಚ್ಚ ಸಃ| |೧೨೫|

Adhikarana bilvaguNAH (125-126) · Śloka 126

| ಪಕ್ವಂ ಸುದುರ್ಜರಂ ಬಿಲ್ವಂ ದೋಷಲಂ ಪೂತಿಮಾರುತಮ್||೧೨೫|| ದೀಪನಂ ಕಫವಾತಘ್ನಂ ಬಾಲಂ, ಗ್ರಾಹ್ಯುಭಯಂ ಚ ತತ್| |೧೨೬|

Adhikarana kapitthaguNAH (126-127) · Śloka 127

| ಕಪಿತ್ಥಮಾಮಂ ಕಣ್ಠಘ್ನಂ ದೋಷಲಂ, ದೋಷಘಾತಿ ತು||೧೨೬|| ಪಕ್ವಂ ಹಿಧ್ಮಾವಮಥುಜಿತ್, ಸರ್ವಂ ಗ್ರಾಹಿ ವಿಷಾಪಹಮ್| |೧೨೭|

Adhikarana jAmbavaguNAH (127-128) · Śloka 128

| ಜಾಮ್ಬವಂ ಗುರು ವಿಷ್ಟಮ್ಭಿ ಶೀತಲಂ ಭೃಶವಾತಲಮ್||೧೨೭|| ಸಙ್ಗ್ರಾಹಿ ಮೂತ್ರಶಕೃತೋರಕಣ್ಠ್ಯಂ ಕಫಪಿತ್ತಜಿತ್| |೧೨೮|

Adhikarana AmraguNAH (128-129) · Śloka 129

ಆಮ್ರಸ್ಯ ತ್ರ್ಯವಸ್ಥಸ್ಯಾಪ್ಯುಪಯೋಗದರ್ಶನಾತ್ತಥೈವ ಗುಣಾನಾಹ | ವಾತಪಿತ್ತಾಸ್ರಕೃದ್ಬಾಲಂ, ಬದ್ಧಾಸ್ಥಿ ಕಫಪಿತ್ತಕೃತ್||೧೨೮|| ಗುರ್ವಾಮ್ರಂ ವಾತಜಿತ್ಪಕ್ವಂ ಸ್ವಾದ್ವಮ್ಲಂ ಕಫಶುಕ್ರಕೃತ್| |೧೨೯|

Adhikarana vRukShAmlaguNAH (129) · Śloka 129

| ವೃಕ್ಷಾಮ್ಲಂ ಗ್ರಾಹಿ ರೂಕ್ಷೋಷ್ಣಂ ವಾತಶ್ಲೇಷ್ಮಹರಂ ಲಘು||೧೨೯||

Adhikarana shamIPalaguNAH (130) · Śloka 130

ಶಮ್ಯಾ ಗುರೂಷ್ಣಂ ಕೇಶಘ್ನಂ ರೂಕ್ಷಮ್| |೧೩೦|

Adhikarana pIluguNAH (130-131) · Śloka 131

ಪೀಲು ತು ಪಿತ್ತಲಮ್| ಕಫವಾತಹರಂ ಭೇದಿ ಪ್ಲೀಹಾರ್ಶಃಕೃಮಿಗುಲ್ಮನುತ್||೧೩೦|| ಸತಿಕ್ತಂ ಸ್ವಾದು ಯತ್ಪೀಲು ವಾತ್ಯುಷ್ಣಂ ತತ್ತ್ರಿದೋಷಜಿತ್| |೧೩೧|

Adhikarana mAtulu~ggaguNAH (131-133) · Śloka 133

ಮಾತುಲುಙ್ಗಸ್ಯ ತ್ವಙ್ಮಾಂಸಕೇಸರಾಣಾಂ ಪೃಥಗುಪಯೋಗದರ್ಶನಾತ್ ಪೃಥಗೇವ ಗುಣಾನಾಹ | ತ್ವಕ್ತಿಕ್ತಕಟುಕಾ ಸ್ನಿಗ್ಧಾ ಮಾತುಲುಙ್ಗಸ್ಯ ವಾತಜಿತ್||೧೩೧|| ಬೃಂಹಣಂ ಮಧುರಂ ಮಾಂಸಂ ವಾತಪಿತ್ತಹರಂ ಗುರು| ಲಘು ತತ್ಕೇಸರಂ ಕಾಸಶ್ವಾಸಹಿಧ್ಮಾಮದಾತ್ಯಯಾನ್||೧೩೨|| ಆಸ್ಯಶೋಷಾನಿಲಶ್ಲೇಷ್ಮವಿಬನ್ಧಚ್ಛರ್ದ್ಯರೋಚಕಾನ್ ಗುಲ್ಮೋದರಾರ್ಶಃಶೂಲಾನಿ ಮನ್ದಾಗ್ನಿತ್ವಂ ಚ ನಾಶಯೇತ್||೧೩೩||

Adhikarana BallAtakaguNAH (134) · Śloka 134

ಭಲ್ಲಾತಕಸ್ಯ ತ್ವಙ್ಮಾಂಸಂ ಬೃಂಹಣಂ ಸ್ವಾದು ಶೀತಲಮ್| ತದಸ್ಥ್ಯಗ್ನಿಸಮಂ ಮೇಧ್ಯಂ ಕಫವಾತಹರಂ ಪರಮ್||೧೩೪||

Adhikarana pAlevataguNAH (135) · Śloka 135

ಸ್ವಾದ್ವಮ್ಲಂ ಶೀತಮುಷ್ಣಂ ಚ ದ್ವಿಧಾ ಪಾಲೇವತಂ ಗುರು| ರುಚ್ಯಮತ್ಯಗ್ನಿಶಮನಮ್|೧೩೫|

Adhikarana pakvArukaguNAH (135-136) · Śloka 136

| ರುಚ್ಯಂ ಮಧುರಮಾರುಕಮ್||೧೩೫|| ಪಕ್ವಮಾಶು ಜರಾಂ ಯಾತಿ ನಾತ್ಯುಷ್ಣಗುರುದೋಷಲಮ್| |೧೩೬|

Adhikarana amladrAkShAparUShakakaramardakaguNAH (136-137) · Śloka 137

| ದ್ರಾಕ್ಷಾಪರೂಷಕಂ ಚಾರ್ದ್ರಮಮ್ಲಂ ಪಿತ್ತಕಫಪ್ರದಮ್||೧೩೬|| ಗುರೂಷ್ಣವೀರ್ಯಂ ವಾತಘ್ನಂ ಸರಂ ಸಕರಮರ್ದಕಮ್| |೧೩೭|

Adhikarana amlakolAdiguNAH (137-138) · Śloka 138

| ತಥಾಽಮ್ಲಂ ಕೋಲಕರ್ಕನ್ಧುಲಕುಚಾಮ್ರಾತಕಾರುಕಮ್||೧೩೭|| ಐರಾವತಂ ದನ್ತಶಠಂ ಸತೂದಂ ಮೃಗಲಿಣ್ಡಿಕಮ್| ನಾತಿಪಿತ್ತಕರಂ ಪಕ್ವಂ ಶುಷ್ಕಂ ಚ ಕರಮರ್ದಕಮ್||೧೩೮||

Adhikarana shuShkAmlIkAPalAdiguNAH (139) · Śloka 139

ದೀಪನಂ ಭೇದನಂ ಶುಷ್ಕಮಮ್ಲೀಕಾಕೋಲಯೋಃ ಫಲಮ್| ತೃಷ್ಣಾಶ್ರಮಕ್ಲಮಚ್ಛೇದಿ ಲಘ್ವಿಷ್ಟಂ ಕಫವಾತಯೋಃ||೧೩೯||

Adhikarana PalAnAM madye lakucamavaram (140) · Śloka 140

ಫಲಾನಾಮವರಂ ತತ್ರ ಲಕುಚಂ ಸರ್ವದೋಷಕೃತ್| |೧೪೦|

Adhikarana tyAjyAni dhAnyashAkaPalAni (140-3) · Śloka 3

| ಹಿಮಾನಲೋಷ್ಣದುರ್ವಾತವ್ಯಾಲಲಾಲಾದಿದೂಷಿತಮ್||೧೪೦|| ಜನ್ತುಜುಷ್ಟಂ ಜಲೇ ಮಗ್ನಮಭೂಮಿಜಮನಾರ್ತವಮ್| ಅನ್ಯಧಾನ್ಯಯುತಂ ಹೀನವೀರ್ಯಂ ಜೀರ್ಣತಯಾಽತಿ ಚ||೧೪೧|| ಧಾನ್ಯಂ ತ್ಯಜೇತ್ತಥಾ ಶಾಕಂ ರೂಕ್ಷಸಿದ್ಧಮಕೋಮಲಮ್| ಅಸಞ್ಜಾತರಸಂ ತದ್ವಚ್ಛೂಷ್ಕಂ ಚಾನ್ಯತ್ರ ಮೂಲಕಾತ್||೧೪೨|| ಪ್ರಾಯೇಣ ಫಲಮಪ್ಯೇವಂ ತಥಾಽಽಮಂ ಬಿಲ್ವವರ್ಜಿತಮ್| |೧೪೩| ಇತಿ ಫಲವರ್ಗಃ||೩||

Adhikarana auShadhavargaH lavaNasAmAnyaguNAH (143-144) · Śloka 144

ಅಥೌಷಧವರ್ಗಃ| | ವಿಷ್ಯನ್ದಿ ಲವಣಂ ಸರ್ವಂ ಸೂಕ್ಷ್ಮಂ ಸೃಷ್ಟಮಲಂ ಮೃದು||೧೪೩|| ವಾತಘ್ನಂ ಪಾಕಿ ತೀಕ್ಷ್ಣೋಷ್ಣಂ ರೋಚನಂ ಕಫಪಿತ್ತಕೃತ್| |೧೪೪|

Adhikarana saindhavaguNAH (144-145) · Śloka 145

| ಸೈನ್ಧವಂ ತತ್ರ ಸಸ್ವಾದು ವೃಷ್ಯಂ ಹೃದ್ಯಂ ತ್ರಿದೋಷನುತ್||೧೪೪|| ಲಘ್ವನುಷ್ಣಂ ದೃಶಃ ಪಥ್ಯಮವಿದಾಹ್ಯಗ್ನಿದೀಪನಮ್| |೧೪೫|

Adhikarana sauvarcalaguNAH (145-146) · Śloka 146

| ಲಘು ಸೌವರ್ಚಲಂ ಹೃದ್ಯಂ ಸುಗನ್ಧ್ಯುದ್ಗಾರಶೋಧನಮ್||೧೪೫|| ಕಟುಪಾಕಂ ವಿಬನ್ಧಘ್ನಂ ದೀಪನೀಯಂ ರುಚಿಪ್ರದಮ್| |೧೪೬|

Adhikarana biDaguNAH (146-147) · Śloka 147

| ಊರ್ಧ್ವಾಧಃಕಫವಾತಾನುಲೋಮನಂ ದೀಪನಂ ಬಿಡಮ್||೧೪೬|| ವಿಬನ್ಧಾನಾಹವಿಷ್ಟಮ್ಭಶೂಲಗೌರವನಾಶನಮ್| |೧೪೭|

Adhikarana sAmudraguNAH (147) · Śloka 147

| ವಿಪಾಕೇ ಸ್ವಾದು ಸಾಮುದ್ರಂ ಗುರು ಶ್ಲೇಷ್ಮವಿವರ್ಧನಮ್||೧೪೭||

Adhikarana audBidaguNAH (148) · Śloka 148

ಸತಿಕ್ತಕಟುಕಕ್ಷಾರಂ ತೀಕ್ಷ್ಣಮುತ್ಕ್ಲೇದಿ ಚೌದ್ಭಿದಮ್| |೧೪೮|

Adhikarana kRuShNalavaNaguNAH (148) · Śloka 148

| ಕೃಷ್ಣೇ ಸೌವರ್ಚಲಗುಣಾ ಲವಣೇ ಗನ್ಧವರ್ಜಿತಾಃ||೧೪೮||

Adhikarana romakalavaNaguNAHpAMsujaguNAH (149) · Śloka 149

ರೋಮಕಂ ಲಘು, ಪಾಂಸೂತ್ಥಂ ಸಕ್ಷಾರಂ ಶ್ಲೇಷ್ಮಲಂ ಗುರು| |೧೪೯|

Adhikarana lavaNAnAM prayoge saindhavAdiprayojanam (149) · Śloka 149

| ಲವಣಾನಾಂ ಪ್ರಯೋಗೇ ತು ಸೈನ್ಧವಾದಿ ಪ್ರಯೋಜಯೇತ್||೧೪೯||

Adhikarana yavakShAraguNAH (150) · Śloka 150

ಗುಲ್ಮಹೃದ್ಗ್ರಹಣೀಪಾಣ್ಡುಪ್ಲೀಹಾನಾಹಗಲಾಮಯಾನ್| ಶ್ವಾಸಾರ್ಶಃಕಫಕಾಸಾಂಶ್ಚ ಶಮಯೇದ್ಯವಶೂಕಜಃ||೧೫೦||

Adhikarana sAmAnyakShAraguNAH (151-152) · Śloka 152

ಕ್ಷಾರಃ ಸರ್ವಶ್ಚ ಪರಮಂ ತೀಕ್ಷ್ಣೋಷ್ಣಃ ಕೃಮಿಜಿಲ್ಲಘುಃ| ಪಿತ್ತಾಸೃಗ್ದೂಷಣಃ ಪಾಕೀ ಛೇದ್ಯಹೃದ್ಯೋ ವಿದಾರಣಃ||೧೫೧|| ಅಪಥ್ಯಃ ಕಟುಲಾವಣ್ಯಾಚ್ಛುಕ್ರೌಜಃಕೇಶಚಕ್ಷುಷಾಮ್| |೧೫೨|

Adhikarana hi~gguguNAH (152-153) · Śloka 153

| ಹಿಙ್ಗು ವಾತಕಫಾನಾಹಶೂಲಘ್ನಂ ಪಿತ್ತಕೋಪನಮ್||೧೫೨|| ಕಟುಪಾಕರಸಂ ರುಚ್ಯಂ ದೀಪನಂ ಪಾಚನಂ ಲಘು| |೧೫೩|

Adhikarana harItakIguNAH (153-157) · Śloka 157

| ಕಷಾಯಾ ಮಧುರಾ ಪಾಕೇ ರೂಕ್ಷಾ ವಿಲವಣಾ ಲಘು||೧೫೩|| ದೀಪನೀ ಪಾಚನೀ ಮೇಧ್ಯಾ ವಯಸಃ ಸ್ಥಾಪನೀ ಪರಮ್| ಉಷ್ಣವೀರ್ಯಾ ಸರಾಽಽಯುಷ್ಯಾ ಬುದ್ಧೀನ್ದ್ರಿಯಬಲಪ್ರದಾ||೧೫೪|| ಕುಷ್ಠವೈವರ್ಣ್ಯವೈಸ್ವರ್ಯಪುರಾಣವಿಷಮಜ್ವರಾನ್| ಶಿರೋಽಕ್ಷಿಪಾಣ್ಡುಹೃದ್ರೋಗಕಾಮಲಾಗ್ರಹಣೀಗದಾನ್||೧೫೫|| ಸಶೋಷಶೋಫಾತೀಸಾರಮೇದಮೋಹವಮಿಕ್ರಿಮೀನ್| ಶ್ವಾಸಕಾಸಪ್ರಸೇಕಾರ್ಶಃಪ್ಲೀಹಾನಾಹಗರೋದರಮ್||೧೫೬|| ವಿಬನ್ಧಂ ಸ್ರೋತಸಾಂ ಗುಲ್ಮಮೂರುಸ್ತಮ್ಭಮರೋಚಕಮ್| ಹರೀತಕೀ ಜಯೇದ್ವ್ಯಾಧೀಂಸ್ತಾಂಸ್ತಾಂಶ್ಚ ಕಫವಾತಜಾನ್||೧೫೭||

Adhikarana AmalakaguNAH (158) · Śloka 158

ತದ್ವದಾಮಲಕಂ ಶೀತಮಮ್ಲಂ ಪಿತ್ತಕಫಾಪಹಮ್| |೧೫೮|

Adhikarana akShaguNAH (158) · Śloka 158

| ಕಟು ಪಾಕೇ ಹಿಮಂ ಕೇಶ್ಯಮಕ್ಷಮೀಷಚ್ಚ ತದ್ಗುಣಮ್||೧೫೮||

Adhikarana triphalAguNAH (159) · Śloka 159

ಇಯಂ ರಸಾಯನವರಾ ತ್ರಿಫಲಾಽಕ್ಷ್ಯಾಮಯಾಪಹಾ| ರೋಪಣೀ ತ್ವಗ್ಗ್ದಕ್ಲೇದಮೇದೋಮೇಹಕಫಾಸ್ತ್ರಜಿತ್||೧೫೯||

Adhikarana caturjAtaguNAH trijAtakaguNAH (160) · Śloka 160

ಸಕೇಸರಂ ಚತುರ್ಜಾತಂ ತ್ವಕ್ಪತ್ರೈಲಂ ತ್ರಿಜಾತಕಮ್| ಪಿತ್ತಪ್ರಕೋಪಿ ತೀಕ್ಷ್ಣೋಷ್ಣಂ ರೂಕ್ಷಂ ರೋಚನದೀಪನಮ್||೧೬೦||

Adhikarana maricaguNAH (161) · Śloka 161

ರಸೇ ಪಾಕೇ ಚ ಕಟುಕಂ ಕಫಘ್ನಂ ಮರಿಚಂ ಲಘು| |೧೬೧|

Adhikarana pippalIguNAH (161-163) · Śloka 163

| ಶ್ಲೇಷ್ಮಲಾ ಸ್ವಾದುಶೀತಾಽಽರ್ದ್ರಾ ಗುರ್ವೀ ಸ್ನಿಗ್ಧಾ ಚ ಪಿಪ್ಪಲೀ||೧೬೧|| ಸಾ ಶುಷ್ಕಾ ವಿಪರೀತಾಽತಃ ಸ್ನಿಗ್ಧಾ ವೃಷ್ಯಾ ರಸೇ ಕಟುಃ| ಸ್ವಾದುಪಾಕಾಽನಿಲಶ್ಲೇಷ್ಮಶ್ವಾಸಕಾಸಾಪಹಾ ಸರಾ||೧೬೨|| ನ ತಾಮತ್ಯುಪಯುಞ್ಜೀತ ರಸಾಯನವಿಧಿಂ ವಿನಾ| |೧೬೩|

Adhikarana nAgaraguNAH (163-164) · Śloka 164

| ನಾಗರಂ ದೀಪನಂ ವೃಷ್ಯಂ ಗ್ರಾಹಿ ಹೃದ್ಯಂ ವಿಬನ್ಧನುತ್||೧೬೩|| ರುಚ್ಯಂ ಲಘು ಸ್ವಾದುಪಾಕಂ ಸ್ನಿಗ್ಧೋಷ್ಣಂ ಕಫವಾತಜಿತ್| |೧೬೪|

Adhikarana ArdrakaguNAH,trikaTukaguNAH (164-165) · Śloka 165

| ತದ್ವದಾರ್ದ್ರಕಮೇತಚ್ಚ ತ್ರಯಂ ತ್ರಿಕಟುಕಂ ಜಯೇತ್||೧೬೪|| ಸ್ಥೌಲ್ಯಾಗ್ನಿಸದನಶ್ವಾಸಕಾಸಶ್ಲೀಪದಪೀನಸಾನ್| |೧೬೫|

Adhikarana cavikApippalImUlayorguNAH (165) · Śloka 165

| ಚವಿಕಾಪಿಪ್ಪಲೀಮುಲಂ ಮರಿಚಾಲ್ಪಾನ್ತರಂ ಗುಣೈಃ||೧೬೫||

Adhikarana citrakaguNAH (166) · Śloka 166

ಚಿತ್ರಕೋಽಗ್ನಿಸಮಃ ಪಾಕೇ ಶೋಫಾರ್ಶಃಕೃಮಿಕುಷ್ಠಹಾ| |೧೬೬|

Adhikarana pa~jcakolaguNAH (166-167) · Śloka 167

| ಪಞ್ಚಕೋಲಕಮೇತಚ್ಚ ಮರಿಚೇನ ವಿನಾ ಸ್ಮೃತಮ್||೧೬೬|| ಗುಲ್ಮಪ್ಲೀಹೋದರಾನಾಹಶೂಲಘ್ನಂ ದೀಪನಂ ಪರಮ್| |೧೬೭|

Adhikarana bRuhatpa~jcamUlaguNAH (167-168) · Śloka 168

| ಬಿಲ್ವಕಾಶ್ಮರ್ಯತರ್ಕಾರೀಪಾಟಲಾಟಿಣ್ಟುಕೈರ್ಮಹತ್||೧೬೭|| ಜಯೇತ್ಕಷಾಯತಿಕ್ತೋಷ್ಣಂ ಪಞ್ಚಮೂಲಂ ಕಫನಿಲೌ| |೧೬೮|

Adhikarana hasvapa~jcamUlaguNAH (168-169) · Śloka 169

| ಹ್ರಸ್ವಂ ಬೃಹತ್ಯಂಶುಮತೀದ್ವಯಗೋಕ್ಷುರಕೈಃ ಸ್ಮೃತಮ್||೧೬೮|| ಸ್ವಾದುಪಾಕರಸಂ ನಾತಿಶೀತೋಷ್ಣಂ ಸರ್ವದೋಷಜಿತ್| |೧೬೯|

Adhikarana madhyamapa~jcamUlaguNAH (169-170) · Śloka 170

| ಬಲಾಪುನರ್ನವೈರಣ್ಡಶೂರ್ಪಪರ್ಣೀದ್ವಯೇನ ತು||೧೬೯|| ಮಧ್ಯಮಂ ಕಫವಾತಘ್ನಂ ವಾತಿಪಿತ್ತಕರಂ ಸರಮ್| |೧೭೦|

Adhikarana jIvanAkhyapa~jcamUlaguNAH (170-171) · Śloka 171

| ಅಭೀರುವೀರಾಜೀವನ್ತೀಜೀವಕರ್ಷಭಕೈಃ ಸ್ಮೃತಮ್||೧೭೦|| ಜೀವನಾಖ್ಯಂ ತು ಚಕ್ಷುಷ್ಯಂ ವೃಷ್ಯಂ ಪಿತ್ತಾನಿಲಾಪಹಮ್| |೧೭೧|

Adhikarana tRuNasaMj~jakapa~jcamUlaguNAH (171-7) · Śloka 7

| ತೃಣಾಖ್ಯಂ ಪಿತ್ತಜಿದ್ದರ್ಭಕಾಸೇಕ್ಷುಶರಶಾಲಿಭಿಃ||೧೭೧|| ಇತ್ಯೌಷಧವರ್ಗಃ||೭||

Adhikarana saMgrahashlokaH (96) · Śloka 6

ಶೂಕಶಿಮ್ಬೀಜಪಕ್ವಾನ್ನಮಾಂಸಶಾಕಫಲೌಷಧೈಃ| ವರ್ಗಿತೈರನ್ನಲೇಶೋಽಯಮುಕ್ತೋ ನಿತ್ಯೋಪಯೋಗಿಕಃ||೧೭೨|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿ ತಾಯಮಷ್ಟಾಙ್ಗಹೃದಯಸಂಹಿತಾಯಾಂ ಸೂತ್ರಸ್ಥಾನೇಽನ್ನಸ್ವರೂಪವಿಜ್ಞಾನಿಯೋ ನಾಮ ಷಷ್ಠೋಽಧ್ಯಾಯಃ||೬||