24. tarpaṇapuṭapākavidhiradhyāyaḥ

Adhikarana tarpaNapuTapAkavidhiradhyAyaH (2) · Śloka 2

অথাতস্তর্পণপুটপাকবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসুত্রে|২|

Adhikarana tarpaNasya viShayo deshaH kAlashca (1-4) · Śloka 4

নযনে তাম্যতি স্তব্ধে শুষ্কে রূক্ষেঽভিঘাতিতে| বাতপিত্তাতুরে জিহ্মে শীর্ণপক্ষ্মাবিলেক্ষণে||১|| কৃচ্ছ্রোন্মীলশিরাহর্ষশিরোত্পাততমোর্জুনৈঃ| স্যন্দমন্থান্যতোবাতবাতপর্যাযশুক্রকৈঃ||২|| আতুরে শান্তরাগাশ্রুশূলসংরম্ভদূষিকে| নিবাতে তর্পণং যোজ্যং শুদ্ধযোর্মূর্দ্ধকাযযোঃ||৩|| কালে সাধারণে প্রাতঃ সাযং বোত্তানশাযিনঃ| |৪|

Adhikarana tarpaNavidhiH (4-6) · Śloka 6

| যবমাষমযীং পালীং নেত্রকোশাদ্বহিঃ সমাম্||৪|| দ্ব্যঙ্গুলোচ্চাং দৃঢাং কৃত্বা যথাস্বং সিদ্ধমাবপেত্| সর্পির্নিমীলিতে নেত্রে তপ্তাম্বুপ্রবিলাযিতম্||৫|| নক্তান্ধ্যবাততিমিরকৃচ্ছ্রবোধাদিকে বসাম্| আপক্ষ্মাগ্রাত্|৬|

Adhikarana tarpaNadhAraNAvadhiH (6-8) · Śloka 8

| অথোন্মেষং শনকৈস্তস্য কুর্বতঃ||৬|| মাত্রা বিগণযেত্তত্র বর্ত্মসন্ধিসিতাসতে| দৃষ্টৌ চ ক্রমশো ব্যাধৌ শতং ত্রীণি চ পঞ্চ চ||৭|| শতানি সপ্ত চাষ্টৌ চ, দশ মন্থে, দশানিলে| পিত্তে ষট্, স্বস্থবৃত্তে চ বলাসে পঞ্চ ধারযেত্||৮||

Adhikarana tarpaNAnantaraM kRutyam (9) · Śloka 9

কৃত্বাঽপাঙ্গে ততো দ্বারং স্নেহং পাত্রে নিগালযেত্| পিবেচ্চ ধূমং, নেক্ষেত ব্যোম রূপং চ ভাস্বরম্||৯||

Adhikarana vAtAdibhedena tarpaNAvRuttiH AvRutyavadhiH (10) · Śloka 10

ইত্থং প্রতিদিনং বাযৌ, পিত্তে ত্বেকান্তরং, কফে| স্বস্থে চ হ্যন্তরং দদ্যাদাতৃপ্তেরিতি যোজযেত্||১০||

Adhikarana tRutpAtRutpAtitRutpalakShaNam (11) · Śloka 11

তৃপ্তস্য কিং লক্ষণং ? ইত্যাহ প্রকাশক্ষমতা স্বাস্থ্যং বিশদং লঘু লোচনম্| তৃপ্তে, বিপর্যযোঽতৃপ্তেঽতিতৃপ্তে শ্লেষ্মজা রূজঃ||১১||

Adhikarana puTapAkasya viShayaH (12-13) · Śloka 13

স্নেহপীতা তনুরিব ক্লান্তা দৃষ্টির্হি সীদতি| তর্পণানন্তরং তস্মাদৃগ্বলাধানকারিণম্||১২|| পুটপাকং প্রযুঞ্জীত পূর্বোক্তেষ্বেব যক্ষ্মসু| |১৩|

Adhikarana puTapAkasya traividhyaM saviShayam (13-14) · Śloka 14

| স বাতে স্নেহনঃ শ্লেষ্মসহিতে লেখনো হিতঃ||১৩|| দৃগ্দৌর্বল্যেঽনিলে পিত্তে রক্তে স্বস্থে প্রসাদনঃ| |১৪|

Adhikarana snehanasya dravyANi (14-15) · Śloka 15

ইদানীমেষাং পুটপাকানাং কল্পনামাহ | ভূশযপ্রসহানূপমেদোমজ্জবসামিষৈঃ||১৪|| স্নেহনং পযসা পিষ্টৈর্জীবনীযৈশ্চ কল্পযেত্| |১৫|

Adhikarana lekhanasya dravyANi (15-16) · Śloka 16

| মৃগপক্ষিযকৃন্মাংসমুক্তাযস্তাম্রসৈন্ধবৈঃ||১৫|| স্রোতোজশঙ্খফেনালৈর্লেখনং মস্তুকল্কিতৈঃ| |১৬|

Adhikarana prasAdanasya dravyANi (16-17) · Śloka 17

| মৃগপক্ষিযকৃন্মজ্জবসান্ত্রহৃদযামিষৈঃ||১৬|| মধুরৈঃ সঘৃতৈঃ স্তন্যক্ষীরপিষ্টৈঃ প্রসাদনম্| |১৭|

Adhikarana puTapAkasya sAdhanam puTapAkavidhiH (17-19) · Śloka 19

অধুনা পুটপাকস্য কল্পনামাহ বিল্বমাত্রং পৃথক্ পিণ্ডং মাংসভেষজকল্কযোঃ||১৭|| উরুবূকবটাম্ভোজপত্রৈঃ স্নেহাদিষু ক্রমাত্| বেষ্টযিত্বা মৃদা লিপ্তং ধবধন্বনগোমযৈঃ||১৮|| পচেত্প্রদীপ্তৈরগ্ন্যাভং পক্বং নিষ্পীড্য তদ্রসম্| নেত্রে তর্পণবদ্যুঞ্জ্যাত্|১৯|

Adhikarana puTapAkadhAraNavidhiH (19-20) · Śloka 20

| শতং দ্বে ত্রীণি ধারযেত্||১৯|| লেখনস্নেহনান্ত্যেষু| |২০|

Adhikarana puTapAkAnAmuShNashItabhedaH (20) · Śloka 20

কোষ্ণৌ পূর্বৌ, হিমোঽপরঃ| |২০|

Adhikarana lekhanasnehAnayorante kRutyam (20) · Śloka 20

| ধূমপোঽন্তে তযোরেব|২০|

Adhikarana puTapAkasya samyagyogAdi lakShaNam (20) · Śloka 20

| যোগাস্তত্র চ তৃপ্তিবত্||২০||

Adhikarana tarpaNapuTapAkaniShedhaH (21) · Śloka 21

তর্পণং পুটপাকং চ নস্যানর্হে ন যোজযেত্| |২১|

Adhikarana tarpaNapuTapAkayorAcAraH (21-21.5) · Śloka 21

যাবন্ত্যহানি যুঞ্জীত দ্বিস্ততো হিতভাগ্ভবেত্||২১|| মালতীমল্লিকাপুষ্পৈর্বদ্ধাক্ষো নিবসেন্নিশাম্||২১.৫||

Adhikarana netrarakShaNe yatnaH kAryaH (24) · Śloka 24

সর্বাত্মনা নেত্রবলায যত্নং কুর্বীত নস্যাঞ্জনতর্পণাদ্যৈঃ| দৃষ্টিশ্চ নষ্টা বিবিধং জগচ্চ তমোমযং জাযত একরূপম্||২২.৫|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে তর্পণপুটপাকবিধির্নাম চতুর্বিংশোঽধ্যাযঃ||২৪||