26. śastravidhiradhyāyaḥ

Adhikarana shastravidhiradhyAyaH (2-3) · Śloka 3

অথাতঃ শস্ত্রবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| )|৩|

Adhikarana ShaDviMshatiH shastrANiteShAmupayogaH ShavDishatishastrANAM nAmAni (1-3.5) · Śloka 3

ষড্বিংশতিঃ সুকর্মারৈর্ঘটিতানি যথাবিধি| শস্ত্রাণি রোমবাহীনি বাহুল্যেনাঙ্গুলানি ষট্||১|| সুরূপাণি সুধারাণি সুগ্রহাণি চ কারযেত্| অকরালানি সুধ্মাতসুতীক্ষ্ণাবর্তিতেঽযসি||২|| সমাহিতমুখাগ্রাণি নীলম্ভোজচ্ছবীনি চ| নামানুগতরূপাণি সদা সন্নিহিতানি চ||৩|| স্বোন্মনার্ধচতুর্থাংশফলান্যেকৈকশোঽপি চ| প্রাযো দ্বিত্রাণি, যুঞ্জীত তানি স্থানবিশেষতঃ||৪|| (মণ্ডলাগ্রং বৃদ্ধিপত্রমুত্পলাধ্যর্দ্ধধারকে| সর্পৈষণ্যৌ বেতসাখ্যং শরার্যাস্যত্রিকূর্চকে||১|| কুশাস্যং সাটবদনমন্তর্বক্রার্ধচন্দ্রকে (কম্)| ব্রীহিমুখং কুঠারী চ শলাকাঙ্গুলিশস্ত্রকে||২|| বডিশং করপত্রাখ্যং কর্তরী নখশস্ত্রকম্| দন্তলেখনকং সূচ্যঃ কূর্চো নাম খ্রজাহ্বযম্||৩|| আরা চতুর্বিধাকারা তথা স্যাত্কর্ণবেধনী(নম্)||৩.৫||

Adhikarana 1 maNDalAgraM shastram (5) · Śloka 5

মণ্ডলাগ্রং ফলে তেষাং তর্জন্যন্তর্নখাকৃতি| লেখনে ছেদনে যোজ্যং পোথকীশুণ্ডিকাদিষু||৫||

Adhikarana 2 vRuddhipatraM (6-7) · Śloka 7

বৃদ্ধিপত্রং ক্ষুরাকারং ছেদভেদনপাটনে| ঋজ্বগ্রমুন্নতে শোফে গম্ভীরে চ তদন্যথা||৬|| নতাগ্রং পৃষ্ঠতো দীর্ঘহ্রস্ববক্ত্রং যথাশ্রযম্| |৭|

Adhikarana 3 utpalapatraM,4 adhyarddadhAraM shastram (7) · Śloka 7

| উত্পলাধ্যর্ধধারাখ্যে ভেদনে ছেদনে তথা||৭||

Adhikarana 5 sarpAsyaM shastram (8) · Śloka 8

সর্পাস্যং ঘ্রাণকর্ণার্শশ্চ্ছেদনেঽর্ধাঙ্গুলং ফলে| |৮|

Adhikarana 6 anveShaNA eShaNI bhedanArthA eShaNI ca shastram (8-9) · Śloka 9

| গতেরন্বেষণে শ্লক্ষ্ণা গণ্ডূপদমুখৈষণী||৮|| ভেদনার্থেঽপরা সূচীমুখা মূলনিবিষ্টখা| |৯|

Adhikarana 7 vetasapatraM shastram (9) · Śloka 9

| বেতসং ব্যঘনে|৯|

Adhikarana 8 sharArimukhaM shastram,9 trikUrcakaM shastram (9) · Śloka 9

| স্রাব্যে শরার্যাস্যত্রিকূর্চকে||৯||

Adhikarana 10 kushapatraM shatram11 ATAmukhaM shastram (10) · Śloka 10

কুশাটাবদনে স্রাব্যে হ্যঙ্গুলং স্যাত্তযোঃ ফলম্| |১০|

Adhikarana 12 antarmukhaM shastram (10-11) · Śloka 11

| তদ্বদন্তর্মুখং তস্য ফলমধ্যর্ধমঙ্গুলম্||১০|| অর্ধচন্দ্রাননং চৈতত্| |১১|

Adhikarana 13 vrIhimukhaM shastraM (11) · Śloka 11

তথাধ্যর্ধাঙ্গুলং ফলে| ব্রীহিবক্ত্রং প্রযোজ্যং চ তচ্ছিরোদরযোর্ব্যধে||১১||

Adhikarana 14 kuThArI shastram (12) · Śloka 12

পৃথুঃ কুঠারী গোদন্তসদৃশার্ধাঙ্গুলাননা| তযোর্ধ্বদণ্ডযা বিধ্যেদুপর্যস্থাং স্থিতাং শিরাম্||১২||

Adhikarana 15 shalAkA shastram (13) · Śloka 13

তাম্রী শলাকা দ্বিমুখী মুখে কুরুবকাকৃতিঃ| লিঙ্গনাশং তযা বিধ্যেত্|১৩|

Adhikarana 16 a~gulIshastram (13-15) · Śloka 15

| কুর্যাদঙ্গুলিশস্ত্রকম্||১৩|| মুদ্রিকানির্গতমুখং ফলে ত্বর্ধাঙ্গুলাযতম্| যোগতো বৃদ্ধিপত্রেণ মণ্ডলাগ্রেণ বা সমম্||১৪|| তত্প্রদেশিন্যগ্রপর্বপ্রমাণার্পণমুদ্রিকম্| সূত্রবদ্ধং গলস্রোতোরোগচ্ছেদনভেদনে||১৫||

Adhikarana 17 baDishaM shastram (16) · Śloka 16

গ্রহণে শুণ্ডিকার্মাদের্বডিশং সুনতাননম্| |১৬|

Adhikarana 18 karapatraM shastram (16-17) · Śloka 17

| ছেদেঽস্ত্থ্নাং করপত্রং তু খরধারং দশাঙ্গুলম্||১৬|| বিস্তারে দ্ব্যঙ্গুলং সূক্ষ্মদন্তং সুত্সরুবন্ধনম্| |১৭|

Adhikarana 19 kartarI shastram (17) · Śloka 17

| স্নাযুসূত্রকচচ্ছেদে কর্তরী কর্তরীনিভা||১৭||

Adhikarana 20 nakhashastram (18) · Śloka 18

বক্ত্রর্জুধারং দ্বিমুখং নখশস্ত্রং নবাঙুলম্| সূক্ষ্মশল্যোদ্ধৃতিচ্ছেদমেদপ্রচ্ছানলেখনে||১৮||

Adhikarana 21 dantalekhanakaM shastram (19) · Śloka 19

অধুনা দন্তলেখনশস্ত্রমাহ একধারং চতুষ্কোণং প্রবদ্ধাকৃতি চৈকতঃ| দন্তলেখনকং তেন শোধযেদ্বন্তশর্করাম্||১৯||

Adhikarana 22 sUcItrayaM shastram (20-22) · Śloka 22

অধুনা সূচীশস্ত্রমাহ বৃত্তা গূঢদৃঢাঃ পাশে তিস্রঃ সূচ্যোঽত্র সীবনে| মাংসলানাং প্রদেশানাং ত্র্যস্রা ত্র্যঙ্গুলমাযতা||২০|| অল্পমাংসাস্থিসন্ধিস্থব্রণানাং দ্ব্যঙ্গুলাযতা| ব্রীহিবক্ত্রা ধনুর্বক্ত্রা পক্বামাশযমর্মসু||২১|| সা সার্ধদ্ব্যঙ্গুলা| |২২|

Adhikarana 23 kUrcaH shastram (22-23) · Śloka 23

অধুনা কূর্চং লিলক্ষযিষুরাহ সর্ববৃত্তাস্তাশ্চতুরঙ্গুলাঃ| কূর্চো বৃত্তৈকপীঠস্থাঃ সপ্তাষ্টৌ বা সুবন্ধনাঃ||২২|| স যোজ্যো নীলিকাব্যঙ্গকেশশাতেষু কুট্টনে| |২৩|

Adhikarana 24 khajaH shastram (23-24) · Śloka 24

| অর্ধাঙ্গুলমুখৈর্বৃত্তৈরষ্টাভিঃ কণ্টকৈঃ খজঃ||২৩|| পাণিভ্যাং মথ্যমানেন ঘ্রাণাত্তেন হরেদসৃক্| |২৪|

Adhikarana 25 karNavevyadhanaM shastram (24) · Śloka 24

| ব্যধনং কর্ণপালীনাং যূথিকামুকুলাননম্||২৪||

Adhikarana 26 ArA shastram (25-26) · Śloka 26

আরাঽর্ধাঙ্গুলবৃত্তাস্যা তত্প্রবেশা তথোর্ধ্বতঃ| চতুরস্রা, তযা বিধ্যেচ্ছোফং পক্বামসংশযে||২৫|| কর্ণপালীং চ বহলাং| |২৬|

Adhikarana karNavedhanI sUcI (26) · Śloka 26

বহলাযাশ্চ শস্যতে| সূচী ত্রিভাগসুষিরা ত্র্যঙ্গুলা কর্ণবেধনী||২৬||

Adhikarana anushastrANi (27-28) · Śloka 28

জলৌকঃক্ষারদহনকাচোপলনখাদযঃ| অলৌহান্যনুশস্ত্রাণি, তান্যেবং চ বিকল্পযেত্||২৭|| অপরাণ্যপি যন্ত্রাদীন্বুপযোগং চ যৌগিকম্| |২৮|

Adhikarana shastra kAryANi (28-29) · Śloka 29

| উত্পাট্যপাট্যসীব্যৈষ্যলেখ্যপ্রচ্ছানকুট্টনম্||২৮|| ছেদ্যং ভেদ্যং ব্যধো মন্থো গ্রহো দাহশ্চ তত্ক্রিযাঃ| |২৯|

Adhikarana shastradoShAH (29-30) · Śloka 30

শস্ত্রদোশানহ | কুণ্ঠখণ্ডতনুস্থূলহ্রস্বদীর্ঘত্ববক্রতাঃ||২৯|| শস্ত্রাণাং খরধারত্বমষ্টৌ দোষাঃ প্রকীর্তিতাঃ| |৩০|

Adhikarana shastragrahaNavidhiH (30-32) · Śloka 32

অধুনা শস্ত্রাণাং গ্রহণবিধিং দর্শযতি | ছেদভেদনলেখ্যার্থং শস্ত্রং বৃন্তফলান্তরে||৩০|| তর্জনীমধ্যমাঙ্গুষ্ঠৈর্গৃহ্ণীযাত্সুসমাহিতঃ| বিস্রাবণানি বৃন্তাগ্রে তর্জন্যঙ্গুষ্ঠকেন চ||৩১|| তলপ্রচ্ছন্নবৃন্তাগ্রং গ্রাহ্যং ব্রীহিমুখং মুখে| মূলেষ্বাহরণার্থানি ক্রিযাসৌকর্যতোঽপরম্||৩২||

Adhikarana shastrakoshaH (33-34) · Śloka 34

শস্ত্রকোশমাচষ্টতে স্যান্নবাঙ্গুলবিস্তারঃ সুঘনো দ্বাদশাঙ্গুলঃ| ক্ষৌ মপত্রোর্ণকৌশেযদুকূলমৃদুচর্মজঃ||৩৩|| বিন্যস্তপাশঃ সুস্যূতঃ সান্তরোর্ণার্স্থশস্ত্রকঃ| শলাকাপিহিতাস্যশ্চ শস্ত্রকোশঃ সুসঞ্চযঃ||৩৪||

Adhikarana jalaukasAM viShayaH (35) · Śloka 35

সুকুমারবালানামস্রবিস্রাবণার্থং জলৌকসো যোজযেত্ জলৌকসস্তু সুখিনাং রক্তস্রাবায যোজযেত্| |৩৫|

Adhikarana varjyA jalaukasaH (35-37) · Śloka 37

তাশ্চ দ্বিপ্রকারাঃ,- সবিষা নির্বিষাশ্চ| তত্র সবিষাণাং সাপাযত্বাত্তা এব তাবল্লক্ষযতি | দুষ্টাম্বুমত্স্যভেকাহিশবকোথমলোদ্ভবাঃ||৩৫|| রক্তাঃ শ্বেতা ভৃশং কৃষ্ণাশ্চপলাঃ স্থূলপিচ্ছিলাঃ| ইন্দ্রাযুধবিচিত্রোর্ধ্বরাজযো রোমশাশ্চ তাঃ||৩৬|| সবিষা বর্জযেত্| |৩৭|

Adhikarana varjyAprayoge doShaH varjyAdoShe cikitsA (37) · Śloka 37

তাভিঃ কণ্ডূপাকজ্বরভ্রমাঃ| বিষপিত্তাস্রনুত্কার্যং তত্র|৩৭|

Adhikarana grAhyA jalaukasaH (37-38) · Śloka 38

| শুদ্ধাম্বুজাঃ পুনঃ||৩৭|| নির্বিষাঃ শৈবলশ্যাবা বৃত্তা নীলোর্ধ্বরাজযঃ| কষাযপৃষ্ঠাস্তন্বঙ্গ্যঃ কিঞ্চিত্পীতোদরাশ্চ যাঃ||৩৮||

Adhikarana grAhyAsvapi mattA varjyAH (39) · Śloka 39

তা অপ্যসম্যগ্বমনাত্ প্রততং চ নিপাতনাত্| সীদন্তীঃ সলিলং প্রাপ্য রক্তমত্তা ইতি ত্যজেত্||৩৯||

Adhikarana jalaukasAM prayogaH (40-41) · Śloka 41

অথেতরা নিশাকল্কযুক্তেঽম্ভসি পরিপ্লুতাঃ| অবন্তিসোমে তক্রে বা পুনশ্চাশ্বাসিতা জলে||৪০|| লাগযেদ্দৃতমৃত্স্তন্যরক্তশস্ত্রনিপাতনৈঃ| পিবন্তীরুন্নতস্কন্ধাশ্ছাদযেন্মৃদুবাসসা||৪১||

Adhikarana jalaukAH prathamaM duShTaM raktaM pibati (42-1) · Śloka 1

সম্পৃক্তাদ্দুষ্টশুদ্ধাস্রাজ্জলৌকা দুষ্টশোণিতম্| আদত্তে প্রথমং হংসঃ ক্ষীরং ক্ষীরোদকাদিব||৪২|| (গুল্মার্শোবিদ্রধীন্ কুষ্ঠবাতরক্তগলামযান্| নেত্ররুগ্বিষবীসর্পান্ শমযন্তি জলৌকসঃ| )||১||

Adhikarana jalaukasAM mokShaNakAlaH (43) · Śloka 43

দংশস্য তোদে কণ্ড্বাং বা মোক্ষযেত্| |৪৩|

Adhikarana mokShitAnAM kRutyam (43) · Śloka 43

বামযেচ্চ তাম্| পটুতৈলাক্তবদনাং শ্লক্ষ্ণকণ্ডনরূষিতাম্||৪৩||

Adhikarana saptAhAdarvAk jalaukasAM punaH prayo niShedhaH (44) · Śloka 44

রক্ষন্ রক্তমদাদ্ভূযঃ সপ্তাহং তা ন পাতযেত্| |৪৪|

Adhikarana jalaukasAM samyagvamanalakShaNam (44) · Śloka 44

| পূর্ববত্ পটুতা দার্ঢ্যং সম্যগ্বান্তে জলৌকসাম্||৪৪||

Adhikarana ativAnte lakShaNam (45) · Śloka 45

ক্লমোঽতিযোগান্মৃত্যুর্বা| |৪৫|

Adhikarana durvAnte lakShaNam (45) · Śloka 45

দুর্বান্তে স্তব্ধতা মদঃ| |৪৫|

Adhikarana jalaukasAM pAlanavidhiH (45-46) · Śloka 46

| অন্যত্রান্যত্র তাঃ স্থাপ্যা ঘটে মৃত্স্নাম্বুগর্ভিণি||৪৫|| লালাদিকোথনাশার্থং, সবিষাঃ স্যুস্তদন্বযাত্| |৪৬|

Adhikarana daMshAparisrAve strAvaNauShadham (46) · Śloka 46

| অশুদ্ধৌ স্রাবযেদ্দংশান্ হরিদ্রাগুডমাক্ষিকৈঃ||৪৬||

Adhikarana daMshastrAvAnantaraM kRutyam (47) · Śloka 47

শতধৌতাজ্যপিচবস্ততো লেপাশ্চ শীতলাঃ| |৪৭|

Adhikarana srAvaphalam (47) · Śloka 47

| দুষ্টরক্তাপগমনাত্সদ্যো রাগরুজাং শমঃ||৪৭||

Adhikarana dvitIye~ahni punaHsrAvaH (48) · Śloka 48

অশুদ্ধং চলিতং স্থানাত্স্থিতং রক্তং ব্রণাশযে| ব্যম্লীভবেত্পর্যুষিতং তস্মাত্তত্স্রাবযেত্পুনঃ||৪৮||

Adhikarana alAbughaTikayoraviShayaH (49) · Śloka 49

যুঞ্জ্যান্নালাবুঘটিকা রক্তে পিত্তেন দূষিতে| তাসামনলসংযোগাত্|৪৯|

Adhikarana alAbughaTikayorviShayaH (49) · Śloka 49

| যুঞ্জ্যাত্তু কফবাযুনা||৪৯||

Adhikarana shRu~ggasyAviShayaH (50) · Śloka 50

কফেন দুষ্টং রুধিরং ন শৃঙ্গেণ বিনির্হরেত্| স্কন্নত্বাত্|৫০|

Adhikarana shRu~ggasya viShayaH (50) · Śloka 50

| বাতপিত্তাভ্যাং দুষ্টম্ শৃঙ্গেণ নির্হরেত্||৫০||

Adhikarana pracchAnavidhiH pracchAnasya viShayaH jalaukasAM viShayaH shRu~ggAlAbughaTikAnAM viShayaH shirAvyadhasya viShayaH (51-53) · Śloka 53

গাত্রং বদ্ধোপরি দৃঢং রজ্জ্বা পট্টেন বা সমম্| স্নাযুসন্ধ্যস্থিমর্মাণি ত্যজন্ প্রচ্ছানমাচরেত্||৫১|| অধোদেশপ্রবিসৃতৈঃ পদৈরুপরিগামিভিঃ| ন গাঢঘনতির্যগ্ভির্ন পদে পদমাচরন্||৫২|| প্রচ্ছানেনৈকদেশস্থং গ্রথিতং জলজন্মভিঃ| হরেচ্ছৃঙ্গাদিভিঃ সুপ্তমসৃগ্ব্যাপি শিরাব্যধৈঃ||৫৩||

Adhikarana pracchAnasya viShayAntaram (54) · Śloka 54

প্রচ্ছানং পিণ্ডিতে বা স্যাত্| |৫৪|

Adhikarana jalaukasAM viShAyAntaram (54) · Śloka 54

অবগাঢে জলৌকসঃ| |৫৪|

Adhikarana alAbvAdInAM viShayAntaram (54) · Śloka 54

| ত্বক্স্থেঽলাবুঘটীশৃঙ্গম্|৫৪|

Adhikarana shirAvyadhasya niyatatvam (54) · Śloka 54

| শিরৈব ব্যাপকেঽসৃজি||৫৪||

Adhikarana shRu~ggAdInAM viShayAntarANi (55) · Śloka 55

বাতাদিধাম বা শৃঙ্গজলৌকোলাবুভিঃ ক্রমাত্| |৫৫|

Adhikarana srutaraktasya shItopacArAtishaye doShaH (26) · Śloka 26

স্ত্রতাসৃজঃ প্রদেহাদ্যৈঃ শীতৈঃ স্যাদ্বাযুকোপতঃ||৫৫|| সতোদকণ্ডূঃ শোফস্তং সর্পিষোষ্ণেন সেচযেত্| ৫৫ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং সূত্রস্থানে শস্ত্রবি- ধির্নাম ষঙ্বিংশোঽধ্যাযঃ||২৬||