34. guhyarōgapratiṣēdhādhyayaḥ

Adhikarana guhyarogapratiShedhAdhyAyaH --------- upadaMshe nave meDhramadhye sirAvyadhAdi (2) · Śloka 2

ಅಥೈತಚ್ಚಿಕಿತ್ಸಾಂ ಬ್ರೂತೇ ಅಥಾತೋ ಗುಹ್ಯರೋಗಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ)|೨| ಮೇಢ್ರಮಧ್ಯೇ ಸಿರಾಂ ವಿಧ್ಯೇದುಪಂದಶೇ ನವೋತ್ಥಿತೇ| ಶೀತಾಂ ಕುರ್ಯಾತ್ ಕ್ರಿಯಾಂ ಶುದ್ಧಿಂ ವಿರೇಕೇಣ ವಿಶೇಷತಃ||೧|| ತಿಲಕಲ್ಕಘೃತಕ್ಷೌದ್ರೈರ್ಲೇಪಃ ಪಕ್ವೇ ತು ಪಾಟಿತೇ| |೨|

Adhikarana upadaMshe jambvAdikvAthena kShAlanam, upadaMshe jambvAditailena ropaNam (2-4) · Śloka 4

| ಜಮ್ಬ್ವಾಮ್ರಸುಮನೋನೀಪಶ್ವೇತಕಾಮ್ಬೋಜಿಕಾಙ್ಕುರಾನ್||೨|| ಶಲ್ಲಕೀಬದರೀಬಿಲ್ವಪಲಾಶತಿನಿಶೋದ್ಭವಾಃ| ತ್ವಚಃ ಕ್ಷೀರಿದ್ರುಮಾಣಾಂ ಚ ತ್ರಿಫಲಾಂ ಚ ಪಚೇಜ್ಜಲೇ||೩|| ಸ ಕ್ವಾಥಃ ಕ್ಷಾಲನಂ, ತೇನ ಪಕ್ವಂ ತೈಲಂ ಚ ರೋಪಣಮ್| |೪|

Adhikarana upadaMshe tutthAdilepo vraNaharaH (4-5) · Śloka 5

| ತುತ್ಥಗೈರಿಕಲೋಧ್ರೈಲಾಮನೋಹ್ವಾಲರಸಾಞ್ಜನೈಃ||೪|| ಹರೇಣುಪುಷ್ಪಕಾಸೀಸಸೌರಾಷ್ಟ್ರೀಲವಣೋತ್ತಮೈಃ| ಲೇಪಃ ಕ್ಷೌದ್ರಯುತೈಃ ಸಕ್ಷ್ಮೈರುಪದಂಶವ್ರಣಾಪಹಃ||೫||

Adhikarana upadaMshe triphalAmaShIleporopaNam (6) · Śloka 6

ಕಪಾಲೇ ತ್ರಿಫಲಾ ದಗ್ಧಾ ಸಘೃತಾ ರೋಪಣಂ ಪರಮ್| |೬|

Adhikarana upadaMshe pratidoShaM shoPavat cikitsitam (6) · Śloka 6

| ಸಾಮಾನ್ಯಂ ಸಾಧನಮಿದಂ ಪ್ರತಿದೋಷಂ ತು ಶೋಫವತ್||೬||

Adhikarana upadaMshe pAkaM yathAna yAti tathA~atiyatnaH kAryaH (7) · Śloka 7

ನ ಚ ಯಾತಿ ಯಥಾ ಪಾಕಂ ಪ್ರಯತೇತ ತಥಾ ಭೃಶಮ್| ಪಕ್ವೈಃ ಸ್ನಾಯುಸಿರಾಮಾಂಸೈಃ ಪ್ರಾಯೋ ನಶ್ಯತಿ ಹಿ ಧ್ವಜಃ||೭||

Adhikarana arshaHsu CinnadagdheShu upadaMSavat kriyA (8) · Śloka 8

ಅರ್ಶಸಾಂ ಛಿನ್ನದಗ್ಧಾನಾಂ ಕ್ರಿಯಾ ಕಾರ್ಯೋಪದಂಶವತ್| |೮|

Adhikarana sarShapikAsu leKanaM kaShAyairavacUrNanAdi (8-9) · Śloka 9

| ಸರ್ಷಪಾ ಲಿಖಿತಾಃ ಸೂಕ್ಷ್ಮೈಃ ಕಷಾಯೈರವಚೂರ್ಣಯೇತ್||೮|| ತೈರೇವಾಭ್ಯಞ್ಜನಂ ತೈಲಂ ಸಾಧಯೇತ್ ವ್ರಣರೋಪಣಮ್| |೯|

Adhikarana avamanthe~apIyaM kriyA (9) · Śloka 9

| ಕ್ರಿಯೇಯಮವಮನ್ಥೇಽಪಿ ರಕ್ತಂ ಸ್ರಾವ್ಯಂ ತಥೋಭಯೋಃ||೯||

Adhikarana kumbhIkAyAM raktamokShaNaM tinukAdibhirlepastailaM ca (10) · Śloka 10

ಕುಮ್ಭೀಕಾಯಾಂ ಹರೇದ್ರಕ್ತಂ ಪಕ್ವಾಯಾಂ ಶೋಧಿತೇ ವ್ರಣೇ| ತಿನ್ದುಕತ್ರಿಫಲಾರೋಧ್ರೈಲೇಪಸ್ತೈಲಂ ಚ ರೋಪಣಮ್||೧೦||

Adhikarana alajyAmayameva kriyAkramaH (11) · Śloka 11

ಅಲಜ್ಯಾಂ ಸ್ರುತರಕ್ತಾಯಾಮಯಮೇವ ಕ್ರಿಯಾಕ್ರಮಃ| |೧೧|

Adhikarana uttamAyAM chedanaM kaShAyakalkacUrNairUpakramashca (11-12) · Śloka 12

| ಉತ್ತಮಾಖ್ಯಾಂ ತು ಪಿಟಿಕಾಂ ಸಞ್ಚ್ಛಿದ್ಯ ಬಡಿಶೋದ್ಧೃತಾಮ್||೧೧|| ಕಲ್ಕೈಶ್ಚೂರ್ಣೈಃ ಕಷಾಯಾಣಾಂ ಕ್ಷೌದ್ರಯುಕ್ತೈರುಪಾಚರೇತ್| |೧೨|

Adhikarana puShkarikAsaMvyUDhayostvakpAke sparshahAnyAM ca pittavisarpoktaH kramaH (12-13) · Śloka 13

| ಕ್ರಮಃ ಪಿತ್ತವಿಸರ್ಪೋಕ್ತಃ ಪುಷ್ಕರವ್ಯೂಢಯೋರ್ಹಿತಃ||೧೨|| ತ್ವಕ್ಪಾಕೇ ಸ್ಪರ್ಶಹಾನ್ಯಾಂ ಚ ಸೇಚಯೇದ್| |೧೩|

Adhikarana mRudite balAtailena secanaM madhurairupanAhanaM ca (13) · Śloka 13

ಮೃದಿತಂ ಪುನಃ| ಬಲಾತೈಲೇನ ಕೋಷ್ಣೇನ ಮಧುರಶ್ಚೋಪನಾಹಯೇತ್||೧೩||

Adhikarana aShThIlikAyAM rakte hRute shleShmagranthivadupakramaH (14) · Śloka 14

ಅಷ್ಠೀಲಿಕಾಂ ಹೃತೇ ರಕ್ತೇ ಶ್ಲೇಷ್ಮಗ್ರನ್ಥಿವದಾಚರೇತ್| |೧೪|

Adhikarana nivRutte dhRutAbhya~jjanAdi (14-16) · Śloka 16

| ನಿವೃತ್ತಂ ಸರ್ಪಿಷಾಽಭ್ಯಜ್ಯ ಸ್ವೇದಯಿತ್ವೋಪನಾಹಯೇತ್||೧೪|| ತ್ರಿರಾತ್ರಂ ಪಞ್ಚರಾತ್ರಂ ವಾ ಸುಸ್ನಿಗ್ಧೈಃ ಶಾಲ್ವಲಾದಿಭಿಃ| ಸ್ವೇದಯಿತ್ವಾ ತತೋ ಭೂಯಃ ಸ್ನಿಗ್ಧಂ ಚರ್ಮ ಸಮಾನಯೇತ್||೧೫|| ಮಣಿಂ ಪ್ರಪೀಡ್ಯ ಶನಕೈಃ ಪ್ರವಿಷ್ಟೇ ಚೋಪನಾಹನಮ್| ಮಣೌ ಪುನಃಪುನಃ ಸ್ನಿಗ್ಧಂ ಭೋಜನಂ ಚಾತ್ರ ಶಸ್ಯತೇ||೧೬||

Adhikarana avapATyAmapyayameva kramaH (17) · Śloka 17

ಅಯಮೇವ ಪ್ರಯೋಜ್ಯಃ ಸ್ಯಾದವಪಾಟ್ಯಾಮಪಿ ಕ್ರಮಃ| |೧೭|

Adhikarana niruddhamaNau nADyA snehasi~jcanAdi,niruddhamaNau evamasiddhau shastreNa pATanAdi (17-19) · Śloka 19

| ನಾಡೀಮುಭಯತೋದ್ವಾರಾಂ ನಿರುದ್ಧೇ ಜತುನಾ ಸೃತಾಮ್||೧೭|| ಸ್ನೇಹಾಕ್ತಾಂ ಸ್ರೋತಸಿ ನ್ಯಸ್ಯ ಸಿಞ್ಚೇತ್ಸ್ನೇಹೈಶ್ಚಲಾಪಹೈಃ| ತ್ರ್ಯಹಾತ್ತ್ರ್ಯಹಾತ್ಸ್ಥೂಲತರಾಂ ನ್ಯಸ್ಯ ನಾಡೀಂ ವಿವರ್ಧಯೇತ್||೧೮|| ಸ್ರೋತೋದ್ವಾರಮಸಿದ್ಧೌ ತು ವಿದ್ವಾನ್ ಶಸ್ತ್ರೇಣ ಪಾಟಯೇತ್| ಸೇವನೀಂ ವರ್ಜಯನ್ ಯುಞ್ಜ್ಯಾತ್ ಸದ್ಯಃಕ್ಷತವಿಧಿಂ ತತಃ||೧೯||

Adhikarana grathite svedanamupanAhashca (20) · Śloka 20

ಗ್ರನ್ಥಿತಂ ಸ್ವೇದಿತಂ ನಾಡ್ಯಾ ಸ್ನಿಗ್ಧೋಷ್ಣೈರುಪನಾಹಯೇತ್| |೨೦|

Adhikarana Sataponake lekhanaM kaShAyairlepaSca (20) · Śloka 20

| ಲಿಮ್ಪೇತ್ಕಷಾಯೈಃ ಸಕ್ಷೌದ್ರೈರ್ಲಿಖಿತ್ವಾ ಶತಪೋನಕಮ್||೨೦||

Adhikarana raktArbude raktavidradhivat (21) · Śloka 21

ರಕ್ತವಿದ್ರಧಿವತ್ಕಾರ್ಯಾ ಚಿಕಿತ್ಸಾ ಶೋಣಿತಾರ್ಬುದೇ| |೨೧|

Adhikarana sarveShu yathAvasthaM vraNopacAraH (21) · Śloka 21

| ವ್ರಣೋಪಚಾರಂ ಸರ್ವೇಷು ಯಥಾವಸ್ಥಂ ಪ್ರಯೋಜಯೇತ್||೨೧||

Adhikarana yonivyApaccikitsA ------- yonivyApatsu BUyiShThaM vAtajit karma, tatra hetuSca,vAtajAsu visheShataH snehanAdi (22-23) · Śloka 23

ಯೋನಿವ್ಯಾಪತ್ಸು ಭೂಯಿಷ್ಠಂ ಶಸ್ಯತೇ ಕರ್ಮ ವಾತಜಿತ್| ಸ್ನೇಹನಸ್ವೇದಬಸ್ತ್ಯಾದಿ ವಾತಜಾಸು ವಿಶೇಷತಃ||೨೨|| ನ ಹಿ ವಾತಾದೃತೇ ಯೋನಿರ್ವನಿತಾನಾಂ ಪ್ರದುಷ್ಯತಿ| ಅತೋ ಜಿತ್ವಾ ತಮನ್ಯಸ್ಯ ಕುರ್ಯಾದ್ದೋಷಸ್ಯ ಭೇಷಜಮ್||೨೩||

Adhikarana vAtajAsu balAtailAdipAnam, duHsthitAdiyoneH samatvAdikaraNam, tatra hetushca (24-26) · Śloka 26

ಪಾಯಯೇತ(ತ್ತಾಂ) ಬಲಾತೈಲಂ ಮಿಶ್ರಕಂ ಸುಕುಮಾರಕಮ್| ಸ್ನಿಗ್ಧಸ್ವಿನ್ನಾಂ ತಥಾ ಯೋನಿಂ ದುಃಸ್ಥಿತಾಂ ಸ್ಥಾಪಯೇತ್ಸಮಾಮ್||೨೪|| ಪಾಣಿನಾ ನಮಯೇಜ್ಜಿಹ್ಯಾಂ ಸಂವೃತಾಂ ವ್ಯಧಯೇತ್ ಪುನಃ| ಪ್ರವೇಶಯೇನ್ನಿಃಸೃತಾಂ ಚ ವಿವೃತಾಂ ಪರಿವರ್ತಯೇತ್||೨೫|| ಸ್ಥಾನಾಪವೃತ್ತಾ ಯೋನಿರ್ಹಿ ಶಲ್ಯಭೂತಾ ಸ್ತ್ರಿಯೋ ಮತಾ| |೨೬|

Adhikarana vAtajAsu strIShu mRudUni vamanAdikarmANi, strIShu shuddhAsu bastyAdi karma (26-27) · Śloka 27

| ಕರ್ಮಭಿರ್ವಮನಾದ್ಯೈಶ್ಚ ಮೃದುಭಿರ್ಯೋಜಯೇತ್ಸ್ತ್ರಿಯಮ್||೨೬|| ಸರ್ವತಃ ಸುವಿಶುದ್ಧಾಯಾಃ ಶೇಷಂ ಕರ್ಮ ವಿಧೀಯತೇ| ಬಸ್ತ್ಯಭ್ಯಙ್ಗಪರೀಷೇಕಪ್ರಲೇಪಪಿಚುಧಾರಣಮ್||೨೭||

Adhikarana vAtajAsu kAshmaryAdighRutaM paraM garbhadam (28-29) · Śloka 29

ಕಾಶ್ಮರ್ಯತ್ರಿಫಲಾದ್ರಾಕ್ಷಾಕಾಸಮರ್ದನಿಶಾದ್ವಯೈಃ| ಗುಡೂಚೀಸೈರ್ಯಕಾಭೀರುಶುಕನಾಸಾಪುನರ್ನವೈಃ||೨೮|| ಪರೂಷಕೈಶ್ಚ ವಿಪಚೇತ್ಪ್ರಸ್ಥಮಕ್ಷಸಮೈರ್ಘೃತಾತ್| ಯೋನಿವಾತವಿಕಾರಘ್ನಂ ತತ್ಪೀತಂ ಗರ್ಭದಂ ಪರಮ್||೨೯||

Adhikarana vAtajAsu vacAdicUrNaM yonipArshvArtyAdinAshakam (30-31) · Śloka 31

ವಚೋಪಕುಞ್ಚಿಕಾಜಾಜೀಕೃಷ್ಣಾವೃಷಕಸೈನ್ಧವಮ್| ಅಜಮೋದಾಯವಕ್ಷಾರಶರ್ಕರಾಚಿತ್ರಕಾನ್ವಿತಮ್||೩೦|| ಪಿಷ್ಟ್ವಾ ಪ್ರಸನ್ನಯಾಽಽಲೋಡ್ಯ ಖಾದೇತ್ತದ್ಘೃತಭರ್ಜಿತಮ್| ಯೋನಿಪಾರ್ಶ್ವಾರ್ತಿಹೃದ್ರೋಗಗುಲ್ಮಾರ್ಶೋವಿನಿವೃತ್ತಯೇ||೩೧||

Adhikarana vAtajAsu vRuShakAdicUrNaM tathaiva (32) · Śloka 32

ವೃಷಕಂ ಮಾತುಲುಙ್ಗಸ್ಯ ಮೂಲಾನಿ ಮದಯನ್ತಿಕಾಮ್| ಪಿಬೇನ್ಮದ್ಯೈಃ ಸಲವಣೈಸ್ತಥಾ ಕೃಷ್ಣೋಪಕುಞ್ಚಿಕೇ||೩೨||

Adhikarana vAtajAsu rAsnAdishRutaM payaH shUlaharam (33) · Śloka 33

ರಾಸ್ನಾಶ್ವದಂಷ್ಟ್ರಾವೃಷಕೈಃ ಶೃತಂ ಶೂಲಹರಂ ಪಯಃ| |೩೩|

Adhikarana vAtajAsu guDUcyAdikvAthaiH secanam (33) · Śloka 33

| ಗುಡೂಚೀತ್ರಿಫಲಾದನ್ತೀಕ್ವಾಥೈಶ್ಚ ಪರಿಷೇಚನಮ್||೩೩||

Adhikarana vAtajAsu natAdisAdhitatailapicuH shUlaghnaH (34) · Śloka 34

ನತವಾರ್ತಾಕಿನೀಕುಷ್ಠಸೈನ್ಧವಾಮರದಾರುಭಿಃ| ತೈಲಾತ್ಪ್ರಸಾಧಿತಾದ್ಧಾರ್ಯಃ ಪಿಚುರ್ಯೋನೌ ರುಜಾಪಹಃ||೩೪||

Adhikarana pittalAsu shItAH yonisekAdayaH (35) · Śloka 35

ಪಿತ್ತಲಾನಾಂ ತು ಯೋನೀನಾಂ ಸೇಕಾಭ್ಯಙ್ಗಪಿಚುಕ್ರಿಯಾಃ| ಶೀತಾಃ ಪಿತ್ತಜಿತಃ ಕಾರ್ಯಾಃ ಸ್ನೇಹನಾರ್ಥಂ ಘೃತಾನಿ ಚ||೩೫||

Adhikarana pittalAsu shatAvaryAdilehaH (36-40) · Śloka 40

ಶತಾವರೀಮೂಲತುಲಾಚತುಷ್ಕಾತ್ ಕ್ಷುಣ್ಣಪೀಡಿತಾತ್| ರಸೇನ ಕ್ಷೀರತುಲ್ಯೇನ ಪಾಚಯೇತ ಘೃತಾಢಕಮ್||೩೬|| ಜೀವನೀಯೈಃ ಶತಾವರ್ಯಾ ಮೃದ್ವೀಕಾಭಿಃ ಪರೂಷಕೈಃ| ಪಿಷ್ಟೈಃ ಪ್ರಿಯಾಲೈಶ್ಚಾಕ್ಷಾಂಶೌರ್ದ್ವಿಬಲಾಮಧುಕಾನ್ವಿತೈಃ||೩೭|| ಸಿದ್ಧಶೀತೇ ತು ಮಧುನಃ ಪಿಪ್ಪಲ್ಯಾಶ್ಚ ಪಲಾಷ್ಟಕಮ್| ಶರ್ಕರಾಯಾ ದಶಪಲಂ ಕ್ಷಿಪೇಲ್ಲಿಹ್ಯಾತ್ಪಿಚುಂ ತತಃ||೩೮|| ಯೋನ್ಯಸೃಕ್ಶುಕ್ರದೋಷಘ್ನಂ ವೃಷ್ಯಂ ಪುಂಸವನಂ ಪರಮ್| ಕ್ಷತಂ ಕ್ಷಯಮಸೃಕ್ಪಿತ್ತಂ ಕಾಸಂ ಶ್ವಾಸಂ ಹಲೀಮಕಮ್||೩೯|| ಕಾಮಲಾಂ ವಾತರುಧಿರಂ ವಿಸರ್ಪಂ ಹೃಚ್ಛಿರೋಗ್ರಹಮ್| ಅಪಸ್ಮಾರಾರ್ದಿತಾಯಾಮಮದೋನ್ಮಾದಾಂಶ್ಚ ನಾಶಯೇತ್||೪೦||

Adhikarana pittalAsu evameva payaH sarpiH (41) · Śloka 41

ಏವಮೇವ ಪಯಃ ಸರ್ಪಿರ್ಜೀವನೀಯೋಪಸಾಧಿತಮ್| ಗರ್ಭದಂ ಪಿತ್ತಜಾನಾಂ ಚ ರೋಗಾಣಾಂ ಪರಮಂ ಹಿತಮ್||೪೧||

Adhikarana pitta balAdighRutatailaM garbhadam (42-44) · Śloka 44

ಬಲಾದ್ರೋಣದ್ವಯಕ್ವಾಥೇ ಘೃತತೈಲಾಢಕಂ ಪಚೇತ್| ಕ್ಷೀರೇ ಚತುರ್ಗುಣೇ ಕೃಷ್ಣಾಕಾಕನಾಸಾಸಿತಾನ್ವಿತೈಃ||೪೨|| ಜೀವನ್ತೀಕ್ಷೀರಕಾಕೋಲೀಸ್ಥಿರಾವೀರರ್ಧಿಜೀವಕೈಃ| ಪಯಸ್ಯಾಶ್ರಾವಣೀಮುದ್ಗಪೀಲುಮಾಷಾಖ್ಯಪರ್ಣಿಭಿಃ||೪೩|| ವಾತಪಿತ್ತಾಮಯಾನ್ ಹತ್ವಾ ಪಾನಾದ್ ಗರ್ಭಂ ದಧಾತಿ ತತ್| |೪೪|

Adhikarana raktayonyAM yathAdoShaM raktasthApanamauShadham (44-45) · Śloka 45

| ರಕ್ತಯೋನ್ಯಾಮಸೃಗ್ವರ್ಣೈರನುಬನ್ಧಮವೇಕ್ಷ್ಯ ಚ||೪೪|| ಯಥಾದೋಷೋದಯಂ ಯುಞ್ಜ್ಯಾದ್ ರಕ್ತಸ್ಥಾಪನಮೌಷಧಮ್| |೪೫|

Adhikarana raktayonyAM puShyAnugaM cUrNam, shlaiShmikyAM sarvaM rukShoShNamauShadham (45-50) · Śloka 50

| ಪಾಠಾಂ ಜಮ್ಬ್ವಾಮ್ರಯೋರಸ್ಥಿ ಶಿಲೋದ್ಭೇದಂ ರಸಾಞ್ಜನಮ್||೪೫|| ಅಮ್ಬಷ್ಠಾಂ ಶಾಲ್ಮಲೀಪಿಚ್ಛಾಂ ಸಮಙ್ಗಾಂ ವತ್ಸಕತ್ವಚಮ್| ಬಾಹ್ಲೀಕಬಿಲ್ವಾತಿವಿಷಾರೋಧ್ರತೋಯದಗೈರಿಕಮ್||೪೬|| ಶುಣ್ಠೀಮಧೂಕಮಾಚೀಕರಕ್ತಚನ್ದನಕಟೂಫಲಮ್| ಕಟ್ವಙ್ಗವತ್ಸಕಾನನ್ತಾಧಾತಕೀಮಧುಕಾರ್ಜುನಮ್||೪೭|| ಪುಷ್ಯೇ ಗೃಹೀತ್ವಾ ಸಞ್ಚೂರ್ಣ್ಯ ಸಕ್ಷೌದ್ರಂ ತನ್ದುಲಾಮ್ಭಸಾ| ಪಿಬೇದರ್ಶಃಸ್ವತೀಸಾರೇ ರಕ್ತಂ ಯಶ್ಚೋಪವೇಶ್ಯತೇ||೪೮|| ದೋಷಾ ಜನ್ತುಕೃತಾ ಯೇ ಚ ಬಾಲಾನಾಂ ತಾಂಶ್ಚ ನಾಶಯೇತ್| ಯೋನಿದೋಷಂ ರಜೋದೋಷಂ ಶ್ಯಾವಶ್ವೇತಾರುಣಾಸಿತಮ್||೪೯|| ಚೂರ್ಣಂ ಪುಷ್ಯಾನುಗಂ ನಾಮ ಹಿತಮಾತ್ರೇಯಪೂಜಿತಮ್| ಯೋನ್ಯಾಂ ಬಲಾಸದುಷ್ಟಾಯಾಂ ಸರ್ವಂ ರೂಕ್ಷೋಷ್ಣಮೌಷಧಮ್||೫೦||

Adhikarana shUnonnatAstabdhApicchilAsrAviNIviplutopaplutAdyAsu yoniShu dhAtakyAditailenAbhya~ggAdikam (51-54) · Śloka 54

ಧಾತಕ್ಯಾಮಲಕೀಪತ್ರಸ್ರೋತೋಜಮಧುಕೋತ್ಪಲೈಃ| ಜಮ್ಬ್ವಾಮ್ರಸಾರಕಾಸೀಸರೋಧ್ರಕಟ್ಫಲತಿನ್ದುಕೈಃ||೫೧|| ಸೌರಾಷ್ಟ್ರಿಕಾದಾಡಿಮತ್ವಗುದುಮ್ಬರಶಲಾಟುಭಿಃ| ಅಕ್ಷಮಾತ್ರೈರಜಾಮೂತ್ರೇ ಕ್ಷೀರೇ ಚ ದ್ವಿಗುಣೇ ಪಚೇತ್||೫೨|| ತೈಲಪ್ರಸ್ಥಂ ತದಭ್ಯಙ್ಗಪಿಚುಬಸ್ತಿಷು ಯೋಜಯೇತ್| ತೇನ ಶೂನೋನ್ನತಾ ಸ್ತಬ್ಧಾ ಪಿಚ್ಛಿಲಾ ಸ್ರಾವಿಣೀ ತಥಾ||೫೩|| ವಿಪ್ಲುತೋಪಪ್ಲುತಾ ಯೋನಿಃ ಸಿದ್ಧ್ಯೇತತ್ಸ್ಫೋಟಶೂಲಿನೀ| |೫೪|

Adhikarana shUnonnatAstabdhApicchilAsrAviNIviplutopaplutAdyAsu yoniShu yavAnnAdishIlanam (54-55) · Śloka 55

| ಯವಾನ್ನಮಭಯಾರಿಷ್ಟಂ ಸೀಧು ತೈಲಂ ಚ ಶೀಲಯೇತ್||೫೪|| ಪಿಪ್ಪಲ್ಯಯೋರಜಃ ಪಥ್ಯಾಪ್ರಯೋಗಾಂಶ್ಚ ಸಮಾಕ್ಷಿಕಾನ್| |೫೫|

Adhikarana paicchilye kAsIsAdicUrNo vaishadyakArakaH (55-56) · Śloka 56

| ಕಾಸೀಸಂ ತ್ರಿಫಲಾ ಕಾಙ್ಕ್ಷೀ ಸಾಮ್ರಜಮ್ಬ್ವಸ್ಥಿ ಧಾತುಕೀ||೫೫|| ಪೈಚ್ಛಿಲ್ಯೇ ಕ್ಷೌದ್ರಸಂಯುಕ್ತಶ್ಚೂರ್ಣೋ ವೈಶದ್ಯಕಾರಕಃ| |೫೬|

Adhikarana paicchilye durgandhe palAshAdicUrNaH, AragvadhAdikvAthena secanam (56-57) · Śloka 57

| ಪಲಾಶಧಾತಕೀಜಮ್ಬೂಸಮಙ್ಗಾಮೋಚಸರ್ಜಜಃ||೫೬|| ದುರ್ಗನ್ಧೇ ಪಿಚ್ಛಿಲೇ ಕ್ಲೇದೇ ಸ್ತಮ್ಭನಶ್ಚೂರ್ಣ ಇಷ್ಯತೇ| ಆರಗ್ವಧಾದಿವರ್ಗಸ್ಯ ಕಷಾಯಃ ಪರಿಷೇಚನಮ್||೫೭||

Adhikarana stabdhAsu karkashAsu mArdavakaraM vesavArAdi dhAraNam (58) · Śloka 58

ಸ್ತಮ್ಬ್ಧಾನಾಂ ಕರ್ಕಶಾನಾಂ ಚ ಕಾರ್ಯಂ ಮಾರ್ದವಕಾರಕಮ್| ಧಾರಣಂ ವೇಸವಾರಸ್ಯ ಕೃಸರಾಪಾಯಸಸ್ಯ ಚ||೫೮||

Adhikarana durgandhAsu yoniShu sarvagandhAnAM kaShAyAdi (59) · Śloka 59

ದುರ್ಗನ್ಧಾನಾಂ ಕಷಾಯಃ ಸ್ಯಾತ್ತೈಲಂ ವಾ ಕಲ್ಕ ಏವ ವಾ| ಚೂರ್ಣೇ ವಾ ಸರ್ವಗನ್ಧಾನಾಂ ಪೂತಿಗನ್ಧಾ(ನ್ಧ್ಯ)ಪಕರ್ಷಣಃ||೫೯||

Adhikarana shleShmalAsu kaTuprAyA bastayaH, pitte samadhukakShIrAH bastayaH, vAte tailAmlayutAH bastayaH (60) · Śloka 60

ಶ್ಲೇಷ್ಮಲಾನಾಂ ಕಟುಪ್ರಾಯಾಃ ಸಮೂತ್ರಾ ಬಸ್ತಯೋ ಹಿತಾಃ| ಪಿತ್ತೇ ಸಮಧುಕಕ್ಷೀರಾ ವಾತೇ ತೈಲಾಮ್ಲಸಂಯುತಾಃ||೬೦||

Adhikarana sannipAtajAyAM sAdhAraNaM karma (61) · Śloka 61

ಸನ್ನಿಪಾತಸಮುತ್ಥಾಯಾಃ ಕರ್ಮ ಸಾಧಾರಣಂ ಹಿತಮ್| |೬೧|

Adhikarana evaM yoniShu shuddhAsu garbhadhAraNam (61-62) · Śloka 62

| ಏವಂ ಯೋನಿಷು ಶುದ್ಧಾಸು ಗರ್ಭಂ ವಿನ್ದನ್ತಿ ಯೋಷಿತಃ||೬೧|| ಅದುಷ್ಟೇ ಪ್ರಾಕೃತೇ ಬೀಜೇ ಜೀವೋಪಕ್ರಮಣೇ ಸತಿ| |೬೨|

Adhikarana puruShasyApi duShTaM shukraM parIkShyopakramaH (62-63) · Śloka 63

| ಪಞ್ಚಕರ್ಮವಿಶುದ್ಧಸ್ಯ ಪುರುಷಸ್ಯಾಪಿ ಚೇನ್ದ್ರಿಯಮ್||೬೨|| ಪರೀಕ್ಷ್ಯ ವರ್ಣೈರ್ದೋಷಾಣಾಂ ದುಷ್ಟಂ ತದ್ಘ್ನೈರುಪಾಚರೇತ್| |೬೩|

Adhikarana phalasarpiH yonishukradoSheShu shastamAyuShyAdikaraM ca (63-34) · Śloka 34

| ಮಞ್ಜಿಷ್ಠಾಕುಷ್ಠತಗರತ್ರಿಫಲಾಶರ್ಕರಾವಚಾಃ||೬೩|| ದ್ವೇ ನಿಶೇ ಮಧುಕಂ ಮೇದಾಂ ದೀಪ್ಯಕಂ ಕಟುರೋಹಿಣೀಮ್| ಪಯಸ್ಯಾಹಿಙ್ಗುಕಾಕೋಲೀವಾಜಿಗನ್ಧಾಶತಾವರೀಃ||೬೪|| ಪಿಷ್ಟ್ವಾಽಕ್ಷಾಂಶಾ ಘೃತಪ್ರಸ್ಥಂ ಪಚೇತ್ಕ್ಷೀರಚತುರ್ಗುಣಮ್| ಯೋನಿಶುಕ್ರಪ್ರದೋಷೇಷು ತತ್ಸರ್ವೇಷು ಪ್ರಶಸ್ಯತೇ||೬೫|| ಆಯುಷ್ಯಂ ಪೌಷ್ಟಿಕಂ ಮೇಧ್ಯಂ ಧನ್ಯಂ ಪುಂಸವನಂ ಪರಮ್| ಫಲಸರ್ಪಿರಿತಿ ಖ್ಯಾತಂ ಪುಷ್ಪೇ ಪೀತಂ ಫಲಾಯ ಯತ್||೬೬|| ಮ್ರಿಯಮಾಣಪ್ರಜಾನಾಂ ಚ ಗರ್ಭಿಣೀನಾಂ ಚ ಪೂಜಿತಮ್| ಏತತ್ಪರಂ ಚ ಬಾಲಾನಾಂ ಗ್ರಹಘ್ನಂ ದೇಹವರ್ಧನಮ್||೬೭|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಷಷ್ಠೇ ಉತ್ತರಸ್ಥಾನೇ ಗುಹ್ಯರೋಗಪ್ರತಿಷೇಧೋ ನಾಮ ಚತುಸ್ತ್ರಿಂಶೋಽಧ್ಯಾಯಃ||೩೪||