38. mūṣikālarkaviṣapratiṣēdhādhyāyaḥ

Adhikarana adhyAyopakramaH (1) · Śloka 1

|১|

Adhikarana mUShikAlarkaviShapratiShedhAdhyAyaH ------- mUShikANAM aShTAdashatvam (2) · Śloka 2

অথাতো মূষিকালর্কবিষপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে||২|| ) লালনশ্চপলঃ পুত্রো হসিরশ্চিক্কিরোঽজিরঃ| কষাযদন্তঃ কুলকঃ কোকিলঃ কপিলোঽসিতঃ||১|| অরুণঃ শবলঃ শ্বেতঃ কপোতঃ পলিতোন্দুরঃ| ছুচ্ছুন্দরো রসালাখ্যো দশাষ্টৌ চেতি মূষিকাঃ||২||

Adhikarana mUShikANAM shukraviShatvam, mUShikaviShasya sAmAnyaM lakShaNam (3-5) · Śloka 5

শুক্রং পততি যত্রৈষাং শুক্রদিগ্ধৈঃ স্পৃশন্তি বা| যদঙ্গমঙ্গৈস্তত্রাস্রে দূষিতে পাণ্ডুতাং গতে||৩|| গ্রন্থযঃ শ্বযথুঃ কোঠো মণ্ডলানি ভ্রমোঽরুচিঃ| শীতজ্বরোঽতিরুক্সাদো বেপথুঃ পর্বভেদনম্||৪|| রোমহর্ষঃ স্রুতির্মূর্চ্ছা দীর্ঘকালানুবন্ধনম্| শ্লেষ্মানুবদ্ধবহ্বাখুপোতকচ্ছর্দনং সতৃট্||৫||

Adhikarana mUShikaviShasya kRuccrasAdhyalakShaNam (6) · Śloka 6

ব্যবায্যাখুবিষং কৃচ্ছ্রং ভূযো ভূযশ্চ কুপ্যতি| |৬|

Adhikarana mUShikaviShasya asAdhyalakShaNam (6-7) · Śloka 7

| মূর্চ্ছাঙ্গশোফবৈবর্ণ্যক্লেদশব্দাশ্রুতিজ্বরাঃ||৬|| শিরোগুরুত্বং লালাসৃক্ছর্দিশ্চাসাধ্যলক্ষণম্| |৭|

Adhikarana mUShikaviShasya varjyalakShaNam (7-8) · Śloka 8

| শূনবস্তিং বিবর্ণৌষ্ঠমাখ্বাভৈর্গ্রন্থিভিশ্চিতম্||৭|| ছুচ্ছুন্দরসগন্ধং চ বর্জযেদাখুদূষিতম্| |৮|

Adhikarana viShayuktasya shuno lakShaNam (8-10) · Śloka 10

| শুনঃ শ্লেষ্মোল্বণাং দোষাঃ সংজ্ঞাং সংজ্ঞাবহাশ্রিতাঃ||৮|| মুষ্ণন্তঃ কুর্বতে ক্ষোভং ধাতূনামতিদারুণম্| লালাবানন্ধবধিরঃ সর্বতঃ সোঽভিধাবতি||৯|| স্রুস্তপুচ্ছহনুস্কন্ধঃ শিরোদুঃখী নতাননঃ| |১০|

Adhikarana viShayuktasya daMshasya lakShaNam (10-11) · Śloka 11

| দংশস্তেন বিদষ্টস্য সুপ্তঃ কৃষ্ণং ক্ষরত্যসৃক্||১০|| হৃচ্ছিরোরুগ্জ্বরস্তম্ভতৃষ্ণামূর্চ্ছাদ্ভবোঽনু চ| |১১|

Adhikarana evaM shRugAlAdayo vedyAH (11-12) · Śloka 12

| অনেনান্যেঽপি বোদ্ধব্যা ব্যালা দংষ্ট্রাপ্রহারিণঃ||১১|| শৃগালাশ্বতরাশ্বর্ক্ষদ্বীপিব্যাঘ্রবৃকাদযঃ| |১২|

Adhikarana saviShadaMshasya lakShaNam,nirviShadaMshasya lakShaNam (12-14) · Śloka 14

| কণ্ডূনিস্তোদবৈবর্ণ্যসুপ্তিক্লেদজ্বরভ্রমাঃ||১২|| বিডহরাগরুক্পাকশোফগ্রন্থিবিকুঞ্চনম্| দংশাবদরণং স্ফোটাঃ কর্ণিকা মণ্ডলানি চ||১৩|| সর্বত্র সবিষে লিঙ্গং, বিপরীতং তু নির্বিষে| |১৪|

Adhikarana daShTasyAsAdhyalakShaNam (14-15) · Śloka 15

| দষ্টো যেন তু তচ্চেষ্টারুতং কুর্বন্ বিনশ্যতি||১৪|| পশ্যংস্তমেব চাকস্মাদাদর্শসলিলাদিষু| |১৫|

Adhikarana jalasaMtrAsasya lakShaNam (15-16) · Śloka 16

| যোঽদ্ভ্যস্ত্রস্যেদদষ্টোঽপি শব্দসংস্পর্শদর্শনৈঃ||১৫|| জলসন্ত্রাসনামানং দষ্টং তমপি বর্জযেত্| |১৬|

Adhikarana AkhunA daShTamAtrasya daMshadAhaH (16-17) · Śloka 17

| আখুনা দষ্টমাত্রস্য দংশং কাণ্ডেন দাহযেত্||১৬|| দর্পণোনাথবা, তীব্ররুজা স্যাত্কর্ণিকাঽন্যথা| |১৭|

Adhikarana dagdhadaMshasya vistrAvaH shirIShabIjAdiBiH pralepaSca (17-18) · Śloka 18

| দগ্ধং বিস্রাবযেদ্দংশং প্রচ্ছিতং চ প্রলেপযেত্||১৭|| শিরীষরজনীবক্রকুঙ্কুমামৃতবল্লিভিঃ| |১৮|

Adhikarana AkhuviShaghnaH karNikApAtanashcAgAradhUmAdilepaH (18-19) · Śloka 19

| অগারধূমমঞ্জিষ্ঠারজনীলবণোত্তমৈঃ||১৮|| লেপো জযত্যাখুবিষং কর্ণিকাযাশ্চ পাতনঃ| |১৯|

Adhikarana AkhuviShaghnaH tato~amlaiH kShAlanAdi, sirAmokSho vA (19-20) · Śloka 20

| ততোঽম্লৈঃ ক্ষালযিত্বাঽনু তোযৈরনু চ লেপযেত্||১৯|| পালিন্দীশ্বেতকটভীবিল্বমূলগুডূচিভিঃ| অন্যৈশ্চ বিষশোফঘ্নৈঃ সিরাং বা মোক্ষযেদ্দ্রুতম্||২০||

Adhikarana AkhuviShaghnaH nIlinyAdikvAthaiH cchardanam (21) · Śloka 21

ছর্দনং নীলিনীক্বাথৈঃ শুকাখ্যাঙ্কোল্লযোরপি| |২১|

Adhikarana AkhuviShaghnaH koshAtakyAdicUrNena cchardanam (21-22) · Śloka 22

| কোশাতক্যাঃ শুকাখ্যাযাঃ ফলং জীমূতকস্য চ||২১|| মদনস্য চ সঞ্চূর্ণ্য দধ্না পীত্বা বিষং বমেত্| |২২|

Adhikarana AkhuviShaghnaH vacAdinA pAnam, trivRudAdinA virecanam (22-23) · Śloka 23

| বচামদনজীমূতকুষ্ঠং ব মূত্রপেষিতম্||২২|| পূর্বকল্পেন পাতব্যং সর্বোন্দুরবিষাপহম্| বিরেচনং ত্রিবৃন্নীলীত্রিফলাকল্ক ইষ্যতে||২৩||

Adhikarana AkhuviShaghnaH shirIShasArAdinA shirovirecanam (24) · Śloka 24

শিরোবিরেচনে সারঃ শিরীষস্য ফলানি চ| |২৪|

Adhikarana AkhuviShaghnaH gomayarasenA~jjanam (24) · Śloka 24

| অঞ্জনং গোমযরসো ব্যোষসূক্ষ্মরজোন্বিতঃ||২৪||

Adhikarana AkhuviShaghnaH kapitthAdirasenAvalehaH (25) · Śloka 25

কপিত্থতোমযরসো মধুমানবলেহনম্| |২৫|

Adhikarana AkhuviShaghnaH tandulIyakamUlAdisiddhAni ghRutAni (25-26) · Śloka 26

| তন্দুলীযকমূলেন সিদ্ধং পানে হিতং ঘৃতম্||২৫|| দ্বিনিশাকটভীরক্তাযষ্ট্যাহ্বৈর্বাঽমৃতান্বিতৈঃ| আস্ফোতমূলসিদ্ধং বা পঞ্চকাপিত্থমেব বা||২৬||

Adhikarana AkhuviShaghnaH sinduvArAdikvAthaH (27-28) · Śloka 28

সিন্দুবারং নতং শিগ্রুবিল্বমূলং পুনর্নবা| বচাশ্বদংষ্ট্রাজীমূতমেষাং ক্বাথং সমাক্ষিকম্||২৭|| পিবেচ্ছাল্যোদনং দধ্না ভুঞ্জানো মূষিকার্দিতঃ| |২৮|

Adhikarana AkhuviShaghnaH sharapu~gkhAbIjacUrNam (28) · Śloka 28

| তক্রেণ শরপুঙ্খাযা বীজং সঞ্চূর্ণ্য বা পিবেত্||২৮||

Adhikarana AkhuviShaghnaH a~gkolamUlakalkaH (29) · Śloka 29

অঙ্কোল্লমূলকল্কো বা বস্তমূত্রেণ কল্কিতঃ| পানালেপনযোর্যুক্তঃ সর্বাখুবিষনাশনঃ||২৯||

Adhikarana AkhuviShaghnaH kapitthamadhyAdikam, tilakama~jjarI (30) · Śloka 30

কপিত্থমধ্যতিলকতিলাঙ্কোল্লজটাঃ পিবেত্| গবাং মূত্রেণ, পযসা মঞ্জরীং তিলকস্য বা||৩০||

Adhikarana AkhuviShaghnaH sairyakamUlam (31) · Śloka 31

অথবা সৈর্যকান্মূলং সক্ষৌদ্রং তন্দুলাম্বুনা| |৩১|

Adhikarana AkhuviShaghnaH kaTukAlAbuvinyastaM jalam (31) · Śloka 31

| কটুকালাবুবিন্যস্তং পীতং বাঽম্বু নিশোষিতম্||৩১||

Adhikarana AkhuviShaghnaH sinduvAramUlAdyagadaH (32) · Śloka 32

সিন্দুবারস্য মূলানি বিডালাস্থি বিষং নতম্| জলপিষ্টোঽগদো হন্তি নস্যাদ্যৈরাখুজং বিষম্||৩২||

Adhikarana sasheShamUShikaviShasyAbhradarshanAdau prakopaH (33) · Śloka 33

সশেষং মূষিকবিষং প্রকুপ্যত্যভ্রদর্শনে| যথাযথং বা কালেষু দোষাণাং বৃদ্ধিহেতুষু||৩৩||

Adhikarana tatra yathAvasthamupakramAH,tatra dUShIviShApahAshcopakramAH (34) · Śloka 34

তত্র সর্বে যথাবস্থং প্রযোজ্যাঃ স্যুরুপক্রমাঃ| যথাস্বং যে চ নির্দিষ্টাস্তথা দূষীবিষাপহাঃ||৩৪||

Adhikarana alarkadaMshe dAho lepaH purANaghRutapAnaM ca (35) · Śloka 35

দংশং ত্বলর্কদষ্টস্য দগ্ধমুষ্ণেন সর্পিষা| প্রদিহ্যাদগদৈস্তৈস্তৈঃ পুরাণং চ ঘৃতং পিবেত্||৩৫||

Adhikarana alarkadaMshe arkakShIrayutaM virecanam (36) · Śloka 36

অর্কক্ষীরযুতং চাস্য যোজ্যমাশু বিরেচনম্| |৩৬|

Adhikarana alarkadaMshe a~gkollottaramUlajalam, shvetapunarnavA (36-37) · Śloka 37

| অঙ্কোল্লোত্তরমূলাম্বু ত্রিপলং সহবিঃপলম্||৩৬|| পিবেত্সধত্তূরফলাং শ্বেতাং বাঽপি পুনর্নবাম্| |৩৭|

Adhikarana alarkadaMshe palalatailAdi (37-38) · Śloka 38

| ঐকধ্যং পললং তৈলং রূপিকাযাঃ পযো গুডঃ||৩৭|| ভিনত্তি বিষমালর্কং ঘনবৃন্দমিবানিলঃ| |৩৮|

Adhikarana alarkadaMshe samantrauShadhIratnaM snapanam (38) · Śloka 38

| সমন্ত্রং সৌষধীরত্নং স্নপনং চ প্রযোজযেত্||৩৮||

Adhikarana catuShpAdAdinakhadantaparikShatasya lakShaNam (39) · Śloka 39

চতুষ্পাদ্ভির্দ্বিপাদ্ভির্বা নখদন্তপরিক্ষতম্| শূযতে পচ্যতে রাগজ্বরস্রাবরুজান্বিতম্||৩৯||

Adhikarana nakhadantaviShaghnaH somavalkAdilepaH (40-38) · Śloka 38

সোমবল্কোঽশ্বকর্ণশ্চ গোজিহ্বা হংসপাদিকা| রজন্যৌ গৈরিকং লেপো নখদন্তবিষাপহঃ||৪০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙহৃদযসংহিতাযাং ষষ্ঠে উত্তরস্থানে মূষিকালর্কবিষপ্রতিষেধো নামাষ্টত্রিংশোঽধ্যাযঃ||৩৮||