10. vikr̥tēhāvijñānīyaḥ

Adhikarana atha vikRutehAvij~jAnIyo nAma dashamo~adhyAyaH pratij~jA (1) · Śloka 1

অথাতো বিকৃতেহাবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||

Adhikarana arundhatyAdyanavalokane riShTam (2) · Śloka 2

সন্তর্ষীণাং সমীপস্থাং যো ন পশ্যত্যরুন্ধতীম্| ধ্রুবমাকাশগঙ্গাং বা ন স পশ্যতি তাং সমাম্|২|

Adhikarana meghAdyabhAve~api tacchabdashravaNAdau riShTam (2) · Śloka 2

মেঘতোযৌঘনির্ঘোষবীণাপ্রণববেণুজান্| শৃণোত্যন্যাংশ্চ যঃ শব্দানসতো ন সতোঽপি বা||২||

Adhikarana karNaniShpIDanasvarAshrayaM riShTam (1) · Śloka 1

নিষ্পীড্য কর্ণৌ শৃণুযান্ন যো ধুকধুকাস্বনম্|১|

Adhikarana gandharasasparshaviparyyayAshrayaM riShTam (1) · Śloka 1

তদ্বদ্গন্ধরসস্পর্শান্ মন্যতে যো বিপর্য্যযাত্|১|

Adhikarana dIpagandhAdyAghrANAshrayaM riShTam (1) · Śloka 1

সর্বশো বা ন যো যশ্চ দীপগন্ধং ন জিঘ্রতি|১|

Adhikarana rasAshrayaM riShTam (1) · Śloka 1

বিধিনা যস্য দোষায স্বাস্থ্যাযাবিধিনা রসাঃ|১|

Adhikarana a~ggAshrayaM riShTam (1) · Śloka 1

যঃ পাংসুনেব কীর্ণাঙ্গো যোঽঙ্গে ঘাতং ন বেত্তি বা||১||

Adhikarana akasmAdatIndriyadarshanAdriShTam (2) · Śloka 2

অন্তরেণ তপস্তীব্রং যোগং বা বিধিপূর্বকম্| জানাত্যতীন্দ্রিযং যশ্চ তেষাং মরণমাদিশেত্|২|

Adhikarana jihvAmukhanetramUrdhAshrayaM riShTam (2) · Śloka 2

জিহ্বা শ্যাবা মুখং পূতিসব্যমক্ষি নিমজ্জতি| খগা বা মূর্ধ্নি লীযন্তে যস্য তং পরিবর্জযেত্||২||

Adhikarana pAdagharShaNacyutAMsatvAshrayaM riShTam (1) · Śloka 1

নিকষন্নিব যঃ পাদৌ চ্যুতাংসঃ পরিসর্পতি|১|

Adhikarana hitAnnasevAyAmapi balakShaye riShTam (1) · Śloka 1

হীযতে বলতঃ শরবদ্ যোঽন্নমশ্নন্ হিতং বহু|১|

Adhikarana viNmUtrAlpatvabAhulyAshrayaM riShTam (1) · Śloka 1

যোঽল্পাশী বহুবিণ্মূত্রো বহ্বাশী চাল্পমুত্রবিট্|১|

Adhikarana alpannA~ashitve~api kaphapravRuddhau dIrghashvAse ca riShsTam (1) · Śloka 1

যো বাঽল্পশী কফেনার্ত্থো দীর্ঘং শ্বাসিতি চেষ্টতে||১||

Adhikarana shvAsaniHshvAsaspandAshrayaM riShTam (2) · Śloka 2

দীর্ঘমুচ্ছ্বস্য যো হ্রস্বং নিঃশ্বস্য পরিতাম্যতি| হ্রস্বঞ্চ যঃ প্রশ্বসিতি ব্যাবিদ্ধং স্পন্দতে ভৃশম্|২|

Adhikarana prapANikAku~jcanapUrvakaM shirovikShepe riShTam (2) · Śloka 2

শিরো বিক্ষিপতে কৃচ্ছ্রাদ্যোঽঞ্চযিত্বা প্রপাণিকৌ| যো ললাটাত্স্রুতস্বেদঃ শ্লথসন্ধানবন্ধনঃ||২||

Adhikarana uttApyamAnasya mUrcchAyAM riShsTam (1) · Śloka 1

উত্তাপ্যমানঃ সম্মুহ্যেদ্যো বলী দুর্বলোঽপি বা|১|

Adhikarana muhuH pAdaprasAraNAku~jcanapUrvaka muttAnasvApe riShTam (1) · Śloka 1

উত্তান এব স্বিপিতি যঃ পাদৌ বিকরোতি চ|১|

Adhikarana shyAnAsanAdyasadbastuji ghRukShAyAM riShTam (1) · Śloka 1

শযনাসনকুড্যাদের্যোঽসদেব জিঘৃক্ষতি|১|

Adhikarana ahAsyahanauShThalehanAshrayaM riShTam (1) · Śloka 1

অহাস্যহাসী সম্মুহ্যন্যো লেঢি দশনচ্ছদৌ|১|

Adhikarana uttarauShThalehanapUrvakaM phUtkArAshrayaM riShTam (1) · Śloka 1

উত্তরোষ্ঠং পরিলিহন্ ফূত্কারাশ্চ করোতি যঃ|১|

Adhikarana kRuShNapItAdicchAyAbhirabhidravaNe riShTam (1) · Śloka 1

যমভিদ্রবতি ছাযা কৃষ্ণা পীতাঽরুণাপি বা||১||

Adhikarana bhiShagbheShajAdidveShe riShTam (3) · Śloka 3

ভিষগ্ভেষজপানান্নগুরুমিত্রদ্বিষশ্চ যে| বশগাঃ সর্ব এবৈতে বিজ্ঞেযাঃ সমবর্তিনঃ||৩||

Adhikarana grIvAlalATahRudayeShu prasvede shaitye ca riShTam (4) · Śloka 4

গ্রীবাললাটহৃদযং যস্য স্বিদ্যতি শীতলম্| ঊষ্ণোঽপরঃ প্রদেশশ্চ শরণং তস্য দেবতাঃ||৪||

Adhikarana svalpaprakAshAdau riShTam (1) · Śloka 1

যোঽণুজ্যোতিরনেকাগ্রো দুশ্ছাযো দুর্মনাঃ সদা|১|

Adhikarana balibhugbhirbalInAmabhakShaNe riShTam (1) · Śloka 1

বলিং বলিভুজো যস্য প্রণীতং নোপভুঞ্জতে||১||

Adhikarana nirnimittaM medhAshobhAdilAbhe riShTam (2) · Śloka 2

নির্নিমিত্তং চ যো মেধাং শোভমুপচযং শ্রিযম্| প্রাপ্নোত্যতো বা বিভ্রংশং স প্রাপ্নোতি যমক্ষযম্|২|

Adhikarana prakRuteranyathAtve riShTam (2) · Śloka 2

গুণদোষমযী যস্য স্বস্থস্য ব্যাধিতস্য বা| যাত্যন্যথাত্বং প্রকৃতিঃ ষণ্মাসান্ন স জীবতি|২|

Adhikarana bhaktishIlAdInAmahetukaM nivRuttau riShTam (2) · Śloka 2

ভক্তিঃ শীলং স্মৃতিস্ত্যাগো বুদ্ধির্বলমহেতুকম্| ষডেতানি নিবর্ত্তন্তে ষড্ভির্মাসৈর্মরিষ্যতঃ||২||

Adhikarana mattavadgatikampamohe riShTam (1) · Śloka 1

মত্তবদ্গতিবাক্কম্পমোহা মাসান্মরিষ্যতঃ|১|

Adhikarana keshalu~jcanAdau riShTam (1) · Śloka 1

নশ্যত্যজানন্ ষডহাত্ কেশলুঞ্চনবেদনাম্|১|

Adhikarana kaNThAmayAdRute AhArasya kaNThAprApaNe riShTam (1) · Śloka 1

ন যাতি যস্য চাহারঃ কণ্ঠং কণ্ঠামযাদৃতে|১|

Adhikarana bhRutyAnAM prAtikUlye riShTam (1) · Śloka 1

প্রেষ্যাঃ প্রতীপতাং যান্তি প্রেতাকৃতিরুদীর্য্যতে|১|

Adhikarana satataM nidrAyAmanidrAyAM vA riShTam (1) · Śloka 1

যস্য নিদ্রা ভবেন্নিত্যা নৈব বা ন স জীবতি||১||

Adhikarana ashrubhirvaktrapUraNAdau riShTam (2) · Śloka 2

বক্ত্রমাপূঽর্যতেঽশ্রূণাং স্বিদ্যতশ্চরণৌ ভৃশম্| চক্ষুশ্চাকুলতাং যাতি যমরাজ্যং গমিষ্যতঃ||২||

Adhikarana manoramANAM pradveShe riShTam (5) · Śloka 5

যৈঃ পুরা রমতে ভাবৈরেরতিস্তৈর্ন জীবতি||৫||

Adhikarana pRuShTo~api bhiSha~gmumUrShormaraNaM na kathayenna cikitsecca (2) · Śloka 2

কথযেন্ন চ পৃষ্টোঽপি দুঃশ্রবং মরণং ভিষক্| গতাসোর্বন্ধুমিত্রাণাং ন চেচ্ছেত্তং চিকিত্সিতুম্||২||

Adhikarana parAsorbhUtAnubandhAtkriyAvaiphalyam (6) · Śloka 6

যমদূতপিশাচাদ্যৈর্যত্ পরাসুরুপাস্যতে ঘ্নদ্ভিরৌষধবীর্যাণি তস্মাত্তং পরিবর্জ্জযেত্||৬|| গতাসোর্মুমূর্ষোর্বন্ধুভ্যো মিত্রেভ্যশ্চ ভিষঙ্মরণং ন কথযেত্| ন চ তং চিকিত্সিতুমিচ্ছেত্| কুতশ্চিকিত্সিতুং নেচ্ছেদিত্যাঽঽহ-যদ্যস্মাত্পরাসুর্যমদূতাদিভিরৌষধবীর্য্যাণি ঘ্নদ্ভিরুপাস্যতে| অতঃ পরিত্যজেত্| অন্যথা বৈদ্যো যশসা পরিহীযতে| তদেব দ্রঢযতি||৬||

Adhikarana riShTAriShTavij~jAnIyaM carakamatam (7) · Śloka 7

অরিষ্টং নাস্তি মরণং দৃষ্টরিষ্টং চ জীবিতম্| অরিষ্টং রিষ্টবিজ্ঞানং ন চ রিষ্টেঽপ্যনৈপুণাত্||৭||

Adhikarana riShTAriShTaj~jAne sushrutamatam (8) · Śloka 8

ধ্রুবং হি রিষ্টে মরণং ব্রাহ্মণৈস্তত্ কিলামলৈঃ| রসাযনতপোদানতত্পরৈশ্চ নিবার্য্যতে||৮||

Adhikarana kRuShNAtreyamatena riShTAnAM dvaiviGyam (9) · Śloka 9

কৃষ্ণাত্রেযো দ্বিধা রিষ্টং স্থিরাস্থিরবিভেদতঃ| দোষণামপি বাহুল্যাদ্রিষ্টাভাসঃ সমুদ্ভবেত্| তদ্দোষাণং শমে শম্যেত্স্থায্যবশ্যং তু মৃত্যবে||৯||

Adhikarana riShTavij~jAnaprayojanam (10-11) · Śloka 11

আযুর্বেদফলং কৃত্স্নং যদাঽঽযুর্জ্ঞে প্রতিষ্ঠিতম্| রিষ্টজ্ঞানাদৃতস্তস্মাত্ সর্বদৈব ভবেদ্ভিষক্||১০|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং শারীরস্থানে বিকৃতে বিজ্ঞানীযোনাম দশমোঽধ্যাযঃ||১১||