7. annsvarūpavijñānīyaḥ

Adhikarana athAnnasvarupavij~jAnIyo nAma saptamo~adhyAyaH pratij~jA (1) · Śloka 1

ಅಥಾತೋಽನ್ನ್ಸ್ವರುಪವಿಜ್ಞಾನೀಯಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಽಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana (1) SUkadhAnyavargaH,SAliBedAH teShAM sAmAnyaguNAshca (2) · Śloka 2

ರಕ್ತೋ ಮಹಾನೂ ಸಕಲಮಸ್ತೂರ್ಣಕಃ ಶಕುನಾಹೃತಃ| ಶಾರಾಮುಖೋ ದೀರ್ಘಶೂಕೋ ಲೋಘ್ರಶೂಕಃ ಸುಗನ್ಧಿಕಃ| ಪುಣ್ಡ್ರಃ ಪಾಣ್ಡುಃ ಪುಣ್ಡರೀಕಃ ಪ್ರಮೋದೋ ಗೌರಶಾರಿವೌ| ಕಞ್ಚನೋ ಮಹಿಷಃ ಶೂಕೋ ದೂಷಕಃ ಕುಸುಮಾಣ್ಡಕಃ| ಲಾಙ್ಗಲಾ ಲೋಹವಾಲಾಖ್ಯಾಃ ಕರ್ದಮಾಃ ಶೀತಭೀರುಕಾಃ| ಪತಙ್ಗಾಸ್ತಪನೀಯಾಶ್ಚ ಯೇ ಚಾನ್ಯೇ ಶಾಲಯಃ ಶುಭಾಃ| ಸ್ವಾದುಪಾಕರಸಾಃ ಸ್ನಿಗ್ಧಾ ವೃಷ್ಯಾ ಬದ್ಧಾಲ್ಪವರ್ಚಸಃ| ಕಷಾಯಾನುರಸಾಃ ಪಥ್ಯಾ ಲಘವೋ ಮೂತ್ರಲಾ ಹಿಮಾಃ||೨||

Adhikarana shUkajeshu raktashAlyAdInAM yathottaramavaratvam (3) · Śloka 3

ಶೂಕಜೇಷು ವರಸ್ತತ್ರ ರಕ್ತಸ್ತೃಷ್ಣಾತ್ರಿದೋಷಹಾ| ಮಹಾಂಸ್ತಂ ಚಾನು ಕಲಮಸ್ತಂ ಚಾಪ್ಯನು ತತಃ ಪರೇ||೩||

Adhikarana yavakAdInAM yathApUrvamavaratvam (4) · Śloka 4

ಯವಕಾ ಹಾಯನಃ ಪಾಂಸುವಾಪ್ಯನೈಷಧಕಾದಯಃ| ಸ್ವಾದೂಷ್ಣಾ ಗುರವಃ ಸ್ನಿಗ್ಧಾಃ ಪಾಕೇಽಮ್ಲಾಃ ಶ್ಲೇಷ್ಮಪಿತ್ತಲಾಃ| ಸೃಷ್ಟಮೂತ್ರಪುರಿಷಾಶ್ಚ ಪೂರ್ವಂ ಪೂರ್ವಂ ಚ ನಿನ್ದಿತಾಃ||೪||

Adhikarana vrIhiShu ShaShTikasya shraiShThyam (5) · Śloka 5

ಸ್ನಿಗ್ಧೋ ಗ್ರಾಹಿ ಲಘುಃ ಸ್ವಾದುಸ್ತ್ರಿದೋಷಘ್ನಃ ಸ್ಥಿರೋ ಹಿಮಃ| ಷಷ್ಟಿಕೋ ವ್ರೀಹಿಷು ಶ್ರೇಷ್ಠೋ ಗೌರಶ್ಚಾಸಿತಗೌರತಃ||೫||

Adhikarana mahAvrIhyAdInAM ShaShTikAt hInaguNatvam (6) · Śloka 6

ತತಃ ಕ್ರಮಾನ್ಮಹಾವ್ರೀಹಿಕೃಷ್ಣವ್ರೀಹಿಜತೂಮುಖಾಃ| ಕುಕ್ಕಟಾಣ್ಡಕಲಾಬಾಕ್ಷಪಾರಾವತಕಸೂಕರಾಃ| ವರಕೋದ್ದಾಲಕೋಜ್ಜಾಲಚೀನಶಾರದದರ್ದುರಾಃ| ಗನ್ಧನಾಃ ಕುರುವಿನ್ದಾಶ್ಚ ಗುಣೈರಲ್ಪಾನ್ತರಾಃ ಸ್ಮೃತಾಃ||೬||

Adhikarana itaravrIhiguNAH (7) · Śloka 7

ಸ್ವಾದುರಮ್ಲವಿಪಾಕೋಽನ್ಯೋ ವ್ರೀಹಿಃ ಪಿತ್ತಕರೋ ಗುರುಃ||೭||

Adhikarana pATalavrIhiguNAH (8) · Śloka 8

ಬಹುಮೂತ್ರಪುರೀಷೋಷ್ಮಾ ತ್ರಿದೋಷಸ್ತ್ವೇವ ಪಾಟಲಃ||೮||

Adhikarana ka~ggvAditRuNadhAnyAnAM sAmAnyaguNAH ka~ggvAdInAM visheShaguNAH (9) · Śloka 9

ಕಙ್ಗುಕೋದ್ರವಜೂರ್ಣಾಹ್ವಗದೀವರುಣಪಾದಿಕಾಃ| ಶ್ಯಾಮಾಕತೋಯಶ್ಯಾಮಾಕಹಸ್ತಿಶ್ಯಾಮಾಕಶಿಲ್ಬಿಕಾಃ| ಶಿಶಿರೋದ್ದಾಲನೀವಾರವರೂಕಬರಕೋತ್ಕಟಾಃ| ಮಧೂಲಿಕಾನ್ತನಿರ್ಗಣ್ಡೀವೇಣುಪರ್ಣೀಪ್ರಶಾನ್ತಿಕಾಃ| ಗವೇಧುಕಾಣ್ಡಲೌಹಿತ್ಯತೋಯಪರ್ಣೀಮುಕುನ್ದರಾಃ| ಕಫಪಿತ್ತಹರಾ ರೂಕ್ಷಃ ಕಷಾಯಮಧುರಾ ಹಿಮಾಃ| ವಾತಲಾ ಬದ್ಧವಿಣ್ಮೂತ್ರಾ ಲಘವೋ ಲೇಖನಾತ್ಮಕಾಃ| ಭಗ್ನಸನ್ಧಾನಕೃತ್ತತ್ರ ಪ್ರಿಯಙ್ಗುರ್ಬೃಂಹಣೀ ಗುರುಃ| ಕೋರದೂಷಃ ಪರಂ ಗ್ರಾಹಿ ಸ್ಪರ್ಶೇ ಶೀತೋ ವಿಷಾಪಹಃ| ಉದ್ದಾಲಕಸ್ತು ವೀರ್ಯೋಷ್ಣೋ ನೀವಾರಃ ಶ್ಲೇಷ್ಮವರ್ಧನಃ| ಶೀತವೀರ್ಯಾ ವಿಶೇಷೇಣ ಸ್ನಿಗ್ಧಾ ವೃಷ್ಯಾ ಮಧೂಲಿಕಾ||೯||

Adhikarana yavAdInAM guNAH (10) · Śloka 10

ರೂಕ್ಷಃ ಶೀತೋ ಗುರುಃಸ್ವಾದುಃ ಸರೋ ವಿಡ್ವಾತಕೃದ್ಯವಃ| ವೃಷ್ಯಃ ಸ್ಥೈರ್ಯಕರೋ ಮೂತ್ರಮೇದಃಪಿತ್ತಕಫಾಞ್ಜಯೇತ್| ಪೀನಸಶ್ವಾಸಕಾಸೋರುಸ್ತಮ್ಭಕಣ್ಠತ್ವಗಾಮಯಾನ್| ಗುಣೈರ್ನ್ಯೂನತರಾ ಜ್ಞೇಯಾ ಯವಾದನು ಯವಾಹ್ವಯಾಃ| ಉಷ್ಣಾಃ ಸರಾ ವೇಣುಯವಾಃ ಕಷಾಯಾ ವಾತಪಿತ್ತಲಾಃ||೧೦||

Adhikarana godhUmaguNAH (11) · Śloka 11

ವೃಷ್ಯಃ ಶೀತೋ ಗುರೂಃ ಸ್ನಿಗ್ಧೋ ಜೀವನೋ ವಾತಪಿತ್ತಹಾ| ಸನ್ಧಾನಕಾರಿ ಮಧುರೋ ಗೋಧೂಮಃ ಸ್ಥೈರ್ಯಕೃತ್ಸರಃ| ಪಥ್ಯಾ ನನ್ದೀಸುಖೀ ಶೀತಾ ಕಷಾಯಾ ಮಧುರಾ ಲಘುಃ||೧೧||

Adhikarana (2) shimbidhAnyavargaH shimbIparicayasteShAM sAmAnyaguNAshca (12) · Śloka 12

ಶಿಮ್ಬಿಜಾ ಮುದ್ಗಮಙ್ಗಲ್ಯವನಮುದ್ಗಮಕುಷ್ಠಕಾಃ| ಮಸೂರಕಫಲಾಢಕ್ಯಶ್ಚಣಕಾಶ್ಚ ಪೃಥಗ್ವಿಧಾಃ| ಕಷಾಯಸ್ವಾದುಲಘವೋ ವಿಬನ್ಧಾಧ್ಮಾನಕಾರಿಣಃ| ರೂಕ್ಷಾ ಬದ್ಧಮಲಾಃ ಶೀತಾ ವಿಪಾಕೇ ಕಟುಕಾ ಹಿತಾಃ| ಪಿತ್ತಾಸೃಕ್ಕಫಮೇದಸ್ಸು ಸೂಪಾಲೇಪಾದಿಯೋಜನಾತ್||೧೨||

Adhikarana mudgaguNAH (13) · Śloka 13

ಸೂಪ್ಯಾನಾಮುತ್ತಮಾ ಮುದ್ಗಾ ಲಘೀಯಾಂಸೋಽಲ್ಪಮಾರುತಾಃ| ಹರಿತಾಸ್ತೇಷ್ವಪಿವರಾ.....................||೧೩||

Adhikarana makuShThamasuraguNAH (14) · Śloka 14

........................ಂಅಕುಷ್ಠಾಃ ಕ್ರಿಮಿಕಾರಿಣಃ| ವರ್ಣ್ಯಾಃ ಪರಂ ಪ್ರಲೇಪಾದ್ಯೈರ್ಮಸೂರಾ ಗ್ರಾಹಿಣೋ ಭೃಶಮ್||೧೪||

Adhikarana rAjamAShaguNAH (15) · Śloka 15

ರಾಜಮಾಷೋ ಗುರುರ್ಭೂರಿಶಕೃದ್ರೂಕ್ಷೋಽತಿವಾತಃ||೧೫||

Adhikarana kulatthaguNAH (16) · Śloka 16

ಕಷಾಯಸ್ವಾದುರೂಕ್ಷೋಷ್ಣಾ ಕುಲತ್ಥಾ ರಕ್ತಪಿತ್ತಲಾಃ| ಪೀನಸಾಶ್ವಾಸಕಾಸಾರ್ಶೋಹಿಧ್ಮಾನಾಹಕಫಾನಿಲಾನ್| ಘ್ನನ್ತಿ ಶುಕ್ರಾಶ್ಮರೀಂ ಶುಕ್ರಂ ದೃಷ್ಟಿಂ ಶೋಫಂ ತಥೋದರಮ್| ಗ್ರಾಹಿಣೋ ಲಘವಸ್ತೀಕ್ಷ್ಣಾ ವಿಪಾಕೇಽಮ್ಲಾ ವಿದಾಹಿನಃ||೧೬||

Adhikarana niShpAvaguNAH (17) · Śloka 17

ನಿಷ್ಪಾವಸ್ತು ಸರೋ ರೂಕ್ಷಃ ಕಷಾಯಮಧುರೋ ಗುರುಃ| ಪಾಕೇಽಮ್ಲೋ ವಾತವಿಷ್ಟಮ್ಭೀ ಸ್ತನ್ಯಮೂತ್ರಾಸ್ರಪಿತ್ತಕೃತ್| ಉಷ್ಣೋ ವಿದಾಹೀ ದೃಕ್ಶುಕ್ರಕಫಶೋಫವಿಷಾಪಹಃ||೧೭||

Adhikarana mAShaguNAH (18) · Śloka 18

ಮಾಷಃ ಸ್ನಿಗ್ಧೋ ಬಲಶ್ಲೇಷ್ಮಮಲಪಿತ್ತಕರಃ ಸರಃ| ಗುರುಷ್ಣೋಽನಿಲಹಾ ಸ್ವಾದುಃ ಶುಕ್ರವೃದ್ಧಿರ್ವಿರೇಕಕೃತ್||೧೮||

Adhikarana kAkANDolAtmaguptayorguNAH (19) · Śloka 19

ಫಲಾನಿ ಗುಣವದ್ವಿದ್ಯಾತ್ ಕಾಕಾಣ್ಡೋಲಾತ್ಮಗುಪ್ತಯೋಃ||೧೯||

Adhikarana kuSAmrashimbiguNAH (20) · Śloka 20

ಕುಶಾಮ್ರಶಿಮ್ಬೀ ಮಧುರಾ ವಾತಾಪಿತ್ತಹರಾ ಹಿಮಾ||೨೦||

Adhikarana anuktaSimbidhAnyAnAM sAmAnyaguNAH (21) · Śloka 21

ಮಧುರಾಃ ಶೀತಲಾ ಗುರ್ವ್ಯೋ ಬಲಘ್ನ್ಯೋ ರೂಕ್ಷಣಾತ್ಮಿಕಾಃ| ಸ್ನೇಹಾಢ್ಯಾ ಬಲಿಭಿರ್ಭೋಜ್ಯಾ ವಿವಿಧಾಃ ಶಿಮ್ಬಿಜಾತಯಃ||೨೧||

Adhikarana tilaguNAH (22) · Śloka 22

ಸ್ನಿಗ್ಧೋಷ್ಣತಿಕ್ತಕಟುಕಃ ಕಷಾಯಮಧುರಸ್ತಿಲಃ| ಮೇಧ್ಯಃ ಕೇಶ್ಯೋ ಗುರುರ್ವರ್ಣ್ಯಃ ಸ್ಪರ್ಶಶೀತೋಽನಿಲಾಪಹಃ| ಅಲ್ಪಮೂತ್ರಃ ಕಟುಃ ಪಾಕೇ ಮೇಧಾಗ್ನಿಕಫಪಿತ್ತಕೃತ್| ಕೃಷ್ಣಃ ಪ್ರಶಸ್ತಸ್ತಮನು ಶುಕ್ಲಸ್ತಮನು ಚಾರುಣಃ||೨೨||

Adhikarana atasIguNAH (23) · Śloka 23

ಸ್ನಿಗ್ಧೋಮಾ ಸ್ವಾದುತಿಕ್ತೋಷ್ಣಾ ಕಫಪಿತ್ತಕರೀ ಗುರುಃ| ದೃಕ್ಛುಕ್ರಹೃತ್ಕಟುಃ ಪಾಕೇ.....................||೨೩||

Adhikarana kusumBabIjaguNAH (24) · Śloka 24

.......................ತದ್ವದ್ಬೀಜಂ ಕುಸುಮ್ಭಜಮ್||೨೪||

Adhikarana mAShayavakayoravaratvaM shimbishUka- dhAnyorvarAvaratvam (25) · Śloka 25

ಮಾಷೋಽತ್ರ ಸರ್ವೇಷ್ವವರೋ ಯವಕಃ ಶೂಕಜೇಷು ಚ||೨೫||

Adhikarana navapurANAdidhAnyaguNAHsUpyasya laghutvAva (26) · Śloka 26

ನವಂ ಧಾನ್ಯಮಭಿಷ್ಯನ್ದಿ ಸೇಕ್ಯಂ ಕೇದಾರಜಂ ಚ ಯತ್| ಲಘು ವರ್ಷೋಷಿತಂ ದಗ್ಧಭೂಮಿಜಂ ಸ್ಥಲಸಮ್ಭಮ್| ಶೀಘ್ರಜನ್ಮ ತಥಾ ಸೂಪ್ಯಂ ನಿಸ್ತುಷಂ ಯುಕ್ತಿಭರ್ಜಿತಮ್||೨೬||

Adhikarana (3) kRutAnnavargaH maNDapeyAdInAM yathApUrva lAghavam| (27) · Śloka 27

ಮಣ್ಡಪೇಯಾವಿಲೇಪೀನಾಮೋದನಸ್ಯ ಚ ಲಾಘವಮ್| ಯಥಾಪೂರ್ವ............................||೨೭||

Adhikarana maNDaguNAH (28) · Śloka 28

.................ಶಿವಸ್ತತ್ರ ಮಣ್ಡೋ ವಾತಾನುಲೋಮನಃ| ತೃಙ್ಗಾನಿದೋಷಶೇಷಘ್ನಃ ಪಾಚನೋ ಧಾತುಸಾಮ್ಯಕೃತ್| ಸ್ರೋತೋಮಾರ್ದವಕೃತ್ಸ್ವೇದೀ ಸನ್ಧುಕ್ಷಯತಿ ಚಾನಲಮ್||೨೮||

Adhikarana peyAguNAH (29) · Śloka 29

ಕ್ಷುತ್ತೃಷ್ಣಾಗ್ಲಾನಿದೌರ್ಬಲ್ಯಕುಕ್ಷಿರೋಗಜ್ವರಾಪಹಾ| ಮಲಾನುಲೋಮಿನೀ ಪಥ್ಯಾ ಪೇಯಾ ದೀಪನಪಾಚನೀ||೨೯||

Adhikarana vilepIguNAH (30) · Śloka 30

ವಿಲೇಪೀ ಗ್ರಾಹಿಣೀ ಹೃದ್ಯಾ ತೃಷ್ಣಾಘ್ನೀ ದೀಪನೀ ಹಿತಾ| ವ್ರಣಾಕ್ಷಿರೋಗಸಂಶುದ್ಧದುರ್ಬಲಸ್ನೇಹಪಾಯಿನಾಮ್||೩೦||

Adhikarana odanasya gurulAghavam (31) · Śloka 31

ಸುಧೌತಃ ಪ್ರಸ್ರುತಃ ಸ್ವಿನ್ನಸ್ತ್ಯಕ್ತೋಷ್ಮಾ ಚೌದನೋ ಲಘುಃ| ಯಶ್ಚಾಗ್ನೇಯೌಷಧಕ್ವಾಥಸಾಧಿತೋ ಭೃಷ್ಟತಣ್ಡುಲಃ| ವಿಪರೀತೋ ಗುರುಃ ಕ್ಷೀರಮಾಂಸಾದ್ಯೈರ್ಯಶ್ಚ ಸಾಧಿತಃ||೩೧||

Adhikarana dravyakriyAdibhiH kRutAnnasya gurulAghavaM peyAdInAM guNAH (32) · Śloka 32

ಇತಿ ದ್ರವ್ಯಕ್ರಿಯಾಯೋಗಮಾನಾದ್ಯೈಃ ಸರ್ವಮಾದಿಶೇತ್||೩೨||

Adhikarana mAMsaraguNAH (33) · Śloka 33

ಶುಷ್ಯತಾಂ ವ್ಯಾಧಿಮುಕ್ತಾನಾಂ ಶುದ್ಧಾನಾಂ ಶುದ್ಧಿಕಾಂಕ್ಷಿಣಾಮ್| ಕೃಶಕ್ಷಾಮತೋರಸ್ಕಕ್ಷೀಣಧಾತ್ವಿನ್ದ್ರಿಯೌಜಸಾಮ್| ದೃಷ್ಟಿಶ್ರವಣವಹನ್ಯಾಯುರ್ಬಲವರ್ಣಸ್ವರಾರ್ಥಿನಾಮ್| ಭಗ್ನವಿಶ್ಲಿಷ್ಟಸಂಧೀನಾ ವ್ರಣಿನಾಂ ವಾತರೋಗಿಣಾಮ್| ಹೃದ್ಯಃ ಪಥ್ಯಂಃ ಪರಂ ವೃಷ್ಯೋ ಬೃಂಹಣಃ ಪ್ರೀಣನೋ ರಸಃ||೩೩||

Adhikarana maudgarasaguNAH (34) · Śloka 34

ಮೌದ್ಗಸ್ತು ಪಥ್ಯಃ ಸಂಶುದ್ಧವ್ರಣಕಣ್ಠಾಕ್ಷಿರೋಗಿಣಾಮ್||೩೪||

Adhikarana kaulattharasaguNAH (35) · Śloka 35

ವಾತಾನುಲೋಮೀ ಕೌಲತ್ಥೋ ಗುಲ್ಮತೂನಿಪ್ರತೂನಿಜಿತ್||೩೫||

Adhikarana mAShasUpaguNAH (36) · Śloka 36

ಪ್ರಭೂತಾಭ್ಯನ್ತರಮಲೋ ಮಾಷಸೂಪಃ ಪರಂ ಸ್ಮೃತಃ||೩೬||

Adhikarana khalakAmbalikaguNAH (37) · Śloka 37

ಖಲಕಾಮ್ಬಲಿಕೌ ಹೃದ್ಯೌ ಚ್ಛೇದಿನೌ ಸ್ವೌಷಧಾನುಗೌ||೩೭||

Adhikarana rasayUShakhalAnAM lakShaNAni (38) · Śloka 38

ಪಿಶಿತೇನ ರಸಸ್ತತ್ರ ಯೂಷೋ ಧಾನ್ಯೈಃ ಖಲಃ ಫಲೈಃ||೩೮||

Adhikarana kAmbalikalakShaNam (39) · Śloka 39

ಮೂಲೈಶ್ಚ ತಿಲಕಲ್ಕಾಮ್ಲಪ್ರಾಯಃ ಕಾಮ್ಬಲಿಕಃ ಸ್ಮೃತಃ||೩೯||

Adhikarana mAMsarasAdInAM kRutAkRutalakShaNam (40) · Śloka 40

ಜ್ಞೇಯಾಃ ಕೃತಾಕೃತಾಸ್ತೇ ತು ಸ್ನೇಹಾದಿಯುತವರ್ಜಿತಾಃ||೪೦||

Adhikarana dakalAvaNikalakShaNam (41) · Śloka 41

ಅಲ್ಪಮಾಂಸಾದಯಃ ಸ್ವಚ್ಛಾ ದಕಲಾವಣಿಕಾಃ ಸ್ಮೃತಾಃ||೪೧||

Adhikarana yUShAdInAmuttarottaraM gurutvam (42) · Śloka 42

ವಿದ್ಯಾದ್ಯೂಷೇ ರಸೇ ಸೂಪೇ ಶಾಕೇ ಚೈವೋತ್ತರೋತ್ತರಮ್| ಗೌರವಂ ತನುಸಾನ್ದ್ರಾಮ್ಲಸ್ವಾದುಷ್ವೇಷು ಪೃಥಕ್ ತಥಾ||೪೨||

Adhikarana tilapiNyAkavikRutyAdInAM guNAH (43) · Śloka 43

ತಿಲಪಿಣ್ಯಾಕವಿಕೃತಿಃ ಶುಷ್ಕಶಾಕಂ ವಿರೂಢಕಮ್| ಚಾಣ್ಡಾಕೀವಟಕಂ ದೃಗ್ಘ್ನಂ ದೋಷಲಂ ಗ್ಲಪನಂ ಗುರು||೪೩||

Adhikarana parpaTakShAraparpaTayorguNAH (44) · Śloka 44

ಪರ್ಪಟಾ ಲಘವೋ ರೂಚ್ಯಾ ಲಘೀಯಾನ್ ಕ್ಷಾರಪರ್ಪಟಃ||೪೪||

Adhikarana rAgaShADavayoguNAH (45) · Śloka 45

ಹೃದ್ಯಾ ವೃಷ್ಯಾ ರುಚಿಕರಾ ಗುರವೋ ರಾಗಷಾಡವಾಃ| ಪ್ರೀಣನಾ ಭ್ರಮತೃಟ್ಚ್ಛರ್ದಿಮದಮೂರ್ಚ್ಛಾಶ್ರಮಚ್ಛಿದಃ||೪೫||

Adhikarana manthaguNAH rasAlAguNAH (47) · Śloka 47

ತೃಟ್ಚ್ಛರ್ದಿಶ್ರಮನುನ್ಮನ್ಥಃ ಶೀತಃ ಸದ್ಯೋಬಲಪ್ರದಃ| ಪ್ರಮೇಹಕ್ಷಯಕುಷ್ಠಾನಿ ನ ಚ ಸ್ಯುರ್ಮನ್ಥಪಾಯಿನಃ||೪೬|| ರಸಾಲಾ ಬೃಂಹಣೀ ವೃಷ್ಯಾ ಸ್ನಿಗ್ಧಾ ಬಲ್ಯಾ ರುಚಿಪ್ರದಾ||೪೭||

Adhikarana pAnakaguNAH (48) · Śloka 48

ಶ್ರಮಕ್ಷುತ್ತೃಟ್ಕ್ಲಮಹರಂ ಪಾನಕಂ ಪ್ರೀಣನಂ ಗುರು| ವಿಷ್ಟಮ್ಭಿ ಮೂತ್ರಲಂ ಹೃದ್ಯಂ ಯಥಾದ್ರವ್ಯಗುಣಂ ಚ ತತ್||೪೮||

Adhikarana lAjAguNAH (49) · Śloka 49

ಲಾಜಾಸ್ತೃಟೂಚ್ಛರ್ದ್ಯತೀಸಾರಮೇಹಮೇದಃಕಫಚ್ಛಿದಃ| ಕಾಸಪಿತ್ತೋಪಶಮನಾ ದೀಪನಾ ಲಘವೋ ಹಿಮಾಃ||೪೯||

Adhikarana pRuthukaguNAH (50) · Śloka 50

ಪೃಥುಕಾ ಗುರವೋ ಬಲ್ಯಾಃ ಕಫವಿಷ್ಟಮ್ಭಕಾರಿಣಃ||೫೦||

Adhikarana dhAnAguNAH (51) · Śloka 51

ಧಾನಾವಿಷ್ಟಮ್ಭಿನೀ ರುಕ್ಷಾ ತರ್ಪಣೀ ಲೇಖನೀ ಗುರುಃ||೫೧||

Adhikarana saktuprabhRutInAM guNAH (52) · Śloka 52

ಕಣ್ಠನೇತ್ರಾಮಯಕ್ಷುತ್ತೃಟ್ಶ್ರಮಛರ್ದಿವ್ರಣಾಪಹಾಃ| ಸಕ್ತವೋ ಲಘವಃ ಪಾನಾತ್ ಸದ್ಯ ಏವ ಬಲಪ್ರದಾಃ| ನಿಚಯಾತ್ ಕಠಿನಾ ಗುರ್ವೀ ಪ್ರೋಕ್ತಾ ಪಿಣ್ಡೀ ಮೃದುರ್ಲಘುಃ| ಸಕ್ತೂನಾಮ್ ದ್ರವತಾಯೋಗಾಲ್ಲಘೀಯಸ್ಯವಲೇಹಿಕಾ| ಶಷ್ಕುಲೀಮೋದಕಾದೀನಾಂ ವ್ಯಾಖ್ಯಾತೈವಂ ಚ ಕಲ್ಪನಾ||೫೨||

Adhikarana saktubhakShaNe niyamAH (53) · Śloka 53

ನೋದಕಾನ್ತರಿತಾನ್ನ ದ್ವಿರ್ನ ನಿಶಾಯಾಂ ನ ಕೇವಲಾನ್| ನ ಭುಕ್ತ್ವಾ ನ ದ್ವಿಜೈಶ್ಛಿತ್ವಾ ಸಕ್ತೂನಧ್ಯನ್ನ ವಾ ಬಹುನ್||೫೩||

Adhikarana karkandhubadarAdi saktuguNAH (54) · Śloka 54

ಕರ್ಕನ್ಧುಬದರಾದೀನಾಂ ಶ್ರಮತೃಷ್ಣಾಕ್ಲಮಚ್ಛಿದಃ| ಸಕ್ತಬೋಽಮ್ಲರಸಾ ಹೃಘಾ ಯಥಾದ್ರವ್ಯಗುಣಾಶ್ಚ ತೇ||೫೪||

Adhikarana piNyAkaguNAH (55) · Śloka 55

ಪಿಣ್ಯಾಕೋ ಗ್ಲಪನೋ ರೂಕ್ಷೋ ವಿಷ್ಟಮ್ಭೀ ದೃಷ್ಟಿದೂಷಣಃ||೫೫||

Adhikarana veSavAraguNAH (56) · Śloka 56

ವೇಶವಾರೋ ಗುರುಃ ಸ್ನಿಗ್ಧೋ ಬಲೋಪಚಯವರ್ಧನಃ||೫೬||

Adhikarana mudgAdijAnAM veSavArANAM guNAH (57) · Śloka 57

ಮುದ್ಗಾಜಿಜಾಸ್ತು ಗುರವೋ ಯಥಾದ್ರವ್ಯಗುಣಾನುಗಾಃ||೫೭||

Adhikarana kukUlAdipakvAnAmapUpAnAM yathottaraM laGutvamGAryAdInAM yathottaraM gurutvam (58) · Śloka 58

ಕುಕೂಲಕರ್ಪರಭ್ರಾಷ್ಟಕನ್ದ್ವಙ್ಗಾರವಿಪಾಚಿತಾನ್| ಏಕಯೋನೀನ್ ಸಘೂನ್ವಿದ್ಯಾದಪೂಪಾನುತ್ತರೋತ್ತರಮ್| ಘಾರೀ ಕೇಡರಿಕಾದ್ಯಾಶ್ಚ ಗುರವಶ್ಚ ಯಥೋತ್ತರಮ್||೫೮||

Adhikarana (4) mAMsavargaH mRugavargaH (59) · Śloka 59

ಹರಿಣೈಣಕುರಙ್ಗರ್ಶ್ಯಗೋಕರ್ಣಮೃಗಮಾತೃಕಾಃ| ಕಾಲಪುಚ್ಛಕಚಾರುಷ್ಕವರಪೋತಶಶೋರಣಾಃ| ಶ್ವದಂಷ್ಟ್ರಾಮಶರಭಕೋಹಕಾರಕಶಮ್ಭರಾಃ| ಕರಾಲಕೃತಮಾಲೌ ಚ ಪೃಷತಶ್ಚ ಮೃಗಾಃ ಸ್ಮೃತಾಃ||೫೯||

Adhikarana viShkiravargaH (60) · Śloka 60

ಲಾವವಾತೀಕವರ್ತೀರರಕ್ತವರ್ತ್ಮಕಕಕ್ಕುಭಾಃ| ಕಪಿಞ್ಜಲೋಪಚಕ್ರಾಖ್ಯಾಚಕೋರರುರುಬಾಹವಃ| ವರ್ತಕೋ ವರ್ತಿಕಾ ಚೇತಿ ತಿತ್ತಿರಿಃ ಕ್ರಕರಃ ಶಿಖೀ| ತಾಮ್ರಚೂಡಾಖ್ಯವರಕಗೋನರ್ದಗಿರಿವರ್ತಿಕಾಃ| ತಥಾ ಶಾರಪದೇನ್ದ್ರಾಹ್ವವಾರಟಾಶ್ಚೇತಿ ವಿಷ್ಕಿರಾಃ||೬೦||

Adhikarana pratudavargaH (61) · Śloka 61

ಶತಪತ್ರೋ ಭೃಙ್ಗರಾಜಃ ಕೋಯಷ್ಟೀ ಜೀವಜೀವಕಃ| ಖಞ್ಜರೀಟಕಹಾರೀತದುರ್ನಾಮಾರಿಕೃಶಾಗ್ರಹಾಃ| ಲಟ್ವಾ ಲಡೂಷೋ ವಟಹಾ ಗೋಕ್ಷ್ವೇಲೋ ಡಿಣ್ಡಿಮಾಣವಃ| ಜಟೀ ದುನ್ದುಭಿಪಾರ್ಕಾರಲೋಹಪೃಷ್ಠಕುಲಿಙ್ಗಕಾಃ| ಶಾರಿಕಾಶುಕಶಾರ್ಙ್ಗಾಚಿರೀಟೀಕಕುಯಷ್ಟಿಕಾಃ| ಮಞ್ಜರೀಯಕದಾತ್ಯೂಹಗೋಧಾಪುತ್ರಪ್ರಿಯಾತ್ಮಜಾಃ| ಕಲವಿಙ್ಕಃ ಪರಭೃತಃ ಕಪೋತೋಽಙ್ಗಾರಚೂಡಕಃ| ಪಾರಾವತಃ ಪಾಣವಿಕ ಇತ್ಯುಕ್ತಾಃ ಪ್ರತುದಾ ದ್ವಿಜಾಃ||೬೧||

Adhikarana bileSayavargaH (62) · Śloka 62

ಶ್ವೇತಃ ಶ್ಯಾಮಶ್ಚಿತ್ರಪೃಷ್ಠಃ ಕಾಲಕಃ ಕಾಕುಲೀ ಮೃಗಃ| ಭೇಕಚಿಲ್ಲಟಕೂಚೀಕಾ ಗೋಧಾಶಲ್ಯಕಶಾಣ್ಡಕಾಃ| ವೃಷಾಹಿಕದಲೀಶ್ವಾವಿನ್ನಕುಲಾದ್ಯಾ ಬಿಲೇಶಯಾಃ||೬೨||

Adhikarana prasahavargaH (63) · Śloka 63

ಗೋಖರಾಶ್ವತರೋಷ್ಟ್ರಾಶ್ವದ್ವೀಪಿಸಿಂಹರ್ಕ್ಷವಾನರಾಃ| ಮಾರ್ಜಾರಮೂಷಿಕವ್ಯಾಘ್ರವೃಕಬಭ್ರುತರಕ್ಷವಃ| ಲೋಪಾಕಜಮ್ಬುಕಶ್ಯೇನಚಾಷೋಲೂಕಶ್ವವಾಯಸಾಃ| ಶಶಘ್ನೀಭಾಸಕುರರಗೃಧ್ರವೇಶ್ಯಕುಲಿಙ್ಗಕಾಃ| ಧೂಮಿಕಾ ಮಧುಹಾ ಚೇತಿ ಪ್ರಸಹಾಮೃಗಪಕ್ಷಿಣಃ||೬೩||

Adhikarana mahAmRugAH (64) · Śloka 64

ಮಹಿಷನ್ಯಙ್ಕುರೋಹೀತವರಾಹರುರುವಾರಣಾಃ| ಸುಮರಶ್ಚಮರಃ ಖಡ್ಗೋ ಗವಯಶ್ಚ ಮಹಾಮೃಗಾಃ||೬೪||

Adhikarana jalacArivargaH (65) · Śloka 65

ಹಂಸಸಾರಸಕಾದಮ್ಬಬಕಕಾರಣ್ಡವಪ್ಲವಾಃ| ಮೃಣಾಲಕಣ್ಠಚಕ್ರಾಹ್ವಬಲಾಕಾ ರಕ್ತಶೀರ್ಷಕಾಃ| ಉತ್ಕ್ರೋಶಪುಣ್ಡರೀಕಾಕ್ಷಶರಾರೀಮಣಿತುಣ್ಡಕಾಃ| ಕಾಕತುಣ್ಡಘನಾರಾವಮದ್ಗುಕ್ರೌಞ್ಚಾಮ್ಬುಕುಕ್ಕುಟಾಃ| ನಂದ್ಯಾಸ್ಯಮಲ್ಲಿಕಾದ್ಯಾಶ್ಚ ಪಕ್ಷಿಣೋ ಜಲಚಾರಿಣಃ||೬೫||

Adhikarana matsyavargaH (66) · Śloka 66

ಮತ್ಸ್ಯಾರೋಹಿತಪಾಠೀನಕೂರ್ಮಕುಮ್ಭೀರಕರ್ಕಟಾಃ| ಶುಕ್ತಿಶಙ್ಹ್ಖೋದ್ರುಶಮ್ಬೂಕಶಫರೀವರ್ತ್ಮಿಚನ್ದ್ರಿಕಾಃ| ಬೋಲೂಕೀನಕ್ರಮಕರಶಿಶುಮಾರತಿಮಿಙ್ಗಲಾಃ| ರಾಜೀ ಚಿಲಿಚಿಮಾದ್ಯಾಶ್ಚ ಮಾಂಸಮಿತ್ಯಾಹುರಷ್ಟಧಾ||೬೬||

Adhikarana ajAvyoH yojyanishcayaH (67) · Śloka 67

ಯೋನಿಷ್ವಜಾವೀ ವ್ಯಾಮಿಶ್ರಗೋಚರತ್ವಾದನಿಶ್ಚಿತೇ||೬೭||

Adhikarana mAMsasya traividhyAdi (68) · Śloka 68

ಅದ್ಯಾನ್ತ್ಯಾ ಜಾಙ್ಹ್ಗಲಾನೂಪಾ ಮಧ್ಯೌ ಸಾಧಾರಣೌ ಸ್ಮೃತೌ| ವಿಕೀರ್ಯಾದಿಕ್ರಿಯಾಯೋಗೈರ್ಭಕ್ಷಣಾದ್ವಿಷ್ಕಿರಾದಯಃ||೬೮||

Adhikarana jA~ggalamAMsaguNAH (69) · Śloka 69

ತತ್ರ ಬದ್ಧಮಲಾ ರುಚ್ಯಾ ಮಾಂಸಾನಾಮುತ್ತಮಾ ಹಿಮಾಃ| ಕಷಾಯಸ್ವಾದುವಿಶದಾ ಲಘವೋ ಜಾಙ್ಗಲಾ ಹಿತಾಃ| ಪಿತ್ತೋತ್ತರೇ ವಾತಮಧ್ಯೇ ಸನ್ನಿಪಾತೇ ಕಫಾನುಗೇ||೬೯||

Adhikarana hariNaiNayorvarNAH guNASca (70) · Śloka 70

ತಾಮ್ರೋಽತ್ರ ಹರಿಣಃ ಕೃಷ್ಣಸ್ತ್ವೇಣೋ ಹೃದ್ಯಸ್ತ್ರಿದೋಷಜಿತ್| ಲಘೀಯಾನ್ ಷಡ್ರಸಶ್ಚಾಸೌ............................||೭೦||

Adhikarana shashaguNAH (71) · Śloka 71

........................ಗ್ರಾಹಿ ರೂಕ್ಷೋ ಹಿಮಃ ಶಶಃ| ಕಟುಪಾಕೋಽಗ್ನಿಕೃತ್ ಪಥ್ಯಃ ಸನ್ನಿಪಾತೇಽನಿಲಾವರೇ||೭೧||

Adhikarana lAvakapi~jjalayorguNAH (72) · Śloka 72

ತದ್ವಲ್ಲವೋಽಪ್ಯರೂಕ್ಷಸ್ತು ಕಿಞ್ಚಿದ್ರೂಕ್ಷಃ ಕಪಿಞ್ಜಲಃ||೭೨||

Adhikarana vanyapArAvatakapotayorguNAH (73) · Śloka 73

ಪಾರಾವತಾಃ ಕಪೋತಾಶ್ಚ ತದ್ವದ್ವನ್ಯಾಃ ಸುಪೂಜಿತಾಃ||೭೩||

Adhikarana vartakAdInAM sAmAnyaguNAH (74) · Śloka 74

ಈಷದುಷ್ಣಗುರುಸ್ನಿಗ್ಧಾ ಬೃಂಹಣಾ ವರ್ತಕಾದಯಃ||೭೪||

Adhikarana tittiriguNAH (75) · Śloka 75

ತಿತ್ತಿರಿಸ್ತೇಷ್ವಪಿ ವರೋ ಮೇಧಾಗ್ನಿಬಲಶುಕ್ರಕೃ ಗ್ರಾಹೀ ವರ್ಣ್ಯೋಽನಿಲೋಕ್ತಸನ್ನಿಪಾತಹರಃ ಪರಮ್| ಧನ್ವಾನೂಪವಿಚಾರಿತ್ವಾತ್ ಸ್ನಿಗ್ಧೋಷ್ಣಾಗುರೂಬೃಂಹಣಃ||೭೫||

Adhikarana mayUraguNAH (76) · Śloka 76

ನಾತಿಪಥ್ಯಃ ಶಿಖೀ ಪಥ್ಯಃ ಶ್ರೋತ್ರಸ್ವರವಯೋದೃಶಾಮ್||೭೬||

Adhikarana kukkuTaguNAH (77) · Śloka 77

ತದ್ವಚ್ಚ ಕುಕ್ಕುಟೋ ವೃಷ್ಯೋ ಗ್ರಾಮ್ಯಸ್ತು ಶ್ಲೇಷ್ಮಲೋ ಗುರುಃ||೭೭||

Adhikarana krakaropacakrakaguNAH (78) · Śloka 78

ಮೇಧಾನಲಕರಾ ಹೃದ್ಯಾಃ ಕ್ರಕರಾಃ ಸೋಪಚಕ್ರಕಾಃ||೭೮||

Adhikarana kANakapotaguNAH (79) · Śloka 79

ಗುರುಃ ಸಲವಣಃ ಕಾಣಕಪೋತಃ ಸರ್ವದೋಷಕೃತ್||೭೯||

Adhikarana bileSayAdivargANAM yathottaraM gurutvAdisAmAnyaguNASca (80) · Śloka 80

ಗುರೂಷ್ಣಸ್ನಿಗ್ಧಮಧುರಾ ವರ್ಗಾಶ್ಚಾತೋ ಯಥೋತ್ತರಮ್| ಮೂತ್ರಶುಕ್ರಕೃತೋ ಬಲ್ಯಾ ವಾತಘ್ನಾಃ ಕಫಪಿತ್ತಲಾಃ||೮೦||

Adhikarana mahAmRugaguNAH (81) · Śloka 81

ಶೀತಾಮಹಾಮೃಗಾಸ್ತೇಷು.................................||೮೧||

Adhikarana prasahaguNAH (82) · Śloka 82

.................................ಕ್ರವ್ಯಾದಾಃ ಪ್ರಸಹಾಃ ಪುನಃ| ಚಕ್ಷುಷ್ಯಾಃ ಸೃಷ್ಟವಿಣ್ಮೂತ್ರಮಾಂಸಲಾಃ ಕಟುಪಾಕಿನಃ| ಜೀರ್ಣಾರ್ಶೋಗ್ರಹಣೀದೋಷಶೋಷಾರ್ತಾನಾಂ ಪರಂ ಹಿತಾಃ||೮೨||

Adhikarana godhAmUShakaguNAH (83) · Śloka 83

ಗೋಧಾ ನಿಯಚ್ಛತಿ ವಿಷಂ ಮೂಷಿಕಃ ಶುಕ್ರಕರಃ||೮೩||

Adhikarana gomAMsaguNAH (84) · Śloka 84

ಶುಷ್ಕಕಾಸಶ್ರಮಾತ್ಯಾಗ್ನಿವಿಷಮಜ್ವರಪೀನಸಾನ್| ಕಾರ್ಶ್ಯಕೇವಲವಾತಂಶ್ಚ ಗೋಮಾಂಸಂ ಸನ್ನಿಯಶ್ಚತಿ||೮೪||

Adhikarana caTakaguNAH (85) · Śloka 85

ಚಟಕಾಃ ಶ್ಲೇಷ್ಮಲಾಃ ಸ್ನಿಗ್ಧಾ ವಾತಘ್ನಾಃ ಶುಕ್ರಲಾಃ ಪರಮ್||೮೫||

Adhikarana mahiShaguNAH (86) · Śloka 86

ಗುರುಷ್ಣೋ ಮಹಿಷಃ ಸ್ನಿಗ್ಧಃ ಸ್ವಪ್ನದಾರ್ಢ್ಯಬೃಹತ್ವಕೃತ್||೮೬||

Adhikarana varAhaguNAH (87) · Śloka 87

ತದ್ವದ್ವರಾಹಃ ಶ್ರಮಾಹ ರುಚಿಶುಕ್ರಬಲಪ್ರದಃ||೮೭||

Adhikarana haMsaguNAH (88) · Śloka 88

ಹಂಸಃ ಸ್ವರಕರಃ ಪಿತ್ತರಕ್ತಜಿನ್ಮೇದುರೋ ಹಿಮಃ||೮೮||

Adhikarana matsyasAmAnyaguNAH (89) · Śloka 89

ಕಫಪಿತ್ತಕರಾ ಮತ್ಸ್ಯಾಃ ಪರಂ ಪವನನಾಶನಾಃ||೮೯||

Adhikarana rohitamatsyacilicimayorguNAH (90) · Śloka 90

ಪ್ರತಿಸ್ರೋತೋವಿಚಾರಿತ್ವಾದಾಕಾಶಪ್ಲವನೇನ ಚ| ನಿತ್ಯಂ ಶೈವಾಲಭಕ್ಷತ್ವಾದ್ದಿವಾಸ್ವಪ್ನವಿವರ್ಜನಾತ್| ರೋಹಿತಃ ಪ್ರವರಸ್ತೇಷಾಂ ಪರಂ ಚಿಲಿಚಿಮೋಽವರಃ| ಅಗೋಚರವಿಚಾರಿತ್ವಾತ್ ಸರ್ವದೋಷಕರೋ ಹಿ ಸಃ||೯೦||

Adhikarana kulIraguNAH (91) · Śloka 91

ಕುಲೀರಃ ಪರಮಂ ವೃಷ್ಯೋ ಬೃಂಹಣಃ ಪ್ರೀಣನೋ ಗುರುಃ||೯೧||

Adhikarana AjamAMsaguNAH (92) · Śloka 92

ನಾತಿಶೀತಗುರುಸ್ನಿಗ್ಧಂ ಮಾಸಂಮಾಜಮದೋಷಲಮ್| ಶರೀರಧಾತುಸಾಮಾನ್ಯಾದನಭಿಷ್ಯನ್ದಿ ಬೃಹಣಮ್||೯೨||

Adhikarana AvikamAMsaguNAH (93) · Śloka 93

ವಿಪರೀತಮತೋ ಜ್ಞೇಯಮಾವಿಕಂ ಬೃಂಹಣಂ ತು ತತ್||೯೩||

Adhikarana tyAjyaM mAMsam (94) · Śloka 94

ಅತಿಮೇದ್ಯಂ ತ್ಯಜೇನ್ಮಾಂಸಂ ಹತಂ ವ್ಯಾಧಿವಿಷೋಧಕೈಃ| ಸ್ವಯಂ ಮೃತಂ ಧೂಮಪೂರ್ಣಮಗೋಚರಭೃತಂ ಕೃಶಮ್||೯೪||

Adhikarana praSastaM mAMsam (95) · Śloka 95

ಸದ್ಯೋಹತಂ ವಯಸ್ಥಂ ಚ ಶುದ್ಧಂ ಸುರಭಿ ಶಸ್ಯತೇ||೯೫||

Adhikarana svasvavargeShveNAdInAM varatvam (96) · Śloka 96

ಏಣಃ ಕುರಙ್ಗೋ ಹರಿಣಃ ಶಶೋ ಲಾವಃ ಕಪಿಞ್ಜಲಃ| ತಿತ್ತಿರಿಃ ಕ್ರಕರೋ ಗೋಧಾ ಶ್ವಾವಿಡ್ಗೃಧ್ರೋ ಮೃಗಾಧಿಪಃ| ತಥೈವ ಶಾರಿಕಾ ನ್ಯಙ್ಕುರ್ಹಂಸೌ ರೋಹಿತಕಚ್ಛಪೌ| ವರ್ತ್ಮೀ ಚಾಗ್ರ್ಯಾಃ ಸ್ವವರ್ಗೇಷು.......................||೯೬||

Adhikarana vareShu pravarAH (97) · Śloka 97

................................ಪ್ರವರಾಸ್ತೇಷ್ವಪಿ ಸ್ಮೃತಾಃ| ಲಾವೈಣಗೋಧಾಃ ಸಿಂಹಶ್ಚ..................................||೯೭||

Adhikarana svasvavargeShu ninditAH (98) · Śloka 98

.......................................... ನಿನ್ದಿತೌ ಗೌಃ ಸದರ್ದುರಃ| ಋಶ್ಯಃ ಕಾಣಕಪೋತಶ್ಚ ಶೋಷಮುಕ್ತಂ ಯಥಾಯಥಮ್||೯೮||

Adhikarana aNDAnAM gurutvaM, bAlavRuddhayormAMsaguNAHmAMsAnAM gurulAghavam (99) · Śloka 99

ಗುರುಣ್ಯಣ್ಡಾನಿ ಬಾಲಾನಾಂ ಕಷಾಯಮಧುರಂ ಪಲಮ್| ವೃದ್ಧಾನಾಮ್ ಸ್ನಾಯುಭೂಯಿಷ್ಠಮಬಲ್ಯಂ ಗುರುದೋಷಲಮ್| ಪುಂಸ್ತ್ರಿಯೋಃ ಪೂರ್ವಪಶ್ಚಾರ್ಧೇ ಗುರುಣೀ ಗರ್ಭಿಣೀ ಗುರುಹ್| ಲಘುರ್ಯೋಷಿಚ್ಚತುಷ್ಪಾಸ್ತು ವಿಹಙ್ಗೇಷು ಪುನಃ ಪುಮಾನ್| ಶಿರಃಸ್ಕನ್ಧಾದೀನಾಂ ಯಥಾಪೂರ್ವಂ ಗೌರವಮ್ ಶಿರಸ್ಕನ್ಧೋರುಪೃಷ್ಠಸ್ಯ ಕಟ್ಯಾಃ ಸಕ್ಥ್ನೋಶ್ಚ ಗೌರವಮ್| ತಥಾಽಽಮಪಕ್ವಾಶಯಯೋರ್ಯಥಾಪೂರ್ವಂ ವಿನಿರ್ದೇಶೇತ್| ಶೋಣಿತಾದೀನಾಂ ಯಥೋತ್ತರಂ ಗೌರವಮ್ ಶೋಣಿತಪ್ರಭೃತೀನಾಞ್ಚ ಧಾತೂನಾಮುತ್ತರೋತ್ತರಮ್| ಮಾಂಸಾದ್ ಗರೀಯೋ ವೃಷಣಮೇಢ್ರವೃಕ್ಕಯಕೃದ್ಗುದಮ್||೯೯||

Adhikarana (5)shAkavargaH pAThAdishAkasAmAnyaguNAH (100) · Śloka 100

ಶಾಕಂ ಪಾಠಾ ಶಟೀ ಶ್ರೂಷಾ ಸುನಿಷಣ್ಡ ಸತೀನಜಂ| ತ್ರಿದೋಷಘ್ನಂ ಲಘು ಗ್ರಾಹಿ ಸರಾಜಕ್ಷವವಾಸ್ತುಕಮ್||೧೦೦||

Adhikarana suniShaNNakaguNAH (101) · Śloka 101

ಸುನಿಷಣ್ಣೋಽಗ್ನಿಕೃದ್ವೃಷ್ಯಸ್ತೇಷು...........................||೧೦೧||

Adhikarana rAjakShavavAstukaguNAH (102) · Śloka 102

...................ರಾಜಕ್ಷವಃ ಪರಮ್| ಗ್ರಹಣ್ಯರ್ಶೋವಿಕಾರಘ್ನಃ ವರ್ಚ್ಚೋಭೇದೀ ತು ವಾಸ್ತುಕಃ||೧೦೨||

Adhikarana kAkamAcIguNAH (103) · Śloka 103

ಹನ್ತಿ ದೋಷತ್ರಯಂ ಕುಷ್ಠಂ ವೃಷ್ಯಾ ಸೋಷ್ಣಾ ರಸಾಯನೀ| ಕಾಕಮಾಚೀ ಸರಾ ಸವರ್ಯಾ......................||೧೦೩||

Adhikarana cA~ggerIguNAH (104) · Śloka 104

.......................ಚಾಙ್ಗೇರ್ಯಮ್ಲಾಽಗ್ನಿದೀಪನೀ| ಗ್ರಹಣ್ಯರ್ಶೋಽನಿಲಶ್ಲೇಷ್ಮಹಿತೋಷ್ಣಾ ಗ್ರಾಹಿಣೀ ಲಘುಃ||೧೦೪||

Adhikarana paTolAdInAM sAmAnyaguNAH (105) · Śloka 105

ಪಟೋಲಸಪ್ತಲಾರಿಷ್ಟಶಾರ್ಙ್ಗೇಷ್ಟಾವಲ್ಗುಜಾಮೃತಾಃ| ವೇತ್ರಾಗ್ರಬೃಹತೀವಾಸಾಕುನ್ತಲೀತಿಲಪರ್ಣಿಕಾಃ| ಮಣ್ಡೂಕಪರ್ಣೀಕರ್ಕ್ಕೋಟಕಾರವೇಲ್ಲಕಪರ್ಪಟಾಃ| ನಾಡೀಕಲಾಯಗೋಜಿಹ್ವಾ ವಾರ್ತ್ತಾಕಂ ವನತಿಕ್ತಕಮ್| ಕರೀರಂ ಕೂಲಕಂ ನನ್ದೀ ಕುವೇಲಾ ಶಕುಲಾದನೀ| ಕಠಿಲ್ಲಂ ಕೇಮ್ಬುಕಂ ಶೀತಂ ಸಕೋಶಾತಕಕರ್ಕ್ಕಶಮ್| ತಿಕ್ತಂ ಪಾಕೇ ಕಟು ಗ್ರಾಹಿ ವಾತಲಂ ಕಫಪಿತ್ತಜಿತ್||೧೦೫||

Adhikarana paTolaguNAH (106) · Śloka 106

ಹೃದ್ಯಂ ಪಟೋಲಂ ಕ್ರಿಮಿನುತ್ಸ್ವಾದುಪಾಕಂ ರುಚಿಪ್ರದಮ್||೧೦೬||

Adhikarana bRuhatIdvayaguNAH (107) · Śloka 107

ಪಿತ್ತಲಂ ದೀಪನಂ ಭೇದಿ ವಾತಘ್ನಂ ಬೃಹತೀದ್ವಯಮ್||೧೦೭||

Adhikarana vRuShaguNAH (108) · Śloka 108

ವೃಷಂ ತು ವಮಿಕಾಸಘ್ನಂ ರಕ್ತಪಿತ್ತಹರಂ ಪರಮ್||೧೦೮||

Adhikarana kAravellaguNAH (109) · Śloka 109

ಕಾರವೇಲ್ಲಂ ಸಕಟುಕಂ ದೀಪನಂ ಕಫಪಿತ್ತಜಿತ್||೧೦೯||

Adhikarana vArtAkaguNAH (110) · Śloka 110

ವಾರ್ತಾಕಂ ಕಟುತಿಕ್ತೋಷ್ಣಂ ಮಧುರಂ ಕಫವಾತಜಿತ್| ಸಕ್ಷಾರಮಗ್ನಿಜನನಂ ಹೃದ್ಯಂ ರುಚ್ಯಮಪಿತ್ತಲಮ್||೧೧೦||

Adhikarana karIraguNAH (111) · Śloka 111

ಕರೀರಮಾಧ್ಮಾನಕರಂ ಕಷಾಯಂ ಸ್ವಾದುತಿಕ್ತಕಂ||೧೧೧||

Adhikarana koSAtakAvalgujaguNAH (112) · Śloka 112

ಕೋಶಾತಕಾವಲ್ಗುಜಕೌ ಭೇದಿನಾವಗ್ನಿದೀಪನೌ||೧೧೨||

Adhikarana SyAmAdInAM sAmAnyaguNAH (113) · Śloka 113

ಶ್ಯಾಮಾಶಾಲ್ಮತಿಕಾಶ್ಮರ್ಯಭಞ್ಜೀಕರ್ಣಕಯೂಥಿಕಾಃ| ವೃಕ್ಷಾದಿನೀಕ್ಷೀರವೃಕ್ಷಬಿಮ್ಬೀತನಿಕವೃಕ್ಷಕಾಃ| ಲೋಧ್ರಃ ಶಣಃ ಕಚ್ಛುದಾರಃ ಸಶೇಲುರ್ವೃಷಮುಷ್ಟಿಕಾ| ಭಲ್ಲಾತಕಃ ಕೋವಿದಾರಃ ಕಮಲೋತ್ಪಲಕಿಂಶಕುಮ್| ಪಟೋಲಾದಿಗುಣಂ ಸ್ವಾದು ಕಷಾಯಂ ಪಿತ್ತಜಿತ್ ಪರಮ್||೧೧೩||

Adhikarana Ba~jjIguNAH (114) · Śloka 114

ಬದ್ಧಮೂತ್ರಾ ಸರಾ ಭಞ್ಜೀ............................||೧೧೪||

Adhikarana SatAvarya~gkuraguNAH (115) · Śloka 115

............................ಕರೀರಂ ಸ್ಯಾದಭೀರುಜಮ್| ಸತಿಕ್ತಂ ಲಘು ಚಕ್ಷುಷ್ಯಂ ವೃಷ್ಯಂ ದೋಷತ್ರಯಪ್ರಣುತ್||೧೧೫||

Adhikarana taNDulIyaguNAH (116) · Śloka 116

ತಣ್ಡುಲೀಯೋ ಹಿಮೋ ರೂಕ್ಷಃ ಸ್ವಾದುಪಾಕರಸೋ ಲಘುಃ| ಮದಪಿತ್ತವಿಷಾಸ್ರಘ್ನೋ ....................................||೧೧೬||

Adhikarana mu~jjAtaguNAH (117) · Śloka 117

................ಂಉಞ್ಜಾತಂ ವಾತಪಿತ್ತಜಿತ್| ಸ್ನಿಗ್ಧಂ ಶೀತಂ ಗುರು ಸ್ವಾದು ಬೃಂಹಣಂ ಶುಕ್ರಕೃತ್ ಪರಮ್||೧೧೭||

Adhikarana pAlakyAguNAH (118) · Śloka 118

ಪಾಲಕ್ಯಾ ಪಿಚ್ಛಿಲಾ ಗುರ್ವೀ ಶ್ಲೇಷ್ಮಲಾ ಭೇದಿನೀ ಹಿಮಾಃ||೧೧೮||

Adhikarana upodikAcu~jcuguNAH (119) · Śloka 119

ಮದಘ್ನ್ಯುಪೋದಕಾ ಚುಞ್ಚುರ್ಗ್ರಾಹೀ ತೌ ಪೂರ್ವವತ್ತಥಾ||೧೧೯||

Adhikarana vidArIguNAH (120) · Śloka 120

ವಿದಾರೀ ವಾತಪಿತ್ತಘ್ನೀ ಮೂತ್ರಲಾ ಸ್ವಾದು ಶೀತಲಾ| ಜೀವನೀ ಬೃಂಹಣೀ ಕಣ್ಠ್ಯಾ ಗುರ್ವೀ ವೃಷ್ಯಾ ರಸಾಯನೀ||೧೨೦||

Adhikarana jIvantIguNAH (121) · Śloka 121

ಚಕ್ಷುಷ್ಯಾ ಸರ್ವದೋಷಘ್ನೀ ಜೀವನ್ತೀ ಮಧುರಾ ಹಿಮಾ| ಶಾಕಾನಾಂ ಪ್ರವರಾ ನ್ಯೂನಾ ದ್ವಿತೀಯಾ ಕಿಞ್ಚಿದೇವ ತು||೧೨೧||

Adhikarana bhaNDyAditrayaguNAH (122) · Śloka 122

ವಾತಪಿತ್ತಹರಾ ಭಣ್ಡೀ ಪರ್ವಣೀ ಪರ್ವಪುಷ್ಪಿಕಾ||೧೨೨||

Adhikarana kUShmANDAdInAM sAmAnyaguNAH (123) · Śloka 123

ಕೂಷ್ಮಾಣ್ಡತುಮ್ಬಕಾಲಿಙ್ಗಕರ್ಕಾರೂರ್ವಾರುತಿಣ್ಡಿಶಮ್| ತಥಾ ತ್ರಪುಸಚೀನಾಕಚಿರ್ಭಿಟಂ ಕಫವಾತಕೃತ್| ಭೇದೀ ವಿಷ್ಟಮ್ಭ್ಯಭಿಷ್ಯನ್ದಿ ಸ್ವಾದುಪಾಕರಸಂ ಗುರು||೧೨೩||

Adhikarana kUShmANDaguNAH (124) · Śloka 124

ವಲ್ಲೀಫಲಾನಾಂ ಪ್ರವರಂ ಕೂಷ್ಮಾಣ್ಡಂ ವಾತಪಿತಾಜಿತ್| ಬಸ್ತಿಶುದ್ಧಿಕರಂ ವೃಷ್ಯಂ............................||೧೨೪||

Adhikarana trapusaguNAH (125) · Śloka 125

..................ತ್ರಪುಸಂ ತ್ವತಿಮೂತ್ರಲಮ್||೧೨೫||

Adhikarana tumbaguNAH (126) · Śloka 126

ತುಮ್ಬಂ ರೂಕ್ಷತರಂ ಗ್ರಾಹಿ......................||೧೨೬||

Adhikarana avasthABedena kAli~ggAdiguNAH (127) · Śloka 127

.........................ಕಾಲಿಙ್ಗೋರ್ವಾರುಚಿರ್ಭಿಟಮ್| ಬಾಲಂ ಪಿತ್ತಹರಂ ಶೀತಂ ವಿದ್ಯಾತ್ ಪಕ್ವಮಥೋಽನ್ಯಥಾ| ಶೀರ್ಣವೃನ್ತಂ ತು ಸಕ್ಷಾರಂ ಪಿತ್ತಲಂ ಕಫವಾತಜಿತ್| ರೋಚನಂ ದೀಪನಂ ಹೃದ್ಯಮಷ್ಠೀಲಾನಾಹನುಲ್ಲಘು||೧೨೭||

Adhikarana mRuNAlAdiguNAH (128) · Śloka 128

ಮೃಣಾಲಬಿಸಶಾಲೂಕಶ್ರೃಙ್ಗಾಟಕಕಶೇರುಕಾಃ| ನನ್ದೀಮಾಷಕಕೇಲೂಟಕ್ರೌಞ್ಚಾದನಕಲೋಡ್ಯಕಮ್| ಸತರೂಢಂ ಕದಮ್ಬಂ ಚ ರೂಕ್ಷಂ ಗ್ರಾಹಿ ಹಿಮಂ ಗುರು||೧೨೮||

Adhikarana kalambAdiguNAH (129) · Śloka 129

ಕಲಮ್ಬುನಾಲಿಕಾಮಾಷಕಠಿಞ್ಜರಕುತುಮ್ಬಕಮ್| ಚಿಲ್ಲೀಲಟ್ವಾಕನಿಷ್ಪಾವಕುರೂಟಕಗವೇಧುಕಾಃ| ಯಾತುಕಾ ಸಾಲಕಲ್ಯಾಣೀ ಶ್ರೀಪರ್ಣೀ ಪೀಲುಪರ್ಣಿಕಾ| ಕುಮಾರೀ ಜೀವಲೋಣೀಕಾ ಯವಶಾಕಸುವರ್ಚಲಾಃ| ಕುಷ್ಮಾಣ್ಡನೀಲಿನೀ ಸ್ವರ್ಚಾ ವೃಕಧೂಮಕಲಕ್ಷ್ಮಣಾ| ಆಲೂಪಾನಿ ಚ ಸರ್ವಾಣಿ ತಥಾ ಸೂಪ್ಯಾನಿ ರಾಲಕಃ| ಜೀವನ್ತಿಕಞ್ಚುಞ್ಚುಪರ್ಣೀಪ್ರಪುನ್ನಾಟಕುಬೇರಕಮ್| ಸ್ವಾದು ರೂಕ್ಷಂ ಸಲವಣಂ ವಾತಶ್ಲೇಷ್ಮಕರಂ ಗುರು| ಶೀತಲಂ ಸೃಷ್ಟವಿಣ್ಮೂತ್ರಂ ಪ್ರಾಯೋ ವಿಷ್ಟಭ್ಯ ಜೀರ್ಯತಿ| ಸ್ವಿನ್ನಂ ನಿಷ್ಪೀಡಿತರಸಂ ಸ್ನೇಹಾಢ್ಯಂ ನಾತಿದೋಷಲಮ್||೧೨೯||

Adhikarana cillIguNAH (130) · Śloka 130

ಲಘುಪತ್ರಾ ತು ಯಾ ಚಿಲ್ಲೀ ಸಾ ವಾಸ್ತುಕಸಮಾ ಮತಾ||೧೩೦||

Adhikarana takkArIvaraNayorguNAH (131) · Śloka 131

ತಕ್ಕಾರೀವರಣಂ ಸ್ವಾದು ಸತಿಕ್ತಂ ಕಫವಾತಜಿತ್||೧೩೧||

Adhikarana varShABUkAlaSAkAnAM guNAH (132) · Śloka 132

ವರ್ಷಾಭ್ವೌ ಕಾಲಶಾಕಂ ಚ ಸಕ್ಷಾರಂ ಕಟು ತಿಕ್ತಕಮ್| ದೀಪನಂ ಭೇದನಂ ಹನ್ತಿ ಗರಶೋಫಕಫಾನಿಲಾನ್||೧೩೨||

Adhikarana ciribilvA~gkuraguNAH (133) · Śloka 133

ದೀಪನಾಃ ಕಫವಾತಘ್ನಾಶ್ಚಿರಿಬಿಲ್ವಾಙ್ಕುರಾಃ ಸರಾಃ||೧೩೩||

Adhikarana urUbUkalA~ggalyorguNAH (134) · Śloka 134

ಲಘುರುಷ್ಣಾ ಸರಾ ತಿಕ್ತಾ ಸೋರುಬೂಕಾ ಚ ಲಾಙ್ಗಲೀ||೧೩೪||

Adhikarana tilavetasayorguNAH (135) · Śloka 135

ವಾತಲೌ ಕಟುತಿಕ್ತಾಮ್ಲೌ ಭೇದಿನೌ ತಿಲವೇತಸೌ||೧೩೫||

Adhikarana pa~jcA~ggulaguNAH (136) · Śloka 136

ತದ್ವತ್ಪಞ್ಚಾಙ್ಗುಲೋ...................||೧೩೬||

Adhikarana vaMSakarIraguNAH (137) · Śloka 137

.............ವಂಶಕರೀರಾಸ್ತು ವಿದಾಹಿನಃ| ವಾತಪಿತ್ತಕರಾ ರೂಕ್ಷಾಃ ಕಟುಪಾಕಾಃ ಕಫಾಪಹಾಃ||೧೩೭||

Adhikarana bilvAdi SAkatrayaguNAH (138) · Śloka 138

ಬಿಲ್ವರಾಸ್ನಾಬಲಾಶಾಕಂ ವಾತಘ್ನಮತಿಸಾರಜಿತ್||೧೩೮||

Adhikarana vatsAdanyAdiguNAH (139) · Śloka 139

ವಾಯುಂ ವತ್ಸಾದನೀ ಹನ್ಯಾತ್ ಕಫಂ ಗಣ್ಡೀರಚಿತ್ರಕೌ||೧೩೯||

Adhikarana pattUraguNAH (140) · Śloka 140

ಪತ್ತೂರೋ ದೀಪನಸ್ತಿಕ್ತಃ ಪ್ಲೀಹಾರ್ಶಃಕಫವಾತಜಿತ್||೧೪೦||

Adhikarana kAsamardaguNAH (141) · Śloka 141

ಕ್ರಿಮಿಕಾಸಕಫೋತ್ಕ್ಲೇದಾನ್ಕಾಸಮರ್ದೋ ಜಯೇತ್ಸರಃ||೧೪೧||

Adhikarana kausumBaSAkaguNAH (142) · Śloka 142

ರೂಕ್ಷೋಷ್ಣಮಮ್ಲಂ ಕೌಸುಮ್ಭಂ ಗುರು ಪಿತ್ತಕರಂ ಸರಮ್||೧೪೨||

Adhikarana sArShapashAkaguNAH (143) · Śloka 143

ಸಕ್ಷಾರಂ ಮಧುರಂ ಸ್ನಿಗ್ಧಮುಷ್ಣಂ ಗುರು ಚ ಸಾರ್ಷಪಮ್| ಶಾಕಾನಾಮವರಂ ಬದ್ಧವಿಣ್ಮೂತ್ರಂ ಸರ್ವದೋಷಕೃತ್||೧೪೩||

Adhikarana avasthAdiBedena mUlakaguNAH (144) · Śloka 144

ಯದ್ಬಾಲಮವ್ಯಕ್ತರಸಂ ಕಿಞ್ಚಿತ್ಕ್ಷಾರಂ ಸತಿಕ್ತಕಮ್| ತನ್ಮೂಲಕಂ ದೋಷಹರಂ ಲಘು ಸೋಷ್ಣಂ ನಿಯಚ್ಛತಿ| ಗುಲ್ಮಕಾಸಕ್ಷಯಶ್ವಾಸವ್ರಣನೇತ್ರಗಲಾಮಯಾನ್| ಸ್ವರಾಗ್ನಿಸಾದೋದಾವರ್ತಪೀನಸಾಂಶ್ಚ ಮಹತ್ಪುನಃ| ಗುರೂಷ್ಣಕಟುಕಂ ಸ್ವಾದು ವಿಪಾಕಂ ಸರ್ವದೋಷಕೃತ್| ಗುರ್ವಭಿಷ್ಯನ್ದಿ ಚ ಸ್ನಿಗ್ಧಸಿದ್ಧಂ ತದಪಿ ವಾತಜಿತ್| ವಾತಶ್ಲೇಷ್ಮಹರಂ ಶುಷ್ಕಂ ಸರ್ವಮಾಮಂ ತು ದೋಷಲಮ್||೧೪೪||

Adhikarana piNDAlukaguNAH (145) · Śloka 145

ಕಟೂಷ್ಣೋ ವಾತಕಫಹಾ ಪಿಣ್ಡಾಲುಃ ಪಿತ್ತವರ್ಧನಃ||೧೪೫||

Adhikarana kuTherAdiguNAH (haritavargaH) (146) · Śloka 146

ಕುಠೇರಶಿಗ್ರುಸುರಸಸುಮುಖಾಸುರಿಭೂಸ್ತೃಣಾಃ| ಧಾನ್ಯತುಮ್ಬುರುಶೈಲೇಯಯವಾನೀ ಶೃಙ್ಗಿವೇರಕಾಃ| ಪರ್ಣಾಸೋ ಗೃಞ್ಜನೋಽಜಾಜೀ ಜೀರಕಂ ಗಜಪಿಪ್ಪಲೀ| ಫಣಿರ್ಜಾರ್ಜಕಜಮ್ಬೀರಖರಾಹ್ವಾಕಾಲಮಾಲಿಕಾಃ| ದೀಪ್ಯಕಃ ಕ್ಷವಕದ್ವೀಪಿಬಸ್ತಗನ್ಧಾದಿ ಬದ್ಧವಿಟ್| ರಸೇ ಪಾಕೇ ಚ ಕಟುಕಂ ದೋಷೋತ್ಕ್ಲೇಶಕರಂ ಲಘು| ವಿದಾಹಿ ರೂಕ್ಷತೀಕ್ಷ್ಣೋಷ್ಣಂ ದೃಕ್ಶುಕ್ರಕ್ರಿಮಿನಾಶನಮ್| ವರ್ಗೋ ಹರಿತಕಾಖ್ಯೋಽಯಮುಪದಂಶೇಷು ಯುಜ್ಯತೇ| ವಾಸನೋ ವ್ಯಞ್ಜನಾನಾಂ ಚ ಹೃದ್ಯೋ ದೀಪನರೋಚನಃ||೧೪೬||

Adhikarana surasasumuKadhAnakAnAM guNAH (147) · Śloka 147

ಹಿಧ್ಮಾಕಾಸವಿಷಶ್ವಾಸಪಾರ್ಶ್ವರುಕ್ಪೂತಿಗನ್ಧಹಾ| ಸುರಸಃ ಸುಮುಖಃ ಶೋಫಗನ್ಧಹಾ ಧಾನಕಾ ಪುನಃ| ಕಷಾಯತಿಕ್ತಮಧುರಾ ಮೂತ್ರಲಾ ನ ಚ ಪಿತ್ತಕೃತ್||೧೪೭||

Adhikarana KarAhvacitrakayorguNAH (148) · Śloka 148

ಖರಾಹ್ವಾ ಬಸ್ತಿಶೂಲಘ್ನೀ ಚಿತ್ರಕೋ ದೀಪನಃ ಪರಮ್||೧೪೮||

Adhikarana lashunaguNAH (149) · Śloka 149

ಪತ್ರೇ ಸಕ್ಷಾರಮಧುರೋ ಮಧ್ಯೇ ಮಧುರಪಿಚ್ಛಿಲಃ| ತೀಕ್ಷ್ಣೋಷ್ಣೋ ಲಶುನಃ ಕನ್ದೇ ಕಟುಪಾಕರಸಃ ಸರಃ| ಹೃದ್ಯಃ ಕೇಶ್ಯಃ ಗುರುರ್ಬೃಷ್ಯಃ ಸ್ನಿಗ್ಧೋ ರೋಚನದೀಪನಃ| ಭಗ್ನಸನ್ಧಾನಕೃದ್ ಬಲ್ಯೋ ರಕ್ತಪಿತ್ತಪ್ರದೂಷಣಃ| ಕಿಲಾಸಕುಷ್ಠಗುಲ್ಮಾರ್ಶೀಮೇಹಕ್ರಿಮಿಕಫಾನಿಲಾನ್| ಸಹಿಧ್ಮಾಪೀನಸಶ್ವಾಸಕಾಸಾನ್ ಹನ್ತಿ ರಸಾಯನಮ್||೧೪೯||

Adhikarana palANDuguNAH (150) · Śloka 150

ಪಲಾಣ್ಡುಸ್ತದ್ಗುಣೈರ್ನ್ಯೂನೋ ವಿಪಾಕೇ ಮಧುರಸ್ತು ಸಃ| ಕಫಂ ಕರೋತಿ ನೋ ಪಿತ್ತಂ ಕೇವಲಾನಿಲನಾಶನಃ||೧೫೦||

Adhikarana sUraNabhUkandayorguNAH (151) · Śloka 151

ದೀಪನಃ ಸೂರಣೋ ರೂಚ್ಯಃ ಕಫಘ್ನೋ ವಿಶದೋ ಲಘುಃ| ವಿಶೇಷಾದರ್ಶಸಾಂ ಪಥ್ಯೋ ಭೂಕನ್ದಸ್ತ್ವತಿದೋಷಲಃ||೧೫೧||

Adhikarana shAkAnAM patrapuShpAdikrameNa yathottaraM gurutvam (152) · Śloka 152

ಪತ್ರೇ ಪುಷ್ಪೇ ಫಲೇ ನಾಲೇ ಕನ್ದೇ ಚ ಗುರುತಾ ಕ್ರಮಾತ್||೧೫೨||

Adhikarana varAvaraSAkam (153) · Śloka 153

ವರಾ ಶಾಕೇಷು ಜೀವನ್ತೀ ಸಾರ್ಷಪಾಸ್ತ್ವವರಾಃ ಪರಮ್||೧೫೩||

Adhikarana (6) PalavargaH drAkShAguNAH (154) · Śloka 154

ದ್ರಾಕ್ಷಾ ಫಲೋತ್ತಮಾ ವೃಷ್ಯಾ ಚಕ್ಷುಷ್ಯಾ ಸೃಷ್ಟಮೂತ್ರವಿಟ್| ಸ್ವಾದು ಪಾಕರಸಾ ಸ್ನಿಗ್ಧಾ ಸಕಷಾಯಾ ಹಿಮಾ ಗುರುಃ| ನಿಹನ್ತ್ಯನಿಲಪಿತ್ತಾಸ್ರತಿಕ್ತಾಸ್ಯತ್ವಮದಾತ್ಯಯಾನ್| ತೃಷ್ಣಾಕಾಸಜ್ವರಶ್ವಾಸಸ್ವರಭೇದಕ್ಷತಕ್ಷಯಾನ್||೧೫೪||

Adhikarana dADimaguNAH (155) · Śloka 155

ಉದ್ರಿಕ್ತಪಿತ್ತಾಞ್ಜಯತಿ ತ್ರಿದೋಷಾನ್ ಸ್ವಾದು ದಾಡಿಮಮ್| ಪಿತ್ತಾವಿರೋಧಿ ನಾತ್ಯುಷ್ಣಮಮ್ಲಂ ವಾತಕಫಾಪಹಮ್| ಸರ್ವಂ ಹೃದ್ಯಂ ಲಘುಃ ಸ್ನಿಗ್ಧಂ ಗ್ರಾಹಿ ರೋಚನದೀಪನಮ್||೧೫೫||

Adhikarana kadalyAdiphalAnAM sAmAnyaguNAH (156) · Śloka 156

ಮೋಚಖರ್ಜೂರಪನಸನಾಲಿಕೇರಪರುಷಕಮ್| ಆಮ್ರಾತತಾಲಕಾಶ್ಮರ್ಯರಾಜಾದನಮಧೂಕಜಮ್| ಸೌವೀರಬದರಾಙ್ಕೋಲಫಲ್ಗುಶ್ಲೇಷ್ಮಾತಕೋದ್ಭವಮ್| ವಾತಾಮಾಭಿಷುಕಾಕ್ಷೋಡಮುಕೂಲಕನಿಕೋಚಕಮ್| ಉರುಮಾಣಂ ಪ್ರಿಯಾಲಂ ಚ ಬೃಂಹಣಂ ಗುರುಶೀತಲಮ್| ದಾಹಕ್ಷತಕ್ಷಯಹರಂ ರಕ್ತಪಿತ್ತಪ್ರಸಾದನಮ್| ಸ್ವಾದು ಪಾಕರಸಂ ಸ್ನಿಗ್ಧಂ ವಿಷ್ಟಮ್ಭಿ ಕಫಶುಕ್ರಕೃತ್||೧೫೬||

Adhikarana nAlikeraguNAH,kadalIPalaguNAH,rAjAdanaPalaguNAH (157) · Śloka 157

ನಾಲಿಕೇರಂ ಗುರು ಸ್ನಿಗ್ಧಂ ಪಿತ್ತಘ್ನಂ ಸ್ವಾದು ಶೀತಲಮ್| ಬಲಮಾಂಸಕರಂ ಹೃದ್ಯಂ ಬೃಂಹಣಂ ಬಸ್ತಿಶೋಧನಮ್| ಮೋಚಂ ಸ್ವಾದುರಸಂ ಪ್ರೋಕ್ತಂ ಕಷಾಯಂ ನಾತಿಶೀತಲಮ್| ರಕ್ತಪಿತ್ತಹರಂ ವೃಷ್ಯಂ ರುಚ್ಯಂ ಶ್ಲೇಷ್ಮಕರಂ ಗುರು| ಸ್ನಿಗ್ಧಂ ಸ್ವಾದು ಕಷಾಯಂ ಚ ರಾಜಾದನಫಲಂ ಗುರು||೧೫೭||

Adhikarana tAlaPalakASmarIPalaguNAH (158) · Śloka 158

ಫಲಂ ತು ಪಿತ್ತಲಂ ತಾಲಂ ಸರಂ ಕಾಶ್ಮರ್ಯಜಂ ಹಿಮಮ್| ಶಕೃನ್ಮೂತ್ರವಿಬನ್ಧಘ್ನಂ ಕೇಶ್ಯಂ ಮೇಧ್ಯಂ ರಸಾಯನಮ್||೧೫೮||

Adhikarana madhUrakabadaraPalayorguNAH (159) · Śloka 159

ಮಧೂಕಜಮಹೃದ್ಯಂ ತು ಬದರಂ ಸರಣಾತ್ಮಕಮ್||೧೫೯||

Adhikarana vAtAmAdiguNAH (160) · Śloka 160

ವಾತಾಮಾದ್ಯುಷ್ಣವೀರ್ಯಂ ತು ಕಫಪಿತ್ತಕರಂ ಸರಮ್||೧೬೦||

Adhikarana priyAlaguNAH (161) · Śloka 161

ಪರಂ ವಾತಹರಂ ಸ್ನಿಗ್ಧಮನುಷ್ಣಂ ತು ಪ್ರಿಯಾಲಜಮ್||೧೬೧||

Adhikarana priyAlamajjakolamajjayorguNAH (162) · Śloka 162

ಪ್ರಿಯಾಲಮಜ್ಜಾ ಮಧುರೋ ವೃಷ್ಯಃ ಪಿತ್ತಾನಿಲಾಪಹಃ| ಕೋಲಮಜ್ಜಾ ಗುಣೈಸ್ತದ್ವತ್ತೃಟ್ಛರ್ದಿಃ ಕಾಸಜಿಚ್ಚ ಸಃ||೧೬೨||

Adhikarana tindukAdInAM sAmAnyaguNAH (163) · Śloka 163

ತಿನ್ದುಕಾಶ್ಮನ್ತಕಾಸೀನಫಲಿನೀ ಬಿಮ್ಬಿತೋದನಮ್| ಟಙ್ಕಾಶ್ವಕರ್ಣಬಕುಲಗಾಙ್ಗೇರುಧವಧನ್ವನಮ್| ಶ್ವೇತಪಾಕಕಪಿತ್ಥಾನಿ ಸಿಞ್ಚತೀ ಭವ್ಯಜಾಮ್ಬವಮ್| ಕ್ಷೀರಿವೃಕ್ಷಭವಂ ಬೀಜಂ ಪೌಷ್ಕರಂ ಕಫಪಿತ್ತಜಿತ್| ಕಷಾಯಮಧುರಂ ರೂಕ್ಷಂ ಶೀತಲಂ ಗುರು ಲೇಖನಮ್| ವಿಬನ್ಧಾಧ್ಮಾನಜನನಂ ಸ್ತಮ್ಭನಂ ವಾತಕೋಪನಮ್||೧೬೩||

Adhikarana kapitthaguNAH (164) · Śloka 164

ಕಪಿತ್ಥಮಾಮಂ ಕಣ್ಠಘ್ನಂ ಕಷಾಯಾಮ್ಲಂ ತ್ರಿದೋಷಕೃತ್| ಪಕ್ವಂ ರುಚ್ಯಂ ಕಷಾಯಾಮ್ಲಂ ಸ್ವಾದು ಹಿಧ್ಮಾವಮಿಪ್ರಣುತ್| ದೋಷಘ್ನಂ ಷಾಡವಾರಿಷ್ಟರಾಗಯುಕ್ತಿಷು ಪೂಜಿತಮ್| ವಿಷಘ್ನಮುಭಯಂ ಗ್ರಾಹಿ ಕಪಿತ್ಥಾನ್ಯೇವಮಾದಿಶೇತ್||೧೬೪||

Adhikarana si~jcitikAPalaguNAH (165) · Śloka 165

ಬೃಂಹಣಂ ವಾತಪಿತ್ತಘ್ನಂ ಸ್ನಿಗ್ಧಂ ಸಿಞ್ಚಿತಿಕಾಫಲಮ್||೧೬೫||

Adhikarana BavyajAmbavakShIrivRukShaPalaguNAH (166) · Śloka 166

ಭವ್ಯಂ ವಿಶದಮಮ್ಲಞ್ಚ ಜಾಮ್ಬವಂ ತ್ವತಿವಾತಲಮ್| ವಿಷ್ಟಮ್ಭಕೃದಕಣ್ಠ್ಯಂ ಚ ಸಾಮ್ಲನ್ತು ಕ್ಷೀರಿವೃಕ್ಷಜಮ್||೧೬೬||

Adhikarana akShakIPalaguNAH (167) · Śloka 167

ಪಿತ್ತಶ್ಲೇಷ್ಮಘ್ನಮಮ್ಲಂ ಚ ವಾತಲಂ ಚಾಕ್ಷಕೀಫಲಮ್||೧೬೭||

Adhikarana AmraguNAHsahakArarasaguNAH (168) · Śloka 168

ಬಾಲಂ ಕಷಾಯಕಟ್ವಮ್ಲಂ ರೂಕ್ಷಂ ವಾತಾಸ್ರಪಿತ್ತಕೃತ್| ಸಮ್ಪೂರ್ಣಮಾಮ್ರಮಮ್ಲಂ ತು ರಕ್ತಪಿತ್ತಕಫಪ್ರದಮ್| ಸ್ವಾದು ಸಾಮ್ಲಂ ಗುರು ಸ್ನಿಗ್ಧಂ ಮಾರುತಘ್ನಮಪಿತ್ತಲಮ್| ಹೃದ್ಯಂ ಪರ್ಯಾಗತಂ ಶ್ಲೇಷ್ಮಮಾಂಸಶುಕ್ರಬಲಪ್ರದಮ್| ಸಹಕಾರರಸೋ ಹೃದ್ಯಃ ಸುರಭಿಃ ಸ್ನಿಗ್ಧರೋಚನಃ| ದೀಪನಃ ಪಿತ್ತವಾತಘ್ನಃ ಶುಕ್ರಶೋಣಿತಶುದ್ಧಿಕೃತ್||೧೬೮||

Adhikarana lavalIPalaguNAH (169) · Śloka 169

ಕಷಾಯಂ ರೋಚನಂ ಹೃದ್ಯಂ ವಾತಲಂ ಲವಲೀಫಲಮ್||೧೬೯||

Adhikarana bilvaguNAH (170) · Śloka 170

ಗುರ್ವಗ್ನಿಸಾದಕೃದ್ಬಿಲ್ವಂ ದೋಷಲಂ ಪೂತಿಮಾರುತಮ್| ಪಕ್ವಂ ಬಾಲಂ ಪುನಸ್ತೀಕ್ಷ್ಣಂ ಪಿತ್ತಲಂ ಲಘುದೀಪನಮ್| ವಾತಶ್ಲೇಷ್ಮಘ್ನಮುಷ್ಣಂ ಚ ಸ್ನಿಗ್ಧಂ ಗ್ರಾಹ್ಯುಭಯಂ ಪರಮ್||೧೭೦||

Adhikarana vRukShAmlakoSAmrayorguNAH (171) · Śloka 171

ವೃಕ್ಷಾಮ್ಲಂ ಗ್ರಾಹಿ ರೂಕ್ಷೋಷ್ಣಂ ಲಘು ದೀಪನರೋಚನಮ್| ವಾತಶ್ಲೇಷ್ಮಹರಂ ಕಿಞ್ಚಿದೂನಂ ಕೋಶಾಮ್ಲಜಂ ತತಃ||೧೭೧||

Adhikarana kara~jjaPalaguNAH (172) · Śloka 172

ಫಲಂ ಕರಞ್ಜಂ ವಿಷ್ಟಮ್ಭಿ ಪಿತ್ತಶ್ಲೇಷ್ಮಾವಿರೋಧಿ ಚ||೧೭೨||

Adhikarana SamIPalaguNAH (173) · Śloka 173

ಗುರೂಷ್ಣಮಧುರಂ ರೂಕ್ಷಂ ಕೇಶಘ್ನಂ ಚ ಶಮೀಫಲಮ್||೧೭೩||

Adhikarana pIluPalaguNAH (174) · Śloka 174

ಕಟುಪಾಕರಸಂ ಪೀಲು ತೀಕ್ಷ್ಣೋಷ್ಣಂ ಭೇದಿ ಪಿತ್ತಲಮ್| ಕ್ರಿಮಿ ಗುಲ್ಮೋದರಗರಪ್ಲೀಹಾರ್ಶಃ ಕಫವಾತಜಿತ್| ಸತಿಕ್ತಂ ಸ್ವಾದು ಯತ್ಪೀಲು ನಾತ್ಯುಷ್ಣಂ ತತ್ತ್ರಿದೋಷಜಿತ್||೧೭೪||

Adhikarana nIpAdiPalAnAM guNAH (175) · Śloka 175

ನೀಪಂ ಶತಾಕ್ಷಿಕಂ ಪ್ರಾಚೀನಾಗರಂ ತೃಣಶೂಲ್ಯಜಮ್| ಅಸ್ಮಾದಲ್ಪಾನ್ತರಗುಣಮೇಙ್ಗುದಂ ಸವಿಕಙ್ಕತಮ್||೧೭೫||

Adhikarana mAtulu~ggaguNAH (176) · Śloka 176

ತ್ವಕ್ತಿಕ್ತಕಟುಕಾ ಸ್ನಿಗ್ಧಾ ಮಾತುಲುಙ್ಗಸ್ಯ ವಾತಜಿತ್| ಬೃಂಹಣಂ ಮಧುರಂ ಮಾಂಸಂ ವಾತಪಿತ್ತಹರಂ ಗುರು| ಲಘು ತತ್ಕೇಸರಂ ಕಾಸಶ್ವಾಸಹಿಧ್ಮಾಮದಾತ್ಯಯಾನ್| ಅಸ್ಯಶೋಷಾನಿಲಶ್ಲೇಷ್ಮವಿಬನ್ಧಚ್ಛರ್ದ್ಯರೋಚಕಾನ್| ಗುಲ್ಮೋದರಾರ್ಶಃಶೂಲಾನಿ ಮನ್ದಾಗ್ನಿತ್ವಂ ಚ ನಾಶಯೇತ್||೧೭೬||

Adhikarana bhallAtakaguNAH (177) · Śloka 177

ಭಲ್ಲಾತಕಸ್ಯ ತ್ವಙ್ಮಾಂಸ ಬೃಂಹಣಂ ಸ್ವಾದು ಶೀತಲಮ್| ತದಸ್ಥ್ಯಗ್ನಿಸಮಂ ಮೇಧ್ಯಂ ಕಫವಾತಹರಂ ಪರಮ್||೧೭೭||

Adhikarana pArAvatArukayorguNAH (178) · Śloka 178

ಸ್ವಾದ್ವಮ್ಲಂ ಶೀತಮುಷ್ಣಞ್ಚ ದ್ವಿಧಾ ಪಾರಾವತಂ ಗುರು| ರುಚ್ಯಮತ್ಯಗ್ನಿಶಮನಂ ರುಚ್ಯಂ ಮಧುರಮಾರುಕಮ್| ಪಕ್ವಮಾಶು ಜರಾಂ ಯಾತಿ ನಾತ್ಯುಷ್ಣಂ ಗುರು ದೋಷಲಮ್||೧೭೮||

Adhikarana ArdradrAkShAdiguNAH (179) · Śloka 179

ದ್ರಾಕ್ಷಾಪರೂಷಕಂ ಚಾರ್ದ್ರಮಮ್ಲಂ ಪಿತ್ತಕಫಪ್ರದಮ್| ಗುರೂಷ್ಣವೀರ್ಯಂ ವಾತಘ್ನಂ ಸರಂ ಸಕರಮರ್ದಕಮ್||೧೭೯||

Adhikarana kolAdiguNAH (180) · Śloka 180

ತಥಾಮ್ಲಂ ಕೋಲಕರ್ಕನ್ಧುಲಿಕುಚಾಮ್ರಾತಕಾರುಕಮ್| ಐರಾವತಂ ದನ್ತಶಠಂ ಸತ್ರುದಂ ಮೃಗತಿಣ್ಡಕಮ್| ನಾತಿಪಿತ್ತಕರಂ ಪಕ್ವಂ ಶುಷ್ಕಂ ಚ ಕರಮರ್ದಕಮ್||೧೮೦||

Adhikarana amlikA~gkolayorguNAH (181) · Śloka 181

ದೀಪನಂ ಭೇದನಂ ಶುಷ್ಕಮಮ್ಲಿಕಾಙ್ಕೋಲಯೋಃ ಫಲಮ್| ತೃಷ್ಣಾಶ್ರಮಕ್ಲಮಚ್ಛೇದಿ ಲಘ್ವಿಷ್ಟಂ ಕಫವಾತಯೋಃ||೧೮೧||

Adhikarana likucaguNAH (182) · Śloka 182

ಫಲಾನಾಮವರಂ ತತ್ರ ಲಿಕುಚಂ ಸರ್ವದೋಷಕೃತ್||೧೮೨||

Adhikarana sApavAdaH tyAjyadhAnyashAkaphalanirdeshaH (183) · Śloka 183

ಹಿಮಾನಿಲೋಷ್ಣದುರ್ವಾತವ್ಯಲಲಾಲಾದಿದೂಷಿತಮ್| ಜನ್ತುಜುಷ್ಟಂ ಜಲೇ ಮಗ್ನಮಭೂಮಿಜಮನಾರ್ತವಮ್| ಅನ್ಯಧಾನ್ಯಯುತಂ ಹೀನವೀರ್ಯಂ ಜೀರ್ಣತಯಾಽತಿ ಚ| ಧಾನ್ಯಂ ತ್ಯಜೇತ್ತಥಾ ಶಾಕಂ ರೂಕ್ಷಸಿದ್ಧಮಕೋಮಲಮ್| ಅಸಞ್ಜಾತರಸಂ ತದ್ವಚ್ಛುಷ್ಕಂ ಚಾನ್ಯತ್ರ ಮೂಲಕಾತ್| ಪ್ರಾಯೇಣ ಫಲಮಪ್ಯೇವಂ ತಥಾಮಂ ಬಿಲ್ವವರ್ಜಿತಮ್||೧೮೩||

Adhikarana (7) mAtrAdivargaH prakaraNopasaMhAraH (184) · Śloka 184

ಶಕಶಿಮ್ಬಿಲಪಕ್ವಾನ್ನಮಾಂಸಶಾಕಫಲಾಶ್ರಯೈಃ| ವರ್ಗೈರನ್ನೈಕದೇಶೋಽಯಂ ಭೂಯಿಷ್ಠಮುಪಯೋಗವಾನ್| ನಿರ್ದಿಷ್ಟೋ ರಸವೀರ್ಯಾದ್ಯೈರ್ಯಥಾಸ್ವಂ ಕರ್ಮಸಾಧನೇ||೧೮೪||

Adhikarana mAtrAdivaSAt hitAhitasyABimatavastunaH niravaSeSheNa guNakathanaM duSSakam (185) · Śloka 185

ನ ಶಕ್ಯಂ ವಿಸ್ತರೇಣಾಪಿ ವಕ್ತುಂ ಸರ್ವಂ ತು ಸರ್ವಥಾ| ಹಿತಾಹಿತತ್ವೇಽಪ್ಯೇಕಾನ್ತನಿಯಮೋಽಸ್ಮಾದನಿಶ್ಚಿತಃ| ಮಾತ್ರಾಯೋಗಕ್ರಿಯಾದೇಶಕಾಲಾವಸ್ಥಾದಿಭೇದತಃ| ತತಸ್ತತೋ ಯತೋ ದೃಷ್ಟಾಸ್ತೇ ತೇ ಭಾವಾಸ್ತಥಾ ತಥಾ||೧೮೫||

Adhikarana mAtrAviSeShodAharaNAni (186) · Śloka 186

ಮಾತ್ರಯಾ ಸೇವಿತಂ ಮದ್ಯಂ ಹನ್ತಿ ರೋಗಾಂಸ್ತದುದ್ಭವಾನ್| ನಿಷೇವ್ಯಮಾಣಂ ತಿಲಶೋ ವಿಷಮಪ್ಯಮೃತಾಯತೇ| ಹೀನಾತಿಮಾತ್ರಮಶನಂ ಮರುನ್ನಿಚಯಕೋಪನಮ್| ಭಜೇತೇ ವಿಷರುಪತ್ವಂ ತುಲ್ಯಾಂಶೇ ಮಧುಸರ್ಪಿಷೀ||೧೮೬||

Adhikarana saMyogaviSeShodAharaNam (187) · Śloka 187

ಕ್ಷಾರೋಽಮ್ಲರಸಸಂಯೋಗೋ ಮಧುರೀಭವತಿ ಕ್ಷಣಾತ್| ಉತ್ತುಣ್ಡಕಸ್ಯಾಸ್ತಿನ್ದುಕೇನ ತಿಕ್ತತಾ ಮಧುರಾಯತೇ| ಹಿಙ್ಗುರ್ಗೈರಿಕಸಿನ್ಧೂತ್ಥಂ ಗನ್ಧವರ್ಣರಸಾಧಿಕಮ್| ಪೂಗತಾಮ್ಬೂಲಶಙ್ಖೇಭ್ಯೋ ಗನ್ಧವರ್ಣರಸೋದ್ಭವಃ| ಕೋದ್ರವೋ ಹನ್ತ್ಯಸೃಕ್ಪಿತ್ತಂ ಕರೋತ್ಯೇವ ವಿದಾಹಿಭಿಃ| ಕುಷ್ಠಂ ತತ್ಕಾರ್ಯಪಿ ತಿಲೋ ಹನ್ತಿ ಭಲ್ಲಾತಕೈಃ ಸಹ| ಗುಡಃ ಕರ್ತಾಗ್ನಿಸಾದಸ್ಯ ಸ ಹಿನಸ್ತ್ಯಭಯಾದಿಭಿಃ| ತೃಷ್ಯತ್ಯಗ್ನೇಃ ಸಮದನಂ ಸರ್ಪಿರಪ್ಯುಪದಿಶ್ಯತೇ| ಜೀವನೀಯಮಪಿ ಕ್ಷೀರಂ ವಿಷಲೇಶೇನ ಮೃತ್ಯವೇ| ತುಲ್ಯೇ ಅಪಿ ಹತೋಽನ್ಯೋನ್ಯಂ ವಿಷೇ ಸ್ಥಾವರಜಙ್ಗಮೇ| ಸಕ್ತವೋ ವಾತಲಾ ರೂಕ್ಷಾಃ ಪೀತಾಸ್ತೇ ತರ್ಪಯನ್ತಿ ತು||೧೮೭||

Adhikarana svabhAvavisheShodAharaNam (188) · Śloka 188

ವಿನಾಪಿ ಚೋಪಯೋಗೇನ ಮಣಿಮನ್ತ್ರಾದಿಕಾರ್ಯಕೃತ್||೧೮೮||

Adhikarana saMskAravisheShodAharaNam (189) · Śloka 189

ಆರ್ದ್ರಕಾಜ್ಜಾಯತೇ ಶುಣ್ಠೀ ಸಂಸ್ಕಾರೇಣ ಲಘೀಯಸೀ| ಲಘುಭ್ಯೋಽಪಿ ಹಿ ಸಕ್ತುಭ್ಯೋ ಗುರವಃ ಸಿದ್ಧಪಿಣ್ಡಿಕಾಃ||೧೮೯||

Adhikarana kriyAsvabhAvavisheShodAharaNam (190) · Śloka 190

ಭೃಷ್ಟಃ ಕ್ಷುಣ್ಣೋಽಪಿ ಪೃಥುಕೋ ರಕ್ತಶಾಲೇರ್ಲಘೋರ್ಗುರುಃ||೧೯೦||

Adhikarana kriyAvisheShodAharaNam (191) · Śloka 191

ಶಾಲಿಃ ಪಿಷ್ಟೋ ಗರೀಯಸ್ತ್ವಂ ಗೋಧೂಮಾದಪಿ ಗಚ್ಛತಿ||೧೯೧||

Adhikarana saMskAravisheShodAharaNam (192) · Śloka 192

ಲಘು ಪಿತ್ತಹರಾ ಲಾಜಾ ವ್ರೀಹಿತೋ ಗುರುಪಿತ್ತಲಾತ್| ಸಂಗ್ರಾಹಿಣೋ ಲಘುರ್ಮುದ್ಗಾತ್ಕುಲ್ಮಾಷೋ ಭೇದನೋ ಗುರುಃ| ಆಮಂ ಗ್ರಾಹಿತರಂ ತಕ್ರಂ ನಾಗರೀಕೃತಮಾರ್ದ್ರಕಮ್||೧೯೨||

Adhikarana saMyogasaMskAraviSeShodAharaNAni (193) · Śloka 193

ಗುಡಾತ್ತೋಯಾಚ್ಚ ಸುತರಾಂ ಮೂತ್ರಲಂ ಗುರು ಪಾನಕಮ್||೧೯೩||

Adhikarana kriyAsaMyogavisheShodAharaNam (194) · Śloka 194

ಗರೀಯೋ ಗುಡದಧ್ಯುತ್ಥಾ ರಸಾಲಾ ಚಾತಿಶುಕ್ರಲಾ||೧೯೪||

Adhikarana kriyAvisheShodAharaNam (195) · Śloka 195

ದಣ್ಡಾಭಿಮಥನಾದ್ದಧ್ನೋ ಗುರುಣಶ್ಚಾತಿಶೋಫದಾತ್| ಅನುದ್ಧೃತಸ್ನೇಹಮಪಿ ತಕ್ರಂ ಶೋಫಹರಂ ಲಘು||೧೯೫||

Adhikarana svabhAvavisheShodAharaNam (196) · Śloka 196

ಸರ್ಪಿಃ ಸ್ನಿಗ್ಧತರಂ ಹನ್ತಿ ನಾರ್ದಿತಂ ನವನೀತವತ್||೧೯೬||

Adhikarana saMskAravisheShodAharaNam (197) · Śloka 197

ಚಕ್ಷುಷ್ಯೋಽಪಿ ಹಿ ಗೋಧೂಮಸ್ತೈಲಪಕ್ವಸ್ತು ದೃಷ್ಟಿಹಾ| ಮೂಲಕಂ ದೋಷಜನನಂ ಸಿದ್ಧಂ ತು ತದದೋಷಲಮ್| ಉಷ್ಣಂ ವಿಷೀಭವತ್ಯೇವ ವಿಷಘ್ನಮಪಿ ಮಾಕ್ಷಿಕಮ್||೧೯೭||

Adhikarana pAtraviSeShodAharaNAni (198) · Śloka 198

ದುರ್ಭಾಜನಸ್ಥಾ ದ್ರಾಕ್ಷಾಮ್ಲಾ ದೋಷಲಾ ಚ ಪ್ರಜಾಯತೇ||೧೯೮||

Adhikarana viruddhakriyAprayogaviSeShodAharaNam (199) · Śloka 199

ಶ್ಲಖ್ಶ್ಣಶುಷ್ಕಘನೋ ಲೇಪಶ್ಚನ್ದನಸ್ಯಾಪಿ ದಾಹಕೃತ್| ತ್ವಗ್ಗತಸ್ಯೋಷ್ಮಣೋ ರೋಧಾಚ್ಛೀತಕೃತ್ತ್ವನ್ಯಥಾಽಗುರೋಃ||೧೯೯||

Adhikarana kriyAsvaBAvavisheShodAharaNam (200) · Śloka 200

ಮೇಧ್ಯಸ್ತಿಲಃ ಸ್ಪರ್ಶಶೀತೋ ಮೇಧ್ಯಂ ತೈಲಂ ಖಲೋ ಹಿಮಃ| ತಸ್ಯೈವ ಶ್ಲೇಷ್ಮಕಾರಿತ್ವಂ ನ ತೈಲಸ್ಯ ಖಲಸ್ಯ ವಾ||೨೦೦||

Adhikarana svaBAvavisheShodAharaNam (201) · Śloka 201

ದಧ್ನಿ ಶ್ವಯಥುಕಾರಿತ್ವಂ ನ ತಕ್ರನವನೀತಯೋಃ||೨೦೧||

Adhikarana deshavisheSheShu sAtmyavisheShodAharaNAni (202) · Śloka 202

ದೇಶವಿಶೇಷೇಷು ಸಾತ್ಮ್ಯವಿಶೇಷೋದಾಹರಣಾನಿ ಭೂಮಿಸಾತ್ಮ್ಯಂ ದಧಿಕ್ಷೀರಕರೀರಂ ಮರುವಾಸಿಷು| ಕ್ಷಾರಃ ಪ್ರಾಚ್ಯೇಷು ಮತ್ಸ್ಯಾಸ್ತು ಸೈನ್ಧವೇಷ್ವಶ್ಮಕೇಷು ತು| ತೈಲಾಮ್ಲಃ ಕನ್ದಮೂಲಾನಿ ಮಲಯೇ ಕೋಙ್ಕಣೇ ಪುನಃ| ಪೇಯಾ ಮನ್ಥ ಉದೀಚ್ಯೇಷು ಗೋಧೂಮೋಽವನ್ತಿಭೂಮಿಷು| ಬಾಹ್ಲಿಕಾ ಬಾಹ್ಲವಾಶ್ಚೀನಾಃ ಶೂಲಿಕಾ ಯವನಾಃ ಶಕಾಃ| ಮಾಂಸಗೋಧೂಮಮಾರ್ದ್ವೀಕಶಸ್ತ್ರವೈಶ್ವಾನರೋಚಿತಾಃ||೨೦೨||

Adhikarana dehasAtmyAsAtmyodAharaNAni (203) · Śloka 203

ದೇಹಸಾತ್ಮ್ಯಂ ಘೃತಂ ಕ್ಷೀರಂ ಮದ್ಯಂ ಮಾಂಸಂ ಚ ಕಸ್ಯಚಿತ್| ಪೇಯಾ ಯೂಷೋ ರಸೋಽನ್ಯಸ್ಯ ಗೋಧೂಮೋಽನ್ಯಸ್ಯ ಶಾಲಯಃ| ಅಹಿತೈರಪಿ ತೇಷಾಂ ಚ ತೈರೇವೋಪಹಿತಂ ಹಿತಮ್||೨೦೩||

Adhikarana svaBAvavisheShodAharaNam (204) · Śloka 204

ಅನ್ನಪಾನೌಷಧಂ ದೋಷಮಾತ್ರಾಕಾಲಾದ್ಯಪೇಕ್ಷಯಾ| ಸಾತ್ಮ್ಯಂ ಹ್ಯಾಶು ಬಲಂ ಧತ್ತೇ ನಾತಿದೋಷಞ್ಚ ಬಹ್ವಪಿ||೨೦೪||

Adhikarana dehavisheShodAharaNam (205) · Śloka 205

ಸ್ರಂಸನಂ ಸತ್ ಪಯೋ ಗವ್ಯಂ ಭವತಿ ಗ್ರಾಹಿ ಕಸ್ಯಚಿತ್||೨೦೫||

Adhikarana prakRutivisheShaH (206) · Śloka 206

ಮನ್ದೋಽಗ್ನಿರ್ಭವತಿ ಪ್ರಾಯಃ ಕಫವಾಯೋತ್ತರೇ ಹಿಮೇ||೨೦೬||

Adhikarana dehavisheShodAharaNam,avasthAvisheShodAharaNam (207) · Śloka 207

ವಿಷಘ್ನೇನಾಪಿ ಪಯಸಾ ದೇಹೇಽಹೇರ್ವಧತೇ ವಿಷಮ್| ಸ್ಥೂಲಸ್ಥವಿರಬಾಲಾದೌ ವಮನಾದಿ ನಿಷಿಧ್ಯತೇ||೨೦೭||

Adhikarana svabhAvavisheShodAharaNam (208) · Śloka 208

ತಕ್ರಮಾಮಂ ಕಫಂ ಕೋಷ್ಠೇ ಹನ್ತಿ ಕಣ್ಠೇ ಕರೋತಿ ತು| ವಾತಹೃತ್ವೇಽಪಿ ಮೃದ್ವೀಕಖರ್ಜೂರಂ ಕೋಷ್ಠವಾತಕೃತ್||೨೦೮||

Adhikarana viShayavisheShodAharaNAni (209) · Śloka 209

ನಾತಿಪಥ್ಯಃ ಶಿಖೀ ಪಥ್ಯಃ ಶ್ರೋತ್ರಸ್ವರವಯೋದೃಶಾಮ್||೨೦೯||

Adhikarana dRuShTishrotrayoH svabhAvavisheShodAharaNam (210) · Śloka 210

ದೃಷ್ಟೇಃ ಸ್ಪರ್ಶಹಿಮಂ ದ್ರವ್ಯಂ ಶ್ರೋತ್ರಸ್ಯೋಷ್ಣಂ ತು ಪೂಜಿತಮ್||೨೧೦||

Adhikarana avasthAvisheShodAharaNam (211) · Śloka 211

ಪಯಃ ಸ್ವಾದು ಸರಂ ಶೀತಂ ವಿಪರೀತಂ ತತೋ ದಧಿ| ಕಾಲೇನ ಜಾಯತೇ ತಸ್ಮಾತ್ ಕ್ಷೀರವಚ್ಚ ಪುನರ್ಘೃತಮ್| ಪಯೋ ದಧಿ ಚ ವಾತಘ್ನಮಜಾತಂ ವಾತಲಂ ತು ತತ್| ತಕ್ರಂ ಗ್ರಾಹಿ ಕಷಾಯಾಮ್ಲಮಮ್ಲಮೇವ ತು ಭೇದನಮ್||೨೧೧||

Adhikarana saMskArakAlavisheShodAharaNAni (212) · Śloka 212

ಧಾತಕೀಗುಡತೋಯಾನಿ ಕಾರಣಂ ಮದ್ಯಶುಕ್ತಯೋಃ| ಶೀತೇ ನ ತು ತದಾದ್ಯನ್ತೇ ಸ್ನಿಗ್ಧಾಮ್ಲಲವಣಾ ಹಿತಾಃ| ಉದಮನ್ಥದಿವಾಸ್ವಪ್ನೌ ಗ್ರೀಷ್ಮಾದನ್ಯತ್ರ ಗರ್ಹಿತೌ||೨೧೨||

Adhikarana kAlasvabhAvavisheShodAharaNam (213) · Śloka 213

ಸಮಯೋಗೇಽಪಿ ಘರ್ಮಾದ್ಯಾ ವಾತಾದಿಚಯಹೇತವಃ| ಋತುಷ್ವನ್ಯೋ ರಸೇಷ್ವನ್ಯೋ ರೌಕ್ಷ್ಯೇ ಸ್ನೇಹೇ ಬಲೇ ಕ್ರಮಃ||೨೧೩||

Adhikarana avasthAvisheShodAharaNam (214) · Śloka 214

ರಸಾಯನಂ ಕಾಕಮಾಚೀ ಸದ್ಯಃ ಪರ್ಯುಷಿತಾ ವಿಷಮ್||೨೧೪||

Adhikarana jAtivisheShodAharaNam (215) · Śloka 215

ಮೂಲಕಂ ದೋಷಜಿದ್ಬಾಲಂ ವಿಪರೀತಂ ತು ಕನ್ದವತ್||೨೧೫||

Adhikarana vyAdhyavasthAvisheShodAharaNam (216) · Śloka 216

ಜ್ವರೇ ಪೇಯಾ ಕಷಾಯಾಶ್ಚ ಸರ್ಪಿಃ ಕ್ಷೀರಂ ವಿರೇಚನಮ್| ಷಡಹಂ ಷಡಹಂ ಯುಞ್ಜ್ಯಾದ್ವೀಕ್ಷ್ಯ ದೋಷಬಲಾಬಲಮ್||೨೧೬||

Adhikarana rogAvasthodAharaNam (217) · Śloka 217

ಛರ್ದಿಹೃದ್ರೋಗಗುಲ್ಮಾರ್ತೇ ವಮನಂ ಚ ಚಿಕಿತ್ಸಿತೇ| ನಿಷಿದ್ಧಮಪಿ ನಿರ್ದಿಷ್ಟಂ ಬಸ್ತಿರರ್ಶಸಕುಷ್ಠಿನೋಃ||೨೧೭||

Adhikarana samprAptivisheShodAharaNam (218) · Śloka 218

ಜ್ವರೇ ತುಲ್ಯರ್ತುದೋಷತ್ವಂ ಪ್ರಮೇಹೇ ತುಲ್ಯದೂಷ್ಯತಾ| ರಕ್ತಗುಲ್ಮೇ ಪುರಾಣತ್ವಂ ಸುಖಸಾಧ್ಯತ್ವಹೇತವಃ||೨೧೮||

Adhikarana rogAvasthAvisheShodAharaNam (219) · Śloka 219

ಆಶ್ಚೋತನಮಭಿಷ್ಯನ್ದೇ ಯುಞ್ಜೀತೋರ್ಧ್ವಂ ದಿನತ್ರಯಾತ್| ಅಞ್ಜನಂ ಪಕ್ವದೋಶಸ್ಯ ಪ್ರತಿಶ್ಯಾಯೇ ಚ ನಾವನಮ್| ನಾತಿಪ್ರವೃದ್ಧೇ ತಿಮಿರೇ ಸಿರಾಮೋಕ್ಷೋ ವಿಧೀಯತೇ||೨೧೯||

Adhikarana rogasvabhAvavisheShodAharaNam (220) · Śloka 220

ದುಷ್ಟಾಸ್ರಸಮ್ಭವೇಽಪೀಷ್ಟೋ ನಾಸ್ರಪಿತ್ತೇ ಸಿರಾವ್ಯಧಃ||೨೨೦||

Adhikarana pradesharogavisheShodAharaNam (221) · Śloka 221

ಅಪಥ್ಯಂ ಪಥ್ಯಮಪ್ಯನ್ನಂ ನಿಶಾಯಾಂ ನೇತ್ರರೋಗಿಣಾಮ್||೨೨೧||

Adhikarana kAraNavisheShodAharaNam (222) · Śloka 222

ಅಹಿತಾಃ ಸಕ್ತವಃ ಶುಷ್ಕಾ ಹಿತಾಸ್ತೇ ತು ಪ್ರಮೇಹಿಣಃ||೨೨೨||

Adhikarana dravyashaktivisheShodAharaNam (223) · Śloka 223

ಗುಲ್ಮಿನಃ ಕ್ಷೀರದಧ್ಯಾದಿ ಹಪುಷಾದ್ಯೈರ್ಯುತಂ ಹಿತಮ್| ವಾತಲಂ ವಾತಕೋಪೇಽಪಿ ವರ್ಷಾಸು ಮಧು ಶಸ್ಯತೇ||೨೨೩||

Adhikarana upayogavisheShodAharaNam (224) · Śloka 224

ತದೇವ ಮದ್ಯಂ ಮದ್ಯಸ್ಯ..............................||೨೨೪||

Adhikarana vastuvisheShodAharaNam (225) · Śloka 225

..................................ವಿಷಯಸ್ಯ ತು ವಿಷಾನ್ತರಮ್||೨೨೫||

Adhikarana deshakAlavisheShodAharaNam,vyAdhisvabhAvavisheShodAharaNamvastusvabhAvavisheShodAharaNam (226) · Śloka 226

ಘೃತಮಾನೂಪದೇಶೋತ್ಥಂ ಹೇಮನ್ತೇ ಚ ಬಲಾಧಿಕಮ್| ಆಲಸ್ಯಗೌರವೇ ರೂಪಂ ವಾತಜೇಽಪಿ ಜ್ವರೇ ಪುರಃ| ಸ್ವೇದೈರ್ಯಾತಿ ಶಮಂ ದಾಹಃ ಪ್ರಾಯೋ ಲಶುನಪಾನಜಃ||೨೨೬||

Adhikarana kAlavastusvabhAvavisheShodAharaNam (227) · Śloka 227

ದಿವಾಸ್ವಪ್ನಾಜ್ಜರಾಂ ಯಾತಿ ಭುಕ್ತಮನ್ಯೇದ್ಯುರದ್ಯ ನ|೨೨೭|

Adhikarana kAraNavisheShodAharaNam (227) · Śloka 227

ಕೋಷ್ಠೇ ರುದ್ಧೋಽಗ್ನಿಕೃದ್ವಾಯುರ್ಮೇದಸಾರ್ಶೋಭಿರಗ್ನಿಹೃತ್||೨೨೭||

Adhikarana prabhAvavisheShodAharaNam (228) · Śloka 228

ದುಷ್ಪಾನಂ ದುರ್ಜರಂ ಸರ್ಪಿರ್ದೀಪನಂ ಚ ಪಯೋಽನ್ಯಥಾ|೨೨೮|

Adhikarana vastusvabhAvavisheShodAharaNam (228) · Śloka 228

ಸರ್ಪಾದಿಶವಕೋಥೇಭ್ಯೋ ವೃಶ್ಚಿಕಾನಾಂ ಸಮುದ್ಭವಃ| ತೇ ತೈರೇವ ಪುನರ್ದಷ್ಟಾಃ ಸದ್ಯೋ ಜಹತಿ ಜೀವಿತಮ್|೨೨೮|

Adhikarana dravyasvabhAvavisheShodAharaNam (228) · Śloka 228

ಸ್ವಯಮೇವ ವಿಷಂ ತೀವ್ರಂ ತಾನ್ಪುನರ್ನಾತಿಬಾಧತೇ|೨೨೮|

Adhikarana avasthAvisheShodAharaNam (228) · Śloka 228

ಸರ್ವಾಙ್ಗವ್ಯಾಪಿ ತೇಷಾಞ್ಚ ಶುಕ್ರವತ್ಸಂಸೃತಂ ವಿಷಮ್| ತನ್ಮಾಂಸಮುಪಯೋಗಾಯ ಮಾಂಸವರ್ಗೇ ಚ ಪಠ್ಯತೇ||೨೨೮||

Adhikarana svabhAvavisheSho viruddhakAryakAraNodAharaNam (229) · Śloka 229

ಛರ್ದಿಘ್ನೀ ಮಕ್ಷಿಕಾವಿಟ್ ಚ ಮಕ್ಷಿಕೈವ ತು ವಾಮಯೇತ್||೨೨೯||

Adhikarana samprAptivisheShodAharaNam (230) · Śloka 230

ಕಫೇ ಲಙ್ಘನಸಾಧ್ಯೇಽಪಿ ಕರ್ತರಿ ಜ್ವರಗುಲ್ಮಯೋಃ| ತುಲ್ಯೇಽಪಿ ದೇಶಕಾಲಾದೌ ಲಙ್ಘನಂ ನ ಸಮಂ ಮತಮ್||೨೩೦||

Adhikarana rogasvabhAvavisheShodAharaNam (231) · Śloka 231

ಸರ್ವಥಾ ದೋಷಜಿತ್ತಕ್ರಂ ಗ್ರಹಣ್ಯಾಂ ದೋಷಕೃದ್ ವ್ರಣೇ| ಸಂಸ್ಕಾರಸ್ವಭಾವವಿಶೇಷೋದಾಹರಣಮ್ ಪೀನಸಶ್ವಾಸಕಾಸಾದೌ ಸಿದ್ಧಮೇವ ಪ್ರಶಸ್ಯತೇ||೨೩೧||

Adhikarana mAtrAdiprakaraNopasaMhAraH (7) · Śloka 7

ಇತ್ಯೇತೇಽನ್ಯೇ ಚ ಬಹವಃ ಸೂಕ್ಷ್ಮಾ ದುರ್ಲಭಹೇತುಕಾಃ| ಧರ್ಮಾ ವಿಚಿತ್ರಾ ಭಾವೇಷು ಕಿಞ್ಚಿತ್ತೇಷಾಂ ನಿದರ್ಶಿತಮ್| ದಿಶಾಽನಯಾ ಶೇಷಮಪಿ ಸ್ವಯಮೂಹ್ಯೇತ ಬುದ್ಧಿಮಾನ್| ನ ಶಾಸ್ತ್ರಮಾತ್ರಶರಣೋ ನ ಚಾನಾಲೋಚಿತಾಗಮಃ||೨೩೨|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೌ ಅಷ್ಟಾಙ್ಗಸಙ್ಗ್ರಹಸಂಹಿತಾಯಾಂ ಸೂತ್ರಸ್ಥಾನೇ ಅನ್ನಸ್ವರೂಪವಿಜ್ಞಾನೀಯೋ ನಾಮ ಸಪ್ತಮೋಽಧ್ಯಾಯಃ||೭||