2. bālāmayapratiṣēdhaḥ

Adhikarana pratij~jA (1) · Śloka 1

ಅಥಾತೋ ಬಾಲಾಮಯಪ್ರತಿಷೇಧಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana bAlatraividhyam (2) · Śloka 2

ತ್ರಿವಿಧೋ ಹಿ ಬಾಲಃ ಪ್ರಾಗುಕ್ತಸ್ತತ್ರ ಕ್ಷೀರಪಸ್ಯ ಕ್ಷೀರಮದುಷ್ಟಂ ಪ್ರಯುಞ್ಜೀತ| ಅನ್ನಾದಸ್ಯ ಹಿತಮನ್ನಮ್| ಉಭಯವೃತ್ತೇರುಭಯಮ್||೨||

Adhikarana kShIraduShTau hetuH (3) · Śloka 3

ಕ್ಷೀರಂ ಹಿ ಯಥೋಕ್ತೈರ್ದೋಷಕೋಪನೈರಾಹಾರವಿಹಾರೈರ್ಧಾತ್ರ್ಯಾ ವ್ಯಾಪನ್ನಂ ವಿವಿಧಾಮಯೋದಯಾಯ ಬಾಲಸ್ಯ ಪ್ರಕಲ್ಪತೇ||೩||

Adhikarana vAtAdiduShTastanyalakShaNAni (4) · Śloka 4

ತತ್ರ ಶ್ಯಾವಾರುಣವರ್ಣಂ ತಿಕ್ತಕಷಾಯಾನುರಸಂ ವಿಶದಂ ರೂಕ್ಷಮಲಕ್ಷ್ಯಗನ್ಧಂ ಫೇನಿಲಮತೃಪ್ತಿಕರಮಾಧ್ಮಾನಮೂತ್ರವರ್ಚೋವಿಬನ್ಧಕೃತ್ ಕರ್ಶನಮ್ಸು ವಿಸರ್ಪತಿ ವಿಚ್ಛಿನ್ನಞ್ಚ ಪ್ಲವತೇ ವಾತದುಷ್ಟಮ್| ಕೃಷ್ಣನೀಲತಾಮ್ರಾವಭಾಸಂ ತಿಕ್ತಾಮ್ಲಕಟುಕಾನುರಸಂ ಕುಣಪರುಧಿರಗನ್ಧಿ ಭೃಶೋಷ್ಣಮಪ್ಸು ಪೀತರಾಜಿಮದ್ವಿದಾಹಕರಞ್ಚ ಪಿತ್ತದುಷ್ಟಮ್| ಅತ್ಯರ್ಥಶುಕ್ಲಮಧುರಂ ಲವಣಾನುರಸಂ ಘೃತತೈಲವಸಾಮಜ್ಜಗನ್ಧಿ ಪಿಚ್ಛಿಲಂ ಬಹಲಂ ತನ್ತುಮದ್ಗುರುಸಲಿಲೇಽವಸೀದತಿ ನಿದ್ರಾಬಹುಲಞ್ಚಶ್ಲೇಷ್ಮದುಷ್ಟಮ್||೪||

Adhikarana duShTastanyopayogapariNAmAH (5) · Śloka 5

ತದುಪಯುಜ್ಯಮಾನಂ ಯಥಾಸ್ವಲಿಙ್ಗಾನ್ ವ್ಯಾಧೀನಭಿನಿರ್ವರ್ತಯತಿ||೫||

Adhikarana bAlasya rujAj~jAnopAyavisheShAH (6) · Śloka 6

ಸ ಯಂ ಪ್ರದೇಶಮಭೀಕ್ಷ್ಣಂ ಸ್ಪೃಶತಿ ಸ್ಪರ್ಶಂ ಚ ನ ಕ್ಷಮತೇ ತತ್ರ ರುಜಮುಪಲಕ್ಷಯೇತ್| ನಿಮೀಲಿತಾಕ್ಷತಯಾ ಮೂರ್ಧ್ನಿ ರುಜಮ್| ಜಿಹ್ವೌಷ್ಠದಂಶಶ್ವಾಸಮುಷ್ಟಿಬನ್ಧೋರ್ಧ್ವೇಕ್ಷಣೈರ್ಹೃದಯೇ| ವಿಣ್ಮೂತ್ರಸಙ್ಗಚ್ಛರ್ದ್ಯಾಧ್ಮಾನಾನ್ತ್ರಕೂಜನಸ್ತನದಂಶವೇಷ್ಟನಪೃಷ್ಠವಿನಮನಜಠರೋನ್ನಮನೈರ್ಜಠರೇ| ಮೂತ್ರಸಙ್ಗತೃಣ್ಮೂರ್ಚ್ಛೋತ್ರಾಸದಿಗ್ವೀಕ್ಷಣಖಲ್ಲೀಹಸ್ತಪಾದಸ್ತಮ್ಭಕುಬ್ಜೀಭವನಕೇಶಲುಞ್ಜನೈರ್ಬಸ್ತೌ ಗುಹ್ಯೋ ಚ| ಸರ್ವತ್ರ ಚ ಸ್ವಭಾವಾತಿರಿಕ್ತರೋದನೇನ ಮುಖವಿಕೂಣನೇನ ಚ||೬||

Adhikarana duShTastanyajavyAdhiShu cikitsAsUtram (7) · Śloka 7

ಅಥ ಯಥಾಮಯಂ ಯಥಾದೋಷಂ ಚ ಧಾತ್ರ್ಯಾಃ ಶಮನಶೋಧನಾನಿ ಪ್ರಯುಞ್ಜೀತ||೭||

Adhikarana vAtaduShTastanyacikitsA (8) · Śloka 10

ತತ್ರ ವಾತದೂಷಿತೇ ಸ್ತನ್ಯೇ ದೇವರಾರುಸರಲಕಟುರೋಹಿಣೀವಚಾಕುಷ್ಠಪಾಠಾಭಾರ್ಙ್ಗೀಂಮಾಗಧಿಕಾವೃಶ್ಚಿಕಾಲೀಚಿತ್ರಕಾಜಮೋದಶುಣ್ಠೀಮರೀಚಾನಾಂ ಕ್ವಾಥಂ ದಶಮೂಲಕ್ವಾಥಂ ವಾ ತ್ರಿರಾತ್ರಂ ಪಾಯಯಿತ್ವಾ ವಾತವ್ಯಾಧಿವಿಹಿತಾನಾಂ ಸರ್ಪಿಷಾಮನ್ಯತಮಂ ನಿಗದಂ ಮದಿರಾನುಪಾನಂ ದದ್ಯಾದ್ವಾತಹರದ್ರವ್ಯಸಿದ್ಧಂ ವಾ| ತತಃ ಸ್ನಿಗ್ಧಾಂ ಮೃದು ವಿರೇಚ್ಯ ಬಸ್ತಿಕರ್ಮಣೋಪಚರೇತ್| ವಾತಘ್ನೈಶ್ಚಾಭ್ಯಙ್ಗಸ್ವೇದೋಪದೇಹೋನ್ಮರ್ದನೈಃ| ಸರಲರಾಸ್ನಾಜಮೋದಾದೇವದಾರುಚೂರ್ಣಂ ಸರ್ಪಿಷಾ ಬಾಲಮವಲೇಹಯೇತ್| ಏವಂವಿಧೈರೇವ ಚ ವಿಪಕ್ವಂ ಸಶರ್ಕರಂ ಸರ್ಪಿಃ| ಅಪಿ ಚ ತಿಕ್ತಾನುರಸಂ ಸ್ತನ್ಯಂ ಮುದ್ಗಮಾಷಪಲಾಶಾಶ್ಯಾಂ ಕಾಕೋಲೀಯುಗಲೇನ ಚ ಶೋಧಯೇತ್| ಪ್ರಿಯಾಙ್ಗುಧಾತಕೋಪುಷ್ಪಪದ್ಮಕದೇವದಾರುಕ್ಷೌದ್ರೈರ್ವಾ| ಕಷಾಯಾನುರಸಂ ಹಿಙ್ಗುಸೈನ್ಧವವತಾ ಘೃತೇನ| ಫೇನಿಲಂ ವಿಚ್ಛಿನ್ನಂ ಪ್ಲವಮಾನಞ್ಚ ಬಿಲ್ವಾಗ್ನಿಮನ್ಥಶೃತೇನ ಪಯಸಾ ಹವಿಷಾ ಚ| ಸೂಪ್ಯಪರ್ಣೀ ಕಾಕೋಲೀಬೃಹತ್ಯವಲ್ಗುಜಫಲೈರ್ವಾ||೧೦||

Adhikarana pittaduShTastanyacikitsA (9) · Śloka 9

ಪಿತ್ತೇಽಮೃತಾಪಟೋಲಪತ್ರಸಾರಿವಾಶತಾವರೀನಿಮ್ಬಚನ್ದನಕ್ವಾಥಂ ಧಾತ್ರೀ ಬಾಲಶ್ಚ ಪಿಬೇತ್| ತ್ರಿಫಲಾಭೂನಿಮ್ಬಕಟುಕಾಮುಸ್ತಕ್ವಾಥಂ ವಾ| ಜೀವಕರ್ಷಭಕದ್ವಿಕಾಕೋಲೀಮಧುಕಕಟ್ಫಲಕರ್ಕಟಶೃಙ್ಗೀಕ್ವಾಥಂ ವಾ| ಸಕ್ಷೌದ್ರಂ ಪಟೋಲಾದಿಪದ್ಮಕಾದಿಂ ವಾ| ಸಾರಿವಾದಿಂ ನ್ಯಗ್ರೋಧಾದಿಂ ವಾ| ಏಭಿರೇವ ಚ ದ್ರವ್ಯೈಃ ಸರ್ಪಿಷಿ ಪಿತ್ತಘ್ನಾನಿ ಚ ವಿರೇಚನಾನಿ ಶೀತಾಂಶ್ಚಾಭ್ಯಙ್ಗಪ್ರದೇಹಸೇಕಾನ್ ಕುರ್ಯಾತ್| ಅಪಿ-ಚ ತಾಮ್ರಾವಭಾಸಂ ಪಯೋ ಹೃದಯಮುದ್ವೇಷ್ಟಯತಿ| ತತ್ಪ್ರಿಯಙ್ಗುಮುಸ್ತಾಶಾಬರಲೋಧ್ರೈಃ ಶೋಧಯೇತ್| ಅಮ್ಲಾನುರಸಮಮ್ಲಪಿತ್ತಕರಮ್| ತತ್ ದ್ರಾಕ್ಷಾಮಧುಕಪಯಸ್ಯಾಶ್ರೀಪರ್ಣೀಭಿಃ| ಕಟುಕಾನುರಸಂ ಛರ್ದ್ಯತೀಸಾರಕಾಸಶ್ವಾಸಕರಮ್| ತತ್ ಕಾಕೋಲೀವಿದಾರೀಭ್ಯಾಂ ಮಧುಪರ್ಣ್ಯಾ ಚ| ಭೃಶೋಷ್ಣಮನಾಮದಾಹಜ್ವರಕರಂ ವಿರೇಚನಂ ಚ ತಚ್ಚನ್ದನೋತ್ಪಲಕಮಲೈಃ||೯||

Adhikarana kaPaduShTastanyacikitsA (10) · Śloka 10

ಕಫೇ ತು ಸೈನ್ಧವಪಿಪ್ಪಲೀಯುಕ್ತಂ ಸರ್ಪಿರ್ಬಾಲಂ ಪಾಯಯೇತ್| ಸೈನ್ಧವಮಧುಕಸಂಸೃಷ್ಟಂ ವಾ ಮದನಪುಷ್ಪಕಲ್ಕೇನ ಚ ಸಕ್ಷೌದ್ರೇಣ ಸ್ತನಂ ಬಾಲಸ್ಯ ಚೋಷ್ಠಮಾಲಿಮ್ಪೇತ್| ತೇನ ಸುಖಂ ವಮತಿ| ಧಾತ್ರೀಂ ತು ತೀಕ್ಷ್ಣೈರ್ವಾಮಯೇತ್| ತತಃ ಕೃತಸಂಸರ್ಜನಾಂ ಪಞ್ಚಮೂಲಘನವಚಾತಿವಿಷಾಕ್ವಾಥಂ ಪಾಯಯೇತ್| ತಗರಸುರದಾರುಸುರೇನ್ದ್ರಯವಪೃಥ್ವೀಕಾವೃಶ್ಚಿಕಾಲೀಕ್ವಾಥಂ ವಾ| ಆರಗ್ವಧಾದಿಂ ಮುಸ್ತಾದಿಂ ವಾ| ರೂಕ್ಷೋಷ್ಣಾಂಶ್ಚ ನಸ್ಯಧೂಮಗಣ್ಡೂಷಪರಿಷೇಕಾನ್ ಶೀಲಯೇತ್| ಅವಿರುದ್ಧಂಚಾನ್ನಪಾನಂ ಯೋಜಯೇತ್| ಅಪಿ ಚ-ಲವಣಾನುರಸಂ ವಿಸರ್ಪಕೋಠಕಣ್ಡೂಕರಮ್| ತತ್ ಪಿಚುಮನ್ದಪಟೋಲೀಕ್ಷೀರೀವೃಕ್ಷೈಃ ಶೋಧಯೇತ್| ತನ್ತುಮದ್ದೌರ್ಬಲ್ಯಶ್ವಾಸಕಾಸಕರಮ್| ತತ್ ಪಿಪ್ಪಲೀನಾಗರಚೂರ್ಣೇನ ಸಮಧುಘೃತೇನ| ಗುರುಸದನಾತ್ಮಕಂ ಪ್ರತಿಶ್ಯಾಯಸಿಙ್ಘಾಣಕಕ್ಷೀರಾಲಸಕಕರಮ್| ತತ್ ಪಾಠಾವ್ಯೋಷಕಲ್ಕೇನ ಪಞ್ಚಕೋಲಚೂರ್ಣೇನ ವಾ ಕ್ಷೌದ್ರಘೃತಾಪ್ಲುತೇನ| ದೋಷೋಪಕ್ರಮಣೀಯಂ ಚೇಕ್ಷೇತ||೧೦||

Adhikarana kShIrAlasakam (11) · Śloka 11

ಯದಾ ಪುನರ್ಧಾತ್ರೀ ಸನ್ನಿಪಾತಪ್ರಕೋಪನಾನ್ಯಾಸೇವೇತ ತದಾಽಸ್ಯಾಸ್ತ್ರಯೋ ಮಲಾ ಯುಗಪದ್ವಕ್ಷೋಽಭಿಪ್ರಪನ್ನಾಃ ಕ್ಷೀರವಹಾ ರಸಾಯನೀಃ ಸಮನುಸೃತ್ಯ ಸಙ್ಕೀರ್ಣಲಿಙ್ಗಂ ಸ್ತನ್ಯಮಾವಹನ್ತಿ| ತಚ್ಚೇದವಿಜ್ಞಾನಾತ್ ಸತತಮಪ್ರತ್ಯವೇಕ್ಷಣಾತ್ ಪ್ರಮಾದಾದ್ವಾ ಮಾತುಃ ಕುಮಾರಃ ಪಿಬತಿ| ತತಃ ಸ ತೇನ ಸಲಿಲೋಪಮಮಚ್ಛಂ ವಿಚ್ಛಿನ್ನಮಾಮಂ ದುರ್ಗನ್ಧಿ ನಾನಾವರ್ಣವೇದನಂ ಫೇನಿಲಮತಿಸಾರ್ಯತೇ| ಪೀತಶ್ವೇತಮೂತ್ರತಾವಿಷ್ಟಮ್ಭತೃಷ್ಣಾಜ್ವರಚ್ಛರ್ದಿವಿಜೃಮ್ಭಿಕಾಶುಷ್ಕೋದ್ಗಾರಾರುಚಿಭ್ರಮಾಙ್ಗಭಙ್ಗವಿಕ್ಷೇಪಕೂಜನಘ್ಱಾಣಾಕ್ಷಿಮುಖಪಾಕದೃಷ್ಟ್ಯುಪಪ್ಲವಸ್ವರಸಾದಾದಯಶ್ಚಾಸ್ಯ ಪ್ರಾದುರ್ಭವನ್ತಿ| ತಂ ಕ್ಷೀರಾಲಸಕಮತ್ಯಯಂ ಚಾಚಕ್ಷತೇ||೧೧||

Adhikarana kShIrAlasakacikitsA (12) · Śloka 12

ತತ್ರ ಧಾತ್ರೀಂ ಬಾಲಞ್ಚ ಪೂರ್ವಮೇವಾಶು ವಾಮಯೇತ್| ವಿಹಿತಸಂಸರ್ಗಯೋಶ್ಚ ಮುಸ್ತಾಪಾಠಾತಿವಿಷಾಕುಷ್ಠಕಟುಕಾನಾಂ ಕ್ವಾಥಂ ಪಾನಾಯ ದದ್ಯಾತ್| ರಾಸ್ನಾಜಮೋದಾಪ್ರಿಯಙ್ಗುಭದ್ರದಾರೂಣಾಂ ವಾ| ಪಾಠಾತೇಜೋವತೀಪುನರ್ನವವೃಶ್ಚಿಕಾಲೀನಾಂ ವಾ| ಭೂನಿಮ್ಬಾಮೃತಾಕುಟಜಫಲಸಾರಿವಾಣಾಂ ವಾ| ವಚಾಹರಿದ್ರಾದಿಗಣಯೋರ್ವಾ| ಪಾಠಾದಿಮಹಾಕಷಾಯಸ್ಯ ವಾ| ಜಮ್ಬ್ವಾಮ್ರತಿನ್ದುಕಕಪಿತ್ಥಪತ್ರಾಣಾಂ ವಾ| ಬಿಲ್ವಭಙ್ಗಸ್ಯ ವಾ| ಅನುಬನ್ಧೇ ಚ ಯಥಾವ್ಯಾಧಿಂ ಪ್ರತಿಕುರ್ವೀತ||೧೨||

Adhikarana dantodBavAH gadAH (13) · Śloka 13

ದನ್ತೋದ್ಭೇದಶ್ಚ ಸರ್ವರೋಗಾಯತನಮ್| ವಿಶೇಷೇಣ ತು ತನ್ಮೂಲಾ ಜ್ವರಶಿರೋಭಿತಾಪತೃಷ್ಣಾಭ್ರಮಾಭಿಷ್ಯನ್ದಕುಕೂಣಕಪೋಥಕೀವಮಥುಕಾಸಶ್ವಾಸಾತೀಸಾರವಿಸರ್ಪಾಃ||೧೩||

Adhikarana dantodBedakAlasyAyurmaryAdayABisambandhaH (14) · Śloka 14

ಸ ದೀರ್ಘಾಯುಷೋಽಷ್ಟಮಾನ್ಮಾಸಾತ್ ಪರತೋ ವಾ ಪ್ರವರ್ತತೇ| ಇತರೇಷಾಂ ತು ಚತುರ್ಥಾತ್| ತೇ ಹ್ಯತಿಬಾಲ್ಯೇ ದನ್ತೋತ್ಪಾದವೇದನಯಾ ನಿಪೀಡಿತಾ ನ ಸಮ್ಯಕ್ ಸಮ್ಪೂರ್ಣಧಾತುಬಲಾ ಭವನ್ತಿ||೧೪||

Adhikarana bAlasya punardantotpattau hetuH vRuddhAnAM punardantotpAdABAve hetushca (15) · Śloka 15

ತತ್ರಾಽಸ್ಥಿಮಜ್ಜಾನೌ ದನ್ತೋತ್ಪತ್ತಿಹೇತೂ| ತದಾ ಚ ತಯೋರಸಮ್ಪೂರ್ಣವೀರ್ಯತ್ವಾತ್ ಪುನಃ ಕಾಲಾನ್ತರೇಣ ದನ್ತಾನಾಂ ಪತನಮಾಪೂರ್ಯಮಾಣಧಾತುತ್ವಾಚ್ಚ ಪುನರುತ್ಥಾನಮತ ಏವ ಚ ವೃದ್ಧಾನಾಂ ನ ಪುನರ್ದನ್ತೋತ್ಪತ್ತಿಃ||೧೫||

Adhikarana abhighAtAdinA patitAnAM dantAnAM punaranutpAde hetuH (16) · Śloka 16

ಬಲಾನ್ನಿಪತಿತಾನಾಂ ತು ಸಹಸಾ ತದಧಿಷ್ಠಾನಗತಧಾತುಬೀಜಭ್ರಂಶಾತ್ ಸನ್ತತಿವ್ಯುಚ್ಛೇದಾಚ್ಛೋಣಿತಾತಿಪ್ರವೃತ್ತ್ಯಾಽಭಿಘಾತಾಚ್ಚ ನಿಸ್ಸಾರಿತತ್ವಾತ್ ಸಿರಾಣಾಂ ಪುನರನುತ್ಪಾದಃ| ಏತೇನ ರೋಗಚ್ಯುತಾ ಅಪಿ ಪ್ರಾಯಶೋ ವ್ಯಾಖ್ಯಾತಾಃ||೧೬||

Adhikarana dantodBavakramaH (17) · Śloka 17

ತೌ ತು ಧಾತೂ ಕಾಲಕ್ರಮೇಣ ಪಚ್ಯಮಾನೌ ಯದಾ ದನ್ತಾಶಯಮನುಪ್ರಪದ್ಯೇತೇ ತದಾಽಸ್ಯ ಕಿಞ್ಚಿದುತ್ಸೇಧನೋರ್ಧ್ವಾಧೋದನ್ತಮಾಂಸಸಙ್ಘಟ್ಟನಾದಙ್ಗಹರ್ಷೋ ಜಾಯತೇ| ತದ್ಗತೇನ ಚ ಶ್ಲೇಷ್ಮಣಾ ಕಣ್ಡೂಸ್ತಯಾ ಚೂಚುಕಂ ದಶ್ಯತೇ| ಯದ್ಯದಾಲಭತೇ ತತ್ತದಾಸ್ಯಮಾನಯತಿ| ಮಾರುತಶ್ಚಾಸ್ಯ ದನ್ತಮೂಲೇಷು ಮೂರ್ಚ್ಛತಿ| ತತಃ ಸ ಕಫಾನುವಿದ್ಧೋಽಸ್ಥಿಮಜ್ಜಸ್ಥಿತಃ ಸರ್ವತೋ ವಿಸರನ್ ಸಹ ಪಿತ್ತೇನ ಮಲಾಂಶ್ಚ ದೂಷಯನ್ ವಿವಿಧಾನ್ಯಥೋದಿತಾನುಪದ್ರವಾನಭಿನಿರ್ವರ್ತಯತಿ||೧೭||

Adhikarana dantAnAmasamBavahetuH (18) · Śloka 18

ಯದಾ ಪುನರ್ದನ್ತಮಾಂಸಾಶ್ರಯೋ ಕೇವಲೋ ವಿಕೃತಃ ಪ್ರಬಲೋಽನಿಲಃ ವಾಽಸ್ಥಿಮಜ್ಜಾನೌ ಶೋಷಯತಿ ತದಾ ದ್ವಿಜಾನಾಮಸಮ್ಭವ ಏವೇತಿ||೧೮||

Adhikarana saMgrahashlokaH (19) · Śloka 19

ಭವನ್ತಿ ಚಾತ್ರ ಪೃಷ್ಠಭಙ್ಗೇ ಬಿಡಾಲಾನಾಂ ಬರ್ಹಿಣಾಂ ಚ ಶಿಖೋದ್ಗಮೇ| ದನ್ತೋದ್ಭೇದೇ ಚ ಬಾಲಾನಾಂ ನ ಹಿ ಕಿಞ್ಚಿನ್ನ ದೂಯತೇ||೧೯||

Adhikarana bAlAmayacikitsAsUtrANi (20) · Śloka 20

ಯಥಾದೋಷಂ ಯಥಾರೋಗಂ ಯಥೋದ್ರೇಕಂ ಯಥಾಬಲಮ್| ವಿಭಜ್ಯ ದೇಶಕಾಲಾದೀಂಸ್ತತ್ರ ಯೋಜ್ಯಂ ಭಿಷಗ್ಜಿತಮ್| ತ ಏವ ದೋಷಾ ದೂಷ್ಯಾಶ್ಚ ಜ್ವರಾದ್ಯಾ ವ್ಯಾಧಯಶ್ಚ ಯತ್| ಅತಸ್ತದೇವ ಭೈಷಜ್ಯಂ ಮಾತ್ರಾ ತ್ವಸ್ಯ ಕನೀಯಸೀ| ಸೌಕುಮಾರ್ಯಾಲ್ಪಕಾಯತ್ವಾತ್ಸರ್ವಾನ್ನಾನುಪಸೇವನಾತ್| ಸ್ನಿಗ್ಧಾ ಏವ ಸದಾ ಬಾಲಾ ಘೃತಕ್ಷೀರನಿಷೇವಣಾತ್| ಸದ್ಯಸ್ತಾನ್ ವಮನಂ ತಸ್ಮಾತ್ ಪಾಯಯೇನ್ಮತಿಮಾನ್ಮೃದು| ಬಸ್ತಿಂ ಸಾಧ್ಯೇ ವಿರೇಕೇಣ ಮರ್ಶೇನ ಪ್ರತಿಮರ್ಶನಮ್| ಯುಞ್ಜ್ಯಾದ್ವಿರೇಚನಾದೀಂಸ್ತು ಧಾತ್ರ್ಯಾ ಏವ ಯಥೋಚಿತಾನ್||೨೦||

Adhikarana stanyadoShaharAH yogAH (21) · Śloka 21

ಮೂರ್ವಾವ್ಯೋಷವರಾಕೋಲಜಮ್ಬೂತ್ವಗ್ದಾರೂಸರ್ಷಪಾಃ| ಸಪಾಠಾ ಮಧುನಾ ಲೀಢಾಃ ಸ್ತನ್ಯದೋಷಹರಾಃ ಪರಮ್| ಇಕ್ಷುಮೂಲಕಶೇರ್ವಾಖ್ಯಯಷ್ಟ್ಯಾಹ್ವೈಸ್ತನು ಶುದ್ಧ್ಯತಿ| ಸಾನ್ದ್ರಂ ತು ಕ್ಷೌದ್ರಕಾಶ್ಮರ್ಯಗುಡೂಚೀತಣ್ಡುಲಾಮ್ಬುಭಿಃ| ಶೃತೈರ್ವಾ ಸುರಸಶ್ವೇತಸರ್ಷಪಾಬೃಹತೀದ್ವಯೈಃ| ಗ್ರಥಿತಂ ಪದ್ಮಕೋಶೀರಫಲಿನೀಶ್ವೇತಚನ್ದನೈಃ||೨೧||

Adhikarana dantodBavarogANAM cikitsA (22) · Śloka 22

ದನ್ತಪಾಲೀಂ ಸಮಧುನಾ ಚೂರ್ಣೇನ ಪ್ರತಿಸಾರಯೇತ್| ಪಿಪ್ಪ್ಲ್ಯಾ ಧಾತಕೀಪುಷ್ಪಧಾತ್ರೀಫಲಕೃತೇನ ವಾ| ವಾಧ್ರೀಣಸಕಪೋತೋತ್ಥರಜಸ್ತದ್ವಚ್ಚ ಯೋಜಿತಮ್| ಲಾವತಿತ್ತಿರವಲ್ಲೂರರಜಃ ಪುಷ್ಪರಸದ್ರುತಮ್| ದ್ರುತಂ ಕರೋತಿ ಬಾಲಾನಾಂ ದನ್ತಕೇಸರವನ್ಮುಖಮ್| ವಚಾದ್ವಿಬೃಹತೀಪಾಠಾಕಟುಕಾತಿವಿಷಾಧನೈಃ| ಮಧುರೈಶ್ಚ ಘೃತಂ ಸಿದ್ಧಂ ಸಿದ್ಧಂ ದಶನಜನ್ಮನಿ||೨೨||

Adhikarana vAtajvaranAshanAH yogAH (23) · Śloka 23

ಭದ್ರದಾರು ಘನಂ ಯಷ್ಟೀ ಸಮಙ್ಗಾ ಸಸಿತೋಪಲಾ| ವಾತಜ್ವರಪರೀತಾಙ್ಗಃ ಪಿಬೇದನ್ತರಪಾನಕಮ್| ಸುರಾಹ್ವಘನಯಷ್ಟ್ಯಾಹ್ವಪಯಸ್ಯಾಂಶುಮತೀದ್ವಯಮ್| ನಾಗರಂ ಮರಿಚಂ ಭಾರ್ಙ್ಗೀ ವೃಶ್ಚಿಕಾಲೀ ಶತಾವರೀ| ಘೃತಂ ತತ್ಕ್ವಾಥದುಗ್ಧಾಭ್ಯಾಂ ಸಿದ್ಧಂ ಹನ್ತ್ಯನಿಲಜ್ವರಮ್| ಬಾಲಸ್ಯ ಪಾನಾಭ್ಯಙ್ಗಾಭ್ಯಾಮೇಭಿಶ್ಚೋನ್ಮರ್ದನಂ ಹಿತಮ್| ಹರಿದ್ರಾಕುಷ್ಠಷಡ್ಗ್ರನ್ಥಶತಪುಷ್ಪಾಹರೇಣುಭಿಃ| ಭಾರ್ಙ್ಗ್ಯೈಲಾಸುಷವೀರಾಸ್ನಾವರ್ಷಾಭೂನತಸರ್ಷಪೈಃ| ಅಕ್ಷಾಂಶೈಃ ಸಾಮ್ಬುಸೌವೀರೈರ್ಮಸ್ತುಪಿಷ್ಟೈರ್ಮರುಜ್ಜ್ವರೇ| ತೈಲಪ್ರಸ್ಥಂ ಸುರಾಮಣ್ಡತುಲ್ಯಮಭ್ಯಞ್ಜನಂ ಪಚೇತ್||೨೩||

Adhikarana pittajvare~atisAre ca yogAH (24) · Śloka 24

ಲಾಜನೀಲೋತ್ಪಲಕಣಾಮಧುಕಾಞ್ಜನಶರ್ಕರಮ್| ಪಿತ್ತಜ್ವರಮತೀಸಾರಂ ಮಧುಲೀಢಂ ನಿವರ್ತಯೇತ್| ಲಾಜದ್ವಿಪಿಪ್ಪಲೀಕ್ವಾಥಃ ಶರ್ಕರಾಮಧುಸಂಯುತಃ| ಪೀತೋ ಜ್ವರಮತೀಸಾರಂ ತೃಷ್ಣಾಂ ಛರ್ದಿಂ ಚ ನಾಶಯೇತ್| ಆಮಾತಿಸಾರೇ ರಕ್ತೇ ಚ ಕಲ್ಕಿತಾಂ ಜಗಪಿಪ್ಪಲೀಮ್| ಪಾಯಯೇಚ್ಛರ್ಕರೋಪೇತಾಂ ಚೂರ್ಣಂ ವಾ ದೇವದಾರುಜಮ್||೨೪||

Adhikarana shiro~aBitApe yogAH (25) · Śloka 25

ಶೋರೋಭಿತಾಪೇ ಸಘೃತೈಃ ಶಿರಃ ಶೀತೈಃ ಪ್ರಲೇಪಯೇತ್| ಪತ್ರೈಃ ಕಪಿತ್ಥಚಾಙ್ಗೇರೀಬದರೀಕಾಕಮಾಚಿಜೈಃ| ಶಿರೋರುಕ್ ಚ್ಛರ್ದ್ಯತೀಸಾರನಾಶನಂ ಮೂರ್ಧಲೇಪನಮ್| ಗವಾದನೀಂ ದಾಡಿಮಞ್ಚ ತೃಡ್ವಾನ್ ಕೋಷ್ಣಾಮ್ಭಸಾ ಪಿಬೇತ್||೨೫||

Adhikarana kukUNakAdyakShirogaghnAH yogAH (26) · Śloka 26

ಕುರ್ಯಾತ್ ಕುಕೂಣಪೋಥಕ್ಯೋರ್ಯಥೋಕ್ತಂ ಸ್ವಂ ಸ್ವಮೌಷಧಮ್| ಮನಃಶಿಲಾಶಙ್ಖನಾಭಿಃ ಪಿಪ್ಪಲ್ಯೋ ಮಧುಯಷ್ಟಿಕಾ| ಕ್ಷೌದ್ರೇಣ ಘೃಷ್ಟಾ ಗುಲಿಕಾ ಶಿಶೋಃ ಸರ್ವಾಕ್ಷಿರೋಗಜಿತ್| ಪಿಪ್ಪಲೀತಣ್ಡುಲೈರ್ಮುದ್ಗೈಃ ಸುಮನಃ ಕೋರಕೈರ್ಯವೈಃ| ನೀಲೋತ್ಪಲಸ್ಯ ಪತ್ರೈಶ್ಚ ಶ್ರೇಷ್ಠಾ ವರ್ತಿಃ ಶತೋನ್ಮಿತೈಃ||೨೬||

Adhikarana tRuShNAdinAshanAH yogAH (27) · Śloka 27

ಪ್ರಿಯಙ್ಗ್ವಞ್ಜನಮುಸ್ತಾನಾಂ ಚೂರ್ಣಸ್ತಣ್ಡುಲವಾರಿಣಾ| ತೃಷ್ಣಾತಿಸಾರವಮಥೂನ್ ಹನ್ತಿ ಪೀತಃ ಸಮಾಕ್ಷಿಕಃ| ಪಟೋಲನಿಮ್ಬಕುಟಜಸಪ್ತಪರ್ಣಂ ಸದೀಪ್ಯಕಮ್| ದೇವದಾರುವಿಡಙ್ಗಾನಿ ಸರಲೋ ಮಾಕ್ಷಿಕಂ ಘೃತಮ್| ಲೀಢಂ ಜ್ವರಮತೀಸಾರಂ ಕಾಸಂ ಪಾಣ್ಡ್ವಾಮಯಂ ವಮಿಮ್| ಹನ್ಯಾಚ್ಚ ಮಾತೃಕಾದೋಷಾನ್ ರೋಗಾನನ್ಯಾಂಶ್ಚ ತದ್ವಿಧಾನ್||೨೭||

Adhikarana shleShmajvaraghnAH yogAH (28) · Śloka 28

ಮಧುಕವ್ಯೋಷಷಡ್ಗ್ರನ್ಥಾಗ್ರನ್ಥಿಕಾಸ್ಪೃಷ್ಟರೋದಿಕಾಃ| ಕ್ಷೀರಿಣಾಞ್ಚ ಪ್ರವಾಲಾನಿ ಪಾಠಾ ಚ ವಿಪಚೇದ್ ಘೃತಮ್| ತತ್ಪೀತಂ ಸಮಧು ಶ್ಲೇಷ್ಮಜ್ವರಘ್ನಂ ದೀಪನಂ ಪರಮ್| ರಾಸ್ನೈಲಾನತತರ್ಕಾರೀಮಧುಶಿಗ್ರುಸುರಾಹ್ವಯೈಃ| ಸಬಿಲ್ವಕುಷ್ಠವರಣರೇಣೂಕಾಮಿಸಿಭಿಃ ಕೃತಃ| ಶ್ಲೇಷ್ಮಜ್ವರಹರೋ ಲೇಪಸ್ತೈಲಮಭ್ಯಞ್ಜನಂ ಚ ತೈಃ| ಮಣ್ಡಲಾನಿ ತು ಸಾಜ್ಯೇನ ಗಜಮೂತ್ರೇಣ ಲೇಪಯೇತ್||೨೮||

Adhikarana sarvarogaghnaM rajanyAdicUrNam (29) · Śloka 29

ರಜನೀದಾರೂಸರಲಶ್ರೇಯಸೀಬೃಹತೀದ್ವಯಮ್| ಪೃಶ್ನಿಪರ್ಣೀ ಶತಾಹ್ವಾ ಚ ಲೀಢಂ ಮಾಕ್ಷಿಕಸರ್ಪಿಷಾ| ಗ್ರಹಣೀದೀಪನಂ ಶ್ರೇಷ್ಠಂ ಮಾರುತಸ್ಯಾನುಲೋಮನಮ್| ಅತೀಸಾರಜ್ವರಶ್ವಾಸಕಾಮಲಾಪಾಣ್ಡುಕಾಸಜಿತ್| ಬಾಲಸ್ಯ ಸರ್ವರೋಗೇಷು ಪೂಜಿತಂ ಬಲವರ್ಣದಮ್||೨೯||

Adhikarana atisArAdinAshanAH yogAH (30) · Śloka 30

ಬಿಲ್ವಪೇಶೀಗಜಕಣಾಧಾತಕೀಲೋಧ್ರಬಾಲಕಮ್| ಹನ್ತಿ ಲೀಢಮತಿಸಾರಂ ಶಿಶೋಃ ಕ್ಷೌದ್ರದ್ರುತಂ ದ್ರುತಮ್| ತ್ರಿಫಲಾಧಾತಕೀಪುಷ್ಪಪದ್ಮಬಿಲ್ವಶಲಾಟುಭಿಃ| ಸಕಟ್ವಙ್ಗೈರ್ಘೃತಂ ಸಿದ್ಧಮುದರಾಮಯನಾಶನಮ್| ಪಥ್ಯಾಸೌವರ್ಚಲಕ್ಷಾರವೇಲ್ಲವ್ಯೋಷಾಗ್ನಿಹಿಙ್ಗುಭಿಃ| ತಿಕ್ತಯಾ ಚ ಘೃತಂ ಸಿದ್ಧಂ ಸಮಕ್ಷೀರಂ ವ್ಯಪೋಹತಿ| ಶೂಲಾನಾಹಗುದಭ್ರಂಶಶ್ವಾಸಕಾಸವಿಲಮ್ಬಿಕಾಃ||೩೦||

Adhikarana vRuddhakAshyapanirmitaM sama~ggAdighRutam (31) · Śloka 31

ಸಮಙ್ಗಾಧಾತಕೀಲೋಧ್ರಕುಟನ್ನಟಬಲಾದ್ವಯೈಃ| ಮಹಾಸಹಾಕ್ಷುದ್ರಸಹಾಮುದ್ಗಬಿಲ್ವಶಲಾಟುಭಿಃ| ಸಕಾರ್ಪಾಸೀಫಲೈಸ್ತೋಯೇ ಸಧಿತೈಃ ಸಾಧಿತಂ ಘೃತಮ್| ಕ್ಷಾರಮಸ್ತುಯುತಂ ಹನ್ತಿ ಶೀಘ್ರಂ ದನ್ತೋದ್ಭವೋದ್ಭವಾನ್| ವಿವಿಧಾನಾಮಯಾನೇತದ್ವೃದ್ಧಕಾಶ್ಯಪನಿರ್ಮಿತಮ್||೩೧||

Adhikarana dantodBavarogeShu bAlaM nAtitantrayet (32) · Śloka 32

ದನ್ತೋದ್ಭೇದೋತ್ಥರೋಗೇಷು ನ ಬಾಲಮತಿತನ್ತ್ರಯೇತ್| ಸ್ವಯಮಪ್ಯುಪಶಾಮ್ಯನ್ತಿ ಜಾತದನ್ತಸ್ಯ ಯದ್ಗದಾಃ||೩೨||

Adhikarana dantAnAM patanaM punarudBavashca (33) · Śloka 33

ಯಾವನ್ಮಾಸಸ್ಯ ಯೋ ಜಾತಸ್ತಾವದ್ವರ್ಷಸ್ಯ ಸ ದ್ವಿಜಃ| ಪತತಿ ಪ್ರಾಯಶೋಽಷ್ಟಾನಾಂ ತೇಷಾಂ ಪೂರ್ವೇಷು ಸಮ್ಭವಃ||೩೩||

Adhikarana kumArashoShaH (34) · Śloka 34

ಅತ್ಯಹಃ ಸ್ವಪ್ನಶೀತಾಮ್ಬುಶ್ಲೈಶ್ಮಿಕಸ್ತನ್ಯಸೇವಿನಃ| ಶಿಶೋಃ ಕಫೇನ ರೂದ್ಧೇಷು ಸ್ರೋತಸ್ಸು ರಸವಾಹಿಷು| ಅರೋಚಕಃ ಪ್ರತಿಶ್ಯಾಯೋ ಜ್ವರಃ ಕಾಸಶ್ಚ ಜಾಯತೇ| ಕುಮಾರಃ ಶುಷ್ಯತಿ ತತಃ ಸ್ನಿಗ್ಧಶುಕ್ಲಮುಖೇಕ್ಷಣಃ||೩೪||

Adhikarana kumArashoShacikitsA (35) · Śloka 35

ಸೈನ್ಧವವ್ಯೋಷಶಾರ್ಙ್ಗೇಷ್ಠಾಪಾಠಾಗಿರಿಕದಮ್ಬಕಾನ್| ಶುಷ್ಯತೋ ಮಧುಸರ್ಪಿರ್ಭ್ಯಾಮರುಚ್ಯಾದಿಷು ಯೋಜಯೇತ್| ಅಶೋಕರೋಹಿಣೀಯುಕ್ತಂ ಪಞ್ಚಕೋಲಂ ಚ ಚೂರ್ಣಿತಮ್| ಬದರೀಧಾತಕೀಧಾತ್ರೀಚೂರ್ಣಂ ವಾ ಸರ್ಪಿಷಾ ದ್ರುತಮ್| ಅಶ್ವಲಿಣ್ಡರಸಕ್ಷೌದ್ರಯುಕ್ತಾಂ ವಾ ಮಧುಯಷ್ಟಿಕಾಮ್| ದ್ವಿವಾರ್ತಾಕೀಫಲರಸಂ ಕೇವಲಂ ವಾಶ್ವವಿಡ್ರಸಮ್| ಮಧುನಾ ವಾ ಧನವ್ಯೋಷಪಾಠಾಮೂರ್ವಾಶತಾವರೀ| ಸಪಯಸ್ಯಾ ಪೃಥಕ್ಪರ್ಣೀ ಘೃತಂ ವಾ ಮಾಕ್ಷಿಕಾನ್ವಿತಮ್| ಸ್ಥಿರಾಮರತರುವ್ಯೋಷದ್ವಿಪುನರ್ನವಸಾಧಿತಮ್| ಸ್ಥಿರಾವಚಾದ್ವಿಬೃಹತೀಕಾಕೋಲೀಪಿಪ್ಪಲೀನತೈಃ| ನಿಚುಲೋತ್ಪಲವರ್ಷಾಭೂಭಾರ್ಙ್ಗೀಮುಸ್ತೈಶ್ಚ ಕಾರ್ಷಿಕೈಃ| ಸಿದ್ಧಂ ಪ್ರಸ್ಥಾರ್ಧಮಾಜ್ಯಸ್ಯ ಸ್ರೋತಸಾಂ ಶೋಧನಂ ಪರಮ್| ಸಿಂಹ್ಯಶ್ವಗನ್ಧಾಸುರಸಕಣಾಗರ್ಭಂ ಚ ತದ್ಗುಣಮ್| ಯಷ್ಟ್ಯಾಹ್ವಪಿಪ್ಪಲೀಲೋಧ್ರಪದ್ಮಕೋತ್ಪಲಚನ್ದನೈಃ| ತಾಲೀಸಸಾರಿವಾಭ್ಯಾಞ್ಚ ಸಾಧಿತಂ ಶೋಷಜಿದ್ಧೃತಮ್| ರಾಸ್ನಾಮಧೂಲಿಕಾಭಾರ್ಙ್ಗೀಪಿಪ್ಪಲೀದೇವದಾರುಭಿಃ| ಅಶ್ವಗನ್ಧಾದ್ವಿಕಾಕೋಲೀಶೃಙ್ಗ್ಯರ್ಷಭಕಜೀವಕೈಃ| ಸೂಪ್ಯಪರ್ಣೀವಿಡಙ್ಗೈಶ್ಚ ಕಲ್ಕಿತೈಃ ಸಾಧಿತಂ ಘೃತಮ್| ಶಶೋತ್ತಮಾಙ್ಗನಿರ್ಯೂಹೇ ಶುಷ್ಯತಃ ಪುಷ್ಟಿಕೃತ್ ಪರಮ್| ವಚಾವಯಸ್ಥಾತಗರಕಾಯಸ್ಥಾಚೋರಕೈಃ ಶೃತಮ್| ಬಸ್ತಮೂತ್ರಸುರಾಭ್ಯಾಂ ಚ ತೈಲಮಭ್ಯಞ್ಜನೇ ಹಿತಮ್| ದ್ವೇ ಬಲೇ ತುಮ್ಬುರುಚ್ಛಲ್ಲೀ ವಚಾ ಗಿರಿಕದಮ್ಬಕಃ| ಸುರಾಪಿಷ್ಟಃ ಪ್ರದೇಹಃ ಸ್ಯಾದಧಃ ಕಾಯೇ ವಿಶುಷ್ಯ ತಾಮ್| ಸಿಂಹಸ್ಕನ್ದೀಸಿಂಹವಲ್ಲೀಕರಮರ್ದೀತ್ರಿಕಣ್ಟಕೈಃ| ಭಙ್ಗೈಃ ಕ್ವಾಥಃ ಕುಮಾರಾಣಾಂ ಶುಷ್ಯತಾಂ ಪರಿಷೇಚನಮ್| ಸಾಶೋಕರೋಹಿಣೀಂ ಕೃಷ್ಣಾಂ ಮಧ್ವಾಜ್ಯೇನ ಲಿಹಞ್ಜಯೇತ್| ಶಿಶುಃ ಶೋಷಂ ಶರೀರಸ್ಯ ಸಸಿತಚ್ಛಾಗದುಗ್ಧಭುಕ್||೩೫||

Adhikarana shuShkakAsacikitsA (36) · Śloka 36

ಶುಷ್ಕಕಾಸೇ ಕುಮಾರಸ್ಯ ಧಾತ್ರ್ಯಾಃ ಸ್ತನ್ಯವಿಶೋಧನಃ| ಮಾಷಯೂಷಃ ಪ್ರಯೋಕ್ತವ್ಯಃ ಸಕೃಷ್ಣೋ ಘೃತಭರ್ಜಿತಃ| ಮಧುನಾಽತಿವಿಷಾಶೃಙ್ಗೀಪಿಪ್ಪಲೀರ್ಲೇಹಯೇಚ್ಛಿಶುಮ್| ಏಕಾಂ ವಾತಿವಿಷಾಂ ಕಾಸಜ್ವರಚ್ಛರ್ದಿರುಪದ್ಗುತಮ್| ಕಾಸತೃಟ್ಚ್ಛರ್ದ್ಯತೀಸಾರೈರರ್ದಿತಂ ಲಾಜತರ್ಪಣಮ್| ಲಾಜತಾಲೀಸಪತ್ರಂ ವಾ ಬೀಜಾನಿ ಕಮಲಸ್ಯ ವಾ| ಲೋಧ್ರಪ್ರಿಯಙ್ಗುಕಲ್ಕಂ ವಾ ಪಾಯಯೇತ್ತಣ್ಡುಲಾಮ್ಭಸಾ| ಶರ್ಕರಾಮಧುಸಂಯುಕ್ತಂ ಲಾಜಕುಸ್ತುಮ್ಬರೀರಜಃ||೩೬||

Adhikarana CardyAdInAM cikitsA (37) · Śloka 37

ಬೃಹತೀಫಲಮೂಲತ್ವಕ್ಪಿಪ್ಪಲೀಗ್ರನ್ಥಿಕೈಃ ಕೃತಃ| ತವಕ್ಷೀರೀಯುತೈಃ ಕ್ವಾಥೋ ಮಧುನಾ ಹನ್ತಿ ಶೀಲಿತಃ| ಛರ್ದಿಮೂರ್ಚ್ಛಾಜ್ವರಶ್ವಾಸಕಾಸಾತೀಸಾರಪೀನಸಾನ್| ಪಞ್ಚಕೋಲದ್ವಿವಾಱ್ರ್ತಾಕೀಮೂಲಭಾರ್ಙ್ಗೀತುಗಾಹ್ವಯಾಃ| ಕ್ಷೌದ್ರಾಜ್ಯಲೀಢಾಃ ಶ್ವಸನಕಾಸಪೀನಸರುಕ್ಚ್ಛರ್ದಿಃ| ಶ್ಯಾಮಾತಿಮುಕ್ತಾತಕ್ಕಾರೀಕುಸುಮಕ್ವಾಥಸಾಧಿತಮ್| ಯಷ್ಟಿಗರ್ಭಂ ಧೃತಂ ತೃಷ್ಣಾಹಿಧ್ಮಾಶ್ವಾಸಾಸ್ರಪಿತ್ತನುತ್||೩೭||

Adhikarana pItastanyaCardane cikitsA (38) · Śloka 38

ಪೀತಂ ಪೀತಂ ವಮತಿ ಯಃ ಸ್ತನ್ಯಂ ತಂ ಮಧುಸರ್ಪಿಷಾ| ದ್ವಿವಾರ್ತಾಕೀಫಲರಸಂ ಪಞ್ಚಕೋಲಂ ಚ ಲೇಹಯೇತ್| ಪಿಪ್ಪಲೀಪಞ್ಚಲವಣಂ ಕೃಮಿಜಿತ್ ಪಾರಿಭದ್ರಕಮ್| ತದ್ವಲ್ಲಿಹ್ಯಾತ್ತಥಾ ವ್ಯೋಷಂ ಮಷೀ ವಾ ರೋಮಚರ್ಮಣಾಮ್| ಲಾಭತಃ ಶಲ್ಯಕಶ್ವಾವಿಟ್ಗೋಧರ್ಷ್ಯಶಿಖಿಜನ್ಮನಾಮ್| ಖದಿರಾರ್ಜುನತಾಲೀಸಕುಷ್ಠಚನ್ದನಜೇ ರಸೇ| ಸಕ್ಷೀರಂ ಸಾಧಿತಂ ಸರ್ಪಿರ್ವಮಥುಂ ವಿನಿಯಚ್ಛತಿ| ಕ್ಷೀರೀಪ್ರವಾಲಮಧುಕದರ್ಭಮೂಲವಿಸೋತ್ಪಲೈಃ| ತೃಷ್ಣಾದಾಹಜ್ವರಹರಃ ಕಷಾಯಃ ಸಸಿತಾಮಧುಃ| ಶರ್ಕರಾದಾಡಿಮಕಣಾನಾಗಕೇಸರಜೀವಕಮ್| ಲಿಹನ್ ಕುಮಾರಃ ಕ್ಷೌದ್ರೇಣ ತೃಟ್ಚ್ಛರ್ದಿಭ್ಯಾಂ ವಿಮುಚ್ಯತೇ| ಲಾಜೈಃ ಸಚನ್ದನೋಶೀರಯಷ್ಟೀಮಧುಕಪದ್ಮಕೈಃ| ಲಿಪ್ತೋ ಧೌತಃ ಸ್ತನಃ ಪೀತೋ ಭ್ರಮತೃಡ್ದಾಹಮೋಹಹಾ||೩೮||

Adhikarana la~gGanodBUtakArshyAdicikitsA (39) · Śloka 39

ಅಸ್ನೇಹಲವಣಂ ಪೀತ್ವಾ ಸಂಸ್ಕೃತಂ ಲಾವಜಂ ರಸಮ್| ಸಶರ್ಕರಂ ವಿಜಯತೇ ಬಾಲೋ ಲಙ್ಘನಜಾನ್ ಗದಾನ್||೩೯||

Adhikarana mahApadmavisarpaH (40) · Śloka 40

ವಿಸರ್ಪಸ್ತು ಶಿಶೋಃ ಪ್ರಾಣನಾಶನಃ ಬಸ್ತಿಶೀರ್ಷಜಃ| ಪದ್ಮವರ್ಣೋ ಮಹಾಪದ್ಮನಾಮಾ ದೋಷತ್ರಯೋದ್ಭವಃ| ಶಾಖಾಭ್ಯಾಂ ಹೃದಯಂ ಯಾತಿ ಹೃದಯಾದ್ವಾ ಗುದಂ ವ್ರಜೇತ್||೪೦||

Adhikarana sadantajAtasya shAntikarma (41) · Śloka 41

ಸದನ್ತೋ ಜಾಯತೇ ಯಸ್ತು ದನ್ತಾಃ ಪ್ರಾಗ್ಯಸ್ಯ ಚೋತ್ತರಾಃ| ಕುರ್ವೀತ ತಸ್ಮಿನ್ನುತ್ಪಾತೇ ಶಾನ್ತಿಂ ತಂ ಚ ದ್ವಿಜಾತಯೇ| ದದ್ಯಾತ್ ಸದಕ್ಷಿಣಂ ಬಾಲಂ ನೈಗಮೇಷಂ ಚ ಪೂಜಯೇತ್| ವತ್ಸಸ್ಯ ಮಧುಲಾಜಾನಾಮಾಪೂರ್ಯಪ್ರಾಙ್ಮುಖೋ ಮುಖಮ್| ಚುಮ್ಬೇತ್ಕುಮಾರಸ್ತ್ರೀನ್ ವಾರಾನ್ ಪ್ರಾಯಶ್ಚಿತ್ತಮಿದಂ ಪರಮ್| ನಾವಮಾರೋಹಯೇತ್ ಬಾಲಂ ಸ್ನಾತಂ ಸ್ಕನ್ಧಂ ಗಜಸ್ಯ ವಾ| ಭೋಜಯೇತ್ ಬ್ರಾಹ್ಮಣಾಂಶ್ಚಾತ್ರ ಪಾಯಸಂ ಮಧುಸರ್ಪಿಷಾ||೪೧||

Adhikarana paribhavAkhyavyAdheshcikitsA (42) · Śloka 42

ಮಾತುಃ ಕುಮಾರೋ ಗರ್ಭಿಣ್ಯಾಃ ಸ್ತನ್ಯಂ ಪ್ರಾಯೋಽಪಿಬನ್ನಪಿ| ಕಾಸಾಗ್ನಿನಸಾದವಮಥುತನ್ದ್ರಾಕಾರ್ಶ್ಯಾರುಚಿಭ್ರಮೈಃ| ಯುಜ್ಯತೇ ಕೋಷ್ಠವೃದ್ಧ್ಯಾ ಚ ತಮಾಹುಃ ಪಾರಿಗರ್ಭಿಕಮ್| ರೋಗಂ ಪರಿಭವಾಖ್ಯಂ ಚ ಯುಞ್ಜ್ಯಾತ್ತತ್ರಾಗ್ನಿದೀಪನಮ್| ಪಿಪ್ಪಲೀಪಿಪ್ಪಲೀಮೂಲಕಟುಕಾದೇವದಾರುಭಿಃ| ಕ್ಷಾರದ್ವಯವಿಡಾಜಾಜೀಬಿಲ್ವಮಧ್ಯಾಗ್ನಿದೀಪ್ಯಕೈಃ| ದಧಿಸೌವೀರಕಸುರಾಮಣ್ಡೈಶ್ಚ ವಿಪಚೇದ್ ಘೃತಮ್| ಹನ್ತಿ ಪ್ರಯುಕ್ತಂ ತತ್ಕಾಲೇ ರೋಗಾನ್ ಪಾರಿಭವಾಶ್ರಯಾನ್||೪೨||

Adhikarana pariBavAntaraM tatra cikitsA ca (43) · Śloka 43

ಅನ್ನೇನೋಪಹಿತಂ ಸ್ತನ್ಯಂ ಪಿಬತೋ ವಿಹಿತಾನ್ ಪರಮ್| ಇಮಾನೇವ ಗದಾನ್ ಕುರ್ಯಾತ್ ಕುರ್ಯಾತ್ತೇಷ್ವೇತದೇವ ಚ| ಪೀತಂ ಪೀತಂ ಚ ಯಃ ಸ್ತನ್ಯಂ ಸವಾತಮತಿಸಾರ್ಯತೇ| ತಸ್ಯಾಪ್ಯೇತತ್ಪರಂ ಪಥ್ಯಂ ದೀಪನಂ ಬಲವರ್ಣಕೃತ್| ಅತ್ಯುದ್ರಿಕ್ತಕ್ಷುಧಂ ಬಾಲಂ ಪರಿಭೂತಂ ಲೇಹಯೇತ್| ವಿದಾರೀಯವಗೋಧೂಮಕಣಾಚೂರ್ಣಂ ಘೃತಾಪ್ಲುತಮ್| ಪಾಯಯೇದನು ಚ ಕ್ಷೀರಂ ಶೃತಂ ಸಮಧುಶರ್ಕರಮ್| ಅಕ್ಷಮಜ್ಜಾದ್ವಿಕಾಕೋಲೀಯಷ್ಟೀಮಧುಕಮೋರಟಃ| ಶ್ರಪಯೇತ್ ಕ್ಷೀರಮಾಜ್ಯಂ ವಾ ಬೀಜೈರಿಕ್ಷುರಕಸ್ಯ ಚ| ತತ್ಪ್ರಯೋಜ್ಯಂ ಗುರು ಸ್ನಿಗ್ಧಂ ಯಚ್ಚಾತ್ಯಗ್ನೌ ಪುರೇರಿತಮ್| ಶ್ವವಾಯಸಬಿಡಾಲಾನಾಮುಚ್ಛಿಷ್ಟೇನ ಜಲೇನ ಚ| ಸ್ನಾಪಯೇತ್ತಂ ನ ಚೇದೇವಂ ಕ್ಷುತ್ತಸ್ಯ ಪ್ರಶಮಂ ವ್ರಜೇತ್| ಕ್ಷೀರೀಪಾದಪಮೂಲಸ್ಥಂ ವಿಧಿನಾ ಸ್ನಾಪಿತಂ ತತಃ| ವಸ್ತ್ರರತ್ನಾದ್ಯಲಙ್ಕಾರೈಃ ಕುಮಾರಂ ಭೂಷಯೇತ್ ಸಿತೈಃ| ವೃಕ್ಷಂ ಚಾನು ತತಃ ಕುರ್ಯಾದ್ಭೂಷಣವ್ಯತ್ಯಯಂ ತಯೋಃ| ಏತದಾಯುಃಪ್ರದಂ ಧನ್ಯಂ ಸ್ನಪನಂ ಸರ್ವರೋಗಜಿತ್| ಜಟೀಭೂತಕಚಾಕ್ಷ್ಯಾದಿಪಕ್ಷ್ಮಾಣಮತಿಲೋಲುಪಮ್| ಗೋಮೂತ್ರಗನ್ಧಿಂ ಸ್ನಪಯೇತ್ತೀರ್ಥೇ ಗವ್ಯಶಕೃದ್ರಸೈಃ| ವಚಾಪುಷ್ಪಶಿಲಾಕುಷ್ಠವಯಸ್ಥಾಹಿಙ್ಗುಕಟ್ಫಲೈಃ| ಸಬಸ್ತಮೂತ್ರಮದಿರೈಸ್ತೈಲಮಭ್ಯಞ್ಜನಂ ಪಚೇತ್| ವಾಲಾವಿದಾರೀತ್ರಿಕಟುಕುಷ್ಠೋಶೀರಕುಚನ್ದನೈಃ| ಸಿದ್ಧಂ ಪೀತಂ ಹವಿರ್ಹನ್ತಿ ತಂ ವಿಕಾರಮಶೇಷತಃ||೪೩||

Adhikarana parvAnuplavaH taccikitsA ca (44) · Śloka 44

ಶಿರಃ ಪೃಷ್ಠಂ ತತೋ ಮುಷ್ಕೌ ತತಃ ಪಾದೌ ಚ ಯೋ ರುಜೇತ್| ಹಸ್ತಾಭ್ಯಾಮುತ್ಥಿತೋ ವಾಯುಃ ಸ ಪರ್ವಾನುಪ್ಲವಃ ಸ್ಮೃತಃ| ಗೌರೀವಚಾಸದಾಪುಷ್ಪೀಹಯಗನ್ಧಾಕಟುತ್ರಯೈಃ| ಸಕಟ್ಫಲದ್ವಿವಾರ್ತಾಕೀವಯಸ್ಥಾಹಿಙ್ಗುರೋಹಿಷೈಃ| ವಸ್ತಮೂತ್ರಸುರಾಯುಕ್ತೈಃ ಸಾಧಿತಂ ತಸ್ಯ ಯೋಜಯೇತ್| ತೈಲಮಭ್ಯಞ್ಜನೇ ಶೇಷಂ ವಾತವ್ಯಾಧಿವದಾಚರೇತ್||೪೪||

Adhikarana tAlukaNTakaM taccikitsA ca (45) · Śloka 45

ತಾಲುಮಾಂಸೇ ಕಫಃ ಕ್ರುದ್ಧಃ ಕುರುತೇ ತಾಲುಕಣ್ಟಕಮ್| ತೇನ ತಾಲುಪ್ರದೇಶಸ್ಯ ನಿಮ್ನತಾ ಮೂರ್ಧ್ನಿ ಜಾಯತೇ| ತಾಲುಪಾತಃ ಸ್ತನದ್ವೇಷಃ ಕೃಚ್ಛ್ರಾತ್ಪಾನಂ ಶಕೃದ್ ದ್ರವಮ್| ತೃಡಾಸ್ಯಕಣ್ಡ್ವಕ್ಷಿರುಜಾ ಗ್ರೀವಾದುರ್ಧರತಾ ವಮಿಃ| ತತ್ರೋತ್ಕ್ಷಿಪ್ಯ ಯವಕ್ಷಾರಕ್ಷೌದ್ರಾಭ್ಯಾಂ ಪ್ರತಿಸಾರಯೇತ್| ತಾಲು ತದ್ವತ್ ಕಣಾಶುಣ್ಠೀಗೋಶಕೃದ್ರಸಸೈನ್ಧವೈಃ| ಶೃಙ್ಗಿವೇರನಿಶಾ ಕುಷ್ಠಂ ಕಲ್ಕಿತಂ ವಟಪಲ್ಲವೈಃ| ಬದ್ಧ್ವಾ ಗೋಶಕೃತಾ ಲಿಪ್ತಂ ಕುಕೂಲೇ ಸ್ವೇದಯೇತ್ತತಃ| ರಸೇನ ಲಿಮ್ಪೇತ್ತಾಲ್ವಾಸ್ಯಂ ನೇತ್ರೇ ಚ ಪರಿಷೇಚಯೇತ್| ಹರೀತಕೀವಚಾಕುಷ್ಠಕಲ್ಕಂ ಮಾಕ್ಷಿಕಸಂಯುತಮ್| ಪೀತ್ವಾ ಕುಮಾರಃ ಸ್ತನ್ಯೇನ ಮುಚ್ಯತೇ ತಾಲುಕಣ್ಟಕಾತ್||೪೫||

Adhikarana majjaHkShaye cikitsA (46) · Śloka 46

ಮಸ್ತುಲುಙ್ಗಕ್ಷಯಾದ್ಯಸ್ಯ ವಾಯುಸ್ತಾಲ್ವಸ್ಥಿ ನಾಮಯೇತ್| ತಸ್ಯ ತೃಡ್ದೈನ್ಯಯುಕ್ತಸ್ಯ ಸರ್ಪಿರ್ಮಧುರಕೈಃ ಶೃತಮ್| ಪಾನಾಭ್ಯಞ್ಜನಯೋರ್ಯೋಜ್ಯಮುದ್ವೇಗಶ್ಚ ಹಿಮಾಮ್ಬುನಾ||೪೬||

Adhikarana gudakuTTaM taccikitsA ca (47) · Śloka 47

ಮಲೋಪಲೇಪಾತ್ ಸ್ವೇದಾದ್ವಾ ಗುದೇ ರಕ್ತಕಫೋದ್ಭವಃ| ತಾಮ್ರೋ ವ್ರಣೋಽನ್ತಃ ಕಣ್ಡೂಮಾಞ್ಜಾಯತೇ ಭೂರ್ಯುಪದ್ರವಃ| ಕೇಚಿತ್ತಂ ಮಾತೃಕಾದೋಷಂ ವದನ್ತ್ಯನ್ತೇ ತು ಪೌತನಮ್| ಪೃಷ್ಠಾರುರ್ಗುದಕುಟ್ಟಂ ಚ ಕೇಚಿಚ್ಚ ತಮನಾಮಕಮ್| ತತ್ರ ಧಾತ್ರ್ಯಾಃ ಪಯಃ ಶೋಧ್ಯಂ ಪಿತ್ತಶ್ಲೇಷ್ಮಹರೌಷಧೈಃ| ಸಿತಶೀತಂ ಚ ಶೀತಾಮ್ಬುಯುಕ್ತಮನ್ತರಪಾನಕಮ್| ಸಕ್ಷೌದ್ರತಾರ್ಕ್ಷ್ಯಶೈಲೇನ ವ್ರಣಂ ತೇನ ಚ ಲೇಪಯೇತ್| ತ್ರಿಫಲಾಬದರೀಪ್ಲಕ್ಷತ್ವಕ್ಕ್ವಾಥಪರಿಷೇಚಿತಮ್| ಕಾಸೀಸರೋಚನಾತುತ್ಥಮನೋಹ್ವಾಲರಸಾಞ್ಜನಃ| ಲೇಪಯೇದಮ್ಲಪಿಷ್ಟೈರ್ವಾ ಚೂರ್ಣಿತೈರ್ವಾವಚೂರ್ಣಯೇತ್| ಸುಶ್ಲಕ್ಷ್ಣೈರಥವಾ ಯಷ್ಟೀಶಙ್ಖಸೌವೀರಕಾಞ್ಜನೈಃ| ಶಾರಿವಾಶಙ್ಖನಾಭಿಭ್ಯಾಮಸನಸ್ಯ ತ್ವಚಾಥ ವಾ| ರಾಗಕಣ್ಡೂತ್ಕಟೇ ಕುರ್ಯಾದ್ರಕ್ತಸ್ರಾವಂ ಜಲೌಕಸಾ| ಸರ್ವಂ ಚ ಪಿತ್ತವ್ರಣಜಿಚ್ಛಸ್ಯತೇ ಗುದಕುಟ್ಟಕೇ| ಅನಾಮಸ್ಥೌಲ್ಯಪಿತ್ತಾಸ್ರಕಣ್ಡೂಗಣ್ಡಗಲಾಮಯೇ| ಉದರಾತ್ಯುನ್ನತೌ ಚೇಷ್ತಂ ತಾರ್ಕ್ಷ್ಯಮನ್ತರಪಾನಕಮ್||೪೭||

Adhikarana acirajAtasya stanAgrahaNe upAyaH (48) · Śloka 48

ಗೃಹ್ಣಾನಿ ಸೂತಿಕಾಗಾರೇ ನ ಸ್ತನಂ ಚೇತ್ಸ್ಪೃಶೇತ್ತತಃ| ಪಥ್ಯಾಧಾತ್ರೀಫಲಕಣೈರ್ಜಿಹ್ವಾಂ ಸಘೃತಮಾಕ್ಷಿಕೈಃ||೪೮||

Adhikarana vaikArikarodanatrAsayoshcikitsA (49) · Śloka 49

ಪಿಪ್ಪಲೀತ್ರಿಫಲಾಚೂರ್ಣಂ ಘೃತಕ್ಷೌದ್ರಪರಿಪ್ಲುತಮ್| ರುದತೇ ತ್ರಸ್ಯತೇ ವಾಪಿ ಲೇಹಂ ದದ್ಯಾತ್ಸುಖಾವಹಮ್||೪೯||

Adhikarana nABinAlapatanasambaddhopacArAH (50) · Śloka 50

ಪ್ರದೀಪ್ತಾಙ್ಗಾರರಜಸಾ ಪ್ರಶಾನ್ತೇನಾಽವಚೂರ್ಣಯೇತ್| ಪಞ್ಚಮೇಽಹ್ನ್ಯಪತನ್ನಾಲಂ ಲೇಪಯೇದ್ವಾ ಗುಡಾಮ್ಭಸಾ| ಸಾನ್ದ್ರೇಣ ಭೂಮೌ ಘೃಷ್ಟೇನ.....................||೫೦||

Adhikarana nAlapotottarAH nABisambaddhA upacArAH (51) · Śloka 51

.......................ಂಆಲಪಾತೇಽಪಿ ಚೋನ್ನತಾಮ್| ನಾಭಿಂ ಛಾಗೇನ ಶಕೃತಾ ದಗ್ಧೇನಾನ್ತರ್ವಿಚೂರ್ಣಯೇತ್| ಅಶ್ವಗನ್ಧಾಞ್ಜನಾಜಾವಿವಿಡ್ಯಷ್ಟೀಮಧುಕಾದಿಭಿಃ| ರೋಪಯೇಚ್ಚೂರ್ಣಿತೈರ್ನಾಭಿಂ ಸ್ನೇಹಯುಕ್ತೈರನುನ್ನತಾಮ್| ಯಷ್ಟೀಲೋಧ್ರನಿಶಾಶ್ಯಾಮಾಕಲ್ಕಪಕ್ವೇನ ಸೇಚಯೇತ್| ನಾಭಿಂ ಪಾಕೇ ತು ತೈಲೇನ ತಚ್ಚೂರ್ಣೈಶ್ಚಾವಚೂರ್ಣಯೇತ್| ವಾತೇನಾಧ್ಮಾಪಿತಾಂ ನಾಭಿಂ ಸರುಜಾಂ ತುಣ್ಡಿಸಂಜ್ಞಿತಾಮ್| ಮಾರುತಘ್ನೈಃ ಪ್ರಶಮಯೇತ್ ಸ್ನೇಹಸ್ವೇದೋಪನಾಹನೈಃ| ಅಸಮ್ಯಕ್ಕಲ್ಪನಾನ್ನಾಭೇಃ ಸ್ಯಾದ್ವಿನಾಮೋ ವಿಜೃಮ್ಭಿಕಾ| ವಾತಪಿತ್ತಹರಂ ಕರ್ಮ ತತ್ರಾನ್ತರ್ಬಹಿರಾಚರೇತ್||೫೧||

Adhikarana ulbakaM taccikitsA ca (52) · Śloka 52

ಗರ್ಭಾಮ್ಭಸಾಮವಮನಾಚ್ಛ್ಲೇಷ್ಮಣಃ ಕಣ್ಠಗಸ್ಯ ವಾ| ಸಮ್ಪರ್ಕಾದ್ಧೃದಯೇ ದುಷ್ಟೋ ಮಾರ್ಗಾನಾವೃಣುತೇ ರಸಃ| ಬದ್ಧಮುಷ್ಟಿಸ್ತತೋ ಮುಹ್ಯನ್ ರೋಗೈರ್ಬಾಲೋಽಭಿಭೂಯತೇ| ಹೃದ್ರೋಗಾಕ್ಷೇಪಕಶ್ವಾಸಕಾಸಚ್ಛರ್ದಿಜ್ವರಾದಿಭಿಃ| ಉಲ್ಬಕಂ ಸಹಜಂ ವ್ಯಾಧಿಮಮ್ಬುಪೂರ್ಣಞ್ಚ ತಂ ವದೇತ್| ಸ್ರೋತೋವಿಶೋಧನಂ ಪ್ರಾತಸ್ತಸ್ಮಿನ್ನನ್ತರಪಾನಕಮ್| ವಿದಧ್ಯಾಚ್ಛಾಗಲಂ ಮೂತ್ರಂ ಸ್ನಾನಾಭ್ಯಙ್ಗೌ ಚ ವರ್ಜಯೇತ್| ಬಿಲ್ವಾದಿಮೂಲಬೃಹತೀಪಞ್ಚಕೋಲಂ ಪಲಾಂಶಕಮ್| ಧನ್ವಮಾಂಸಪಲಾನ್ಯಷ್ಟೌ ಶಶಮೂರ್ಧ್ನಃ ಪಲಾಷ್ಟಕಮ್| ಸಾಧಯೇತ್ ಷೋಡಶಗುಣೇ ಸಲಿಲೇಽಷ್ಟಾಂಶಶೇಷಿತಮ್| ತೇನ ಕ್ವಾಥೇನ ಕರ್ಷಾಶೈರ್ಘೃತಪ್ರಸ್ಥಂ ವಿಪಾಚಯೇತ್| ಛಗಲೀಮೂತ್ರಮದಿರಾದಧಿಕ್ಷೀರಸಮಾಂಶಕಮ್| ವಿಡಙ್ಗಸೈನ್ಧವಾಜಾಜೀಚವಿಕಾದೇವದಾರುಭಿಃ| ಸಹಿಂಸ್ರಾಹಿಙ್ಗುಲಶುನೈಃ ಸವ್ಯೋಷೈಃ ಶ್ಲಕ್ಷ್ಣಕಲ್ಕಿತೈಃ| ತತ್ಪಾನಾದ್ಧನ್ತಿ ಸಹಜಗುಲ್ಮಹಿಧ್ಮಾನಿಲಾಮಯಾನ್| ಪಾಣ್ಡುರೋಗಂ ಚ ವಾತೋತ್ಥಂ ಸ್ವಸ್ಥವೃತ್ತೇ ಚ ಪುಷ್ಟಿದಮ್||೫೨||

Adhikarana paridagdhacCaverupacAraH (53) · Śloka 53

ಪರಿದಗ್ಧಚ್ಛವಿಂ ಬಾಲಂ ದಿಹ್ಯಾದ್ ದೂರ್ವಾತಿಲೋತ್ಪಲೈಃ| ಶಮೀಪತ್ರಶಿರೀಷತ್ವಕ್ಶಾರಿವಾಮಧುಕಾಭಯೈಃ||೫೩||

Adhikarana pANDuroge mUrvAdicUrNam (54) · Śloka 54

ಮೂರ್ವಾಧಾತ್ರೀನಿಶಾಚೂರ್ಣಂ ಮೂತ್ರೇಣ ಮಧುಮತ್ ಪಿಬೇತ್| ಪಾಣ್ಡುರೋಗೀ ಶೃತಂ ಸರ್ಪಿರ್ವರಾಭೃಙ್ಗರಸೇನ ವಾ||೫೪||

Adhikarana mRudBakShaNajanitarogeShu pAThAdicUrNam (55) · Śloka 55

ಪಾಠಾವೇಲ್ಲದ್ವಿರಜನೀಮುಸ್ತಾಭಾರ್ಙ್ಗೀಪುನರ್ನವೈಃ| ಸಬಿಲ್ವತ್ರ್ಯೂಷಣೈಃ ಸರ್ಪಿರ್ವೃಶ್ಚಿಕಾಲೀಯುತೈಃ ಶೃತಮ್| ಲಿಹಾನೋ ಮಾತ್ರಯಾ ರೋಗೈರ್ಮುಚ್ಯತೇ ಮೃತ್ತಿಕೋದ್ಭವೈಃ||೫೫||

Adhikarana bAlAyauShadhadAnavidhivisheShaH (56) · Śloka 56

ವ್ಯಾಧೇರ್ಯದ್ಯಸ್ಯ ಭೈಷಜ್ಯಂ ಸ್ತನಸ್ತೇನ ಪ್ರಲೇಪಿತಃ| ಸ್ಥಿತೋ ಮುಹೂರ್ತಂ ಧೌತೋಽನು ಪೀತಸ್ತಂ ತಂ ಜಯೇದ್ಗದಮ್||೫೬||

Adhikarana daivavyapAshrayauShadhAshrayaNam (57-58) · Śloka 58

ಗ್ರಹೈರಪಿ ಹಿ ಜಾಯನ್ತೇ ಪ್ರಚ್ಛನ್ನೈರ್ವ್ಯಾಧಯಃ ಶಿಶೋಃ| ಕರ್ಮಶಸ್ತಮತಸ್ತೇಷು ದೈವಯುಕ್ತ್ಯಾಶ್ರಯಂ ಸದಾ||೫೭|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತಾವಷ್ಟಾಙ್ಗಸಂಗ್ರಹಸಂಹಿತಾಯಾಮುತ್ತರತನ್ತ್ರೇ ಬಾಲಾಮಯಪ್ರತಿಷೇಧೋ ನಾಮ ದ್ವಿತೀಯೋಽಧ್ಯಾಯಃ||೫೮||