Adhikarana 1 (1-6) · Śloka 6
অথাতোঽপামার্গতণ্ডুলীযমধ্যাযং ব্যাখ্যাস্যামঃ||১||
ইতি হ স্মাহ ভগবানাত্রেযঃ||২||
অপামার্গস্য বীজানি পিপ্পলীর্মরিচানি চ|
বিডঙ্গান্যথ শিগ্রূণি সর্ষপাংস্তুম্বুরূণি চ||৩||
অজাজীং চাজগন্ধাং চ পীলূন্যেলাং হরেণুকাম্|
পৃথ্বীকাং সুরসাং শ্বেতাং কুঠেরকফণিজ্ঝকৌ||৪||
শিরীষবীজং লশুনং হরিদ্রে লবণদ্বযম্|
জ্যোতিষ্মতীং নাগরং চ দদ্যাচ্ছীর্ষবিরেচনে||৫||
গৌরবে শিরসঃ শূলে পীনসেঽর্ধাবভেদকে|
ক্রিমিব্যাধাবপস্মারে ঘ্রাণনাশে প্রমোহকে||৬||
View original
अथातोऽपामार्गतण्डुलीयमध्यायं व्याख्यास्यामः||१||
इति ह स्माह भगवानात्रेयः||२||
अपामार्गस्य बीजानि पिप्पलीर्मरिचानि च|
विडङ्गान्यथ शिग्रूणि सर्षपांस्तुम्बुरूणि च||३||
अजाजीं चाजगन्धां च पीलून्येलां हरेणुकाम्|
पृथ्वीकां सुरसां श्वेतां कुठेरकफणिज्झकौ||४||
शिरीषबीजं लशुनं हरिद्रे लवणद्वयम्|
ज्योतिष्मतीं नागरं च दद्याच्छीर्षविरेचने||५||
गौरवे शिरसः शूले पीनसेऽर्धावभेदके|
क्रिमिव्याधावपस्मारे घ्राणनाशे प्रमोहके||६||
Adhikarana 2 (7-8) · Śloka 8
মদনং মধুকং নিম্বং জীমূতং কৃতবেধনম্|
পিপ্পলীকুটজেক্ষ্বাকূণ্যেলাং ধামার্গবাণি চ||৭||
উপস্থিতে শ্লেষ্মপিত্তে ব্যাধাবামাশযাশ্রযে|
বমনার্থং প্রযুঞ্জীত ভিষগ্দেহমদূষযন্||৮||
View original
मदनं मधुकं निम्बं जीमूतं कृतवेधनम्|
पिप्पलीकुटजेक्ष्वाकूण्येलां धामार्गवाणि च||७||
उपस्थिते श्लेष्मपित्ते व्याधावामाशयाश्रये|
वमनार्थं प्रयुञ्जीत भिषग्देहमदूषयन्||८||
Adhikarana 3 (9-10) · Śloka 10
ত্রিবৃতাং ত্রিফলাং দন্তীং নীলিনীং সপ্তলাং বচাম্|
কম্পিল্লকং গবাক্ষীং চ ক্ষীরিণীমুদকীর্যকাম্||৯||
পীলূন্যারগ্বধং দ্রাক্ষাং দ্রবন্তীং নিচুলানি চ|
পক্বাশযগতে দোষে বিরেকার্থং প্রযোজযেত্||১০||
View original
त्रिवृतां त्रिफलां दन्तीं नीलिनीं सप्तलां वचाम्|
कम्पिल्लकं गवाक्षीं च क्षीरिणीमुदकीर्यकाम्||९||
पीलून्यारग्वधं द्राक्षां द्रवन्तीं निचुलानि च|
पक्वाशयगते दोषे विरेकार्थं प्रयोजयेत्||१०||
Adhikarana 4 (11-14) · Śloka 14
পাটলাং চাগ্নিমন্থং চ বিল্বং শ্যোনাকমেব চ|
কাশ্মর্যং শালপর্ণীং চ পৃশ্নিপর্ণীং নিদিগ্ধিকাম্||১১||
বলাং শ্বদংষ্ট্রাং বৃহতীমেরণ্ডং সপুনর্নবম্|
যবান্ কুলত্থান্ কোলানি গুডূচীং মদনানি চ||১২||
পলাশং কত্তৃণং চৈব স্নেহাংশ্চ লবণানি চ|
উদাবর্তে বিবন্ধেষু যুঞ্জ্যাদাস্থাপনেষু চ||১৩||
অত এবৌষধগণাত্ সঙ্কল্প্যমনুবাসনম্|
মারুতঘ্নমিতি প্রোক্তঃ সঙ্গ্রহঃ পাঞ্চকর্মিকঃ||১৪||
View original
पाटलां चाग्निमन्थं च बिल्वं श्योनाकमेव च|
काश्मर्यं शालपर्णीं च पृश्निपर्णीं निदिग्धिकाम्||११||
बलां श्वदंष्ट्रां बृहतीमेरण्डं सपुनर्नवम्|
यवान् कुलत्थान् कोलानि गुडूचीं मदनानि च||१२||
पलाशं कत्तृणं चैव स्नेहांश्च लवणानि च|
उदावर्ते विबन्धेषु युञ्ज्यादास्थापनेषु च||१३||
अत एवौषधगणात् सङ्कल्प्यमनुवासनम्|
मारुतघ्नमिति प्रोक्तः सङ्ग्रहः पाञ्चकर्मिकः||१४||
Adhikarana 5 (15) · Śloka 15
তান্যুপস্থিতদোষাণাং স্নেহস্বেদোপপাদনৈঃ|
পঞ্চকর্মাণি কুর্বীত মাত্রাকালৌ বিচারযন্||১৫||
View original
तान्युपस्थितदोषाणां स्नेहस्वेदोपपादनैः|
पञ्चकर्माणि कुर्वीत मात्राकालौ विचारयन्||१५||
Adhikarana 6 (16) · Śloka 16
মাত্রাকালাশ্রযা যুক্তিঃ, সিদ্ধির্যুক্তৌ প্রতিষ্ঠিতা|
তিষ্ঠত্যুপরি যুক্তিজ্ঞো দ্রব্যজ্ঞানবতাং সদা||১৬||
View original
मात्राकालाश्रया युक्तिः, सिद्धिर्युक्तौ प्रतिष्ठिता|
तिष्ठत्युपरि युक्तिज्ञो द्रव्यज्ञानवतां सदा||१६||
Adhikarana 7 (17) · Śloka 17
অত ঊর্ধ্বং প্রবক্ষ্যামি যবাগূর্বিবিধৌষধাঃ|
বিবিধানাং বিকারাণাং তত্সাধ্যানাং নিবৃত্তযে||১৭||
View original
अत ऊर्ध्वं प्रवक्ष्यामि यवागूर्विविधौषधाः|
विविधानां विकाराणां तत्साध्यानां निवृत्तये||१७||
Adhikarana 8 (18-33) · Śloka 33
পিপ্পলীপিপ্পলীমূলচব্যচিত্রকনাগরৈঃ|
যবাগূর্দীপনীযা স্যাচ্ছূলঘ্নী চোপসাধিতা||১৮||
দধিত্থবিল্বচাঙ্গেরীতক্রদাডিমসাধিতা|
পাচনী গ্রাহিণী, পেযা সবাতে পাঞ্চমূলিকী||১৯||
শালপর্ণীবলাবিল্বৈঃ পৃশ্নিপর্ণ্যা চ সাধিতা|
দাডিমাম্লা হিতা পেযা পিত্তশ্লেষ্মাতিসারিণাম্||২০||
পযস্যর্ধোদকে চ্ছাগে হ্রীবেরোত্পলনাগরৈঃ|
পেযা রক্তাতিসারঘ্নী পৃশ্নিপর্ণ্যা চ সাধিতা||২১||
দদ্যাত্ সাতিবিষাং পেযাং সামে সাম্লাং সনাগরাম্|
শ্বদংষ্ট্রাকণ্টকারীভ্যাং মূত্রকৃচ্ছ্রে সফাণিতাম্||২২||
বিডঙ্গপিপ্পলীমূলশিগ্রুভির্মরিচেন চ|
তক্রসিদ্ধা যবাগূঃ স্যাত্ ক্রিমিঘ্নী সসুবর্চিকা||২৩||
মৃদ্বীকাসারিবালাজপিপ্পলীমধুনাগরৈঃ|
পিপাসাঘ্নী, বিষঘ্নী চ সোমরাজীবিপাচিতা||২৪||
সিদ্ধা বরাহনির্যূহে যবাগূর্বৃংহণী মতা|
গবেধুকানাং ভৃষ্টানাং কর্শনীযা সমাক্ষিকা||২৫||
সর্পিষ্মতী বহুতিলা স্নেহনী লবণান্বিতা|
কুশামলকনির্যূহে শ্যামাকানাং বিরূক্ষণী||২৬||
দশমূলীশৃতা কাসহিক্কাশ্বাসকফাপহা|
যমকে মদিরাসিদ্ধা পক্বাশযরুজাপহা||২৭||
শাকৈর্মাংসৈস্তিলৈর্মাষৈঃ সিদ্ধা বর্চো নিরস্যতি|
জম্ব্বাম্রাস্থিদধিত্থাম্লবিল্বৈঃ সাঙ্গ্রাহিকী মতা||২৮||
ক্ষারচিত্রকহিঙ্গ্বম্লবেতসৈর্ভেদিনী মতা|
অভযাপিপ্পলীমূলবিশ্বৈর্বাতানুলোমনী ||২৯||
তক্রসিদ্ধা যবাগূঃ স্যাদ্ধৃতব্যাপত্তিনাশিনী|
তৈলব্যাপদি শস্তা স্যাত্তক্রপিণ্যাকসাধিতা||৩০||
গব্যমাংসরসৈঃ সাম্লা বিষমজ্বরনাশিনী|
কণ্ঠ্যা যবানাং যমকে পিপ্পল্যামলকৈঃ শৃতা||৩১||
তাম্রচূডরসে সিদ্ধা রেতোমার্গরুজাপহা|
সমাষবিদলা বৃষ্যা ঘৃতক্ষীরোপসাধিতা||৩২||
উপোদিকাদধিভ্যাং তু সিদ্ধা মদবিনাশিনী|
ক্ষুধং হন্যাদপামার্গক্ষীরগোধারসৈঃ শৃতা||৩৩||
View original
पिप्पलीपिप्पलीमूलचव्यचित्रकनागरैः|
यवागूर्दीपनीया स्याच्छूलघ्नी चोपसाधिता||१८||
दधित्थबिल्वचाङ्गेरीतक्रदाडिमसाधिता|
पाचनी ग्राहिणी, पेया सवाते पाञ्चमूलिकी||१९||
शालपर्णीबलाबिल्वैः पृश्निपर्ण्या च साधिता|
दाडिमाम्ला हिता पेया पित्तश्लेष्मातिसारिणाम्||२०||
पयस्यर्धोदके च्छागे ह्रीवेरोत्पलनागरैः|
पेया रक्तातिसारघ्नी पृश्निपर्ण्या च साधिता||२१||
दद्यात् सातिविषां पेयां सामे साम्लां सनागराम्|
श्वदंष्ट्राकण्टकारीभ्यां मूत्रकृच्छ्रे सफाणिताम्||२२||
विडङ्गपिप्पलीमूलशिग्रुभिर्मरिचेन च|
तक्रसिद्धा यवागूः स्यात् क्रिमिघ्नी ससुवर्चिका||२३||
मृद्वीकासारिवालाजपिप्पलीमधुनागरैः|
पिपासाघ्नी, विषघ्नी च सोमराजीविपाचिता||२४||
सिद्धा वराहनिर्यूहे यवागूर्बृंहणी मता|
गवेधुकानां भृष्टानां कर्शनीया समाक्षिका||२५||
सर्पिष्मती बहुतिला स्नेहनी लवणान्विता|
कुशामलकनिर्यूहे श्यामाकानां विरूक्षणी||२६||
दशमूलीशृता कासहिक्काश्वासकफापहा|
यमके मदिरासिद्धा पक्वाशयरुजापहा||२७||
शाकैर्मांसैस्तिलैर्माषैः सिद्धा वर्चो निरस्यति|
जम्ब्वाम्रास्थिदधित्थाम्लबिल्वैः साङ्ग्राहिकी मता||२८||
क्षारचित्रकहिङ्ग्वम्लवेतसैर्भेदिनी मता|
अभयापिप्पलीमूलविश्वैर्वातानुलोमनी ||२९||
तक्रसिद्धा यवागूः स्याद्धृतव्यापत्तिनाशिनी|
तैलव्यापदि शस्ता स्यात्तक्रपिण्याकसाधिता||३०||
गव्यमांसरसैः साम्ला विषमज्वरनाशिनी|
कण्ठ्या यवानां यमके पिप्पल्यामलकैः शृता||३१||
ताम्रचूडरसे सिद्धा रेतोमार्गरुजापहा|
समाषविदला वृष्या घृतक्षीरोपसाधिता||३२||
उपोदिकादधिभ्यां तु सिद्धा मदविनाशिनी|
क्षुधं हन्यादपामार्गक्षीरगोधारसैः शृता||३३||
Adhikarana 9 (34) · Śloka 34
তত্র শ্লোকঃ- অষ্টাবিংশতিরিত্যেতা যবাগ্বঃ পরিকীর্তিতাঃ|
পঞ্চকর্মাণি চাশ্রিত্য প্রোক্তো ভৈষজ্যসঙ্গ্রহঃ||৩৪||
View original
तत्र श्लोकः- अष्टाविंशतिरित्येता यवाग्वः परिकीर्तिताः|
पञ्चकर्माणि चाश्रित्य प्रोक्तो भैषज्यसङ्ग्रहः||३४||
Adhikarana 10 (35) · Śloka 35
পূর্বং মূলফলজ্ঞানহেতোরুক্তং যদৌষধম্|
পঞ্চকর্মাশ্রযজ্ঞানহেতোস্তত্ কীর্তিতং পুনঃ||৩৫||
View original
पूर्वं मूलफलज्ञानहेतोरुक्तं यदौषधम्|
पञ्चकर्माश्रयज्ञानहेतोस्तत् कीर्तितं पुनः||३५||
Adhikarana 11 (36) · Śloka 36
স্মৃতিমান্ হেতুযুক্তিজ্ঞো জিতাত্মা প্রতিপত্তিমান্|
ভিষগৌষধসংযোগৈশ্চিকিত্সাং কর্তুমর্হতি||৩৬||
View original
स्मृतिमान् हेतुयुक्तिज्ञो जितात्मा प्रतिपत्तिमान्|
भिषगौषधसंयोगैश्चिकित्सां कर्तुमर्हति||३६||
Adhikarana puShpikA · Śloka 2
ইত্যগ্নিবেশকৃতে তন্ত্রে চরকপ্রতিসংস্কৃতে শ্লোকস্থানেঽপামার্গতণ্ডুলীযো নাম দ্বিতীযোঽধ্যাযঃ||২||
View original
इत्यग्निवेशकृते तन्त्रे चरकप्रतिसंस्कृते श्लोकस्थानेऽपामार्गतण्डुलीयो नाम द्वितीयोऽध्यायः||२||