Adhikarana 1 (1-2) · Śloka 2
ਅਥਾਤੋ ਦੁਨ੍ਦੁਭਿਸ੍ਵਨੀਯਂ ਕਲ੍ਪਂ ਵ੍ਯਾਖ੍ਯਾਸ੍ਯਾਮਃ ||੧|| ਯਥੋਵਾਚ ਭਗਵਾਨ੍ ਧਨ੍ਵਨ੍ਤਰਿਃ ||੨||
View original
अथातो दुन्दुभिस्वनीयं कल्पं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
6. dundubhisvanīyakalpaḥ
Adhikarana 2 (3-7) · Śloka 7
ਧਵਾਸ਼੍ਵਕਰ੍ਣਸ਼ਿਰੀਸਤਿਨਿਸ਼ਪਲਾਸ਼ਪਿਚੁਮਰ੍ਦਪਾਟਲਿਪਾਰਿਭਦ੍ਰਕਾਮ੍ਰੋਦੁਮ੍ਬਰਕਰਹਾਟਕਾਰ੍ਜੁਨਕਕੁਭਸਰ੍ਜ- ਕਪੀਤਨਸ਼੍ਲੇਸ੍ਮਾਤਕਾਙ੍ਕੋਠਾਮਲਕਪ੍ਰਗ੍ਰਹਕੁਟਜਸ਼ਮੀਕਪਿਤ੍ਥਾਸ਼੍ਮਨ੍ਤਕਾਰ੍ਕਚਿਰਬਿਲ੍ਵਮਹਾਵਕ੍ਸਾਰੁਸ੍ਕਰਾਰਲੁ- ਮਧੁਕਮਧੁਸ਼ਿਗ੍ਰੁਸ਼ਾਕਗੋਜੀਮੂਰ੍ਵਾਭੂਰ੍ਜਤਿਲ੍ਵਕੇਕ੍ਸੁਰਕਗੋਪਘੋਣ੍ਟਾਰਿਮੇਦਾਨਾਂ ਭਸ੍ਮਾਨ੍ਯਾਹਤ੍ਯ ਗਵਾਂ ਮੂਤ੍ਰੇਣ ਕ੍ਸਾਰਕਲ੍ਪੇਨ ਪਰਿਸ੍ਰਾਵ੍ਯ ਵਿਪਚੇਤ੍, ਦਦ੍ਯਾਚ੍ਚਾਤ੍ਰ ਪਿਪ੍ਪਲੀਮੂਲਤਣ੍ਡੁਲੀਯਕਵਰਾਙ੍ਗਚੋਚਮਞ੍ਜਿਸ੍ਠਾਕਰਞ੍ਜਿਕਾਹਸ੍ਤਿਪਿਪ੍ਪਲੀਮਰਿਚਵਿਡਙ੍ਗਗਹਧੂਮਾਨਨ੍ਤਾ- ਸੋਮਸਰਲਾਬਾਹ੍ਲੀਕਗੁਹਾਕੋਸ਼ਾਮ੍ਰਸ਼੍ਵੇਤਸਰ੍ਸਪਵਰੁਣਲਵਣਪ੍ਲਕ੍ਸਨਿਚੁਲਕਵਞ੍ਜੁਲਵਕ੍ਰਾਲਵਰ੍ਧਮਾਨਪੁਤ੍ਰਸ਼੍ਰੇਣੀ- ਸਪ੍ਤਪਰ੍ਣਟੁਣ੍ਟੁਕੈਲਵਾਲੁਕਨਾਗਦਨ੍ਤ੍ਯਤਿਵਿਸਾਭਯਾਭਦ੍ਰਦਾਰੁਕੁਸ੍ਠਹਰਿਦ੍ਰਾਵਚਾਚੂਰ੍ਣਾਨਿ ਲੋਹਾਨਾਂ ਚ ਸਮਭਾਗਾਨਿ, ਤਤਃ ਕ੍ਸਾਰਵਦਾਗਤਪਾਕਮਵਤਾਰ੍ਯ ਲੋਹਕੁਮ੍ਭੇ ਨਿਦਧ੍ਯਾਤ੍ ||੩|| ਅਨੇਨ ਦੁਨ੍ਦੁਭਿਂ ਲਿਮ੍ਪੇਤ੍ ਪਤਾਕਾਂ ਤੋਰਣਾਨਿ ਚ | ਸ਼੍ਰਵਣਾਦ੍ਦਰ੍ਸ਼ਨਾਤ੍ ਸ੍ਪਰ੍ਸ਼ਾਤ੍ ਵਿਸਾਤ੍ ਸਮ੍ਪ੍ਰਤਿਮੁਚ੍ਯਤੇ ||੪|| ਏਸ ਕ੍ਸਾਰਾਗਦੋ ਨਾਮ ਸ਼ਰ੍ਕਰਾਸ੍ਵਸ਼੍ਮਰੀਸੁ ਚ | ਅਰ੍ਸ਼ਃਸੁ ਵਾਤਗੁਲ੍ਮੇਸੁ ਕਾਸਸ਼ੂਲੋਦਰੇਸੁ ਚ ||੫|| ਅਜੀਰ੍ਣੇ ਗ੍ਰਹਣੀਦੋਸੇ ਭਕ੍ਤਦ੍ਵੇਸੇ ਚ ਦਾਰੁਣੇ | ਸ਼ੋਫੇ ਸਰ੍ਵਸਰੇ ਚਾਪਿ ਦੇਯਃ ਸ਼੍ਵਾਸੇ ਚ ਦਾਰੁਣੇ ||੬|| ਸਦਾ ਸਰ੍ਵਵਿਸਾਰ੍ਤਾਨਾਂ ਸਰ੍ਵਥੈਵੋਪਯੁਜ੍ਯਤੇ | ਏਸ ਤਕ੍ਸਕਮੁਖ੍ਯਾਨਾਮਪਿ ਦਰ੍ਪਾਙ੍ਕੁਸ਼ੋਗਦਃ ||੭||
View original
धवाश्वकर्णशिरीषतिनिशपलाशपिचुमर्दपाटलिपारिभद्रकाम्रोदुम्बरकरहाटकार्जुनककुभसर्ज- कपीतनश्लेष्मातकाङ्कोठामलकप्रग्रहकुटजशमीकपित्थाश्मन्तकार्कचिरबिल्वमहावृक्षारुष्करारलु- मधुकमधुशिग्रुशाकगोजीमूर्वाभूर्जतिल्वकेक्षुरकगोपघोण्टारिमेदानां भस्मान्याहृत्य गवां मूत्रेण क्षारकल्पेन परिस्राव्य विपचेत्, दद्याच्चात्र पिप्पलीमूलतण्डुलीयकवराङ्गचोचमञ्जिष्ठाकरञ्जिकाहस्तिपिप्पलीमरिचविडङ्गगृहधूमानन्ता- सोमसरलाबाह्लीकगुहाकोशाम्रश्वेतसर्षपवरुणलवणप्लक्षनिचुलकवञ्जुलवक्रालवर्धमानपुत्रश्रेणी- सप्तपर्णटुण्टुकैलवालुकनागदन्त्यतिविषाभयाभद्रदारुकुष्ठहरिद्रावचाचूर्णानि लोहानां च समभागानि, ततः क्षारवदागतपाकमवतार्य लोहकुम्भे निदध्यात् ||३|| अनेन दुन्दुभिं लिम्पेत् पताकां तोरणानि च | श्रवणाद्दर्शनात् स्पर्शात् विषात् सम्प्रतिमुच्यते ||४|| एष क्षारागदो नाम शर्करास्वश्मरीषु च | अर्शःसु वातगुल्मेषु कासशूलोदरेषु च ||५|| अजीर्णे ग्रहणीदोषे भक्तद्वेषे च दारुणे | शोफे सर्वसरे चापि देयः श्वासे च दारुणे ||६|| सदा सर्वविषार्तानां सर्वथैवोपयुज्यते | एष तक्षकमुख्यानामपि दर्पाङ्कुशोऽगदः ||७||
🔊 Audio coming soon
Adhikarana 3 (8-11) · Śloka 11
ਵਿਡਙ੍ਗਤ੍ਰਿਫਲਾਦਨ੍ਤੀਭਦ੍ਰਦਾਰੁਹਰੇਣਵਃ | ਤਾਲੀਸ਼ਪਤ੍ਰਮਞ੍ਜਿਸ੍ਠਾਕੇਸ਼ਰੋਤ੍ਪਲਪਦ੍ਮਕਮ੍ ||੮|| ਦਾਡਿਮਂ ਮਾਲਤੀਪੁਸ੍ਪਂ ਰਜਨ੍ਯੌ ਸਾਰਿਵੇ ਸ੍ਥਿਰੇ | ਪ੍ਰਿਯਙ੍ਗੁਸ੍ਤਗਰਂ ਕੁਸ੍ਠਂ ਬਹਤ੍ਯੌ ਚੈਲਵਾਲੁਕਮ੍ ||੯|| ਸਚਨ੍ਦਨਗਵਾਕ੍ਸੀਭਿਰੇਤੈਃ ਸਿਦ੍ਧਂ ਵਿਸਾਪਹਮ੍ | ਸਰ੍ਪਿਃ ਕਲ੍ਯਾਣਕਂ ਹ੍ਯੇਤਦ੍ਗ੍ਰਹਾਪਸ੍ਮਾਰਨਾਸ਼ਨਮ੍ ||੧੦|| ਪਾਣ੍ਡ੍ਵਾਮਯਗਰਸ਼੍ਵਾਸਮਨ੍ਦਾਗ੍ਨਿਜ੍ਵਰਕਾਸਨੁਤ੍ | ਸ਼ੋਸਿਣਾਮਲ੍ਪਸ਼ੁਕ੍ਰਾਣਾਂ ਵਨ੍ਧ੍ਯਾਨਾਂ ਚ ਪ੍ਰਸ਼ਸ੍ਯਤੇ ||੧੧||
View original
विडङ्गत्रिफलादन्तीभद्रदारुहरेणवः | तालीशपत्रमञ्जिष्ठाकेशरोत्पलपद्मकम् ||८|| दाडिमं मालतीपुष्पं रजन्यौ सारिवे स्थिरे | प्रियङ्गुस्तगरं कुष्ठं बृहत्यौ चैलवालुकम् ||९|| सचन्दनगवाक्षीभिरेतैः सिद्धं विषापहम् | सर्पिः कल्याणकं ह्येतद्ग्रहापस्मारनाशनम् ||१०|| पाण्ड्वामयगरश्वासमन्दाग्निज्वरकासनुत् | शोषिणामल्पशुक्राणां वन्ध्यानां च प्रशस्यते ||११||
🔊 Audio coming soon
Adhikarana 4 (12-13) · Śloka 13
ਅਪਾਮਾਰ੍ਗਸ੍ਯ ਬੀਜਾਨਿ ਸ਼ਿਰੀਸਸ੍ਯ ਚ ਮਾਸਕਾਨ੍ | ਸ਼੍ਵੇਤੇ ਦ੍ਵੇ ਕਾਕਮਾਚੀਂ ਚ ਗਵਾਂ ਮੂਤ੍ਰੇਣ ਪੇਸਯੇਤ੍ ||੧੨|| ਸਰ੍ਪਿਰੇਤੈਸ੍ਤੁ ਸਂਸਿਦ੍ਧਂ ਵਿਸਸਂਸ਼ਮਨਂ ਪਰਮ੍ | ਅਮਤਂ ਨਾਮ ਵਿਖ੍ਯਾਤਮਪਿ ਸਞ੍ਜੀਵਯੇਨ੍ਮਤਮ੍ ||੧੩||
View original
अपामार्गस्य बीजानि शिरीषस्य च माषकान् | श्वेते द्वे काकमाचीं च गवां मूत्रेण पेषयेत् ||१२|| सर्पिरेतैस्तु संसिद्धं विषसंशमनं परम् | अमृतं नाम विख्यातमपि सञ्जीवयेन्मृतम् ||१३||
🔊 Audio coming soon
Adhikarana 5 (14-27) · Śloka 27
ਚਨ੍ਦਨਾਗੁਰੁਣੀ ਕੁਸ੍ਠਂ ਤਗਰਂ ਤਿਲਪਰ੍ਣਿਕਮ੍ | ਪ੍ਰਪੌਣ੍ਡਰੀਕਂ ਨਲਦਂ ਸਰਲਂ ਦੇਵਦਾਰੁ ਚ ||੧੪|| ਭਦ੍ਰਸ਼੍ਰਿਯਂ ਯਵਫਲਾਂ ਭਾਰ੍ਗੀ ਨੀਲੀਂ ਸੁਗਨ੍ਧਿਕਾਮ੍ | ਕਾਲੇਯਕਂ ਪਦ੍ਮਕਂ ਚ ਮਧੁਕਂ ਨਾਗਰਂ ਜਟਾਮ੍ ||੧੫|| ਪੁਨ੍ਨਾਗੈਲੈਲਵਾਲੂਨਿ ਗੈਰਿਕਂ ਧ੍ਯਾਮਕਂ ਬਲਾਮ੍ | ਤੋਯਂ ਸਰ੍ਜਰਸਂ ਮਾਂਸੀਂ ਸ਼ਤਪੁਸ੍ਪਾਂ ਹਰੇਣੁਕਾਮ੍ ||੧੬|| ਤਾਲੀਸ਼ਪਤ੍ਰਂ ਕ੍ਸੁਦ੍ਰੈਲਾਂ ਪ੍ਰਿਯਙ੍ਗੁਂ ਸਕੁਟਨ੍ਨਟਮ੍ | ਸ਼ਿਲਾਪੁਸ੍ਪਂ ਸਸ਼ੈਲੇਯਂ ਪਤ੍ਰਂ ਕਾਲਾਨੁਸਾਰਿਵਾਮ੍ ||੧੭|| ਕਟੁਤ੍ਰਿਕਂ ਸ਼ੀਤਸ਼ਿਵਂ ਕਾਸ਼੍ਮਰ੍ਯਂ ਕਟੁਰੋਹਿਣੀਮ੍ | ਸੋਮਰਾਜੀਮਤਿਵਿਸਾਂ ਪਥ੍ਵਿਕਾਮਿਨ੍ਦ੍ਰਵਾਰੁਣੀਮ੍ ||੧੮|| ਉਸ਼ੀਰਂ ਵਰੁਣਂ ਮੁਸ੍ਤਂ ਕੁਸ੍ਤੁਮ੍ਬੁਰੁ ਨਖਂ ਤਥਾ | ਸ਼੍ਵੇਤੇ ਹਰਿਦ੍ਰੇ ਸ੍ਥੌਣੇਯਂ ਲਾਕ੍ਸਾਂ ਚ ਲਵਣਾਨਿ ਚ ||੧੯|| ਕੁਮੁਦੋਤ੍ਪਲਪਦ੍ਮਾਨਿ ਪੁਸ੍ਪਂ ਚਾਪਿ ਤਥਾਰ੍ਕਜਮ੍ | ਚਮ੍ਪਕਾਸ਼ੋਕਸੁਮਨਸ੍ਤਿਲ੍ਵਕਪ੍ਰਸਵਾਨਿ ਚ ||੨੦|| ਪਾਟਲੀਸ਼ਾਲ੍ਮਲੀਸ਼ੈਲੁਸ਼ਿਰੀਸਾਣਾਂ ਤਥੈਵ ਚ | ਕੁਸੁਮਂ ਤਣਮੂਲ੍ਯਾਸ਼੍ਚ ਸੁਰਭੀਸਿਨ੍ਧੁਵਾਰਜਮ੍ ||੨੧|| ਧਵਾਸ਼੍ਵਕਰ੍ਣਪਾਰ੍ਥਾਨਾਂ ਪੁਸ੍ਪਾਣਿ ਤਿਨਿਸ਼ਸ੍ਯ ਚ | ਗੁਗ੍ਗੁਲੁਂ ਕੁਙ੍ਕੁਮਂ ਬਿਮ੍ਬੀਂ ਸਰ੍ਪਾਕ੍ਸੀਂ ਗਨ੍ਧਨਾਕੁਲੀਮ੍ ||੨੨|| ਏਤਤ੍ ਸਮ੍ਭਤ੍ਯ ਸਮ੍ਭਾਰਂ ਸੂਕ੍ਸ੍ਮਚੂਰ੍ਣਾਨਿ ਕਾਰਯੇਤ੍ | ਗੋਪਿਤ੍ਤਮਧੁਸਰ੍ਪਿਰ੍ਭਿਰ੍ਯੁਕ੍ਤਂ ਸ਼ਙ੍ਗੇ ਨਿਧਾਪਯੇਤ੍ ||੨੩|| ਭਗ੍ਨਸ੍ਕਨ੍ਧਂ ਵਿਵਤਾਕ੍ਸਂ ਮਤ੍ਯੋਰ੍ਦਂਸ੍ਟ੍ਰਾਨ੍ਤਰਂ ਗਤਮ੍ | ਅਨੇਨਾਗਦਮੁਖ੍ਯੇਨ ਮਨੁਸ੍ਯਂ ਪੁਨਰਾਹਰੇਤ੍ ||੨੪|| ਏਸੋਗ੍ਨਿਕਲ੍ਪਂ ਦੁਰ੍ਵਾਰਂ ਕ੍ਰੁਦ੍ਧਸ੍ਯਾਮਿਤਤੇਜਸਃ | ਵਿਸਂ ਨਾਗਪਤੇਰ੍ਹਨ੍ਯਾਤ੍ ਪ੍ਰਸਭਂ ਵਾਸੁਕੇਰਪਿ ||੨੫|| ਮਹਾਸੁਗਨ੍ਧਿਨਾਮਾਯਂ ਪਞ੍ਚਾਸ਼ੀਤ੍ਯਙ੍ਗਸਂਯੁਤਃ | ਰਾਜਾਗਦਾਨਾਂ ਸਰ੍ਵੇਸਾਂ ਰਾਜ੍ਞੋ ਹਸ੍ਤੇ ਭਵੇਤ੍ ਸਦਾ ||੨੬|| ਸ੍ਨਾਤਾਨੁਲਿਪ੍ਤਸ੍ਤੁ ਨਪੋ ਭਵੇਤ੍ ਸਰ੍ਵਜਨਪ੍ਰਿਯਃ | ਭ੍ਰਾਜਿਸ੍ਣੁਤਾਂ ਚ ਲਭਤੇ ਸ਼ਤ੍ਰੁਮਧ੍ਯਗਤੋਪਿ ਸਨ੍ ||੨੭||
View original
चन्दनागुरुणी कुष्ठं तगरं तिलपर्णिकम् | प्रपौण्डरीकं नलदं सरलं देवदारु च ||१४|| भद्रश्रियं यवफलां भार्गी नीलीं सुगन्धिकाम् | कालेयकं पद्मकं च मधुकं नागरं जटाम् ||१५|| पुन्नागैलैलवालूनि गैरिकं ध्यामकं बलाम् | तोयं सर्जरसं मांसीं शतपुष्पां हरेणुकाम् ||१६|| तालीशपत्रं क्षुद्रैलां प्रियङ्गुं सकुटन्नटम् | शिलापुष्पं सशैलेयं पत्रं कालानुसारिवाम् ||१७|| कटुत्रिकं शीतशिवं काश्मर्यं कटुरोहिणीम् | सोमराजीमतिविषां पृथ्विकामिन्द्रवारुणीम् ||१८|| उशीरं वरुणं मुस्तं कुस्तुम्बुरु नखं तथा | श्वेते हरिद्रे स्थौणेयं लाक्षां च लवणानि च ||१९|| कुमुदोत्पलपद्मानि पुष्पं चापि तथाऽर्कजम् | चम्पकाशोकसुमनस्तिल्वकप्रसवानि च ||२०|| पाटलीशाल्मलीशैलुशिरीषाणां तथैव च | कुसुमं तृणमूल्याश्च सुरभीसिन्धुवारजम् ||२१|| धवाश्वकर्णपार्थानां पुष्पाणि तिनिशस्य च | गुग्गुलुं कुङ्कुमं बिम्बीं सर्पाक्षीं गन्धनाकुलीम् ||२२|| एतत् सम्भृत्य सम्भारं सूक्ष्मचूर्णानि कारयेत् | गोपित्तमधुसर्पिर्भिर्युक्तं शृङ्गे निधापयेत् ||२३|| भग्नस्कन्धं विवृताक्षं मृत्योर्दंष्ट्रान्तरं गतम् | अनेनागदमुख्येन मनुष्यं पुनराहरेत् ||२४|| एषोऽग्निकल्पं दुर्वारं क्रुद्धस्यामिततेजसः | विषं नागपतेर्हन्यात् प्रसभं वासुकेरपि ||२५|| महासुगन्धिनामाऽयं पञ्चाशीत्यङ्गसंयुतः | राजाऽगदानां सर्वेषां राज्ञो हस्ते भवेत् सदा ||२६|| स्नातानुलिप्तस्तु नृपो भवेत् सर्वजनप्रियः | भ्राजिष्णुतां च लभते शत्रुमध्यगतोऽपि सन् ||२७||
🔊 Audio coming soon
Adhikarana 6 (28) · Śloka 28
ਉਸ੍ਣਵਰ੍ਜ੍ਯੋ ਵਿਧਿਃ ਕਾਰ੍ਯੋ ਵਿਸਾਰ੍ਤਾਨਾਂ ਵਿਜਾਨਤਾ | ਮੁਕ੍ਤ੍ਵਾ ਕੀਟਵਿਸਂ ਤਦ੍ਧਿ ਸ਼ੀਤੇਨਾਭਿਪ੍ਰਵਰ੍ਧਤੇ ||੨੮||
View original
उष्णवर्ज्यो विधिः कार्यो विषार्तानां विजानता | मुक्त्वा कीटविषं तद्धि शीतेनाभिप्रवर्धते ||२८||
🔊 Audio coming soon
Adhikarana 7 (29-31) · Śloka 31
ਅਨ੍ਨਪਾਨਵਿਧਾਵੁਕ੍ਤਮੁਪਧਾਰ੍ਯ ਸ਼ੁਭਾਸ਼ੁਭਮ੍ | ਸ਼ੁਭਂ ਦੇਯਂ ਵਿਸਾਰ੍ਤੇਭ੍ਯੋ ਵਿਰੁਦ੍ਧੇਭ੍ਯਸ਼੍ਚ ਵਾਰਯੇਤ੍ ||੨੯|| ਫਾਣਿਤਂ ਸ਼ਿਗ੍ਰੁਸੌਵੀਰਮਜੀਰ੍ਣਾਧ੍ਯਸ਼ਨਂ ਤਥਾ | ਵਰ੍ਜਯੇਚ੍ਚ ਸਮਾਸੇਨ ਨਵਧਾਨ੍ਯਾਦਿਕਂ ਗਣਮ੍ ||੩੦|| ਦਿਵਾਸ੍ਵਪ੍ਨਂ ਵ੍ਯਵਾਯਂ ਚ ਵ੍ਯਾਯਾਮਂ ਕ੍ਰੋਧਮਾਤਪਮ੍ | ਸੁਰਾਤਿਲਕੁਲਤ੍ਥਾਂਸ਼੍ਚ ਵਰ੍ਜਯੇਦ੍ਧਿ ਵਿਸਾਤੁਰਃ ||੩੧||
View original
अन्नपानविधावुक्तमुपधार्य शुभाशुभम् | शुभं देयं विषार्तेभ्यो विरुद्धेभ्यश्च वारयेत् ||२९|| फाणितं शिग्रुसौवीरमजीर्णाध्यशनं तथा | वर्जयेच्च समासेन नवधान्यादिकं गणम् ||३०|| दिवास्वप्नं व्यवायं च व्यायामं क्रोधमातपम् | सुरातिलकुलत्थांश्च वर्जयेद्धि विषातुरः ||३१||
🔊 Audio coming soon
Adhikarana 8 (32) · Śloka 32
ਪ੍ਰਸਨ੍ਨਦੋਸਂ ਪ੍ਰਕਤਿਸ੍ਥਧਾਤੁਮਨ੍ਨਾਭਿਕਾਙ੍ਕ੍ਸਂ ਸਮਸੂਤ੍ਰਜਿਹ੍ਵਮ੍ | ਪ੍ਰਸਨ੍ਨਵਰ੍ਣੇਨ੍ਦ੍ਰਿਯਚਿਤ੍ਤਚੇਸ੍ਟਂ ਵੈਦ੍ਯੋਵਗਚ੍ਛੇਦਵਿਸਂ ਮਨੁਸ੍ਯਮ੍ ||੩੨||
View original
प्रसन्नदोषं प्रकृतिस्थधातुमन्नाभिकाङ्क्षं समसूत्रजिह्वम् | प्रसन्नवर्णेन्द्रियचित्तचेष्टं वैद्योऽवगच्छेदविषं मनुष्यम् ||३२||
🔊 Audio coming soon
Adhikarana puShpikA · Śloka 6
ਇਤਿ ਸੁਸ਼੍ਰੁਤਸਂਹਿਤਾਯਾਂ ਕਲ੍ਪਸ੍ਥਾਨੇ ਦੁਨ੍ਦੁਭਿਸ੍ਵਨੀਯਕਲ੍ਪੋ ਨਾਮ ਸਸ੍ਠੋਧ੍ਯਾਯਃ ||੬||
View original
इति सुश्रुतसंहितायां कल्पस्थाने दुन्दुभिस्वनीयकल्पो नाम षष्ठोऽध्यायः ||६||
🔊 Audio coming soon