Adhikarana 1 (1-2) · Śloka 2
athātō'grōpaharaṇīyamadhyāyaṁ vyākhyāsyāmaḥ ||1|| yathōvāca bhagavān dhanvantariḥ ||2||
View original
अथातोऽग्रोपहरणीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
5. agrōpaharaṇīyādhyāyaḥ
Adhikarana 2 (3) · Śloka 3
trividhaṁ karma- pūrvakarma, pradhānakarma, paścātkarmēti; tadvyādhiṁ pratyupadēkṣyāmaḥ ||3||
View original
त्रिविधं कर्म- पूर्वकर्म, प्रधानकर्म, पश्चात्कर्मेति; तद्व्याधिं प्रत्युपदेक्ष्यामः ||३||
🔊 Audio coming soon
Adhikarana 3 (4) · Śloka 4
asya tu śāstrasya śastrakarmaprādhānyācchastrakarmaiva tāvat pūrvamupadēkṣyāmastatsambhārāṁśca ||4||
View original
अस्य तु शास्त्रस्य शस्त्रकर्मप्राधान्याच्छस्त्रकर्मैव तावत् पूर्वमुपदेक्ष्यामस्तत्सम्भारांश्च ||४||
🔊 Audio coming soon
Adhikarana 4 (5) · Śloka 5
tacca śastrakarmā'ṣṭavidhaṁ; tadyathā- chēdyaṁ, bhēdyaṁ, lēkhyaṁ, vēdhyam, ēṣyam, āhāryaṁ, visrāvyaṁ, sīvyamiti ||5||
View original
तच्च शस्त्रकर्माऽष्टविधं; तद्यथा- छेद्यं, भेद्यं, लेख्यं, वेध्यम्, एष्यम्, आहार्यं, विस्राव्यं, सीव्यमिति ||५||
🔊 Audio coming soon
Adhikarana 5 (6) · Śloka 6
atō'nyatamaṁ karma cikīrṣatā vaidyēna pūrvamēvōpakalpayitavyāni bhavanti, tadyathā- yantraśastrakṣārāgniśalākāśr̥ṅgajalaukālābūjāmbavauṣṭhapicuprōtasūtrapatrapaṭṭamadhughr̥tavasāpayastaila- tarpaṇakaṣāyālēpanakalkavyajanaśītōṣṇōdakakaṭāhādīni, parikarmiṇaśca snigdhāḥ sthirā balavantaḥ ||6||
View original
अतोऽन्यतमं कर्म चिकीर्षता वैद्येन पूर्वमेवोपकल्पयितव्यानि भवन्ति, तद्यथा- यन्त्रशस्त्रक्षाराग्निशलाकाशृङ्गजलौकालाबूजाम्बवौष्ठपिचुप्रोतसूत्रपत्रपट्टमधुघृतवसापयस्तैल- तर्पणकषायालेपनकल्कव्यजनशीतोष्णोदककटाहादीनि, परिकर्मिणश्च स्निग्धाः स्थिरा बलवन्तः ||६||
🔊 Audio coming soon
Adhikarana 6 (7) · Śloka 7
tataḥ praśastēṣu tithikaraṇamuhūrtanakṣatrēṣu dadhyakṣatānnapānaratnairagniṁ viprān bhiṣajaścārcayitvā, kr̥tabalimaṅgalasvastivācanaṁ laghubhuktavantaṁ prāṅmukhamāturamupavēśya , yantrayitvā , pratyaṅmukhō vaidyō marmasirāsnāyusandhyasthidhamanīḥ pariharan, anulōmaṁ śastraṁ nidadhyādāpūyadarśanāt , sakr̥dēvāpaharēcchastramāśu ca; mahatsvapi ca pākēṣu dvyaṅgulāntaraṁ tryaṅgulāntaraṁ vā śastrapadamuktam ||7||
View original
ततः प्रशस्तेषु तिथिकरणमुहूर्तनक्षत्रेषु दध्यक्षतान्नपानरत्नैरग्निं विप्रान् भिषजश्चार्चयित्वा, कृतबलिमङ्गलस्वस्तिवाचनं लघुभुक्तवन्तं प्राङ्मुखमातुरमुपवेश्य , यन्त्रयित्वा , प्रत्यङ्मुखो वैद्यो मर्मसिरास्नायुसन्ध्यस्थिधमनीः परिहरन्, अनुलोमं शस्त्रं निदध्यादापूयदर्शनात् , सकृदेवापहरेच्छस्त्रमाशु च; महत्स्वपि च पाकेषु द्व्यङ्गुलान्तरं त्र्यङ्गुलान्तरं वा शस्त्रपदमुक्तम् ||७||
🔊 Audio coming soon
Adhikarana 7 (8) · Śloka 8
tatrāyatō viśālaḥ samaḥ suvibhaktō nirāśraya iti vraṇaguṇāḥ ||8||
View original
तत्रायतो विशालः समः सुविभक्तो निराश्रय इति व्रणगुणाः ||८||
🔊 Audio coming soon
Adhikarana 8 (9) · Śloka 9
bhavataścātra- āyataśca viśālaśca suvibhaktō nirāśrayaḥ | prāptakālakr̥taścāpi vraṇaḥ karmaṇi śasyatē ||9||
View original
भवतश्चात्र- आयतश्च विशालश्च सुविभक्तो निराश्रयः | प्राप्तकालकृतश्चापि व्रणः कर्मणि शस्यते ||९||
🔊 Audio coming soon
Adhikarana 9 (10) · Śloka 10
śauryamāśukriyā śastrataikṣṇyamasvēdavēpathu | asammōhaśca vaidyasya śastrakarmaṇi śasyatē ||10||
View original
शौर्यमाशुक्रिया शस्त्रतैक्ष्ण्यमस्वेदवेपथु | असम्मोहश्च वैद्यस्य शस्त्रकर्मणि शस्यते ||१०||
🔊 Audio coming soon
Adhikarana 10 (11-12) · Śloka 12
ēkēna vā vraṇēnāśudhyamānē nā'ntarā buddhyā'vēkṣyāparān vraṇān kuryāt ||11|| bhavati cātra- yatō yatō gatiṁ vidyādutsaṅgō yatra yatra ca | tatra tatra vraṇaṁ kuryādyathā dōṣō na tiṣṭhati ||12||
View original
एकेन वा व्रणेनाशुध्यमाने नाऽन्तरा बुद्ध्याऽवेक्ष्यापरान् व्रणान् कुर्यात् ||११|| भवति चात्र- यतो यतो गतिं विद्यादुत्सङ्गो यत्र यत्र च | तत्र तत्र व्रणं कुर्याद्यथा दोषो न तिष्ठति ||१२||
🔊 Audio coming soon
Adhikarana 11 (13-15) · Śloka 15
tatra bhrūgaṇḍaśaṅkhalalāṭākṣipuṭauṣṭhadantavēṣṭakakṣākukṣivaṅkṣaṇēṣu tiryak chēda uktaḥ ||13|| (candramaṇḍalavacchēdān pāṇipādēṣu kārayēt | ardhacandrākr̥tīṁścāpi gudē mēḍhrē ca buddhimān) ||14|| anyathā tu sirāsnāyucchēdanam, atimātraṁ vēdanā, cirādvraṇasaṁrōhō, māṁsakandīprādurbhāvaścēti ||15||
View original
तत्र भ्रूगण्डशङ्खललाटाक्षिपुटौष्ठदन्तवेष्टकक्षाकुक्षिवङ्क्षणेषु तिर्यक् छेद उक्तः ||१३|| (चन्द्रमण्डलवच्छेदान् पाणिपादेषु कारयेत् | अर्धचन्द्राकृतींश्चापि गुदे मेढ्रे च बुद्धिमान्) ||१४|| अन्यथा तु सिरास्नायुच्छेदनम्, अतिमात्रं वेदना, चिराद्व्रणसंरोहो, मांसकन्दीप्रादुर्भावश्चेति ||१५||
🔊 Audio coming soon
Adhikarana 12 (16) · Śloka 16
mūḍhagarbhōdarārśō'śmarībhagandaramukharōgēṣvabhuktavataḥ karma kurvīta ||16||
View original
मूढगर्भोदरार्शोऽश्मरीभगन्दरमुखरोगेष्वभुक्तवतः कर्म कुर्वीत ||१६||
🔊 Audio coming soon
Adhikarana 13 (17) · Śloka 17
tataḥ śastramavacārya,śītābhiradbhirāturamāśvāsya, samantāt paripīḍyāṅgulyā, vraṇamabhimr̥dya(jya), prakṣālya kaṣāyēṇa prōtēnōdakamādāya , tilakalkamadhusarpiḥpragāḍhāmauṣadhayuktāṁ nātisnigdhāṁ nātirūkṣāṁ vartiṁ praṇidadhyāt; tataḥ kalkēnācchādya, ghanāṁ kavalikāṁ dattvā, vastrapaṭṭēna badhnīyāt; vēdanārakṣōghnairdhūpairdhūpayēt, rakṣōghnaiśca mantrai rakṣāṁ kurvīta ||17||
View original
ततः शस्त्रमवचार्य,शीताभिरद्भिरातुरमाश्वास्य, समन्तात् परिपीड्याङ्गुल्या, व्रणमभिमृद्य(ज्य), प्रक्षाल्य कषायेण प्रोतेनोदकमादाय , तिलकल्कमधुसर्पिःप्रगाढामौषधयुक्तां नातिस्निग्धां नातिरूक्षां वर्तिं प्रणिदध्यात्; ततः कल्केनाच्छाद्य, घनां कवलिकां दत्त्वा, वस्त्रपट्टेन बध्नीयात्; वेदनारक्षोघ्नैर्धूपैर्धूपयेत्, रक्षोघ्नैश्च मन्त्रै रक्षां कुर्वीत ||१७||
🔊 Audio coming soon
Adhikarana 14 (18) · Śloka 18
tatō guggulvagurusarjarasavacāgaurasarṣapacūrṇairlavaṇanimbapatravimiśrairājyayuktairdhūpayēt | ājyaśēṣēṇa cāsya prāṇān samālabhēta ||18||
View original
ततो गुग्गुल्वगुरुसर्जरसवचागौरसर्षपचूर्णैर्लवणनिम्बपत्रविमिश्रैराज्ययुक्तैर्धूपयेत् | आज्यशेषेण चास्य प्राणान् समालभेत ||१८||
🔊 Audio coming soon
Adhikarana 15 (19-33) · Śloka 33
udakumbhāccāpō gr̥hītvā prōkṣayan rakṣākarma kuryāt; tadvakṣyāmaḥ- ||19|| kr̥tyānāṁ pratighātārthaṁ tathā rakṣōbhayasya ca | rakṣākarma kariṣyāmi brahmā tadanumanyatām ||20|| nāgāḥ piśācā gandharvāḥ pitarō yakṣarākṣasāḥ | abhidravanti yē yē tvāṁ brahmādyā ghnantu tān sadā ||21|| pr̥thivyāmantarīkṣē ca yē caranti niśācarāḥ | dikṣu vāstunivāsāśca pāntu tvāṁ tē namaskr̥tāḥ ||22|| pāntu tvāṁ munayō brāhmayā divyā rājarṣayastathā | parvatāścaiva nadyaśca sarvāḥ sarvē ca sāgarāḥ ||23|| agnī rakṣatu tē jihvāṁ prāṇān vāyustathaiva ca | sōmō vyānamapānaṁ tē parjanyaḥ parirakṣatu ||24|| udānaṁ vidyutaḥ pāntu samānaṁ stanayitnavaḥ | balamindrō balapatirmanurmanyē matiṁ tathā ||25|| kāmāṁstē pāntu gandharvāḥ sattvamindrō'bhirakṣatu | prajñāṁ tē varuṇō rājā samudrō nābhimaṇḍalam ||26|| cakṣuḥ sūryō diśaḥ śrōtrē candramāḥ pātu tē manaḥ | nakṣatrāṇi sadā rūpaṁ chāyāṁ pāntu niśāstava ||27|| rētastvāpyāyayantvāpō rōmāṇyōṣadhayastathā | ākāśaṁ khāni tē pāntu dēhaṁ tava vasundharā ||28|| vaiśvānaraḥ śiraḥ pātu viṣṇustava parākramam | pauruṣaṁ puruṣaśrēṣṭhō brahmā''tmānaṁ dhruvō bhruvau ||29|| ētā dēhē viśēṣēṇa tava nityā hi dēvatāḥ | ētāstvāṁ satataṁ pāntu dīrghamāyuravāpnuhi ||30|| svasti tē bhagavān brahmā svasti dēvāśca kurvatām | (svasti tē candrasūryau ca svasti nāradaparvatau) | svastyagniścauva vāyuśca svasti dēvāḥ sahēndragāḥ ||31|| pitāmahakr̥tā rakṣā svastyāyurvardhatāṁ tava | ītayastē praśāmyantu sadā bhava gatavyathaḥ ||32|| iti svāhā | ētairvēdātmakairmantraiḥ kr̥tyāvyādhivināśanaiḥ | mayaivaṁ kr̥tarakṣastvaṁ dīrghamāyuravāpnuhi ||33||
View original
उदकुम्भाच्चापो गृहीत्वा प्रोक्षयन् रक्षाकर्म कुर्यात्; तद्वक्ष्यामः- ||१९|| कृत्यानां प्रतिघातार्थं तथा रक्षोभयस्य च | रक्षाकर्म करिष्यामि ब्रह्मा तदनुमन्यताम् ||२०|| नागाः पिशाचा गन्धर्वाः पितरो यक्षराक्षसाः | अभिद्रवन्ति ये ये त्वां ब्रह्माद्या घ्नन्तु तान् सदा ||२१|| पृथिव्यामन्तरीक्षे च ये चरन्ति निशाचराः | दिक्षु वास्तुनिवासाश्च पान्तु त्वां ते नमस्कृताः ||२२|| पान्तु त्वां मुनयो ब्राह्मया दिव्या राजर्षयस्तथा | पर्वताश्चैव नद्यश्च सर्वाः सर्वे च सागराः ||२३|| अग्नी रक्षतु ते जिह्वां प्राणान् वायुस्तथैव च | सोमो व्यानमपानं ते पर्जन्यः परिरक्षतु ||२४|| उदानं विद्युतः पान्तु समानं स्तनयित्नवः | बलमिन्द्रो बलपतिर्मनुर्मन्ये मतिं तथा ||२५|| कामांस्ते पान्तु गन्धर्वाः सत्त्वमिन्द्रोऽभिरक्षतु | प्रज्ञां ते वरुणो राजा समुद्रो नाभिमण्डलम् ||२६|| चक्षुः सूर्यो दिशः श्रोत्रे चन्द्रमाः पातु ते मनः | नक्षत्राणि सदा रूपं छायां पान्तु निशास्तव ||२७|| रेतस्त्वाप्याययन्त्वापो रोमाण्योषधयस्तथा | आकाशं खानि ते पान्तु देहं तव वसुन्धरा ||२८|| वैश्वानरः शिरः पातु विष्णुस्तव पराक्रमम् | पौरुषं पुरुषश्रेष्ठो ब्रह्माऽऽत्मानं ध्रुवो भ्रुवौ ||२९|| एता देहे विशेषेण तव नित्या हि देवताः | एतास्त्वां सततं पान्तु दीर्घमायुरवाप्नुहि ||३०|| स्वस्ति ते भगवान् ब्रह्मा स्वस्ति देवाश्च कुर्वताम् | (स्वस्ति ते चन्द्रसूर्यौ च स्वस्ति नारदपर्वतौ) | स्वस्त्यग्निश्चौव वायुश्च स्वस्ति देवाः सहेन्द्रगाः ||३१|| पितामहकृता रक्षा स्वस्त्यायुर्वर्धतां तव | ईतयस्ते प्रशाम्यन्तु सदा भव गतव्यथः ||३२|| इति स्वाहा | एतैर्वेदात्मकैर्मन्त्रैः कृत्याव्याधिविनाशनैः | मयैवं कृतरक्षस्त्वं दीर्घमायुरवाप्नुहि ||३३||
🔊 Audio coming soon
Adhikarana 16 (34) · Śloka 34
tataḥ kr̥tarakṣamāturamāgāraṁ pravēśya, ācārikamādiśēt ||34||
View original
ततः कृतरक्षमातुरमागारं प्रवेश्य, आचारिकमादिशेत् ||३४||
🔊 Audio coming soon
Adhikarana 17 (35) · Śloka 35
tatastr̥tīyē'hani vimucyaivamēva badhnīyādvastrapaṭṭēna; na cainaṁ tvaramāṇō'parēdyurmōkṣayēt ||35||
View original
ततस्तृतीयेऽहनि विमुच्यैवमेव बध्नीयाद्वस्त्रपट्टेन; न चैनं त्वरमाणोऽपरेद्युर्मोक्षयेत् ||३५||
🔊 Audio coming soon
Adhikarana 18 (36) · Śloka 36
dvitīyadivasaparimōkṣaṇādvigrathitō vraṇaścirādupasaṁrōhati, tīvrarujaśca bhavati ||36||
View original
द्वितीयदिवसपरिमोक्षणाद्विग्रथितो व्रणश्चिरादुपसंरोहति, तीव्ररुजश्च भवति ||३६||
🔊 Audio coming soon
Adhikarana 19 (37) · Śloka 37
ata ūrdhvaṁ dōṣakālabalādīnavēkṣya kaṣāyālēpanabandhāhārācārān vidadhyāt ||37||
View original
अत ऊर्ध्वं दोषकालबलादीनवेक्ष्य कषायालेपनबन्धाहाराचारान् विदध्यात् ||३७||
🔊 Audio coming soon
Adhikarana 20 (38) · Śloka 38
na cainaṁ tvaramāṇaḥ sāntardōṣaṁ rōpayēt; sa hyalpēnāpyapacārēṇābhyantaramutsaṅgaṁ kr̥tvā bhūyō'pi vikarōti ||38||
View original
न चैनं त्वरमाणः सान्तर्दोषं रोपयेत्; स ह्यल्पेनाप्यपचारेणाभ्यन्तरमुत्सङ्गं कृत्वा भूयोऽपि विकरोति ||३८||
🔊 Audio coming soon
Adhikarana 21 (39) · Śloka 39
bhavanti cātra- tasmādantarbahiścaiva suśuddhaṁ rōpayēdvraṇam | rūḍhē'pyajīrṇavyāyāmavyavāyādīn vivarjayēt | harṣaṁ krōdhaṁ bhayaṁ cāpi yāvat sthairyōpasambhavāt ||39||
View original
भवन्ति चात्र- तस्मादन्तर्बहिश्चैव सुशुद्धं रोपयेद्व्रणम् | रूढेऽप्यजीर्णव्यायामव्यवायादीन् विवर्जयेत् | हर्षं क्रोधं भयं चापि यावत् स्थैर्योपसम्भवात् ||३९||
🔊 Audio coming soon
Adhikarana 22 (40) · Śloka 40
hēmantē śiśirē caiva vasantē cāpi mōkṣayēt | tryahāddvyahāccharadgrīṣmavarṣāsvapi ca buddhimān ||40||
View original
हेमन्ते शिशिरे चैव वसन्ते चापि मोक्षयेत् | त्र्यहाद्द्व्यहाच्छरद्ग्रीष्मवर्षास्वपि च बुद्धिमान् ||४०||
🔊 Audio coming soon
Adhikarana 23 (41) · Śloka 41
atipātiṣu rōgēṣu nēcchēdvidhimimaṁ bhiṣak | pradīptāgāravacchīghraṁ tatra kuryāt pratikriyām ||41||
View original
अतिपातिषु रोगेषु नेच्छेद्विधिमिमं भिषक् | प्रदीप्तागारवच्छीघ्रं तत्र कुर्यात् प्रतिक्रियाम् ||४१||
🔊 Audio coming soon
Adhikarana 24 (42) · Śloka 42
yā vēdanā śastranipātajātā tīvrā śarīraṁ pradunōti jantōḥ | dhr̥tēna sā śāntimupaiti siktā kōṣṇēna yaṣṭīmadhukānvitēnā ||42||
View original
या वेदना शस्त्रनिपातजाता तीव्रा शरीरं प्रदुनोति जन्तोः | धृतेन सा शान्तिमुपैति सिक्ता कोष्णेन यष्टीमधुकान्वितेना ||४२||
🔊 Audio coming soon
Adhikarana puShpikA · Śloka 5
iti suśrutasaṁhitāyāṁ sūtrasthānē'grōpaharaṇīyō nāma pañcamō'dhyāyaḥ ||5||
View original
इति सुश्रुतसंहितायां सूत्रस्थानेऽग्रोपहरणीयो नाम पञ्चमोऽध्यायः ||५||
🔊 Audio coming soon