37. miśrakādhyāyaḥ

Adhikarana 1 (1-2) · Śloka 2

ಅಥಾತೋ ಮಿಶ್ರಕಮಧ್ಯಾಯಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3-7) · Śloka 7

ಮಾತುಲುಙ್ಗ್ಯಗ್ನಿಮನ್ಥೌ ಚ ಭದ್ರದಾರು ಮಹೌಷಧಮ್ | ಅಹಿಂಸ್ರಾ ಚೈವ ರಾಸ್ನಾ ಚ ಪ್ರಲೇಪೋ ವಾತಶೋಫಜಿತ್ ||೩|| ದೂರ್ವಾ ಚ ನಲಮೂಲಂ ಚ ಮಧುಕಂ ಚನ್ದನಂ ತಥಾ | ಶೀತಲಾಶ್ಚ ಗಣಾಃ ಸರ್ವೇ ಪ್ರಲೇಪಃ ಪಿತ್ತಶೋಫಹೃತ್ ||೪|| ಆಗನ್ತುಜೇ ರಕ್ತಜೇ ಚ ಹ್ಯೇಷ ಏವ ವಿಧಿಃ ಸ್ಮೃತಃ | ವಿಧಿರ್ವಿಷಘ್ನೋ ವಿಷಜೇ ಪಿತ್ತಘ್ನೋಽಪಿ ಹಿತಸ್ತಥಾ ||೫|| ಅಜಗನ್ಧಾಽಶ್ವಗನ್ಧಾ ಚ ಕಾಲಾ ಸರಲಯಾ ಸಹ | ಏಕೈಷಿಕಾಜಶೃಙ್ಗೀ ಚ ಪ್ರಲೇಪಃ ಶ್ಲೇಷ್ಮಶೋಫಹೃತ್ ||೬|| ಏತೇ ವರ್ಗಾಸ್ತ್ರಯೋ ಲೋಧ್ರಂ ಪಥ್ಯಾ ಪಿಣ್ಡೀತಕಾನಿ ಚ | ಅನನ್ತಾ ಚೇತಿ ಲೇಪೋಽಯಂ ಸಾನ್ನಿಪಾತಿಕಶೋಫಹೃತ್ ||೭||

Adhikarana 3 (8) · Śloka 8

ಸ್ನಿಗ್ಧಾಮ್ಲಲವಣೋ ವಾತೇ ಕೋಷ್ಣಃ, ಶೀತಃ ಪಯೋಯುತಃ | ಪಿತ್ತೇ, ಚೋಷ್ಣಃ ಕಫೇ ಕ್ಷಾರಮೂತ್ರಾಢ್ಯಸ್ತತ್ಪ್ರಶಾನ್ತಯೇ ||೮||

Adhikarana 4 (9) · Śloka 9

ಶಣಮೂಲಕಶಿಗ್ರೂಣಾಂ ಫಲಾನಿ ತಿಲಸರ್ಷಪಾಃ | ಸಕ್ತವಃ ಕಿಣ್ವಮತಸೀ ದ್ರವ್ಯಾಣ್ಯುಷ್ಣಾನಿ ಪಾಚನಮ್ ||೯||

Adhikarana 5 (10) · Śloka 10

ಚಿರಬಿಲ್ವೋಽಗ್ನಿಕೋ ದನ್ತೀ ಚಿತ್ರಕೋ ಹಯಮಾರಕಃ | ಕಪೋತಕಙ್ಕಗೃಧ್ರಾಣಾಂ ಪುರೀಷಾಣಿ ಚ ದಾರಣಮ್ | ಕ್ಷಾರದ್ರವ್ಯಾಣಿ ವಾ ಯಾನಿ ಕ್ಷಾರೋ ವಾ ದಾರಣಂ ಪರಮ್ ||೧೦||

Adhikarana 6 (11) · Śloka 11

ದ್ರವ್ಯಾಣಾಂ ಪಿಚ್ಛಿಲಾನಾಂ ತು ತ್ವಙ್ಮೂಲಾನಿ ಪ್ರಪೀಡನಮ್ | ಯವಗೋಧೂಮಮಾಷಾಣಾಂ ಚೂರ್ಣಾನಿ ಚ ಸಮಾಸತಃ ||೧೧||

Adhikarana 7 (12) · Śloka 12

ಶಾಙ್ಖಿನ್ಯಙ್ಕೋಠಸುಮನಃಕರವೀರಸುವರ್ಚಲಾಃ | ಶೋಧನಾನಿ ಕಷಾಯಾಣಿ ವರ್ಗಶ್ಚಾರಗ್ವಧಾದಿಕಃ ||೧೨||

Adhikarana 8 (13-14) · Śloka 15

ಅಜಗನ್ಧಾಽಜಶೃಙ್ಗೀ ಚ ಗವಾಕ್ಷೀ ಲಾಙ್ಗಲಾಹ್ವಯಾ | ಪೂತೀಕಶ್ಚಿತ್ರಕಃ ಪಾಠಾ ವಿಡಙ್ಗೈಲಾಹರೇಣವಃ ||೧೩|| ಕಟುತ್ರಿಕಂ ಯವಕ್ಷಾರೋ ಲವಣಾನಿ ಮನಃಶಿಲಾ | ಕಾಸೀಸಂ ತ್ರಿವೃತಾ ದನ್ತೀ ಹರಿತಾಲಂ ಸುರಾಷ್ಟ್ರಜಾ ||೧೪|| ಸಂಶೋಧನೀನಾಂ ವರ್ತೀನಾಂ ದ್ರವ್ಯಾಣ್ಯೇತಾನಿ ನಿರ್ದಿಶೇತ್ |೧೫|

Adhikarana 9 (15) · Śloka 15

ಏತೈರೇವೌಷಧೈಃ ಕುರ್ಯಾತ್ಕಲ್ಕಾನಪಿ ಚ ಶೋಧನಾನ್ ||೧೫||

Adhikarana 10 (16) · Śloka 17

ಅರ್ಕೋತ್ತಮಾಂ ಸ್ನುಹೀಕ್ಷೀರಂ ಪಿಷ್ಟ್ವಾ ಕ್ಷಾರೋತ್ತಮಾನಿ ಚ | ಜಾತೀಮೂಲಂ ಹರಿದ್ರೇ ದ್ವೇ ಕಾಸೀಸಂ ಕಟುರೋಹಿಣೀಮ್ ||೧೬|| ಪೂರ್ವೋದ್ದಿಷ್ಟಾನಿ ಚಾನ್ಯಾನಿ ಕುರ್ಯಾತ್ ಸಂಶೋಧನಂ ಘೃತಮ್ |೧೭|

Adhikarana 11 (17-18) · Śloka 18

ಮಯೂರಕೋ ರಾಜವೃಕ್ಷೋ ನಿಮ್ಬಃ ಕೋಶಾತಕೀ ತಿಲಾಃ ||೧೭|| ಬೃಹತೀ ಕಣ್ಟಕಾರೀ ಚ ಹರಿತಾಲಂ ಮನಃಶಿಲಾ | ಶೋಧನಾನಿ ಚ ಯೋಜ್ಯಾನಿ ತೈಲೇ ದ್ರವ್ಯಾಣಿ ಶೋಧನೇ ||೧೮||

Adhikarana 12 (19) · Śloka 19

ಕಾಸೀಸೇ ಸೈನ್ಧವೇ ಕಿಣ್ವೇ ವಚಾಯಾಂ ರಜನೀದ್ವಯೇ | ಶೋಧನಾಙ್ಗೇಷು ಚಾನ್ಯೇಷು ಚೂರ್ಣಂ ಕುರ್ವೀತ ಶೋಧನಮ್ ||೧೯||

Adhikarana 13 (20) · Śloka 20

ಸಾಲಸಾರಾದಿಸಾರೇಷು ಪಟೋಲತ್ರಿಫಲಾಸು ಚ | ರಸಕ್ರಿಯಾ ವಿಧಾತವ್ಯಾ ಶೋಧನೀ ಶೋಧನೇಷು ಚ ||೨೦||

Adhikarana 14 (21) · Śloka 21

ಶ್ರೀವೇಷ್ಟಕೇ ಸರ್ಜರಸೇ ಸರಲೇ ದೇವದಾರುಣಿ | ಸಾರೇಷ್ವಪಿ ಚ ಕುರ್ವೀತ ಮತಿಮಾನ್ ವ್ರಣಧೂಪನಮ್ ||೨೧||

Adhikarana 15 (22-23) · Śloka 23

ಕಷಾಯಾಣಾಮನುಷ್ಣಾನಾಂ ವೃಕ್ಷಾಣಾಂ ತ್ವಕ್ಷು ಸಾಧಿತಃ | ಶೃತಃ ಶೀತಕಷಾಯೋ ವಾ ರೋಪಣಾರ್ಥಂ ಪ್ರಶಸ್ಯತೇ ||೨೨|| ಸೋಮಾಮೃತಾಶ್ವಗನ್ಧಾಸು ಕಾಕೋಲ್ಯಾದೌ ಗಣೇ ತಥಾ | ಕ್ಷೀರಿಪ್ರರೋಹೇಷ್ವಪಿ ಚ ವರ್ತಯೋ ರೋಪಣಾಃ ಸ್ಮೃತಾಃ ||೨೩||

Adhikarana 16 (24) · Śloka 24

ಸಮಙ್ಗಾ ಸೋಮಸರಲಾ ಸೋಮವಲ್ಕಃ ಸಚನ್ದನಃ | ಕಾಕೋಲ್ಯಾದಿಶ್ಚ ಕಲ್ಕಃ ಸ್ಯಾತ್ ಪ್ರಶಸ್ತೋ ವ್ರಣರೋಪಣೇ ||೨೪||

Adhikarana 17 (25) · Śloka 25

ಪೃಥಕ್ಪರ್ಣ್ಯಾತ್ಮಗುಪ್ತಾ ಚ ಹರಿದ್ರೇ ಮಾಲತೀ ಸಿತಾ | ಕಾಕೋಲ್ಯಾದಿಶ್ಚ ಯೋಜ್ಯಃ ಸ್ಯಾದ್ಭಿಷಜಾ ರೋಪಣೇ ಘೃತೇ ||೨೫||

Adhikarana 18 (26) · Śloka 26

ಕಾಲಾನುಸಾರ್ಯಾಗುರುಣೀ ಹರಿದ್ರೇ ದೇವದಾರು ಚ | ಪ್ರಿಯಙ್ಗವಶ್ಚ ರೋಧ್ರಂ ಚ ತೈಲೇ ಯೋಜ್ಯಾನಿ ರೋಪಣೇ ||೨೬||

Adhikarana 19 (27-28) · Śloka 28

ಕಙ್ಗುಕಾ ತ್ರಿಫಲಾ ರೋಧ್ರಂ ಕಾಸೀಸಂ ಶ್ರವಣಾಹ್ವಯಾ | ಧವಾಶ್ವಕರ್ಣಯೋಸ್ತ್ವಕ್ ಚ ರೋಪಣಂ ಚೂರ್ಣಮಿಷ್ಯತೇ ||೨೭|| ಪ್ರಿಯಙ್ಗುಕಾ ಸರ್ಜರಸಃ ಪುಷ್ಪಕಾಸೀಸಮೇವ ಚ | ತ್ವಕ್ಚೂರ್ಣಂ ಧವಜಂ ಚೈವ ರೋಪಣಾರ್ಥಂ ಪ್ರಶಸ್ಯತೇ ||೨೮||

Adhikarana 20 (29) · Śloka 29

ತ್ವಕ್ಷು ನ್ಯಗ್ರೋಧವರ್ಗಸ್ಯ ತ್ರಿಫಲಾಯಾಸ್ತಥೈವ ಚ | ರಸಕ್ರಿಯಾಂ ರೋಪಣಾರ್ಥೇ ವಿದಧೀತ ಯಥಾಕ್ರಮಮ್ ||೨೯||

Adhikarana 21 (30) · Śloka 30

ಅಪಾಮಾರ್ಗೋಽಶ್ವಗನ್ಧಾ ಚ ತಾಲಪತ್ರೀ ಸುವರ್ಚಲಾ | ಉತ್ಸಾದನೇ ಪ್ರಶಸ್ಯನ್ತೇ ಕಾಕೋಲ್ಯಾದಿಶ್ಚ ಯೋ ಗಣಃ ||೩೦||

Adhikarana 22 (31-32) · Śloka 32

ಕಾಸೀಸಂ ಸೈನ್ಧವಂ ಕಿಣ್ವಂ ಕುರುವಿನ್ದೋ ಮನಃಶಿಲಾ | ಕುಕ್ಕುಟಾಣ್ಡಕಪಾಲಾನಿ ಸುಮನೋಮುಕುಲಾನಿ ಚ ||೩೧|| ಫಲೇ ಶೈರೀಷಕಾರಞ್ಜೇ ಧಾತುಚೂರ್ಣಾನಿ ಯಾನಿ ಚ | ವ್ರಣೇಷೂತ್ಸನ್ನಮಾಂಸೇಷು ಪ್ರಶಸ್ತಾನ್ಯವಸಾದನೇ ||೩೨||

Adhikarana 23 (33) · Śloka 33

ಸಮಸ್ತಂ ವರ್ಗಮರ್ಧಂ ವಾ ಯಥಾಲಾಭಮಥಾಪಿ ವಾ | ಪ್ರಯುಞ್ಜೀತ ಭಿಷಕ್ ಪ್ರಾಜ್ಞೋ ಯಥೋದ್ದಿಷ್ಟೇಷು ಕರ್ಮಸು ||೩೩||

Adhikarana puShpikA · Śloka 37

ಇತಿ ಸುಶ್ರುತಸಂಹಿತಾಯಾಂ ಸೂತ್ರಸ್ಥಾನೇ ಮಿಶ್ರಕಾಧ್ಯಾಯೋ ನಾಮ ಸಪ್ತತ್ರಿಂಶತ್ತಮೋಽಧ್ಯಾಯಃ ||೩೭||