1. vēdōtpattyadhyāyaḥ

Adhikarana 2 (1-2) · Śloka 2

অথাতো বেদোত্পত্তিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 3 (3) · Śloka 3

অথ খলু ভগবন্তমমরবরমৃষিগণপরিবৃতমাশ্রমস্থং কাশিরাজং দিবোদাসং ধন্বন্তরিমৌপধেনববৈতরণৌরভ্রপৌষ্কলাবতকরবীর্য(র)গোপুররক্ষিতসুশ্রুতপ্রভৃতয ঊচুঃ ||৩||

Adhikarana 4 (4) · Śloka 4

ভগবন্! শারীরমানসাগন্তুভির্ব্যাধিভির্বিবিধবেদনাভিঘাতোপদ্রুতান্ সনাথানপ্যনাথবদ্বিচেষ্টমানান্ বিক্রোশতশ্চ মানবানভিসমীক্ষ্য মনসি নঃ পীডা ভবতি, তেষাং সুখৈষিণাং রোগোপশমার্থমাত্মনশ্চ প্রাণযাত্রার্থং প্রজাহিতহেতোরাযুর্বেদং শ্রোতুমিচ্ছাম ইহোপদিশ্যমানম্, অত্রাযত্তমৈহিকমামুষ্মিকং চ শ্রেযঃ; তদ্ভগবন্তমুপপন্নাঃ স্মঃ শিষ্যত্বেনেতি ||৪||

Adhikarana 5 (5) · Śloka 5

তানুবাচ ভগবান্- স্বাগতং বঃ; সর্ব এবামীমাংস্যা অধ্যাপ্যাশ্চ ভবন্তো বত্সাঃ ||৫||

Adhikarana 6 (6) · Śloka 6

ইহ খল্বাযুর্বেদং নামোপাঙ্গমথর্ববেদস্যানুত্পাদ্যৈব প্রজাঃ শ্লোকশতসহস্রমধ্যাযসহস্রং চ কৃতবান্ স্বযম্ভূঃ, ততোঽল্পাযুষ্ট্বমল্পমেধস্ত্বং চালোক্য নরাণাং ভূযোঽষ্টধা প্রণীতবান্ ||৬||

Adhikarana 7 (7) · Śloka 7

তদ্যথা- শল্যং, শালাক্যং, কাযচিকিত্সা, ভূতবিদ্যা, কৌমারভৃত্যম্, অগদতন্ত্রং, রসাযনতন্ত্রং, বাজীকরণতন্ত্রমিতি ||৭||

Adhikarana 8 (8) · Śloka 8

অথাস্য প্রত্যঙ্গলক্ষণসমাসঃ |৮|

Adhikarana 9 (8(1)) · Śloka 8

তত্র, শল্যং নাম বিবিধতৃণকাষ্ঠপাষাণপাংশুলোহলোষ্টাস্থিবালনখপূযাস্রাবদুষ্টব্রণান্তর্গর্ভশল্যোদ্ধরণার্থং , যন্ত্রশস্ত্রক্ষারাগ্নিপ্রণিধানব্রণবিনিশ্চযার্থং চ (১) |৮|

Adhikarana 10 (8(2)) · Śloka 8

শালাক্যং নামোর্ধ্বজত্রুগতানাং শ্রবণনযনবদনঘ্রাণাদিসংশ্রিতানাং ব্যাধীনামুপশমনার্থম্ (২) |৮|

Adhikarana 11 (8(3)) · Śloka 8

কাযচিকিত্সা নাম সর্বাঙ্গসংশ্রিতানাং ব্যাধীনাং জ্বররক্তপিত্তশোষোন্মাদাপস্মারকুষ্ঠমেহাতিসারাদীনামুপশমনার্থম্ (৩) |৮|

Adhikarana 12 (8(4)) · Śloka 8

ভূতবিদ্যা নাম দেবাসুরগন্ধর্বযক্ষরক্ষঃপিতৃপিশাচনাগগ্রহাদ্যুপসৃষ্টচেতসাং শান্তিকর্মবলিহরণাদিগ্রহোপশমনার্থম্ (৪) |৮|

Adhikarana 13 (8(5)) · Śloka 8

কৌমারভৃত্যং নাম কুমারভরণধাত্রীক্ষীরদোষসংশোধনার্থং দুষ্টস্তন্যগ্রহসমুত্থানাং চ ব্যাধীনামুপশমনার্থম্ (৫) |৮|

Adhikarana 14 (8(6)) · Śloka 8

অগদতন্ত্রং নাম সর্পকীটলূতামূষকাদিদষ্টবিষব্যঞ্জনার্থং বিবিধবিষসংযোগোপশমনার্থং চ (৬) |৮|

Adhikarana 15 (8(7)) · Śloka 8

রসাযনতন্ত্রং নাম বযঃস্থাপনমাযুর্মেধাবলকরং রোগাপহরণসমর্থং চ (৭) |৮|

Adhikarana 16 (8(8)) · Śloka 8

বাজীকরণতন্ত্রং নামাল্পদুষ্টক্ষীণবিশুষ্করেতসামাপ্যাযনপ্রসাদোপচযজনননিমিত্তং প্রহর্ষজননার্থং চ (৮) ||৮||

Adhikarana 17 (9) · Śloka 9

এবমযমাযুর্বেদোঽষ্টাঙ্গ উপদিশ্যতে; অত্র কস্মৈ কিমুচ্যতামিতি ||৯||

Adhikarana 18 (10-11) · Śloka 11

ত ঊচুঃ- অস্মাকং সর্বেষামেব শল্যজ্ঞানং মূলং কৃত্বোপদিশতু ভগবানিতি ||১০|| স উবাচৈবমস্ত্বিতি ||১১||

Adhikarana 19 (12-13) · Śloka 13

ত ঊচুর্ভূযোঽপি ভগবন্তম্- অস্মাকমেকমতীনাং মতমভিসমীক্ষ্য সুশ্রুতো ভগবন্তং প্রক্ষ্যতি, অস্মৈ চোপদিশ্যমানং বযমপ্যুধারযিষ্যামঃ ||১২|| স উবাচৈবমস্ত্বিতি ||১৩||

Adhikarana 20 (14) · Śloka 14

বত্স সুশ্রুত! ইহ খল্বাযুর্বেদপ্রযোজনং- ব্যাধ্যুপসৃষ্টানাং ব্যাধিপরিমোক্ষঃ, স্বস্থস্য রক্ষণং চ ||১৪||

Adhikarana 21 (15) · Śloka 15

‘আযুরস্মিন্ বিদ্যতে, অনেন বাঽঽযুর্বিন্দন্তি’ ইত্যাযুর্বেদঃ ||১৫||

Adhikarana 22 (16) · Śloka 16

তস্যাঙ্গবরমাদ্যং প্রত্যক্ষাগমানুমানোপমানৈরবিরুদ্ধমুচ্যমানমুপধারয ||১৬||

Adhikarana 23 (17) · Śloka 17

এতদ্ধ্যঙ্গং প্রথমং, প্রাগভিঘাতব্রণসংরোহাদ্যজ্ঞশিরঃসন্ধানাচ্চ | শ্রূযতে হি যথা- “রুদ্রেণ যজ্ঞস্য শিরশ্ছিন্নমিতি, ততো দেবা অশ্বিনাবভিগম্যোচুঃ- ভগবন্তৌ নঃ শ্রেষ্ঠতমৌ যুবাং ভবিষ্যথঃ, ভবদ্ভ্যাং যজ্ঞস্য শিরঃ সন্ধাতব্যমিতি | তাবূচতুরেবমস্ত্বিতি | অথ তযোরর্থে দেবা ইন্দ্রং যজ্ঞভাগেন প্রাসাদযন্ | তাভ্যাং যজ্ঞস্য শিরঃ সংহিতম্” ইতি ||১৭||

Adhikarana 24 (18) · Śloka 18

অষ্টাস্বপি চাযুর্বেদতন্ত্রেষ্বেতদেবাধিকমভিমতম্, আশুক্রিযাকরণাদ্যন্ত্রশস্ত্রক্ষারাগ্নিপ্রণিধানাত্ সর্বতন্ত্রসামান্যাচ্চ ||১৮||

Adhikarana 25 (19) · Śloka 19

তদিদং শাশ্বতং পুণ্যং স্বর্গ্যং যশস্যমাযুষ্যং বৃত্তিকরং চেতি ||১৯||

Adhikarana 26 (20) · Śloka 20

ব্রহ্মা প্রোবাচ ততঃ প্রজাপতিরধিজগে, তস্মাদশ্বিনৌ, অশ্বিভ্যামিন্দ্রঃ, ইন্দ্রাদহং, মযা ত্বিহ প্রদেযমর্থিভ্যঃ প্রজাহিতহেতোঃ ||২০||

Adhikarana 27 (21) · Śloka 21

ভবতি চাত্র- অহং হি ধন্বন্তরিরাদিদেবো জরারুজামৃত্যুহরোঽমরাণাম্ | শল্যাঙ্গমঙ্গৈরপরৈরুপেতং প্রাপ্তোঽস্মি গাং ভূয ইহোপদেষ্টুম্ ||২১||

Adhikarana 28 (22) · Śloka 22

অস্মিঞ্ছাস্ত্রে পঞ্চমহাভূতশরীরিসমবাযঃ পুরুষ ইত্যুচ্যতে | তস্মিন্ ক্রিযা, সোঽধিষ্ঠানং; কস্মাত্? লোকস্য দ্বৈবিধ্যাত ; লোকো হি দ্বিবিধঃ স্থাবরো জঙ্গমশ্চ; দ্বিবিধাত্মক এবাগ্নেযঃ, সৌম্যশ্চ, তদ্ভূযস্ত্বাত্; পঞ্চাত্মকো বা; তত্র চতুর্বিধো ভূতগ্রামঃ সংস্বেদজজরাযুজাণ্ডজোদ্ভিজ্জসঞ্জ্ঞঃ ; তত্র পুরুষঃ প্রধানং, তস্যোপকরণমন্যত্; তস্মাত্ পুরুষোঽধিষ্ঠানম্ ||২২||

Adhikarana 29 (23) · Śloka 23

তদ্দুঃখসংযোগা ব্যাধয উচ্যন্তে ||২৩||

Adhikarana 30 (24) · Śloka 24

তে চতুর্বিধাঃ- আগন্তবঃ, শারীরাঃ, মানসাঃ, স্বাভাবিকাশ্চেতি ||২৪||

Adhikarana 31 (25(1)) · Śloka 25

তেষামাগন্তবোঽভিঘাতনিমিত্তাঃ |২৫|

Adhikarana 32 (25(2)) · Śloka 25

শারীরাস্ত্বন্নপানমূলা বাতপিত্তকফশোণিতসন্নিপাতবৈষম্যনিমিত্তাঃ |২৫|

Adhikarana 33 (25(3)) · Śloka 25

মানসাস্তু ক্রোধশোকভযহর্ষবিষাদের্ষ্যাভ্যসূযাদৈন্যমাত্সর্যকামলোভপ্রভৃতয ইচ্ছাদ্বেষভেদৈর্ভবন্তি |২৫|

Adhikarana 34 (25(4)) · Śloka 25

স্বাভাবিকাস্তু ক্ষুত্পিপাসাজরামৃত্যুনিদ্রাপ্রকৃ(ভৃ)তযঃ ||২৫||

Adhikarana 35 (26) · Śloka 26

ত এতে মনঃশরীরাধিষ্ঠানাঃ ||২৬||

Adhikarana 36 (27) · Śloka 27

তেষাং সংশোধনসংশমনাহারাচারাঃ সম্যক্প্রযুক্তা নিগ্রহহেতবঃ ||২৭||

Adhikarana 37 (28) · Śloka 28

প্রাণিনাং পুনর্মূলমাহারো বলবর্ণৌজসাং চ | স ষট্সু রসেষ্বাযত্তঃ; রসাঃ পুনর্দ্রব্যাশ্রযাঃ; দ্রব্যাণি পুনরোষধযঃ | তাস্তু দ্বিবিধাঃ- স্থাবরা জঙ্গমাশ্চ ||২৮||

Adhikarana 38 (29) · Śloka 29

তাসাং স্থাবরাশ্চতুর্বিধাঃ- বনস্পতযো, বৃক্ষা, বীরুধ, ওষধয ইতি | তাসু, অপুষ্পাঃ ফলবন্তো বনস্পতযঃ, পুষ্পফলবন্তো বৃক্ষাঃ, প্রতানবত্যঃ স্তম্বিন্যশ্চ বীরুধঃ, ফলপাকনিষ্ঠা ওষধয ইতি ||২৯||

Adhikarana 39 (30) · Śloka 30

জঙ্গমা খল্বপি চতুর্বিধাঃ- জরাযুজাণ্ডজস্বেদজোদ্ভিজ্জাঃ | তত্র পশুমনুষ্যব্যালাদযো জরাযুজাঃ, খগসর্পসরীসৃপপ্রভৃতযোঽণ্ডজাঃ, কৃমিকীটপিপীলিকাপ্রভৃতযঃ স্বেদজাঃ, ইন্দ্রগোপমণ্ডূকপ্রভৃতয উদ্ভিজ্জাঃ ||৩০||

Adhikarana 40 (31) · Śloka 31

তত্র স্থাবরেভ্যস্ত্বক্পত্রপুষ্পফলমূলকন্দনির্যাসস্বরসাদযঃ প্রযোজনবন্তঃ; জঙ্গমেভ্যশ্চর্মনখরোমরুধিরাদযঃ ||৩১||

Adhikarana 41 (32) · Śloka 32

পার্থিবাঃ সুবর্ণরজতমণিমুক্তামনঃশিলামৃত্কপালাদযঃ ||৩২||

Adhikarana 42 (33) · Śloka 33

কালকৃতাঃপ্রবাতনিবাতাতপচ্ছাযাজ্যোত্স্নাতমঃশীতোষ্ণবর্ষাহোরাত্রপক্ষমাসর্ত্বযনাদযঃ সংবত্সরবিশেষাঃ ||৩৩||

Adhikarana 43 (34) · Śloka 34

ত এতে স্বভাবত এব দোষাণাং সঞ্চযপ্রকোপপ্রশমপ্রতীকারহেতবঃ প্রযোজনবন্তশ্চ ||৩৪||

Adhikarana 44 (35) · Śloka 35

ভবন্তি চাত্র শ্লোকাঃ- শারীরাণাং বিকারাণামেষ বর্গশ্চতুর্বিধঃ | প্রকোপে প্রশমে চৈব হেতুরুক্তশ্চিকিত্সকৈঃ ||৩৫||

Adhikarana 45 (36-37) · Śloka 37

আগন্তবস্তু যে রোগাস্তে দ্বিধা নিপতন্তি হি | মনস্যন্যে শরীরেঽন্যে তেষাং তু দ্বিবিধা ক্রিযা ||৩৬|| শরীরপতিতানাং তু শারীরবদুপক্রমঃ | মানসানাং তু শব্দাদিরিষ্টো বর্গঃ সুখাবহঃ ||৩৭||

Adhikarana 46 (38) · Śloka 38

এবমেতত্ পুরুষো ব্যাধিরৌষধং ক্রিযাকাল ইতি চতুষ্টযং সমাসেন ব্যাখ্যাতম্ | তত্র পুরুষগ্রহণাত্ তত্সম্ভবদ্রব্যসমূহো ভূতাদিরুক্তস্তদঙ্গপ্রত্যঙ্গবিকল্পাশ্চ ত্বঙ্মাংসাস্থিসিরাস্নাযুপ্রভৃতযঃ, ব্যাধিগ্রহণাদ্বাতপিত্তকফশোণিতসন্নিপাতবৈষম্যনিমিত্তাঃ সর্ব এব ব্যাধযো ব্যাখ্যাতাঃ, ঔষধগ্রহণাদ্দ্রব্যরসগুণবীর্যবিপাকানামাদেশঃ, ক্রিযাগ্রহণাত্ স্নেহাদীনি চ্ছেদ্যাদীনি চ কর্মাণি ব্যাখ্যাতানি, কালগ্রহণাত্ সর্বক্রিযাকালানামাদেশঃ ||৩৮||

Adhikarana 47 (39) · Śloka 39

ভবতি চাত্র- বীজং চিকিত্সিতস্যৈতত্সমাসেন প্রকীর্তিতম্ | সবিংশমধ্যাযশতমস্য ব্যাখ্যা ভবিষ্যতি ||৩৯||

Adhikarana 48 (40) · Śloka 40

তচ্চ সবিংশমধ্যাযশতং পঞ্চসু স্থানেষু | তত্র সূত্রনিদানশারীরচিকিত্সিতকল্পেষ্বর্থবশাত্ সংবিভজ্যোত্তরে তন্ত্রে শেষানর্থান্ বক্ষ্যামঃ ||৪০||

Adhikarana 49 (41) · Śloka 41

ভবতি চাত্র- স্বযম্ভুবা প্রোক্তমিদং সনাতনং পঠেদ্ধি যঃ কাশিপতিপ্রকাশিতম্ | স পুণ্যকর্মা ভুবি পূজিতো নৃপৈরসুক্ষযে শক্রসলোকতাং ব্রজেত্ ||৪১||

Adhikarana puShpikA · Śloka 1

ইতি সুশ্রুতসংহিতাযাং সূত্রস্থানে বেদোত্পত্তির্নাম প্রথমোঽধ্যাযঃ ||১||