Adhikarana 1 (1-2) · Śloka 2
ಅಥಾತೋ ವ್ಯಾಧಿಸಮುದ್ದೇಶೀಯಮಧ್ಯಾಯಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
View original
अथातो व्याधिसमुद्देशीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
24. vyādhisamuddēśīyādhyāyaḥ
Adhikarana 2 (3) · Śloka 3
ದ್ವಿವಿಧಾಸ್ತು ವ್ಯಾಧಯಃ- ಶಸ್ತ್ರಸಾಧ್ಯಾಃ, ಸ್ನೇಹಾದಿಕ್ರಿಯಾಸಾಧ್ಯಾಶ್ಚ | ತತ್ರ ಶಸ್ತ್ರಸಾಧ್ಯೇಷು ಸ್ನೇಹಾದಿಕ್ರಿಯಾ ನ ಪ್ರತಿಷಿಧ್ಯತೇ, ಸ್ನೇಹಾದಿಕ್ರಿಯಾಸಾಧ್ಯೇಷು ಶಸ್ತ್ರಕರ್ಮ ನ ಕ್ರಿಯತೇ ||೩||
View original
द्विविधास्तु व्याधयः- शस्त्रसाध्याः, स्नेहादिक्रियासाध्याश्च | तत्र शस्त्रसाध्येषु स्नेहादिक्रिया न प्रतिषिध्यते, स्नेहादिक्रियासाध्येषु शस्त्रकर्म न क्रियते ||३||
🔊 Audio coming soon
Adhikarana 3 (4) · Śloka 4
ಅಸ್ಮಿನ್ ಪುನಃ ಶಾಸ್ತ್ರೇ ಸರ್ವತನ್ತ್ರಸಾಮಾನ್ಯಾತ್ ಸರ್ವೇಷಾಂ ವ್ಯಾಧೀನಾಂ ಯಥಾಸ್ಥೂಲಮವರೋಧಃ ಕ್ರಿಯತೇ | ಪ್ರಾಗಭಿಹಿತಂ ‘ತದ್ದುಃಖಸಂಯೋಗಾ ವ್ಯಾಧಯ’ (ಸೂ. ಅ. ೧) ಇತಿ | ತಚ್ಚ ದುಃಖಂ ತ್ರಿವಿಧಮ್- ಆಧ್ಯಾತ್ಮಿಕಮ್, ಆಧಿಭೌತಿಕಮ್, ಆಧಿದೈವಿಕಮಿತಿ | ತತ್ತು ಸಪ್ತವಿಧೇ ವ್ಯಾಧಾವುಪನಿಪತತಿ | ತೇ ಪುನಃ ಸಪ್ತವಿಧಾ ವ್ಯಾಧಯಃ; ತದ್ಯಥಾ- ಆದಿಬಲಪ್ರವೃತ್ತಾಃ, ಜನ್ಮಬಲಪ್ರವೃತ್ತಾಃ, ದೋಷಬಲಪ್ರವೃತ್ತಾಃ, ಸಙ್ಘಾತಬಲಪ್ರವೃತ್ತಾಃ, ಕಾಲಬಲಪ್ರವೃತ್ತಾಃ, ದೈವಬಲಪ್ರವೃತ್ತಾಃ, ಸ್ವಭಾವಬಲಪ್ರವೃತ್ತಾ ಇತಿ ||೪||
View original
अस्मिन् पुनः शास्त्रे सर्वतन्त्रसामान्यात् सर्वेषां व्याधीनां यथास्थूलमवरोधः क्रियते | प्रागभिहितं ‘तद्दुःखसंयोगा व्याधय’ (सू. अ. १) इति | तच्च दुःखं त्रिविधम्- आध्यात्मिकम्, आधिभौतिकम्, आधिदैविकमिति | तत्तु सप्तविधे व्याधावुपनिपतति | ते पुनः सप्तविधा व्याधयः; तद्यथा- आदिबलप्रवृत्ताः, जन्मबलप्रवृत्ताः, दोषबलप्रवृत्ताः, सङ्घातबलप्रवृत्ताः, कालबलप्रवृत्ताः, दैवबलप्रवृत्ताः, स्वभावबलप्रवृत्ता इति ||४||
🔊 Audio coming soon
Adhikarana 4 (5) · Śloka 5
ತತ್ರ, ಆದಿಬಲಪ್ರವೃತ್ತಾ ಯೇ ಶುಕ್ರಶೋಣಿತದೋಷಾನ್ವಯಾಃ ಕುಷ್ಠಾರ್ಶಃಪ್ರಭೃತಯಃ; ತೇಽಪಿ ದ್ವಿವಿಧಾಃ- ಮಾತೃಜಾಃ, ಪಿತೃಜಾಶ್ಚ | ಜನ್ಮಬಲಪ್ರವೃತ್ತಾ ಯೇ ಮಾತುರಪಚಾರಾತ್ ಪಙ್ಗುಜಾತ್ಯನ್ಧಬಧಿರಮೂಕಮಿನ್ಮಿನವಾಮನಪ್ರಭೃತಯೋ ಜಾಯನ್ತೇ; ತೇಽಪಿ ದ್ವಿವಿಧಾಃ ರಸಕೃತಾಃ, ದೌಹೃದಾಪಚಾರಕೃತಾಶ್ಚ | ದೋಷಬಲಪ್ರವೃತ್ತಾ ಯೇ ಆತಙ್ಕಸಮುತ್ಪನ್ನಾ ಮಿಥ್ಯಾಹಾರಾಚಾರಕೃತಾಶ್ಚ; ತೇಽಪಿ ದ್ವಿವಿಧಾಃ ಆಮಾಶಯಸಮುತ್ಥಾಃ , ಪಕ್ವಾಶಯಸಮುತ್ಥಾಶ್ಚ; ಪುನಶ್ಚ ದ್ವಿವಿಧಾಃ- ಶಾರೀರಾ, ಮಾನಸಾಶ್ಚ | ತ ಏತೇ ಆಧ್ಯಾತ್ಮಿಕಾಃ ||೫||
View original
तत्र, आदिबलप्रवृत्ता ये शुक्रशोणितदोषान्वयाः कुष्ठार्शःप्रभृतयः; तेऽपि द्विविधाः- मातृजाः, पितृजाश्च | जन्मबलप्रवृत्ता ये मातुरपचारात् पङ्गुजात्यन्धबधिरमूकमिन्मिनवामनप्रभृतयो जायन्ते; तेऽपि द्विविधाः रसकृताः, दौहृदापचारकृताश्च | दोषबलप्रवृत्ता ये आतङ्कसमुत्पन्ना मिथ्याहाराचारकृताश्च; तेऽपि द्विविधाः आमाशयसमुत्थाः , पक्वाशयसमुत्थाश्च; पुनश्च द्विविधाः- शारीरा, मानसाश्च | त एते आध्यात्मिकाः ||५||
🔊 Audio coming soon
Adhikarana 5 (6) · Śloka 6
ಸಙ್ಘಾತಬಲಪ್ರವೃತ್ತಾ ಯ ಆಗನ್ತವೋ ದುರ್ಬಲಸ್ಯ ಬಲವದ್ವಿಗ್ರಹಾತ್; ತೇಽಪಿ ದ್ವಿವಿಧಾಃ- ಶಸ್ತ್ರಕೃತಾ, ವ್ಯಾಲಕೃತಾಶ್ಚ | ಏತೇ ಆಧಿಭೌತಿಕಾಃ ||೬||
View original
सङ्घातबलप्रवृत्ता य आगन्तवो दुर्बलस्य बलवद्विग्रहात्; तेऽपि द्विविधाः- शस्त्रकृता, व्यालकृताश्च | एते आधिभौतिकाः ||६||
🔊 Audio coming soon
Adhikarana 6 (7) · Śloka 7
ಕಾಲಬಲಪ್ರವೃತ್ತಾ ಯೇ ಶೀತೋಷ್ಣವಾತವರ್ಷಾತಪಪ್ರಭೃತಿನಿಮಿತ್ತಾಃ; ತೇಽಪಿ ದ್ವಿವಿಧಾಃ- ವ್ಯಾಪನ್ನರ್ತುಕೃತಾಃ, ಅವ್ಯಾಪನ್ನರ್ತುಕೃತಾಶ್ಚ | ದೈವಬಲಪ್ರವೃತಾ ಯೇ ದೇವದ್ರೋಹಾದಭಿಶಪ್ತಕಾ ಅಥರ್ವಣಕೃತಾ ಉಪಸರ್ಗಜಾಶ್ಚ; ತೇಽಪಿ ದ್ವಿವಿಧಾಃ- ವಿದ್ಯುದಶನಿಕೃತಾಃ, ಪಿಶಾಚಾದಿಕೃತಾಶ್ಚ; ಪುನಶ್ಚ ದ್ವಿವಿಧಾಃ- ಸಂಸರ್ಗಜಾ , ಆಕಸ್ಮಿಕಾಶ್ಚ | ಸ್ವಭಾವಬಲಪ್ರವೃತ್ತಾ ಯೇ ಕ್ಷುತ್ಪಿಪಾಸಾಜರಾಮೃತ್ಯುನಿದ್ರಾಪ್ರಭೃತಯಃ; ತೇಽಪಿ ದ್ವಿವಿಧಾಃ- ಕಾಲಜಾ, ಅಕಾಲಜಾಶ್ಚ; ತತ್ರ ಪರಿರಕ್ಷಣಕೃತಾಃ ಕಾಲಜಾಃ, ಅಪರಿರಕ್ಷಣಕೃತಾ ಅಕಾಲಜಾಃ | ಏತೇ ಆಧಿದೈವಿಕಾಃ | ಅತ್ರ ಸರ್ವವ್ಯಾಧ್ಯವರೋಧಃ ||೭||
View original
कालबलप्रवृत्ता ये शीतोष्णवातवर्षातपप्रभृतिनिमित्ताः; तेऽपि द्विविधाः- व्यापन्नर्तुकृताः, अव्यापन्नर्तुकृताश्च | दैवबलप्रवृता ये देवद्रोहादभिशप्तका अथर्वणकृता उपसर्गजाश्च; तेऽपि द्विविधाः- विद्युदशनिकृताः, पिशाचादिकृताश्च; पुनश्च द्विविधाः- संसर्गजा , आकस्मिकाश्च | स्वभावबलप्रवृत्ता ये क्षुत्पिपासाजरामृत्युनिद्राप्रभृतयः; तेऽपि द्विविधाः- कालजा, अकालजाश्च; तत्र परिरक्षणकृताः कालजाः, अपरिरक्षणकृता अकालजाः | एते आधिदैविकाः | अत्र सर्वव्याध्यवरोधः ||७||
🔊 Audio coming soon
Adhikarana 7 (8) · Śloka 8
ಸರ್ವೇಷಾಂ ಚ ವ್ಯಾಧೀನಾಂ ವಾತಪಿತ್ತಶ್ಲೇಷ್ಮಾಣ ಏವ ಮೂಲಂ; ತಲ್ಲಿಙ್ಗತ್ವಾದ್ದೃಷ್ಟಫಲತ್ವಾದಾಗಮಾಚ್ಚ | ಯಥಾ ಹಿ ಕೃತ್ಸ್ನಂ ವಿಕಾರಜಾತಂ ವಿಶ್ವರೂಪೇಣಾವಸ್ಥಿತಂ ಸತ್ತ್ವರಜಸ್ತಮಾಂಸಿ ನ ವ್ಯತಿರಿಚ್ಯನ್ತೇ, ಏವಮೇವ ಕೃತ್ಸ್ನಂ ವಿಕಾರಜಾತಂ ವಿಶ್ವರೂಪೇಣಾವಸ್ಥಿತಮವ್ಯತಿರಿಚ್ಯ ವಾತಪಿತ್ತಶ್ಲೇಷ್ಮಾಣೋ ವರ್ತನ್ತೇ | ದೋಷಧಾತುಮಲಸಂಸರ್ಗಾದಾಯತನವಿಶೇಷಾನ್ನಿಮಿತ್ತತಶ್ಚೈಷಾಂ ವಿಕಲ್ಪಃ | ದೋಷದೂಷಿತೇಷ್ವತ್ಯರ್ಥಂ ಧಾತುಷು ಸಞ್ಜ್ಞಾ- ರಸಜೋಽಯಂ, ಶೋಣಿತಜೋಽಯಂ, ಮಾಂಸಜೋಽಯಂ, ಮೇದೋಜೋಽಯಂ, ಅಸ್ಥಿಜೋಽಯಂ ಮಜ್ಜಜೋಽಯಂ, ಶುಕ್ರಜೋಽಯಂ ವ್ಯಾಧಿರಿತಿ ||೮||
View original
सर्वेषां च व्याधीनां वातपित्तश्लेष्माण एव मूलं; तल्लिङ्गत्वाद्दृष्टफलत्वादागमाच्च | यथा हि कृत्स्नं विकारजातं विश्वरूपेणावस्थितं सत्त्वरजस्तमांसि न व्यतिरिच्यन्ते, एवमेव कृत्स्नं विकारजातं विश्वरूपेणावस्थितमव्यतिरिच्य वातपित्तश्लेष्माणो वर्तन्ते | दोषधातुमलसंसर्गादायतनविशेषान्निमित्ततश्चैषां विकल्पः | दोषदूषितेष्वत्यर्थं धातुषु सञ्ज्ञा- रसजोऽयं, शोणितजोऽयं, मांसजोऽयं, मेदोजोऽयं, अस्थिजोऽयं मज्जजोऽयं, शुक्रजोऽयं व्याधिरिति ||८||
🔊 Audio coming soon
Adhikarana 8 (9) · Śloka 9
ತತ್ರ, ಅನ್ನಾಶ್ರದ್ಧಾರೋಚಕಾವಿಪಾಕಾಙ್ಗಮರ್ದಜ್ವರಹೃಲ್ಲಾಸತೃಪ್ತಿಗೌರವಹೃತ್ಪಾಣ್ಡುರೋಗಮಾರ್ಗೋಪರೋಧಕಾರ್ಶ್ಯವೈರಸ್ಯಾಙ್ಗಸಾದಾಕಾಲಜವಲೀಪಲಿತದರ್ಶನಪ್ರಭೃತಯೋ ರಸದೋಷಜಾ ವಿಕಾರಾಃ; ಕುಷ್ಠವಿಸರ್ಪಪಿಡಕಾಮಶಕನೀಲಿಕಾತಿಲಕಾಲಕನ್ಯಚ್ಛವ್ಯಙ್ಗೇನ್ದ್ರಲುಪ್ತಪ್ಲೀಹವಿದ್ರಧಿಗುಲ್ಮವಾತಶೋಣಿತಾರ್ಶೋಽರ್ಬುದಾಙ್ಗಮರ್ದಾಸೃಗ್ದರರಕ್ತಪಿತ್ತಪ್ರಭೃತಯೋ ರಕ್ತದೋಷಜಾಃ , ಗುದಮುಖಮೇಢ್ರಪಾಕಾಶ್ಚ; ಅಧಿಮಾಂಸಾರ್ಬುದಾರ್ಶೋಽಧಿಜಿಹ್ವೋಪಜಿಹ್ವೋಪಕುಶಗಲಶುಣ್ಡಿಕಾಲಜೀಮಾಂಸಸಙ್ಘಾತೌಷ್ಠಪ್ರಕೋಪಗಲಗಣ್ಡಗಣ್ಡಮಾಲಾಪ್ರಭೃತಯೋ ಮಾಂಸದೋಷಜಾಃ; ಗ್ರನ್ಥಿವೃದ್ಧಿಗಲಗಣ್ಡಾರ್ಬುದಮೇದೋಜೌಷ್ಠಪ್ರಕೋಪಮಧುಮೇಹಾತಿಸ್ಥೌಲ್ಯಾತಿಸ್ವೇದಪ್ರಭೃತಯೋ ಮೇದೋದೋಷಜಾಃ; ಅಧ್ಯಸ್ಥ್ಯಧಿದನ್ತಾಸ್ಥಿತೋದಶೂಲಕುನಖಪ್ರಭೃತಯೋಽಸ್ಥಿದೋಷಜಾಃ; ತಮೋದರ್ಶನಮೂರ್ಚ್ಛಾಭ್ರಮಪರ್ವಸ್ಥೂಲಮೂಲಾರುರ್ಜನ್ಮನೇತ್ರಾಭಿಷ್ಯನ್ದಪ್ರಭೃತಯೋ ಮಜ್ಜದೋಷಜಾಃ; ಕ್ಲೈಬ್ಯಾಪ್ರಹರ್ಷಶುಕ್ರಾಶ್ಮರೀಶುಕ್ರಮೇಹಶುಕ್ರದೋಷಾದಯಶ್ಚ ತದ್ದೋಷಾಃ; ತ್ವಗ್ದೋಷಾಃ ಸಙ್ಗೋಽತಿಪ್ರವೃತ್ತಿರಯಥಾಪ್ರವೃತ್ತಿರ್ವಾ ಮಲಾಯತನದೋಷಾಃ; ಇನ್ದ್ರಿಯಾಣಾಮಪ್ರವೃತ್ತಿರಯಥಾಪ್ರವೃತ್ತಿರ್ವೇನ್ದ್ರಿಯಾಯತನದೋಷಾಃ; ಇತ್ಯೇಷ ಸಮಾಸ ಉಕ್ತಃ; ವಿಸ್ತರಂ ನಿಮಿತ್ತಾನಿ ಚೈಷಾಂ ಪ್ರತಿರೋಗಂ ವಕ್ಷ್ಯಾಮಃ ||೯||
View original
तत्र, अन्नाश्रद्धारोचकाविपाकाङ्गमर्दज्वरहृल्लासतृप्तिगौरवहृत्पाण्डुरोगमार्गोपरोधकार्श्यवैरस्याङ्गसादाकालजवलीपलितदर्शनप्रभृतयो रसदोषजा विकाराः; कुष्ठविसर्पपिडकामशकनीलिकातिलकालकन्यच्छव्यङ्गेन्द्रलुप्तप्लीहविद्रधिगुल्मवातशोणितार्शोऽर्बुदाङ्गमर्दासृग्दररक्तपित्तप्रभृतयो रक्तदोषजाः , गुदमुखमेढ्रपाकाश्च; अधिमांसार्बुदार्शोऽधिजिह्वोपजिह्वोपकुशगलशुण्डिकालजीमांससङ्घातौष्ठप्रकोपगलगण्डगण्डमालाप्रभृतयो मांसदोषजाः; ग्रन्थिवृद्धिगलगण्डार्बुदमेदोजौष्ठप्रकोपमधुमेहातिस्थौल्यातिस्वेदप्रभृतयो मेदोदोषजाः; अध्यस्थ्यधिदन्तास्थितोदशूलकुनखप्रभृतयोऽस्थिदोषजाः; तमोदर्शनमूर्च्छाभ्रमपर्वस्थूलमूलारुर्जन्मनेत्राभिष्यन्दप्रभृतयो मज्जदोषजाः; क्लैब्याप्रहर्षशुक्राश्मरीशुक्रमेहशुक्रदोषादयश्च तद्दोषाः; त्वग्दोषाः सङ्गोऽतिप्रवृत्तिरयथाप्रवृत्तिर्वा मलायतनदोषाः; इन्द्रियाणामप्रवृत्तिरयथाप्रवृत्तिर्वेन्द्रियायतनदोषाः; इत्येष समास उक्तः; विस्तरं निमित्तानि चैषां प्रतिरोगं वक्ष्यामः ||९||
🔊 Audio coming soon
Adhikarana 9 (10) · Śloka 10
ಭವತಿ ಚಾತ್ರ- ಕುಪಿತಾನಾಂ ಹಿ ದೋಷಾಣಾಂ ಶರೀರೇ ಪರಿಧಾವತಾಮ್ | ಯತ್ರ ಸಙ್ಗಃ ಖವೈಗುಣ್ಯಾದ್ವ್ಯಾಧಿಸ್ತತ್ರೋಪಜಾಯತೇ ||೧೦||
View original
भवति चात्र- कुपितानां हि दोषाणां शरीरे परिधावताम् | यत्र सङ्गः खवैगुण्याद्व्याधिस्तत्रोपजायते ||१०||
🔊 Audio coming soon
Adhikarana 10 (11) · Śloka 11
ಭೂಯೋಽತ್ರ ಜಿಜ್ಞಾಸ್ಯಂ, ಕಿಂ ವಾತಾದೀನಾಂ ಜ್ವರಾದೀನಾಂ ಚ ನಿತ್ಯಃ ಸಂಶ್ಲೇಷಃ ಪರಿಚ್ಛೇದೋ ವಾ? ಇತಿ; ಯದಿ ನಿತ್ಯಃ ಸಂಶ್ಲೇಷಃ ಸ್ಯಾತ್ತರ್ಹಿ ನಿತ್ಯಾತುರಾಃ ಸರ್ವ ಏವ ಪ್ರಾಣಿನಃ ಸ್ಯುಃ; ಅಥಾಪ್ಯನ್ಯಥಾ ವಾತಾದೀನಾಂ ಜ್ವರಾದೀನಾಂ ಚ, ‘ಅನ್ಯತ್ರ ವರ್ತಮಾನಾನಾಮನ್ಯತ್ರ ಲಿಙ್ಗಂ ನ ಭವತಿ’ ಇತಿ ಕೃತ್ವಾ ಯದುಚ್ಯತೇ ವಾತಾದಯೋ ಜ್ವರಾದೀನಾಂ ಮೂಲಾನೀತಿ ತನ್ನ | ಅತ್ರೋಚ್ಯತೇ- ದೋಷಾನ್ ಪ್ರತ್ಯಾಖ್ಯಾಯ ಜ್ವರಾದಯೋ ನ ಭವನ್ತಿ; ಅಥ ಚ ನ (ನಿತ್ಯಃ) ಸಮ್ಬನ್ಧಃ; ಯಥಾಹಿ ವಿದ್ಯುದ್ವಾತಾಶನಿವರ್ಷಾಣ್ಯಾಕಾಶಂ ಪ್ರತ್ಯಾಖ್ಯಾಯ ನ ಭವನ್ತಿ, ಸತ್ಯಪ್ಯಾಕಾಶೇ ಕದಾಚಿನ್ನ ಭವನ್ತಿ, ಅಥ ಚ ನಿಮಿತ್ತತಸ್ತತ ಏವೋತ್ಪತ್ತಿರಿತಿ; ತರಙ್ಗಬುದ್ಬುದಾದಯಶ್ಚೋದಕವಿಶೇಷಾಃ ಏವ; ವಾತಾದೀನಾಂ ಜ್ವರಾದೀನಾಂ ಚ ನಾಪ್ಯೇವಂ ಸಂಶ್ಲೇಷೋ ನ ಪರಿಚ್ಛೇದಃ ಶಾಶ್ವತಿಕಃ, ಅಥ ಚ ನಿಮಿತ್ತತ ಏವೋತ್ಪತ್ತಿರಿತಿ ||೧೧||
View original
भूयोऽत्र जिज्ञास्यं, किं वातादीनां ज्वरादीनां च नित्यः संश्लेषः परिच्छेदो वा? इति; यदि नित्यः संश्लेषः स्यात्तर्हि नित्यातुराः सर्व एव प्राणिनः स्युः; अथाप्यन्यथा वातादीनां ज्वरादीनां च, ‘अन्यत्र वर्तमानानामन्यत्र लिङ्गं न भवति’ इति कृत्वा यदुच्यते वातादयो ज्वरादीनां मूलानीति तन्न | अत्रोच्यते- दोषान् प्रत्याख्याय ज्वरादयो न भवन्ति; अथ च न (नित्यः) सम्बन्धः; यथाहि विद्युद्वाताशनिवर्षाण्याकाशं प्रत्याख्याय न भवन्ति, सत्यप्याकाशे कदाचिन्न भवन्ति, अथ च निमित्ततस्तत एवोत्पत्तिरिति; तरङ्गबुद्बुदादयश्चोदकविशेषाः एव; वातादीनां ज्वरादीनां च नाप्येवं संश्लेषो न परिच्छेदः शाश्वतिकः, अथ च निमित्तत एवोत्पत्तिरिति ||११||
🔊 Audio coming soon
Adhikarana 11 (12) · Śloka 12
ಭವತಿ ಚಾತ್ರ- ವಿಕಾರಪರಿಮಾಣಂ ಚ ಸಙ್ಖ್ಯಾ ಚೈಷಾಂ ಪೃಥಕ್ ಪೃಥಕ್ | ವಿಸ್ತರೇಣೋತ್ತರೇ ತನ್ತ್ರೇ ಸರ್ವಾಬಾಧಾಶ್ಚ ವಕ್ಷ್ಯತೇ ||೧೨||
View original
भवति चात्र- विकारपरिमाणं च सङ्ख्या चैषां पृथक् पृथक् | विस्तरेणोत्तरे तन्त्रे सर्वाबाधाश्च वक्ष्यते ||१२||
🔊 Audio coming soon
Adhikarana puShpikA · Śloka 24
ಇತಿ ಸುಶ್ರುತಸಂಹಿತಾಯಾಂ ಸೂತ್ರಸ್ಥಾನೇ ವ್ಯಾಧಿಸಮುದ್ದೇಶೀಯೋ ನಾಮ ಚತುರ್ವಿಂಶೋಽಧ್ಯಾಯಃ ||೨೪||
View original
इति सुश्रुतसंहितायां सूत्रस्थाने व्याधिसमुद्देशीयो नाम चतुर्विंशोऽध्यायः ||२४||
🔊 Audio coming soon