13. lēkhyarōgapratiṣēdhādhyāyaḥ

Adhikarana 1 (1-2) · Śloka 2

અથાતો લેખ્યરોગપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3-8) · Śloka 9

નવ યેઽભિહિતા લેખ્યાઃ સામાન્યસ્તેષ્વયં વિધિઃ | સ્નિગ્ધવાન્તવિરિક્તસ્ય નિવાતાતપસદ્મનિ ||૩|| (આપ્તૈર્દૃઢં ગૃહીતસ્ય વેશ્મન્યુત્તાનશાયિનઃ) | સુખોદકપ્રતપ્તેન વાસસા સુસમાહિતઃ | સ્વેદયેદ્વર્ત્મ નિર્ભુજ્ય વામાઙ્ગુષ્ઠાઙ્ગુલિસ્થિતમ્ ||૪|| અઙ્ગુલ્યઙ્ગુષ્ઠકાભ્યાં તુ નિ ર્ભુગ્નં વર્ત્મ યત્નતઃ | પ્લોતાન્તરાભ્યાં ન યથા ચલતિ સ્રંસતેઽપિ વા ||૫|| તતઃ પ્રમૃજ્ય પ્લોતેન વર્ત્મ શસ્ત્રપદાઙ્કિતમ્ | લિખેચ્છસ્ત્રેણ પત્રૈર્વા, તતો રક્તે સ્થિતે પુનઃ ||૬|| સ્વિન્નં મનોહ્વાકાસીસવ્યોષાર્દ્રાઞ્જનસૈન્ધવૈઃ | શ્લક્ષ્ણપિષ્ટૈઃ સમાક્ષીકૈઃ પ્રતિસાર્યોષ્ણવારિણા ||૭|| પ્રક્ષાલ્ય હવિષા સિક્તં વ્રણવત્ સમુપાચરેત્ | સ્વેદાવપીડપ્રભૃતીંસ્ત્ર્યહાદૂર્ધ્વં પ્રયોજયેત્ ||૮|| વ્યાસતસ્તે સમુદ્દિષ્ટં વિધાનં લેખ્યકર્મણિ |૯|

Adhikarana 3 (9) · Śloka 10

અસૃગાસ્રાવરહિતં કણ્ડૂશોફવિવર્જિતમ્ ||૯|| સમં નખનિભં વર્ત્મ લિખિતં સમ્યગિષ્યતે |૧૦|

Adhikarana 4 (10-12) · Śloka 12

રક્તમક્ષિ સ્રવેત્ સ્કન્નં ક્ષતાચ્છસ્ત્રકૃતાદ્ધ્રુવમ્ ||૧૦|| રાગશોફપરિસ્રાવાસ્તિમિરં વ્યાધ્યનિર્જયઃ | વર્ત્મ શ્યાવં ગુરુ સ્તબ્ધં કણ્ડૂહર્ષોપદેહવત્ ||૧૧|| નેત્રપાકમુદીર્ણં વા કુર્વીતાપ્રતિકારિણઃ | એતદ્દુર્લિખિતં જ્ઞેયં સ્નેહયિત્વા પુનાર્લિખેત્ ||૧૨||

Adhikarana 5 (13) · Śloka 14

વ્યાવર્તતે યદા વર્ત્મ પક્ષ્મ ચાપિ વિમુહ્યતિ | સ્યાત્ સરુક્ સ્રાવબહુલં તદતિસ્રાવિતં વિદુઃ ||૧૩|| સ્નેહસ્વેદાદિરિષ્ટઃ સ્યાત્ ક્રમસ્તત્રાનિલાપહઃ |૧૪|

Adhikarana 6 (14) · Śloka 15

વર્ત્માવબન્ધં ક્લિષ્ટં ચ બહલં યચ્ચ કીર્તિતમ્ ||૧૪|| પોથકીશ્ચાપ્યવલિખેત્ પ્રચ્છયિત્વાઽગ્રતઃ શનૈઃ |૧૫|

Adhikarana 7 (15) · Śloka 15

સમં લિખેત્તુ મેધાવી શ્યાવકર્દમવર્ત્મની ||૧૫||

Adhikarana 8 (16) · Śloka 16

કુમ્ભીકિનીં શર્કરાં ચ તથૈવોત્સઙ્ગિનીમપિ | કલ્પયિત્વા તુ શસ્ત્રેણ લિખેત્ પશ્ચાદતન્દ્રિતઃ ||૧૬||

Adhikarana 9 (17) · Śloka 17

ભવેયુર્વર્ત્મસુ ચ યાઃ પિડકાઃ કઠિના ભૃશમ્ | હ્રસ્વાસ્તામ્રાશ્ચ તાઃ પક્વા ભિન્દ્યાદ્ભિન્ના લિખેદપિ ||૧૭||

Adhikarana 10 (18) · Śloka 18

તરુણીશ્ચાલ્પસંરમ્ભા પિડકા બાહ્યવર્ત્મજાઃ | વિદિત્વૈતાઃ પ્રશમયેત્ સ્વેદાલેપનશોધનૈઃ ||૧૮||

Adhikarana puShpikA · Śloka 13

ઇતિ સુશુતસંહિતાયામુત્તરતન્ત્રાન્તર્ગતે શાલાક્યતન્ત્રે લેખ્યરોગપ્રતિષેધો નામ ત્રયોદશોઽધ્યાયઃ ||૧૩||