59. mūtrakr̥cchrapratiṣēdhādhyāyaḥ

Adhikarana 1 (1-2) · Śloka 2

ಅಥಾತೋ ಮೂತ್ರಕೃಚ್ಛ್ರಪ್ರತಿಷೇಧಮಧ್ಯಾಯಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3) · Śloka 3

ವಾತೇನ ಪಿತ್ತೇನ ಕಫೇನ ಸರ್ವೈಸ್ತಥಾಽಭಿಘಾತೈಃ ಶಕೃದಶ್ಮರೀಭ್ಯಾಮ್ | ತಥಾಽಪರಃ ಶರ್ಕರಯಾ ಸುಕಷ್ಟೋ ಮೂತ್ರೋಪಘಾತಃ ಕಥಿತೋಽಷ್ಟಮಸ್ತು ||೩||

Adhikarana 3 (4) · Śloka 4

ಅಲ್ಪಮಲ್ಪಂ ಸಮುತ್ಪೀಡ್ಯ ಮುಷ್ಕಮೇಹನಬಸ್ತಿಭಿಃ | ಫಲದ್ಭಿರಿವ ಕೃಚ್ಛ್ರೇಣ ವಾತಾಘಾತೇನ ಮೇಹತಿ ||೪||

Adhikarana 4 (5) · Śloka 5

ಹಾರಿದ್ರಮುಷ್ಣಂ ರಕ್ತಂ ವಾ ಮುಷ್ಕಮೇಹನಬಸ್ತಿಭಿಃ | ಅಗ್ನಿನಾ ದಹ್ಯಾಮಾನಾಭೈಃ ಪಿತ್ತಘಾತೇನ ಮೇಹತಿ ||೫||

Adhikarana 5 (6) · Śloka 6

ಸ್ನಿಗ್ಧಂ ಶುಕ್ಲಮನುಷ್ಣಂ ಚ ಮುಷ್ಕಮೇಹನಬಸ್ತಿಭಿಃ | ಸಂಹೃಷ್ಟರೋಮಾ ಗುರುಭಿಃ ಶ್ಲೇಷ್ಮಾಘಾತೇನ ಮೇಹತಿ ||೬||

Adhikarana 6 (7) · Śloka 7

ದಾಹಶೀತರುಜಾವಿಷ್ಟೋ ನಾನಾವರ್ಣಂ ಮಹುರ್ಮುಹುಃ | ತಾಮ್ಯಮಾನಸ್ತು ಕೃಚ್ಛ್ರೇಣ ಸಾನ್ನಿಪಾತೇನ ಮೇಹತಿ ||೭||

Adhikarana 7 (8-9) · Śloka 10

ಮೂತ್ರವಾಹಿಷು ಶಲ್ಯೇನ ಕ್ಷತೇಷ್ವಭಿಹತೇಷು ಚ | ಸ್ರೋತಃಸು ಮೂತ್ರಾಘಾತಸ್ತು ಜಾಯತೇ ಭೃಶವೇದನಃ ||೮|| ವಾತಬಸ್ತೇಸ್ತು ತುಲ್ಯಾನಿ ತಸ್ಯ ಲಿಙ್ಗಾನಿ ಲಕ್ಷಯೇತ್ | ಶಕೃತಸ್ತು ಪ್ರತೀಘಾತಾದ್ವಾಯುರ್ವಿಗುಣತಾಂ ಗತಃ ||೯|| ಆಧ್ಮಾನಂ ಚ ಸಶೂಲಂ ಚ ಮೂತ್ರಸಙ್ಗಂ ಕರೋತಿ ಹಿ |೧೦|

Adhikarana 8 (10) · Śloka 10

ಅಶ್ಮರೀಹೇತುಕಃ ಪೂರ್ವಂ ಮೂತ್ರಾಘಾತ ಉದಾಹೃತಃ ||೧೦||

Adhikarana 9 (11-14) · Śloka 15

ಅಶ್ಮರೀ ಶರ್ಕರಾ ಚೈವ ತುಲ್ಯೇ ಸಮ್ಭವಲಕ್ಷಣೈಃ | ಶರ್ಕರಾಯಾ ವಿಶೇಷಂ ತು ಶೃಣು ಕೀರ್ತಯತೋ ಮಮ ||೧೧|| ಪಚ್ಯಮಾನಸ್ಯ ಪಿತ್ತೇನ ಭಿದ್ಯಮಾನಸ್ಯ ವಾಯುನಾ | ಶ್ಲೇಷಮಣೋಽವಯವಾ ಭಿನ್ನಾಃ ಶರ್ಕರಾ ಇತಿ ಸಞ್ಜ್ಞಿತಾಃ ||೧೨|| ಹೃತ್ಪೀಡಾ ವೇಪಥುಃ ಶೂಲಂ ಕುಕ್ಷೌ ವಹ್ನಿಃ ಸುದುರ್ಬಲಃ | ತಾಭಿರ್ಭವತಿ ಮೂರ್ಚ್ಛಾ ಚ ಮೂತ್ರಾಘಾತಶ್ಚ ದಾರುಣಃ ||೧೩|| ಮೂತ್ರವೇಗನಿರಸ್ತಾಸು ತಾಸು ಶಾಮ್ಯತಿ ವೇದನಾ | ಯಾವದನ್ಯಾ ಪುನರ್ನೈತಿ ಗುಡಿಕಾ ಸ್ರೋತಸೋ ಮುಖಮ್ ||೧೪|| ಶರ್ಕರಾಸಮ್ಭವಸ್ಯೈತನ್ಮೂತ್ರಾಘಾತಸ್ಯ ಲಕ್ಷಣಮ್ |೧೫|

Adhikarana 10 (15) · Śloka 15

ಚಿಕಿತ್ಸಿತಮಥೈತೇಷಾಮಷ್ಟಾನಾಮಪಿ ವಕ್ಷ್ಯತೇ ||೧೫||

Adhikarana 11 (16) · Śloka 16

ಅಶ್ಮರೀಂ ಚ ಸಮಾಶ್ರಿತ್ಯ ಯದುಕ್ತಂ ಪ್ರಸಮೀಕ್ಷ್ಯ ತತ್ | ಯಥಾದೋಷಂ ಪ್ರಯುಞ್ಜೀತ ಸ್ನೇಹಾದಿಮಪಿ ಚ ಕ್ರಮಮ್ ||೧೬||

Adhikarana 12 (17-18) · Śloka 19

ಶ್ವದಂಷ್ಟ್ರಾಶ್ಮಭಿದೌ ಕುಮ್ಭೀಂ ಹಪುಷಾಂ ಕಣ್ಟಕಾರಿಕಾಮ್ | ಬಲಾಂ ಶತಾವರೀಂ ರಾಸ್ನಾಂ ವರುಣಂ ಗಿರಿಕರ್ಣಿಕಾಮ್ ||೧೭|| ತಥಾ ವಿದಾರಿಗನ್ಧಾದಿಂ ಸಂಹೃತ್ಯ ತ್ರೈವೃತಂ ಪಚೇತ್ | ತೈಲಂ ಘೃತಂ ವಾ ತತ್ ಪೇಯಂ ತೇನ ವಾಽಪ್ಯನುವಾಸನಮ್ ||೧೮|| ದದ್ಯಾದುತ್ತರಬಸ್ತಿಂ ಚ ವಾತಕೃಚ್ಛ್ರೋಪಶಾನ್ತಯೇ |೧೯|

Adhikarana 13 (19) · Śloka 20

ಶ್ವದಂಷ್ಟ್ರಾಸ್ವರಸೇ ತೈಲಂ ಸಗುಡಕ್ಷೀರನಾಗರಮ್ ||೧೯|| ಪಕ್ತ್ವಾ ತತ್ ಪೂರ್ವವದ್ಯೋಜ್ಯಂ ತತ್ರಾನಿಲರುಜಾಪಹಮ್ |೨೦|

Adhikarana 14 (20) · Śloka 21

ತೃಣೋತ್ಪಲಾದಿಕಾಕೋಲೀನ್ಯಗ್ರೋಧಾದಿಗಣೈಃ ಕೃ(ಶೃ)ತಮ್ ||೨೦|| ಪೀತಂ ಘೃತಂ ಪಿತ್ತಕೃಚ್ಛ್ರಂ ನಾಶಯೇತ ಕ್ಷೀರಮೇವ ವಾ |೨೧|

Adhikarana 15 (21) · Śloka 21

ದದ್ಯಾದುತ್ತರಬಸ್ತಿಂ ಚ ಪಿತ್ತಕೃಚ್ಛ್ರೋಪಶಾನ್ತಯೇ ||೨೧||

Adhikarana 16 (22) · Śloka 22

ಏಭಿರೇವ ಕೃತಃ ಸ್ನೇಹಸ್ತ್ರಿವಿಧೇಷ್ವಪಿ ಬಸ್ತಿಷು | ಹಿತಂ ವಿರೇಚನಂ ಚೇಕ್ಷುಕ್ಷೀರದ್ರಾಕ್ಷಾರಸೈರ್ಯುತಮ್ ||೨೨||

Adhikarana 17 (23) · Śloka 23

ಸುರಸೋಷಕಮುಸ್ತಾದೌ ವರುಣಾದೌ ಚ ಯತ್ ಕೃತಮ್ | ತೈಲಂ ತಥಾ ಯವಾಗ್ವಾದಿ ಕಫಾಘಾತೇ ಪ್ರಶಸ್ಯತೇ ||೨೩||

Adhikarana 18 (24) · Śloka 24

ಯಥಾದೋಷೋಚ್ಛ್ರ್ಯಂ ಕುರ್ಯಾದೇತಾನೇವ ಚ ಸರ್ವಜೇ |೨೪|

Adhikarana 19 (24) · Śloka 25

ಫಲ್ಗುವೃಶ್ಚೀರದರ್ಭಾಶ್ಮಸಾರಚೂರ್ಣಂ ಚ ವಾರಿಣಾ ||೨೪|| ಸುರೇಕ್ಷುರಸದರ್ಭಾಮ್ಬುಪೀತಂ ಕೃಚ್ಛ್ರರುಜಾಪಹಮ್ |೨೫|

Adhikarana 20 (25) · Śloka 25

ತಥಾಽಭಿಘಾತಜೇ ಕುರ್ಯಾತ್ ಸದ್ಯೋವ್ರಣಚಿಕಿತ್ಸಿತಮ್ ||೨೫||

Adhikarana 21 (26) · Śloka 26

ಮೂತ್ರಕೃಚ್ಛ್ರೇ ಶಕೃಜ್ಜಾತೇ ಕಾರ್ಯಾ ವಾತಹರೀ ಕ್ರಿಯಾ | ಸ್ವೇದಾವಗಾಹಾವಭ್ಯಙ್ಗಬಸ್ತಿಚೂರ್ಣಕ್ರಿಯಾಸ್ತಥಾ ||೨೬||

Adhikarana 22 (27) · Śloka 27

ಯೇ ತ್ವನ್ಯೇ ತು ತಥಾ ಕೃಚ್ಛ್ರೇ ತಯೋ ಪ್ರೋಕ್ತಃ ಕ್ರಿಯಾವಿಧಿಃ ||೨೭||

Adhikarana puShpikA · Śloka 59

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕಾಯಚಿಕಿತ್ಸಾತನ್ತ್ರೇ ಮೂತ್ರಕೃಚ್ಛ್ರಪ್ರತಿಷೇಧೋ ನಾಮ (ಏಕವಿಂಶತಿತಮೋಽಧ್ಯಾಯಃ, ಆದಿತಃ) ಏಕೋನಷಷ್ಠತಮೋಽಧ್ಯಾಯಃ ||೫೯||