9. mūtrāghātanidānādhyāyaḥ

Adhikarana mUtrAghAtanidAnAdhyAyaH (2) · Śloka 2

অতীসারগ্রহণীরোগনিদনানন্তরং মূত্রাঘাতনিদানমেকসম্বন্ধনত্বাদুচ্যত ইত্যাহ - - - - অথাতো মূত্রাঘাতনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||

Adhikarana bastyAdaya ekasambandhanAH (1) · Śloka 1

বস্তিবস্তিশিরোমেঢ্রকটীবৃষণপাযবঃ| একসম্বন্ধনাঃ প্রোক্তা গুদাস্থিবিবরাশ্রযাঃ||১||

Adhikarana mUtrAghAtasaMprAptiH (2-3) · Śloka 3

ননু, অত্র মূত্রাশ্রিতা দোষা অবশ্যং বস্তিং প্রাপ্য বিকুর্বতে| বস্তেশ্চাধোমুখত্বান্মূত্রান্তঃপ্রবেশো বস্তিমুখেন ন সম্ভাব্যতে, তস্মান্মূত্রাঘাতানুত্পত্তিরেব, ইত্যাশঙ্ক্যাহ - - - - অধোমুখোঽপি বস্তির্হি মূত্রবাহিসিরামুখৈঃ| পার্শ্বেভ্যঃ পূর্যতে সূক্ষ্মৈঃ স্যন্দমানৈরনারতম্||২|| যৈস্তৈরেব প্রবিশ্যৈনং দোষাঃ কুর্বন্তি বিংশতিম্| মূত্রাঘাতান্ প্রমেহাংশ্চ কৃচ্ছ্রান্মর্মসমাশ্রযান্||৩||

Adhikarana vAtajasya lakShaNam (4) · Śloka 4

বস্তিবঙ্ক্ষণমেড্রার্তিযুক্তোঽল্পাল্পং মুহুর্মুহুঃ| মূত্রযেদ্বাতজে কৃচ্ছ্রে|৪|

Adhikarana pittajasya lakShaNam (4-5) · Śloka 5

| পৈত্তে পীতং সদাহরুক্||৪|| রক্তং বা| |৫|

Adhikarana kaphajasya lakShaNam (5) · Śloka 5

কফজে বস্তিমেড্রগৌরবশোফবান্| সপিচ্ছং সবিবন্ধং চ|৫|

Adhikarana tridoShajasya lakShaNam (5) · Śloka 5

| সর্বৈঃ সর্বাত্মকং মলৈঃ||৫||

Adhikarana ashmarIsaMprAptiH (6-7) · Śloka 7

ইদানীমশ্মরীং লক্ষযতি - - - - যদা বাযুর্মুখং বস্তেরাবৃত্য পরিশোষযেত্| মূত্রং সপিত্তং সকফং সশুক্রং বা তদা ক্রমাত্||৬|| সঞ্জাযতেঽশ্মরী ঘোরা পিত্তাদ্গোরিব রোচনা| শ্লেষ্মাশ্রযা চ সর্বা স্যাত্|৭|

Adhikarana ashmaryAH pUrvarUpam (7-8) · Śloka 8

| অথাস্যাঃ পূর্বলক্ষণম্||৭|| বস্ত্যাধ্মানং তদাসন্নদেশেষু পরিতোঽতিরুক্| মূত্রে চ বস্তগন্ধত্বং মূত্রকৃচ্ছ্রং জ্বরোঽরুচিঃ||৮||

Adhikarana ashmaryAH sAmAnyalakShaNam (9-10) · Śloka 10

সামান্যলিঙ্গং রুড্নাভিসেবনীবস্তিমূর্ধসু| বিশীর্ণধারং মূত্রং স্যাত্তযা মার্গনিরোধনে||৯|| তহ্যপাযাত্সুখং মেহেদচ্ছং গোমেদকোপমম্| তত্সঙ্ক্ষোভাত্ক্ষতে সাস্রমাযাসাচ্চাতিরুগ্ভবেত্||১০||

Adhikarana vAtajAyA lakShaNam (11-12) · Śloka 12

তত্র বাতাদ্ভৃশার্ত্যার্তো দন্তান্ খাদতি বেপতে| মৃদ্গাতি মেহনং নাভিং পীডযত্যনিশং ক্বণন্||১১|| সানিলং মুঞ্চতি শকৃন্মুহুর্মেহতি বিন্দুশঃ| শ্যাবা রূক্ষাঽশ্মরী চাস্য স্যাচ্চিতা কণ্টকৈরিব||১২||

Adhikarana pittajAyA lakShaNam (13) · Śloka 13

পিত্তেন দহ্যতে বস্তিঃ পচ্যমান ইবোষ্মবান্| ভল্লাতকাস্থিসংস্থানা রক্তা পীতাঽসিতাঽশ্মরী||১৩||

Adhikarana kaphajAyA lakShaNam (14) · Śloka 14

বস্তির্নিস্তুদ্যত ইব শ্লেষ্মণা শীতলো গুরুঃ| অশ্মরী মহতী শ্লক্ষ্ণা মধুবর্ণাঽথবা সিতা||১৪||

Adhikarana etAstisro bAlAnAM bhavanti (15) · Śloka 15

এতা ভবন্তি বালানাং তেষামেব চ ভূযসা| আশ্রযোপচযাল্পত্বাদ্গ্রহণাহরণে সুখাঃ||১৫||

Adhikarana shukrAshmarI mahatAmeva, shukrAshmaryAH saMprAptiH, shukrAshmaryAH lakShaNam (16-18) · Śloka 18

শুক্রাশ্মরী তু মহতাং জাযতে শুক্রধারণাত্| স্থানাচ্চ্যুতমমুক্তং হি মুষ্কযোরন্তরেঽনিলঃ||১৬|| শোষযত্যুপসঙ্গৃহ্য শুক্রং তচ্ছুষ্কমশ্মরী| বস্তিরুক্কৃচ্ছ্রমূত্রত্বমুষ্কশ্বযথুকারিণী||১৭|| তস্যামুত্পন্নমাত্রাযাং শুক্রমেতি বিলীযতে| পীডিতে ত্ববকাশেঽস্মিন্|১৮|

Adhikarana sharkarAyAH lakShaNam (18-19) · Śloka 19

| অশ্মর্যেব চ শর্করা||১৮|| অণুশো বাযুনা ভিন্না সা ত্বস্মিন্ননুলোমগে| নিরেতি সহ মূত্রেণ প্রতিলোমে বিবধ্যতে||১৯||

Adhikarana vAtabasteH lakShaNam (20-23) · Śloka 23

অথ বাতবস্ত্যাদীনাহ - - - - মূত্রসন্ধারিণঃ কুর্যাদ্বুদ্ধ্বা বস্তের্মুখং মরুত্| মূত্রসঙ্গং রুজং কণ্ডূং কদাচিচ্চ স্বধামতঃ||২০|| প্রচ্যাব্য বস্তিমুদ্বৃত্তং গর্ভাভং স্থূলবিপ্লুতম্| করোতি তত্র রুগ্দাহস্পন্দনোদ্বেষ্টনানি চ||২১|| বিন্দুশশ্চ প্রবর্তেত মূত্রং বস্তৌ তু পীডতে| ধারযা দ্বিবিধোঽপ্যেষ বাতবস্তিরিতি স্মৃতঃ||২২|| দুস্তরো দুস্তরতরো দ্বিতীযঃ প্রবলানিলঃ| |২৩|

Adhikarana vAtAShThIlAyAH lakShaNam (23-24) · Śloka 24

| শকৃন্মার্গস্য বস্তেশ্চ বাযুরন্তরমাশ্রিতঃ||২৩|| অষ্ঠীলাভং ঘনং গ্রন্থিং করোত্যচলমুন্নতম্| বাতাষ্ঠীলেতি সাঽঽধ্মানবিণ্মূত্রানিলসঙ্গকৃত্||২৪||

Adhikarana vAtakuNDalikAyAH lakShaNam (25-26) · Śloka 26

বিগুণঃ কণ্ডলীভূতো বস্তৌ তীব্রব্যথোঽনিলঃ| আবিধ্য মূত্রং ভ্রমতি সস্তম্ভোদ্বেষ্টগৌরবঃ||২৫|| মূত্রমল্পাল্পমথবা বিমুঞ্চতি শকৃত্সৃজন্| বাতকুণ্ডলিকেত্যেষা|২৬|

Adhikarana mUtrAtItasya lakShaNam (26-27) · Śloka 27

| মূত্রং তু বিধৃতং চিরম্||২৬|| ন নিরেতি বিবদ্ধং বা মূত্রাতীতং তদল্পরুক্| |২৭|

Adhikarana mUtrajaTharasya lakShaNam (27-29) · Śloka 29

| বিধারণাত্প্রতিহিতং বাতোদাবর্তিতং যদা||২৭|| নাভেরধস্তাদুদরং মূত্রমাপূরযেত্তদা| কুর্যাত্তীব্ররুগাধ্মানমপক্তিং মলসঙ্গ্রহম্||২৮|| তন্মূত্রজঠরম্| |২৯|

Adhikarana mUtrotsa~ggasya lakShaNam (29-30) · Śloka 30

ছিদ্রবৈগুণ্যেনানিলেন বা| আক্ষিপ্তমল্পং মূত্রং তদ্বস্তৌ নালেঽথবা মণৌ||২৯|| স্থিত্বা স্রবেচ্ছনৈঃ পশ্চাত্সরুজং বাঽথ নীরুজম্| মূত্রোত্সঙ্গঃ স বিচ্ছিন্নতচ্ছেষগুরুশেফসঃ||৩০||

Adhikarana mUtragrantheH lakShaNam (31) · Śloka 31

অন্তর্বস্তিমুখে বৃত্তঃ স্থিরোঽল্পঃ সহসা ভবেত্| অশ্মরীতুল্যরুক্ গ্রন্থির্মূত্রগ্রন্থিঃ স উচ্যতে||৩১||

Adhikarana mUtrashukrasya lakShaNam (32-33) · Śloka 33

মূত্রিতস্য স্ত্রিযং যাতো বাযুনা শুক্রমুদ্ধতম্| স্থানাচ্চ্যুতং মূত্রযতঃ প্রাক্ পশ্চাদ্বা প্রবর্ততে||৩২|| ভস্মোদকপ্রতীকাশং মূত্রশুক্রং তদুচ্যতে| |৩৩|

Adhikarana viDvighAtasya lakShaNam (33-34) · Śloka 34

| রূক্ষদুর্বলযোর্বাতাদুদাবর্তং শকৃদ্যদা||৩৩|| মূত্রস্রোতোঽনুপর্যেতি সংসৃষ্টং শকৃতা তদা| মূত্রং বিট্তুল্যগন্ধং স্যাদ্বিড্বিঘাতং তমাদিশেত্||৩৪||

Adhikarana uShNavAtasya lakShaNam (35-36) · Śloka 36

পিত্তং ব্যাযামতীক্ষ্ণোষ্ণভোজনাধ্বাতপাদিভিঃ| প্রবৃদ্ধং বাযুনা ক্ষিপ্তং বস্ত্যুপস্থার্তিদাহবত্||৩৫|| মূত্রং প্রবর্তযেত্পীতং সরক্তং রক্তমেব বা| উষ্ণং পুনঃপুনঃ কৃচ্ছ্রাদুষ্ণবাতং বদন্তি তম্||৩৬||

Adhikarana mUtrakShayasya lakShaNam (37) · Śloka 37

রূক্ষস্য ক্লান্তদেহস্য বস্তিস্থৌ পিত্তমারুতৌ| মূত্রক্ষযং সরুগ্দাহং জনযেতাং তদাহ্বযম্||৩৭||

Adhikarana mUtrasAdasya lakShaNam (38-39) · Śloka 39

পিত্তং কফো দ্বাবপি বা সংহন্যেতেঽনিলেন চেত্| কৃচ্ছ্রান্মূত্রং তদা পীতং রক্তং শ্বেতং ঘনং সৃজেত্||৩৮|| সদাহং রোচনাশঙ্খচূর্ণবর্ণং ভবেচ্চ তত্| শুষ্কং সমস্তবর্ণং বা মূত্রসাদং বদন্তি তম্||৩৯||

Adhikarana mUtrapravRuttijAnAmupasaMhAraH (9) · Śloka 9

ইতি বিস্তরতঃ প্রোক্তা রোগা মূত্রাপ্রবৃত্তিজাঃ| নিদানলক্ষণৈরূর্ধ্বং বক্ষ্যন্তেঽতিপ্রবৃত্তিজাঃ||৪০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানে মূত্রাঘাতনিদানং নাম নবমোঽধ্যাযঃ||৯||