28. bhagandarapratiṣēdhādhyāyaḥ

Adhikarana bhagandarapratiShedhAdhyAyaH bhagandarasya nidAnaM lakShaNaM ca (2-5) · Śloka 5

অথাতো ভগন্দরপ্রতিষেধং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যশুত্রে||২|| ) হস্ত্যশ্বপৃষ্ঠগমনকঠিনোত্কটকাসনৈঃ| অর্শোনিদানাভিহিতৈরপরৈশ্চ নিষেবিতৈঃ||১|| অনিষ্টাদৃষ্টপাকেন সদ্যো বা সাধুগর্হণৈঃ| প্রাযেণ পিটিকাপূর্বো যোঽঙ্গুলে হ্যঙ্গুলেঽপি বা||২|| পাযোর্ব্রণোঽন্তর্বাহ্যো বা দুষ্টাসৃঙ্মাংসগো ভবেত্| বস্তিমূত্রাশযাভ্যাসগতত্বাত্স্যন্দনাত্মকঃ||৩|| ভগন্দরঃ স সর্বাশ্চ দারযত্যক্রিযাবতঃ| ভগবস্তিগুদাংস্তেষু দীর্যমাণেষু ভূরিভিঃ||৪|| বাতমূত্রশকৃচ্ছুক্রং খৈঃ সূক্ষ্মৈর্বমতি ক্রমাত্| |৫|

Adhikarana bhaga aShTavidhatvam (5) · Śloka 5

| দোষৈঃ পৃথগ্যুতৈঃ সর্বৈরাগন্তুঃ সোঽষ্টমঃ স্মৃতঃ||৫||

Adhikarana apavkashophasya piTikAtvam pavkoshophasya bhagandaratvam (6) · Śloka 6

অপক্বং পিটিকামাহুঃ পাকপ্রাপ্তং ভগন্দরম্| |৬|

Adhikarana bhagandarakRut piTikAyA lakShaNam (6-7) · Śloka 7

| গূঢমূলাং সসংরম্ভাং রুগাঢ্যাং রূঢকোপিনীম্||৬|| ভগন্দরকরীং বিদ্যাত্ পিটিকাং ন ত্বতোঽন্যথা| |৭|

Adhikarana vAtajAyAH piTikAyA lakShaNam (7-8) · Śloka 8

| তত্র শ্যাবাঽরুণা তোদভেদস্ফুরণরুক্করী||৭|| পিটিকা মারুতাত্| |৮|

Adhikarana pittajAyAH piTikAyA lakShaNam (8) · Śloka 8

পিত্তাদুষ্ট্রগ্রীবাবদুচ্ছ্রিতা| রাগিণি তনুরূষ্মাঢ্যা জ্বরধূমাযনান্বিতা||৮||

Adhikarana kaphajAyAH piTikAyA lakShaNam (9) · Śloka 9

স্থিরা স্নিগ্ধা মহামূলা পাণ্ডুঃ কণ্ডুমতী কফাত্| |৯|

Adhikarana vAtapittajAyAH piTikAyA lakShaNam (9) · Śloka 9

| শ্যাবা তাম্রা সদাহোষা ঘোররুগ্ বাতপিত্তজা||৯||

Adhikarana vAtakaphajAyAH piTikAyA lakShaNam (10) · Śloka 10

পাণ্ডুরা কিঞ্চিদাশ্যাবা কৃচ্ছ্রপাকা কফানিলাত্| |১০|

Adhikarana sarvajAyAH piTikAyA lakShaNam (10-11) · Śloka 11

| পাদাঙ্গুষ্ঠসমা সর্বৈর্দোষৈর্নানাবিধব্যথা||১০|| শূলারোচকতৃড্দাহজ্বরচ্ছর্দিরুপদ্রুতা| |১১|

Adhikarana etAH pakvA vraNA bhavanti (11) · Śloka 11

ব্রণতাং যান্তি তাঃ পক্বাঃ প্রমাদাত্| |১১|

Adhikarana 1 shataponakasya bhagandarasya lakShaNam (11-13) · Śloka 13

| তত্র বাতজা||১১|| চীযতেঽণুমুখৈশ্ছিদ্রৈঃ শতপোনকবত্ ক্রমাত্| অচ্ছং স্রবদ্ভিরাস্রাবমজস্রং ফেনসংযুতম্||১২|| শতপোনকসংজ্ঞোঽযম্| |১৩|

Adhikarana 2 uShTragrIvasya bhagandarasya lakShaNam (13) · Śloka 13

উষ্ট্রগ্রীবস্তু পিত্তজঃ| |১৩|

Adhikarana 3 paristrAviNo bhagandarasya lakShaNam (13) · Śloka 13

| বহুপিচ্ছাপরিস্রাবী পরিস্রাবী কফোদ্ভবঃ||১৩||

Adhikarana 4 parikShepiNo bhagandarasya lakShaNam (14) · Śloka 14

বাতপিত্তাত্পরিক্ষেপী পরিক্ষিপ্য গুদং গতিঃ| জাযতে পরিতস্তত্র প্রাকারং পরিখেব চ||১৪||

Adhikarana 5 RujoH bhagandarasya lakShaNam (15) · Śloka 15

ঋজুর্বাতকফাদৃজ্ব্যা গুদো গত্যাঽত্র দীর্যতে| |১৫|

Adhikarana 6 arshostrAviNo bhagandarasya lakShaNam (15-17) · Śloka 17

| কফপিত্তে তু পূর্বোত্থং দুর্নামাশ্রিত্য কুপ্যতঃ||১৫|| অর্শোমূলে ততঃ শোফঃ কণ্ডূদাহাদিমান্ ভবেত্| স শীঘ্রং পক্বভিন্নোঽস্য ক্লেদযন্মূলমর্শসঃ||১৬|| স্রবত্যজস্রং গতিভিরযমর্শোভগন্দরঃ| |১৭|

Adhikarana 7 shambukAvartasya bhagandarasya lakShaNam (17-18) · Śloka 18

| সর্বজঃ শম্বুকাবর্তঃ শম্বুকাবর্তসন্নিভঃ||১৭|| গতযো দারযন্ত্যস্মিন্ রুগ্বেগৈর্দারুণৈর্গুদম্| |১৮|

Adhikarana 8 kShatajasya bhagandarasya lakShaNam (18-20) · Śloka 20

| অস্থিলেশোঽভ্যবহৃতো মাংসগৃদ্ধ্যা যদা গুদম্||১৮|| ক্ষিণোতি তির্যঙ্নির্গচ্ছন্নুন্মার্গং ক্ষততো গতিঃ| স্যাত্ততঃ পূযদীর্ণাযাং মাংসকোথেন তত্র চ||১৯|| জাযন্তে কৃমযস্তস্য খাদন্তঃ পরিতো গুদম্| বিদারযন্তি নচিরাদুন্মার্গী ক্ষতজশ্চ সঃ||২০||

Adhikarana eteShujasya rugAdayo vranavat (21) · Śloka 21

তেষু রুগ্দাহকণ্ড্বাদীন্ বিদ্যাদ্ ব্রণনিষেধতঃ| |২১|

Adhikarana eteShAM sAdhyAsAdhyatvam (21-22) · Śloka 22

| ষট্ কৃচ্ছ্রসাধনাস্তেষাং, নিচযক্ষতজৌ ত্যজেত্||২১|| প্রবাহিণীং বলীং প্রাপ্তং সেবনীং বা সমাশ্রিতম্| |২২|

Adhikarana asya piTikA yathApAkaM na yAti tathA yantraH (22-23) · Śloka 23

| অথাস্য পিটিকামেব তথা যত্নাদুপাচরেত্||২২|| শুধ্দ্যসৃক্স্রুতিসেকাদ্যৈর্যথা পাকং ন গচ্ছতি| |২৩|

Adhikarana pAke tu tasyA avA~gukhatvAdyavalokanam (23-24) · Śloka 24

| পাকে পুনরুপস্নিগ্ধং স্বেদিতং চাবগাহতঃ||২৩|| যন্ত্রযিত্বাঽর্শসমিব পশ্যেত্সম্যগ্ভগন্দরম্| অর্বাচীনং পরাচীনমন্তর্মুখবহির্মুখম্||২৪||

Adhikarana antarmukhe bahirmukhe ca shastreNa pATanaM kRutvA kShArAgninA sAdhayet,uShTrakandhare kShANaiva sAdhayet (25-26) · Śloka 26

অথান্তর্মুখমেষিত্বা সম্যক্ শস্ত্রেণ পাটযেত্| বহির্মুখং চ নিঃশেষং ততঃ ক্ষারেণ সাধযেত্||২৫|| অগ্নিনা বা ভিষক্ সাধু ক্ষারেণৈবোষ্ট্রকন্ধরম্| |২৬|

Adhikarana shataponake pATanaprakAraH (26-27) · Śloka 27

| নাডীরেকান্তরাঃ কৃত্বা পাটযেচ্ছতপোনকম্||২৬|| তাসু রূঢাসু শোষাশ্চ, মৃত্যুর্দীর্ণে গুদেঽন্যথা| |২৭|

Adhikarana parikSheNi kShArasUtraiH sAdhanam (27) · Śloka 27

| পরিক্ষেপিণী চাপ্যেবং নাড্যুক্তৈঃ ক্ষারসূত্রকৈঃ||২৭||

Adhikarana arshobhagandare~arshaH pratisAdhanAdi (28) · Śloka 28

অর্শোভগন্দরে পূর্বমর্শাংসি প্রতিসাধযেত্| |২৮|

Adhikarana kShataje pratyAkhyAyopacAraH (28-29) · Śloka 29

| ত্যক্ত্বোপচর্যঃ ক্ষতজঃ শল্যং শল্যবতস্ততঃ||২৮|| আহারেচ্চ তথা দদ্যাত্ কৃমিঘ্নং লেপভোজনম্| পিণ্ডনাড্যাদযঃ স্বেদাঃ সুস্নিগ্ধা রুজি পূজিতাঃ||২৯||

Adhikarana bahucchidre gotIrthAdayashchchedAH (30) · Śloka 30

সর্বত্র চ বহুচ্ছিদ্রে ছেদানালোচ্য যোজযেত্| গীতীর্থসর্বতোভদ্রদললাঙ্গল্ললাঙ্গলান্||৩০||

Adhikarana gotIrthasya chedasya lakShaNam sarvatAbhadrasya chedasya lakShaNam ardhalA~ggalasya chedasya lakShaNam lA~ggalasya chedasya lakShaNam (31-32) · Śloka 32

পার্শ্বং গতেন শস্ত্রেণ ছেদো গোতীর্থকো মতঃ| সর্বতঃ সর্বতোভদ্রঃ, পার্শ্বচ্ছেদোঽর্ধলাঙ্গলঃ||৩১|| পার্শ্বদ্বযে লাঙ্গলকঃ| |৩২|

Adhikarana sarvavraNAnAmagninA dAhaH (32) · Śloka 32

সমস্তাংশ্চাগ্নিনা দহেত্| আস্রাবমার্গান্নিঃশেষং নৈবং বিকুরুতে পুনঃ||৩২||

Adhikarana bhagandariNaH koShThashuddhou~antarA~antarA yatnaH (33) · Śloka 33

যতেত কোষ্ঠশুদ্ধৌ চ ভিষক্ তস্যান্তরাঽন্তরা| |৩৩|

Adhikarana bhagandariNaH vraNe biDAlAsthilepaH (33) · Śloka 33

| লেপো ব্রণে বিডালাস্থি ত্রিফলারসকল্কিতম্||৩৩||

Adhikarana bhagandariNaH jyotiShmatyAditailenAbhya~ggaH (34) · Śloka 34

জ্যোতিষ্মতীমলযুলাঙ্গলিশেলুপাঠা- কুম্ভাগ্নিসর্জ(র্জি)করবীরবচাসুধার্কৈঃ| অভ্যঞ্জনায বিপচেত ভগন্দরাণাং তৈলং বদন্তি পরমং হিতমেতদেষাম্||৩৪||

Adhikarana bhagandariNaH madhukAditailam (35-36) · Śloka 36

মধুকরোধ্রকণাত্রুরেণুকা- দ্বিরজনীফলিনীপটুসারিবাঃ| কমলকেসরপদ্মকধাতকী- মদনসর্জরসামযরোদিকাঃ||৩৫|| সবীজপূরচ্ছদনৈরেভিস্তৈলং বিপাচিতম্| ভগন্দরাপচীকুষ্ঠমধুমেহব্রণাপহম্||৩৬||

Adhikarana bhagandariNaH ropaNo viDa~ggasArAdilehaH (37) · Śloka 37

মধুতৈলযুতা বিডঙ্গসার- ত্রিফলামাগধিকাকণাশ্চ লীঢাঃ| কৃমিকুষ্ঠভগন্দরপ্রমেহ- ক্ষতনাডীব্রণরোপণা ভবন্তি||৩৭||

Adhikarana bhagandariNaH amRutAdgugguluH (38) · Śloka 38

অমৃতাত্রুটিবেল্লবত্সকং কলিপথ্যামলকানি গুগ্গুলুঃ| ক্রমবৃদ্ধমিদং মধুদ্রুতং পিটিকাস্থৌল্যভগন্দরান্ জযেত্||৩৮||

Adhikarana bhagandariNaH mAgadhikAdigugguluH (39) · Śloka 39

মাগধিকাগ্নিকলিঙ্গবিডঙ্গৈ- র্বিল্বধৃতৈঃ সবরাপলষট্কৈঃ| গুগ্গুলুনা সদৃশেন সমেতৈঃ ক্ষৌদ্রযুতৈঃ সকলামযনাশঃ||৩৯||

Adhikarana bhagandariNaH svAyaM bhUvo gugguluH (40) · Śloka 40

গুগ্গুলুপঞ্চপলং পলিকাংশা মাগধিকা ত্রিফলা চ পৃথক্স্যাত্| ত্বক্ত্রুটিকর্ষযুতং মধুলীঢং কুষ্ঠভগন্দরগুল্মগতিঘ্নম্||৪০||

Adhikarana bhagandariNaH vAtarogajidouShadham (41) · Śloka 41

শৃঙ্গবেররজোযুক্তং তদেব চ সুভাবিতম্| ক্বাথেন দশমূলস্য বিশেষাদ্বাতরোগজিত্||৪১||

Adhikarana bhagandariNaH uttamAdigugguluH (42) · Śloka 42

উত্তমাখদিরসারজং রজঃ শীলযন্নসনবারিভাবিতম্| হন্তি তুল্যমহিষাক্ষমাক্ষিকং কুষ্ঠমেহপিটিকাভগন্দরান্||৪২||

Adhikarana sheSheShu yathAyogamupakramaH (43) · Śloka 43

ভগন্দরেষ্বেষ বিশেষ উক্তঃ শেষাণি তু ব্যঞ্জনসাধনানি| ব্রণাধিকারাত্ পরিশীলনাচ্চ সম্যগ্বিদিত্বৌপযিকং বিদধ্যাত্||৪৩||

Adhikarana rUDhe~api bhagandare~ashvapRuShThagamanAdi varShAdhikaM varjayet (28) · Śloka 28

অশ্বপৃষ্ঠগমনং চলরোধং মদ্যমৈথুনমজীর্ণমসাত্ম্যম্| সাহসানি বিবিধানি চ রূঢে বত্সরং পরিহরেদধিকং বা||৪৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবির- চিতাযামষ্টাঙ্গহৃদযসংহিতাযাং ষষ্ঠে উত্তর- স্থানে ভগন্দরপ্রতিষেধো নামা- ষ্টাবিংশোঽধ্যাযঃ||২৮||