33. guhyarōgavijñānīyādhyāyaḥ

Adhikarana guhyarogavij~jAnIyAdhyAyaH - guhyarogANAM nidAnaM samprAtpistrayoviMshatividhatvaM ca (2-5) · Śloka 5

অথাতো গুহ্যরোগবিজ্ঞানীযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২|| স্ত্রীব্যবাযনিবৃত্তস্য সহসা ভজতোঽথবা| দোষাধ্যুষিতসঙ্কীর্ণমলিনাণুরজঃ পথাম্||১|| অন্যযোনিমনিচ্ছন্তীমগম্যাং নবসূতিকাম্| দূষিতং স্পৃশতস্তোযং রতান্তেষ্বপি নৈব বা||২|| বিবর্ধযিষযা তীক্ষ্ণান্ প্রলেপাদীন্ প্রযচ্ছতঃ| মুষ্টিদন্তনখোত্পীডাবিষবচ্ছূকপাতনৈঃ||৩|| বেগনিগ্রহদীর্ঘাতিখরস্পর্শবিঘট্টনৈঃ| দোষা দুষ্টা গতা গুহ্যং ত্রযোবিংশতিমামযান্||৪|| জনযন্ত্যুপদংশাদীন্| |৫|

Adhikarana 1 upadaMshasya pa~jcavidhatvam (5) · Śloka 5

উপদংশোঽত্র পঞ্চধা| পৃথগ্দোষৈঃ সরুধিরৈঃ সমস্তৈশ্চ|৫|

Adhikarana 1 vAtajasya upadaMshasya lakShaNam (5-6) · Śloka 6

| অত্র মারুতাত্||৫|| মেঢ্রে শোফো রুজশ্চিত্রাঃ স্তম্ভস্ত্বক্পরিপোটনম্| |৬|

Adhikarana 2 pittajasya upadaMshasya lakShaNam (6) · Śloka 6

| পক্বোদুম্বরসঙ্কাশঃ পিত্তেন শ্বযথুর্জ্বরঃ||৬||

Adhikarana 3 kaphajasya upadaMshasya lakShaNam (7) · Śloka 7

শ্লেষ্মণা কঠিনঃ স্নিগ্ধঃ কণ্ডূমান্ শীতলো গুরুঃ| |৭|

Adhikarana 4 raktajasya upadaMshasya lakShaNam (7) · Śloka 7

| শোণিতেনাসিতস্ফোটসম্ভবোঽস্রস্রুতির্জ্বরঃ||৭||

Adhikarana 5 sarvajasya upadaMshasya lakShaNam (8) · Śloka 8

সর্বজে সর্বলিঙ্গত্বং শ্বযথুর্মুষ্কযোরপি| তীব্রা রুগাশুপচনং দরণং কৃমিসম্ভবঃ||৮||

Adhikarana eteShAM sAdhyAsAdhyatvam (9) · Śloka 9

যাপ্যো রক্তোদ্ভবস্তেষাং মৃত্যবে সন্নিপাতজঃ| |৯|

Adhikarana 2 arshasAM lakShaNam (9-11) · Śloka 11

| জাযন্তে কুপিতৈর্দোষৈর্গুহ্যাসৃক্পিশিতাশ্রযৈঃ||৯|| অন্তর্বহির্বা মেঢ্রস্য কণ্ডূলা মাংসকীলকাঃ| পিচ্ছিলাস্রস্রবা যোনৌ তদ্বচ্চ চ্ছত্রসন্নিভাঃ||১০|| তেঽর্শাংস্যুপেক্ষযা ঘ্নন্তি মেঢ্রপুংস্ত্বং ভগার্তবম্| |১১|

Adhikarana 3 sarShapikAnAM lakShaNam (11-12) · Śloka 12

| গুহ্যস্য বহিরন্তর্বা পিটিকাঃ কফরক্তজাঃ||১১|| সর্ষপামানসংস্থানা ঘনাঃ সর্ষপিকাঃ স্মৃতাঃ| |১২|

Adhikarana 4 avamanthasya lakShaNam (12-13) · Śloka 13

| পিটিকা বহবো দীর্ঘা দীর্যন্তে মধ্যতশ্চ যাঃ||১২|| সোঽবমন্থঃ কফাসৃগ্ভ্যাং বেদনারোমহর্ষবান্| |১৩|

Adhikarana 5 kumbhIkAyAH lakShaNam (13) · Śloka 13

| কুম্ভীকা রক্তপিত্তোত্থা জাম্ববাস্থিনিভাঽঽশুজা||১৩||

Adhikarana 6 alajyAH lakShaNam (14) · Śloka 14

অলজীং মেহবদ্বিদ্যাদ্| |১৪|

Adhikarana 7 uttamAyAH lakShaNam (14) · Śloka 14

উত্তমাং পিত্তরক্তজাম্| পিটিকাং মাষমুদ্গাভাং|১৪|

Adhikarana 8 puShkarikAyAH lakShaNam (14-15) · Śloka 15

| পিটিকা পিটিকাচিতা||১৪|| কর্ণিকা পুষ্করস্যেব জ্ঞেযা পুষ্করিকেতি সা| |১৫|

Adhikarana 9 saMvyUDhapiTikAyAH lakShaNam (15) · Śloka 15

| পাণিভ্যাং ভৃশসংব্যূঢে সংব্যূঢপিটিকা ভবেত্||১৫||

Adhikarana 10 mRuditasya lakShaNam (16) · Śloka 16

মৃদিতং মৃদিতং বস্ত্রসংরব্ধং বাতকোপতঃ| |১৬|

Adhikarana 11 aShThIlikAyAH lakShaNam (16) · Śloka 16

| বিষমা কঠিনা ভুগ্না বাযুনাঽষ্ঠীলিকা স্মৃতা||১৬||

Adhikarana 12 nivRuttasya lakShaNam (17-18) · Śloka 18

বিমর্দনাদিদুষ্টেন বাযুনা চর্ম মেঢ্রজম্| নিবর্ততে সরুগ্দাহং ক্বচিত্পাকং চ গচ্ছতি||১৭|| পিণ্ডিতং গ্রন্থিতং চর্ম তত্প্রলম্বমধো মণেঃ| নিবৃত্তসংজ্ঞং সকফং কণ্ডূকাঠিন্যবত্তু তত্||১৮||

Adhikarana 13 avapATikAyAH lakShaNam (19) · Śloka 19

দুরুঢং স্ফুটিতং চর্ম নির্দিষ্টমবপাটিকা| |১৯|

Adhikarana 14 niruddhamaNeH lakShaNam (19-20) · Śloka 20

| বাতেন দূষিতং চর্ম মণৌ সক্তং রুণদ্ধি চেত্||১৯|| স্রোতো মূত্রং ততোঽভ্যেতি মন্দধারমবেদনম্| মণের্বিকাশরোধশ্চ স নিরুদ্ধমণির্গদঃ||২০||

Adhikarana 15 grathitasya lakShaNam (21) · Śloka 21

লিঙ্গং শূকৈরিবাপূর্ণং গ্রথিতাখ্যং কফোদ্ভবম্| |২১|

Adhikarana 16 sparshahAneH lakShaNam (21) · Śloka 21

| শূকদূষিতরক্তোত্থা স্পর্শহানিস্তদাহ্বযা||২১||

Adhikarana 17 shataponakasya lakShaNam (22) · Śloka 22

ছিদ্রৈরণুমুখৈর্যত্তু মেহনং সর্বতশ্চিতম্| বাতশোণিতকোপেন তং বিদ্যাচ্ছতপোনকম্||২২||

Adhikarana 18 tvakpAkasya lakShaNam (23) · Śloka 23

পিত্তাসৃগ্ভ্যাং ত্বচঃ পাকস্ত্বক্পাকো জ্বরদাহবান্| |২৩|

Adhikarana 19 mAMsapAkasya lakShaNam (23) · Śloka 23

| মাংস্পাকঃ সর্বজঃ সর্ববেদনো মাংসশাতনঃ||২৩||

Adhikarana 20 raktArbudasya lakShaNam (24) · Śloka 24

সরাগৈরসিতৈঃ স্ফোটৈঃ পিটিকাভিশ্চ পীডিতম্| মেহনং বেদনা চোগ্রা তং বিদ্যাদসৃগর্বুদম্||২৪||

Adhikarana 21 mAMsArbudasya lakShaNam (25) · Śloka 25

মাংসার্বুদং প্রাগুদিতং| |২৫|

Adhikarana 22 vidradheH lakShaNam (25) · Śloka 25

বিদ্রধিশ্চ ত্রিদোষজঃ| |২৫|

Adhikarana 23 tilakAlakAnAM lakShaNam (25-26) · Śloka 26

| কৃষ্ণানি ভূত্বা মাংসানি বিশীর্যন্তে সমন্ততঃ||২৫|| পক্বানি সন্নিপাতেন তান্ বিদ্যাত্তিলকালকান্| |২৬|

Adhikarana eteShAM sAdhyAsAdhyatvam (26-27) · Śloka 27

| মাংসোত্থমর্বুদং পাকং বিদ্রধিং তিলকালকান্||২৬|| চতুরো বর্জযেদেষাং শেষাংশ্ছীঘ্রমুপাচরেত্| |২৭|

Adhikarana yonivyApado viMshatividhatvam (27) · Śloka 27

| বিংশতির্ব্যাপদো যোনের্জাযন্তে দুষ্টভোজনাত্||২৭||

Adhikarana 1 vAtikyAH lakShaNam (28-31) · Śloka 31

বিষমস্থাঙ্গশযনভৃশমৈথুনসেবনৈঃ| দুষ্টার্তবাদপদ্রব্যৈর্বীজদোষেণ দৈবতঃ||২৮|| যোনৌ ক্রুদ্ধোঽনিলঃ কুর্যাদ্ রুক্তোদাযামসুপ্ততাঃ| পিপীলিকাসৃপ্তিমিব স্তম্ভং কর্কশতাং স্বনম্||২৯|| ফেনিলারুণকৃষ্ণাল্পতনুরূক্ষার্তবস্ত্রুতিম্| স্রসং বঙ্ক্ষণপার্শ্বাদৌ ব্যথাং গুল্মং ক্রমেণ চ||৩০|| তাংস্তাংশ্চ স্বান্ গদান্ ব্যাপদ্বাতিকী নাম সা স্মৃতা| |৩১|

Adhikarana 2 aticaraNAyAH lakShaNam (31) · Śloka 31

| সৈবাতিচরণা শোফসংযুক্তাঽতিব্যবাযতঃ||৩১||

Adhikarana 3 prAkcaraNAyAH lakShaNam (32) · Śloka 32

মৈথুনাদতিবালাযাঃ পৃষ্ঠজঙ্গোরুবঙ্ক্ষণম্| রুজন্ সন্দূষযেদ্যোনিং বাযুঃ প্রাক্চরণেতি সা||৩২||

Adhikarana 4 udAvRuttAyAH lakShaNam (33-34) · Śloka 34

বেগোদাবর্তনাদ্যোনিং প্রপীডযতি মারুতঃ| সা ফেনিলং রজঃ কৃচ্ছ্রাদুদাবৃত্তং বিমুঞ্চতি||৩৩|| ইযং ব্যাপদুদাবৃত্তা| |৩৪|

Adhikarana 5 jAtaghnyAH lakShaNam (34) · Śloka 34

জাতঘ্নী তু যদাঽনিলঃ| জাতং জাতং সুতং হন্তি রৌক্ষ্যাদ্দুষ্টার্তবোদ্ভবম্||৩৪||

Adhikarana 6 antarmukhyAH lakShaNam (35-36) · Śloka 36

অত্যাশিতাযা বিষমং স্থিতাযাঃ সুরতে মরুত্| অন্নেনোত্পীডিতো যোনেঃ স্থিতঃ স্রোতসি বক্রযেত্||৩৫|| সাস্থিমাংসং মুখং তীব্ররুজমন্তর্মুখীতি সা| |৩৬|

Adhikarana 7 sUcImukhyAH lakShaNam (36-37) · Śloka 37

| বাতলাহারসেবিন্যাং জনন্যাং কুপিতোঽনিলঃ||৩৬|| স্ত্রিযো যোনিমণুদ্বারাং কুর্যাত্সূচীমুখীতি সা| |৩৭|

Adhikarana 8 shuShkAkhyAyAH lakShaNam (37-38) · Śloka 38

| বেগরোধাদৃতৌ বাযুর্দুষ্টো বিণ্মূত্রসঙ্গ্রহম্||৩৭|| করোতি যোনেঃ শোষং চ শুষ্কাখ্যা সাঽতিবেদনা| |৩৮|

Adhikarana 9 vAminyAH lakShaNam (38-39) · Śloka 39

| ষডহাত্ সপ্তরাত্রাদ্বা শুক্রং গর্ভাশযান্মরুত্||৩৮|| বমেত্সরুঙ্ নীরুজো বা যস্যাঃ সা বামিনী মতা| |৩৯|

Adhikarana 10 ShaNDhAyAH lakShaNam (39-40) · Śloka 40

| যোনৌ বাতোপতপ্তাযাং স্ত্রীগর্ভে বীজদোষতঃ||৩৯|| মৃদ্বেষিণ্যস্তনী চ স্যাত্ ষণ্ঢসংজ্ঞাঽনুপক্রমা| |৪০|

Adhikarana 11 mahAyonyAH lakShaNam (40-41) · Śloka 41

| দুষ্টো বিষ্টভ্য যোন্যাস্যং গর্ভকোষ্ঠং চ মারুতঃ||৪০|| কুরুতে বিবৃতাং স্রস্তাং বাতিকীমিব দুঃখিতাম্| উত্সন্নমাংসাং তামাহুর্মহাযোনিং মহারুজাম্||৪১||

Adhikarana 12 paittikyAH lakShaNam (42-43) · Śloka 43

যথাস্বৈর্দূষণৈর্দুষ্টং পিত্তং যোনিমুপাশ্রিতম্| করোতি দাহপাকোষাপূতিগন্ধিজ্বরান্বিতাম্||৪২|| ভৃশোষ্ণভূরিকুণপনীলপীতাসিতার্তবাম্| সা ব্যাপত্ পৈত্তিকী|৪৩|

Adhikarana 13 raktayonyAH lakShaNam (43) · Śloka 43

| রক্তযোন্যাখ্যাঽসৃগতিস্রুতেঃ||৪৩||

Adhikarana 14 shlaiShmikyAyAH lakShaNam (44-45) · Śloka 45

কফোঽভিষ্যন্দিভিঃ ক্রুদ্ধঃ কুর্যাদ্যোনিমবেদনাম্| শীতলাং কণ্ডুলাং পাণ্ডুপিচ্ছিলাং তদ্বিধস্রুতিম্||৪৪|| সা ব্যাপচ্ছ্লৈষ্মিকী| |৪৫|

Adhikarana 15 lohitakShayAyAH lakShaNam (45) · Śloka 45

বাতপিত্তাভ্যাং ক্ষীযতে রজঃ| সদাহকার্শ্যবৈবর্ণ্যং যস্যাঃ সা লোহিতক্ষযা||৪৫||

Adhikarana 16 pariplutAyAH lakShaNam (46-48) · Śloka 48

পিত্তলাযা নৃসংবাসে ক্ষবথূদ্গারধারণাত্| পিত্তযুক্তেন মরুতা যোনির্ভবতি দূষিতা||৪৬|| শূনা স্পর্শাসহা সার্তির্নীলপীতাস্রবাহিনী| বস্তিকুক্ষিগুরুত্বাতিসারারোচককারিণী||৪৭|| শ্রোণিবঙ্ক্ষণরুক্তোদজ্বরকৃত্ সা পরিপ্লুতা| |৪৮|

Adhikarana 17 upaplutAyAH lakShaNam (48-49) · Śloka 49

| বাতশ্লেষ্মামযব্যাপ্তা শ্বেতপিচ্ছিলবাহিনী||৪৮|| উপপ্লুতা স্মৃতা যোনিঃ| |৪৯|

Adhikarana 18 viplutAyAH lakShaNam (49) · Śloka 49

বিপ্লুতাখ্যা ত্বধাবনাত্| সঞ্জাতজন্তুঃ কণ্ডূলা কণ্ড্বা চাতিরতিপ্রিযা||৪৯||

Adhikarana 19 karNinyAH lakShaNam (50-51) · Śloka 51

অকালবাহনাদ্বাযুঃ শ্লেষ্মরক্তবিমূর্চ্ছিতঃ| কর্ণিকাং জনযেদ্যোনৌ রজোমার্গনিরোধিনীম্||৫০|| সা কর্ণিনী| |৫১|

Adhikarana 20 sAnnipAtikyAH lakShaNam (51) · Śloka 51

ত্রিভির্দোষৈর্যোনিগর্ভাশযাশ্রিতৈঃ| যথাস্বোপদ্রবকরৈর্ব্যাপত্সা সান্নিপাতিকী||৫১||

Adhikarana iti yonirogAH yaiH shukraM necchati, garbhaM na gRuhNAti asRugdarAdi rogAMshca prApnoti (33) · Śloka 33

ইতি যোনিগদা নারী যৈঃ শুক্রং ন প্রতীচ্ছতি| ততো গর্ভং ন গৃহ্ণাতি রোগাংশ্চাপ্নোতি দারুণান্||৫২|| অসৃগ্দরার্শোগুল্মাদীনাবাধাংশ্চানিলাদিভিঃ| ৫২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং ষষ্ঠে উত্তরস্থানে গুহ্যরোগবিজ্ঞানীযো নাম ত্রযস্ত্রিংশোঽধ্যাযঃ||৩৩||