7. marmavibhāgaḥ

Adhikarana atha marmavibhAgo nAma saptamo~adhyAyaH pratij~jA (1) · Śloka 1

ಅಥಾತೋ ಮರ್ಮವಿಭಾಗಂ ನಾಮಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ||೧||

Adhikarana marmaNAM sa~gkhyA (2) · Śloka 2

ಸಪ್ತೋತ್ತರಂ ಮರ್ಮಶತಮ್||೨||

Adhikarana marmaNAM sthAnAni (3) · Śloka 3

ತತ್ರ ಚತುಶ್ಚತ್ವಾರಿಂಶಚ್ಛಾಖಾಸು| ಷಡ್ವಿಂಶತಿರನ್ತರಾಧೌ| ಸಪ್ತತ್ರಿಂಶದೂರ್ಧ್ವಮ್||೩||

Adhikarana talahRudayaM nAmamarma tatra viddhe vyAghAtaH (4) · Śloka 4

ಅಥೈಕೈಕಸ್ಮಿನ್ ಸಕ್ಥ್ನಿ ಮಧ್ಯಮಾಙ್ಗುಲಿಮಭಿತೋ ಮಧ್ಯೇ ಪಾದ- ತಲಸ್ಯ ತಲಹೃದಯಂ ನಾಮ ಮರ್ಮ| ತತ್ರ ವಿದ್ಧಸ್ಯ ರುಜಯಾ ಮರ ಣಮ್||೪||

Adhikarana kShipramarma, tatra viddhe maraNam (5) · Śloka 5

ಅಙ್ಗುಷ್ಠಾಙುಲ್ಯೋರ್ಮಧ್ಯೇ ಕ್ಷಿಪ್ರಂ ತತ್ರಾಽಽಕ್ಷೇಪಕೇನ ಮರಣಮ್||೫||

Adhikarana kUrcamarma, tatra viddhe vyApacca (6) · Śloka 6

ಕ್ಷಿಪ್ರಸ್ಯೋಪರಿ ದ್ವ್ಯಙ್ಗುಲ ಉಭಯತಃ ಕೂರ್ಚಃ| ತತ್ರ ಪಾದಸ್ಯ ಭ್ರಮಣವೇಪನೇ ಭವತಃ||೬||

Adhikarana kUrcashiromarma, tatra viddhe vyApacca (7) · Śloka 7

ಗುಲ್ಫಸನ್ಧೇರಧಃ ಕೂರ್ಚಶಿರಃ| ತತ್ರ ರುಜಾಶೋಪೌ||೭||

Adhikarana gulphamarma, tatra viddhe vyApacca (8) · Śloka 8

ಪಾದಜಙ್ಘಯೋಃ ಸನ್ಧಾನೇ ಗುಲ್ಫಃ| ತತ್ರ ರುಕ್ ಸ್ತಬ್ಧಸಕ್ಥಿತಾ ಷಣ್ಢತಾ ವಾ||೮||

Adhikarana indrabastimarma, tatra viddhe vyApacca (9) · Śloka 9

ಪಾರ್ಷ್ಣಿಪ್ರಭೃತಿ ದ್ವಾದಶಭಿರಙ್ಗುಲೈರ್ಜಙ್ಘಾಮಧ್ಯೇ ಇನ್ದ್ರಬಸ್ತಿಃ| ತತ್ರ ಶೋಣಿತಕ್ಷಯಾನ್ಮರಣಮ್||೯||

Adhikarana jAnumarma, tatra viddhe vyApacca (10) · Śloka 10

ಜಙ್ಗೋರ್ವೋಃ ಸನ್ಧಾನೇ ಜಾನುಃ| ತತ್ರ ಖಞ್ಜತ||೧೦||

Adhikarana ANimarma, tatra viddhe vyApacca (11) · Śloka 11

ಜಾನುನಸ್ತ್ರ್ಯಙ್ಗುಲಾದೂರ್ಧ್ವಮುಭಯತ ಆಣಿಃ| ತತ್ರ ಶೋಫಾಭಿವೃದ್ಧಿಃ ಸ್ತಬ್ಧಸಕ್ಥಿತಾ ಚ||೧೧||

Adhikarana UrvI marma, tatra viddhe vyApacca (12) · Śloka 12

ಊರುಮಧ್ಯೇ ಊರ್ವೀ| ತತ್ರ ರಕ್ತಕ್ಷಯಾತ್ಸಕ್ಥಿಶೋಷಃ||೧೨||

Adhikarana lohitAkShamarma tatra viddhe vyApacca (13) · Śloka 13

ಊರ್ವ್ಯಾಸ್ತೂರ್ಧ್ವಮಧೋ ವಂಕ್ಷಣಸನ್ಧೇರೂರುಮೂಲೇ ಲೋಹಿತಾಕ್ಷಮ್| ತತ್ರ ರಕ್ತಕ್ಷಯಾತ್ ಪಕ್ಷಾಘಾತಃ||೧೩||

Adhikarana viTapamarma, tatra viddhe vyApacca (14) · Śloka 14

ವಂಕ್ಷಣವೃಷಣಯೋರ್ಮಧ್ಯೇ ವಿಟಪಮ್| ತತ್ರ ಷಾಣ್ಢ್ಯಮಲ್ಪಶುಕ್ರತಾ ವಾ||೧೪||

Adhikarana bAhumarmANi, tatra viddhe vyApacca (15) · Śloka 15

ಸಕ್ಥಿವದ್ ಬಾಹ್ವೋಃ||೧೫||

Adhikarana bAhumarmaNi visheShaH (16) · Śloka 16

ವಿಶೇಷಸ್ತು-ಗುಲ್ಫೋ ಮಣಿಬನ್ಧಸ್ತಥಾ ಜಾನುಕೂರ್ಪರಮ್| ತಯೋರ್ವ್ಯಧೇ ಕುಣಿತಾ||೧೬||

Adhikarana kakShAradharamarma, tatra viddhe vyApacca (17) · Śloka 17

ವಿಟಪವಚ್ಚ ಕಕ್ಷಾಕ್ಷಮಧ್ಯೇ ಕಕ್ಷಾಧರಃ| ತತ್ರ ಕುಣಿತ್ವಮ್||೧೭||

Adhikarana antarAdhimarmANi gudamarma, tatra viddhe sadyomaraNam (18) · Śloka 18

ವಾತವರ್ಚೋನಿರಸನಃ ಸ್ಥೂಲಾನ್ತ್ರವಿಬದ್ಧೋ ಗುದಃ| ತತ್ರ ಸದ್ಯೋ ಮರಣಮ್||೧೮||

Adhikarana bastimarma, tatra viddhe vyApacca (19) · Śloka 19

ಅಲ್ಪಮಾಂಸಶೋಣಿತೋಽಭ್ಯನ್ತರತಃ ಕಟ್ಯಾ ಧನುರ್ವಕ್ರ ಏಕದ್ವಾರೋಽಧೋಮುಖೀ ಬಸ್ತಿಃ| ತತ್ರಾಪಿ ಸದ್ಯೋ ಮರಣಮಶ್ಮರೀವ್ರಣಾ- ದೃತೇ| ತತ್ರಾಪ್ಯುಭಯತೋ ವಿದ್ಧೇ ನ ಜೀವತಿ| ಏಕತೋ ಭಿನ್ನೇ ಮೂತ್ರಸ್ರಾವೀವ್ರಣೋ ಭವತಿ| ಸ ತು ಯತ್ನೇನೋಪಕ್ರಾನ್ತೋ ರೋಹತಿ||೧೯||

Adhikarana nAbhimarma, tatra viddhe vyApacca (20) · Śloka 20

ಪಕ್ವಾಮಾಶಯಮಧ್ಯೇ ನಾಭಿಃ ತತ್ರಾಪಿ ಸದ್ಯೋಮರಣಮ್||೨೦||

Adhikarana hRudayamarma, tatra viddhe vyApacca (21) · Śloka 21

ಕೋಷ್ಠವಕ್ಷಸೋಃ ಸ್ತನಯೋಶ್ಚ ಮಧ್ಯೇ ಸತ್ತ್ವರಜಸ್ತಮೋಽಧಿಷ್ಠಾ ನಮಾಮಾಶಯದ್ವಾರಂ ಹೃದಯಮ್| ತತ್ರಾಪಿ ಸದ್ಯೋ ಮರಣಮ್||೨೧||

Adhikarana stanamUlamarma, tatra viddhe vyApacca (22) · Śloka 22

ಸ್ತನಯೋರಧಸ್ತಾದ್ ದ್ವ್ಯಙ್ಗುಲಮುಭಯತಃ ಸ್ತನಮೂಲೇ ತಯೋಃ ಕಫಪೂರ್ಣಕೋಷ್ಠಸ್ಯ ಮರಣಮ್||೨೨||

Adhikarana stanarohitamarma, tatra viddhe vyApacca (23) · Śloka 23

ಸ್ತನಚೂಚುಕಯೋರೂರ್ಧ್ವಂ ದ್ವ್ಯಙ್ಗುಲಮುಭಯತಃ ಸ್ತನರೋಹಿತೇ| ತಯೋಃ ಶೋಣಿತಪುರ್ಣಕೋಷ್ಠಸ್ಯ ಮರಣಮ್||೨೩||

Adhikarana apastambhau marmaNI tatra viddhe vyApacca (24) · Śloka 24

ಉಭಯತ್ರೋರಸೋ ನಾಡ್ಯೌ ವಾತವಹೇ ಅಪಸ್ತಮ್ಭೌ| ತಯೋಃ ಶೋಣಿತಪೂರ್ಣಕೋಷ್ಠತಯಾ ಕಾಸಶ್ವಾಸಾಭ್ಯಾಂ ಚ ಮರಣಮ್||೨೪||

Adhikarana apAlApamarmaNI tatra viddhe vyApacca (25) · Śloka 25

ಅಂಸಕೂಟಯೋರಧಃ ಪಾರ್ಶ್ವಯೋರುಪರಿ ಭಾಗಯೋರಪಾಲಾಪೌ| ತಯೋಃ ಪೂಯತ್ವಮಾಪನ್ನೇನ ರಕ್ತೇನ ಮರಣಮ್||೨೫||

Adhikarana kaTIkataruNe marmaNI tatra viddhe vyApacca (26) · Śloka 26

ಪೃಷ್ಠವಂಶಮುಭಯತಃ ಪ್ರತಿಶ್ರೋಣೀಕರ್ಣಾವಸ್ಥಿನೀ ಕಟೀಕತರುಣೇ| ತಯೋಃ ಶೋಣಿತಕ್ಷಯಾತ್ ಪಾಣ್ಡುರ್ವಿವರ್ಣೋ ಹೀನರುಪೋ ಮ್ರಿಯತೇ||೨೬||

Adhikarana kukundaramarma, tatra viddhe vyApacca (27) · Śloka 27

ಪಾರ್ಶ್ವಯೋರ್ಜಘನಬಹಿರ್ಭಾಗೇ ಪೃಷ್ಠವಂಶಮುಭಯತಃ ಕುಕುನ್ದರೌ| ತಯೋಃ ಸ್ಪರ್ಶಾಜ್ಞಾನಮಧಃ ಕಾಯೇ ಚೇಷ್ಟಾನಾಶಶ್ಚ||೨೭||

Adhikarana nitambamarmaNI, tatra viddhe vyApacca (28) · Śloka 28

ಶೋಣೀಕರ್ಣಯೋರುಪರ್ಯ್ಯಾಶಯಾಚ್ಛಾದನೌ ಪಾರ್ಶ್ವಾನ್ತರಪ್ರತಿಬದ್ಧೌ ನಿತಮ್ಬೌ| ತಯೋರಧಃ ಕಾಯೇ ಶೋಫೋ ದೌರ್ಬಲ್ಯಂ ಮರಣಞ್ಚ||೨೮||

Adhikarana pArshvasandhimarmaNI tatra viddhe vyApacca (29) · Śloka 29

ಅಧಃ ಪಾರ್ಶ್ವಾನ್ತರಪ್ರತಿಬದ್ಧೌ ಜಘನಪಾರ್ಶ್ವಮಧ್ಯೇ ತಿರ್ಯ್ಯಗೂರ್ಧ್ವಂ ಚ ಪಾರ್ಶ್ವಸನ್ಧೀ| ತಯೋಃ ಶೋಣಿತಪೂರ್ಣಕೋಷ್ಠತಯಾ ಮರಣಮ್||೨೯||

Adhikarana bRuhatyAkhyau marmaNI, tatra viddhe vyApacca (30) · Śloka 30

ಅಧಃ ಪಾಱ್ಶ್ವಾನ್ತರಪ್ರತಿಬದ್ಧೌ ಜಘನಪಾರ್ಶ್ವಮಧ್ಯೇ ತಿರ್ಯ್ಯಗೂರ್ಧ್ವಂ ಚ ಪಾರ್ಶ್ವಸನ್ಧೀ| ತಯೋಃ ಶೋಣಿತಪೂರ್ಣಕೋಷ್ಠತಯಾ ಮರಣಮ್||೩೦||

Adhikarana aMsaphalamarmaNI, tatra vyApacca (31) · Śloka 31

ಪೃಷ್ಠವಂಶಮುಭಯತೋ ಬಾಹುಮೂಲಸಮ್ಬದ್ಧೇ ಅಂಸಫಲಕೇ| ತಯೋರ್ಬಾಹುಸ್ವಾಪಶೋಷೌ||೩೧||

Adhikarana aMsAkhye marmaNI, tatra viddhe vyApacca (32) · Śloka 32

ಗ್ರೀವಾಬಾಹುಶಿರೋಮಧ್ಯೇಂಽಸಪೀಠಸ್ಕನ್ಧಬನ್ಧನಾವಂಸೌ| ತಯೋಃ ಸ್ತಮ್ಬ್ಧಬಾಹುತಾ||೩೨||

Adhikarana UrdhvamarmANi dve nIle dve manye tatra viddhe vyApacca (33) · Śloka 33

ಕಣ್ಠನಾಡೀಮುಭಯತಶ್ಚತಸ್ರೋ ಧಮನ್ಯಃ| ತಾಸಾಂ ದ್ವೇ ನೀಲೇ, ದ್ವೇ ಮನ್ಯೇ| ತಾಸು ಮೂಕತಾ, ಸ್ವರವೈಕೃತ್ಯಂ, ರಸಾಗ್ರಾಹಿತಾ ವಾ ಭವತಿ||೩೩||

Adhikarana mAtRukAmarmANi tatra viddhe vyApacca (34) · Śloka 34

ಗ್ರೀವಾಯಾಮುಭಯತಃ ಪೃಥಕ್ ಚತಸ್ರಃ ಸಿರಾ ಮಾತೃಕಾಸ್ತಾಸು ಸದ್ಯೋ ಮರಣಮ್||೩೪||

Adhikarana kRukATikAkhye marmANi tatra viddhe vyApacca (35) · Śloka 35

ಶಿರೋಗ್ರೀವಯೋಃ ಸನ್ಧಾನೇ ಕೃಕಾಟಿಕೇ| ತಯೋಶ್ಚಲಮೂರ್ಧತಾ||೩೫||

Adhikarana vidhurAkhye marmaNi tatra viddhe vyApacca (36) · Śloka 36

ಕರ್ಣಪೃಷ್ಠಯೋರಧಃಸಂಶ್ರಿತೇ ವಿಧುರೇ| ತಯೋರ್ಬಾಧಿರ್ಯಮ್||೩೬||

Adhikarana phaNAkhye marmaNI, tatra viddhe vyApacca (37) · Śloka 37

ಘ್ರಾಣಮಾರ್ಗಮುಭಯತಃ ಶ್ರೋತ್ರಮಾರ್ಗಪ್ರತಿಬದ್ಧಾವಭ್ಯನ್ತರತಃ ಫಣೌ| ತಯೋರ್ಗನ್ಧಾಜ್ಞಾನಮ್||೩೭||

Adhikarana apA~ggAkhye marmaNI tatra viddhe vyApacca (38) · Śloka 38

ಭ್ರುವೋಃ ಪುಚ್ಛಾನ್ತಯೋರಧೋಽಕ್ಷ್ಣೋರ್ಬಾಹ್ಯತೋಽಪಾಙ್ಗೌ| ತಯೋರಾನ್ಧ್ಯಮ್||೩೮||

Adhikarana sha~gkhAkhye marmaNI, tatra viddhe vyApacca (39) · Śloka 39

ಭ್ರುವೋಃ ಪುಚ್ಛಾನ್ತಯೋರುಪರ್ಯನುಕರ್ಣಂ ಲಲಾಟೇ ಶಙ್ಖೌ| ತಯೋಃ ಸದ್ಯೋ ಮರಣಮ್||೩೯||

Adhikarana AvarttAkhye marmaNI tatra viddhe vyApacca (40) · Śloka 40

ಭ್ರುವೋರುಪರಿ ನಿಮ್ನಯೋರಾವರ್ತ್ತೌ ತಯೋರಾನ್ಧ್ಯಂ ದೃಷ್ಟ್ಯುಪಘಾತೋ ವಾ||೪೦||

Adhikarana utkShepAkhye marmaNI tatra viddhasya vyApacca (41) · Śloka 41

ಶಙ್ಖಯೋರುಪರಿ ಕೇಶಾನ್ತೇ ಉತ್ಕ್ಷೇಪೌ| ತಯೋಃ ಸಶಲ್ಯಃ ಪಾಕಾತ್ ಪತಿತಶಲ್ಯೋ ವಾ ಜೀವೇನ್ನೋದ್ಧೃತಶಲ್ಯಃ||೪೧||

Adhikarana sthapanyakhye marmaNI tatra viddhasyAvasthA ca (42) · Śloka 42

ಭ್ರುವೋರ್ಮಧ್ಯೇ ಸ್ಥಪನೀ| ತತ್ರೋತ್ಕ್ಷೇಪವತ್||೪೨||

Adhikarana sImantAkhyAni marmANi tatra viddhasya vyApacca (43) · Śloka 43

ಪಞ್ಚ ಸನ್ಧಯಃ ಶಿರಸಿ| ತಿರ್ಯ್ಯಗೂರ್ಧ್ವಂ ಚ ಸೀಮನ್ತಾನಾಮ್| ತೇಷೂನ್ಮಾದಭ್ರಮಚಿತ್ತನಾಶೈರ್ಮರಣಮ್||೪೩||

Adhikarana shRu~ggATakAkhyAni marmANi tatra viddhe vyApacca (44) · Śloka 44

ಜಿಹ್ವಾಘ್ರಾಣಾಕ್ಷಿಶ್ರೋತ್ರತರ್ಪಣೀನಾಂ ಸಿರಾಣಾಂ ತಾಲುನಿ ಸನ್ನಿಪಾತಃ| ತಾಸಾಂ ಮುಖಾನಿ ಚತ್ವಾರಿ ಶೃಙ್ಗಾಟಕಸಂಜ್ಞಾನಿ| ತೇಷು ಸದ್ಯೋಮರಣಮ್||೪೪||

Adhikarana adhipratisaMj~jaM marma tatra viddhe vyApacca (45) · Śloka 45

ಮಸ್ತಕಾಭ್ಯನ್ತರ ಉಪರಿಷ್ಟಾತ್ಸಿರಾಸನ್ಧಿಸನ್ನಿಪಾತೋ ರೋಮಾವರ್ತ್ತಃ ಸೋಽಧಿಪತಿರ್ನಾಮ| ತತ್ರಾಪಿ ಸದ್ಯೋಮರಣಂ ಭವತೀತಿ||೪೫||

Adhikarana marmaNAM sAmAnyalakShaNam (46) · Śloka 46

ಸಾಮಾನ್ಯಲಕ್ಷಣಂ ಪುನರ್ಮರ್ಮಣಾಂ ಪೀಡಿತೇ ರುಜೋತ್ಪತ್ತಿರ್ವಿಷಮಂ ಚ ಸ್ಪನ್ದನಮ್||೪೬||

Adhikarana marmaviddhalakShaNam (47) · Śloka 47

ಸಾಮಾನ್ಯೇನೈವ ಚ - ದೇಹಪ್ರಸುಪ್ತಿರ್ಗುರುತಾ ಸಮ್ಮೋಹಃ ಶೀತಕಾಮಿತಾ| ಸ್ವೇದೋ ಮೂರ್ಚ್ಛಾ ವಮಿಃ ಶ್ವಾಸೋ ಮರ್ಮವಿದ್ಧಸ್ಯ ಲಕ್ಷಣಮ್||೪೭||

Adhikarana marmashabdanirvacanam (48) · Śloka 48

ಅಪಿ ಚ-ಮರಣಕಾರಿತ್ವಾನ್ಮರ್ಮ||೪೮||

Adhikarana mAMsAdibhedena marmaNAM pa~jcadhAtvam (49) · Śloka 49

ತತ್ಪುನರ್ಮಾಂಸಸಿರಾಸ್ನಾಯ್ವಸ್ಥಿಸನ್ಧಿಸನ್ನಿಪಾತಃ| ತೇನ ತಸ್ಮಿನ್ ಪೀಡ್ಯಮಾನೇ ವಿಶೇಷತಃ ಪ್ರಾಣಬಾಧಃ| ಬಾಹುಲ್ಯೇನ ತು ನಿರ್ದೇಶಃ| ತಸ್ಮಾನ್ಮಾಂಸಾದ್ಯಾಶ್ರಯತೋ ಮರ್ಮಾಣಿ ಪಞ್ಚಧಾ ಭಿದ್ಯನ್ತೇ||೪೯||

Adhikarana mAMsamarmANi (50) · Śloka 50

ತದ್ಯಥಾ ತಲಹೃದಯೇನ್ದ್ರಬಸ್ತಿಗುದಸ್ತನರೋಹಿತಾನ್ಯೇಕಾದಶ ಮಾಂಸಮರ್ಮಾಣಿ||೫೦||

Adhikarana sirAmarmANi (51) · Śloka 51

ಉರ್ವೀಲೋಹಿತಾಖ್ಯನಾಭಿಹೃದಯಸ್ತನಮೂಲಾಪಸ್ತಮ್ಭಾಪಾಲಾಪಪಾರ್ಶ್ವಸನ್ಧಿಬೃಹತೀನೀಲಾಮನ್ಯಾಮಾತೃಕಾಫಣಾಪಾಙ್ಗಸ್ಥಪನೀಶೃಙ್ಗಾಟಕಾನ್ಯೇಕಚತ್ವಾರಿಂಶತ್ಸಿರಾಮರ್ಮಾಣಿ||೫೧||

Adhikarana snAvamarmaNi (52) · Śloka 52

ಕ್ಷಿಪ್ರಕೂರ್ಚಕೂರ್ಚಶಿರೋವಿಟಪಕಕ್ಷಾಧರಾಣಿ ಬಸ್ತ್ಯಂಸವಿಧುರೋತ್ಕ್ಷೇಪಾಃ ಸಪ್ತವಿಂಶತಿಃ ಸ್ನಾವಮರ್ಮಾಣಿ||೫೨||

Adhikarana asthimarmANi (53) · Śloka 53

ಕಟೀಕತರುಣನಿತಮ್ಬಾಂಸಫಲಕಶಙ್ಖಾಸ್ತ್ವಷ್ಟಾವಸ್ಥಿಮರ್ಮಾಣಿ||೫೩||

Adhikarana sandhimarmANi (54) · Śloka 54

ಗುಲ್ಫಮಣಿಬನ್ಧಜಾನುಕೂರ್ಪರಕುಕುನ್ದರಕೃಕಾಟಿಕಾವರ್ತಸೀಮನ್ತಾಧಿಪತಯೋ ವಿಂಶತಿಃ ಸನ್ಧಿಮರ್ಮಾಣಿ||೫೪||

Adhikarana punaH prakArantareNa marmANAM pa~jcavidhatvam (55) · Śloka 55

ಪುನಶ್ಚ ಪಞ್ಚಧಾ||೫೫||

Adhikarana sadyaH prANaharANi marmANi (56) · Śloka 56

ಗುದಬಸ್ತಿನಾಭಿಹೃದಯಮಾತೃಕಾಶಙ್ಖಶೃಙ್ಗಾಟಕಾಧಿಪತಯ ಏಕೋನವಿಂಶತಿಃ ಸದ್ಯಃ ಪ್ರಾಣಹರಾಣ್ಯಾಗ್ನೇಯತ್ವಾತ್| ತೇಷಾಂ ಸಪ್ತರಾತ್ರಾಭ್ಯನ್ತರಂ ಕಲಃ||೫೬||

Adhikarana kAlAntaraprANaharANi marmANi (57) · Śloka 57

ತಲಹೃದಯಕ್ಷಿಪ್ರೇನ್ದ್ರಬಸ್ತಿವಕ್ಷೋಮರ್ಮಕಟೀಕತರುಣನಿತಮ್ಬಪಾರ್ಶ್ವಸನ್ಧಿಬೃಹತೀಸೀಮನ್ತಾಸ್ತ್ರಯಸ್ತ್ರಿಶತ್ಕಾಲಾನ್ತರಪ್ರಾಣಹರಾಣಿ| ಸೌಮ್ಯಾಗ್ನೇಯತ್ವಾತ್ತೇಷಾಂ ಪಕ್ಷಾಭ್ಯನ್ತರಂ ಕಾಲಃ| ತೇಷ್ವಪಿ ತು ಕ್ಷಿಪ್ರಾಣಿ ಕದಾಚಿದಾಶು||೫೭||

Adhikarana vishalyaghnAni marmANi (58) · Śloka 58

ಉತ್ಕ್ಷೇಪೌ ಸ್ಥಪನೀ ಚ ತ್ರೀಣಿ ವಿಶಲ್ಯಘ್ನಾನಿ ವಾಯವ್ಯತ್ವಾತ್| ಶಲ್ಯಮುಖಾವರುದ್ಧೋ ಹಿ ಯಾವದತ್ರ ವಾಯುಸ್ಥಿಷ್ಠತಿ ತಾವಜ್ಜೀವತಿ||೫೮||

Adhikarana vaikalyakarANi marmANi (59) · Śloka 59

ಕೂರ್ಚಜಾನುಕೂರ್ಪರಾಣ್ಯುರ್ವೀಲೋಹಿತಾಖ್ಯವಿಟಪಕಕ್ಷಾಧರಕುಕುನ್ದರಾಂಸಫಲಕನೀಲಾಮನ್ಯಾಕೃಕಾಟಿಕಾವಿಧುರಫಣಾಪಾಙ್ಗಾವರ್ತ್ತಾಶ್ಚತುಶ್ಚತ್ವಾರಿಂಶದ್ವೈಕಲ್ಯಕರಾಣಿ ಸೌಮ್ಯತ್ವಾತ್| ಸೋಮೋ ಹಿ ಸ್ಥೈರ್ಯಶೈತ್ಯಾಭ್ಯಾಂ ಪ್ರಾಣಾನ್ ಧಾರಯತಿ| ತಾನ್ಯಪಿ ಚ ಕದಾಚಿದಭಿಹತಾನಿ ಮಾರಯನ್ತಿ||೫೯||

Adhikarana rujAkarANi marmANi (60) · Śloka 60

ಕೂರ್ಚಶಿರೋಗುಲ್ಫಮಣಿಬನ್ಧಾಸ್ತ್ವಷ್ಟೌ ರುಜಾಕರಾಣ್ಯಗ್ನಿವಾಯುಸೋಮಗುಣಬಾಹುಲ್ಯಾತ್| ಅಗ್ನಿವಾಯೂ ಹಿ ವಿಶೇಷೇಣ ರುಜಾಕರೌ| ಸೋಮಸ್ತು ಪ್ರಾಣಾನವಲಮ್ಬತ ಇತ್ಯುಕ್ತಮ್||೬೦||

Adhikarana anyamatena sadyaHprANaharAdimarmavivaraNam (61) · Śloka 61

ಅನ್ಯೇ ತ್ವಾಹುಃ-ಮಾಂಸಾದೀನಾಂ ಪಞ್ಚಾನಾಮಪಿ ವಿವೃದ್ಧಾನಾಂ ಸಮವಾಯಾತ್ ಸದ್ಯಃಪ್ರಾಣಹರಾಣಿ| ಏಕೈಕಹೀನಾನಾಮಲ್ಪಾನಾಂ ಚ ಕ್ರಮಾದಿತರಾಣಿ ಸ್ವಭಾವತ ಏವ ಚ||೬೧||

Adhikarana aparamatam (62) · Śloka 62

ಅನ್ಯೇ ವದನ್ತಿ-ಪ್ರತಿನಿಯತಕರ್ಮಾಣಿ ಚನ್ದ್ರಸೂರ್ಯಾಯಸ್ಕಾನ್ತೋಪಲಾನಾಮಿವಾಮ್ಬುವಹ್ನಿಕಾಲಲೋಹಸಂಶ್ಲೇಷಾಸ್ತಥಾ ಚ ಛಿನ್ನೇಷು ಬಹುಮರ್ಮಸ್ವಪಿ ಪಾಣಿಪಾದೇಷು ಸ್ವಭಾವತ ಏವ ನ ಮೃತ್ಯುಃ||೬೨||

Adhikarana aparamate~api hetupratipAdanam (63) · Śloka 63

ಅಪರೇ ಪುನರತ್ರಾಪಿ ಹೇತುಮಾಹುಃ-ಪಾಣಿಪಾದಚ್ಛೇದೇ ಹಿ ಸಿರಾಃ ಸಙ್ಕೋಚಮಾಯಾನ್ತಿ| ತತೋಽಲ್ಪಾಸೃಕ್ಪ್ರವೃತ್ತೇರ್ಜೀವಿತಮ್| ಮರ್ಮವ್ಯಧೇ ತ್ವತಿರಕ್ತಸ್ರುತಿತೋ ವಾಯುವೈಕೃತೇನ ಚ ಮರಣಮ್| ತಸ್ಮಾತ್ ಮರ್ಮಾಭಿಹತಸ್ಯ ತದಙ್ಗಮಾಶು ಸನ್ಧಿದೇಶಾಚ್ಛೇದನೀಯಮ್| ಅತಿಹತಾನಾಂ ತು ಮರ್ಮಣಾಂ ಯಥಾಸ್ವಂ ಪೂರ್ವಂ ಪೂರ್ವಂ ಚ ಕರ್ಮ ಈ ಷದನ್ತೇ ವಾ ಹತಾನಾಮುತ್ತರೋತ್ತರಮೇವ||೬೩||

Adhikarana marmaNAM mAnabhedena punaH pa~jcavidhatvam (64) · Śloka 64

ಪುನಶ್ಚ ಪಞ್ಚಧಾ ಭಿದ್ಯನ್ತೇ||೬೪||

Adhikarana svA~ggulamAnAni marmANi (65) · Śloka 65

ತದ್ಯಥಾ-ಉರ್ವ್ಯಃ ಕೂರ್ಚಶಿರಾಂಸಿವಿಟಪೇ ಕಕ್ಷಾಧರೇ ಚ ದ್ವಾದಶ ಸ್ವಾಙ್ಗುಲೋನ್ಮಿತಾನಿ||೬೫||

Adhikarana dvya~ggulamAnAni marmANi (66) · Śloka 66

ಗುಲ್ಫೌ ಮಣಿಬನ್ಧೌ ಸ್ತನಮೂಲೇ ಚ ಷಟ್ ದ್ವ್ಯಙ್ಗುಲಾನಿ||೬೬||

Adhikarana trya~ggulAnAni marmANi (67) · Śloka 67

ಜಾನುನೀ ಕೂರ್ಪರೇ ಚ ಚತ್ವಾರಿ ತ್ರ್ಯಙ್ಗುಲಾನಿ||೬೭||

Adhikarana pANitalasammitAni marmANi (68) · Śloka 68

ಕೂರ್ಚಾ ಗುದೋ ಬಸ್ತಿರ್ನಾಭಿರ್ಹೃದಯಂ ನೀಲೇ ಮನ್ಯೇ ಮಾತೃಕಾಃ ಸೀಮನ್ತಾಃ ಶೃಙ್ಗಾಟಕಾನಿ ಚೈಕೋನತ್ರಿಂಶತ್ ಪಾಣಿತಲಸಮ್ಮಿತಾನಿ||೬೮||

Adhikarana ardhA~ggulamAnAni marmANi (69) · Śloka 69

ಶೇಷಾಣಿ ಷಟ್ ಪಞ್ಚಾಶದಙ್ಗುಲದಲಪ್ರಮಾಣಾನಿ||೬೯||

Adhikarana matAntareNa marmamAnAni (70) · Śloka 70

ಅನ್ಯೇ ಪುನರಾಹುಃ-ವ್ರೀಹಿಪ್ರಮಾಣಾನಿ ಕ್ಷಿಪ್ರಾಣಿ| ಕಲಾಯಪ್ರಮಾಣಾಃ ಸ್ತನರೋಹಿತೋತ್ಕ್ಷೇಪಾಃ ತಥಾಽನ್ಯೇ ತಿಲ- ಪ್ರಮಾಣಾನ್ಯಪಿ ಮರ್ಮಾಣೀಚ್ಛನ್ತಿ||೭೦||

Adhikarana AyurmarmANi rakShati (71) · Śloka 71

ಭವನ್ತಿ ಚಾತ್ರ- ಮರ್ಮವ್ಯಾಪ್ತೇಽಪಿ ದೇಹೇಽಸ್ಮಿನ್ನಾಯುರ್ಮರ್ಮಾಣಿ ರಕ್ಷತಿ| ಆಯುಷ್ಯಾಣ್ಯೇವ ಸೇವೇತ ಸದಾ ತಸ್ಮಾದ್ವಿಚಕ್ಷಣಃ||೭೧||

Adhikarana marmANi yatnataH pAlanIyAni (72) · Śloka 72

ಮರ್ಮಾಭಿಘಾತಃ ಸ್ವಲ್ಪೋಽಪಿ ಪ್ರಾಯಶೋ ಬಾಧತೇತರಾಮ್| ರೋಗಾ ಮರ್ಮಾಶ್ರಯಾಸ್ತದ್ವತ್ ಪ್ರಕಾನ್ತಾ ಯತ್ನತೋಽಪಿ ಚ||೭೨||

Adhikarana marmopaghAtAnmumUrShorlakShaNAni (73) · Śloka 73

ವಿಕ್ಷಿಪ್ಯತೇ ಭೃಶಂ ಸೀದನ್ ಶೂನ್ಯೋ ಭ್ರಮತಿ ವೇಪತೇ| ಊರ್ಧ್ವಂ ಶ್ವಸಿತಿ ಕೃಚ್ಛ್ರೇಣ ಸ್ರಸ್ತಗಾತ್ರೋ ಮುಹುರ್ಮುಹುಃ| ಹೃದಯಂ ದಹ್ಯತೇ ಚಾಸ್ಯ ನೈಕಸ್ಥಾನೇಽವತಿಷ್ಠತೇ| ಮರ್ಮೋಪಘಾತಾನ್ಮರಣಮೇತೈರ್ಲಿಙ್ಗೈಃ ಸಮಶ್ನುತೇ||೭೩||

Adhikarana raktAtisrutireva maraNahetuH (74) · Śloka 74

ಅಮರ್ಮವಿದ್ಧೋಽಪಿ ನರಶ್ಛೇದಭೇದಾದಿಪೀಡಿತಃ| ಅತಿನಿಸ್ಸೃತರಕ್ತಶ್ಚ ಸದ್ಯಸ್ತ್ಯಜತಿ ಜೀವಿತಮ್| ಅತೋಽನ್ಯಥಾ ಜೀವತಿ ತು ವಿದ್ಧಃ ಶರಶತೈರಪಿ||೭೪||

Adhikarana marmaviddhaM pratyAkhyAya cikitset (75-7) · Śloka 7

ಪುಣ್ಯವಾನ್ನಿಯತಾಯುಶ್ಚ ನ ಕಥಞ್ಚಿನ್ನ ಜೀವತಿ| ತಸ್ಮಾದಾಚರಮೋಚ್ಛ್ವಾಸಾಚ್ಚಿಕಿತ್ಸೇದೇವ ಯತ್ನತಃ| ತದ್ಬನ್ಧುಮಿತ್ರಾನುಮತಃ ಪ್ರತ್ಯಾಖ್ಯಾಯಾತುರಂ ಭಿಷಕ್||೭೫|| ಇತಿ ವೈದ್ಯಪತಿಸಿಂಹಗುಪ್ತಸ್ಯ ಸೂನೋರ್ವಾಗ್ಭಟಸ್ಯ ಕೃತೌ ಅಷ್ಟಾಙ್ಗಸಂಗ್ರಹಸಂಹಿತಾಯಾಂ ಶಾರೀರಸ್ಥಾನೇ ಮರ್ಮವಿಭಾಗೋನಾಮ ಸಪ್ತಮೋಽಧ್ಯಾಯಃ||೭||