7. marmavibhāgaḥ

Adhikarana atha marmavibhAgo nAma saptamo~adhyAyaH pratij~jA (1) · Śloka 1

അഥാതോ മര്മവിഭാഗം നാമാധ്യായം വ്യാഖ്യാസ്യാമഃ| ഇതി ഹ സ്മാഹുരാത്രേയാദയോ മഹര്ഷയഃ||൧||

Adhikarana marmaNAM sa~gkhyA (2) · Śloka 2

സപ്തോത്തരം മര്മശതമ്||൨||

Adhikarana marmaNAM sthAnAni (3) · Śloka 3

തത്ര ചതുശ്ചത്വാരിംശച്ഛാഖാസു| ഷഡ്വിംശതിരന്തരാധൌ| സപ്തത്രിംശദൂര്ധ്വമ്||൩||

Adhikarana talahRudayaM nAmamarma tatra viddhe vyAghAtaH (4) · Śloka 4

അഥൈകൈകസ്മിന് സക്ഥ്നി മധ്യമാങ്ഗുലിമഭിതോ മധ്യേ പാദ- തലസ്യ തലഹൃദയം നാമ മര്മ| തത്ര വിദ്ധസ്യ രുജയാ മര ണമ്||൪||

Adhikarana kShipramarma, tatra viddhe maraNam (5) · Śloka 5

അങ്ഗുഷ്ഠാങുല്യോര്മധ്യേ ക്ഷിപ്രം തത്രാऽऽക്ഷേപകേന മരണമ്||൫||

Adhikarana kUrcamarma, tatra viddhe vyApacca (6) · Śloka 6

ക്ഷിപ്രസ്യോപരി ദ്വ്യങ്ഗുല ഉഭയതഃ കൂര്ചഃ| തത്ര പാദസ്യ ഭ്രമണവേപനേ ഭവതഃ||൬||

Adhikarana kUrcashiromarma, tatra viddhe vyApacca (7) · Śloka 7

ഗുല്ഫസന്ധേരധഃ കൂര്ചശിരഃ| തത്ര രുജാശോപൌ||൭||

Adhikarana gulphamarma, tatra viddhe vyApacca (8) · Śloka 8

പാദജങ്ഘയോഃ സന്ധാനേ ഗുല്ഫഃ| തത്ര രുക് സ്തബ്ധസക്ഥിതാ ഷണ്ഢതാ വാ||൮||

Adhikarana indrabastimarma, tatra viddhe vyApacca (9) · Śloka 9

പാര്ഷ്ണിപ്രഭൃതി ദ്വാദശഭിരങ്ഗുലൈര്ജങ്ഘാമധ്യേ ഇന്ദ്രബസ്തിഃ| തത്ര ശോണിതക്ഷയാന്മരണമ്||൯||

Adhikarana jAnumarma, tatra viddhe vyApacca (10) · Śloka 10

ജങ്ഗോര്വോഃ സന്ധാനേ ജാനുഃ| തത്ര ഖഞ്ജത||൧൦||

Adhikarana ANimarma, tatra viddhe vyApacca (11) · Śloka 11

ജാനുനസ്ത്ര്യങ്ഗുലാദൂര്ധ്വമുഭയത ആണിഃ| തത്ര ശോഫാഭിവൃദ്ധിഃ സ്തബ്ധസക്ഥിതാ ച||൧൧||

Adhikarana UrvI marma, tatra viddhe vyApacca (12) · Śloka 12

ഊരുമധ്യേ ഊര്വീ| തത്ര രക്തക്ഷയാത്സക്ഥിശോഷഃ||൧൨||

Adhikarana lohitAkShamarma tatra viddhe vyApacca (13) · Śloka 13

ഊര്വ്യാസ്തൂര്ധ്വമധോ വംക്ഷണസന്ധേരൂരുമൂലേ ലോഹിതാക്ഷമ്| തത്ര രക്തക്ഷയാത് പക്ഷാഘാതഃ||൧൩||

Adhikarana viTapamarma, tatra viddhe vyApacca (14) · Śloka 14

വംക്ഷണവൃഷണയോര്മധ്യേ വിടപമ്| തത്ര ഷാണ്ഢ്യമല്പശുക്രതാ വാ||൧൪||

Adhikarana bAhumarmANi, tatra viddhe vyApacca (15) · Śloka 15

സക്ഥിവദ് ബാഹ്വോഃ||൧൫||

Adhikarana bAhumarmaNi visheShaH (16) · Śloka 16

വിശേഷസ്തു-ഗുല്ഫോ മണിബന്ധസ്തഥാ ജാനുകൂര്പരമ്| തയോര്വ്യധേ കുണിതാ||൧൬||

Adhikarana kakShAradharamarma, tatra viddhe vyApacca (17) · Śloka 17

വിടപവച്ച കക്ഷാക്ഷമധ്യേ കക്ഷാധരഃ| തത്ര കുണിത്വമ്||൧൭||

Adhikarana antarAdhimarmANi gudamarma, tatra viddhe sadyomaraNam (18) · Śloka 18

വാതവര്ചോനിരസനഃ സ്ഥൂലാന്ത്രവിബദ്ധോ ഗുദഃ| തത്ര സദ്യോ മരണമ്||൧൮||

Adhikarana bastimarma, tatra viddhe vyApacca (19) · Śloka 19

അല്പമാംസശോണിതോऽഭ്യന്തരതഃ കട്യാ ധനുര്വക്ര ഏകദ്വാരോऽധോമുഖീ ബസ്തിഃ| തത്രാപി സദ്യോ മരണമശ്മരീവ്രണാ- ദൃതേ| തത്രാപ്യുഭയതോ വിദ്ധേ ന ജീവതി| ഏകതോ ഭിന്നേ മൂത്രസ്രാവീവ്രണോ ഭവതി| സ തു യത്നേനോപക്രാന്തോ രോഹതി||൧൯||

Adhikarana nAbhimarma, tatra viddhe vyApacca (20) · Śloka 20

പക്വാമാശയമധ്യേ നാഭിഃ തത്രാപി സദ്യോമരണമ്||൨൦||

Adhikarana hRudayamarma, tatra viddhe vyApacca (21) · Śloka 21

കോഷ്ഠവക്ഷസോഃ സ്തനയോശ്ച മധ്യേ സത്ത്വരജസ്തമോऽധിഷ്ഠാ നമാമാശയദ്വാരം ഹൃദയമ്| തത്രാപി സദ്യോ മരണമ്||൨൧||

Adhikarana stanamUlamarma, tatra viddhe vyApacca (22) · Śloka 22

സ്തനയോരധസ്താദ് ദ്വ്യങ്ഗുലമുഭയതഃ സ്തനമൂലേ തയോഃ കഫപൂര്ണകോഷ്ഠസ്യ മരണമ്||൨൨||

Adhikarana stanarohitamarma, tatra viddhe vyApacca (23) · Śloka 23

സ്തനചൂചുകയോരൂര്ധ്വം ദ്വ്യങ്ഗുലമുഭയതഃ സ്തനരോഹിതേ| തയോഃ ശോണിതപുര്ണകോഷ്ഠസ്യ മരണമ്||൨൩||

Adhikarana apastambhau marmaNI tatra viddhe vyApacca (24) · Śloka 24

ഉഭയത്രോരസോ നാഡ്യൌ വാതവഹേ അപസ്തമ്ഭൌ| തയോഃ ശോണിതപൂര്ണകോഷ്ഠതയാ കാസശ്വാസാഭ്യാം ച മരണമ്||൨൪||

Adhikarana apAlApamarmaNI tatra viddhe vyApacca (25) · Śloka 25

അംസകൂടയോരധഃ പാര്ശ്വയോരുപരി ഭാഗയോരപാലാപൌ| തയോഃ പൂയത്വമാപന്നേന രക്തേന മരണമ്||൨൫||

Adhikarana kaTIkataruNe marmaNI tatra viddhe vyApacca (26) · Śloka 26

പൃഷ്ഠവംശമുഭയതഃ പ്രതിശ്രോണീകര്ണാവസ്ഥിനീ കടീകതരുണേ| തയോഃ ശോണിതക്ഷയാത് പാണ്ഡുര്വിവര്ണോ ഹീനരുപോ മ്രിയതേ||൨൬||

Adhikarana kukundaramarma, tatra viddhe vyApacca (27) · Śloka 27

പാര്ശ്വയോര്ജഘനബഹിര്ഭാഗേ പൃഷ്ഠവംശമുഭയതഃ കുകുന്ദരൌ| തയോഃ സ്പര്ശാജ്ഞാനമധഃ കായേ ചേഷ്ടാനാശശ്ച||൨൭||

Adhikarana nitambamarmaNI, tatra viddhe vyApacca (28) · Śloka 28

ശോണീകര്ണയോരുപര്യ്യാശയാച്ഛാദനൌ പാര്ശ്വാന്തരപ്രതിബദ്ധൌ നിതമ്ബൌ| തയോരധഃ കായേ ശോഫോ ദൌര്ബല്യം മരണഞ്ച||൨൮||

Adhikarana pArshvasandhimarmaNI tatra viddhe vyApacca (29) · Śloka 29

അധഃ പാര്ശ്വാന്തരപ്രതിബദ്ധൌ ജഘനപാര്ശ്വമധ്യേ തിര്യ്യഗൂര്ധ്വം ച പാര്ശ്വസന്ധീ| തയോഃ ശോണിതപൂര്ണകോഷ്ഠതയാ മരണമ്||൨൯||

Adhikarana bRuhatyAkhyau marmaNI, tatra viddhe vyApacca (30) · Śloka 30

അധഃ പാറ്ശ്വാന്തരപ്രതിബദ്ധൌ ജഘനപാര്ശ്വമധ്യേ തിര്യ്യഗൂര്ധ്വം ച പാര്ശ്വസന്ധീ| തയോഃ ശോണിതപൂര്ണകോഷ്ഠതയാ മരണമ്||൩൦||

Adhikarana aMsaphalamarmaNI, tatra vyApacca (31) · Śloka 31

പൃഷ്ഠവംശമുഭയതോ ബാഹുമൂലസമ്ബദ്ധേ അംസഫലകേ| തയോര്ബാഹുസ്വാപശോഷൌ||൩൧||

Adhikarana aMsAkhye marmaNI, tatra viddhe vyApacca (32) · Śloka 32

ഗ്രീവാബാഹുശിരോമധ്യേംऽസപീഠസ്കന്ധബന്ധനാവംസൌ| തയോഃ സ്തമ്ബ്ധബാഹുതാ||൩൨||

Adhikarana UrdhvamarmANi dve nIle dve manye tatra viddhe vyApacca (33) · Śloka 33

കണ്ഠനാഡീമുഭയതശ്ചതസ്രോ ധമന്യഃ| താസാം ദ്വേ നീലേ, ദ്വേ മന്യേ| താസു മൂകതാ, സ്വരവൈകൃത്യം, രസാഗ്രാഹിതാ വാ ഭവതി||൩൩||

Adhikarana mAtRukAmarmANi tatra viddhe vyApacca (34) · Śloka 34

ഗ്രീവായാമുഭയതഃ പൃഥക് ചതസ്രഃ സിരാ മാതൃകാസ്താസു സദ്യോ മരണമ്||൩൪||

Adhikarana kRukATikAkhye marmANi tatra viddhe vyApacca (35) · Śloka 35

ശിരോഗ്രീവയോഃ സന്ധാനേ കൃകാടികേ| തയോശ്ചലമൂര്ധതാ||൩൫||

Adhikarana vidhurAkhye marmaNi tatra viddhe vyApacca (36) · Śloka 36

കര്ണപൃഷ്ഠയോരധഃസംശ്രിതേ വിധുരേ| തയോര്ബാധിര്യമ്||൩൬||

Adhikarana phaNAkhye marmaNI, tatra viddhe vyApacca (37) · Śloka 37

ഘ്രാണമാര്ഗമുഭയതഃ ശ്രോത്രമാര്ഗപ്രതിബദ്ധാവഭ്യന്തരതഃ ഫണൌ| തയോര്ഗന്ധാജ്ഞാനമ്||൩൭||

Adhikarana apA~ggAkhye marmaNI tatra viddhe vyApacca (38) · Śloka 38

ഭ്രുവോഃ പുച്ഛാന്തയോരധോऽക്ഷ്ണോര്ബാഹ്യതോऽപാങ്ഗൌ| തയോരാന്ധ്യമ്||൩൮||

Adhikarana sha~gkhAkhye marmaNI, tatra viddhe vyApacca (39) · Śloka 39

ഭ്രുവോഃ പുച്ഛാന്തയോരുപര്യനുകര്ണം ലലാടേ ശങ്ഖൌ| തയോഃ സദ്യോ മരണമ്||൩൯||

Adhikarana AvarttAkhye marmaNI tatra viddhe vyApacca (40) · Śloka 40

ഭ്രുവോരുപരി നിമ്നയോരാവര്ത്തൌ തയോരാന്ധ്യം ദൃഷ്ട്യുപഘാതോ വാ||൪൦||

Adhikarana utkShepAkhye marmaNI tatra viddhasya vyApacca (41) · Śloka 41

ശങ്ഖയോരുപരി കേശാന്തേ ഉത്ക്ഷേപൌ| തയോഃ സശല്യഃ പാകാത് പതിതശല്യോ വാ ജീവേന്നോദ്ധൃതശല്യഃ||൪൧||

Adhikarana sthapanyakhye marmaNI tatra viddhasyAvasthA ca (42) · Śloka 42

ഭ്രുവോര്മധ്യേ സ്ഥപനീ| തത്രോത്ക്ഷേപവത്||൪൨||

Adhikarana sImantAkhyAni marmANi tatra viddhasya vyApacca (43) · Śloka 43

പഞ്ച സന്ധയഃ ശിരസി| തിര്യ്യഗൂര്ധ്വം ച സീമന്താനാമ്| തേഷൂന്മാദഭ്രമചിത്തനാശൈര്മരണമ്||൪൩||

Adhikarana shRu~ggATakAkhyAni marmANi tatra viddhe vyApacca (44) · Śloka 44

ജിഹ്വാഘ്രാണാക്ഷിശ്രോത്രതര്പണീനാം സിരാണാം താലുനി സന്നിപാതഃ| താസാം മുഖാനി ചത്വാരി ശൃങ്ഗാടകസംജ്ഞാനി| തേഷു സദ്യോമരണമ്||൪൪||

Adhikarana adhipratisaMj~jaM marma tatra viddhe vyApacca (45) · Śloka 45

മസ്തകാഭ്യന്തര ഉപരിഷ്ടാത്സിരാസന്ധിസന്നിപാതോ രോമാവര്ത്തഃ സോऽധിപതിര്നാമ| തത്രാപി സദ്യോമരണം ഭവതീതി||൪൫||

Adhikarana marmaNAM sAmAnyalakShaNam (46) · Śloka 46

സാമാന്യലക്ഷണം പുനര്മര്മണാം പീഡിതേ രുജോത്പത്തിര്വിഷമം ച സ്പന്ദനമ്||൪൬||

Adhikarana marmaviddhalakShaNam (47) · Śloka 47

സാമാന്യേനൈവ ച - ദേഹപ്രസുപ്തിര്ഗുരുതാ സമ്മോഹഃ ശീതകാമിതാ| സ്വേദോ മൂര്ച്ഛാ വമിഃ ശ്വാസോ മര്മവിദ്ധസ്യ ലക്ഷണമ്||൪൭||

Adhikarana marmashabdanirvacanam (48) · Śloka 48

അപി ച-മരണകാരിത്വാന്മര്മ||൪൮||

Adhikarana mAMsAdibhedena marmaNAM pa~jcadhAtvam (49) · Śloka 49

തത്പുനര്മാംസസിരാസ്നായ്വസ്ഥിസന്ധിസന്നിപാതഃ| തേന തസ്മിന് പീഡ്യമാനേ വിശേഷതഃ പ്രാണബാധഃ| ബാഹുല്യേന തു നിര്ദേശഃ| തസ്മാന്മാംസാദ്യാശ്രയതോ മര്മാണി പഞ്ചധാ ഭിദ്യന്തേ||൪൯||

Adhikarana mAMsamarmANi (50) · Śloka 50

തദ്യഥാ തലഹൃദയേന്ദ്രബസ്തിഗുദസ്തനരോഹിതാന്യേകാദശ മാംസമര്മാണി||൫൦||

Adhikarana sirAmarmANi (51) · Śloka 51

ഉര്വീലോഹിതാഖ്യനാഭിഹൃദയസ്തനമൂലാപസ്തമ്ഭാപാലാപപാര്ശ്വസന്ധിബൃഹതീനീലാമന്യാമാതൃകാഫണാപാങ്ഗസ്ഥപനീശൃങ്ഗാടകാന്യേകചത്വാരിംശത്സിരാമര്മാണി||൫൧||

Adhikarana snAvamarmaNi (52) · Śloka 52

ക്ഷിപ്രകൂര്ചകൂര്ചശിരോവിടപകക്ഷാധരാണി ബസ്ത്യംസവിധുരോത്ക്ഷേപാഃ സപ്തവിംശതിഃ സ്നാവമര്മാണി||൫൨||

Adhikarana asthimarmANi (53) · Śloka 53

കടീകതരുണനിതമ്ബാംസഫലകശങ്ഖാസ്ത്വഷ്ടാവസ്ഥിമര്മാണി||൫൩||

Adhikarana sandhimarmANi (54) · Śloka 54

ഗുല്ഫമണിബന്ധജാനുകൂര്പരകുകുന്ദരകൃകാടികാവര്തസീമന്താധിപതയോ വിംശതിഃ സന്ധിമര്മാണി||൫൪||

Adhikarana punaH prakArantareNa marmANAM pa~jcavidhatvam (55) · Śloka 55

പുനശ്ച പഞ്ചധാ||൫൫||

Adhikarana sadyaH prANaharANi marmANi (56) · Śloka 56

ഗുദബസ്തിനാഭിഹൃദയമാതൃകാശങ്ഖശൃങ്ഗാടകാധിപതയ ഏകോനവിംശതിഃ സദ്യഃ പ്രാണഹരാണ്യാഗ്നേയത്വാത്| തേഷാം സപ്തരാത്രാഭ്യന്തരം കലഃ||൫൬||

Adhikarana kAlAntaraprANaharANi marmANi (57) · Śloka 57

തലഹൃദയക്ഷിപ്രേന്ദ്രബസ്തിവക്ഷോമര്മകടീകതരുണനിതമ്ബപാര്ശ്വസന്ധിബൃഹതീസീമന്താസ്ത്രയസ്ത്രിശത്കാലാന്തരപ്രാണഹരാണി| സൌമ്യാഗ്നേയത്വാത്തേഷാം പക്ഷാഭ്യന്തരം കാലഃ| തേഷ്വപി തു ക്ഷിപ്രാണി കദാചിദാശു||൫൭||

Adhikarana vishalyaghnAni marmANi (58) · Śloka 58

ഉത്ക്ഷേപൌ സ്ഥപനീ ച ത്രീണി വിശല്യഘ്നാനി വായവ്യത്വാത്| ശല്യമുഖാവരുദ്ധോ ഹി യാവദത്ര വായുസ്ഥിഷ്ഠതി താവജ്ജീവതി||൫൮||

Adhikarana vaikalyakarANi marmANi (59) · Śloka 59

കൂര്ചജാനുകൂര്പരാണ്യുര്വീലോഹിതാഖ്യവിടപകക്ഷാധരകുകുന്ദരാംസഫലകനീലാമന്യാകൃകാടികാവിധുരഫണാപാങ്ഗാവര്ത്താശ്ചതുശ്ചത്വാരിംശദ്വൈകല്യകരാണി സൌമ്യത്വാത്| സോമോ ഹി സ്ഥൈര്യശൈത്യാഭ്യാം പ്രാണാന് ധാരയതി| താന്യപി ച കദാചിദഭിഹതാനി മാരയന്തി||൫൯||

Adhikarana rujAkarANi marmANi (60) · Śloka 60

കൂര്ചശിരോഗുല്ഫമണിബന്ധാസ്ത്വഷ്ടൌ രുജാകരാണ്യഗ്നിവായുസോമഗുണബാഹുല്യാത്| അഗ്നിവായൂ ഹി വിശേഷേണ രുജാകരൌ| സോമസ്തു പ്രാണാനവലമ്ബത ഇത്യുക്തമ്||൬൦||

Adhikarana anyamatena sadyaHprANaharAdimarmavivaraNam (61) · Śloka 61

അന്യേ ത്വാഹുഃ-മാംസാദീനാം പഞ്ചാനാമപി വിവൃദ്ധാനാം സമവായാത് സദ്യഃപ്രാണഹരാണി| ഏകൈകഹീനാനാമല്പാനാം ച ക്രമാദിതരാണി സ്വഭാവത ഏവ ച||൬൧||

Adhikarana aparamatam (62) · Śloka 62

അന്യേ വദന്തി-പ്രതിനിയതകര്മാണി ചന്ദ്രസൂര്യായസ്കാന്തോപലാനാമിവാമ്ബുവഹ്നികാലലോഹസംശ്ലേഷാസ്തഥാ ച ഛിന്നേഷു ബഹുമര്മസ്വപി പാണിപാദേഷു സ്വഭാവത ഏവ ന മൃത്യുഃ||൬൨||

Adhikarana aparamate~api hetupratipAdanam (63) · Śloka 63

അപരേ പുനരത്രാപി ഹേതുമാഹുഃ-പാണിപാദച്ഛേദേ ഹി സിരാഃ സങ്കോചമായാന്തി| തതോऽല്പാസൃക്പ്രവൃത്തേര്ജീവിതമ്| മര്മവ്യധേ ത്വതിരക്തസ്രുതിതോ വായുവൈകൃതേന ച മരണമ്| തസ്മാത് മര്മാഭിഹതസ്യ തദങ്ഗമാശു സന്ധിദേശാച്ഛേദനീയമ്| അതിഹതാനാം തു മര്മണാം യഥാസ്വം പൂര്വം പൂര്വം ച കര്മ ഈ ഷദന്തേ വാ ഹതാനാമുത്തരോത്തരമേവ||൬൩||

Adhikarana marmaNAM mAnabhedena punaH pa~jcavidhatvam (64) · Śloka 64

പുനശ്ച പഞ്ചധാ ഭിദ്യന്തേ||൬൪||

Adhikarana svA~ggulamAnAni marmANi (65) · Śloka 65

തദ്യഥാ-ഉര്വ്യഃ കൂര്ചശിരാംസിവിടപേ കക്ഷാധരേ ച ദ്വാദശ സ്വാങ്ഗുലോന്മിതാനി||൬൫||

Adhikarana dvya~ggulamAnAni marmANi (66) · Śloka 66

ഗുല്ഫൌ മണിബന്ധൌ സ്തനമൂലേ ച ഷട് ദ്വ്യങ്ഗുലാനി||൬൬||

Adhikarana trya~ggulAnAni marmANi (67) · Śloka 67

ജാനുനീ കൂര്പരേ ച ചത്വാരി ത്ര്യങ്ഗുലാനി||൬൭||

Adhikarana pANitalasammitAni marmANi (68) · Śloka 68

കൂര്ചാ ഗുദോ ബസ്തിര്നാഭിര്ഹൃദയം നീലേ മന്യേ മാതൃകാഃ സീമന്താഃ ശൃങ്ഗാടകാനി ചൈകോനത്രിംശത് പാണിതലസമ്മിതാനി||൬൮||

Adhikarana ardhA~ggulamAnAni marmANi (69) · Śloka 69

ശേഷാണി ഷട് പഞ്ചാശദങ്ഗുലദലപ്രമാണാനി||൬൯||

Adhikarana matAntareNa marmamAnAni (70) · Śloka 70

അന്യേ പുനരാഹുഃ-വ്രീഹിപ്രമാണാനി ക്ഷിപ്രാണി| കലായപ്രമാണാഃ സ്തനരോഹിതോത്ക്ഷേപാഃ തഥാऽന്യേ തില- പ്രമാണാന്യപി മര്മാണീച്ഛന്തി||൭൦||

Adhikarana AyurmarmANi rakShati (71) · Śloka 71

ഭവന്തി ചാത്ര- മര്മവ്യാപ്തേऽപി ദേഹേऽസ്മിന്നായുര്മര്മാണി രക്ഷതി| ആയുഷ്യാണ്യേവ സേവേത സദാ തസ്മാദ്വിചക്ഷണഃ||൭൧||

Adhikarana marmANi yatnataH pAlanIyAni (72) · Śloka 72

മര്മാഭിഘാതഃ സ്വല്പോऽപി പ്രായശോ ബാധതേതരാമ്| രോഗാ മര്മാശ്രയാസ്തദ്വത് പ്രകാന്താ യത്നതോऽപി ച||൭൨||

Adhikarana marmopaghAtAnmumUrShorlakShaNAni (73) · Śloka 73

വിക്ഷിപ്യതേ ഭൃശം സീദന് ശൂന്യോ ഭ്രമതി വേപതേ| ഊര്ധ്വം ശ്വസിതി കൃച്ഛ്രേണ സ്രസ്തഗാത്രോ മുഹുര്മുഹുഃ| ഹൃദയം ദഹ്യതേ ചാസ്യ നൈകസ്ഥാനേऽവതിഷ്ഠതേ| മര്മോപഘാതാന്മരണമേതൈര്ലിങ്ഗൈഃ സമശ്നുതേ||൭൩||

Adhikarana raktAtisrutireva maraNahetuH (74) · Śloka 74

അമര്മവിദ്ധോऽപി നരശ്ഛേദഭേദാദിപീഡിതഃ| അതിനിസ്സൃതരക്തശ്ച സദ്യസ്ത്യജതി ജീവിതമ്| അതോऽന്യഥാ ജീവതി തു വിദ്ധഃ ശരശതൈരപി||൭൪||

Adhikarana marmaviddhaM pratyAkhyAya cikitset (75-7) · Śloka 7

പുണ്യവാന്നിയതായുശ്ച ന കഥഞ്ചിന്ന ജീവതി| തസ്മാദാചരമോച്ഛ്വാസാച്ചികിത്സേദേവ യത്നതഃ| തദ്ബന്ധുമിത്രാനുമതഃ പ്രത്യാഖ്യായാതുരം ഭിഷക്||൭൫|| ഇതി വൈദ്യപതിസിംഹഗുപ്തസ്യ സൂനോര്വാഗ്ഭടസ്യ കൃതൌ അഷ്ടാങ്ഗസംഗ്രഹസംഹിതായാം ശാരീരസ്ഥാനേ മര്മവിഭാഗോനാമ സപ്തമോऽധ്യായഃ||൭||