Adhikarana 1 (1-2) · Śloka 2
அதாதோ ஹிதாஹிதீயமத்யாயஂ வ்யாக்யாஸ்யாமஃ ||௧|| யதோவாச பகவாந் தந்வந்தரிஃ ||௨||
View original
अथातो हिताहितीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
20. hitāhitīyādhyāyaḥ
Adhikarana 2 (3) · Śloka 3
யத்வாயோஃ பத்யஂ தத் பித்தஸ்யாபத்யமித்யநேந ஹேதுநா ந கிஞ்சித்த்ரவ்யமேகாந்தேந ஹிதமஹிதஂ வாऽஸ்தீதி கேசிதாசார்யா ப்ருவதே | தத்து ந ஸம்யக்; இஹ கலு யஸ்மாத்த்ரவ்யாணி ஸ்வபாவதஃ ஸஂயோகதஶ்சைகாந்தஹிதாந்யேகாந்தாஹிதாநி ஹிதாஹிதாநி ச பவந்தி ||௩||
View original
यद्वायोः पथ्यं तत् पित्तस्यापथ्यमित्यनेन हेतुना न किञ्चिद्द्रव्यमेकान्तेन हितमहितं वाऽस्तीति केचिदाचार्या ब्रुवते | तत्तु न सम्यक्; इह खलु यस्माद्द्रव्याणि स्वभावतः संयोगतश्चैकान्तहितान्येकान्ताहितानि हिताहितानि च भवन्ति ||३||
🔊 Audio coming soon
Adhikarana 3 (4) · Śloka 4
தத்ர ,ஏகாந்தஹிதாநி ஜாதிஸாத்ம்யாத் ஸலிலகததுக்தௌதநப்ரபதீநி; ஏகாந்தாஹிதாநி து தஹநபசநமாரணாதிஷு ப்ரவத்தாந்யநலக்ஷாரவிஷாதீநி, ஸஂயோகாதபராணி விஷதுல்யாநி பவந்தி; ஹிதாஹிதாநி து யத்வாயோஃ பத்யஂ தத் பித்தஸ்யாபத்யமிதி ||௪||
View original
तत्र ,एकान्तहितानि जातिसात्म्यात् सलिलघृतदुग्धौदनप्रभृतीनि; एकान्ताहितानि तु दहनपचनमारणादिषु प्रवृत्तान्यनलक्षारविषादीनि, संयोगादपराणि विषतुल्यानि भवन्ति; हिताहितानि तु यद्वायोः पथ्यं तत् पित्तस्यापथ्यमिति ||४||
🔊 Audio coming soon
Adhikarana 4 (5) · Śloka 5
அதஃ ஸர்வப்ராணிநாமயமாஹாரார்தஂ வர்க உபதிஶ்யதே; தத்யதா- ரக்தஶாலிஷஷ்டிககங்குக்ரமுகுந்தகபாண்டுகபீதகப்ரமோதககாலகாஸநகபுஷ்பககர்தமகஶகுநாஹதஸுகந்தககலம- நீவாரகோத்ரவோத்தாலகஶ்யாமாககோதூமயவவைணவைணஹரிணகுரங்கமகமாதகாஶ்வதஂஷ்ட்ராகராலக்ரகரகபோதலாவதித்திரிகபிஞ்ஜலவர்தீரவர்திகா முத்கவநமுத்கமகுஷ்டகலாயமஸூரமங்கல்யசணகஹரேண்வாடகீஸதீநாஶ்சில்லிவாஸ்துகஸுநிஷண்ணகஜீவந்தீதண்டுலீயகமண்டூகபர்ண்யஃ, கவ்யஂ கதஂ, ஸைந்தவஂ, தாடிமாமலகமித்யேஷ வர்கஃ ஸர்வப்ராணிநாஂ ஸாமாந்யதஃ பத்யதமஃ ||௫||
View original
अतः सर्वप्राणिनामयमाहारार्थं वर्ग उपदिश्यते; तद्यथा- रक्तशालिषष्टिककङ्गुक्रमुकुन्दकपाण्डुकपीतकप्रमोदककालकासनकपुष्पककर्दमकशकुनाहृतसुगन्धककलम- नीवारकोद्रवोद्दालकश्यामाकगोधूमयववैणवैणहरिणकुरङ्गमृगमातृकाश्वदंष्ट्राकरालक्रकरकपोतलावतित्तिरिकपिञ्जलवर्तीरवर्तिका मुद्गवनमुद्गमकुष्ठकलायमसूरमङ्गल्यचणकहरेण्वाढकीसतीनाश्चिल्लिवास्तुकसुनिषण्णकजीवन्तीतण्डुलीयकमण्डूकपर्ण्यः, गव्यं घृतं, सैन्धवं, दाडिमामलकमित्येष वर्गः सर्वप्राणिनां सामान्यतः पथ्यतमः ||५||
🔊 Audio coming soon
Adhikarana 5 (6) · Śloka 6
ததா ப்ரஹ்மசர்யநிவாதஶயநோஷ்ணோதகஸ்நாநநிஶாஸ்வப்நவ்யாயாமாஶ்சைகாந்ததஃ பத்யதமாஃ ||௬||
View original
तथा ब्रह्मचर्यनिवातशयनोष्णोदकस्नाननिशास्वप्नव्यायामाश्चैकान्ततः पथ्यतमाः ||६||
🔊 Audio coming soon
Adhikarana 6 (7) · Śloka 7
ஏகாந்தஹிதாந்யேகாந்தாஹிதாநி து ப்ராகுபதிஷ்டாநி, ஹிதாஹிதாநி து யத்வாயோஃ பத்யஂ தத் பித்தஸ்யாபத்யமிதி ||௭||
View original
एकान्तहितान्येकान्ताहितानि तु प्रागुपदिष्टानि, हिताहितानि तु यद्वायोः पथ्यं तत् पित्तस्यापथ्यमिति ||७||
🔊 Audio coming soon
Adhikarana 7 (8) · Śloka 8
ஸஂயோகதஸ்த்வபராணி விஷதுல்யாநி பவந்தி | தத்யதா- வல்லீபலகவககரீராம்லபலலவணகுலத்தபிண்யாகததிதைலவிரோஹிபிஷ்டஶுஷ்கஶாகாஜாவிகமாஂஸமத்யஜாம்பவசிலிசிமமத்ஸ்யகோதாவராஹாஂஶ்ச நைகத்யமஶ்நீயாத் பயஸா ||௮||
View original
संयोगतस्त्वपराणि विषतुल्यानि भवन्ति | तद्यथा- वल्लीफलकवककरीराम्लफललवणकुलत्थपिण्याकदधितैलविरोहिपिष्टशुष्कशाकाजाविकमांसमद्यजाम्बवचिलिचिममत्स्यगोधावराहांश्च नैकध्यमश्नीयात् पयसा ||८||
🔊 Audio coming soon
Adhikarana 8 (9) · Śloka 9
ரோகஂ ஸாத்ம்யஂ ச தேஶஂ ச காலஂ தேஹஂ ச புத்திமாந் | அவேக்ஷ்யாக்ந்யாதிகாந் பாவாந் ரோகவத்தேஃ ப்ரயோஜயேத் ||௯||
View original
रोगं सात्म्यं च देशं च कालं देहं च बुद्धिमान् | अवेक्ष्याग्न्यादिकान् भावान् रोगवृत्तेः प्रयोजयेत् ||९||
🔊 Audio coming soon
Adhikarana 9 (10-12) · Śloka 12
அவஸ்தாந்தரபாஹுல்யாத்ரோகாதீநாஂ வ்யவஸ்திதம் | த்ரவ்யஂ நேச்சந்தி பிஷஜ இச்சந்தி ஸ்வஸ்தரக்ஷணே ||௧௦|| த்வயோரந்யதராதாநே வதந்தி விஷதுக்தயோஃ | துக்தஸ்யைகாந்தஹிததாஂ விஷமேகாந்ததோऽஹிதம் ||௧௧|| ஏவஂ யுக்தரஸேஷ்வேஷு த்ரவ்யேஷு ஸலிலாதிஷு | ஏகாந்தஹிததாஂ வித்தி வத்ஸ ஸுஶ்ருத நாந்யதா ||௧௨||
View original
अवस्थान्तरबाहुल्याद्रोगादीनां व्यवस्थितम् | द्रव्यं नेच्छन्ति भिषज इच्छन्ति स्वस्थरक्षणे ||१०|| द्वयोरन्यतरादाने वदन्ति विषदुग्धयोः | दुग्धस्यैकान्तहिततां विषमेकान्ततोऽहितम् ||११|| एवं युक्तरसेष्वेषु द्रव्येषु सलिलादिषु | एकान्तहिततां विद्धि वत्स सुश्रुत नान्यथा ||१२||
🔊 Audio coming soon
Adhikarana 10 (13) · Śloka 13
அதோऽந்யாந்யபி ஸஂயோகாதஹிதாநி வக்ஷ்யாமஃ- நவவிரூடதாந்யைர்வஸாமதுபயோகுடமாஷைர்வா க்ராம்யாநூபௌதகபிஶிதாதீநி நாப்யவஹரேத்; ந பயோமதுப்யாஂ ரோஹிணீஶாகஂ ஜாதுகஶாகஂ வாऽஶ்நீயாத், பலாகாஂ வாருணீகுல்மாஷாப்யாஂ, காகமாசீஂ பிப்பலீமரிசாப்யாஂ; நாடீபங்கஶாககுக்குடததீநி ச நைகத்யஂ; மது சோஷ்ணோதகாநுபாநஂ; பித்தேந சாமமாஂஸாநி; ஸுராகஶராபாயஸாஂஶ்ச நைகத்யஂ; ஸௌவீரகேண ஸஹ திலஶஷ்குலீஂ; மத்ஸ்யைஃ ஸஹேக்ஷுவிகாராந்; குடேந காகமாசீஂ, மதுநா மூலகஂ, குடேந வாராஹஂ மதுநா ச ஸஹ விருத்தஂ; க்ஷீரேண மூலகம், ஆம்ரஜாம்பவஶ்வாவிச்சூகரகோதாஶ்ச; ஸர்வாஂஶ்ச மத்ஸ்யாந் பயஸா, விஶேஷேண சிலிசிமஂ; கதலீபலஂ தாலபலேந பயஸா தத்நா தக்ரேண வா; லகுசபலஂ பயஸா தத்நா மாஷஸூபேந வா, ப்ராக் பயஸஃ பயஸோऽந்தே வா ||௧௩||
View original
अतोऽन्यान्यपि संयोगादहितानि वक्ष्यामः- नवविरूढधान्यैर्वसामधुपयोगुडमाषैर्वा ग्राम्यानूपौदकपिशितादीनि नाभ्यवहरेत्; न पयोमधुभ्यां रोहिणीशाकं जातुकशाकं वाऽश्नीयात्, बलाकां वारुणीकुल्माषाभ्यां, काकमाचीं पिप्पलीमरिचाभ्यां; नाडीभङ्गशाककुक्कुटदधीनि च नैकध्यं; मधु चोष्णोदकानुपानं; पित्तेन चाममांसानि; सुराकृशरापायसांश्च नैकध्यं; सौवीरकेण सह तिलशष्कुलीं; मत्स्यैः सहेक्षुविकारान्; गुडेन काकमाचीं, मधुना मूलकं, गुडेन वाराहं मधुना च सह विरुद्धं; क्षीरेण मूलकम्, आम्रजाम्बवश्वाविच्छूकरगोधाश्च; सर्वांश्च मत्स्यान् पयसा, विशेषेण चिलिचिमं; कदलीफलं तालफलेन पयसा दध्ना तक्रेण वा; लकुचफलं पयसा दध्ना माषसूपेन वा, प्राक् पयसः पयसोऽन्ते वा ||१३||
🔊 Audio coming soon
Adhikarana 11 (14) · Śloka 14
அதஃ கர்மவிருத்தாந் வக்ஷ்யாமஃ- கபோதாந் ஸர்ஷபதைலபஷ்டாந்நாத்யாத்; கபிஞ்ஜலமயூரலாவதித்திரிகோதாஶ்சைரண்டதார்வ்யக்நிஸித்தா ஏரண்டதைலஸித்தா வா நாத்யாத்; காஂஸ்யபாஜநே தஶராத்ரபர்யுஷிதஂ ஸர்பிஃ; மது சோஷ்ணைருஷ்ணே வா; மத்ஸ்யபரிபசநே ஶங்கவேரபரிபசநே வா ஸித்தாஂ காகமாசீஂ; திலகல்கஸித்தமுபோதிகாஶாகஂ; நாரிகேலேந வராஹவஸாபரிபஷ்டாஂ பலாகாஂ; பாஸமங்காரஶூல்யஂ நாஶ்நீயாதிதி ||௧௪||
View original
अतः कर्मविरुद्धान् वक्ष्यामः- कपोतान् सर्षपतैलभृष्टान्नाद्यात्; कपिञ्जलमयूरलावतित्तिरिगोधाश्चैरण्डदार्व्यग्निसिद्धा एरण्डतैलसिद्धा वा नाद्यात्; कांस्यभाजने दशरात्रपर्युषितं सर्पिः; मधु चोष्णैरुष्णे वा; मत्स्यपरिपचने शृङ्गवेरपरिपचने वा सिद्धां काकमाचीं; तिलकल्कसिद्धमुपोदिकाशाकं; नारिकेलेन वराहवसापरिभृष्टां बलाकां; भासमङ्गारशूल्यं नाश्नीयादिति ||१४||
🔊 Audio coming soon
Adhikarana 12 (15) · Śloka 15
அதோ மாநவிருத்தாந் வக்ஷ்யாமஃ- மத்வம்புநீ மதுஸர்பிஷீ மாநதஸ்துல்யே நாஶ்நீயாத்; ஸ்நேஹௌ மதுஸ்நேஹௌ ஜலஸ்நேஹௌ வா விஶேஷாதாந்தரீக்ஷோதகாநுபாநௌ ||௧௫||
View original
अतो मानविरुद्धान् वक्ष्यामः- मध्वम्बुनी मधुसर्पिषी मानतस्तुल्ये नाश्नीयात्; स्नेहौ मधुस्नेहौ जलस्नेहौ वा विशेषादान्तरीक्षोदकानुपानौ ||१५||
🔊 Audio coming soon
Adhikarana 13 (16) · Śloka 16
அத ஊர்த்வஂ ரஸத்வந்த்வாநி ரஸதோ வீர்யதோ விபாகதஶ்ச விருத்தாநி வக்ஷ்யாமஃ- தத்ர மதுராம்லௌ ரஸவீர்யவிருத்தௌ, மதுரலவணௌ ச, மதுரகடுகௌ ச ஸர்வதஃ, மதுரதிக்தௌ ரஸவிபாகாப்யாஂ, மதுரகஷாயௌ ச, அம்லலவணௌ ரஸதஃ, அம்லகடுகௌ ரஸவிபாகாப்யாம், அம்லதிக்தாவம்லகஷாயௌ ச ஸர்வதஃ, லவணகடுகௌ ரஸவிபாகாப்யாஂ, லவணதிக்தௌ லவணகஷாயௌ ச ஸர்வதஃ, கடுதிக்தௌ ரஸவீர்யாப்யாஂ கடுகஷாயௌ ச, திக்தகஷாயௌ ரஸதஃ ||௧௬||
View original
अत ऊर्ध्वं रसद्वन्द्वानि रसतो वीर्यतो विपाकतश्च विरुद्धानि वक्ष्यामः- तत्र मधुराम्लौ रसवीर्यविरुद्धौ, मधुरलवणौ च, मधुरकटुकौ च सर्वतः, मधुरतिक्तौ रसविपाकाभ्यां, मधुरकषायौ च, अम्ललवणौ रसतः, अम्लकटुकौ रसविपाकाभ्याम्, अम्लतिक्तावम्लकषायौ च सर्वतः, लवणकटुकौ रसविपाकाभ्यां, लवणतिक्तौ लवणकषायौ च सर्वतः, कटुतिक्तौ रसवीर्याभ्यां कटुकषायौ च, तिक्तकषायौ रसतः ||१६||
🔊 Audio coming soon
Adhikarana 14 (17) · Śloka 17
தரதமயோகயுக்தாஂஶ்ச பாவாநதிஸ்நிக்தாநதிரூக்ஷாநத்யுஷ்ணாநதிஶீதாநித்யேவமாதீந் விவர்ஜயேத் ||௧௭||
View original
तरतमयोगयुक्तांश्च भावानतिस्निग्धानतिरूक्षानत्युष्णानतिशीतानित्येवमादीन् विवर्जयेत् ||१७||
🔊 Audio coming soon
Adhikarana 15 (18) · Śloka 18
பவந்தி சாத்ர- விருத்தாந்யேவமாதீநி வீர்யதோ யாநி காநிசித் | தாந்யேகாந்தாஹிதாந்யேவ ஶேஷஂ வித்யாத்திதாஹிதம் ||௧௮||
View original
भवन्ति चात्र- विरुद्धान्येवमादीनि वीर्यतो यानि कानिचित् | तान्येकान्ताहितान्येव शेषं विद्याद्धिताहितम् ||१८||
🔊 Audio coming soon
Adhikarana 16 (19) · Śloka 19
வ்யாதிமிந்த்ரியதௌர்பல்யஂ மரணஂ சாதிகச்சதி | விருத்தரஸவீர்யாணி புஞ்ஜாநோऽநாத்மவாந்நரஃ ||௧௯||
View original
व्याधिमिन्द्रियदौर्बल्यं मरणं चाधिगच्छति | विरुद्धरसवीर्याणि भुञ्जानोऽनात्मवान्नरः ||१९||
🔊 Audio coming soon
Adhikarana 17 (20) · Śloka 20
யத்கிஞ்சித்தோஷமுத்க்லேஶ்ய புக்தஂ காயாந்ந நிர்ஹரேத் | ரஸாதிஷ்வயதார்தஂ வா தத்விகாராய கல்பதே ||௨௦||
View original
यत्किञ्चिद्दोषमुत्क्लेश्य भुक्तं कायान्न निर्हरेत् | रसादिष्वयथार्थं वा तद्विकाराय कल्पते ||२०||
🔊 Audio coming soon
Adhikarana 18 (21) · Śloka 21
விருத்தாஶநஜாந் ரோகாந் ப்ரதிஹந்தி விரேசநம் | வமநஂ ஶமநஂ வாऽபி பூர்வஂ வா ஹிதஸேவநம் ||௨௧||
View original
विरुद्धाशनजान् रोगान् प्रतिहन्ति विरेचनम् | वमनं शमनं वाऽपि पूर्वं वा हितसेवनम् ||२१||
🔊 Audio coming soon
Adhikarana 19 (22) · Śloka 22
ஸாத்ம்யதோऽல்பதயா வாऽபி தீப்தாக்நேஸ்தருணஸ்ய ச | ஸ்நிக்தவ்யாயாமபலிநாஂ விருத்தஂ விததஂ பவேத் ||௨௨||
View original
सात्म्यतोऽल्पतया वाऽपि दीप्ताग्नेस्तरुणस्य च | स्निग्धव्यायामबलिनां विरुद्धं वितथं भवेत् ||२२||
🔊 Audio coming soon
Adhikarana 20 (23-29) · Śloka 29
அத வாதகுணாந் வக்ஷ்யாமஃ- பூர்வஃ ஸமதுரஃ ஸ்நிக்தோ லவணஶ்சைவ மாருதஃ | குருர்விதாஹஜநநோ ரக்தபித்தாபிவர்தநஃ ||௨௩|| க்ஷதாநாஂ விஷஜுஷ்டாநாஂ வ்ரணிநஃ ஶ்லேஷ்மலாஶ்ச யே | தேஷாமேவ விஶேஷேண ஸதா ரோகவிவர்தநஃ ||௨௪|| வாதலாநாஂ ப்ரஶஸ்தஶ்ச ஶ்ராந்தாநாஂ கபஶோஷிணாம் | மதுரஶ்சாவிதாஹீ ச கஷாயாநுரஸோ லகுஃ | தக்ஷிணோ மாருதஃ ஶ்ரேஷ்டஶ்சக்ஷுஷ்யோ பலவர்தநஃ ||௨௫|| ரக்தபித்தப்ரஶமநோ ந ச வாதப்ரகோபணஃ | விஶதோ ரூக்ஷபருஷஃ கரஃ ஸ்நேஹபலாபஹஃ ||௨௬|| பஶ்சிமோ மாருதஸ்தீக்ஷ்ணஃ கபமேதோவிஶோஷணஃ | ஸத்யஃ ப்ராணக்ஷயகரஃ ஶோஷணஸ்து ஶரீரிணாம் ||௨௭|| உத்தரோ மாருதஃ ஸ்நிக்தோ மதுர்மதுர ஏவ ச | கஷாயாநுரஸஃ ஶீதோ தோஷாணாஂ சாப்ரகோபணஃ ||௨௮|| தஸ்மாச்ச ப்ரகதிஸ்தாநாஂ க்லேதநோ பலவர்தநஃ | க்ஷீணக்ஷயவிஷார்தாநாஂ விஶேஷேண து பூஜிதஃ ||௨௯||
View original
अथ वातगुणान् वक्ष्यामः- पूर्वः समधुरः स्निग्धो लवणश्चैव मारुतः | गुरुर्विदाहजननो रक्तपित्ताभिवर्धनः ||२३|| क्षतानां विषजुष्टानां व्रणिनः श्लेष्मलाश्च ये | तेषामेव विशेषेण सदा रोगविवर्धनः ||२४|| वातलानां प्रशस्तश्च श्रान्तानां कफशोषिणाम् | मधुरश्चाविदाही च कषायानुरसो लघुः | दक्षिणो मारुतः श्रेष्ठश्चक्षुष्यो बलवर्धनः ||२५|| रक्तपित्तप्रशमनो न च वातप्रकोपणः | विशदो रूक्षपरुषः खरः स्नेहबलापहः ||२६|| पश्चिमो मारुतस्तीक्ष्णः कफमेदोविशोषणः | सद्यः प्राणक्षयकरः शोषणस्तु शरीरिणाम् ||२७|| उत्तरो मारुतः स्निग्धो मृदुर्मधुर एव च | कषायानुरसः शीतो दोषाणां चाप्रकोपणः ||२८|| तस्माच्च प्रकृतिस्थानां क्लेदनो बलवर्धनः | क्षीणक्षयविषार्तानां विशेषेण तु पूजितः ||२९||
🔊 Audio coming soon
Adhikarana puShpikA · Śloka 20
இதி ஸுஶ்ருதஸஂஹிதாயாஂ ஸூத்ரஸ்தாநே ஹிதாஹிதீயோ நாம விஂஶோऽத்யாயஃ ||௨௦||
View original
इति सुश्रुतसंहितायां सूत्रस्थाने हिताहितीयो नाम विंशोऽध्यायः ||२०||
🔊 Audio coming soon