Adhikarana 1 (1-2) · Śloka 2
অথাতঃ প্রভাষণীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातः प्रभाषणीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
4. prabhāṣaṇīyādhyāyaḥ
Adhikarana 2 (3-4) · Śloka 4
অধিগতমপ্যধ্যযনমপ্রভাষিতমর্থতঃ খরস্য চন্দনভার ইব কেবলং পরিশ্রমকরং ভবতি ||৩|| ভবতি চাত্র- যথা খরশ্চন্দনভারবাহী ভারস্য বেত্তা ন তু চন্দনস্য | এবং হি শাস্ত্রাণি বহূন্যধীত্য চার্থেষু মূঢাঃ খরবদ্বহন্তি ||৪||
View original
अधिगतमप्यध्ययनमप्रभाषितमर्थतः खरस्य चन्दनभार इव केवलं परिश्रमकरं भवति ||३|| भवति चात्र- यथा खरश्चन्दनभारवाही भारस्य वेत्ता न तु चन्दनस्य | एवं हि शास्त्राणि बहून्यधीत्य चार्थेषु मूढाः खरवद्वहन्ति ||४||
🔊 Audio coming soon
Adhikarana 3 (5) · Śloka 5
তস্মাত্ সবিংশমধ্যাযশতমনুপদপাদশ্লোকমনুবর্ণযিতব্যমনুশ্রোতব্যং চ; কস্মাত্? সূক্ষ্মা হি দ্রব্যরসগুণবীর্যবিপাকদোষধাতুমলাশযমর্মসিরাস্নাযুসন্ধ্যস্থিগর্ভসম্ভবদ্রব্যসমূহবিভাগাস্তথা প্রনষ্টশল্যোদ্ধরণব্রণবিনিশ্চযভগ্নবিকল্পাঃ সাধ্যযাপ্যপ্রত্যাখ্যেযতা চ বিকারাণামেবমাদযশ্চান্যে বিশেষাঃ সহস্রশো যে বিচিন্ত্যমানা বিমলবিপুলবুদ্ধেরপি বুদ্ধিমাকুলীকুর্যুঃ কিং পুনরল্পবুদ্ধেঃ, তস্মাদবশ্যমনুপদপাদশ্লোকমনুবর্ণযিতব্যমনুশ্রোতব্যং চ ||৫||
View original
तस्मात् सविंशमध्यायशतमनुपदपादश्लोकमनुवर्णयितव्यमनुश्रोतव्यं च; कस्मात्? सूक्ष्मा हि द्रव्यरसगुणवीर्यविपाकदोषधातुमलाशयमर्मसिरास्नायुसन्ध्यस्थिगर्भसम्भवद्रव्यसमूहविभागास्तथा प्रनष्टशल्योद्धरणव्रणविनिश्चयभग्नविकल्पाः साध्ययाप्यप्रत्याख्येयता च विकाराणामेवमादयश्चान्ये विशेषाः सहस्रशो ये विचिन्त्यमाना विमलविपुलबुद्धेरपि बुद्धिमाकुलीकुर्युः किं पुनरल्पबुद्धेः, तस्मादवश्यमनुपदपादश्लोकमनुवर्णयितव्यमनुश्रोतव्यं च ||५||
🔊 Audio coming soon
Adhikarana 4 (6) · Śloka 6
অন্যশাস্ত্রোপপন্নানাং চার্থানামিহোপনীতানামর্থবশাত্তেষাং তদ্বিদ্যেভ্য এব ব্যাখ্যানমনুশ্রোতব্যং, কস্মাত্? ন হ্যেকস্মিন্ শাস্ত্রে শক্যঃ সর্বশাস্ত্রাণামবরোধঃ কর্তুম্ ||৬||
View original
अन्यशास्त्रोपपन्नानां चार्थानामिहोपनीतानामर्थवशात्तेषां तद्विद्येभ्य एव व्याख्यानमनुश्रोतव्यं, कस्मात्? न ह्येकस्मिन् शास्त्रे शक्यः सर्वशास्त्राणामवरोधः कर्तुम् ||६||
🔊 Audio coming soon
Adhikarana 5 (7) · Śloka 7
ভবন্তি চাত্র- একং শাস্ত্রমধীযানো ন বিদ্যাচ্ছাস্ত্রনিশ্চযম্ | তস্মাদ্বহুশ্রুতঃ শাস্ত্রং বিজানীযাচ্চিকিত্সকঃ ||৭||
View original
भवन्ति चात्र- एकं शास्त्रमधीयानो न विद्याच्छास्त्रनिश्चयम् | तस्माद्बहुश्रुतः शास्त्रं विजानीयाच्चिकित्सकः ||७||
🔊 Audio coming soon
Adhikarana 6 (8) · Śloka 8
শাস্ত্রং গুরুমুখোদ্গীর্ণমাদাযোপাস্য চাসকৃত্ | যঃ কর্ম কুরুতে বৈদ্যঃ স বৈদ্যোঽন্যে তু তস্করাঃ ||৮||
View original
शास्त्रं गुरुमुखोद्गीर्णमादायोपास्य चासकृत् | यः कर्म कुरुते वैद्यः स वैद्योऽन्ये तु तस्कराः ||८||
🔊 Audio coming soon
Adhikarana 7 (9) · Śloka 9
ঔপধেনবমৌরভ্রং সৌশ্রুতং পৌষ্কলাবতম্ | শেষাণাং শল্যতন্ত্রাণাং মূলান্যেতানি নির্দিশেত্ ||৯||
View original
औपधेनवमौरभ्रं सौश्रुतं पौष्कलावतम् | शेषाणां शल्यतन्त्राणां मूलान्येतानि निर्दिशेत् ||९||
🔊 Audio coming soon
Adhikarana puShpikA · Śloka 4
ইতি সুশ্রুতসংহিতাযাং সূত্রস্থানে প্রভাষণীযো নাম চতুর্থোঽধ্যাযঃ ||৪||
View original
इति सुश्रुतसंहितायां सूत्रस्थाने प्रभाषणीयो नाम चतुर्थोऽध्यायः ||४||
🔊 Audio coming soon