18. kriyākalpādhyāyaḥ

Adhikarana 1 (1-2) · Śloka 2

অথাতঃ ক্রিযাকল্পং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3) · Śloka 3

সর্বশাস্ত্রার্থতত্ত্বজ্ঞস্তপোদৃষ্টিরুদারধীঃ | বৈশ্বামিত্রং শশাসাথ শিষ্যং কাশিপতির্মুনিঃ ||৩||

Adhikarana 3 (4) · Śloka 4

তর্পণং পুটপাকশ্চ সেক আশ্চ্যোতনাঞ্জনে | তত্র তত্রোপদিষ্টানি তেষাং ব্যাসং নিবোধ মে ||৪||

Adhikarana 4 (5-11) · Śloka 11

সংশুদ্ধদেহশিরসো জীর্ণান্নস্য শুভে দিনে | পূর্বাহ্ণে বাঽপরাহ্ণে বা কার্যমক্ষ্ণোস্তু তর্পণম্ ||৫|| বাতাতপরজোহীনে বেশ্মন্যুত্তানশাযিনঃ | আধারৌ মাষচূর্ণেন ক্লিন্নেন পরিমণ্ডলৌ ||৬|| সমৌ দৃঢাবসম্বাধৌ কর্তব্যৌ নেত্রকোশযোঃ | পূরযেদ্ঘৃতমণ্ডস্য বিলীনস্য সুখোদকে ||৭|| আপক্ষ্মাগ্রাত্ততঃ স্থাপ্যং পঞ্চ তদ্বাক্শতানি তু | স্বস্থে, কফে ষট্, পিত্তেঽষ্টৌ, দশ বাতে তদুত্তমম্ ||৮|| রোগস্থানবিশেষেণ কেচিত্ কালং প্রচক্ষতে | যথাক্রমোপদিষ্টেষু ত্রীণ্যেকং পঞ্চ সপ্ত চ ||৯|| দশ দৃষ্ট্যামথাষ্টৌ চ বাক্শতানি বিভাবযেত্ | ততশ্চাপাঙ্গতঃ স্নেহং স্রাবযিত্বাঽক্ষি শোধযেত্ ||১০|| স্বিন্নেন যবপিষ্টেন, স্নেহবীর্যেরিতং ততঃ | যথাস্বং ধূমপানেন কফমস্য বিশোধযেত্ ||১১||

Adhikarana 5 (12) · Śloka 12

একাহং বা ত্র্যহং বাঽপি পঞ্চাহং চেষ্যতে পরম্ |১২|

Adhikarana 6 (12-13) · Śloka 13

তর্পণে তৃপ্তিলিঙ্গানি নেত্রস্যেমানি লক্ষযেত্ ||১২|| সুখস্বপ্নাববোধত্বং বৈশদ্যং বর্ণপাটবম্ | নির্বৃতির্ব্যাধিবিধ্বংসঃ ক্রিযালাঘবমেব চ ||১৩||

Adhikarana 7 (14) · Śloka 14

গুর্বাবিলমতিস্নিগ্ধমশ্রুকণ্ডূপদেহবত্ | জ্ঞেযং দোষসমুত্ক্লিষ্টং নেত্রমত্যর্থতর্পিতম্ ||১৪||

Adhikarana 8 (15) · Śloka 15

রূক্ষমাবিলমস্রাঢ্যমসহং রূপদর্শনে | ব্যাধিবৃদ্ধিশ্চ তজ্জ্ঞেযং হীনতর্পিতমক্ষি চ ||১৫||

Adhikarana 9 (16) · Śloka 16

অনযোর্দোষবাহুল্যাত্ প্রযতেত চিকিত্সিতে | ধূমনস্যাঞ্জনৈঃ সেকৈ রূক্ষৈঃ স্নিগ্ধৈশ্চ যোগবিত্ ||১৬||

Adhikarana 10 (17) · Śloka 18

তাম্যত্যতিবিশুষ্কং যদ্রূক্ষং যচ্চাতিদারুণম্ | শীর্ণপক্ষ্মাবিলং জিহ্মং রোগক্লিষ্টং চ যদ্ভৃশম্ ||১৭|| তদক্ষি তর্পণাদেব লভেতোর্জামসংশযম্ |১৮|

Adhikarana 11 (18) · Śloka 19

দুর্দিনাত্যুষ্ণশীতেষু চিন্তাযাসভ্রমেষু চ ||১৮|| অশান্তোপদ্রবে চাক্ষ্ণি তর্পণং ন প্রশস্যতে |১৯|

Adhikarana 12 (19) · Śloka 20

পুটপাকস্তথৈতেষু, নস্যং যেষু চ গর্হিতম্ ||১৯|| তর্পণার্হা ন যে প্রোক্তাঃ স্নেহপানাক্ষমাশ্চ যে |২০|

Adhikarana 13 (20-21) · Śloka 21

ততঃ প্রশান্তদোষেষু পুটপাকক্ষমেষু চ ||২০|| পুটপাকঃ প্রযোক্তব্যো নেত্রেষু ভিষজা ভবেত্ | স্নেহনো লেখনীযশ্চ রোপণীযশ্চ স ত্রিধা ||২১||

Adhikarana 14 (22) · Śloka 22

হিতঃ স্নিগ্ধোঽতিরূক্ষস্য স্নিগ্ধস্যাপি চ লেখনঃ | দৃষ্টের্বলার্থমপরঃ পিত্তাসৃগ্ব্রণবাতনুত্ ||২২||

Adhikarana 15 (23) · Śloka 23

স্নেহমাংসবসামজ্জমেদঃস্বাদ্বৌষধৈঃ কৃতঃ | স্নেহনঃ পুটপাকস্তু ধার্যো দ্বে বাক্শতে তু সঃ ||২৩||

Adhikarana 16 (24-25) · Śloka 25

জাঙ্গলানাং যকৃন্মাংসৈর্লেখনদ্রব্যসম্ভৃতৈঃ | কৃষ্ণলোহরজস্তাম্রশঙ্খবিদ্রুমসিন্ধুজৈঃ ||২৪|| সমুদ্রফেনকাসীসস্রোতোজদধিমস্তুভিঃ | লেখনো বাক্শতং তস্য পরং ধারণমুচ্যতে ||২৫||

Adhikarana 17 (26) · Śloka 26

স্তন্যজাঙ্গলমধ্বাজ্যতিক্তদ্রব্যবিপাচিতঃ | লেখনাত্ত্রিগুণং ধার্যঃ পুটপাকস্তু রোপণঃ ||২৬||

Adhikarana 18 (27) · Śloka 27

বিতরেত্তর্পণোক্তং তু ধূমং হিত্বা তু রোপণম্ | স্নেহস্বেদৌ দ্বযোঃ কার্যৌ, কার্যো নৈব চ রোপণে ||২৭||

Adhikarana 19 (28) · Śloka 28

একাহং বা দ্ব্যহং বাঽপি ত্র্যহং বাঽপ্যবচারণম্ |২৮|

Adhikarana 20 (28) · Śloka 28

যন্ত্রণা তু ক্রিযাকালাদ্দ্বিগুণং কালমিষ্যতে ||২৮||

Adhikarana 21 (29) · Śloka 29

তেজাংস্যনিলমাকাশমাদর্শং ভাস্বরাণি চ | নেক্ষেত তর্পিতে নেত্রে পুটপাককৃতে তথা ||২৯||

Adhikarana 22 (30) · Śloka 30

মিথ্যোপচারাদনযোর্যো ব্যাধিরুপজাযতে | অঞ্জনাশ্চ্যোতনস্বেদৈর্যথাস্বং তমুপাচরেত্ ||৩০||

Adhikarana 23 (31) · Śloka 31

প্রসন্নবর্ণং বিশদং বাতাতপসহং লঘু | সুখস্বপ্নাববোধ্যক্ষি পুটপাকগুণান্বিতম্ ||৩১||

Adhikarana 24 (32) · Śloka 32

অতিযোগাদ্রুজঃ শোফঃ পিডকাস্তিমিরোদ্গমঃ |৩২|

Adhikarana 25 (32) · Śloka 32

পাকোঽশ্রু হর্ষণং চাপি হীনে দোষোদ্গমস্তথা ||৩২||

Adhikarana 26 (33-38) · Śloka 38

অত ঊর্ধ্বং প্রবক্ষ্যামি পুটপাকপ্রসাধনম্ | দ্বৌ বিল্বমাত্রৌ শ্লক্ষ্ণস্য পিণ্ডৌ মাংসস্য পেষিতৌ ||৩৩|| দ্রব্যাণাং বিল্বমাত্রং তু দ্রবাণাং কুডবো মতঃ | তদৈকধ্যং সমালোড্য পত্রৈঃ সুপরিবেষ্টিতম্ ||৩৪|| (কাশ্মরীকুমুদৈরণ্ডপদ্মিনীকদলীভবৈঃ ) | মৃদাবলিপ্তমঙ্গারৈঃ খাদিরৈরবকূলযেত্ ||৩৫|| কতকাশ্মন্তকৈরণ্ডপাটলাবৃষবাদরৈঃ | সক্ষীরদ্রুমকাষ্ঠৈর্বা গোমযৈর্বাঽপি যুক্তিতঃ ||৩৬|| স্বিন্নমুদ্ধৃত্য নিষ্পীড্য রসমাদায তং নৃণাম্ | তর্পণোক্তেন বিধিনা যথাবদবচারযেত্ ||৩৭|| কনীনকে নিষেচ্যঃ স্যান্নিত্যমুত্তানশাযিনঃ | রক্তে পিত্তে চ তৌ শীতৌ কোষ্ণৌ বাতকফাপহৌ ||৩৮||

Adhikarana 27 (39-40) · Śloka 40

অত্যুষ্ণতীক্ষ্ণৌ সততং দাহপাককরৌ স্মৃতৌ | অপ্লুতৌ শীতলৌ চাশ্রুস্তম্ভরুগ্ঘর্ষকারকৌ ||৩৯|| অতিমাত্রৌ কষাযত্বসঙ্কোচস্ফুরণাবহৌ | হীনপ্রমাণৌ দোষাণামুত্ক্লেশজননৌ ভৃশম্ ||৪০||

Adhikarana 28 (41) · Śloka 42

যুক্তৌ কৃতৌ দাহশোফরুগ্ধর্ষস্রাবনাশনৌ | কণ্ডূপদেহদূষীকারক্তরাজিবিনাশনৌ ||৪১|| তস্মাত্ পরিহরন্ দোষান্ বিদধ্যাত্তৌ সুখাবহৌ |৪২|

Adhikarana 29 (42) · Śloka 42

ব্যাপদশ্চ যথাদোষং নস্যধূমাঞ্জনৈর্জযেত্ ||৪২||

Adhikarana 30 (43) · Śloka 43

আদ্যন্তযোশ্চাপ্যনযোঃ স্বেদ উষ্ণাম্বুচৈলিকঃ | তথা হিতোঽবসানে চ ধূমঃ শ্লেষ্মসমুচ্ছ্রিতৌ ||৪৩||

Adhikarana 31 (44) · Śloka 44

যথাদোষোপযুক্তং তু নাতিপ্রবলমোজসা | রোগমাশ্চ্যোতনং হন্তি সেকস্তু বলবত্তরম্ ||৪৪||

Adhikarana 32 (45) · Śloka 45

তৌ ত্রিধৈবোপযুজ্যেতে রোগেষু পুটপাকবত্ |৪৫|

Adhikarana 33 (45) · Śloka 46

লেখনে সপ্ত চাষ্টৌ বা বিন্দবঃ স্নৈহিকে দশ ||৪৫|| আশ্চ্যোতনে প্রযোক্তব্যা দ্বাদশৈব তু রোপণে |৪৬|

Adhikarana 34 (46) · Śloka 46

সেকস্য দ্বিগুণঃ কালঃ পুটপাকাত্ পরো মতঃ ||৪৬||

Adhikarana 35 (47) · Śloka 47

অথবা কার্যনির্বৃত্তেরুপযোগো যথাক্রমম্ |৪৭|

Adhikarana 36 (47) · Śloka 47

পূর্বাপরাহ্ণে মধ্যাহ্নে রুজাকালেষু চোভযোঃ ||৪৭||

Adhikarana 37 (48) · Śloka 48

যোগাযোগাত্ স্নেহসেকে তর্পণোক্তান্ প্রচক্ষতে |৪৮|

Adhikarana 38 (47-50) · Śloka 51

রোগাঞ্ছিরসি সম্ভূতান্ হত্বাঽতিপ্রবলান্ গুণান্ ||৪৮|| করোতি শিরসো বস্তিরুক্তা যে মূর্ধতৈলিকাঃ | শুদ্ধদেহস্য সাযাহ্নে যথাব্যাধ্যশিতস্য তু ||৪৯|| ঋজ্বাসীনস্য বধ্নীযাদ্বস্তিকোশং ততো দৃঢম্ | যথাব্যাধিশৃতস্নেহপূর্ণং সংযম্য ধারযেত্ ||৫০|| তর্পণোক্তং দশগুণং যথাদোষং বিধানবিত্ |৫১|

Adhikarana 39 (51-52) · Śloka 52

ব্যক্তরূপেষু দোষেষু শুদ্ধকাযস্য কেবলে ||৫১|| নেত্র এব স্থিতে দোষে প্রাপ্তমঞ্জনমাচরেত্ | লেখনং রোপণং চাপি প্রসাদনমথাপি বা ||৫২||

Adhikarana 40 (53) · Śloka 53

তত্র পঞ্চ রসান্ ব্যস্তানাদ্যৈকরসবর্জিতান্ | পঞ্চধা লেখনং যুঞ্জ্যাদ্যথাদোষমতন্দ্রিতঃ ||৫৩||

Adhikarana 41 (54) · Śloka 54

নেত্রবর্ত্মসিরাকোশস্রোতঃশৃঙ্গাটকাশ্রিতম্ | মুখনাসাক্ষিভির্দোষমোজসা স্রাবযেত্তু তত্ ||৫৪||

Adhikarana 42 (55) · Śloka 55

কষাযং তিক্তকং বাঽপি সস্নেহং রোপণং মতম্ | তত্স্নেহশৈত্যাদ্বর্ণ্যং স্যাদ্দৃষ্টেশ্চ বলবর্ধনম্ ||৫৫||

Adhikarana 43 (56) · Śloka 56

মধুরং স্নেহসম্পন্নমঞ্জনং তু প্রসাদনম্ | দৃষ্টিদোষপ্রসাদার্থং স্নেহনার্থং চ তদ্ধিতম্ ||৫৬||

Adhikarana 44 (57) · Śloka 57

যথাদোষং প্রযোজ্যানি তানি রোগবিশারদৈঃ | অঞ্জনানি যথোক্তানি প্রাহ্ণসাযাহ্নরাত্রিষু ||৫৭||

Adhikarana 45 (58) · Śloka 58

গুটিকারসচূর্ণানি ত্রিবিধান্যঞ্জনানি তু | যথাপূর্বং বলং তেষাং শ্রেষ্ঠমাহুর্মনীষিণঃ ||৫৮||

Adhikarana 46 (59) · Śloka 59

হরেণুমাত্রা বর্তিঃ স্যাল্লেখনস্য প্রমাণতঃ | প্রসাদনস্য চাধ্যর্ধা দ্বিগুণা রোপণস্য চ ||৫৯||

Adhikarana 47 (60) · Śloka 60

রসাঞ্জনস্য মাত্রা তু যথাবর্তিমিতা মতা |৬০|

Adhikarana 48 (60) · Śloka 60

দ্বিত্রিচতুঃশলাকাশ্চ চূর্ণস্যাপ্যনুপূর্বশঃ ||৬০||

Adhikarana 49 (61) · Śloka 62

তেষাং তুল্যগুণান্যেব বিদধ্যাদ্ভাজনান্যপি | সৌবর্ণং রাজতং শার্ঙ্গং তাম্রং বৈদূর্যকাংস্যজম্ ||৬১|| আযসানি চ যোজ্যানি শলাকাশ্চ যথাক্রমম্ |৬২|

Adhikarana 50 (62) · Śloka 63

বক্ত্রযোর্মুকুলাকারা কলাযপরিমণ্ডলা ||৬২|| অষ্টাঙ্গুলা তনুর্মধ্যে সুকৃতা সাধুনিগ্রহা |৬৩|

Adhikarana 51 (63) · Śloka 63

ঔদুম্বর্যশ্মজা বাঽপি শারীরী বা হিতা ভবেত্ ||৬৩||

Adhikarana 52 (64-65) · Śloka 65

বামেনাক্ষি বিনির্ভুজ্য হস্তেন সুসমাহিতঃ | শলাকযা দক্ষিণেন ক্ষিপেত্ কানীনমঞ্জনম্ ||৬৪|| আপাঙ্গ্যং বা যথাযোগং কুর্যাচ্চাপি গতাগতম্ | বর্ত্মোপলেপি বা যত্তদঙ্গুল্যৈব প্রযোজযেত্ ||৬৫||

Adhikarana 53 (66) · Śloka 66

অক্ষি নাত্যন্তযোরঞ্জ্যাদ্বাধমানোঽপি বা ভিষক্ |৬৬|

Adhikarana 54 (66) · Śloka 67

ন চানির্বান্তদোষেঽক্ষ্ণি ধাবনং সম্প্রযোজযেত্ ||৬৬|| দোষঃ প্রতিনিবৃত্তঃ সন্ হন্যাদ্ দৃষ্টের্বলং তথা |৬৭|

Adhikarana 55 (67) · Śloka 68

গতদোষমপেতাশ্রু পশ্যেদ্যত্ সম্যগম্ভসা ||৬৭|| প্রক্ষাল্যাক্ষি যথাদোষং কার্যং প্রত্যঞ্জনং ততঃ |৬৮|

Adhikarana 56 (68-69) · Śloka 69

শ্রমোদাবর্তরুদিতমদ্যক্রোধভযজ্বরৈঃ ||৬৮|| বেগাঘাতশিরোদোষৈশ্চার্তানাং নেষ্যতেঽঞ্জনম্ | রাগরুক্তিমিরাস্রাবশূলসংরম্ভসম্ভবাত্ ||৬৯||

Adhikarana 57 (70-73) · Śloka 73

নিদ্রাক্ষযে ক্রিযাশক্তিং, প্রবাতে দৃগ্বলক্ষযম্ | রজোধূমহতে রাগস্রাবাধীমন্থসম্ভবম্ ||৭০|| সংরম্ভশূলৌ নস্যান্তে, শিরোরুজি শিরোরুজম্ | শিরঃস্নাতেঽতিশীতে চ রবাবনুদিতেঽপি চ ||৭১|| দোষস্থৈর্যাদপার্থং স্যাদ্দোষোত্ক্লেশং করোতি চ | অজীর্ণেঽপ্যেবমেব স্যাত্ স্রোতোমার্গাবরোধনাত্ ||৭২|| দোষবেগোদযে দত্তং কুর্যাত্তাংস্তানুপদ্রবান্ | তস্মাত্ পরিহরন্ দোষানঞ্জনং সাধু যোজযেত্ ||৭৩||

Adhikarana 58 (74) · Śloka 74

লেখনস্য বিশেষেণ কাল এষ প্রকীর্তিতঃ |৭৪|

Adhikarana 59 (74) · Śloka 75

ব্যাপদশ্চ জযেদেতাঃ সেকাশ্চ্যোতনলেপনৈঃ ||৭৪|| যথাস্বং ধূমকবলৈর্নস্যৈশ্চাপি সমুত্থিতাঃ |৭৫|

Adhikarana 60 (75) · Śloka 76

বিশদং লঘ্বনাস্রাবি ক্রিযাপটু সুনির্মলম্ ||৭৫|| সংশান্তোপদ্রবং নেত্রং বিরিক্তং সম্যগাদিশেত্ |৭৬|

Adhikarana 61 (76) · Śloka 77

জিহ্মং দারুণদুর্বর্ণং স্রস্তং রূক্ষমতীব চ ||৭৬|| নেত্রং বিরেকাতিযোগে স্যন্দতে চাতিমাত্রশঃ |৭৭|

Adhikarana 62 (77) · Śloka 77

তত্র সন্তর্পণং কার্যং বিধানং চানিলাপহম্ ||৭৭||

Adhikarana 63 (78) · Śloka 78

অক্ষি মন্দবিরিক্তং স্যাদুদগ্রতরদোষবত্ |৭৮|

Adhikarana 64 (78) · Śloka 78

ধূমনস্যাঞ্জনৈস্তত্র হিতং দোষাবসেচনম্ ||৭৮||

Adhikarana 65 (79) · Śloka 79

স্নেহবর্ণবলোপেতং প্রসন্নং দোষবর্জিতম্ | জ্ঞেযং প্রসাদনে সম্যগুপযুক্তেঽক্ষি নির্বৃতম্ ||৭৯||

Adhikarana 66 (80) · Śloka 80

কিঞ্জিদ্ধীনবিকারং স্যাত্তর্পণাদ্ধি কৃতাদতি |৮০|

Adhikarana 67 (80) · Śloka 80

তত্র দোষহরং রূক্ষং ভেষজং শস্যতে মৃদু ||৮০||

Adhikarana 68 (81) · Śloka 81

সাধারণমপি জ্ঞেযমেবং রোপণলক্ষণম্ | প্রসাদনবদাচষ্টে তস্মিন্ যুক্তেঽতিভেষজম্ ||৮১||

Adhikarana 69 (82) · Śloka 82

স্নেহনং রোপণং বাঽপি হীনযুক্তমপার্থকম্ |৮২|

Adhikarana 70 (82) · Śloka 82

কর্তব্যং মাত্রযা তস্মাদঞ্জনং সিদ্ধিমিচ্ছতা ||৮২||

Adhikarana 71 (83) · Śloka 83

পুটপাকক্রিযদ্যাসু ক্রিযাস্বেষৈ(কৈ)ব কল্পনা | সহস্রশশ্চাঞ্জনেষু বীজেনোক্তেন পূজিতাঃ ||৮৩||

Adhikarana 72 (84) · Śloka 84

দৃষ্টের্বলবিবৃদ্ধ্যর্থং যাপ্যরোগক্ষযায চ | রাজার্হান্যঞ্জনাগ্র্যাণি নিবোধেমান্যতঃ পরম্ ||৮৪||

Adhikarana 73 (85-93) · Śloka 93

অষ্টৌ ভাগানঞ্জনস্য নীলোত্পলসমত্বিষঃ | ঔদুম্বরং শাতকুম্ভং রাজতং চ সমাসতঃ ||৮৫|| একাদশৈতান্ ভাগাংস্তু যোজযেত্ কুশলো ভিষক্ | মূষাক্ষিপ্তং তদাধ্মাতমাবৃতং জাতবেদসি ||৮৬|| খদিরাশ্মন্তকাঙ্গারৈর্গোশকৃদ্ভিরথাপি বা | গবাং শকৃদ্রসে মূত্রে দধ্নি সর্পিষি মাক্ষিকে ||৮৭|| তৈলমদ্যবসামজ্জসর্বগন্ধোদকেষু চ | দ্রাক্ষারসেক্ষুত্রিফলারসেষু সুহিমেষু চ ||৮৮|| সারিবাদিকষাযে চ কষাযে চোত্পলাদিকে | নিষেচযেত্ পৃথক্ চৈনং ধ্মাতং ধ্মাতং পুনঃ পুনঃ ||৮৯|| ততোঽন্তরীক্ষে সপ্তাহং প্লোতবদ্ধং স্থিতং জলে | বিশোষ্য চূর্ণযেন্মুক্তাং স্ফটিকং বিদ্রুমং তথা ||৯০|| কালানুসারিবাং চাপি শুচিরাবাপ্য যোগতঃ | এতচ্চূর্ণাঞ্জনং শ্রেষ্ঠং নিহিতং ভাজনে শুভে ||৯১|| দন্তস্ফটিকবৈদূর্যশঙ্খশৈলাসনোদ্ভবে | শাতকুম্ভেঽথ শার্ঙ্গে বা রাজতে বা সুসংস্কৃতে | সহস্রপাকবত্ পূজাং কৃত্বা রাজ্ঞঃ প্রযোজযেত্ ||৯২|| তেনাঞ্জিতাক্ষো নৃপতির্ভবেত্ সর্বজনপ্রিযঃ | অধৃষ্যঃ সর্বভূতানাং দৃষ্টিরোগবিবর্জিতঃ ||৯৩||

Adhikarana 74 (94-97) · Śloka 97

কুষ্ঠং চন্দনমেলাশ্চ পত্রং মধুকমঞ্জনম্ | মেষশৃঙ্গস্য পুষ্পাণি বক্রং রত্নানি সপ্ত চ ||৯৪|| উত্পলস্য বৃহত্যোশ্চ পদ্মস্যাপি চ কেশরম্ | নাগপুষ্পমুশীরাণি পিপ্পলী তুত্থমুত্তমম্ ||৯৫|| কুক্কুটাণ্ডকপালানি দার্বীং পথ্যাং সরোচনাম্ | মরিচান্যক্ষমজ্জানং তুল্যাং চ গৃহগোপিকাম্ ||৯৬|| কৃত্বা সূক্ষ্মং ততশ্চূর্ণং ন্যসেদভ্যর্চ্য পূর্ববত্ | এতদ্ভদ্রোদযং নাম সদৈবার্হতি ভূমিপঃ ||৯৭||

Adhikarana 75 (98-99) · Śloka 99

বক্রং সমরিচং চৈব মাংসীং শৈলেযমেব চ | তুল্যাংশানি সমানৈস্তৈঃ সমগ্রৈশ্চ মনঃশিলা ||৯৮|| পত্রস্য ভাগাশ্চত্বারো দ্বিগুণং সর্বতোঽঞ্জনম্ | তাবচ্চ যষ্টীমধুকং পূর্ববচ্চৈতদঞ্জনম্ ||৯৯||

Adhikarana 76 (100-102) · Śloka 102

মনঃশিলাং দেবকাষ্ঠং রজন্যৌ ত্রিফলোষণম্ | লাক্ষালশুনমঞ্জিষ্ঠাসৈন্ধবৈলাঃ সমাক্ষিকাঃ ||১০০|| রোধ্রং সাবরকং চূর্ণমাযসং তাম্রমেব চ | কালানুসারিবাং চৈব কুক্কুটাণ্ডদলানি চ ||১০১|| তুল্যানি পযসা পিষ্ট্বা গুটিকাং কারযেদ্বুধঃ | কণ্ডূতিমিরশুক্লার্মরক্তরাজ্যুপশান্তযে ||১০২||

Adhikarana 77 (103-104) · Śloka 104

কাংস্যাপমার্জনমসী মধুকং সৈন্ধবং তথা | এরণ্ডমূলং চ সমং বৃহত্যংশদ্বযান্বিতম্ ||১০৩|| আজেন পযসা পিষ্ট্বা তাম্রপাত্রং প্রলেপযেত্ | সপ্তকৃত্বস্তু তা বর্ত্যশ্ছাযাশুষ্কা রুজাপহাঃ ||১০৪||

Adhikarana 78 (105) · Śloka 105

পথ্যাতুত্থকযষ্ট্যাহ্বৈস্তুল্যৈর্মরিচষোডশা | পথ্যা সর্ববিকারেষু বর্তিঃ শীতাম্বুপেষিতা ||১০৫||

Adhikarana 79 (106) · Śloka 106

রসক্রিযাবিধানেন যথোক্তবিধিকোবিদঃ | পিণ্ডাঞ্জনানি কুর্বীত যথাযোগমতন্দ্রিতঃ ||১০৬||

Adhikarana puShpikA · Śloka 18

ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে ক্রিযাকল্পো নামাষ্টাদশোঽধ্যাযঃ ||১৮||