Adhikarana dinacaryAdhyAyaH (2) · Śloka 2
অথাতো দিনচর্যাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||
अथातो दिनचर्याध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
Adhikarana brAhme muhUrta utthAnam (1) · Śloka 1
অস্মিংস্তন্ত্রে আযুঃপালনং প্রকৃতম্| তদ্বিবিধম্, স্বস্থবৃত্তমাতুরবৃত্তং চ| তত্র মঙ্গল্যত্বাত্ স্বল্পবক্তব্যত্বাদাতুরোপযোগিত্বাচ্চ স্বস্থবৃত্তমেবাদাবুচ্যতে ব্রাহ্মে মুহূর্ত উত্তিষ্ঠেত্স্বস্থো রক্ষার্থমাযুষঃ| |১|
अस्मिंस्तन्त्रे आयुःपालनं प्रकृतम्| तद्विविधम्, स्वस्थवृत्तमातुरवृत्तं च| तत्र मङ्गल्यत्वात् स्वल्पवक्तव्यत्वादातुरोपयोगित्वाच्च स्वस्थवृत्तमेवादावुच्यते ब्राह्मे मुहूर्त उत्तिष्ठेत्स्वस्थो रक्षार्थमायुषः| |१|
🔊 Audio coming soon
Adhikarana shaucavidhiH dantadhAvanam (1-3) · Śloka 3
| শরীরচিন্তাং নির্বর্ত্য কৃতশৌচবিধিস্ততঃ||১|| অর্কন্যগ্রোধখদিরকরঞ্জককুভাদিজম্| প্রাতর্ভুক্ত্বা চ মৃদ্বগ্রং কষাযকটুতিক্তকম্||২|| কনীন্যগ্রসমস্থৌল্যং প্রগুণং দ্বাদশাঙ্গুলম্| ভক্ষযেদ্দন্তপবনং দন্তমাংসান্যবাধযন্||৩||
| शरीरचिन्तां निर्वर्त्य कृतशौचविधिस्ततः||१|| अर्कन्यग्रोधखदिरकरञ्जककुभादिजम्| प्रातर्भुक्त्वा च मृद्वग्रं कषायकटुतिक्तकम्||२|| कनीन्यग्रसमस्थौल्यं प्रगुणं द्वादशाङ्गुलम्| भक्षयेद्दन्तपवनं दन्तमांसान्यबाधयन्||३||
🔊 Audio coming soon
Adhikarana dantadhAvananiShedhaH (4) · Śloka 4
নাদ্যাদজীর্ণবমথুশ্বাসকাসজ্বরার্দিতী| তৃষ্ণাস্যপাকহৃন্নেত্রশিরঃকর্ণামযী চ তত্||৪||
नाद्यादजीर्णवमथुश्वासकासज्वरार्दिती| तृष्णास्यपाकहृन्नेत्रशिरःकर्णामयी च तत्||४||
🔊 Audio coming soon
Adhikarana sauvIrA~jjanam (5) · Śloka 5
সৌবীরমঞ্জনং নিত্যং হিতমক্ষ্ণোস্ততো ভজেত্| |৫|
सौवीरमञ्जनं नित्यं हितमक्ष्णोस्ततो भजेत्| |५|
🔊 Audio coming soon
Adhikarana rasA~jjanam (5-6) · Śloka 6
| চক্ষুস্তেজোমযং তস্য বিশেষাত্ শ্লেষ্মতো ভযম্||৫|| যোজযেত্সপ্তরাত্রেঽস্মাত্স্রাবণার্থং রসাঞ্জনম্| |৬|
| चक्षुस्तेजोमयं तस्य विशेषात् श्लेष्मतो भयम्||५|| योजयेत्सप्तरात्रेऽस्मात्स्रावणार्थं रसाञ्जनम्| |६|
🔊 Audio coming soon
Adhikarana nasyAdisevanam (6) · Śloka 6
| ততো নাবনগণ্ডূষধূমতাম্বূলভাগ্ভবেত্||৬||
| ततो नावनगण्डूषधूमताम्बूलभाग्भवेत्||६||
🔊 Audio coming soon
Adhikarana tAmbUlaniShedhaH (7) · Śloka 7
যেষাং তু তাম্বূলমপথ্যং, তানাহ তাম্বূলং ক্ষতপিত্তাস্ররূক্ষোত্কুপিতচক্ষুষাম্| বিষমূর্চ্ছামদার্তানামপথ্যং শোষিণামপি||৭||
येषां तु ताम्बूलमपथ्यं, तानाह ताम्बूलं क्षतपित्तास्ररूक्षोत्कुपितचक्षुषाम्| विषमूर्च्छामदार्तानामपथ्यं शोषिणामपि||७||
🔊 Audio coming soon
Adhikarana aBya~ggaH (8) · Śloka 8
তদেতত্সর্বং বিধায, ভোজনাসন্নে কালেঽভ্যঙ্গ আচরণীয ইত্যাহ অভ্যঙ্গমাচরেন্নিত্যং, স জরাশ্রমবাতহা| দৃষ্টিপ্রসাদপুষ্ট্যাযুঃস্বপ্নসুত্বক্ত্বদার্ঢ্যকৃত্||৮||
तदेतत्सर्वं विधाय, भोजनासन्ने कालेऽभ्यङ्ग आचरणीय इत्याह अभ्यङ्गमाचरेन्नित्यं, स जराश्रमवातहा| दृष्टिप्रसादपुष्ट्यायुःस्वप्नसुत्वक्त्वदार्ढ्यकृत्||८||
🔊 Audio coming soon
Adhikarana shirAdau visheSheNa shIlanam (9) · Śloka 9
শিরঃশ্রবণপাদেষু তং বিশেষেণ শীলযেত্| |৯|
शिरःश्रवणपादेषु तं विशेषेण शीलयेत्| |९|
🔊 Audio coming soon
Adhikarana aBya~gganiShedhaH (9) · Śloka 9
অথেতদপবাদমাহ | বর্জ্যোঽভ্যঙ্গঃ কফগ্রস্তকৃতসংশুদ্ধ্যজীর্ণিভিঃ||৯||
अथेतदपवादमाह | वर्ज्योऽभ्यङ्गः कफग्रस्तकृतसंशुद्ध्यजीर्णिभिः||९||
🔊 Audio coming soon
Adhikarana vyAyAmaH (10) · Śloka 10
লাঘবং কর্মসামর্থ্যং দীপ্তোঽগ্নির্মেদসঃ ক্ষযঃ| বিভক্তঘনগাত্রত্বং ব্যাযামাদুপজাযতে||১০||
लाघवं कर्मसामर्थ्यं दीप्तोऽग्निर्मेदसः क्षयः| विभक्तघनगात्रत्वं व्यायामादुपजायते||१०||
🔊 Audio coming soon
Adhikarana vyAyAma niShedhaH (11) · Śloka 11
ইদানীং যেনাসৌ ন কার্যস্তং দর্শযতি বাতপিত্তামযী বালো বৃদ্ধোঽজীর্ণো চ তং ত্যজেত্| |১১|
इदानीं येनासौ न कार्यस्तं दर्शयति वातपित्तामयी बालो वृद्धोऽजीर्णो च तं त्यजेत्| |११|
🔊 Audio coming soon
Adhikarana vyAyAmamAtrA,vyAyAmakAlaH (11-12) · Śloka 12
| অর্ধশক্ত্যা নিষেব্যস্তু বলিভিঃ স্নিগ্ধভোজিভিঃ||১১|| শীতকালে বসন্তে চ, মন্দমেব ততোঽন্যদা| |১২|
| अर्धशक्त्या निषेव्यस्तु बलिभिः स्निग्धभोजिभिः||११|| शीतकाले वसन्ते च, मन्दमेव ततोऽन्यदा| |१२|
🔊 Audio coming soon
Adhikarana dehamardanam (12) · Śloka 12
| তং কৃত্বাঽনুসুখং দেহং মর্দযেচ্চ সমন্ততঃ||১২||
| तं कृत्वाऽनुसुखं देहं मर्दयेच्च समन्ततः||१२||
🔊 Audio coming soon
Adhikarana ativyAyAmaniShedhaH (13) · Śloka 13
তৃষ্ণা ক্ষযঃ প্রতমকো রক্তপিত্তং শ্রমঃ ক্লমঃ| অতিব্যাযামতঃ কাসো জ্বরশ্ছর্দিশ্চ জাযতে||১৩||
तृष्णा क्षयः प्रतमको रक्तपित्तं श्रमः क्लमः| अतिव्यायामतः कासो ज्वरश्छर्दिश्च जायते||१३||
🔊 Audio coming soon
Adhikarana ativyAyAmAdinA vyApadaH (14) · Śloka 14
ব্যাযামজাগরাধ্বস্ত্রীহাস্যভাষ্যাদি সাহসম্| গজং সিংহ ইবাকর্ষন্ ভজন্নতি বিনশ্যতি||১৪||
व्यायामजागराध्वस्त्रीहास्यभाष्यादि साहसम्| गजं सिंह इवाकर्षन् भजन्नति विनश्यति||१४||
🔊 Audio coming soon
Adhikarana udvartanaguNAH (15) · Śloka 15
উদ্বর্তনং কফহরং মেদসঃ প্রবিলাযনম্| স্থিরীকরণমঙ্গানাং ত্বক্প্রসাদকরং পরম্||১৫||
उद्वर्तनं कफहरं मेदसः प्रविलायनम्| स्थिरीकरणमङ्गानां त्वक्प्रसादकरं परम्||१५||
🔊 Audio coming soon
Adhikarana snAnaguNAH (16) · Śloka 16
দীপনং বৃষ্যমাযুষ্যং স্নানমূর্জাবলপ্রদম্| কণ্ডূমলশ্রমস্বেদতন্দ্রাতৃড্দাহপাপ্মজিত্||১৬||
दीपनं वृष्यमायुष्यं स्नानमूर्जाबलप्रदम्| कण्डूमलश्रमस्वेदतन्द्रातृड्दाहपाप्मजित्||१६||
🔊 Audio coming soon
Adhikarana uShNaSItAmbusnAnaviShayaH (17) · Śloka 17
উষ্ণাম্বুনাঽধঃকাযস্য পরিষেকো বলাবহঃ| তেনৈব তূত্তমাঙ্গস্য বলহৃত্কেশচক্ষুষাম্||১৭||
उष्णाम्बुनाऽधःकायस्य परिषेको बलावहः| तेनैव तूत्तमाङ्गस्य बलहृत्केशचक्षुषाम्||१७||
🔊 Audio coming soon
Adhikarana snAnaniShedhaH (18) · Śloka 18
স্নানং যেষামপথ্যম্, তান্ দর্শযিতুমাহ স্নানমর্দিতনেত্রাস্যকর্ণরোগাতিসারিষু| আধ্মানপীনসাজীর্ণভুক্তবত্সু চ গর্হিতম্||১৮||
स्नानं येषामपथ्यम्, तान् दर्शयितुमाह स्नानमर्दितनेत्रास्यकर्णरोगातिसारिषु| आध्मानपीनसाजीर्णभुक्तवत्सु च गर्हितम्||१८||
🔊 Audio coming soon
Adhikarana jIrNe hitaBojanamvegodIrNadhAraNaniShedhaH vyAdhyupeScAniShedhaH (19) · Śloka 19
জীর্ণো হিতং মিতং চাদ্যান্ন বেগানীরযেদ্বলাত্| ন বেগিতোঽন্যকার্যঃ স্যান্নাজিত্বা সাধ্যমামযম্||১৯||
जीर्णो हितं मितं चाद्यान्न वेगानीरयेद्बलात्| न वेगितोऽन्यकार्यः स्यान्नाजित्वा साध्यमामयम्||१९||
🔊 Audio coming soon
Adhikarana dharmaprAdhAnyam (20) · Śloka 20
সুখার্থাঃ সর্বভূতানাং মতাঃ সর্বাঃ প্রবৃত্তযঃ| সুখং চ ন বিনা ধর্মাত্তস্মাদ্ধর্মপরো ভবেত্||২০||
सुखार्थाः सर्वभूतानां मताः सर्वाः प्रवृत्तयः| सुखं च न विना धर्मात्तस्माद्धर्मपरो भवेत्||२०||
🔊 Audio coming soon
Adhikarana mitrAmitrANAM svIkAraparityAgau (21) · Śloka 21
ভক্ত্যা কল্যাণমিত্রাণি সেবেতেতরদূরগঃ| |২১|
भक्त्या कल्याणमित्राणि सेवेतेतरदूरगः| |२१|
🔊 Audio coming soon
Adhikarana hiMsAdipApaniShedhaH (21-22) · Śloka 22
| হিংসাস্তেযান্যথাকামং পৈশুন্যং পরুষানৃতে||২১|| সম্ভিন্নালাপং ব্যাপাদমভিধ্যাং দৃগ্বিপর্যযম্| পাপং কর্মেতি দশধা কাযবাঙ্মনসৈস্ত্যজেত্||২২||
| हिंसास्तेयान्यथाकामं पैशुन्यं परुषानृते||२१|| सम्भिन्नालापं व्यापादमभिध्यां दृग्विपर्ययम्| पापं कर्मेति दशधा कायवाङ्मनसैस्त्यजेत्||२२||
🔊 Audio coming soon
Adhikarana shaktito~avRutyAdyAnuvartanam (23) · Śloka 23
অবৃত্তিব্যাধিশোকার্তাননুবর্তেত শক্তিতঃ| |২৩|
अवृत्तिव्याधिशोकार्ताननुवर्तेत शक्तितः| |२३|
🔊 Audio coming soon
Adhikarana kITAdiShvAtmavaddarshanam (23) · Śloka 23
| আত্মবত্সততং পশ্যেদপি কীটপিপীলিকম্||২৩||
| आत्मवत्सततं पश्येदपि कीटपिपीलिकम्||२३||
🔊 Audio coming soon
Adhikarana devAdyarcanam (24) · Śloka 24
অর্চযেদ্দেবগোবিপ্রবৃদ্ধবৈদ্যনৃপাতিথীন্| |২৪|
अर्चयेद्देवगोविप्रवृद्धवैद्यनृपातिथीन्| |२४|
🔊 Audio coming soon
Adhikarana yAcakadveShaniShedhaH (24) · Śloka 24
| বিমুখান্নার্থিনঃ কুর্যান্নাবমন্যেত নাক্ষিপেত্||২৪||
| विमुखान्नार्थिनः कुर्यान्नावमन्येत नाक्षिपेत्||२४||
🔊 Audio coming soon
Adhikarana paropakAraH (25) · Śloka 25
উপকারপ্রধানঃ স্যাদপকারপরেঽপ্যরৌ| |২৫|
उपकारप्रधानः स्यादपकारपरेऽप्यरौ| |२५|
🔊 Audio coming soon
Adhikarana sampadAdau samacittatA, IrShyAniShedhaH (25) · Śloka 25
| সম্পদ্বিপত্স্বেকমনা, হেতাবীর্ষ্যেত্ফলে ন তু||২৫||
| सम्पद्विपत्स्वेकमना, हेतावीर्ष्येत्फले न तु||२५||
🔊 Audio coming soon
Adhikarana BAShaNam (26) · Śloka 26
কালে হিতং মিতং ব্রূযাদবিসংবাদি পেশলম্| |২৬|
काले हितं मितं ब्रूयादविसंवादि पेशलम्| |२६|
🔊 Audio coming soon
Adhikarana sadvartanaprakAraH (26-27) · Śloka 27
| পূর্বাভিভাষী, সুমুখঃ সুশীলঃ করুণামৃদুঃ||২৬|| নৈকঃ সুখী, ন সর্বত্র বিশ্রব্ধো, ন চ শঙ্কিতঃ| |২৭|
| पूर्वाभिभाषी, सुमुखः सुशीलः करुणामृदुः||२६|| नैकः सुखी, न सर्वत्र विश्रब्धो, न च शङ्कितः| |२७|
🔊 Audio coming soon
Adhikarana shatrutvAderaprakAshanam (27-28) · Śloka 28
| ন কঞ্চিদাত্মনঃ শত্রুং নাত্মানং কস্যচিদ্রিপুম্||২৭|| প্রকাশযেন্নাপমানং ন চ নিঃস্নেহতাং প্রভোঃ| |২৮|
| न कञ्चिदात्मनः शत्रुं नात्मानं कस्यचिद्रिपुम्||२७|| प्रकाशयेन्नापमानं न च निःस्नेहतां प्रभोः| |२८|
🔊 Audio coming soon
Adhikarana lokaprakRutyanusAreNa vartanam (28-29) · Śloka 29
| জনস্যাশযমালক্ষ্য যো যথা পরিতুষ্যতি||২৮|| তং তথৈবানুবর্তেত পরারাধনপণ্ডিতঃ| |২৯|
| जनस्याशयमालक्ष्य यो यथा परितुष्यति||२८|| तं तथैवानुवर्तेत पराराधनपण्डितः| |२९|
🔊 Audio coming soon
Adhikarana indriyANAM lAlanapIDananiShedhaH (29) · Śloka 29
ন পীডযেদিন্দ্রিযাণি ব চৈতান্যতি লালযেত্||২৯||
न पीडयेदिन्द्रियाणि व चैतान्यति लालयेत्||२९||
🔊 Audio coming soon
Adhikarana trivargashUnyakarmAnAramBaH (30) · Śloka 30
ত্রিবর্গশূন্যং নারম্ভং ভজেত্তং চাবিরোধযন্| |৩০|
त्रिवर्गशून्यं नारम्भं भजेत्तं चाविरोधयन्| |३०|
🔊 Audio coming soon
Adhikarana sarvadharmaiShu madhyamamArgAnuvartanam nIcaromatvAdikam (30) · Śloka 30
| অনুযাযাত্প্রতিপদং সর্বধর্মেষু মধ্যমাম্||৩০||
| अनुयायात्प्रतिपदं सर्वधर्मेषु मध्यमाम्||३०||
🔊 Audio coming soon
Adhikarana nIcaromatvAdikam snAnashIlAdiH (31) · Śloka 31
নীচরোমনখশ্মশ্রুর্নির্মলাঙ্ঘ্রিমলাযনঃ| স্নানশীলঃ সুসুরভিঃ সুবেষোঽনুল্বণোজ্জ্বলঃ||৩১||
नीचरोमनखश्मश्रुर्निर्मलाङ्घ्रिमलायनः| स्नानशीलः सुसुरभिः सुवेषोऽनुल्बणोज्ज्वलः||३१||
🔊 Audio coming soon
Adhikarana ratnAdidhAraNam (32) · Śloka 32
ধারযেত্সততং রত্নসিদ্ধমন্ত্রমহৌষধীঃ| |৩২|
धारयेत्सततं रत्नसिद्धमन्त्रमहौषधीः| |३२|
🔊 Audio coming soon
Adhikarana sa~jcAraprakAraH (32) · Śloka 32
| সাতপত্রপদত্রাণো বিচরেদ্যুগমাত্রদৃক্||৩২||
| सातपत्रपदत्राणो विचरेद्युगमात्रदृक्||३२||
🔊 Audio coming soon
Adhikarana nishi sa~jcAre visheShaH (33) · Śloka 33
নিশি চাত্যযিকে কার্যে দণ্ডী মৌলী সহাযবান্| |৩৩|
निशि चात्ययिके कार्ये दण्डी मौली सहायवान्| |३३|
🔊 Audio coming soon
Adhikarana caityAdicchhAyAdyAkramaNaniShedhaH (33-34) · Śloka 34
| চৈত্যপূজ্যধ্বজাশস্তচ্ছাযাভস্মতুষাশুচীন্||৩৩|| নাক্রামেচ্ছর্করালোষ্টবলিস্নানভুবো ন চ| |৩৪|
| चैत्यपूज्यध्वजाशस्तच्छायाभस्मतुषाशुचीन्||३३|| नाक्रामेच्छर्करालोष्टबलिस्नानभुवो न च| |३४|
🔊 Audio coming soon
Adhikarana bAhuByAM nadItaraNaniShedhAdi (34-35) · Śloka 35
| নদীং তরেন্ন বাহুভ্যাং, নাগ্নিস্কন্ধমভিব্রজেত্||৩৪|| সন্দিগ্ধনাবং বৃক্ষং চ নারোহেদ্দুষ্টযানবত্| |৩৫|
| नदीं तरेन्न बाहुभ्यां, नाग्निस्कन्धमभिव्रजेत्||३४|| सन्दिग्धनावं वृक्षं च नारोहेद्दुष्टयानवत्| |३५|
🔊 Audio coming soon
Adhikarana kShutyAdikaraNaprakAraH (35) · Śloka 35
| নাসংবৃতমুখঃ কুর্যাত্ক্ষুতিহাস্যবিজৃম্ভণম্||৩৫||
| नासंवृतमुखः कुर्यात्क्षुतिहास्यविजृम्भणम्||३५||
🔊 Audio coming soon
Adhikarana nAsAvikoShaNaniShedhAdi (36) · Śloka 36
নাসিকাং ন বিকুষ্ণীযান্নাকস্মাদ্বিলিখেদ্ভুবম্| নাঙ্গৈশ্চেষ্টেত বিগুণং, নাসীতোত্কটকশ্চিরম্||৩৬||
नासिकां न विकुष्णीयान्नाकस्माद्विलिखेद्भुवम्| नाङ्गैश्चेष्टेत विगुणं, नासीतोत्कटकश्चिरम्||३६||
🔊 Audio coming soon
Adhikarana SramAtprAgdohavAkceShTAH (37) · Śloka 37
দেহবাক্চেতসাং চেষ্টাঃ প্রাক্ শ্রমাদ্বিনিবর্তযেত্| নোর্ধ্বজানুশ্চিরং তিষ্ঠেত্|৩৭|
देहवाक्चेतसां चेष्टाः प्राक् श्रमाद्विनिवर्तयेत्| नोर्ध्वजानुश्चिरं तिष्ठेत्|३७|
🔊 Audio coming soon
Adhikarana rAtrau drumAdisevananiShedhaH,sUnAdisevananiShedhaH (37-38) · Śloka 38
নক্তং সেবেত ন দ্রুমম্||৩৭|| তথা চত্বরচৈত্যান্তশ্চতুষ্পথসুরালযান্| সূনাটবীশূন্যগৃহশ্মশানানি দিবাঽপি ন||৩৮||
नक्तं सेवेत न द्रुमम्||३७|| तथा चत्वरचैत्यान्तश्चतुष्पथसुरालयान्| सूनाटवीशून्यगृहश्मशानानि दिवाऽपि न||३८||
🔊 Audio coming soon
Adhikarana udyadAdityadarshananiShedhAdi (39) · Śloka 39
সর্বথেক্ষেত নাদিত্যং, ন ভারং শিরসা বহেত্| নেক্ষেত প্রততং সূক্ষ্মং দীপ্তামেধ্যাপ্রিযাণি চ||৩৯||
सर्वथेक्षेत नादित्यं, न भारं शिरसा वहेत्| नेक्षेत प्रततं सूक्ष्मं दीप्तामेध्याप्रियाणि च||३९||
🔊 Audio coming soon
Adhikarana madyavikrayAdiniShedhaH (40) · Śloka 40
মদ্যবিক্রযসন্ধানদানাদানানি নাচরেত্| |৪০|
मद्यविक्रयसन्धानदानादानानि नाचरेत्| |४०|
🔊 Audio coming soon
Adhikarana purovAtAdityAgAdi (40-44) · Śloka 44
| পুরোবাতাতপরজস্তুষারপরুষানিলান্||৪০|| অনৃজুঃ ক্ষবথূদ্গারকাসস্বপ্নান্নমৈথুনম্| কূলছাযাং নৃপদ্বিষ্টং ব্যালদংষ্ট্রিবিষাণিনঃ||৪১|| হীনানার্যাতিনিপুণসেবাং বিগ্রহমুত্তমৈঃ| সন্ধ্যাস্বভ্যবহারস্ত্রীস্বপ্নাধ্যযনচিন্তনম্||৪২|| শত্রুসত্রগণাকীর্ণগণিকাপণিকাশনম্| গাত্রবক্ত্রনখৈর্বাদ্যং হস্তকেশাবধূননম্||৪৩|| তোযাগ্নিপূজ্যমধ্যেন যানং ধূমং শবাশ্রযম্| মদ্যাতিসক্তিং বিশ্রম্ভস্বাতন্ত্র্যে স্ত্রীষু চ ত্যজেত্||৪৪||
| पुरोवातातपरजस्तुषारपरुषानिलान्||४०|| अनृजुः क्षवथूद्गारकासस्वप्नान्नमैथुनम्| कूलछायां नृपद्विष्टं व्यालदंष्ट्रिविषाणिनः||४१|| हीनानार्यातिनिपुणसेवां विग्रहमुत्तमैः| सन्ध्यास्वभ्यवहारस्त्रीस्वप्नाध्ययनचिन्तनम्||४२|| शत्रुसत्रगणाकीर्णगणिकापणिकाशनम्| गात्रवक्त्रनखैर्वाद्यं हस्तकेशावधूननम्||४३|| तोयाग्निपूज्यमध्येन यानं धूमं शवाश्रयम्| मद्यातिसक्तिं विश्रम्भस्वातन्त्र्ये स्त्रीषु च त्यजेत्||४४||
🔊 Audio coming soon
Adhikarana sarvaceShTAsu lokopadeShTRutvam (45) · Śloka 45
আচার্যঃ সর্বচেষ্টাসু লোক এব হি ধীমতঃ| অনুকুর্যাত্তমেবাতো লৌকিকেঽর্থে পরীক্ষকঃ||৪৫||
आचार्यः सर्वचेष्टासु लोक एव हि धीमतः| अनुकुर्यात्तमेवातो लौकिकेऽर्थे परीक्षकः||४५||
🔊 Audio coming soon
Adhikarana sadvratasvarUpam (46) · Śloka 46
আর্দ্রসন্তানতা ত্যাগঃ কাযবাক্চেতসাং দমঃ| স্বার্থবুদ্ধিঃ পরার্থেষু পর্যাপ্তমিতি সদ্ব্রতম্||৪৬||
आर्द्रसन्तानता त्यागः कायवाक्चेतसां दमः| स्वार्थबुद्धिः परार्थेषु पर्याप्तमिति सद्व्रतम्||४६||
🔊 Audio coming soon
Adhikarana AcArAvahitatvam (47) · Śloka 47
নক্তংদিনানি মে যান্তি কথম্ভূতস্য সম্প্রতি| দুঃখভাঙ্ন ভবত্যেবং নিত্যং সন্নিহিতস্মৃতিঃ||৪৭||
नक्तंदिनानि मे यान्ति कथम्भूतस्य सम्प्रति| दुःखभाङ्न भवत्येवं नित्यं सन्निहितस्मृतिः||४७||
🔊 Audio coming soon
Adhikarana AcAraphalam (2) · Śloka 2
ইত্যাচারঃ সমাসেন, যং প্রাপ্নোতি সমাচরন্| আযুরারোগ্যমৈশ্বর্যং যশো লোকাংশ্চ শাশ্বতান্||৪৮|| ইতি শ্রীবৈদ্যপতিসিংহগুপ্তসূনু শ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে দিনচর্যা নাম দ্বিতীযোঽধ্যাযঃ||২||
इत्याचारः समासेन, यं प्राप्नोति समाचरन्| आयुरारोग्यमैश्वर्यं यशो लोकांश्च शाश्वतान्||४८|| इति श्रीवैद्यपतिसिंहगुप्तसूनु श्रीमद्वाग्भटविरचितायामष्टाङ्गहृदयसंहितायां सूत्रस्थाने दिनचर्या नाम द्वितीयोऽध्यायः||२||
🔊 Audio coming soon