Adhikarana dinacaryAdhyAyaH (2) · Śloka 2
athātō dinacaryādhyāyaṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē)||2||
अथातो दिनचर्याध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
Adhikarana brAhme muhUrta utthAnam (1) · Śloka 1
asmiṁstantrē āyuḥpālanaṁ prakr̥tam| tadvividham, svasthavr̥ttamāturavr̥ttaṁ ca| tatra maṅgalyatvāt svalpavaktavyatvādāturōpayōgitvācca svasthavr̥ttamēvādāvucyatē brāhmē muhūrta uttiṣṭhētsvasthō rakṣārthamāyuṣaḥ| |1|
अस्मिंस्तन्त्रे आयुःपालनं प्रकृतम्| तद्विविधम्, स्वस्थवृत्तमातुरवृत्तं च| तत्र मङ्गल्यत्वात् स्वल्पवक्तव्यत्वादातुरोपयोगित्वाच्च स्वस्थवृत्तमेवादावुच्यते ब्राह्मे मुहूर्त उत्तिष्ठेत्स्वस्थो रक्षार्थमायुषः| |१|
🔊 Audio coming soon
Adhikarana shaucavidhiH dantadhAvanam (1-3) · Śloka 3
| śarīracintāṁ nirvartya kr̥taśaucavidhistataḥ||1|| arkanyagrōdhakhadirakarañjakakubhādijam| prātarbhuktvā ca mr̥dvagraṁ kaṣāyakaṭutiktakam||2|| kanīnyagrasamasthaulyaṁ praguṇaṁ dvādaśāṅgulam| bhakṣayēddantapavanaṁ dantamāṁsānyabādhayan||3||
| शरीरचिन्तां निर्वर्त्य कृतशौचविधिस्ततः||१|| अर्कन्यग्रोधखदिरकरञ्जककुभादिजम्| प्रातर्भुक्त्वा च मृद्वग्रं कषायकटुतिक्तकम्||२|| कनीन्यग्रसमस्थौल्यं प्रगुणं द्वादशाङ्गुलम्| भक्षयेद्दन्तपवनं दन्तमांसान्यबाधयन्||३||
🔊 Audio coming soon
Adhikarana dantadhAvananiShedhaH (4) · Śloka 4
nādyādajīrṇavamathuśvāsakāsajvarārditī| tr̥ṣṇāsyapākahr̥nnētraśiraḥkarṇāmayī ca tat||4||
नाद्यादजीर्णवमथुश्वासकासज्वरार्दिती| तृष्णास्यपाकहृन्नेत्रशिरःकर्णामयी च तत्||४||
🔊 Audio coming soon
Adhikarana sauvIrA~jjanam (5) · Śloka 5
sauvīramañjanaṁ nityaṁ hitamakṣṇōstatō bhajēt| |5|
सौवीरमञ्जनं नित्यं हितमक्ष्णोस्ततो भजेत्| |५|
🔊 Audio coming soon
Adhikarana rasA~jjanam (5-6) · Śloka 6
| cakṣustējōmayaṁ tasya viśēṣāt ślēṣmatō bhayam||5|| yōjayētsaptarātrē'smātsrāvaṇārthaṁ rasāñjanam| |6|
| चक्षुस्तेजोमयं तस्य विशेषात् श्लेष्मतो भयम्||५|| योजयेत्सप्तरात्रेऽस्मात्स्रावणार्थं रसाञ्जनम्| |६|
🔊 Audio coming soon
Adhikarana nasyAdisevanam (6) · Śloka 6
| tatō nāvanagaṇḍūṣadhūmatāmbūlabhāgbhavēt||6||
| ततो नावनगण्डूषधूमताम्बूलभाग्भवेत्||६||
🔊 Audio coming soon
Adhikarana tAmbUlaniShedhaH (7) · Śloka 7
yēṣāṁ tu tāmbūlamapathyaṁ, tānāha tāmbūlaṁ kṣatapittāsrarūkṣōtkupitacakṣuṣām| viṣamūrcchāmadārtānāmapathyaṁ śōṣiṇāmapi||7||
येषां तु ताम्बूलमपथ्यं, तानाह ताम्बूलं क्षतपित्तास्ररूक्षोत्कुपितचक्षुषाम्| विषमूर्च्छामदार्तानामपथ्यं शोषिणामपि||७||
🔊 Audio coming soon
Adhikarana aBya~ggaH (8) · Śloka 8
tadētatsarvaṁ vidhāya, bhōjanāsannē kālē'bhyaṅga ācaraṇīya ityāha abhyaṅgamācarēnnityaṁ, sa jarāśramavātahā| dr̥ṣṭiprasādapuṣṭyāyuḥsvapnasutvaktvadārḍhyakr̥t||8||
तदेतत्सर्वं विधाय, भोजनासन्ने कालेऽभ्यङ्ग आचरणीय इत्याह अभ्यङ्गमाचरेन्नित्यं, स जराश्रमवातहा| दृष्टिप्रसादपुष्ट्यायुःस्वप्नसुत्वक्त्वदार्ढ्यकृत्||८||
🔊 Audio coming soon
Adhikarana shirAdau visheSheNa shIlanam (9) · Śloka 9
śiraḥśravaṇapādēṣu taṁ viśēṣēṇa śīlayēt| |9|
शिरःश्रवणपादेषु तं विशेषेण शीलयेत्| |९|
🔊 Audio coming soon
Adhikarana aBya~gganiShedhaH (9) · Śloka 9
athētadapavādamāha | varjyō'bhyaṅgaḥ kaphagrastakr̥tasaṁśuddhyajīrṇibhiḥ||9||
अथेतदपवादमाह | वर्ज्योऽभ्यङ्गः कफग्रस्तकृतसंशुद्ध्यजीर्णिभिः||९||
🔊 Audio coming soon
Adhikarana vyAyAmaH (10) · Śloka 10
lāghavaṁ karmasāmarthyaṁ dīptō'gnirmēdasaḥ kṣayaḥ| vibhaktaghanagātratvaṁ vyāyāmādupajāyatē||10||
लाघवं कर्मसामर्थ्यं दीप्तोऽग्निर्मेदसः क्षयः| विभक्तघनगात्रत्वं व्यायामादुपजायते||१०||
🔊 Audio coming soon
Adhikarana vyAyAma niShedhaH (11) · Śloka 11
idānīṁ yēnāsau na kāryastaṁ darśayati vātapittāmayī bālō vr̥ddhō'jīrṇō ca taṁ tyajēt| |11|
इदानीं येनासौ न कार्यस्तं दर्शयति वातपित्तामयी बालो वृद्धोऽजीर्णो च तं त्यजेत्| |११|
🔊 Audio coming soon
Adhikarana vyAyAmamAtrA,vyAyAmakAlaH (11-12) · Śloka 12
| ardhaśaktyā niṣēvyastu balibhiḥ snigdhabhōjibhiḥ||11|| śītakālē vasantē ca, mandamēva tatō'nyadā| |12|
| अर्धशक्त्या निषेव्यस्तु बलिभिः स्निग्धभोजिभिः||११|| शीतकाले वसन्ते च, मन्दमेव ततोऽन्यदा| |१२|
🔊 Audio coming soon
Adhikarana dehamardanam (12) · Śloka 12
| taṁ kr̥tvā'nusukhaṁ dēhaṁ mardayēcca samantataḥ||12||
| तं कृत्वाऽनुसुखं देहं मर्दयेच्च समन्ततः||१२||
🔊 Audio coming soon
Adhikarana ativyAyAmaniShedhaH (13) · Śloka 13
tr̥ṣṇā kṣayaḥ pratamakō raktapittaṁ śramaḥ klamaḥ| ativyāyāmataḥ kāsō jvaraśchardiśca jāyatē||13||
तृष्णा क्षयः प्रतमको रक्तपित्तं श्रमः क्लमः| अतिव्यायामतः कासो ज्वरश्छर्दिश्च जायते||१३||
🔊 Audio coming soon
Adhikarana ativyAyAmAdinA vyApadaH (14) · Śloka 14
vyāyāmajāgarādhvastrīhāsyabhāṣyādi sāhasam| gajaṁ siṁha ivākarṣan bhajannati vinaśyati||14||
व्यायामजागराध्वस्त्रीहास्यभाष्यादि साहसम्| गजं सिंह इवाकर्षन् भजन्नति विनश्यति||१४||
🔊 Audio coming soon
Adhikarana udvartanaguNAH (15) · Śloka 15
udvartanaṁ kaphaharaṁ mēdasaḥ pravilāyanam| sthirīkaraṇamaṅgānāṁ tvakprasādakaraṁ param||15||
उद्वर्तनं कफहरं मेदसः प्रविलायनम्| स्थिरीकरणमङ्गानां त्वक्प्रसादकरं परम्||१५||
🔊 Audio coming soon
Adhikarana snAnaguNAH (16) · Śloka 16
dīpanaṁ vr̥ṣyamāyuṣyaṁ snānamūrjābalapradam| kaṇḍūmalaśramasvēdatandrātr̥ḍdāhapāpmajit||16||
दीपनं वृष्यमायुष्यं स्नानमूर्जाबलप्रदम्| कण्डूमलश्रमस्वेदतन्द्रातृड्दाहपाप्मजित्||१६||
🔊 Audio coming soon
Adhikarana uShNaSItAmbusnAnaviShayaH (17) · Śloka 17
uṣṇāmbunā'dhaḥkāyasya pariṣēkō balāvahaḥ| tēnaiva tūttamāṅgasya balahr̥tkēśacakṣuṣām||17||
उष्णाम्बुनाऽधःकायस्य परिषेको बलावहः| तेनैव तूत्तमाङ्गस्य बलहृत्केशचक्षुषाम्||१७||
🔊 Audio coming soon
Adhikarana snAnaniShedhaH (18) · Śloka 18
snānaṁ yēṣāmapathyam, tān darśayitumāha snānamarditanētrāsyakarṇarōgātisāriṣu| ādhmānapīnasājīrṇabhuktavatsu ca garhitam||18||
स्नानं येषामपथ्यम्, तान् दर्शयितुमाह स्नानमर्दितनेत्रास्यकर्णरोगातिसारिषु| आध्मानपीनसाजीर्णभुक्तवत्सु च गर्हितम्||१८||
🔊 Audio coming soon
Adhikarana jIrNe hitaBojanamvegodIrNadhAraNaniShedhaH vyAdhyupeScAniShedhaH (19) · Śloka 19
jīrṇō hitaṁ mitaṁ cādyānna vēgānīrayēdbalāt| na vēgitō'nyakāryaḥ syānnājitvā sādhyamāmayam||19||
जीर्णो हितं मितं चाद्यान्न वेगानीरयेद्बलात्| न वेगितोऽन्यकार्यः स्यान्नाजित्वा साध्यमामयम्||१९||
🔊 Audio coming soon
Adhikarana dharmaprAdhAnyam (20) · Śloka 20
sukhārthāḥ sarvabhūtānāṁ matāḥ sarvāḥ pravr̥ttayaḥ| sukhaṁ ca na vinā dharmāttasmāddharmaparō bhavēt||20||
सुखार्थाः सर्वभूतानां मताः सर्वाः प्रवृत्तयः| सुखं च न विना धर्मात्तस्माद्धर्मपरो भवेत्||२०||
🔊 Audio coming soon
Adhikarana mitrAmitrANAM svIkAraparityAgau (21) · Śloka 21
bhaktyā kalyāṇamitrāṇi sēvētētaradūragaḥ| |21|
भक्त्या कल्याणमित्राणि सेवेतेतरदूरगः| |२१|
🔊 Audio coming soon
Adhikarana hiMsAdipApaniShedhaH (21-22) · Śloka 22
| hiṁsāstēyānyathākāmaṁ paiśunyaṁ paruṣānr̥tē||21|| sambhinnālāpaṁ vyāpādamabhidhyāṁ dr̥gviparyayam| pāpaṁ karmēti daśadhā kāyavāṅmanasaistyajēt||22||
| हिंसास्तेयान्यथाकामं पैशुन्यं परुषानृते||२१|| सम्भिन्नालापं व्यापादमभिध्यां दृग्विपर्ययम्| पापं कर्मेति दशधा कायवाङ्मनसैस्त्यजेत्||२२||
🔊 Audio coming soon
Adhikarana shaktito~avRutyAdyAnuvartanam (23) · Śloka 23
avr̥ttivyādhiśōkārtānanuvartēta śaktitaḥ| |23|
अवृत्तिव्याधिशोकार्ताननुवर्तेत शक्तितः| |२३|
🔊 Audio coming soon
Adhikarana kITAdiShvAtmavaddarshanam (23) · Śloka 23
| ātmavatsatataṁ paśyēdapi kīṭapipīlikam||23||
| आत्मवत्सततं पश्येदपि कीटपिपीलिकम्||२३||
🔊 Audio coming soon
Adhikarana devAdyarcanam (24) · Śloka 24
arcayēddēvagōvipravr̥ddhavaidyanr̥pātithīn| |24|
अर्चयेद्देवगोविप्रवृद्धवैद्यनृपातिथीन्| |२४|
🔊 Audio coming soon
Adhikarana yAcakadveShaniShedhaH (24) · Śloka 24
| vimukhānnārthinaḥ kuryānnāvamanyēta nākṣipēt||24||
| विमुखान्नार्थिनः कुर्यान्नावमन्येत नाक्षिपेत्||२४||
🔊 Audio coming soon
Adhikarana paropakAraH (25) · Śloka 25
upakārapradhānaḥ syādapakāraparē'pyarau| |25|
उपकारप्रधानः स्यादपकारपरेऽप्यरौ| |२५|
🔊 Audio coming soon
Adhikarana sampadAdau samacittatA, IrShyAniShedhaH (25) · Śloka 25
| sampadvipatsvēkamanā, hētāvīrṣyētphalē na tu||25||
| सम्पद्विपत्स्वेकमना, हेतावीर्ष्येत्फले न तु||२५||
🔊 Audio coming soon
Adhikarana BAShaNam (26) · Śloka 26
kālē hitaṁ mitaṁ brūyādavisaṁvādi pēśalam| |26|
काले हितं मितं ब्रूयादविसंवादि पेशलम्| |२६|
🔊 Audio coming soon
Adhikarana sadvartanaprakAraH (26-27) · Śloka 27
| pūrvābhibhāṣī, sumukhaḥ suśīlaḥ karuṇāmr̥duḥ||26|| naikaḥ sukhī, na sarvatra viśrabdhō, na ca śaṅkitaḥ| |27|
| पूर्वाभिभाषी, सुमुखः सुशीलः करुणामृदुः||२६|| नैकः सुखी, न सर्वत्र विश्रब्धो, न च शङ्कितः| |२७|
🔊 Audio coming soon
Adhikarana shatrutvAderaprakAshanam (27-28) · Śloka 28
| na kañcidātmanaḥ śatruṁ nātmānaṁ kasyacidripum||27|| prakāśayēnnāpamānaṁ na ca niḥsnēhatāṁ prabhōḥ| |28|
| न कञ्चिदात्मनः शत्रुं नात्मानं कस्यचिद्रिपुम्||२७|| प्रकाशयेन्नापमानं न च निःस्नेहतां प्रभोः| |२८|
🔊 Audio coming soon
Adhikarana lokaprakRutyanusAreNa vartanam (28-29) · Śloka 29
| janasyāśayamālakṣya yō yathā parituṣyati||28|| taṁ tathaivānuvartēta parārādhanapaṇḍitaḥ| |29|
| जनस्याशयमालक्ष्य यो यथा परितुष्यति||२८|| तं तथैवानुवर्तेत पराराधनपण्डितः| |२९|
🔊 Audio coming soon
Adhikarana indriyANAM lAlanapIDananiShedhaH (29) · Śloka 29
na pīḍayēdindriyāṇi va caitānyati lālayēt||29||
न पीडयेदिन्द्रियाणि व चैतान्यति लालयेत्||२९||
🔊 Audio coming soon
Adhikarana trivargashUnyakarmAnAramBaH (30) · Śloka 30
trivargaśūnyaṁ nārambhaṁ bhajēttaṁ cāvirōdhayan| |30|
त्रिवर्गशून्यं नारम्भं भजेत्तं चाविरोधयन्| |३०|
🔊 Audio coming soon
Adhikarana sarvadharmaiShu madhyamamArgAnuvartanam nIcaromatvAdikam (30) · Śloka 30
| anuyāyātpratipadaṁ sarvadharmēṣu madhyamām||30||
| अनुयायात्प्रतिपदं सर्वधर्मेषु मध्यमाम्||३०||
🔊 Audio coming soon
Adhikarana nIcaromatvAdikam snAnashIlAdiH (31) · Śloka 31
nīcarōmanakhaśmaśrurnirmalāṅghrimalāyanaḥ| snānaśīlaḥ susurabhiḥ suvēṣō'nulbaṇōjjvalaḥ||31||
नीचरोमनखश्मश्रुर्निर्मलाङ्घ्रिमलायनः| स्नानशीलः सुसुरभिः सुवेषोऽनुल्बणोज्ज्वलः||३१||
🔊 Audio coming soon
Adhikarana ratnAdidhAraNam (32) · Śloka 32
dhārayētsatataṁ ratnasiddhamantramahauṣadhīḥ| |32|
धारयेत्सततं रत्नसिद्धमन्त्रमहौषधीः| |३२|
🔊 Audio coming soon
Adhikarana sa~jcAraprakAraH (32) · Śloka 32
| sātapatrapadatrāṇō vicarēdyugamātradr̥k||32||
| सातपत्रपदत्राणो विचरेद्युगमात्रदृक्||३२||
🔊 Audio coming soon
Adhikarana nishi sa~jcAre visheShaH (33) · Śloka 33
niśi cātyayikē kāryē daṇḍī maulī sahāyavān| |33|
निशि चात्ययिके कार्ये दण्डी मौली सहायवान्| |३३|
🔊 Audio coming soon
Adhikarana caityAdicchhAyAdyAkramaNaniShedhaH (33-34) · Śloka 34
| caityapūjyadhvajāśastacchāyābhasmatuṣāśucīn||33|| nākrāmēccharkarālōṣṭabalisnānabhuvō na ca| |34|
| चैत्यपूज्यध्वजाशस्तच्छायाभस्मतुषाशुचीन्||३३|| नाक्रामेच्छर्करालोष्टबलिस्नानभुवो न च| |३४|
🔊 Audio coming soon
Adhikarana bAhuByAM nadItaraNaniShedhAdi (34-35) · Śloka 35
| nadīṁ tarēnna bāhubhyāṁ, nāgniskandhamabhivrajēt||34|| sandigdhanāvaṁ vr̥kṣaṁ ca nārōhēdduṣṭayānavat| |35|
| नदीं तरेन्न बाहुभ्यां, नाग्निस्कन्धमभिव्रजेत्||३४|| सन्दिग्धनावं वृक्षं च नारोहेद्दुष्टयानवत्| |३५|
🔊 Audio coming soon
Adhikarana kShutyAdikaraNaprakAraH (35) · Śloka 35
| nāsaṁvr̥tamukhaḥ kuryātkṣutihāsyavijr̥mbhaṇam||35||
| नासंवृतमुखः कुर्यात्क्षुतिहास्यविजृम्भणम्||३५||
🔊 Audio coming soon
Adhikarana nAsAvikoShaNaniShedhAdi (36) · Śloka 36
nāsikāṁ na vikuṣṇīyānnākasmādvilikhēdbhuvam| nāṅgaiścēṣṭēta viguṇaṁ, nāsītōtkaṭakaściram||36||
नासिकां न विकुष्णीयान्नाकस्माद्विलिखेद्भुवम्| नाङ्गैश्चेष्टेत विगुणं, नासीतोत्कटकश्चिरम्||३६||
🔊 Audio coming soon
Adhikarana SramAtprAgdohavAkceShTAH (37) · Śloka 37
dēhavākcētasāṁ cēṣṭāḥ prāk śramādvinivartayēt| nōrdhvajānuściraṁ tiṣṭhēt|37|
देहवाक्चेतसां चेष्टाः प्राक् श्रमाद्विनिवर्तयेत्| नोर्ध्वजानुश्चिरं तिष्ठेत्|३७|
🔊 Audio coming soon
Adhikarana rAtrau drumAdisevananiShedhaH,sUnAdisevananiShedhaH (37-38) · Śloka 38
naktaṁ sēvēta na drumam||37|| tathā catvaracaityāntaścatuṣpathasurālayān| sūnāṭavīśūnyagr̥haśmaśānāni divā'pi na||38||
नक्तं सेवेत न द्रुमम्||३७|| तथा चत्वरचैत्यान्तश्चतुष्पथसुरालयान्| सूनाटवीशून्यगृहश्मशानानि दिवाऽपि न||३८||
🔊 Audio coming soon
Adhikarana udyadAdityadarshananiShedhAdi (39) · Śloka 39
sarvathēkṣēta nādityaṁ, na bhāraṁ śirasā vahēt| nēkṣēta pratataṁ sūkṣmaṁ dīptāmēdhyāpriyāṇi ca||39||
सर्वथेक्षेत नादित्यं, न भारं शिरसा वहेत्| नेक्षेत प्रततं सूक्ष्मं दीप्तामेध्याप्रियाणि च||३९||
🔊 Audio coming soon
Adhikarana madyavikrayAdiniShedhaH (40) · Śloka 40
madyavikrayasandhānadānādānāni nācarēt| |40|
मद्यविक्रयसन्धानदानादानानि नाचरेत्| |४०|
🔊 Audio coming soon
Adhikarana purovAtAdityAgAdi (40-44) · Śloka 44
| purōvātātaparajastuṣāraparuṣānilān||40|| anr̥juḥ kṣavathūdgārakāsasvapnānnamaithunam| kūlachāyāṁ nr̥padviṣṭaṁ vyāladaṁṣṭriviṣāṇinaḥ||41|| hīnānāryātinipuṇasēvāṁ vigrahamuttamaiḥ| sandhyāsvabhyavahārastrīsvapnādhyayanacintanam||42|| śatrusatragaṇākīrṇagaṇikāpaṇikāśanam| gātravaktranakhairvādyaṁ hastakēśāvadhūnanam||43|| tōyāgnipūjyamadhyēna yānaṁ dhūmaṁ śavāśrayam| madyātisaktiṁ viśrambhasvātantryē strīṣu ca tyajēt||44||
| पुरोवातातपरजस्तुषारपरुषानिलान्||४०|| अनृजुः क्षवथूद्गारकासस्वप्नान्नमैथुनम्| कूलछायां नृपद्विष्टं व्यालदंष्ट्रिविषाणिनः||४१|| हीनानार्यातिनिपुणसेवां विग्रहमुत्तमैः| सन्ध्यास्वभ्यवहारस्त्रीस्वप्नाध्ययनचिन्तनम्||४२|| शत्रुसत्रगणाकीर्णगणिकापणिकाशनम्| गात्रवक्त्रनखैर्वाद्यं हस्तकेशावधूननम्||४३|| तोयाग्निपूज्यमध्येन यानं धूमं शवाश्रयम्| मद्यातिसक्तिं विश्रम्भस्वातन्त्र्ये स्त्रीषु च त्यजेत्||४४||
🔊 Audio coming soon
Adhikarana sarvaceShTAsu lokopadeShTRutvam (45) · Śloka 45
ācāryaḥ sarvacēṣṭāsu lōka ēva hi dhīmataḥ| anukuryāttamēvātō laukikē'rthē parīkṣakaḥ||45||
आचार्यः सर्वचेष्टासु लोक एव हि धीमतः| अनुकुर्यात्तमेवातो लौकिकेऽर्थे परीक्षकः||४५||
🔊 Audio coming soon
Adhikarana sadvratasvarUpam (46) · Śloka 46
ārdrasantānatā tyāgaḥ kāyavākcētasāṁ damaḥ| svārthabuddhiḥ parārthēṣu paryāptamiti sadvratam||46||
आर्द्रसन्तानता त्यागः कायवाक्चेतसां दमः| स्वार्थबुद्धिः परार्थेषु पर्याप्तमिति सद्व्रतम्||४६||
🔊 Audio coming soon
Adhikarana AcArAvahitatvam (47) · Śloka 47
naktaṁdināni mē yānti kathambhūtasya samprati| duḥkhabhāṅna bhavatyēvaṁ nityaṁ sannihitasmr̥tiḥ||47||
नक्तंदिनानि मे यान्ति कथम्भूतस्य सम्प्रति| दुःखभाङ्न भवत्येवं नित्यं सन्निहितस्मृतिः||४७||
🔊 Audio coming soon
Adhikarana AcAraphalam (2) · Śloka 2
ityācāraḥ samāsēna, yaṁ prāpnōti samācaran| āyurārōgyamaiśvaryaṁ yaśō lōkāṁśca śāśvatān||48|| iti śrīvaidyapatisiṁhaguptasūnu śrīmadvāgbhaṭaviracitāyāmaṣṭāṅgahr̥dayasaṁhitāyāṁ sūtrasthānē dinacaryā nāma dvitīyō'dhyāyaḥ||2||
इत्याचारः समासेन, यं प्राप्नोति समाचरन्| आयुरारोग्यमैश्वर्यं यशो लोकांश्च शाश्वतान्||४८|| इति श्रीवैद्यपतिसिंहगुप्तसूनु श्रीमद्वाग्भटविरचितायामष्टाङ्गहृदयसंहितायां सूत्रस्थाने दिनचर्या नाम द्वितीयोऽध्यायः||२||
🔊 Audio coming soon