2. dinacaryādhyāyaḥ

Adhikarana dinacaryAdhyAyaH (2) · Śloka 2

ಅಥಾತೋ ದಿನಚರ್ಯಾಧ್ಯಾಯಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ)||೨||

Adhikarana brAhme muhUrta utthAnam (1) · Śloka 1

ಅಸ್ಮಿಂಸ್ತನ್ತ್ರೇ ಆಯುಃಪಾಲನಂ ಪ್ರಕೃತಮ್| ತದ್ವಿವಿಧಮ್, ಸ್ವಸ್ಥವೃತ್ತಮಾತುರವೃತ್ತಂ ಚ| ತತ್ರ ಮಙ್ಗಲ್ಯತ್ವಾತ್ ಸ್ವಲ್ಪವಕ್ತವ್ಯತ್ವಾದಾತುರೋಪಯೋಗಿತ್ವಾಚ್ಚ ಸ್ವಸ್ಥವೃತ್ತಮೇವಾದಾವುಚ್ಯತೇ ಬ್ರಾಹ್ಮೇ ಮುಹೂರ್ತ ಉತ್ತಿಷ್ಠೇತ್ಸ್ವಸ್ಥೋ ರಕ್ಷಾರ್ಥಮಾಯುಷಃ| |೧|

Adhikarana shaucavidhiH dantadhAvanam (1-3) · Śloka 3

| ಶರೀರಚಿನ್ತಾಂ ನಿರ್ವರ್ತ್ಯ ಕೃತಶೌಚವಿಧಿಸ್ತತಃ||೧|| ಅರ್ಕನ್ಯಗ್ರೋಧಖದಿರಕರಞ್ಜಕಕುಭಾದಿಜಮ್| ಪ್ರಾತರ್ಭುಕ್ತ್ವಾ ಚ ಮೃದ್ವಗ್ರಂ ಕಷಾಯಕಟುತಿಕ್ತಕಮ್||೨|| ಕನೀನ್ಯಗ್ರಸಮಸ್ಥೌಲ್ಯಂ ಪ್ರಗುಣಂ ದ್ವಾದಶಾಙ್ಗುಲಮ್| ಭಕ್ಷಯೇದ್ದನ್ತಪವನಂ ದನ್ತಮಾಂಸಾನ್ಯಬಾಧಯನ್||೩||

Adhikarana dantadhAvananiShedhaH (4) · Śloka 4

ನಾದ್ಯಾದಜೀರ್ಣವಮಥುಶ್ವಾಸಕಾಸಜ್ವರಾರ್ದಿತೀ| ತೃಷ್ಣಾಸ್ಯಪಾಕಹೃನ್ನೇತ್ರಶಿರಃಕರ್ಣಾಮಯೀ ಚ ತತ್||೪||

Adhikarana sauvIrA~jjanam (5) · Śloka 5

ಸೌವೀರಮಞ್ಜನಂ ನಿತ್ಯಂ ಹಿತಮಕ್ಷ್ಣೋಸ್ತತೋ ಭಜೇತ್| |೫|

Adhikarana rasA~jjanam (5-6) · Śloka 6

| ಚಕ್ಷುಸ್ತೇಜೋಮಯಂ ತಸ್ಯ ವಿಶೇಷಾತ್ ಶ್ಲೇಷ್ಮತೋ ಭಯಮ್||೫|| ಯೋಜಯೇತ್ಸಪ್ತರಾತ್ರೇಽಸ್ಮಾತ್ಸ್ರಾವಣಾರ್ಥಂ ರಸಾಞ್ಜನಮ್| |೬|

Adhikarana nasyAdisevanam (6) · Śloka 6

| ತತೋ ನಾವನಗಣ್ಡೂಷಧೂಮತಾಮ್ಬೂಲಭಾಗ್ಭವೇತ್||೬||

Adhikarana tAmbUlaniShedhaH (7) · Śloka 7

ಯೇಷಾಂ ತು ತಾಮ್ಬೂಲಮಪಥ್ಯಂ, ತಾನಾಹ ತಾಮ್ಬೂಲಂ ಕ್ಷತಪಿತ್ತಾಸ್ರರೂಕ್ಷೋತ್ಕುಪಿತಚಕ್ಷುಷಾಮ್| ವಿಷಮೂರ್ಚ್ಛಾಮದಾರ್ತಾನಾಮಪಥ್ಯಂ ಶೋಷಿಣಾಮಪಿ||೭||

Adhikarana aBya~ggaH (8) · Śloka 8

ತದೇತತ್ಸರ್ವಂ ವಿಧಾಯ, ಭೋಜನಾಸನ್ನೇ ಕಾಲೇಽಭ್ಯಙ್ಗ ಆಚರಣೀಯ ಇತ್ಯಾಹ ಅಭ್ಯಙ್ಗಮಾಚರೇನ್ನಿತ್ಯಂ, ಸ ಜರಾಶ್ರಮವಾತಹಾ| ದೃಷ್ಟಿಪ್ರಸಾದಪುಷ್ಟ್ಯಾಯುಃಸ್ವಪ್ನಸುತ್ವಕ್ತ್ವದಾರ್ಢ್ಯಕೃತ್||೮||

Adhikarana shirAdau visheSheNa shIlanam (9) · Śloka 9

ಶಿರಃಶ್ರವಣಪಾದೇಷು ತಂ ವಿಶೇಷೇಣ ಶೀಲಯೇತ್| |೯|

Adhikarana aBya~gganiShedhaH (9) · Śloka 9

ಅಥೇತದಪವಾದಮಾಹ | ವರ್ಜ್ಯೋಽಭ್ಯಙ್ಗಃ ಕಫಗ್ರಸ್ತಕೃತಸಂಶುದ್ಧ್ಯಜೀರ್ಣಿಭಿಃ||೯||

Adhikarana vyAyAmaH (10) · Śloka 10

ಲಾಘವಂ ಕರ್ಮಸಾಮರ್ಥ್ಯಂ ದೀಪ್ತೋಽಗ್ನಿರ್ಮೇದಸಃ ಕ್ಷಯಃ| ವಿಭಕ್ತಘನಗಾತ್ರತ್ವಂ ವ್ಯಾಯಾಮಾದುಪಜಾಯತೇ||೧೦||

Adhikarana vyAyAma niShedhaH (11) · Śloka 11

ಇದಾನೀಂ ಯೇನಾಸೌ ನ ಕಾರ್ಯಸ್ತಂ ದರ್ಶಯತಿ ವಾತಪಿತ್ತಾಮಯೀ ಬಾಲೋ ವೃದ್ಧೋಽಜೀರ್ಣೋ ಚ ತಂ ತ್ಯಜೇತ್| |೧೧|

Adhikarana vyAyAmamAtrA,vyAyAmakAlaH (11-12) · Śloka 12

| ಅರ್ಧಶಕ್ತ್ಯಾ ನಿಷೇವ್ಯಸ್ತು ಬಲಿಭಿಃ ಸ್ನಿಗ್ಧಭೋಜಿಭಿಃ||೧೧|| ಶೀತಕಾಲೇ ವಸನ್ತೇ ಚ, ಮನ್ದಮೇವ ತತೋಽನ್ಯದಾ| |೧೨|

Adhikarana dehamardanam (12) · Śloka 12

| ತಂ ಕೃತ್ವಾಽನುಸುಖಂ ದೇಹಂ ಮರ್ದಯೇಚ್ಚ ಸಮನ್ತತಃ||೧೨||

Adhikarana ativyAyAmaniShedhaH (13) · Śloka 13

ತೃಷ್ಣಾ ಕ್ಷಯಃ ಪ್ರತಮಕೋ ರಕ್ತಪಿತ್ತಂ ಶ್ರಮಃ ಕ್ಲಮಃ| ಅತಿವ್ಯಾಯಾಮತಃ ಕಾಸೋ ಜ್ವರಶ್ಛರ್ದಿಶ್ಚ ಜಾಯತೇ||೧೩||

Adhikarana ativyAyAmAdinA vyApadaH (14) · Śloka 14

ವ್ಯಾಯಾಮಜಾಗರಾಧ್ವಸ್ತ್ರೀಹಾಸ್ಯಭಾಷ್ಯಾದಿ ಸಾಹಸಮ್| ಗಜಂ ಸಿಂಹ ಇವಾಕರ್ಷನ್ ಭಜನ್ನತಿ ವಿನಶ್ಯತಿ||೧೪||

Adhikarana udvartanaguNAH (15) · Śloka 15

ಉದ್ವರ್ತನಂ ಕಫಹರಂ ಮೇದಸಃ ಪ್ರವಿಲಾಯನಮ್| ಸ್ಥಿರೀಕರಣಮಙ್ಗಾನಾಂ ತ್ವಕ್ಪ್ರಸಾದಕರಂ ಪರಮ್||೧೫||

Adhikarana snAnaguNAH (16) · Śloka 16

ದೀಪನಂ ವೃಷ್ಯಮಾಯುಷ್ಯಂ ಸ್ನಾನಮೂರ್ಜಾಬಲಪ್ರದಮ್| ಕಣ್ಡೂಮಲಶ್ರಮಸ್ವೇದತನ್ದ್ರಾತೃಡ್ದಾಹಪಾಪ್ಮಜಿತ್||೧೬||

Adhikarana uShNaSItAmbusnAnaviShayaH (17) · Śloka 17

ಉಷ್ಣಾಮ್ಬುನಾಽಧಃಕಾಯಸ್ಯ ಪರಿಷೇಕೋ ಬಲಾವಹಃ| ತೇನೈವ ತೂತ್ತಮಾಙ್ಗಸ್ಯ ಬಲಹೃತ್ಕೇಶಚಕ್ಷುಷಾಮ್||೧೭||

Adhikarana snAnaniShedhaH (18) · Śloka 18

ಸ್ನಾನಂ ಯೇಷಾಮಪಥ್ಯಮ್, ತಾನ್ ದರ್ಶಯಿತುಮಾಹ ಸ್ನಾನಮರ್ದಿತನೇತ್ರಾಸ್ಯಕರ್ಣರೋಗಾತಿಸಾರಿಷು| ಆಧ್ಮಾನಪೀನಸಾಜೀರ್ಣಭುಕ್ತವತ್ಸು ಚ ಗರ್ಹಿತಮ್||೧೮||

Adhikarana jIrNe hitaBojanamvegodIrNadhAraNaniShedhaH vyAdhyupeScAniShedhaH (19) · Śloka 19

ಜೀರ್ಣೋ ಹಿತಂ ಮಿತಂ ಚಾದ್ಯಾನ್ನ ವೇಗಾನೀರಯೇದ್ಬಲಾತ್| ನ ವೇಗಿತೋಽನ್ಯಕಾರ್ಯಃ ಸ್ಯಾನ್ನಾಜಿತ್ವಾ ಸಾಧ್ಯಮಾಮಯಮ್||೧೯||

Adhikarana dharmaprAdhAnyam (20) · Śloka 20

ಸುಖಾರ್ಥಾಃ ಸರ್ವಭೂತಾನಾಂ ಮತಾಃ ಸರ್ವಾಃ ಪ್ರವೃತ್ತಯಃ| ಸುಖಂ ಚ ನ ವಿನಾ ಧರ್ಮಾತ್ತಸ್ಮಾದ್ಧರ್ಮಪರೋ ಭವೇತ್||೨೦||

Adhikarana mitrAmitrANAM svIkAraparityAgau (21) · Śloka 21

ಭಕ್ತ್ಯಾ ಕಲ್ಯಾಣಮಿತ್ರಾಣಿ ಸೇವೇತೇತರದೂರಗಃ| |೨೧|

Adhikarana hiMsAdipApaniShedhaH (21-22) · Śloka 22

| ಹಿಂಸಾಸ್ತೇಯಾನ್ಯಥಾಕಾಮಂ ಪೈಶುನ್ಯಂ ಪರುಷಾನೃತೇ||೨೧|| ಸಮ್ಭಿನ್ನಾಲಾಪಂ ವ್ಯಾಪಾದಮಭಿಧ್ಯಾಂ ದೃಗ್ವಿಪರ್ಯಯಮ್| ಪಾಪಂ ಕರ್ಮೇತಿ ದಶಧಾ ಕಾಯವಾಙ್ಮನಸೈಸ್ತ್ಯಜೇತ್||೨೨||

Adhikarana shaktito~avRutyAdyAnuvartanam (23) · Śloka 23

ಅವೃತ್ತಿವ್ಯಾಧಿಶೋಕಾರ್ತಾನನುವರ್ತೇತ ಶಕ್ತಿತಃ| |೨೩|

Adhikarana kITAdiShvAtmavaddarshanam (23) · Śloka 23

| ಆತ್ಮವತ್ಸತತಂ ಪಶ್ಯೇದಪಿ ಕೀಟಪಿಪೀಲಿಕಮ್||೨೩||

Adhikarana devAdyarcanam (24) · Śloka 24

ಅರ್ಚಯೇದ್ದೇವಗೋವಿಪ್ರವೃದ್ಧವೈದ್ಯನೃಪಾತಿಥೀನ್| |೨೪|

Adhikarana yAcakadveShaniShedhaH (24) · Śloka 24

| ವಿಮುಖಾನ್ನಾರ್ಥಿನಃ ಕುರ್ಯಾನ್ನಾವಮನ್ಯೇತ ನಾಕ್ಷಿಪೇತ್||೨೪||

Adhikarana paropakAraH (25) · Śloka 25

ಉಪಕಾರಪ್ರಧಾನಃ ಸ್ಯಾದಪಕಾರಪರೇಽಪ್ಯರೌ| |೨೫|

Adhikarana sampadAdau samacittatA, IrShyAniShedhaH (25) · Śloka 25

| ಸಮ್ಪದ್ವಿಪತ್ಸ್ವೇಕಮನಾ, ಹೇತಾವೀರ್ಷ್ಯೇತ್ಫಲೇ ನ ತು||೨೫||

Adhikarana BAShaNam (26) · Śloka 26

ಕಾಲೇ ಹಿತಂ ಮಿತಂ ಬ್ರೂಯಾದವಿಸಂವಾದಿ ಪೇಶಲಮ್| |೨೬|

Adhikarana sadvartanaprakAraH (26-27) · Śloka 27

| ಪೂರ್ವಾಭಿಭಾಷೀ, ಸುಮುಖಃ ಸುಶೀಲಃ ಕರುಣಾಮೃದುಃ||೨೬|| ನೈಕಃ ಸುಖೀ, ನ ಸರ್ವತ್ರ ವಿಶ್ರಬ್ಧೋ, ನ ಚ ಶಙ್ಕಿತಃ| |೨೭|

Adhikarana shatrutvAderaprakAshanam (27-28) · Śloka 28

| ನ ಕಞ್ಚಿದಾತ್ಮನಃ ಶತ್ರುಂ ನಾತ್ಮಾನಂ ಕಸ್ಯಚಿದ್ರಿಪುಮ್||೨೭|| ಪ್ರಕಾಶಯೇನ್ನಾಪಮಾನಂ ನ ಚ ನಿಃಸ್ನೇಹತಾಂ ಪ್ರಭೋಃ| |೨೮|

Adhikarana lokaprakRutyanusAreNa vartanam (28-29) · Śloka 29

| ಜನಸ್ಯಾಶಯಮಾಲಕ್ಷ್ಯ ಯೋ ಯಥಾ ಪರಿತುಷ್ಯತಿ||೨೮|| ತಂ ತಥೈವಾನುವರ್ತೇತ ಪರಾರಾಧನಪಣ್ಡಿತಃ| |೨೯|

Adhikarana indriyANAM lAlanapIDananiShedhaH (29) · Śloka 29

ನ ಪೀಡಯೇದಿನ್ದ್ರಿಯಾಣಿ ವ ಚೈತಾನ್ಯತಿ ಲಾಲಯೇತ್||೨೯||

Adhikarana trivargashUnyakarmAnAramBaH (30) · Śloka 30

ತ್ರಿವರ್ಗಶೂನ್ಯಂ ನಾರಮ್ಭಂ ಭಜೇತ್ತಂ ಚಾವಿರೋಧಯನ್| |೩೦|

Adhikarana sarvadharmaiShu madhyamamArgAnuvartanam nIcaromatvAdikam (30) · Śloka 30

| ಅನುಯಾಯಾತ್ಪ್ರತಿಪದಂ ಸರ್ವಧರ್ಮೇಷು ಮಧ್ಯಮಾಮ್||೩೦||

Adhikarana nIcaromatvAdikam snAnashIlAdiH (31) · Śloka 31

ನೀಚರೋಮನಖಶ್ಮಶ್ರುರ್ನಿರ್ಮಲಾಙ್ಘ್ರಿಮಲಾಯನಃ| ಸ್ನಾನಶೀಲಃ ಸುಸುರಭಿಃ ಸುವೇಷೋಽನುಲ್ಬಣೋಜ್ಜ್ವಲಃ||೩೧||

Adhikarana ratnAdidhAraNam (32) · Śloka 32

ಧಾರಯೇತ್ಸತತಂ ರತ್ನಸಿದ್ಧಮನ್ತ್ರಮಹೌಷಧೀಃ| |೩೨|

Adhikarana sa~jcAraprakAraH (32) · Śloka 32

| ಸಾತಪತ್ರಪದತ್ರಾಣೋ ವಿಚರೇದ್ಯುಗಮಾತ್ರದೃಕ್||೩೨||

Adhikarana nishi sa~jcAre visheShaH (33) · Śloka 33

ನಿಶಿ ಚಾತ್ಯಯಿಕೇ ಕಾರ್ಯೇ ದಣ್ಡೀ ಮೌಲೀ ಸಹಾಯವಾನ್| |೩೩|

Adhikarana caityAdicchhAyAdyAkramaNaniShedhaH (33-34) · Śloka 34

| ಚೈತ್ಯಪೂಜ್ಯಧ್ವಜಾಶಸ್ತಚ್ಛಾಯಾಭಸ್ಮತುಷಾಶುಚೀನ್||೩೩|| ನಾಕ್ರಾಮೇಚ್ಛರ್ಕರಾಲೋಷ್ಟಬಲಿಸ್ನಾನಭುವೋ ನ ಚ| |೩೪|

Adhikarana bAhuByAM nadItaraNaniShedhAdi (34-35) · Śloka 35

| ನದೀಂ ತರೇನ್ನ ಬಾಹುಭ್ಯಾಂ, ನಾಗ್ನಿಸ್ಕನ್ಧಮಭಿವ್ರಜೇತ್||೩೪|| ಸನ್ದಿಗ್ಧನಾವಂ ವೃಕ್ಷಂ ಚ ನಾರೋಹೇದ್ದುಷ್ಟಯಾನವತ್| |೩೫|

Adhikarana kShutyAdikaraNaprakAraH (35) · Śloka 35

| ನಾಸಂವೃತಮುಖಃ ಕುರ್ಯಾತ್ಕ್ಷುತಿಹಾಸ್ಯವಿಜೃಮ್ಭಣಮ್||೩೫||

Adhikarana nAsAvikoShaNaniShedhAdi (36) · Śloka 36

ನಾಸಿಕಾಂ ನ ವಿಕುಷ್ಣೀಯಾನ್ನಾಕಸ್ಮಾದ್ವಿಲಿಖೇದ್ಭುವಮ್| ನಾಙ್ಗೈಶ್ಚೇಷ್ಟೇತ ವಿಗುಣಂ, ನಾಸೀತೋತ್ಕಟಕಶ್ಚಿರಮ್||೩೬||

Adhikarana SramAtprAgdohavAkceShTAH (37) · Śloka 37

ದೇಹವಾಕ್ಚೇತಸಾಂ ಚೇಷ್ಟಾಃ ಪ್ರಾಕ್ ಶ್ರಮಾದ್ವಿನಿವರ್ತಯೇತ್| ನೋರ್ಧ್ವಜಾನುಶ್ಚಿರಂ ತಿಷ್ಠೇತ್|೩೭|

Adhikarana rAtrau drumAdisevananiShedhaH,sUnAdisevananiShedhaH (37-38) · Śloka 38

ನಕ್ತಂ ಸೇವೇತ ನ ದ್ರುಮಮ್||೩೭|| ತಥಾ ಚತ್ವರಚೈತ್ಯಾನ್ತಶ್ಚತುಷ್ಪಥಸುರಾಲಯಾನ್| ಸೂನಾಟವೀಶೂನ್ಯಗೃಹಶ್ಮಶಾನಾನಿ ದಿವಾಽಪಿ ನ||೩೮||

Adhikarana udyadAdityadarshananiShedhAdi (39) · Śloka 39

ಸರ್ವಥೇಕ್ಷೇತ ನಾದಿತ್ಯಂ, ನ ಭಾರಂ ಶಿರಸಾ ವಹೇತ್| ನೇಕ್ಷೇತ ಪ್ರತತಂ ಸೂಕ್ಷ್ಮಂ ದೀಪ್ತಾಮೇಧ್ಯಾಪ್ರಿಯಾಣಿ ಚ||೩೯||

Adhikarana madyavikrayAdiniShedhaH (40) · Śloka 40

ಮದ್ಯವಿಕ್ರಯಸನ್ಧಾನದಾನಾದಾನಾನಿ ನಾಚರೇತ್| |೪೦|

Adhikarana purovAtAdityAgAdi (40-44) · Śloka 44

| ಪುರೋವಾತಾತಪರಜಸ್ತುಷಾರಪರುಷಾನಿಲಾನ್||೪೦|| ಅನೃಜುಃ ಕ್ಷವಥೂದ್ಗಾರಕಾಸಸ್ವಪ್ನಾನ್ನಮೈಥುನಮ್| ಕೂಲಛಾಯಾಂ ನೃಪದ್ವಿಷ್ಟಂ ವ್ಯಾಲದಂಷ್ಟ್ರಿವಿಷಾಣಿನಃ||೪೧|| ಹೀನಾನಾರ್ಯಾತಿನಿಪುಣಸೇವಾಂ ವಿಗ್ರಹಮುತ್ತಮೈಃ| ಸನ್ಧ್ಯಾಸ್ವಭ್ಯವಹಾರಸ್ತ್ರೀಸ್ವಪ್ನಾಧ್ಯಯನಚಿನ್ತನಮ್||೪೨|| ಶತ್ರುಸತ್ರಗಣಾಕೀರ್ಣಗಣಿಕಾಪಣಿಕಾಶನಮ್| ಗಾತ್ರವಕ್ತ್ರನಖೈರ್ವಾದ್ಯಂ ಹಸ್ತಕೇಶಾವಧೂನನಮ್||೪೩|| ತೋಯಾಗ್ನಿಪೂಜ್ಯಮಧ್ಯೇನ ಯಾನಂ ಧೂಮಂ ಶವಾಶ್ರಯಮ್| ಮದ್ಯಾತಿಸಕ್ತಿಂ ವಿಶ್ರಮ್ಭಸ್ವಾತನ್ತ್ರ್ಯೇ ಸ್ತ್ರೀಷು ಚ ತ್ಯಜೇತ್||೪೪||

Adhikarana sarvaceShTAsu lokopadeShTRutvam (45) · Śloka 45

ಆಚಾರ್ಯಃ ಸರ್ವಚೇಷ್ಟಾಸು ಲೋಕ ಏವ ಹಿ ಧೀಮತಃ| ಅನುಕುರ್ಯಾತ್ತಮೇವಾತೋ ಲೌಕಿಕೇಽರ್ಥೇ ಪರೀಕ್ಷಕಃ||೪೫||

Adhikarana sadvratasvarUpam (46) · Śloka 46

ಆರ್ದ್ರಸನ್ತಾನತಾ ತ್ಯಾಗಃ ಕಾಯವಾಕ್ಚೇತಸಾಂ ದಮಃ| ಸ್ವಾರ್ಥಬುದ್ಧಿಃ ಪರಾರ್ಥೇಷು ಪರ್ಯಾಪ್ತಮಿತಿ ಸದ್ವ್ರತಮ್||೪೬||

Adhikarana AcArAvahitatvam (47) · Śloka 47

ನಕ್ತಂದಿನಾನಿ ಮೇ ಯಾನ್ತಿ ಕಥಮ್ಭೂತಸ್ಯ ಸಮ್ಪ್ರತಿ| ದುಃಖಭಾಙ್ನ ಭವತ್ಯೇವಂ ನಿತ್ಯಂ ಸನ್ನಿಹಿತಸ್ಮೃತಿಃ||೪೭||

Adhikarana AcAraphalam (2) · Śloka 2

ಇತ್ಯಾಚಾರಃ ಸಮಾಸೇನ, ಯಂ ಪ್ರಾಪ್ನೋತಿ ಸಮಾಚರನ್| ಆಯುರಾರೋಗ್ಯಮೈಶ್ವರ್ಯಂ ಯಶೋ ಲೋಕಾಂಶ್ಚ ಶಾಶ್ವತಾನ್||೪೮|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನು ಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙ್ಗಹೃದಯಸಂಹಿತಾಯಾಂ ಸೂತ್ರಸ್ಥಾನೇ ದಿನಚರ್ಯಾ ನಾಮ ದ್ವಿತೀಯೋಽಧ್ಯಾಯಃ||೨||