11. dōśāhivijñānīyādhyāyaḥ

Adhikarana doShAdivij~jAnIyAdhyAyaH (2) · Śloka 2

রসভেদীযাদনন্তরং দোষাদিবিজ্ঞানীয আরভ্যতে| যতো "দোষভেষজবশাদুপযোজ্যাঃ" ইত্যুক্তম্, অত ঈদৃক্স্বরূপাস্তে দোষা ইতি জ্ঞাপনার্থমধ্যাযোঽযমুচ্যতে - - - - অথাতো দোষাদিবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| গদ্যসূত্রে||২||

Adhikarana dehasya mUlaM doShAdayaH (1) · Śloka 1

দোষধাতুমলা মূলং সদা দেহস্য--| |১|

Adhikarana vAyoH sAmyalakShaNam, pittasya sAmyalakShaNam, shcleShmaNaH sAmyalakShaNam (1-3) · Śloka 3

তং চলঃ| উত্সাহোচ্ছ্বাসনিশ্বাসচেষ্টাবেগপ্রবর্তনৈঃ||১|| সম্যগ্গত্যা চ ধাতূনামক্ষাণাং পাটবেন চ| অনুগৃহ্ণাত্যবিকৃতঃ, পিত্তং পক্ত্যূষ্মদর্শনৈঃ||২|| ক্ষুত্তৃড্রুচিপ্রভামেধাধীশৌর্যতনুমার্দবৈঃ| শ্লেষ্মা স্থিরত্বস্নিগ্ধত্বসন্ধিবন্ধক্ষমাদিভিঃ||৩||

Adhikarana dhAtUnAM shreShThakarmANi (4) · Śloka 4

ইদানীং ধাতূনাং কর্মাণ্যাহ - - - - প্রীণনং জীবনং লেপঃ স্নেহো ধারণপূরণে| গর্ভোত্পাদশ্চ ধাতূনাং শ্রেষ্ঠং কর্ম ক্রমাত্স্মৃতম্||৪||

Adhikarana malAnAM karmANi (5) · Śloka 5

ইদানীং মলানাং কর্মাণ্যাহ - - - - অবষ্টম্ভঃ পুরীষস্য, মূত্রস্য ক্লেদবাহনম্| স্বেদস্য ক্লেদবিধৃতিঃ|৫|

Adhikarana vRuddhavAyoH karmANi (5-6) · Śloka 6

| বৃদ্ধস্তু কুরুতেঽনিলঃ||৫|| কার্শ্যকার্ষ্ণ্যোষ্ণকামত্বকম্পানাহশকৃদ্গ্রহান্| বলনিদ্রেন্দ্রিযভ্রংশপ্রলাপভ্রমদীনতাঃ||৬||

Adhikarana vRuddhapittasya karmANi (7) · Śloka 7

পীতবিণ্মূত্রনেত্রত্বক্ক্ষুত্তৃড্দাহাল্পনিদ্রতাঃ| পিত্তম্|৭|

Adhikarana vRuddhashleshmaNaH karmANi (7-8) · Śloka 8

| শ্লেষ্মাঽগ্নিসদনপ্রসেকালস্যগৌরবম্||৭|| শ্বৈত্যশৈত্যশ্লথাঙ্গত্বং শ্বাসকাসাতিনিদ্রতাঃ| |৮|

Adhikarana vRuddharasasya karmANi (8) · Śloka 8

| রসোঽপি শ্লেষ্মবত্|৮|

Adhikarana vRuddharaktasya karmANi (8-9) · Śloka 9

| রক্তং বিসর্পপ্লীহবিদ্রধীন্||৮|| কুষ্ঠবাতাস্রপিত্তাস্রগুল্মোপকুশকামলাঃ| ব্যঙ্গাগ্নিনাশসম্মোহরক্তত্বঙ্নেত্রমূত্রতাঃ||৯||

Adhikarana vRuddhamAMsasya karmANi (10) · Śloka 10

মাংসং গণ্ডার্বুদগ্রন্থিগণ্ডোরূদরবৃদ্ধিতাঃ| কণ্ঠাদিষ্বধিমাংসং চ|১০|

Adhikarana vRuddhamedasaH karmANi (10-11) · Śloka 11

তদ্বন্মেদস্তথা শ্রমম্||১০|| অল্পেঽপি চেষ্টিতে শ্বাসং স্ফিক্স্তনোদরলম্বনম্| |১১|

Adhikarana vRuddhAsthnaH karmANi (11) · Śloka 11

| অস্থ্যধ্যস্থ্যধিদন্তাংশ্চ|১১|

Adhikarana vRuddhamajj~jaH karmANi (11-12) · Śloka 12

মজ্জা নেত্রাঙ্গগৌরবম্||১১|| পর্বসু স্থূলমূলানি কুর্যাত্কৃচ্ছ্রাণ্যরূংষি চ| |১২|

Adhikarana vRuddhashukrasya karmANi (12) · Śloka 12

| অতিস্ত্রীকামতাং বৃদ্ধং শুক্রং শুক্রাশ্মরীমপি||১২||

Adhikarana vRuddhashakRutaH karmANi (13) · Śloka 13

কুক্ষাবাধ্মানমাটোপং গৌরবং বেদনাং শকৃত্| |১৩|

Adhikarana vRuddhamUtrasya karmANi (13) · Śloka 13

| মূত্রং তু বস্তিনিস্তোদং কৃতেঽপ্যকৃতসংজ্ঞতাম্||১৩||

Adhikarana vRuddhasvedasya karmANi (14) · Śloka 14

স্বেদোঽতিস্বেদদৌর্গন্ধ্যকণ্ডূঃ| |১৪|

Adhikarana evaM dUShikAdayo malAH (14) · Śloka 14

এবং চ লক্ষযেত্| দূষিকাদীনপি মলান্ বাহুল্যগুরুতাদিভিঃ||১৪||

Adhikarana kShINAnilasya karmANi (15) · Śloka 15

বৃদ্ধানাং বাতাদীনাং লিঙ্গান্যভিধায, ক্ষীণানাং বাতাদীনাং লিঙ্গান্যাহ - - - - লিঙ্গং ক্ষীণেঽনিলেঽঙ্গস্য সাদোঽল্পং ভাষিতেহিতম্| সংজ্ঞামোহস্তথা শ্লেষ্মবৃদ্ধযুক্তামযসম্ভবঃ||১৫||

Adhikarana kShINapittasya karmANi (16) · Śloka 16

পিত্তে মন্দোঽনলঃ শীতং প্রভাহানিঃ| |১৬|

Adhikarana kShINakaphasya karmANi (16) · Śloka 16

কফে ভ্রমঃ| শ্লেষ্মাশযানাং শূন্যত্বং হৃদ্দ্রবঃ শ্লথসন্ধিতা||১৬||

Adhikarana kShINarasasya karmANi (17) · Śloka 17

রসে রৌক্ষ্যং শ্রমঃ শোষো গ্লানিঃ শব্দাসহিষ্ণুতা| |১৭|

Adhikarana kShINaraktasya karmANi (17) · Śloka 17

| রক্তেঽম্লশিশিরপ্রীতিশিরাশৈথিল্যরূক্ষতাঃ||১৭||

Adhikarana kShINamAMsasya karmANi (18) · Śloka 18

মাংসেঽক্ষগ্লানিগণ্ডস্ফিক্ঽঽশুষ্কতাসন্ধিবেদনাঃ| |১৮|

Adhikarana kShINamedasaH karmANi (18) · Śloka 18

| মেদসি ক্ষীণে কট্যাঃ প্লীহ্নো বৃদ্ধিঃ কৃশাঙ্গতা||১৮||

Adhikarana kShINasyAsthnaH karmANi (19) · Śloka 19

অস্থ্ন্যস্থিতোদঃ শদনং দন্তকেশনখাদিষু| |১৯|

Adhikarana kShINamajj~jaH karmANi (19) · Śloka 19

| অস্থ্নাং মজ্জনি সৌষির্যং ভ্রমস্তিমিরদর্শনম্||১৯||

Adhikarana kShINashukrasya karmANi (20) · Śloka 20

শুক্রে চিরাত্ প্রসিচ্যেত শুক্রং শোণিতমেব বা| তোদোঽত্যর্থং বৃষণযোর্মেঢ্রং ধূমাযতীব চ||২০||

Adhikarana kShINapurIShasya karmANi (21) · Śloka 21

পুরীষে বাযুরন্ত্রাণি সশব্দো বেষ্টযন্নিব| কুক্ষৌ ভ্রমতি যাত্যূর্ধ্বং হৃত্পার্শ্বে পীডযন্ ভৃশম্||২১||

Adhikarana kShINamUtrasya karmANi (22) · Śloka 22

মূত্রেঽল্পং মূত্রযেত্কৃচ্ছ্রাদ্বিবর্ণং সাস্রমেব বা| |২২|

Adhikarana kShINasvedasya karmANi (22) · Śloka 22

| স্বেদে রোমচ্যুতিঃ স্তব্ধরোমতা স্ফুটনং ত্বচঃ||২২||

Adhikarana ghrANAmalAnAM kShayali~ggam (23) · Śloka 23

ইদানীং ঘ্রাণাদিমলানামপি সামান্যেনক্ষযলিঙ্গমাহ - - - - মলানামতিসূক্ষ্মাণাং দুর্লক্ষ্যং লক্ষযেত্ ক্ষযম্| স্বমলাযনসংশোষতোদশূন্যত্বলাঘবৈঃ||২৩||

Adhikarana doShadhAtumalAnAM samAsato vRuddhikShayanidAnam (24-25) · Śloka 25

এবং ব্যাসেন দোষধাতুমলানাং বৃদ্ধিক্ষযাবভিধায সমাসতোঽভিধাতুমিদমাহ- দোষাদীনাং যথাস্বং চ বিদ্যাদ্দৃদ্ধিক্ষযৌ ভিষক্| ক্ষযেণ বিপরীতানাং গুণানাং বর্ধনেন চ||২৪|| বৃদ্ধিং মলানাং সঙ্গাচ্চ ক্ষযং চাতি বিসর্গতঃ| |২৫|

Adhikarana kShayavRuddhyoH pIDAkaratve tAratamyam (25) · Śloka 25

| মলোচিতত্বাদ্দেহস্য ক্ষযো বৃদ্ধেস্তু পীডনঃ||২৫||

Adhikarana doShadUShyayorAshrayAshrayibhAvaH, AshrayAshrayibhAvasya phalam, apavAdaH, vRuddhikShayajavikAreShu la~gghana bRuMhaNam (26-29) · Śloka 29

অথ দোষাদীনামাশ্রযাশ্রযিভাবং দর্শযতি - - - - তত্রাস্থনি স্থিতো বাযুঃ, পিত্তং তু স্বেদরক্তযোঃ| শ্লেষ্মা শেষেষু, তেনৈষামাশ্রযাশ্রযিণাং মিথঃ||২৬|| যদেকস্য তদন্যস্য বর্ধনক্ষপণৌষধম্| অস্থিমারুতযোর্নৈবং, প্রাযো বৃদ্ধির্হি তর্পণাত্||২৭|| শ্লেষ্মণাঽনুগতা তস্মাত্ সঙ্ক্ষযস্তদ্বিপর্যাত্| বাযুনাঽনুগতোঽস্মাচ্চ বৃদ্ধিক্ষযসমুদ্ভবান্||২৮|| বিকারান্ সাধযেচ্ছীঘ্রং ক্রমাল্লঙ্ঘনবৃংহণৈঃ| |২৯|

Adhikarana apavAdaH (29) · Śloka 29

ননু, এবং বাতবৃদ্ধ্যুত্থান্ বিকারান্ লঙ্ঘনৈস্তত্ক্ষযোত্থান্ বৃংহণৈরিতি স্যাত্| অত ইদমাহ - - - - | বাযোরন্যত্র, তজ্জাংস্তু তৈরেবোত্ক্রমযোজিতৈঃ||২৯||

Adhikarana raktavRuddhyutthAdInAM raktasrutivirecanAdibhirupakramaH, dhAtorvRuddhikShayakaraNaprakAraH (30-33) · Śloka 33

দোষাণাং বিশেষচিকিত্সেহ নোক্তা, দোষোপক্রমণীযে বক্ষ্যমাণত্বাত্| রসচিকিত্সা চ "রসোঽপি শ্লেষ্মবত্" ইত্যুক্তের্নেহ পুনর্নির্দিষ্টা| অতো রক্তাদীনাং চিকিত্সামাহ - - - - বিশেষাদ্রক্তবৃদ্ধ্যুত্থান্ রক্তস্রুতিবিরেচনৈঃ| মাংসবৃদ্ধিভবান্ রোগান্ শস্ত্রক্ষারাগ্নিকর্মভিঃ||৩০|| স্থৌল্যকার্শ্যোপচারেণ মেদোজানস্থিসঙ্ক্ষযাত্| জাতান্ ক্ষীরঘৃতৈস্তিক্তসংযুতর্বস্তিভিস্তথা||৩১|| বিড্বৃদ্ধিজানতীসারক্রিযযা, বিট্ক্ষযোদ্ভবান্| মেষাজমধ্যকুল্মাষযবমাষদ্বযাদিভিঃ||৩২|| মূত্রবৃদ্ধিক্ষযোত্থাংশ্চ মেহকৃচ্ছ্রচিকিত্সযা| ব্যাযামাভ্যঞ্জনস্বেদমদ্যৈঃ স্বেদক্ষযোদ্ভবান্||৩৩||

Adhikarana dhAtujAnAmupakramAntaram (34-35) · Śloka 35

স্বস্থানস্থস্য কাযগ্নেরংশা ধাতুষু সংশ্রিতাঃ| তেষাং সাদাতিদীপ্তিভ্যাং ধাতুবৃদ্ধিক্ষযোদ্ভবঃ||৩৪|| পূর্বো ধাতুঃ পরং কুর্যাদ্দৃদ্ধঃ ক্ষীণশ্চ তদ্বিধম্| |৩৫|

Adhikarana vRuddhikShayavikArasaMprAptiH, malAyanAni (35-36) · Śloka 36

| দোষা দুষ্টা রসৈর্ধাতূন্ দূষযন্ত্যুভযে মলান্||৩৫|| অধো দ্বে, সপ্ত শিরসি, খানি স্বেদবহানি চ| মলা মলাযনানি স্যুর্যথাস্বং তেষ্বতো গদাঃ||৩৬||

Adhikarana ojasaH prAdhAnyam (37-39) · Śloka 39

দোষধাতুমলানাং সমবিষমাবস্থা গদিতা| ওজসস্তু নিরূপযন্নাহ - - - - ওজস্তু তেজো ধাতূনাং শুক্রান্তানাং পরং স্মৃতম্| হৃদযস্থমপি ব্যাপি দেহস্থিতিনিবন্ধনম্||৩৭|| স্নিগ্ধং সোমাত্মকং শুদ্ধমীষল্লোহিতপীতকম্| যন্নাশে নিযতং নাশো যস্মিংস্তিষ্ঠতি তিষ্ঠতি||৩৮|| নিষ্পদ্যন্তে যতো ভাবা বিবিধা দেহসংশ্রযাঃ| |৩৯|

Adhikarana ojaHkShayalakShaNaM cikitsA (39-41) · Śloka 41

| ওজঃ ক্ষীযেত কোপক্ষুদ্ধ্যানশোকশ্রমাদিভিঃ||৩৯|| বিভেতি দুর্বলোঽভীক্ষ্ণং ধ্যাযতি ব্যথিতেন্দ্রিযঃ| দুঃচ্ছাযো দুর্মনা রূক্ষো ভবেত্ক্ষামশ্চ তত্ক্ষযে||৪০|| জীবনীযৌষধক্ষীররসাদ্যাস্তত্র ভেষজম্| |৪১|

Adhikarana ojovRuddhilakShaNam (41) · Śloka 41

| ওজোবৃদ্ধৌ হি দেহস্য তুষ্টিপুষ্টিবলোদযঃ||৪১||

Adhikarana saMkShepeNa vRuddhikShayabheShajakathanam (42) · Śloka 42

ইদানীং সঙ্ক্ষেপেণ বৃদ্ধিক্ষযভেষজং কথযন্নাহ - - - - যদন্নং দ্বেষ্টি যদপি প্রার্থযেতাবিরোধি তু| তত্তত্ত্যজন্ সমশ্নংশ্চ তৌ তৌ বৃদ্ধিক্ষযৌ জযেত্||৪২||

Adhikarana yathArucyupacArasya nAnucitatvam, vAtAdInAM viparItasamAnayo rucikaratvam (43) · Śloka 43

ননু, দ্বেষ্যান্নত্যাগেনেষ্টান্নভক্ষণেন | চ ] কুতো হেতোর্দোষাণাং বৃদ্ধিক্ষযৌ জযেত্ ? ইত্যাহ - - - - কুর্বতে হি রুচিং দোষা বিপরীতসমানযোঃ| বৃদ্ধাঃ ক্ষীণাশ্চ ভূযিষ্ঠং লক্ষযন্ত্যবুধাস্তু ন||৪৩||

Adhikarana uktayo rucidveShayorupapattiH (44) · Śloka 44

ন চানেনৈব লক্ষণেন বৃদ্ধাঃ ক্ষীণাশ্চ লক্ষণীযাঃ| কিং তর্হি ? অন্যদপি লক্ষণমস্তীত্যাহ - - - - যথাবলং যথাস্বং চ দোষা বৃদ্ধা বিতন্বতে| রূপাণি, জহতি ক্ষীণাঃ, সমাঃ স্বং কর্ম কুর্বতে||৪৪||

Adhikarana doShavaiShamyAnutpAdane yatnaH (11) · Śloka 11

ক্ষীণা দোষাঃ ক্ষীণত্বাদেবাকিঞ্চিত্করত্বাত্ কদাচিত্পীডাং নোত্পাদযন্ত্যেব, ইতি বিচিন্ত্যাল্পমতযো বৈদ্যাঃ ক্ষীণদোষবর্ধনার্থং কদাচিদনাদরং কুর্যুরিত্যাহ - - - - য এব দেহস্য সমা বিবৃদ্ধ্যৈ ত এব দোষা বিষমা বধায| যস্মাদতস্তে হিতচর্যযৈব ক্ষযাদ্বিবৃদ্ধেরিব রক্ষণীযাঃ||৪৫|| ইতি শ্রীবৈদ্যপতিসিংহগুপ্তসুনূশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে দোষাদিবিজ্ঞানীযো নামৈকাদশোঽধ্যাযঃ||১১||